居食屋「和民」 (已結業)

星期五同同事一行七人去咗康怡嗰間和民食晏，跟據張單我地喺 12.19 pm 叫咗:- 鯖魚燒定食 x 2- 流心芝士漢堡定食- 焗海鮮飯- 石鍋月見豚肉飯- 什錦魚生壽司飯配冷蕎麥麵- 冷野菜豚肉定食首先到嘅竟然係我嘅焗海鮮飯，分量一般，個飯比較乾身，同佢張相有 d 距離。之後陸陸續續都有嘢到，唯獨是兩條魚唔知游咗去邊。兩個同事問咗起碼三個唔同嘅人叫佢地跟，個個都無回音。差唔多到食飯時間完都無影，再問，個員工話三四分鐘，過咗三四分鐘另一個員工又話應該一兩分鐘，我地夠晒鐘，點食呀? 結果同事取消兩碟魚兼埋單。之後我問個員工攞投訴表佢話無，之後個經理嚟咗，又係一大串 "唔好意思"，點解 D 人唔明唔好意思唔係大晒呢?兩個同事等咗差唔多成個鐘都無得食呀，你唔好意思又點呢？得個講字又無行動表示。循例又話會同員工講，無下次咁，我即刻同佢講，已經唔係第一次啦 (我上個月同同事去食，又係要問幾個員工，差唔多夠鐘要走，三催四請先有得食，仲要連落單個員工都唔記得自己落過咩添)，茶餐廳服務質素都無咁差啦。服務差，食物同價錢都一般，全部同事一致決定以後唔會再去食

Watami continues to surprise on a monthly basis, I admit! The new or seasonal dishes that come out each month are really FUN to eat, and despite most of the food being previously frozen are cooked to a very good standard. Watami is probably the best quality Fast Food restaurant in the world to me, and I'm continually amazed by how they could keep such standards across the board and still come up with new menus on a regular basis! This is not the 1st time I've covered Watami and i

「和民」是我家較常光顧的食肆之一，每次想外出吃飯但又未有心水目標的話，「和民」必然是家人後備之選。假期前夕，當然又是發揮無飯主婦本色的大好時機 ，見兒子回港後，一家人還未來過這兒用膳，今晚就不作它想。每到星期五晚，出外吃飯的人，總是特別的多，雖然已提早於 6:45 pm 到達，仍需輪候 25 分鐘才能入座。番閱餐牌期間，店員推介一個東亞信用卡客戶尊享之 7 折限定 2 人前套餐，見價錢也頗實惠，只需 $214，就點了一份另加洋蔥圈一客。平時去開「和民」，前菜的沙律通常都是較迷你的，不過這份二人餐的照燒雞沙律，竟然以一個扁身闊口大湯碗盛載，而且望落去份量十分之多，絕無欺場。沙律材料以生菜、紫洋蔥、蕃茄、粟米和照燒雞件配上沙拉醬，蔬菜夠新鮮、照燒雞亦香濃可口，吃來甜酸醒胃，真不錯。至於兩款小食，炸雞軟骨不止造型可愛，而且仲炸得夠曬金黃香脆，口感非常豐富，絕對是佐酒的尚佳之物。另一款青蔥牛肉卷，以薄薄的牛肉片卷著青翠的蔥段，牛肉切得厚薄適中，口感都幾鬆軟，加上青蔥入口也很細嫩，再醮以醒胃的醬汁，簡直是魅力沒法擋。整個套餐最令人失望的要算是這個明太子香薯比薩，個 pizza 看來是早

