映水芙蓉 (海運大廈) (已結業)

每月一聚今次黎到位於海港城的映水芙蓉。餐廳環境優美，剛巧安排坐在窗邊位置可以欣賞維港景色。店員首先送上熱茶、酸蘿蔔海硩和荔枝酒特飲，點菜後一邊和朋友聊天一邊等待食物來臨。敲糖棒棒雞$188這個應該是人氣必點的一道菜吧！店員上菜後等我們拍攝好才會幫忙敲碎辣油拌勻這道稍重口味的菜很對胃口，雞肉嫩滑且一陣陣麻辣香味四溢在口腔內。單吃或拌飯也十分適合！沸騰眉公魚$288話說我們當中有位不太嗜辣的朋友，看到這味菜他真的嚇了一跳，不過！其實這魚只是「虛有其表」，吃起來只屬微微辣，我覺得棒棒雞還比這道辣。連不嗜辣的朋友也可以吃得開懷。香芒山葵蝦球$268蝦肉新鮮彈牙，但是山葵口味的沙律醬硬是覺得有點奇怪⋯⋯⋯感覺像是在吃不是食物的味道⋯這道和朋友一致認為不推薦。櫻花蝦米湯蕃薯苗$148食咁多重口味野要食返D淡淡清清佢。蕃薯苗很嫩，配合有點杰的蝦米湯？點來吃不錯。成都擔擔麵$48/位普通正常既擔擔麵。紅糖糍粑$118食過其他地方既紅糖糍粑，相比起來呢家真係一般般呀。總結，維港美境配精緻成都小菜，滿足的一晚

上星期食既，因為妹子回來，所以未有時間寫XD個日，我地去左海港城，想去六公館但book唔切，去到就是旦入一間有位既 - 映水芙蓉不過我想話... 去到個邊好鬼熱，諗住入到餐廳會好尐，結果都係好熱! 佢話無得較，但唔知點解食完，吹完水，就俾錢個時就feel到有涼風...棒棒雞 $188侍應好貼心咁問我地要唔要相機食先, 因為之後佢會整爛個汁，撈混佢其實都真係幾好食，甜甜辣辣咁，不過食到最後就好油，但係香既個隻糖醋白菜 $88叫呢個係因為想像唔到佢咩味，所以要叫黎試，結果係幾好食，但都係辣既! 但又好得意，佢個埋“辣椒”反而係唔辣既，最後我地係清碟，只係剩低少量既汁螞蟻上樹 $148我既至愛，但相對地，我覺得佢比較普通，但係好香，可能係因為石鍋/砵仔上，呢個係同一段食到既好唔同大涼山野菌麵 $48由於我個日好肚餓，所以我要求點個麵，但睇個價錢就知應該得兩啖，但因為未黎齊，就打算唔夠再算呢個個湯底清得黎好香野菌味，而且個麵質幾彈牙，都值得叫啦！山水墨魚餃 $138呢個餃好彈牙，個皮好薄，加埋個牛肉辣醬一流!櫻花蝦素湯蕃薯苗 $138呢個就比較普通，而且我覺得個pet芡汁好核突，撇除呢樣就好正

之前寫咗一篇冇批到出嚟而家補寫返第二篇因為真係比較好味，服務比較好，所以值得幫佢寫多次是日係幫女友慶祝生日，試過好多唔同嘅菜式但係川菜真係未正式搵間試過，於是就揀咗呢間「映水芙蓉」1.千絲西葫蘆，擺碟已經好靚，店員好細心咁幫我地撈個汁同分返開一條條，好精美2.敲糖棒棒雞，賣相已經不得了，用麥芽糖黎豐富辣汁嘅層次感，味道非常好3.蒜泥白肉，汁料同豬五花嘅絕對，濃郁而不厭，絕對係必食推薦4.酸菜湄公魚，可能未食個太二酸菜魚嘅朋友會覺得呢味餸都好正，但好可惜我哋兩個都食個太二酸菜魚所以就覺得呢味餸就麻麻哋啦5.螞蟻上樹，唐宮小聚嗰個版本就好食好多，炒到啲粉絲一條條咁又彈牙又入味，呢度啲粉絲可能師傅問題炒到黐埋一舊真係爭左少少整體來講都係一個非常好嘅體驗，無敵嘅維港景觀、殷勤嘅服務、精美嘅食物，加上自家製嘅送嘅免費朱古力——玉桂蘋果、白酒，特別得黎又有誠意，值得一試嘅餐廳

