星廚 (已搬遷) 新店位置

話說今天中午來到星廚，點左一個鮪魚茄汁長通粉，d野幾ok，45蚊午餐包餐湯，熱飲，雪糕，仲想點～～～不過食食下發現隔離台上左豬手啊！原來中午都可以食豬手啊！好想食豬手啊～～～下次會來食豬手～～我中左豬手魔咒啊

Happy Friday 跟幾位好同事放工黎公司附近的平民西餐廳晚飯，平時Lunch都係這間餐廳試過幾次，但係依度食晚飯就真係第一次。一打開Menu, 好多款式平時Lunch都沒有的，相片賣相精緻美味，完全唔似會係平民餐廳見到的，我們已急不及待叫了芝士焗蟹蓋做前菜。芝士焗蟹蓋$48賣相已好精緻，以原隻蟹蓋盛著用凐肉、洋蔥、蟹肉和蟹膏炒成的醬料，再配上表層微微燒焦的芝士，一啖食落品嘗到很多層次，好惹味！食完前菜己開左我們的胃口，我們再叫了一個set dinner-香煎澳洲牛柳配薯菜$115 送忌廉南瓜湯。忌廉南瓜湯入口綿滑，擁有淡淡的南瓜清甜味。牛柳要了4成熟，不太用了已經能切開，牛柳入口稔滑而又不失牛香，感覺一定不是像出面的餐廳用疏打粉醃製的，不用點芥末或其他醬料都已經很美味招牌烤焗咸豬手配酸椰菜$108估唔到在街坊小店都有烤豬手，所以特登叫我試試，本來我們都不抱太大期望，點知最後係一試難忘。以木板端上，賣外已跟那些高級餐廳一樣，十分吸引，豬手外皮烤到好香脆，不太用力已能切開，肉質嫩滑順喉，充滿豬肉的咸香味，配上酸酸甜甜的酸菜更好味，因可以減小油膩感，真係令人一啖接一啖，我們最先食完就

今晚到朋友新居探訪，已有一段時間無來長沙灣，原來在這舊區內已起了很多新樓，連餐廳也換新了。朋友帶我到常光顧既這間西餐廳，形容是很有水準但平民價的。我食後覺得真是禾稈冚珍珠呵, 環顧四周都是茶餐廳，粥粉麵和酒家，就是無有質素西餐廳, 難怪這餐廳頗受街坊歡迎. 尤其那隻大大隻豬手, 差不多大部份客人都食的, 更看見鄰枱一名女客人自己食一隻好厲害. 門面, 內裡裝修及餐牌頗似港式西餐廳, 真的不要單看外表, 內涵最重要.餐牌食物選擇多, 由小食, 主菜, 意粉, 焗飯及甜品, 價錢都是由廿幾元至百多元餐湯 ~ 磨菇打爛成蓉加忌廉煮成, 不是生粉獻或罐頭湯貨色我們想試多些小食, 朋友推介必試焗蟹蓋及Caesar salad. 焗蟹蓋 ~ 金黃色芝士鋪面很吸引, 餡料不是一般的雜菜薯容兼得幾條蟹絲, 而係啖啖蟹肉及煙肉, 最吸引係食到蟹肉既鮮甜, 原來係每天用新鮮花蟹拆製, 只售$48. 雖然只有一個蓋, 但內裡餡料十分豐富, 這價錢這用料絶對不貴. 超讚!!! 另見餐牌有蟹肉春卷，蟹肉長通粉，下次可試試是否同樣多蟹肉。Caesar salad ~ Yo! 有驚喜, 就是那片炸過既Parma H