大多數去依間野都要等好耐. 以前會覺得佢多野食選擇, 而且都幾OK好味, 又相對地平, 不過D服務真係好一時時, 所以最近都無乜點去LU.*****牛利片自己煎==========整左出黎, 又幾好味, 岩岩好D油份, 又容易煎, 而且香口.都幾好依個餸.*海鮮石頭飯 =========好多海鮮下, 大蝦(最多),帶子,再以蟹子同紫菜增加味道同質感差, 食落會覺得配合得幾好.*串燒併盤=======有5樣野食:1隻CHICKEN WING,3舊雞肋骨(?),3舊牛肉包著D VEGETABLE黎燒,4粒帶子,4舊肉粒.鐘意D帶子同牛肉VEGETABLE卷多D, CHICKEN WING就好似乾得滯.*木魚海鮮PIZZA============好惹味, D汁好正, D蝦OK, 最鐘意D木魚, 上枱果時郁郁下, 又特別好味喎~*超大杯珍珠奶茶============我個朋友飲既, 唔知咩味, 應該同出面果D差不多掛?不過, 就真係好大好大杯囉..*COOKIE & CREAM 既DRINK ======================佢有分有酒同無酒2種.我要左無酒果隻,好甜, 有OREO係

晚上若然唔想煮飯的話，有時都會去住處附近的快餐店或茶餐廳攪掂，不過除此之外，其實我和家人較常光顧的食肆還有 misocool 同「和民」，貪其口味大眾化，選擇又多，而且價錢也算經濟。經過一星期的辛勞工作，假期前夕真的不想再往廚房裡鑽，醒起早前曾在報章剪起「和民」的 $20 折扣券，於是提議和老公一起到這裡吃晚飯。素知「和民」一向旺場，約咗老公 7:15 pm， 雖然已經提早咗出門口，誰知去到餐廳門外已經站滿了輪候的食客，幸好排在我前面的兩位顧客都等得不耐煩，自動消失，所以只係等咗大約二十分鐘就可入座了。由於這晚只得兩口子吃飯，唔想點太多食物，以免做成浪費，所以只選了一個石窩飯，兩款小吃和一份甜品。老公點的石窩黑椒牛肉飯 ($42) 基本上其賣相和食味，同 Pepper Lunch 的黑椒牛肉飯真的分別不大，石窩由侍者端上檯到老公手快快地以沸騰的醬汁撈飯時，仍不斷發出熱力逼人的「吱吱」響聲，單係聽聲已令人胃口大開。其實發明用石窩來盛載食物真的十分聰明，皆因石窩保溫度高，有些可長達兩、三小時，就算慢慢吃，仍可保持內裡食物的熱力。至於這窩牛肉飯，飯底雖然形成了少許飯焦，但入口沒有

點了相撲手火煱, 滿煱是沙, 沙粒全混進湯裡, 尤其吃到後半, 沙都沉到湯底, 混進豆腐和蔬菜裡, 每舀一口湯, 都吃得牙齒"咯咯"作響. 服務態度雖好, 但效率欠佳, 連生的牛肉也要等二十分鐘. 吃過的日本餐廳之中, 這真算是天地一沙煱了.

要趕住睇戲, 但又未食野,見兩點鐘, 唔算係繁忙時間啦, 應該唔會等好耐...於是就去左和民,一去到, 門口冇waiter咪自己行入去囉,見門口幾張空枱冇人執,入到去又有好多空枱冇人執....之後終於有waiter見到我地.........叫我地出返去攞張飛比我地,等左5分鐘心諗, 都唔係繁忙時間, 點解都會咁...係咪人手唔夠,,,?!第一次去呢間分店, 竟然有咁差嘅印象~~~一入到去, 即刻叫野食,好彩都趕得切食~!好彩啲食物都好好味...否則, 呢間餐廳都會差到落谷底~!我地叫左兩個定食,一個煙肉蛋漢堡扒定食 ($54),一個滑蛋豬扒鍋定食 ($54).個煙肉蛋漢堡扒好好味,D配菜好多, 好colourful,件漢堡扒好好味, 好juicy, D汁都好好食, 好正~!個滑蛋豬扒鍋都好得意,先嚟個鍋,自己打隻蛋落去,搞呀搞.,...咁就食得喇,每個定食都有沙律同麵豉湯同飲品,呢個價錢真係唔錯,好抵~!

