昌哥粵菜館

营业中

休息中

昌哥（估計是大師傅的名字）果然係有超班嘅手藝，幾個簡簡單單嘅小菜，食得出有誠意兼且不平凡嘅粵菜味道。就以呢一個鹽焗雞為例，皮香肉嫩夠曬入味，呢個都幾考功夫，因為焗得耐得滯，味道雖然濃，但係啲肉就有機會會嚡，如果焗唔夠時間啲肉雖然會嫩滑d，但係又唔夠入味，呢一種傳統鹽焗雞嘅味道喺坊間已經買少見少，提一提大家呢一尾餸要訂位嗰陣時候預訂。呢一味菜亦都做得好好，唔好睇佢呀求其有啲生菜魷魚撈埋一鍋就算，要做到惹味燈嚟唔會太鹹，又要食到生菜同埋魷魚嘅鮮味，其實都唔簡單。椒鹽九肚魚粉漿做得薄，蒜蓉炒得香，而且一啲都唔油膩，顯出師傅嘅功力。最後呢個合桃露糖水香滑濃，就係越簡單嘅菜式就越考功夫。

已經聽聞呢一間粵菜館專做傳統懷舊粵菜好耐，而且師傅手藝非常高，今晚終於有機會試得到，食物質素同埋侍應嘅服務都非常好，雖然我哋只係家庭式小聚，叫咗幾個簡單嘅餸菜，不過樣樣都高水準。當中最好食就要算呢個子薑菠蘿咕嚕肉，首先最精彩係個咕嚕肉嘅汁，真係用山楂去做，嗰種果味係其他用醋溝嘅汁永遠取代唔到。子薑嘅哋亦同山楂汁同菠蘿仲有咕嚕肉都好夾，好好食。另一個好好食嘅就係要預訂嘅腿蓉鷓鴣羹，食落啖啖鷓鴣嘅鮮味，無得頂。呢度連涼瓜炒蛋都做得好食，蛋炒得好滑。侍應介紹我哋試吓老少平安，呢個都做得好，魚肉同埋豆腐嘅份量好平衡，有魚味又有豆腐味，個芡汁薄薄一層都做得幾好，唔會太稀唔會太杰。最後呢個皮蛋子薑都係侍應介紹，皮蛋同子薑都靚，皮蛋係溏心皮蛋，子薑真係冇根，美味的配合。

Heard a lot of chatter about the chef moving down from HKU fraternity. Finally got to try.Dinner in the smaller private room, supposedly seating 14 but we had 11 and it was just right. Here’s what we had. 皮蛋子姜 to go with the champagne whilst waiting for stragglers. 鳳尾蝦多士- toast remained airy, shrimp sweet and bouncy.腿茸鷓鴣羹- old-school banquet soup, thickened to a velvet-like consistency and rich with the earthy flavor of quail and the umami depth of finely minced Yunnan ham.燒雲腿鴿片- bold, savory du

今個聚餐選了中環這間粵菜，地方好乾淨（可能剛開張）••食物方面：炸乳鴿好香口👍🏻👍🏻👍🏻👍🏻生炒糯米饭🍚炒得好好味杏汁豬肺湯🐷好香杏汁味芋頭鴨🦆芋頭好粉好香yumyum蝦多士🦐（有点失色，因為乾咗D)服務：原本想说不錯，但可惜食到1点半时，侍應逐個埋嚟問食物需要包起嗎？問了至少5-6次，其中一個女侍應還要態度帶點差😤香港嘅服务真的令人失望😮‍💨

