寿々乃

营业中

休息中

進入壽司的環節師傅拿出新鮮大魚，在我們面前切開。一下在中間切開，確實沒有慳料，也看到肉質非常靚。最後切出吞拿魚的三個部位，包括中身和拖羅。期後師傅繼續處理不同的魚類，間中向我們展示魚的樣子，解說生動，感覺邊吃邊上了生物課！這是金目雕一共十款，見到都急不及待！魴鮄金目雕 來自熱海，連皮吃好香濃關青魚 來自九州帆立貝 來自青森 昆布潰三隻蝦 來自岩手県池魚 來自神奈村槍魷魚 來自福崗中身 來自和歌 好香拖羅中身廋肉 醬油潰 囗感好滑 愈後期師傅會調整壽司飯量，愈整愈細舊，以免客人太飽，好貼心。而且壽司飯醋飯比例以及飯的軟硬度很完美，其實舊飯已經很惹味。坐在香港已經吃到日本不同地區超級新鮮的海鮮，超滿意！北海道海膽手捲十位客人剛好用完一盒海膽，足料到見唔到舊飯。麵豉湯湯內也有魚肉，暖暖胃！最後的甜品是 "十勝紅豆水羊更"自家做，不會太甜，紅豆真係好香，本人好喜歡。配上香甜的富良野哈蜜瓜，完美作結！如果想找一個地方食一餐好，預算足夠的話這裡是不二之選！我唸香港未必搵到另一間享用到咁高質又良心又精彩的omakase！

今日朋友帶咗我嚟跑馬地食Omakase，由於好難book，係9月尾book 到11月先有位。今晚七點就到咗師傅已經準備緊食材，飲啖茶之後，傾咗兩句就好快開始。先上一個好靚嘅前菜，有成五、六種食物，仲要係啱晒季節，例如栗子、銀杏等等。 食完就再上一個湯，係燒秋刀魚同埋唔同菇菌煮湯，少少杰身。好鮮甜。之後就食剌身，有羽太、縞鰺、水八爪魚、北寄貝、根子配蕪菁蓉。師傅就最搞鬼，成條八爪魚腳拎出嚟。之後仲有香箱蟹、醬油白子。佢居然拎咗一埋蟹俾我地睇，娛樂性夠晒豐富。之後去到食壽司嘅時間。都有成10件壽司。有鯛、八角(師傅又拎條魚出嚟😂）、鰤魚、槍尤魚、帆立貝、甜蝦、秋刀魚、中拖羅、大拖羅、天身。之後仲有一條海膽手卷添。真係飽飽。約埋碗湯食埋甜品，琴日就過咗兩個半鐘，真係好開心。

第二次到訪，想book位都有d難度但品質一如既往高質，師傅健談和歌山真羽太，師傅介紹即是石班，配上酸汁酸蘿蔔食，仲有柚子同青檸混合體，微酸更可以帶出魚既鮮味熊本鰝鰺，有豐富既油脂，口感似油甘魚富山蝦-白海老質感同甜蝦好相似，但好細條水八爪魚，好爽，配醬油漬wasabi佐賀赤背，即是象拔蚌，重海水味之後有個昆布醬油白子，全熟的，平時唔食白子既我都覺得呢個易入口！炸白海老蝦丸，口感非常綿密！同平時食既蝦丸完全比唔上！之後係10款壽司京都赤子貝熱海 金目鯛連魚皮食的，脂肪豐厚，味道濃厚冰見寒鰤，第一次食，口感細膩，風味鮮甜係冬天先會有既品種！長崎池魚，帶點油甘，係我心目中既top 2！昆布漬 青森帆立貝，好鮮甜！槍魷魚，肉質爽韌，非常鮮味！霜降吞拿魚，只係加左鹽就己經可以帶出鮮味，油脂非常豐富！另一款吞拿魚係我既top 1, 魚既鮮味較濃，而且無上一款咁多油脂，balance得岩岩好最後係北海道既馬糞海膽手捲！海膽好鮮甜，而且份量慷慨！好滿足既一晚！