看完“我的家在紫禁城”展覽後, 便到附近的“和民”醫肚。這是我最常去的日式料理; 因為食物款式多變同有創意, 價錢合理又服務週到。 今次以DBS信用卡的優惠, 吃了一個二人套餐($210), 食物如下:帶子剌身–帶了尚算新鮮, 但份量實在太少了炸海老帶子沙律–沙律菜新鮮爽脆, 炸過的蝦同帶子因脆漿太多而有些油淋淋, 不過日式芝麻醬汁幾好味青蔥牛肉卷–牛肉片厚薄適中, 包著青蔥作串燒, 不太咸亦有牛肉味明太子露筍雞肉卷–雞肉卷著明太子同露筍, 以吉列方法炸, 配搭不錯辣辣泡菜炒飯–辣辣地又足料, 好開胃牛肉火鍋–湯汁帶點甜, 材料充足, 牛肉味濃南國梳打–以梳打水溝芒果同熱情果, 味道一般 焦糖蛋糕配雪糕(追加) - 味道唔錯, 但不突出抹茶雪糕餡蜜丸子(追加) - 抹茶雪糕與紅豆是絕佳配搭, 丸子煙韌, 蒟蒻粒爽裝修是一貫曰式餐廳風格, 燈光昏暗; 環境乾淨舒適!員工勤力醒目有禮貌, 而且好有耐性, 剩下兩枱客也不會催促離開; 好喜歡這裡可以慢慢用膳, 只是抽氣不太行, 希望有所改善!

同2位友好聚會, 隨便比大家吐吓苦水。地點方便她們, 去了康怡廣場的”和民”。 7:00pm到達, 唔多人。食物：清酒煮蜆：一上枱..嘩…好似比人食過咁….份量…少得可憐。味道好一般, 唔覺有清酒味。鰻魚卷：4 件, 味道OK, 食到有鰻魚、有一粒芝士的物體。一口豆腐：7粒, 明明係鐵板上…但一D都唔熱 ( 中間D木魚都唔郁)。豆腐..無咩味。Sushi set：6件, 味道OK。不過D壽司飯好散, 一”夾”就爛哂。棒棒餃子：又係鐵板上…不過..又係唔熱…味道..一般啦。串燒set：呢個最唔得, 一D都唔似燒過, 又唔熱, 又無味。Total: $258.5Service： ok, 大部份都有禮貌。 但上菜時唔多理你感受, d食物可以”隊”在你面前都得囉。 環境：ok, 都坐得舒服, 不過就暗咗d。食物：真係唔多掂。

從網站下載了張「和民」$30 現金券，決定今午來這裡吃午餐。其實這兒絕對是一間可以讓人享受時間和空間的好地方，加上美輪美奐的裝修，的的式式的餐具和傳統的日式食物，無怪乎這裡門外總是站滿了等位的人群。記得以前曾看過一段報導，是關於香港和民的發跡史：一名中年男人，到日本與《和民居食屋》的老闆洽淡香港的代理權，不過遇到無情的拒絕，後來他毅然放棄在香港如日方中的事業，到日本和民當一個打雜達兩年之久，最後其誠意終於使他能夠在香港開設和民在海外的第一間分店，而在短短幾年間，就開了近十三間分店，所以堅毅絕對是成功的要訣。說回食物，這次我們就從午市定食和主餐牌內挑選了數款美食：-什菌雞肉雜炊 ($39) -- 日本人的雜炊亦即是煮泡飯，把米飯倒進小火鍋的湯底內以慢火烹煮，讓飯盡收湯底精華，把所有的美味都吸進飯裡。至於這個雞肉雜炊，其實即是我們廣東人叫的"雞湯飯"，以一個石窩盛載着，放上檯時還冒着煙，簡直熱氣迫人。飯窩內的雞粒味道也不差，雖然估計不會用上甚麼新鮮雞，但吃來甚有雞味，而且份量也不少，入口味道濃郁，滲著雞油脂香。至於各式菇菌，入口也很順滑，味道清香，厨子除了加入白飯外，更加進香葱、雞蛋、鹽和