探完親戚，嚮附近住宅區既小街中，搵到呢間貌似茶餐廳，但主要係食西式菜既餐廳試下先!鋪面細細，一眼睇曬，可能係做街坊生意為主喇，裝潢簡單舒適，燈光下俾人溫暖既感覺!餐牌上既菜式實在太多選擇喇，咩都想食添，太難揀喇 正當我地猶豫不決既時候，親切既老闆推介我地食招牌菜烤焗咸豬手配酸椰菜，雖然都好想試，但怕我地2個人眼寬肚窄食唔曬，最終揀左另外2款main course。先黎小食，白汁鮮蜆一大碗，份量等同大排檔既炒蜆呀，粒粒肥美既蜆肉，一啖咬落去，嗯！好juice既海水味，可惜白汁既味道唔夠濃，略嫌失色!Main Course +$15轉左套餐，先來一碗濃稠既忌廉南瓜湯，甜甜既南瓜味，口感軟綿幼滑👍鵝肝牛扒既賣相殺食，令我地食慾大振呀! $168有2塊牛扒+1件鵝肝喎，算抵食!切開牛扒可見少少血紅色，火候剛好係我地指定既7成熟，配味濃既牛肝菌汁，非常美味!鵝肝煎過更香口，(上面仲有少少黑色既粒粒，唔知係咪松露呢，當係喇，好高級呀!)入口即溶既鵝肝夾雜牛扒，簡直一絕呀😋呀!隔離既伴菜都幾青綠新鮮，可以消制，入面有3粒煎過既薯仔都好好味!套餐包既白飯係分開上既，但係淨係食main course都

勝價比高這件羊架索價$118, 單看照片,夠吸引吧~星廚是我食了好多年的小餐廳,以前在石硤尾開店的時候,我已經是他們的FANS,我最喜歡食他們的意粉~想當年每到下午時都是人頭湧湧的,自從搬了過來都一段時間沒有食過啦新店這邊裝修沒有什麼特別,就是街坊餐廳嗎,冷氣夠凍,乾淨清潔就好了~晚餐有好多選擇,幾十蚊一碟的意粉到百多元一客的SET都有 餐湯是黑松露湯,黑松露味道不夠濃,但味道不過不失看見小食有炸洋蔥圈~$28份量驚人~點些醬汁伴食,好食到想喊,一方面香港好少地方有炸洋蔥圈,二來這麼便宜,超推介我見食評好多人都激讚這只烤焗咸豬手$118,於是也點上一只,未上桌已聞到好香啦~超大只,一個人真的食不完呀看起來不像街坊餐廳的出品,味道也很優呀,不太咸,但十分入味,豬手肉很嫩,豬手皮也夠香脆底下放了點蘋果酸菜沙律,減低油膩感天呀,那伴上的薯菜也很美味,不想浪費好喜歡原粒的炸薯仔~跟餐的凍飲~燒羊扒~好有美感呀,上面放了些香料,令羊扒變得沒有羶味火喉控制得十分好,我們要求7成的,就剛剛燒到7成, 肉質方面百多元的扒你不能要求些什麼,總不能和幾百元一件的比,但勝價比高,食得開心加$23可點上一款甜

到長沙灣接朋友放工，順道一起晚飯。他提議不如一起到這家餐廳試試，因為他平時也會過來吃午飯的。餐廳位於元州村附近，與鄰近的工業大廈僅一街之隔。店面沒有特別的裝璜，就是一般的小店樣子，平平實實的頗具親民風格。略暗的燈光提昇了一點用餐格調。見到餐廳老闆親自打點，也不忘遞上餐牌和推介一點菜式。老闆也認得平時來吃午飯的朋友，記性真好呢。跟著我們點了以下菜式：首先奉上的是葡汁焗西蘭花($35)，淡白而略焦的芝士配合微黃的葡汁，香噴噴的芝士味已令人垂唌。扒開芝士，看到內裡翠綠的西蘭花，份量很多。夾起西蘭花時可以拉出絲絲的芝士，汁醬的濃厚程度也足夠。西蘭花焗得夠熱卻不失其爽口，火喉拿捏準確。之後的海鮮酥皮盒配長通粉($75)的賣相出眾，酥皮盒上插著兩隻大青口，好像一對兔子的耳朵。酥皮盒烤得金黃香脆，美中不足的是底部略硬，較難切開。酥皮盒內材料豐富，除了青口外，也有兩至三隻大蝦和帶子，配料份量合理，配合微酸的千島醬汁非常惹味。長通粉煙韌，茄汁味濃香自然。整體不俗。接著的烤焗咸豬手配酸椰菜($105)件頭非常大，豬手深啡色的外皮烤得香脆可口，用刀叉切下來時可以聽到「刷刷」的美妙節奏，光聽這些聲音已顯示其外