第二次嚟到寿々乃，上次午餐非常滿足。由於佢哋booking 好full ，終於book到今晚試吓佢哋100%嘅實力。好好彩今晚只係得4位客人，可以同師傅多啲交流。先上一個前菜拼盤，個裝飾好似禮物咁你可以親手拆開，好有儀式感。裏便都係秋尾嘅應節食物，包括銀杏、太刀魚八幡卷、明太子鯛魚絲、烏魚子、栗子。 之後有個啱季節嘅湯，係燒秋刀魚山之子煮湯，山之子係各式唔同嘅菇菌。係食緊前菜時已經準備緊接住落嚟嗰五道刺身。亦係開始睇表演嘅時間，先上羽太刺身，肉質結實，配醋橘同檸檬醋同食。之後有嚟自天草嘅縞鰺，又肥又爽。之後食水八爪魚加醬油漬wasabi，師傅將成條八爪魚嘅拎出嚟俾我哋睇，相當之巨型。跟著又有北寄貝，將佢拍落砧板度仲識得郁。最後仲有根子配蕪菁。係食刺身當中，仲有炸沙甸魚苗餅俾我哋餸酒，相當香口。之後嘅兩度季節料理分別係香箱蟹同埋昆布醬油燒白子。唔洗剝殼嘅蟹等於已經贏晒。白子亦味濃。都係當做食物。之後嘅壽司環節更加係全晚重點。有靜岡金目鯛連皮，有好似阿凡達生物嘅八角魚、肥肥嘅鰤、槍尤魚、昆布漬帶子、岩手県甜蝦、啱曬季節嘅北海道秋刀配薑蔥、冇人唔鍾意嘅中拖羅、大拖羅，反而擺去太拖羅後邊食嘅極

朋友話想一齊試吓Omakase，我就上網做功課，最後揀呢咗間位於跑馬地好多人推薦嘅Omakase。我哋點咗最豐富嘅Omakase套餐，Menu概括寫咗套餐會包括前菜，刺身，壽司，料理，湯，甜品等等。師傅會揀選時令材料去製作呢一餐，充滿驚喜，令人期待。菜式比想像中要多，以下揀啲令我印象深刻嘅食物介紹一下。前菜係栗子銀杏烏魚子蘿蔔魷魚。第一道菜式嘅賣相已經非常有驚喜，而且豐富。秋刀魚湯充滿菇嘅香氣，熱辣辣好暖胃。真羽太爽甜鮮味。三文魚籽好爽甜，呢種新鮮嘅口感同平時食嘅好唔一樣，再配上柚子蘿蔔蓉，清新美味。白粟米+黃粟米，簡單而吸引，非常清甜。真鯛口感好爽，有淡淡嘅鮮甜。鯖魚肥美新鮮。昆布漬帶子 ，帶子充滿醬油香氣，口感軟滑，好好食。一次過試晒三款唔同部位嘅吞拿魚！包括中吞拿，大吞拿魚腩，同埋醬油漬吞拿魚。大吞拿魚腩超級肥美，但我最鍾意嘅係醬油漬吞拿魚，口感非常軟滑，味道好濃。北海道馬糞海膽令我非常難忘，份量一啲都唔吝嗇，一口吃下濃郁嘅海膽，非常甘甜，簡直係衝擊味蕾富良野赤肉瓜+沖繩熱情果芝士餅。師傅提醒赤肉瓜已經非常甜美，而芝士餅因為係自家製，所以做咗少甜，所以可以先食芝士餅，再食赤肉瓜。

唔係第一次食貴價嘅omakase，但真係第一次喺香港識到啲咁高質嘅omakase，得罪講句真係好過唔少米芝蓮餐廳。老實講真係想私藏，好驚太多人去訂唔到枱，不過冇得揞住良心寫得衰。如果你係第一次食，建議你食咗其他先，你先會明白呢一間有幾高質。師傅相當有心，每一道菜嘅介紹都好詳盡，而喺過程入邊都會同我哋分享唔同嘅有趣小知識，而且個presentation好幽默。成餐飯食咗四個幾鐘，但係完全唔覺得辛苦、唔覺得悶，你話幾得人驚。‣ 雅 みやび $1880· 先付擺盤相當精緻不在話下，銀杏嘅微苦同丹波栗子嘅甘甜形成對比，烏魚子嘅鹹香同蘿蔔嘅爽甜又係一個對比，口感豐富得嚟又和諧，烏魚子甚至帶到俾我一種芝士嘅感覺。而太刀魚就包裹住牛蒡、淮山，味道豐富，前菜嘅開胃精緻令到你對之後嘅菜式都好期待。· 季節のスープ秋天嚟講點會少得蘑菇，呢一款係名副其實屬於秋天嘅湯。燒秋刀魚同埋木之子－蘑菇完美咁樣突顯咗秋天嘅味道，秋刀魚嘅炭香同埋木之子嘅鮮甜互相襯托，湯底清澈又溫暖，果然係暖心之作。· 刺身五點－真羽太（マハタ），嚟自和歌山，亦都係我哋熟悉嘅石斑，係屬於高級嘅魚生，漁獲嘅數量都唔多。肉質相當鮮美，唔會話