粉紅色肉球可遇不可求貓毛食肆食其實我本身最愛食中菜 今次係期待已久中菜 我的期待係值得ga 又美麗又美味 碟碟佳餚賣相精緻呢間食成都菜， 朋友們都係怕辣， 之前睇其他食評， 以為係食香辣野， 不過有香無辣 ， 所以唔食得辣都可以來試 。 味道濃少少 我會用野味十足來形容！ 都幾啱我口味 ！ 加上海景 今晚100分

一向都鍾意食四川菜，有朋友帶我嚟呢度試試。 入到去餐廳， 給整個維港景吸引住， 可惜是毛毛雨天，如果好天一定好清好靚。 點了三個菜，敲糖棒棒雞，蒜泥白肉，沸騰湄公魚。 敲糖棒棒雞味道出色， 愈食愈辣，好滋味。 沸騰湄公魚不是一道辣的菜，不過魚身好滑， 有另外一番風味。 總括來講，食物好食有特色，侍應服務一流，再加上有維港景色，一定會再來！

打電話確認過開瓶費一隻100元，客人到後變為一隻800元，結果買了4隻單價400元的智利紅酒當作開瓶費……嚴重敗壞香港作為國際大城市的聲譽，建議大家不要幫襯！！！

同閨蜜傾下計又或者係初次約會好地方👍🏻齋睇相都覺得好靚、靚到都唔捨得食😋😋雖然室內full booking 但室外情調一流，從未試過咁精緻嘅中餐廳（當然消費也不平），就係因為Happy Friday 所以要坐在室外，室外仲可以近距離觀賞海景！又好彩今晚冇落雨又唔熱，仲有微微生風感覺舒服😌唯一要求是上菜的速度快了一點，d餸比較快凍左先來 welcome drinks 🍹 前菜：敲糖棒棒🐔，主菜：蔬菜、蝦、豬肉，甜品：紅糖糍粑及朱古力！響美麗的地方吃一餐飯實在令人感動，還有配合一點點細細聲播放音樂歌曲也陶醉,so Fantasy

同事話中意食呢間野，雖然我本身唔太食得辣，但少數服從多數，出得黎行預左要還，唯有跟大隊啦。可能我地去得早，中午12點左右冇Book位都有得坐。入到去又幾好Feel喎，環境闊落仲有大塊落地玻璃可以望下海景。可惜果日天氣麻麻。好辣既同事好快就揀好左餸。敲糖棒棒雞，一聽個名就知係Gimmick野，上到黎又幾搞笑，係D雞上面用個糖衣整既野好似玻璃樽咁裝住D麻油，之後用支匙羹係咁敲佢，敲碎左之後就撈暈佢，完。開頭見到佢紅噹噹既時候好驚佢會好辣，點知又唔會，反而麻油味香，D雞肉都好嫩口，手撕雞咁。同事另外嗌左個金牌毛血旺，今次見到佢紅噹噹諗住佢會好似個雞咁唔會好辣啦，點知中伏!!都幾辣下，不過佢入面有好多唔同既配料。除左豬血，仲有荀、肥牛、魷魚仔、牛柏葉etc. 幾種唔同配料食落口果種辣都有少少唔同，越食又越想食，都幾過癮。我覺得呢間野環境一流，野食既質素都唔錯。