喺去長沙灣打波前附近搵食, 見到一間睇落吾錯既茶餐廳就入去坐下, 5 點零人數不多, 食店多以長枱方枱為主, 但餐牌上估吾到食既野都係西餐SET　，　例如意粉，　牛扒，　豬手等等。　於是我就點左一個一甜品一個西餐ＳＥＴ　同一個小食，　作為我既早段晚餐。！首先係餐湯，　係類似ＣＲＥＡＭ加少少蔬菜既湯, CREAM 比例少, 所以湯不肥而且好有菜既清味.然後就係小食蟹蓋, 呢味十分吸引,蟹蓋入面充部都充滿住蟹肉, 而且勁多洋葱碎同煙肉碎令到咬落十分有口感, 而且兩樣比例都適中, 中和番蟹肉不會食落太油. 吾錯.!然後就係豬腩排跟意粉, 鍾意食燒豬類既朋友一定要試, 佢係用荷蘭既豬腩肉燒烤制成, 豬腩肉肥膏有差不多4成, 而且同肉一層層分明, 口感除左有肉既煙UN感仲有油脂爆出黎, 而皮附近炸得香脆, 再加上用意大利醋, 一種比較酸度高既醋作調味剛剛中和番豬油, 十分好味.!跟餐加意粉, 意粉有好香洋葱味, 應該浸過洋葱水, 但味道偏啖, 同豬腩一齊食就剛好.!野飲方面點左檸啡, 咖啡不太苦, 甜度適中, 配以檸檬, 其實甘整一定吾會差, OK!最後點左甜品有驚喜, 奶凍, 同平時一般餐廳好

九月份又是轉季節的時候, 在荔枝角血併完後, 原本打算在附近吃晚飯, 但朋友想起有間水準不錯的餐廳在長沙灣, 地點雖然遠有點, 但看過朋友的相, 真的很吸引, 所以就決定前往這間餐廳o由長沙灣地鐵站到達餐廳需時約十分鐘, 由於這裡是住宅區的關係, 周圍都是小店舖, 而且街道行人不多, 可以說是暢通無阻o餐廳地方不算大, 大約有二三十個坐位, 裝潢簡單樸素, 但老闆娘的親切招待, 令人感覺實至如歸o這天是星期六晚上, 由於長沙灣不是人流集中之地, 所以客人不多, 我們不用等候便可隨即入坐o朋友說這裡的烤焗咸豬手是鎮店之寶, 大部份客人都會點這道菜, 我們當然也要嚐一嚐o 除了咸豬手外我們還點了香煎美國穀飼法式豬扒配意大利粉, 海鮮酥皮盒配長通粉, 鮮黑松露醬意大利粉及葡汁焗西蘭花 o聽老闆娘介紹, 得知大廚曾在某酒店擔當廚師十多年, 對於每道菜的味道甚至擺設都很講究o我們點的主菜都奉送餐湯, 是日餐湯是南瓜忌廉湯, 橙色的南瓜湯, 入口非常濃郁芬香，甜甜的南瓜把忌廉味都蓋過了, 雖然缺少了忌廉味, 但南瓜的香甜已令我很回味o烤焗咸豬手配酸椰菜果然名不虛傳, 剛送來的咸手豬被烤焗得香味四射

