幸福堂 (已結業)

近排去銅鑼灣,都不忘試試新既台式飲品,今次就試貌似最多人排隊既幸福堂！手炒黑糖珍珠啊,唔知黑糖味會唔會重d呢,好似唔錯咁,咁多人排隊,應該好多人飲完再黎買,飲左應該會幸福d,排隊既時候一直諗緊呢幾個無聊問題,雖然睇落好多人排隊,但只係排左短短20分鐘,ok啦,呢個時候接受到,小插曲係,店員雖然好忙,但係都好好禮貌遞上飲品,幸福多了一點☺️影完相,黑糖紋真係好出,不過飲落去黑糖味唔算好重,無咩特別,正正常常一杯黑糖鮮奶啦～可能呢排飲得太多🙈

這一排經過銅鑼灣渣甸坊不難見到排長龍這個情景，是台灣的又一台式飲品過江龍過到黎香港——幸福堂～見到這個情況當然要湊下熱鬧，排埋一份試下新野，排到差不多的時候就會睇到有個幸福堂的巨型籤筒，還有放籤文的櫃，很充滿著台灣特色，讓食客可自助求籤、自助解籤，真係一個幾好的打卡位置。我同朋友都抽了各一支，幸好都是吉籤。再行前多幾步，就到收銀處，見到旁邊有個大鍋放滿了一粒粒炒香了的黑糖珍珠，來到當然要叫這店出色的皇牌產品，焰遇幸福黑糖珍珠鮮奶 ($30/杯)，因為好多人排隧，睇到店員一杯接一杯製作珍珠鮮奶忙到團團轉。他們先把黑糖圍住杯邊倒一個圈，珍珠份量大約有1/4 個杯，之後再倒入鮮奶，之後將面頭的奶蓋再用火熗燒香，做到炙燒的效果。拎上手後，覺得這杯黑糖珍珠鮮奶邊紋整得好靚，之後就攪拌試下味道，珍珠整得軟綿綿，口感煙韌，珍珠因為在鍋裡炒過的關係，所以飲落有微暖的感覺，而且鮮奶好香濃，口感細滑，每一口都飲到一粒粒好似黑糖粒的感覺，真的很不錯，好值得排隧飲下。

已經飲過差不多數間台式黑糖珍珠店🤓，幸福堂是較為新開的，剛在🐯老虎堂隔離。今日排隊人數幸福堂一面倒拋離老虎堂🤨， 老虎堂購買人龍只得數位 ，而幸福堂排隊購買的人大比數超越5倍，今日排了15分鐘左右，等候2分鐘左右就可取飲品。時間控制得非常好，流動速度不錯。👍🏻👍🏻 幸福堂主打有幸福紋的黑糖珍珠奶茶，👩‍🍳👨🏻‍🍳用正宗古法手炒黑糖珍珠鮮奶。在鋪頭門前即場展示炒珍珠，活生生地在人前裝上珍珠後加上奶茶，速度十分快，沒有一刻停過手。鋪頭門前仲有一個籤筒，畀客人抽籤看一下運程，仲可在收銀前的取簽文，極度有新意同過癮🤩🤩🤩。每位客人都會取一支籤後再取簽，大家都很有秩序，而且亦不好貪心，取一次就夠。呢個位真心抵讚✔✔💯💯。講返味道方面，老實講我喜歡老虎堂多一點。點解我會咁講? 因為首先幸福堂的珍珠比較淋身，沒有煙靭的口感，先飲到黑糖味之後再到微微奶味，但係.....茶味不見了🤔🤔🤔，點解呢？是否只有鮮奶，不是奶茶的關係呢？但單上打了奶茶🤨🤨是否我誤會了呢？講堅味道就不算太平均，黑糖味太濃蓋過了鮮奶的味道，珍珠冇煙韌的口感，我比較喜歡有QQ感。另外榴槤妹的一顆檸檬蜜烏龍🍋🥤， 檸檬味同蜜糖味都好出，