朋友知我鍾意食辣，帶左我黎試呢間川菜。第一眼望到個海景已經覺得好正。店員亦都好有禮貌(除左個知客)，好詳細介紹啲食品。今次點左棒棒雞，水煮魚，宮保雞丁，螞蟻上樹同埋一個娃娃菜。棒棒雞味道調較得剛剛好唔算太辣，同埋個辣勁係慢慢滲出，非常過癮。水煮魚就唔算辣，但十分麻香。宮保雞丁就味道偏甜，可以不試。螞蟻上樹做得十分出色，粉絲炒得好乾身有咬口，唔似出面食肆咁淋哂。娃娃菜就只係加左啲紅椒絲，冇乜特別。

朋友生日，搵左間靚景既地方慶祝，哩間食高級川菜，所以口味同江湖菜有好大分別，無論係擺盤，調味或者用料第一道水豆豉伴蘆筍，蘆筍爽嫩，味道清淡，伴以磨得幼滑既豆豉醬，互相平衡，第二道香芒山葵蝦球，蝦球火喉掌握不錯，肉質夠厚，口感爽脆，碼係蝦球既山葵汁同芒果醬出奇地配合第三道水煮牛肉，紅油香而不辣，花椒麻而不痺，對於唔嗜辣既人相當適合，牛肉油脂味重，整體味道跟一般水煮牛肉，截然不同最後川蜀烤雞，原隻堂切，觀賞度十足，皮脆肉嫩，足夠掌勺的功力

怕辣的我少吃四川菜，但聽到映水芙蓉好評如潮，加上我超愛LCX這邊美不勝收的維港夜景，終於抵抗不住要跑過來吃一頓！餐廳環境中西合壁，很現代感，最重要是寬敞舒適，而且非常開揚，外圍都是落地玻璃，讓客人飽覽維港夜色。不過窗邊的位置需要很早預訂，戶外的位置則有最低消費，我這些即興來walk-in的，只好坐近入口和路邊的座位，但也頗舒適。點餐後，侍應隨即奉上熱茶、welcome drinks荔枝馬天尼，和醒胃小碟 - 糖醋海哲蘿蔔。雖然我不愛酒，但也未至於滴酒不能沾，喝了兩口，酒味頗強烈，但入口很清新，帶陣陣荔枝香甜。糖醋海哲蘿蔔我不吃的，但男友大讚這小吃跟welcome drinks都非常醒胃，討人歡心！吃中餐我就點了蒽油餅作為餐前麵包，蒽油餅切成8小件很方便吃，炸得一身香脆，餅呈環條狀令口感更鬆化，蒽油香不俗，唯蒽量可多一點。「蒜泥白肉」擺放得頗精緻，五花腩薄片捲著青瓜薄片，加上濃郁的醬汁，有種平衡的清新與惹味，辣度得宜，還是我能吃的範圍內，不過怎麼吃不到蒜泥呢？詢問一下侍應，原來蒜泥是跟醬汁blend在一起，做出入口細膩的感覺，但我覺得蒜味可以再強一點。「敲糖棒棒雞」的裝飾很可愛，是一個水

都係嗰句港女最鍾意就係食景食好西，有靚景就必去打卡嘅！裝修好靚，枱嘅正上方有一盞燈，一定係為比人影食物相而設嘅，一個staff serv一張枱，好細心幫你斟茶，同你介紹每一道菜，每道菜嘅賣相都好得。仲會送杯特飲比你試吓！每人整一碗酥皮蝦濃湯，酥皮好香好好味，配埋蝦湯係勁正！敲糖棒棒雞係必食，有啲似口水雞，辣辣哋幾醒神。螞蟻上樹好香，好夠鑊氣，爭啲叫多份啊！酸菜魚唔會太辣，食小辣嘅朋友都食到。溏辛鵪鶉蛋就相對以上美食就無咩特別。剁椒娃娃菜蝦膏泡瀘沽湖紅米飯，絕對係影相位，staff會喺你面前撈。極推薦，食物好味！服務好！景靚！無得輸！好快會去試埋其他菜