今晚約左朋友食飯，因為朋友都喺呢頭返工，所以就約收工喺長沙灣地鐵站等。去到我地就搵下附近有咩嘢食啦，行行下見到有間西餐廳，門面不算顯眼，行過睇到佢貼出嚟啲餐牌價錢唔貴、望望入面環境又唔會坐得密密麻麻，昏黃嘅燈光兼夠靜靜地可以傾下計，於是我地3個人就隨便試下啦，反正都係旨在吹吹水。店舖地方唔大，簡簡單單嘅佈置，有兩個黑板手寫上甜品餐牌和主菜餐牌，親民而又感覺舒服。睇下餐牌有咩食先，小食有好多款、精選就有豬仔骨、咸豬手同豬柳，仲有6款主菜，有多款意粉、同埋4款飯類，最重要係原來呢度有甜品食的，跟餐叫仲會平啲。菜譜雖然選擇唔算多，但係好似樣樣都係精選咁，睇食物相已經覺得好吸引，我地又有點選擇困難症，都係問問老闆娘有咩好食先，老闆娘推介穀飼法式豬扒同澳洲牛柳，但朋友都不食牛，所以我地叫左豬扒、同咸豬手試試先。 烤焗咸豬手配酸椰菜$105豬手經調味後再風乾，再用高溫烤焗，個皮好脆，肉質咸味適中，隨豬手配埋意大利陳醋，芥末，同洋蔥汁任君選擇，我個人喜歡蘸上陳醋，口味酸甜，陳醋嘅香醇更能帶出豬手咸香味道，仲可以中和食豬手嘅飽飽滯滯感覺，食多少少都唔覺膩。烤焗咸豬手配酸椰菜個價錢先$105，豬手份量

想找一間平民價, 但味道又好的西餐廳真的不易, 朋友平常在這附近上班, 就介紹了這間。晚上4人就決定來到這邊聚會。附近同類的西餐廳不多, 而且附近的人流不算很多, 所以就不用等位。這裏的菜色很精緻, 獨特, 老闆很用心去擺設, 我們點了客法式豬扖意粉, 豬手意粉, 海鮮酥皮盒長通粉…等。一端上來, 2大片的豬扖整齊排列, 橫卧在碟邊, 任你宰割。香噴噴的醬汁, 有點似黑椒汁, 但又不太濃烈, 掩蓋不了豬扖所散發出的肉味, 豬扖邊有脆感, 肉身厚切, 而且鬆化, 配以西蘭花及車厘茄, 美感十足。跟餐的意粉份量有點兒少, 但每條都充滿了香蒜味, 滋味無窮。豬手, 比「沙窩般的拳頭」還要大, 金紅色的外脆皮, 包裏著一層厚厚的肉, 還沒吃, 大家都被它的外表吸引住。肉和皮都很軟脆, 切開時,不難切, 香煙直冒, 熱辣辣的。嚐一口, 皮在咀裏脆的聲音和口感實在太美妙, 但這豬被養得太幸福了, 過於肥滿, 肉吃了幾片有點兒膩, 所以一隻3個人吃也足夠了。至於那個海鮮酥皮盒長通粉, 長通粉味道沒甚麼特別, 都是蕃茄醬味道, 但海鮮酥皮盒, 賣相都挺吸引人, 2隻青口插在酥皮盒上面, 盒裏面有帶子,

今晚去荔枝角見完客，沿住青山道行，自己一個人去覓食，經過呢間餐廳，見到門口的價錢牌唔係貴，而且款式有好多，就決定入去幫親吓．入到餐廳，座位唔算多，大概坐到30人，晚市都比較滿座．由於見客已經用盡我所有energy，所以我點左個意大利雲吞同埋一個牛扒．意大利雲吞，唔似出面淨係得麵粉，入面係有蟹肉，而且肉質鮮甜味美，份量仲要好大份。香煎美國安格斯西冷，牛扒我要六成熟，切開見到肉仲係嫩嫩嘅粉紅色而且冇血水滲出，證明火力同溫度剛剛好，外層完全鎖住左牛既肉汁，入口有彈性和味濃，好有咬口。我見到好多台客都有叫　tiramisu ，本來想叫一個外賣比太座，點知。已經賣哂，老闆娘見我有少少失望，就同我講，呢度Ｄ甜品好受歡迎，叫我下次一定要襯早，咁唯有下次拍拖再過黎食啦．由於我埋單走人果陣已經接近九點半，我見到員工放左一盤蟹起台面，八掛之下一問，原來係人手續隻蟹拆肉黎煮嘢，唔怪得頭先我食既意大利雲吞入面既蟹肉咁鮮甜啦．