之前同朋友去左食omakase慶祝生日第一次食咁高級的廚師發辦廚師對日本十分熟悉，態度十分親切，對菜單和餐點的介紹也非常詳細周到，很主動帶動氣氛，會同食客傾計交流日本文化，仲有好多係熟客。座位不多，而且座無虛席，想食一定要提早預約。餐廳內環境安靜幽雅，簡約的日系裝潢，木質家具和簡單裝飾呈現出一種有種清雅且高級的氛圍，很適合慶祝和節日用餐。以先付形式無菜單料理，Menu 有個大概，食啲咩真係去到先知，而且餐點只會比菜單有多冇少，廚師話保證你食飽。食材係每天新鮮日本空運到港，而且不時不食，質素極高，味道更是比日本的更好吃。每一道菜都是驚喜的味道，廚師用了不同的方法為每一道菜帶出鮮味，分量也剛剛好。特別喜歡他們的大八爪魚刺身和吞拿魚三吃（醬油漬赤身，中拖羅，大拖羅）。

我諗呢一餐真係人生中食過最完美嘅Omakase。唔單只係食材嘅質素，而係師傅既用心。每一個細節都要考慮清楚，客人嘅情緒乃至桌上嘅節奏，握飯既份量更加拿捏妙到極，完全計算了客人食量，以及配搭各種魚類油脂的適合飯量，功力深厚一定要喺到講翻聲，多謝你師傅，好感恩有機會嘗試到您嘅設計同巧思，呢一種感動會深深比客人記着🤍食物未到前，廚師已經先warm welcome每一位客人，在桌邊感受到整體和諧的氣氛。鋪面以簡約木紋搭配雲石，營造出溫馨同時亦華麗的內部裝飾。餐廳需要等齊人才開始用膳，師傅風趣幽默，完全感受到點樣先至係一個有氣氛嘅筵席。師傅手藝非常非常值得一試，亦都忠於食材的原味，不過份花巧處理，為求嘅只係呈現一份鮮味比觀眾。要注意我呢度用觀眾呢隻字，係因為整個用餐體驗係一個完整嘅表演，非常非常推薦。//前菜1. 京都銀杏 牛旁 懷山 裡面藏著超甜的栗子和明太子魷魚，口感層次豐富。2. 燒秋刀魚湯 配上香菇和清新的紫蘇葉，湯碗清涼可口，秋天必備。刺身3. 紫蘇葉與檸檬醋搭配Mahata真羽太4. 深海池魚 鰝鰺，入口即化，帶來清新的海洋氣息。5. 炸沙甸魚 外脆內

聽朋友講跑馬地有一間好有名氣嘅Omakase餐廳，無論食物同環境氣氛都好好，所以今次就去體驗享受一餐我哋揀咗$1880呢個最豐盛嘅餐。由前菜。湯品。刺身。料理。壽司。味噌湯。甜品。每一道都係師傅以精挑細選嘅優質食材用心製作，聽著師傅介紹，再細心品嚐，享受味覺旅程。前菜。栗子銀杏烏魚子蘿蔔魷魚銀杏係新鮮嘅，所以顏色同平時嘅唔一樣。魷魚配上蘿蔔蓉，非常鮮甜。木之子。秋刀魚湯充滿濃濃嘅蘑菇香氣。真羽太真羽太係七帶石斑魚，肉質爽滑而富彈性，鮮味濃郁。 三重縣。甘海老肉質細綿，味道鮮甜。鹿兒島間八間八即是鰤魚，肉質鮮甜結實。筋子配柚子蘿蔔溶三文魚籽超級爽甜，口感一流，加上柚子蘿蔔蓉，整體味道清新。北海道水八爪魚八爪魚片同吸盤，兩個部位。魚片鮮甜，吸盤口感好爽。師傅向我哋介紹嘅時候，展示咗整條非常巨大嘅八爪魚腳，好震撼炸魚丸非常彈牙，再配上香而不辣嘅小辣椒。北海道白粟米。長崎黃粟米。白粟米好清甜，黃粟米嘅味道較濃，兩款都好好食真鯛師傅用咗一種叫燙白嘅烹調方式，快速地燙一燙，令魚皮微熟，同時保持魚肉爽口，非常美味。關鯖有別於平時食到嘅鯖魚，非常鮮甜。清心昆布漬帶子 帶子口感非常軟滑，而且充滿日式調味

