朱敏記桑拿菜 (已結業)

位於土瓜灣這間特色大排檔, 雖然帶有點大陸風味, 而且店內比較嘈, 但正正這就是這間<朱敏記>的特色. 每一款菜色都是大碟又抵食, 而最緊要既係好味.必食推介 : 一定要叫這店的招牌菜, ($288) 🤤 ~ 係我見過份量最多最大盆的酸菜魚, 兩條大魚, 所有魚塊已起骨啖啖肉, 配菜有魚片, 金菇, 寛粉. 而且湯底亦唔算油. 絕對值得一試. 另外這店還有很多特色招牌菜,例如雞, 海鮮等, 即使一碟蒜蓉蒸茄子大大碟都很平. ❤餐廳 : 💙地址 : 土瓜灣馬頭圍道

呢間野我真係忍唔住食完即刻就要寫！我朋友介紹黎嘅！我通常有人肯揀去邊食，我係極度歡迎同冇所謂～咁上ig 望下咩環境啦！嘩！正呀！唔係嘀餸～係個老闆娘睇完佢開張嘀相，我都唔記得睇嘀餸！簡直大發！佢係一間大排檔，入到去見到兩枱麻雀，因為佢冇得訂枱，所以我懷疑係老死或熟客！冇相干丫！我黎食野，好食就得啦！一坐低，後面玩骰盅喎！擰個頭過去，丫？！重用戰鬥碗劈緊酒！嘩！係咪拍緊國產零零柒？老闆娘著住迷你裙，問我地食乜？似曾相識嘅感覺⋯⋯um⋯⋯屯門公園娜娜？我拿拿淋攞起本印刷精美嘅餐牌，仔細參詳，哇塞！入面竟然加入左老闆娘嘅生活照，嘩正！追住睇，真係好多餸，我朋友話一定要嗌胡椒豬雜湯，我地再加酸菜魚，魚腸炒菜心，炒聖子，應該夠啦！我內臟人一見都虎軀一震成副計就上？重好大煲！莫急～佢滾咗之後，老闆娘會幫你剪碎晒佢再幫你落芫荽如果黎呢個必叫！係好食㗎！首先嘀內臟好新鮮！個湯胡椒味超濃，生腸，粉腸，生腸頭，豬肺，好多，又處理得乾淨，又嫩又香！我飲咗兩大碗已經開始飽啦！之後呢個酸菜魚不得了！大到可以金盆洗手！佢捧出嚟，我已經倒抽一口涼氣？好大大大大盆，實食唔哂啦！佢係用兩條大鱸魚，坦白講，魚肉冇骨，亦相

第一次去食 本生見咁多明星撐場 都好期待 但啲野食真係好好好難食呀！先講環境 我食野都唔太睇裝修 覺得好食就得 但好大問題係 個日未到八點 已經好多人係室內食煙！咁我帶唔帶小朋友 老人家去食好呢？好啦 講服務！態度其實冇乜問題 但啲員工好明顯做唔到野 點菜又記唔住菜名 上菜又上錯！講最大問題既野食！又細份又貴！仲要極難食！仲要等好耐都未上菜！3個人叫左6個餸都竟然食唔飽！辣子雞冇味又唔辣！炒花甲得個殻！成餐飯食左一個鍾！有九個字都用黎等野食架！呢間野真係好離譜！永遠唔會再去！

日日都經過朱敏記, 但都無入去幫襯, 原因有兩個:1, 我對D貼滿名人幫襯相嘅餐廳有一種強烈中伏感.2, 另一個最大原因係門口只係用一條條透明膠片做門, 怕走哂冷氣唔想食到身水身汗, 所以一直無意慾幫襯.隔離小菜館好三興褶咗, 再前D葉記又唔知點解矛開門營業, 近日跌到得十令度涼浸浸, 睇怕幫襯朱敏記都唔會太熱掛....首先店內原來別有洞天，除咗有個卡啦ok包廂之外，最特別係另一邊有條秘密通去地牢另一個包廂.點咗個鐵板孜然羊肉, 銀魚蝦干蒸勝瓜, 干炒豬頸肉河走芽菜多蔥.優點 :1) 果本 Menu 可以用誇張嚟形容, 記大本又夠厚, 而且印制精美, 當然.... 大大本 Menu 即係提供嘅菜式都特別多.2) 凍0茶居然係用啤酒杯! 有睇頭! 要俾大大大個 like!3) 當日幫襯都9成客滿, 但上菜速度唔慢, 落單后十令分鐘已經上枱.4) 鐵板孜然羊肉口感嫩同juicy, 由其係連住肥肉部份. 由於加咗大量孜然粉, 無咩腥味.5) 蒸勝瓜味道清甜.有待改善 :1) 加翻個風閘唔會噤易走冷氣啦!2) 嘈! 好嘈！前面一大圍枱一大枱客, 旁邊卡啦ok房有人唱得鬼咁難聽唱張學友吻別, 望