位於海港城海運大廈的映水芙蓉，是間能夠飽覽270度維港無敵大海景的餐廳。由於用餐座享其優越位置，把品味成都菜的格局又調高了一整個層次。雖然訂不了鄰近窗邊的海景座位，只安排了窗邊第二排的位置，但仍是可以一邊品嚐美酒佳釀，一邊感受千變萬化的維港壯麗景色。 茗茶是茉莉花茶，淡淡的綠茶味，卻依舊保留茉莉花的茶香，感覺清新。茶芥每位承惠$38，連小菜。餐前開胃小菜是糖醋蘿蔔絲海蜇，眼看還以為是子薑，放進口中卻有給這個配搭驚豔琴，酸酸甜甜，十分開胃，配以爽口的海蜇，令大家一口再接一口！最新奇的是主打成都菜的餐廳，竟提供 Welcome Cocktails，而我們這次品嚐的是 Lychee Martini，以 Vodka做基調，再以Lychee Syrup調配而成，如果是火熱星期五，應該已和朋友多開一支紅酒暢飲一番。 由於點菜前，我們都預先做好功課，清楚了解哪款菜色是必點，唯一不確定的是份量，以及我們的腸胃能否應付得到傳統成都菜口味，最後保守地三人點了六項菜。 【敲糖棒棒雞 $188】 這個已經成為映水芙蓉的招牌菜了！眼看每一桌都有在吃，頂上丟是麥芽糖包裹著香辣的辣油，很可愛的侍應都會先等大家拍照完

位於海港城的映水芙蓉，不用多說也知道一定能看到維港。幸運的是剛好book到鄰近窗邊的海景座位，一邊看海一邊用餐。茗茶是茉莉，茶味清香。菜芥每位$38，連小菜。餐前小菜是糖醋蘿蔔絲海蜇，蘿蔔甜中帶酸，十分爽口，海蜇又是非常爽，就是開胃小菜的感覺，吃完後，原本的經微飽滯感都無了。中式餐廳居然也有welcome drinks, 今天的是lychee martini，主要由荔枝汁同sake調成，清甜的荔枝味道好突出，伴著香濃的清酒，不酸不苦，小小一杯有着豐富的層次。墨魚子酸辣湯，外表比一般酸辣湯淡色，味道酸中透著辣，開胃去膩又助消化，湯中的墨魚子爽口彈牙，跟酸酸辣辣的湯是很好的配搭。酥皮蝦濃湯，外觀與西餐的龍蝦湯十分相近，酥皮是西式的，牛油味濃口感鬆軟，蝦湯濃而不咸而且鮮甜，蝦肉也比較爽彈。招牌菜之一的敲糖棒棒雞，敲糖內的是紅油，香而不辣，店員非常貼心，等待我們把相機餵飽，才幫忙敲碎敲糖，再將雞肉和醬汁拌好，原本都麻辣味十足的雞肉嫩滑，雞皮薄而不肥膩，加上香蔥蒜蓉更惹味。螞蟻上樹材料主要是肉碎和粉絲，粉絲幼細鬆化，口感輕薄，肉碎和醬汁味道滲入粉絲之中，每一口也是鬆化。百合炒秋葵概念有點清新，吃

OTE 呢邊一直以來都好少去，成日都覺得一定好多內地人。難得今次生日男朋友book 左呢間餐廳，佢知我最愛都係食辣野所以就簡左呢間映水芙蓉！映水芙蓉主要食既係成都菜式，推介既都係比較辣既菜式。 佢地既staff都好有禮貌，唔講唔知原來佢地係內地最大既川菜飲食集團旗下既分店，又多個食好野既地方。環境好靚對住個海，一坐底就先黎一杯welcome drink, 帶有檸檬香酸酸甜甜既cocktail好開胃！ 再黎就叫左碟敲糖棒棒雞，係餐廳既signature dishes見d相幾靚就order try try, 辣油俾糖醬包住，上碟果刻好似藝術品咁，打完卡就可以敲爆個糖衣，辣油慢慢流出，隨即再將佢地撈撈撈，棒棒雞就完成啦，辣得黎幾惹味。 再黎就係蝦膏醬紅米飯，用個熱石鍋盛住，一上碟超熱要小心燙手。經理都叫我地小心。陣陣既蝦膏味好香，食落好香濃。So far 野食都幾好味，加埋個靚環，都可以再試。