香港人鍾意飲珍珠奶茶嘅程度睇周街都係唔同形式既珍珠奶茶店就知。近年興起飲黑糖珍珠奶茶，對於黑糖控來講係天大既喜訊。依間幸福堂真係冒住天大既膽，開係差唔多係全港最出色既老虎堂隔離。多次經過銅鑼灣見到好長龍，都鼓唔起勇氣排隊，今日趁佢剛開門，就試下幸福堂。雖然條人龍比起老虎堂不相伯仲，但係佢哋鋪頭得三個人，一個炒黑糖，一個收錢，一個整奶茶，成個效率比老虎堂慢一倍。黎嘅人預咗有心理準備要排好耐。飲過鹿角巷，老虎堂，珍煮丹，本人真心覺得幸福堂係最好飲。外相：都有斑斑的黑糖紋係杯邊味道：濃濃的焦香黑糖味係咁多間最濃奶味：用明治奶加一層奶蓋(和老虎堂味道相似)，好飲，需有少少偏甜珍珠：有咬口，帶有濃濃黑糖味，不會過淋Ps: 因不想重覆，我們二人買兩杯不同口味，一杯黑糖鮮奶，另一杯黑糖奶茶，黑糖奶茶亦有驚喜👍🏼 茶味好清香，配上香濃既黑糖珍珠，係另一種味道，另一種享受，略嫌過甜，若可㨂甜度為更好。但值得一試！

黑糖珍珠熱潮陷入瘋狂狀態 終於有機會試幸福堂☺️ -幸福黑糖珍珠奶茶💛 $28幸福黑糖紋好靚 😝 用人手炒的黑糖珍珠超好食 又甜又軟糯 😍奶茶好香滑 奶味濃濃的 茶味香醇 整杯都好重黑糖味 😋

手炒黑糖珍珠鮮奶 $30.又一過台灣過江龍係香港立足啦 作為珍珠奶茶既頭號fans 又點可以放假唔去朝聖🤣🤣🤣.開正係老虎堂隔離 成條街都係排隊既人😂連個實q都口號咁叫 左邊老虎堂 右邊幸福堂😂可能星期六唔好天 時不時落住大雨 排隊同買完等候都唔需要一個鐘🤣🤣🤣🤣.今次真係手炒黑糖 擺晒個鑊係度話你知杯野點整出黎 而且有得抽下d大竹韱求下姻緣 好可惜姐求到既係下韱😂😂😂.我覺得杯野真係幾好飲 可以上到我心目中既top3 黑糖味好香 香過隔離老處堂 賣相都係 勁靚囉😋😋😋冰唔算多 雖然冇得揀甜度但唔會話好甜☺️可能有層奶霜既關係個奶都好厚下 奶味濃郁 奶底都好滑 不過珍珠就唔算好好食 麻麻地我覺得冇乜咬口 但都唔算偏淋 珍珠調整返好d就好好了 但都有黑糖味滲出 好過珍煮丹100倍.Anyway哩間都幾好 不過排隊真係一次就夠🤣我中意隔離老虎堂多d 但唔使排隊我係會慫恿朋友去試下♥️.

因為係十一點幾去，排左半個鐘左右就買到。 珍珠麻麻地🤔🤔🤔無果種咬口嘅感覺，奶係明治奶，都算濃，黑糖嘅味道普通。試過就算了😂😂😂呢間比Tiger Sugar嘅話飲返隔離老虎算了

同朋友飲完茶就同佢去左行街，行完Victoria secret過隔離街，見到好多人，以為有咩事發生，點知原來係幸福堂同老虎堂驚訝之際，朋友話試下啦！我就眼都突，排好耐喎好似，於是去左幸福堂，因為上網睇話隔離排耐啲時間主義嘅我，梗係識揀啦幸福堂好有創意，佢有得抽籤，好搞笑，仲係幾真下，抽完要自己去一格格櫃度拎籤 好新穎🤣 可能怕排隊客人好悶！但成個gimmick 好有誠意，證明老闆愛自己既店我地排左4個字，到我地啦，我叫咗黑糖珍珠鮮奶，見佢最岀名係手作炒黑糖珍珠嘛 我朋友就好好奇，又影合照又玩抽籤，玩得好開心只能説幸福堂呢方面都幾成功 拎到飲品，飲左啖都唔錯，黑糖係幾特別，好彈牙，好彩冇煮過龍太軟身，奶味都好重👍🏻👍🏻 淡淡地混合黑糖既甜，正！值得一試！我朋友就大讚啦，佢玩得咁開心