呢日黎到跑緊地, 因為朋友生日!我地一早已經book 左呢間omakase同佢慶祝! 水準真係好高, 同埋同師傅的互動都係好多! 我地今日係一人1880, 水準真係高質, 超值, 入面成個VIBE好好, 同埋師傅都好好咁介紹每樣野食係D乜, 問多少少佢都會好詳細咁解釋, 絕對知道自己食緊咩同埋點食會食到食物既鮮味! 成個set有前菜,海產,刺身,熱食入面又有炸物,湯,夀司同埋甜品, 真係食到令人好滿意, 師傅會跟住大家既節奏去準備食物, 亦都顧及到每個人既進食節奏~ 我成晚我最中意就係海膽卷,另外, 熱食既炸蝦球都相當出色, 佢係熱辣辣, 同埋食到好香既蝦味! 呢度絕對係慶視既好地方!

Omakase 的魅力在於廚師的匠心，每一道菜都是一場與食材對話的旅程。這次的體驗，從頭到尾無不彰顯日本料理的精髓，將新鮮食材與精湛技藝融合，絕對是一場味覺盛宴。前菜四重奏 🎶🍴前菜部分，四款料理各有千秋。沖繩海藥搭配白海膽，入口如海潮般清新，鮮味馥郁。蟹刀魚配牛蒡與淮山，脆嫩的牛蒡與滑順的淮山形成完美對比，恰到好處地帶出蟹刀魚的細膩口感。風季前沢淡水蟹仔鹹香濃郁，與甘甜的黑豆組合帶來驚喜層次感。整個前菜如一場味覺交響曲，每一口都是細膩與鮮美的交織。湯煮鱧魚：刀工的藝術 🥣🔪鱧魚湯是一道匠心獨運的作品，廚師以精準的刀法，每厘米切出14刀，將多骨的鱧魚處理得入口即化。湯底融入柚子的清香與微苦，帶來一種溫潤的平衡感。「順菜」的加入更增加了消化的舒適體驗，令人每一口都感受到心思與用心。刺身的完美詮釋 🐟🌸刺身部分展現了魚生的本真滋味。Susuki鱸魚刺身，以紫蘇花與柚子醋調味，清新爽口，充滿層次。縞鰺刺身來自熊本近海，魚肉鮮嫩緊實，毫無腥味，令人一試難忘。這些刺身，無需多餘醬料，便可讓食材的質感與鮮味充分展現。煎炸與創意料理 🍤🔥炸沙甸魚魚苗外層酥脆，內裡鮮嫩，配合適中的鹽香，吃起來層次豐富

如果你係海鮮控，呢間Omakase餐廳真係會令你一試愛上！今晚每一道菜都充滿誠意，完全係味蕾同心靈嘅雙重享受！前菜開場就勁 🤩🥢第一道四重奏前菜已經令人「哇」聲不絕！沖繩海藥同白海膽超鮮，入口即刻有大海嘅感覺。蟹刀魚加牛蒡同淮山嘅組合，脆爽同滑順一次滿足。風季前沢蟹仔夠濃味，仲有黑豆嗰啲淡淡嘅甜，perfect配搭。鱧魚湯好有心思 🥣🍋湯煮鱧魚係我今晚最深刻之一，鱧魚用咗超誇張嘅14刀切法，入口完全無骨，超滑溜！柚子嘅香味散發喺湯底，每啖都令人舒服，仲有「順菜」幫你消化，好貼心呀～刺身係星級享受 🐟✨刺身部分真係冇得輸！Susuki鱸魚刺身加咗紫蘇花同柚子醋，食落清新又爽口。熊本捕獲嘅縞鰺刺身更係彈牙鮮甜，完全冇腥味，超正！煎炸小食好惹味 🍤🍽️炸沙甸魚魚苗外脆內嫩，咬落完全停唔到口！三重甘海老又鮮又甜，入口滑溜。水八爪魚嘅觸鬚長到可以用嚟拍戲，但味道真係鮮味爆表，完全令人忘返！壽司簡直夢幻 🍣💫壽司set每件都係靚到冇朋友，中拖羅大拖羅都肥美到入晒心，特別係大拖羅嘅蛇腹切法，入口即化，真係冇得挑剔。關鯖嘅鹹香味仲係今餐嘅hidden gem，清清淡淡就已經好味到爆。甜品收尾又正又甜 🍈

