板神鉄板燒日本料理 (駿業街)

营业中

休息中

我對觀塘嘅印象就係有好多工廈cafe, 每次約朋友去呢頭都係食西餐為主。今次朋友帶我去嘅呢間鐵板燒餐廳就刷新左我對呢區美食嘅印象😍餐廳行高級路線，座位都係圍住師傅嘅bar枱，可以親眼望住師傅料理每一道菜式。餐廳嘅通風系統做得非常好，雖然係食鐵板燒，但身上完全唔會沾到油煙味，值得一讚👍今次同朋友就去試左個lunch set二人前套餐 我地就揀左美國牛肉薄燒set（$1080），成個Set包左✨前菜、沙律、時令刺身、銀鱈魚、南非鮑魚、龍蝦、燒肉、炒飯、煮野菜、湯同甜品✨非常豐富，真係胃口細少少都食唔晒；咁多野食都只係$540 / Per person, 性格比超高😍✨前菜 - 明太子食落口感彈牙有咬口，味道幾得意❤️✨沙律 - 海哲糊麻沙律✨時令刺身刺身總共有5款，分別係赤貝 / 鱸魚 / 金目鯛 深海池魚 / 煙燻拖羅。每款有一片，味道黎講唔算話特別出色，但作為前菜咁過下口癮都唔錯。✨銀鱈魚由呢度開始先真係進入戲肉❤️師傅首先將魚皮同魚肉分開，魚皮放係另一邊煎至香脆，而銀鱈魚則煎至金黃色。師傅將個熟度控制得非常好，銀鱈魚入口首先係濃郁嘅魚油香，口感非常嫩滑，可以話係入口即溶，超級好味😍✨波士

已經聽過唔少人介紹呢到既鐵板燒 今次終於有機會同朋友黎食啦! 原來而家weekend做緊午市限時優惠 order二人前商務鐵板燒套餐 第二個套餐有半價優惠 !!可惜我地得兩個人食 正係可以叫一個套餐🤢無諗過個二人前商務鐵板燒套餐咁豐富 有前菜、五點刺身、活鮑魚、銀鱈魚、牛肉薄燒、炒飯、煮野菜 、湯同甜品~ 另外仲送一隻鐵板燒活龍蝦!!完全唔洗驚唔夠食😙前菜 明太子同沙律本身對五點刺身無好高既期望 因為黎呢到主要都係食佢既鐵板燒~ 但整體質素黎講都算唔錯 刺身味道新鮮 其中煙薰拖羅別有特色 之前唔係好好食鮑魚 但呢到既鮑魚煎得非常之入味 而且爽口彈牙 咁多道菜入邊最鐘意食佢既銀鱈魚 師傅將魚肉同魚皮分開煎 魚肉香滑軟腍 油香味十足 而魚皮則煎得十分香脆 味道可口另外值得一讚既係呢到既鐵板燒活龍蝦 龍蝦鮮甜無比 師傅係蝦肉上面澆上濃郁既龍蝦膏 令口感更加豐富 味道相當出色相比之下牛肉薄燒無咁驚豔到我 牛肉雖包住蔥花和蒜片 但就咁食覺得唔係幾夠味 要點上鹽先岩岩好~炒飯粒粒分明 超有蛋香味原來餐廳將岩岩食完既龍蝦殻熬製成味噌湯 鮮味十足煮野菜最後個牛油砂糖多士十分邪惡 見住師傅落左勁多砂

I get way too much happiness from good food.前排聽朋友講 觀塘有間鐵板燒好出名岩岩呢排又想食拿拿臨Book左先今次要為大家介紹既係 - 板神鐵板燒我地一行二人 點左個櫻·席前鐵板燒二人前呢個套餐包左:-前菜-時令沙律-時令剌身5款-銀鱈魚-活龍蝦-鐵板燒活南非鮑魚-肉皿 (美國牛肉薄燒)-炒飯-煮野菜-湯-甜品重點推介:活龍蝦:佢係勁大隻 同埋好生猛廚師煮既時候佢仲郁緊 好新鮮咁廚師佢個煮法係將啲龍蝦膏煎香之後淋落隻龍蝦到個龍蝦食落肉質鮮甜 同埋佢都好彈牙 超讚Location: Kwun TongPrice (10 is expensive): 7/10Environment (10 is chill): 7.5/10Yummy (10 is delicious): 8/10