今日在中環食了這家上樓的傳統粵菜菜館，味味都出色非常，可謂隱世廚世的美味。古法鹽焗雞︰隻雞焗得香而D雞肉又可以保持到鮮嫩，食到鹽焗嘅香味，碟雞仲連埋雞潤雞腎，食落特別和味。合時羊腩煲︰羊腩燜得夠晒淋又夠晒入味，羊腩嘅肉質非常香軟，枝竹冬筍和冬菇都吸收了羊腩的精華，叉燒粒炒飯︰個全名好似係叫做XX叉燒炒飯，個炒飯炒得好好食，D飯炒到一粒粒咁夠晒乾身，雖然係炒野但係就一D都唔油，連D蔥花都炒到好香。涼瓜炒蛋︰個炒蛋盡顯師傅嘅功夫，涼瓜熟晒得黎個蛋仲可以炒到咁嫩滑。菠蘿咕嚕肉︰個咕嚕肉嘅汁真係可遇不可求，真係用山渣去做，嗰種酸味唔係一般酸汁或者醋可以取代。桂花炒魚肚︰呢個餸又係做得好好，香、軟、滑都做得到，雖然有芽菜但係仲可以炒到咁乾身真心佩服。

非常出色的老派經典粵菜真係唔係咁多地方可以食到咁正宗嘅味道。菜膽杏汁白肺湯，個杏汁唔係用杏仁粉開，唔會有好假嘅杏仁味，豬肺同埋菜膽煲到好似融入咗個杏汁湯底入面，非常和味。煎釀鯪魚絕對係花功夫嘅懷舊菜式，開咗條鯪魚攞曬啲肉出嚟攪碎然後讓返入去個魚身度，少啲功架都搞唔掂，點埋佢嗰個秘製醬汁味道更加出色。臘味煲仔飯真係唔能夠睇少，啲臘腸同埋潤腸非常靚，潤腸有微微嘅酒香真係好正，啲臘肉更加出色，肥瘦分明，食到脂肪部分嘅油香又食到瘦肉部分嘅鹹香。最後個綠豆沙用嘅臭草令到成碗糖水嘅味道大大提升，昌哥嘅功架果然名不虛傳。

🥰 話說早前去 “香港大學同學會” 食飯, 発現味道唔同咗, 原來大廚已經離開, 並自立門戶 “昌哥”. 昌哥曾任 “陸羽茶室” 主廚, 略具名氣, 今晚相約老友 “長介”, “村井”, “一清” 江湖飯局, 決戰 “昌哥”.🥢 餐廳走老飯店格局, 其實就係 “香港大學同學會” 咁嘅樣, 圓枱白枱布, 用餐當晚全院滿座, 我哋提早以訊息預訂菜式.雞子戈渣鳳尾蝦多士菜膽杏汁白肺湯燒雲腿鴿片古法鹽焗雞鴛鴦腸煎釀鯪魚蛋白杏仁露😱 雞子戈渣, $180. 服務員推介嘅, 口感煙靭, 本身冇乜味, 要加糖. 🦐 鳳尾蝦多士, $128. 今時今日競爭激烈, 呢個蝦多士做到基本要求, 但冇驚喜.🤗 菜膽杏汁白肺湯, $180. 材料十足, 夠唒熱喎, 杏汁味道非常平衡, 我鍾意!🕊️ 燒雲腿鴿片, $350. 其他地方食唔到嘅菜式, 鴿肉偏甜, 用嚟平衡雲腿嘅鹹味.🐥 古法鹽焗雞, $480. 皮脆肉嫩, 超水準了.🐟 鴛鴦腸煎釀鯪魚, $180. 手功菜式, 我第一次食. 部份鯪魚皮硬咗少少, 但整體出色, 人多值得一試.🍯 蛋白杏仁露, $38. “村井” 話太 “渴”, 我又覺得冇問題喎. 🤗

聽過昌哥粵菜館的名，地點位置中環，位置方便，在一棟舊大廈的二樓，私房菜的感覺餐廳內裝修光猛新淨，位置寬敞，枱枱之間有空間，唔會有好逼夾嘅感覺腿茸鷓鴣羹比較少有的湯羹，裡面有很多鷓鴣肉，口感豐富棉密，但連脂肪都打入去，有點油膩感覺，但味道好鳳尾蝦多士熱辣辣的多士，但真心普通，不值呢個價錢菠蘿咕嚕骨 較甜的一道咕嚕骨，但勝在夠脆，但色素較多皮蛋咸蛋蒸水蛋三色蛋，蒸水蛋夠滑，但沒有蛋香，只有豉油味琵琶豆腐扒生菜 琵琶豆腐是鯪魚肉釀豆腐，幾特別的一道菜椒鹽炒鮮魷好差的炒鮮魷，魷魚肉少，但脆皮太厚八寶鴨有特色的手工菜，但肉已經炆到比較腍，裡面很豐富