由於公司起荔枝角附近，所以平時都會同同事起長沙灣元州邨附近食lunch，而呢間餐廳嘅lunch我都食過好多次，覺得價錢合理而且質素非常好，所以今晚老公難得接我放工，我就帶老公黎試下呢度嘅晚餐啦．晚餐選擇種類多，有前菜，主菜，甜品。我係一個海鮮后，所以凡係魚蝦蟹我都好鍾意食，老公就幫我點咗個芝士焗蟹蓋，金黃色又脹卜卜的焗蟹蓋外表已經非常吸引，蟹蓋入面有好多材料，金黃色的芝士味道香濃，入面仲有好多蟹肉，而且蟹肉鮮甜。之後我地再叫左個香煎美國穀飼法式豬扒１３８，豬扒外層香口，有淡淡的炭燒味，入口鬆化，保留住肉汁，個配汁原來係餐廳自己調製，我見到有水蜜桃肉粒混埋起汁入面，微微既果香味配埋個豬扒，竟然好夾，感覺唔會好飽濟。至於甜品，我就點左意大利奶凍，老公就要咗tiramisu。意大利奶凍上台時，已經見到舖滿咗雲尼拿籽，一入口非常滑溜，奶味香濃，最啱我呢d鍾意重奶味嘅人。至於老公點果個tiramisu，我試咗幾啖，覺得都好好食，味道唔會太甜，餅底有香濃嘅咖啡味，而且仲有淡淡嘅酒香，連我老公本身麻麻地鐘意食甜品既人都覺得呢度嘅tiramisu 做得好出色。

千奇百趣之- 茶餐廳都有德國豬手食?星廚的門面, 甚至是裡面的裝潢, 都活脫脫是一間茶餐廳的模樣. 行過路過都一定會錯過.但看了人氣blogger的介紹, 才知道這裡其實是臥虎藏龍, 食物質素可媲美高級西餐廳, 其中德國豬手是其招牌菜, 價錢才$105, 眼見差不多每一檯的客人都有點.烤焗咸豬手配酸椰菜 ($105)二話不說order了一只, 豬手上桌時, 我們被其size嚇得目瞪口呆, 其他店子的豬手可能只是得兩斤重, 這裡的豬手足足有三斤重, 這是因為店子與供應商稔熟, 所以把大大隻的靚豬手留給店家.靚料加上好廚師, 就成就了一隻靚豬手. 這裡的大廚曾經在酒店工作十多年, 最擅長是煮西餐, 尤其是煮意粉.原隻豬手上桌, 要自己動手把它”開墾”, 真的有點難度, 如果店方可以”碎上”會吃得更便利!外皮香脆得很, 咬落嗦嗦聲, 比很多大餐廳做得更好! 皮下脂肪不多, 卻有豬手應有的膠質, 吃得嘴唇都黏黏的, 十分好吃!另外, 整隻豬手都好入味, 無論外圍或”內籠”, 都有鹹鹹香香的味道, 鹹味好均勻, 最怕吃豬手是外面鹹到死, 裡面則無味, 這個令我好滿意呢!千萬不可忽略旁邊的酸椰菜,

是晚相約友人到長沙灣買野兼食飯，我們到了一間較有茶餐廳感覺的西餐食店晚飯。我們睇餐牌的同時，發現了一個很有趣的景像，基本每一枱食客都會點最少一隻咸豬手。就是因為這個景像太特別，好奇心下，另到我由無興趣變成點了一隻豬手吧！餐湯:雜菜湯這個雜菜湯真是材料十足，每一口都會吃到蔬菜，這個餐湯已比很多茶餐廳好。烤焗咸豬手配酸椰菜 ($105)相信豬手多人點，都應該是價錢吧，其它食店的豬手應該要三百蚊左右，但這裹只是一百蚊，好抵啊! 而且這裹的咸豬手好似特別肥大肉厚。質量就一定夠，當然要試試質素啦，外皮烤得很香且很脆，而豬肉咸道適中，一隻豬手兩個人吃都足夠。薯菜感覺似是沙律，實際是炒菜，熱熱的。食左咁大隻豬手，食返一碟蔬菜，應該可以減少一些罪惡感掛。海鮮酥皮盒配長通粉 ($75)茄汁長通粉味道很好，而海鮮酥皮的賣相很精美，另人食慾大增。一個細小的’酥皮盒’ 放滿海鮮，大蝦、蜆、帶子，甚感豪華。