看到之前食客的評價 對餐廳沒太大期望由於家人推介 不妨一試星期日 訂左枱六點正 剛坐下附近有張枱未開始用餐已有大叔像飲醉酒大聲大叫 聲音震驚整店 即時通知老闆娘可否轉去比較安靜的位置 回覆未能安排 心理上已準備好 食完快閃 隨即見到餐廳職員安排那枱大叔大姐入房用餐 頓時整間餐廳回復安靜 感謝餐廳的安排食物種類及款式非常多 選了幾道必食推介 例如豬油渣炒蕃薯苗 魚腸炒菜芯 等等 稍為多油 但味道不錯 餐廳服務員態度友善 笑容十足 有說有笑 整體來說 可以推介聚餐的地方

又貴又難食！炒蜆數埋得廿隻，仲要一半得淨殼！碟雞骨仲多過肉，小朋友都嫌冇味吐返出黎！炒菜好似冇落油，同食草冇分別！成個環境唔講仲以為自己去咗大灣區，冇！下！次！

本身食完都已經有2個月 但最近終於有啲時間 我覺得我一定要分享我嘅經歷俾大家訂左枱又話無枱 9個人叫你坐張6人枱地方又污糟餐具勁多油 洗極都洗吾去 大排檔都預左係咁 都算嘞服務員全部都溝通唔到 聽唔明我講咩都唔緊要 落單等超耐 叫個個都叫我等陣 一係就話唔識落單 原來最後要等老闆娘先可以落單 淨係等落單都等左15分鐘食物份量超級離譜 300蚊份牛肋肉 碟好大 仲有條骨做裝飾 睇落以為食緊fusion菜 不過又少又凍 酸菜魚啲魚無味同霉嘅 份量一樣少40蚊一杯凍檸茶係大杯嘅 但完全無茶味其他餸都不值一提最後真係要提提 老闆娘喺我地差不多食完嗰時好貼心咁問我地今晚啲菜點 我地就話份量少得好誇張同味道好麻麻 老闆娘一聽我地劣評 就話: 係咩 我同佢地講聲！擰轉背就走 當然無再返唻 如果淨係諗住做個樣比人睇就不如吾好做啦 都吾系正視同解決問題肯定吾會再有第二次！

不知大家平日到食肆用膳後，有沒有「對單」的習慣，即使會覆核帳單，你又會否親自計算一次，確保金額沒有出錯？日前有網民表示，在土瓜灣一間食店用膳後覆核帳單，發現帳單上的明細和金額的沒有問題，唯獨是總額離奇多出 $100 ，令人質疑食店故意在收銀機上「做手腳」收多錢。有事主在 Facebook 群組發帖，指位於土瓜灣的「朱敏記大排檔」疑「偷雞」，從他提供的帳單列明了九個項目，並清楚標明各項目的價錢，如果將所有價錢相加，得出來的總金額是 $1,430 ，而非帳單上顯示的 $1,530 ，懷疑對方在收銀機上「做手腳」，直言「每枱 ( 收多 ) 100 佢都好和味」。事件於網上引起網民熱烈討論，有人估計食店需要收取「加一」服務費，但隨即有人反駁即使收「加一」也與帳單上的總金額不符，另外，亦有人建議事主就事件通報執法部門。https://m.sina.com.hk/news/article/20190809/0/1/1/有心定無意-大牌檔疑出古惑-收銀機計錯數收多-100-10483045.html