🔹️開心聚餐選來中環 “昌哥粤菜館” 午饍🥢 菜館地方不大,食物有水準🤗 服務稱心👨‍💼👩🏻‍💼🔸️八寶冬瓜盅🧶很喜歡這個八寶冬瓜盅, 材料豐富、份量滿滿, 味道甘甜滋味(需預訂)🔸️蝦子柚皮🧆以鹹香蝦子和甘甜柚皮, 味道濃郁入味, 質感海綿般似的😊🔸️鳳尾蝦多士🦐鮮蝦彈牙爽口, 味道酥脆鮮甜不油膩👍🔸️盬焗雞🐔肉質鮮嫩幼滑, 味道鹹香鮮甜🤤🔸️菜遠生魚片🐟生魚片鮮嫩、爽口彈牙, 菜心鮮嫩爽脆😋🔸️黑醋蜜棧一字骨🐖味道酸酸甜甜啖啖肉,十分開胃👍🔸️蝦醬啫啫唐生菜鮮魷煲🦑🥬生菜爽嫩, 鮮魷彈牙入味, 鹹香撲鼻🤗🔸️甜品🥣點了招牌蛋白杏仁露和生磨合桃露, 質感綿滑、味道濃郁香甜, 十分滋潤💞

Heard great things about Cheong Gor and was excited to try. 皮蛋子薑鳳尾蝦多士. 菜瞻杏汁白肺湯 hearty and perfect for the weather. Didn’t take photo though.椒鹽炒鮮魷 Fresh and loved the salt and peppery flavour. 古法鹽焗雞 Highlight of the meal. Crispy skin and very succulent meat. A must order. 菠蘿咕嚕肉 Nicely done. 老少平安 Professional Athlete requested it. Very homey dish.雜菜煲蝦子柚皮蛋白杏仁露Overall a nice restaurant for some easy home cooked dishes at reasonable price point that one would revisit.

好果想食好食嘅傳統粵菜，呢間粵菜餐館唔會令你失望。預訂咗個杏汁白肺湯，杏汁的香味配上豬肺，一邊飲一邊就覺得好滋潤，豬肺夠晒淋，而且又非常入味。另外仲預訂咗鹽焗雞，又係一絕，隻雞夠晒嫩滑，非常入味，感覺上連D骨都有鹽焗嘅味道，火喉控制得十分好，連平時唔食雞皮的我都忍唔住食咗幾塊，真係好掂。第三個預訂嘅菜式就係家鄉釀鯪魚，都算係功夫菜，鯪魚先起肉，然後攪碎佢，再釀返入個鯪魚身入面，為嘅就係可以啖啖肉咁食。話雖如此，我個人仍建議食嘅時候都要小心D，因為都有機會有D碎骨嘅。最後一個餸無預訂嘅，就係柚皮菜芯，印象中衣家唔係好多地方可以食到柚皮，呢度嘅柚皮又真係炆得幾好，扣返個汁，味道特別好。

我成日覺得山珍海錯整得好食係理所當然，因為材料本身往往已經贏在起跑線，而且一般嚟講靚嘅材料都唔會交畀啲廚藝普普通通嘅廚師處理，所以我自己認為越簡單嘅菜式就越能夠顯出師傅嘅功架，就好似呢一間粵菜館咁樣。叫咗四個好普通嘅餸，四個都非常出色。椒鹽鮮魷：魷魚新鮮肉質彈牙，炸粉漿厚薄適中，椒鹽份量啱啱好。子薑菠蘿咕嚕肉：肉質新鮮，食落去覺得師傅似乎用傳統嘅山楂去做個汁，所以個酸甜味係令人有一種好舒服嘅感覺，d子薑令到碟咕嚕肉生色不少。涼瓜炒蛋：呢個最有驚喜，好少食到涼瓜炒蛋可以有咁滑嘅蛋。南乳粗齋煲一啲都唔粗，南乳味比較溫和，當然入面嘅材料都好新鮮啦。