今天下午老公去完稅局回來，提議一家人去附近的「和民」吃下午茶餐，我當然不會反對。這間「和民」以傳統的日式棕木作主調，並以啡色及紅色為主色彩，有現代和溫暖的感覺。餐廳的環境格局，以半開放式的裝修，加上偏柔微暗的燈光效果，營造高雅氣氛。至於食物方面，「和民」是以提供小食為主，所以食物份量不會像美式食物般大件頭，適合喜愛試多些不同菜式的顧客。這裏的下午茶餐售價，平均比午市定食價平約 $10 - $15, 確也非常抵食。石鍋味噌牛肉飯 ($29) -- 這個石鍋飯放上桌時，賣相有點像吉野家的牛肉飯，不過這鍋飯就簡直熱力逼人，而且還聽到鍋內滋滋聲作響，我立時用鐵匙把下面的飯和面頭的牛肉、醬汁伴勻。由於叫了多款食物都陸續上桌，我忙於執拾枱面及拍照，到吃這飯時發現鍋內有片片飯焦，吃來煙韌香脆，濕潤的牛肉飯與金黃香口的飯焦同吃，有種雙重滋味的感覺。至於牛肉肉質鬆化，濃濃的牛肉味，配合埋帶有咸味的日本調味料 “味噌”，味道反而剛剛好，吃來不覺太鹹，煞是美味，老公和兒子都讚這個飯又平又好食。石鍋海鮮飯 ($39) -- 原本應該叫焗海鮮飯，但我一時大意，竟然又點了個石鍋飯，這款飯包括有多種材料，如雞蛋、

癮這回事真是很難解釋的, 總之忽然想吃一樣東西的時候, 非要千方百計吃到才心息, 否則就會忐忑不安, 心緒不寧之類...今期的癮是蜆烏冬, 為什麼想吃就真的不知道了。曾在天后的順壽司吃過很美味的大蜆烏冬, 只是近日俗務纏身, 無法抽身前去, 鰂魚涌的幾家日本料理又沒有這味供應 (單點清酒煮蜆倒是有的, 只是價錢比較貴而且我也吃不了那麼多), 無計可施之下, 唯有來和民碰碰運氣。時候尚早人客不算多, 服務生很快已來給我落單了。現在的和民餐牌真的值得一讚, 每項食品都有標示所含的熱量, 要注意卡路里的客人大可留意一下。而每客含 200 卡路里以下的食品便會標示為低卡路里之選呢。先點了清酒煮蜆 ($39) (這個是低卡食品來的!), 但找遍整個餐牌都不見有淨烏冬可點 (牛肉烏冬就有, 冏), 只好問問服務生, 他給我提議了餐牌上沒有的湯烏冬, 售 $25, 把蜆放到湯裡吃比較好搭。(服務分即時上升!)點菜後服務生送來意見表一張, 欸現在人人來吃飯都要填表吶...觀乎剛才服務生的表現 (還要是實習生呢!), 就給他填一填給個讚啦! (可是交了表才醒起忘了在「提議增加的食品」一項中填上冷烏冬,

為補祝某人生日，我們一行十一人來這裡吃晚飯。叫了一個四人餐及散叫大量食物，所有食物如下：帶子刺身(優惠價)：只有幾片兼很細小，沒有味。紙包雞飯(優惠價)：份量少，但調味很好，令整個飯很好味。炸洋葱圈(優惠價)：（沒吃）有十多個圈掛在柱上，賣相不錯。海老帶子沙律：炸帶子有七至八件，海老很少，味道一般。和民沙律：有吞拿魚沙律、麵包粒、炸蝦等，味道ok。軟殼蟹沙律：份量算多，味道不錯。凱撒沙律：（沒吃）牛肉火鍋：湯汁香濃，配料豐富，牛肉味道和口感俱佳，不錯。海鮮牛奶火鍋：湯汁沒牛肉火鍋那麼濃味，反而是香滑。配料豐富，香滑好味！豬扒鍋：豬扒夠焾，但略嫌不夠肉鮮味。配上蛋汁，好味！豪華壽司盛合：包括灸燒帶子、三文魚、鰻魚。卷得稍為鬆散，味道不過不失。炸雞軟骨：（沒吃）豬軟骨：很焾和入味。三文魚野菜卷：米紙卷著三文魚、水牛芝士和青瓜絲，感覺很清新。雜菌野菜炒豚肉：雖然材料普通，但炒得不油膩，好味。廣島燒餅：一大堆的配料如雞肉、海鮮、木魚絲等，燒餅的味道沒什麼特別，但那個燒汁很野味。明太子芝士豆腐：沒有芝士味，所謂的豆腐也沒有豆腐的豆香和嫩滑。牛油焗帶子：ok刺身併盤：ok天婦羅盛合：（沒吃）有蝦，