早早預訂左午市因為呢排做緊假日午市優惠四個人去真心抵午市二人set從$1180到$2280，第二set半價人均不到五百我地第一次黎，想揀銅鑼灣新店or灣仔海景店諗住食好西睇靚view最後黎左觀塘總店，因為方便朋友之後gathering店舖風格係簡潔，分左幾個房，其實4人以上等於包左房啦～仲正，可以自成一閣,幾cozy而且可以泊車係店舖隔離，我地黎到先知，記得訂位時順道預約喔，唔緊要，泊日升中心都ok,行一條直路都方便初嘗板神鐵板料理，我地都本住小試心態就叫左個started price $1180 set,而其他set主要係“肉皿“果part,牛肉唔同前菜麵豉青瓜蘆薈粒田園沙律有紅腰豆，蕃茄仔，粟米，沙律菜清爽帶少小酸，酸甜開胃刺身5點甜蝦，帶子，爐魚，深海池魚，吞拿魚驚豔到我的係甜蝦爽甜帶少少腍口，時令池魚，魚質實，爽身帶甜煎銀雪魚煎得外脆乾身，食落油脂滿嘴都係，多汁香滑另分開魚皮處理，不停用煎壓方式煎香魚皮所以未食，一睇都知佢脆口師傅十分有心思，煎完魚皮立刻造型，擺盤立刻精緻哂，除左味覺，視覺都係享受我地梗係“相機食先“，用打咭一流鮑魚焗煮少少豉油加油做調味爽彈腍身，新鮮就係唔通d

聽朋友講呢個鐵板燒唔錯，有機會就嚟試下。餐廳間隔係一間間房咁，可坐六七個人，環境清靜，私隱度高，由一個廚師同侍應serve，感覺好似VIP貴賓咁。櫻·席前鉄板焼二人前$1080，二人嘅份量有前菜、時令沙律、時令刺身5款、銀雪魚、鐵板燒活南非鮑魚、美國牛肉薄燒、炒飯、煮野菜、湯同甜品，仲送鐵板燒活龍蝦一隻。前菜係麵豉青瓜，青瓜爽脆清甜，麵豉唔鹹，幾好味。蘆薈粒田圍野菜沙律配和風柚子醋，有蘆薈粒、粟米粒、紅腰豆、番茄仔、紅蘿蔔絲同新鮮沙律菜，柚子醋酸酸甜甜，好fresh好醒胃。時令刺身有帆立貝、金木鯛、池魚、深海池魚同鯖魚，嫩滑油潤，入口即溶，一個字鮮。銀鱈魚外表煎到金黃香脆，裡面嘅肉仲係雪白嫩滑，香草牛油味好出，魚皮廚師好有心思咁煎成“L”形，香脆可口。燒活南非鮑魚。鮑魚上枱仲係生嘅，廚師拆殼慢煎，然後切開放番上殼再上碟。見佢只係落咗小小椒鹽，但鮑魚鮮甜得嚟又有海水鹹味，肉質爽口彈牙。燒活龍蝦。將龍蝦拆肉，用本身嘅蝦膏加秘製醬汁烹調，肉厚爽彈，鮮甜美味。龍蝦頭就拎去煮龍蝦麵豉湯，味道濃郁。美國牛肉薄燒。用薄牛肉包住蔥同炸蒜煎，牛肉甘香，咬開裡面非常香同有口感。炒飯有蛋、煙肉、蔥蒜等配料，