一間暫時係我食過最滿意嘅香港既omakase 喺我眼中omakase係一個好需要同師傅有交流既飯局所以每當我見到人哋話食omakase係想快既時候真係會好唔開心☹️但呢間就俾到我應有嘅感受，師傅帶到全場好有氣氛，足足食咗三個鐘❤️最重要師傅嘅見識真係好廣博，而且選用嘅食材都係每日新鮮到港，完全唔會因為慳錢去俾啲唔好嘅嘢客人食（因為我親眼見住佢揼咗好多食得嘅食物）師傅嘅口頭禪就係最緊要開心，成晚飯局真係好開心☺️前菜京都銀杏 太刀魚烏魚子栗子甘露煮明太子鯛魚配三河楓葉🍁湯好有驚喜，除咗有最基本各式各樣嘅菇，仲有鮮既秋冬魚，飲完暖笠笠九繪：即係龍躉，來自福岡，可點酸汁食間八 ：鮮，油份多👍👍炸沙甸魚魚條 咩時候食都得，令到個口唔洗咁悶，真係諗得周到北寄貝：鮮，仲可加鹽或豉油水八爪魚：分咗兩個部份，食肉同埋吸盤仲配咗靜岡wasibi，好特別，食到我俾師傅發現我好感動😹根子蘿蔔蓉：即係新鮮三文魚子，食落爆而且好甜冇平日食嘅腥味目光魚：炸好香唔太油，頭最香食落唔腥海老增丈：富山白蝦做既蝦丸，口感軟爽，食落香青椒好香仲唔辣大拖蛇腹中拖 （極上）赤身（瘦肉）最中間位青瓜，蘿蔔，薑 自己醃 3件refill

每次來到壽々乃，心裡總有一份期待。從多年前的太古店光顧至今，鄧師傅一如既往談笑風生，今次特意預訂日本直送新鮮毛蟹，只見師傳手起刀落，好快同蟹蟹講左再見😂 ，今次仲有海膽三重奏，由白海膽到紫海膽，再到馬糞海膽，有口福 （下集講）【前菜】 水雲配白海膽，入口的鮮甜與水雲的滑溜口感好融洽，唐墨與蘿蔔的清新搭配，恰到好處的鹹香。太刀魚、牛蒡同輕輕炸過的太刀魚骨刺入口酥脆【熱食】 澧魚清湯，帶點點柚子清香，鱧魚呢種細長魚，要用骨千刺（一種日本的去骨技術）目的是在保持魚肉完整的情況下，去除骨頭湯的口感極致清澈，卻又有一絲馥郁，溫潤又帶點涼意【毛蟹的藝術】 重頭戲自然是來自北海道的毛蟹。以四種形式呈現：刺身、茶碗蒸、天婦羅，最後甲羅燒。毛蟹刺身肉質細膩，鮮甜滿滿，蘸點清淡的醋橘，鮮味愈加豐富。茶碗蒸中的毛蟹出汁更是一絕，簡直是溫柔的鮮味轟炸。毛蟹天婦羅，最後再拆肉加甲羅燒，當日毛蟹超多膏，燒過後更是鮮濃愛媛縣 真鯛三重縣 甘海老關鯖 豐腴四國 真蠔@suzunojp

一入店鋪內已經見到師傅用心準備食材 開始前師傅有詢問我地有無某些食材唔食得/唔想食 之後替我地設計食物適逢一月正好係日本新年 ，師傅準備了日本傳統賀年食品， 擺設華麗 。師傅送上食物時亦送上新年祝福非常暖心 !食物包括鯛魚昆布漬 ,伊達卷 ,栗金團 ,海老，烏魚子等等。 師傅特意提醒烏魚子比較重味道可以配搭底部的蘿蔔一齊食! 之後師傅為我地遞上清湯 ，提及可以將柚子皮浸落湯中飲會帶出清香~ 湯中有車海老 湯飲落非常清甜，柚子帶出一陣清香，與湯非常配合刺身 - 真羽太 師傅話即係石班魚 ，配了真羽太肝醬及芽蔥 。一般是配搭酸汁但師傅話今次真羽太的肝靚，所以特意用肝整成醬汁 -富山冰見寒鰤 上面係中腹，下面係下腹。下腹更是難忘 ，油香更足- 香箱蟹 蟹蓋內有蟹腳肉， 蟹子， 蟹身肉及蟹膏，食落大滿足! 可配及碟中的醋及酸橘!- 富山白海老 師傅提供了三種食法 :原隻生炸， 非常適合當小食 ，送酒一流 !白海老刺身 : 清甜彈牙白海老真丈 : 將白海老整成炸蝦丸 三種吃法最喜歡海老真丈 , 彈牙可口 佐賀赤貝, 彈牙爽脆!三文魚子 ，無急凍 ，所以非常有彈性! 師傅為證明，仲重現電影食