今天和朋友在灣仔吃完川菜，她說要喝最近大熱的黑糖珍珠鮮奶，那我只好捨身陪朋友咯。去到現場看見長長的人龍，幸福堂等的比老虎久一點，大概等了20分鐘去到櫃檯。但是，如果你像我買的是黑糖珍珠鮮奶的話，馬上就能拿了，她們一杯杯都做好放在櫃檯那。黑糖珍珠鮮奶 （$30）我比較幸福堂的鮮奶，奶味比老虎堂的淡一點，黑糖味突出一點。可是幸福堂的珍珠比較硬，沒那麼Q，而且幸福堂比老虎糖甜一點，雖然都在可接受的範圍內。

上次黎咁岩撞正佢裝修，今日黎終於試到「幸福堂」，又係揀晚飯時間黎，排隊連拎野飲用左30分鐘搞掂！ 排隊中～～好彩冇落雨咋上網睇話有得玩抽簽，抽大左簽王仲會送野飲，但係我想講店員冇叫我抽喎……可以望住店員炒黑糖不過到我果時岩岩用哂LOL終於到！焰遇幸福 黑糖珍珠鮮奶  $30超靚既幸福紋掛杯係佢招牌，呢款焰遇幸福有層奶蓋係面，再用火槍係面頭灸燒黑糖。未攪勻之前試左啖奶蓋，奶味比較淡，都冇乜燒過後香氣，再試下未攪之前既黑糖珍珠，好重黑糖味又唔會太甜，但係……呢款係要攪18下之後先飲，攪完再飲，一入口奶味頗濃郁，奶底同老虎堂差不多，黑糖漿同奶蓋攪入鮮奶後，令成杯即刻升呢，係一杯高質既黑糖鮮奶，但問題黎啦……攪完之後啲黑糖漿唔再痴住珍珠，珍珠即刻變左冇黑糖味，雖然佢口感都幾Ｑ彈，但原來黑糖珍珠既味只係靠黑糖漿，一攪勻左就變普通珍珠，你係人手古法炒製，但炒得唔入味喎……呢杯野真係令人又愛又恨 抹抹暗戀 抹茶珍珠鮮奶  $28呢杯就用左士多啤梨珍珠，口感比較硬身，同埋比一般既珍珠甜，我就食唔出有士多啤梨味，而且抹茶味同鮮奶都係勁勁勁淡，好似飲緊抹茶味既水？真係唔洗買黎試總括黎講，幸福堂黑糖鮮奶做得

最近相應有好多黑糖珍珠奶茶嘅鋪頭出現，同朋友食完飯諗緊飲幸福堂好，定旁邊另一間好。幸福堂有店員係門口炒珍珠，吸引左我排呢間。幸福的是排咗半個鐘就拎到杯珍珠奶茶係手。先睇睇個Menu，幸福堂有好多唔同種類，但我估100個有99個都係飲焰遇幸福黑糖珍珠奶茶。順帶一提，當你排到買飲品嘅附近會有一個好大嘅籤筒，可以抽完去櫃檯下面拎解籤紙，但略微有少少令人塞住了下單位置主角終於出場，本身勁鍾意黑糖，見到個杯已經好想飲，一入口黑糖味勁重，同奶味好平衡。真係好好飲呀，比起另一間其他區又排得耐的更好飲