其實係朋友食過呢間話好食，極度推薦我哋去食，平日1:45pm後入坐全單8折，星期六日就4人同行1人免費！於是我地就柴娃娃咁去食好嘢🥰蘆薈粒田園野菜沙律配和風柚子醋好fresh，酸酸地，味道爽甜開胃👍🏻刺身拼盤帆立貝-鮮甜平政-富含油脂，味道甘甜鐵板燒活南非鮑魚真心好好味😋原隻鮑鮑就咁鐵板燒，無需加任何調味料都夠味！因為本身帶有大自然海水味，當然再醮啲鹽食會更野味🥰波士頓龍蝦🦞口感鮮美彈牙，肉質嫩滑多汁，好食到唔夠喉😜銀鱈魚魚皮煎到脆卜卜，魚肉外皮金黃香脆，內里多汁嫩滑👍🏻薄燒美國牛肉牛肉煎到5成熟，再配埋蔥蒜，牛肉入口即溶，蔥蒜味係口腔徘徊，無得彈😋蛋卷蘋果味-清新，食落去一啲都唔漏朱古力味-味道濃郁，好creamy總括黎講無論係食材，環境，服務都好優質，值呢個價錢！人均消費$600

周末我又來到觀塘覓食，今日想食日本菜，上網做下功課發現了這間"板神"有Lunch二人前鐵板餐，一於試下先。櫻.席前鉄板燒二人前送鉄板燒活龍蝦(1隻)前菜時令沙律沙律菜海葡萄 柚子醋蓴菜、毛茄，晶瑩剔透啫喱狀配上酸汁，清爽開胃。時令刺身5款帆立貝 姫鯛配柚子胡椒  鱚(沙錐) 伊佐木 深海池魚腩銀鱈魚魚皮煎得十分香脆，師傅把魚骨全去掉，肉質厚身鮮嫩多汁，配上香草牛油汁。鉄板燒活南非鮑魚鮑魚口感極爽嫩，調味剛剛好，另還有岩鹽和胡椒鉄板燒活龍蝦(1隻)醬汁用上原來的龍蝦蝦膏和特調的自家制蝦汁製作，味道鮮味又濃烈，龍蝦肉鮮嫩彈牙，好喜歡這道鉄板燒活龍蝦。煮野菜肉皿美國牛肉薄燒 (2片)炒飯乾身不油膩，粒粒分明，煙韌有口感，熱度夠。湯用回龍蝦頭餚煮的湯份外鮮甜。甜品師傅為我們泡製了一片糖多士，十分香口，好邪惡，再配埋日本紅豆雪糕，好滿足。

我哋當日叫咗個二人餐 海鮮可以簡龍蝦或者鮑魚 我哋揀咗龍蝦龍蝦好新鮮好彈牙另外牛肉嗰part 可以俾你揀厚切定薄切我地簡左厚切 師傅笑得啱啱好 好好食另外一定要試佢最後尾個甜品個甜品先係成餐飯最精彩嘅嘢食

難得行開觀塘朋友話想食鐵板燒佢話上網睇到呢一間好多人講高質價錢都算高價位好彩原來係兩個人套餐嘅價錢咁除翻開又可以接受入到去發現都已經坐滿左所以店員安排咗一間冇人嘅房俾我哋兩個人可以霸一間房好有私密嘅空間今次叫咗最平嘅日本牛肉薄燒套餐點完餐冇幾耐店員就送上前菜同沙律分別係「麥味增醃青瓜」同「明太子野菜沙律配和風柚子醋」-青瓜好清爽而且配上麥味增比較特別本身聽完我都唔知乜嘢係麥味增味道有啲鹹鹹地又幾好食-而沙律係撈好咗食每一啖都有好清新嘅柚子醋味面頭有三粒橙色嘅我以為係紅蘿蔔原來佢哋係明太子😂咬落嘅口感好實在，脆脆地同柚子醋嘅味道好搭配-時令刺身五款分別係「帆立貝」、「甜蝦」、「赤身」、「吉備奈子」同「沙追」「吉備奈子」同「沙追」比較罕見之前從來都未食過沙追嘅味道幾鮮甜吉備奈子魚味比較濃所以店員都建議最後先食上邊有配黃色既柚子味增剛好有提鮮既效果又可以中和魚嘅腥味食緊前菜嘅時候廚師哥哥就拎住一大盤海鮮入嚟見到呢一個擺盤真係超誇張呢餐飯就靠佢哋回本廚師哥哥仲好細心拎住等我哋打完卡影夠相佢先開始烹調第一樣燒嘅係「銀鱈魚」一開始見到廚師先剝咗佢塊魚皮我心諗做咩剝咗佢我最鍾意就係食塊皮原來佢塊魚皮