媽媽話要食日本野, 但又唔肯去多人既地區, 咁得返康怡廣場既和民居食屋, 平日係唔駛等位既, 而且唔係貴, 可以試多幾款食物食評如下 ~ 炸一口芝士 ~ $29 有 5 粒, 粒粒都勁多芝士, 但配一個味似士多啤梨果 Jam 既醬, 有點奇怪.炸雞軟骨 ~ $29 一碟, 份量都唔少, 但好多油, 好肥膩, 唔鍾意!豬扒鍋 ~ 都好大份, 上枱時連埋一個爐, 一路熱住一邊自己加雞蛋, 好味! 石鍋蒜香海鮮飯 ~ $49 好熱, 要小心食, 有飯焦, o岩晒喜好食飯焦既朋友. 材料份量一般, 只係響飯面, 不過都 OK五目釜飯 ~ 其實係海鮮飯, 但食法較特別, 上枱時係湯浸住一 d 未熟既米粒, 要放響個爐仔上等佢自煮約 15 分鐘先食得, 雖然幾得意, 但飯熟後飯粒幾硬幾乾, 麻麻地囉.鰻魚釜飯 ~ 呢個鰻魚釜飯都係要等 15 分鐘等佢自煮, 但鰻魚係分開上, 等到飯熟時, 鰻魚已經凍晒, 大殺風景, 味道一般.和風一口牛肉 ~ $49 一客得 7 粒, 中間有一堆白籮蔔蓉, 牛肉好香, 燒汁好正, 白籮蔔蓉好清新, 食埋就可以中和返牛肉既熱氣, 呢個必食!笑來美餅(抹茶味 & 黃豆

因為媽咪有和民信用卡, 所以每年生日月份(4月)就會有張$100現金券寄黎屋企, 每年都係3月尾就寄到黎, 好準時, 呢張信用卡又永久免年費, 所以真係好扺!!! 不嬲都好鍾意食和民, 通常都係去銅鑼灣, 今次係第二次黎呢間食, 不過我對呢間和民真係徹底失望, 以後都係唔會黎呢間食, 食黎食去都係銅鑼灣好食D, 之前試過九龍灣一樣係唔好食.一早book左位一打開個餐牌, 已經打左個突 , 點解同我響網上面見到果個都唔同ge, 之前諗定想食ge野咁arm都無, 咩事呀, 無得食, 你就唔好擺個餐牌上網啦, 一係就注明邊間分店會無邊樣邊樣野食啦...是但啦, 又要再諗過食乜...最後點左次次都會食ge 豬扒鍋 同 野菌雜菜炒(豚肉) 點左3樣未食過ge: 炸軟殼蟹, 和民特製紙包雞飯, 仲有個唔知乜鬼燒餅風味鱆魚餅(想上和民個網搵返個名都搵唔到, 重申一次, 既然個餐牌唔同, 你就咪鬼擺個跣人ge餐牌上網啦...)因為生日正日惠顧, 除左可以用$100現金券之外, 仲可以免費送多杯$30以下飲品, 我地就就住個價錢, 揀杯$29, 諗住最抵, 點知賴哂野... (P.S. 原來網上餐牌D