籃神長輩退役多年，竟然與相差半世紀嘅XO仔一見如故，好玩愛食，麻雀馬仔就連波波都答得上，話題不盡！得悉上月家中只剩大小雙肥天天獨對，即相約晚聚開P，介紹佢覺得2024年最有水準嘅新餐廳「昌哥粵菜館」！以「昌哥」起名都估到佢來頭唔野少！原來主廚兼老闆昌哥先喺名中菜館（別號「三個女人」）後喺某大學同學會作廚，廚功絕對唔講得笑，唔怪得知餐牌上好多菜式都似曾相識啦！年初開幕嘅中菜廳位於老蘭對落一幢商廈二樓，樓底較矮，滿座時難免會有啲嘈雜。店子面積雖小，但勝在五臟俱全，大堂有電視睇，另有一間可容納上十四人嘅私人廂房。房間私隱度高，晚市最低消費設於合理嘅HK$5,000，服務生好客落力，必需一提嘅就係開瓶費為$50/樽，堅抵玩！主人家早已訂下九大簋菜單，盛設得很！皮蛋子薑（$170/例）：如相所示，打響頭炮嘅皮蛋件件光滑流心，子薑食落仲要係零渣，超！鳳尾蝦多士（$128/半打）：懷舊粵菜酥化香脆兼彈牙，每件多士上都有隻連蝦尾嘅蝦蝦，蝦多士咬落熱辣之餘仲一啲都唔油膩，香口尤甚，送酒一流！腿茸鷓鴣羹（$220/四位）：鷓鴣羹質感軟綿細嫩，鮮香甜美，柔潤不溜滯，一人飲兩碗絕對冇難度！陳皮蒸牛肉餅（$16

呢間中菜餐館的大廚功夫了得，煮出美味的舊式粵菜，實在難得。佢嘅八寶鴨非常精彩，味道掌握得非常好，我好怕太甜嘅八寶鴨。佢炆燉嘅功夫都非常高，因為八寶鴨入面讓咗嘅材料如果唔夠火候就會太硬，始終包咗喺起咗肉嘅鴨皮入面係男掌呃啲，但係呢度嘅師傅就做得好好，提提大家呢個餸係要預訂嘅。第二精彩一定係呢個咕嚕肉，好耐冇食，真係用山楂汁做嘅咕嚕肉汁。 涼瓜炒蛋呢啲咁簡單嘅餸都做得好好食，涼瓜爽脆，炒蛋又夠嫩滑，而且蛋味好香。呢碟甜梅菜蒸菜心又係好出色，梅菜嘅味道雖然重，但係又冇搶走菜心嘅鮮味，又係掌握得好好。椒鹽鮮魷冇得彈，炸嘢冇乜油真心佩服，炸粉唔會太厚，啱啱包住魷魚，魷魚新鮮彈牙。呢個莧菜又係好好食，好嫩好新鮮。

古法鹽焗雞一隻，雞皮焗到好香，雞肉做到恰到好處夠嫩滑，師傅控制火候控制得非常好。煎釀鯪魚呢啲功夫菜唔係周圍食得到，佢嘅鯪魚皮好薄，所以養返啲鯪魚肉入去再榨取佢真係考功夫嘅，呢條魚鮮味非常。西洋菜生魚湯真係真材神料，睇吓碟湯渣就知道，個湯先甜美味，最勁係竟然可以冇乜油。豉油王蝦碌加煎米粉底果汁做得非常好，啲客嘅size揀得幾好，如果再大隻啲啲肉會偏鞋，如果細隻啲就嘥晒啲汁，可惜個粘米粉厚咗少少所以唔夠脆。薑蔥蠔煲雖然啲蠔就細隻咗啲，不過做到好鮮嫩好Juicy，啲薑同埋蔥超好食。