由內街名叫桑拿菜 到搬出大街叫大排擋老闆娘的嘜頭一直係舖頭嘅標誌見成日都有好多車排係舖頭出面 所以就想同家人一試當日一早打電話去預訂晚上枱 然後到下午再打去想睇下有冇得提早少少入座 待應都好似好迷茫 又唔知我朝早要打去留過座 感覺好唔organized然後到晚上去時 再一次搵唔到我留座紀錄 又話要二個鐘交枱 感覺有啲亂到點菜時 餐牌好多菜都冇show價錢出來 要問先知道 可能我唔太習慣咁樣嘅點菜方法最後我地叫左係老闆娘同店舖推薦嘅菜土窯雞 $298呢個上菜時幾特別 一大個鑊上 然後用錫紙包住 應該係即焗的 但打外有點失望 以為係番大陸團果種 外皮有啲金黃 有啲直接燒過嘅感覺 佢原隻上 提供手套畀食客自己撕 幾有趣 味道有點重 而且有點肥 放左一陣會起膠 朱敏記酸菜魚 $288呢個係全晚我覺得最唔錯嘅 雖然對比我係大陸出名果啲 好油 魚唔夠滑多骨 但味道同料都唔錯同足 而且好大份 食唔哂要打包添比起土窖雞 呢個好似抵食少少另外有叫到炒面$78 農家炒豆腐$68 同魚腸炒菜心 $98 三個都好油 都唔太推薦當晚見其他枱比較多人叫原隻燒（？）豬手 雞同酸菜魚我本人同同行朋友都唔太欣賞啲菜色

土瓜灣分店試業中，尋晚10：00左右去試下，話明大牌檔，坐位一定逼夾啲、舊啲，無所謂啦～ 不過最攪野係班客，以為自己真係o係大牌檔，竟然o係室內吸煙。。。餐廳仲有卡拉OK，其實無問題既，不過佢地唱啲咩，成間餐廳都聽到囉。。。唱得好聽就話啫，唱得唔好聽。。。你明啦。。。雞煲：夠鑊氣！啲麻辣配料炒到香噴噴，好鬼惹味，食到黏黏脷；唯一問題係，食完成晚都好頸喝，原因自己諗啦～所以扣咗分雜魚鍋：本來要辣子蒸鱔，老闆娘話無晒鱔，佢介紹咗呢個雜魚鍋比我地，話有4種海魚，唔啱食同佢講；點知一上枱，得5條一模一樣既魚毛，味道嘛，上湯煮魚咁囉。。。唯有同老闆娘講啦，換左個蒸扇貝蒜蓉蒸扇貝：用金銀蒜蒸（即生蒜加熟蒜），啲熟蒜炒到好香，所以個味係100分，不過呢，個扇貝蒸得太長時間，蒸到乾咗老咗。。。得番50分總結：出品仍需努力，唔好比啲客食煙同唱K隔音會好啲，因為試業中，鬆手啲比OK啦～

題外話：聽說由內街搬至現在鋪位。尋晚同朋友好奇光顧，環境還算可以，不過唔知係咪剛開業冇耐，好多想試食嘅餸菜都話冇，人手好似唔夠，揮極手都冇人應機，落單後又出現上錯菜情況（有啲無言，落4款錯兩款），至於味道都不過不失，四款有兩款都唔係原本想食晚，希望開業一排後會有改善。全晚比較有印象都係款水煮魚（原本想食酸菜魚），個盛菜碟好大盤，氣勢夠哂，味道都唔錯既，唯一感覺美中不足係佢冇細爐喺到控住個溫度，有些少扣分。

今天晚上去朋友紅磡新屋入夥，佢話啱啱開咗一間好有名氣嘅大排檔，好想試吓，星期日嘅晚上門口寫住試業中，7:30去到門口已經有成十幾二十人等位，情況有啲混亂，好彩我哋等左半個鐘頭已經可以入去，地方尚算光猛，門口全部有好多明星同老闆娘的相片，再入去睇吓個餐牌，好似成本書咁厚，有好多招牌菜，今日我哋只有三人，叫咗招牌麻辣雞煲半隻，朋友鍾意食辣叫咗個大辣，應該有譚仔特辣嘅級數，食得辣嘅朋友可以過嚟挑戰一下，剁椒蒸大魚頭，個魚非常新鮮，最鍾意佢個底放咗寬粉響度，又滑又彈牙，仲有個黃金四季豆，用鹹蛋黃包住四季豆，鹹鹹香香好惹味，即刻嚟幾支大啤，傾吓傾吓同老闆娘熟咗，原來佢有三間VIP房，可以唱卡拉OK，當晚還見到好多明星，想見明星嘅朋友仔可以去撞下