午飯時間在銅鑼灣走走，見到不同的台式飲品店前都排左長長的人龍，見今日時間鬆動D，所以揀左最新開的幸福堂黎排隊，幸福堂就係老虎堂隔離，門口有兩條長長的人龍，何其壯觀。幸福堂的門口有得求籤，又可以欣賞店員在門口炒黑糖，排隊的時候無咁悶，所以雖然都等左差唔多一個鐘先拎到飲品，但有其他野玩下，就唔經唔覺等到杯飲品了。招牌黑糖珍珠鮮奶，既然係招牌，所以我揀左佢。取到飲品後，被深啡色的焦糖漿吸引，但因為杯蓋唔係密封，所以要用飲管攪均，一飲就飲到好濃厚的奶味，好香，而手炒珍珠都好軟身，好淋好好咬，不過就唔係好夠焦糖味唷

銅鑼灣簡直係台式飲品的天堂，較早前幸福堂進駐了。今天午飯時間終於無下雨，特意前來試試。點知人龍都係長長的，同隔離老虎堂展現出左老虎、右幸福的現象，雖然人龍好長，但又唔算等左好耐，由排隊到取得飲品大約45分鐘，可能因為欣賞店員在門口炒黑糖，不知不覺就等到杯飲品了。我點了招牌的黑糖珍珠鮮奶，焦糖漿的色比較深同唔太明顯，同埋杯蓋唔係密封，所以唔可以上下弄均，試一啖，手炒珍珠確實係軟身同有咬感，但焦糖味唔算太特出，反而有又香又滑的奶味

最近銅鑼灣又再掀起一埸黑糖風暴，最新加入戰團嘅係幸福堂。今日有親愛嘅飯腳一號1:00出去排隊買比我飲，真心好幸福!我同其他飯腳們大約1:20左右陸續去到幸福堂，飯腳一號已經排到第3，終於1:32成功落單，竟然喺1:35飲品已經到手，真係意料之外! 員工做野快手又好禮貌，抵讚!我叫嘅係焰遇幸福黑糖珍珠鮮奶，杯身有滿滿嘅「幸福紋」，打卡一流。奶蓋夠厚身，可以中和返加冰後變稀嘅感覺，令整杯鮮奶可以保持creamy,，由於奶蓋同奶底都奶味起濃，所以奶味無比黑糖味蓋過，兩樣味道都飲到，唔錯! 但有啲可惜奶蓋面嘅黑糖燒得唔夠時間，欠缺焦香。另外值得一讚珍珠嘅口感，口感十分特別，一開始係軟綿綿（但絕對唔係糊口，係出色嘅軟綿綿），唔知點解飲到底竟然有QQ嘅感覺，有趣。幸福堂嘅噱頭都幾多，例如求籤同店員即埸炒黑糖，都幾吸引到人，而黑糖鮮奶亦都做到內外兼備高水平，睇得係有心做好野飲嘅，下次再試下menu嘅其他野飲，因為其他有嫲多都好吸引!

今日去咗銅鑼灣掃街～ 其實係因為唔想食中午！所以就周圍搵嘢食～ 喺渣甸街，呢排突然多咗幾間手作珍珠奶茶/奶既店，搞到好多人排隊，車都行唔到 我就湊熱鬧，見幸福堂少啲人排隊，所以就試吓我叫咗黑糖珍珠奶茶，超有期待，因為之前已經上網見過有人狂講幸福堂！佢好特別，旁邊有得抽籤！自己抽到啲乜嘢就過隔離拎簽～全程都係自助！我第一次係拎錯咗簽嘅 不過都好，有上吉，我估大部份都係吉簽🤣🤣 等咗大概20分鐘左右，就已經有得拎喇！當然係先打卡✌🏻 影咗20幾張寫真，我就終於決心飲😂😂 攪勻左之後第一啖嘅感覺係有啲失落 其實唔係話唔好飲，奶茶味都唔錯，係奶淡左少少～ 黑糖珍珠都好彈牙，甜味十足！但係就可能預期佢有特別之處，所以一飲之下，覺得冇乜特別，有少少失落感！同普通嘅珍珠奶茶冇乜分別～ 冇乜特別驚喜嘅感覺，但係並唔難飲，我就覺得唔值排咁耐去買一杯黎飲，但係係值得一試