去完參觀半億噴泉，心情其差，要食好西發洩。係駿業街就揾到呢間板神，日式鐵板燒，同我內心既怒火一齊燒啦！店子用房間分隔，每房可坐七人。有膠板分隔，環境衛生很好。櫻。席前鐵板燒二人前 $1080送活龍蝦一隻。同個半億噴泉相比，呢餐真係好抵食😋😋前菜青瓜粒，青甜爽口時令沙律有粒粒蘆薈配青新既沙律菜，粟米和蕃茄仔，味道清爽開胃，作為開胃一流👍。時令刺身（五款）帆立貝，池魚，鯖魚，金木鯛，深海池魚，款款都新鮮厚切。柔嫩的魚肉配以手作的青芥末和濃郁既醬油，青芥末凸顯刺身的美味。鐵板燒銀雪魚廚師以香草牛油和特製醬油調味，魚肉入口溶化，加埋啲魚油，滿口都滋味無窮。先把魚皮和魚肉分離，然後把魚皮弄至金黃色，燒到似油炸般香口，脆卜卜。鐵板燒活南非鮑魚廚師巧手地把鮑魚拆殼，先煎香後焗，然後切片上碟。鮑魚味道鮮甜，肉質緊緻爽嫩，入口彈牙，不用醮調味料已經很好吃。鐵板燒龍蝦龍蝦是贈品，但一樣屬上等貨，絕無欺場。廚師先起肉，再以龍蝦汁和龍蝦膏一齊炒，惹味非凡，龍蝦肉鮮甜彈牙。真的不能相信這是贈品。賺了。龍蝦麵豉湯用上剛才剩下既龍蝦頭弄成既麵豉湯。龍蝦頭一向我都覺存有大量精華，吃不了很浪費。現在做到物盡其用，更讓麵

同女仔朋友過嚟觀塘呢邊行街仲喺度苦惱緊午餐食咩嘅時候經過板神燒日本料理記得之前有朋友講過話板神好好食😋而我都已經好耐冇食過鐵板燒一問之下朋友都同意不如一齊試吓我哋兩個揀咗二人餐，$1080 美國牛肉薄燒呢個餐係最平嘅一個餐，加多$100 $1180，可以食美國牛肉厚燒，或者再加錢 食靚啲嘅A5和牛但係我同朋友都覺得佢個二人餐其實已經有好多嘢食，咁我哋抱住下次再試吓其他嘅心態就叫咗個最平嘅先而且我見到佢送一隻龍蝦 🦞，感覺都幾抵食，睇到佢觀塘分店唔算好大，但係都充滿住日本風嘅感覺，冷氣充足，亦都唔覺得有油煙味 好大浸鐵板味，首先係食前菜， 醃青瓜 食落好清新呢啲天氣咁熱 食咗呢個之後即刻覺得開胃左，時令沙律係 明太子沙律🥗本身我係一個唔食明太子嘅人，當其時見到職員介紹嘅時候我都有少少覺得自己唔會食，抱住唔想浪費食物嘅心態試吓，估唔到一啲都唔腥，而且入口有少少食緊蝦子嘅感覺，卜卜脆好好食，加上甜甜酸酸醬 加埋菜 成個沙律我都食晒🤪🙈接落嚟就係時令刺身，一共有五樣刺身有帆立貝 好鮮甜 ，兩舊甜蝦 赤身 一樣係好新鮮 (吉備奈子 柚子味噌汁係上面) 就係銀色呢個魚生，入口比較濃嘅魚味 加上柚

失禮晒😅咁大個人第一次食鐵板燒。睇menu都擔心會唔夠飽，點知最後飽到上頭殼頂！😋板神無論食物、服務都非常高質非常滿意👍🏻完全係滿足你四「覺」視覺、味覺、嗅覺同聽覺🤤鐵板二人前 $2480 🔸前菜🔸沙津🔸刺身五點🔸白鱈魚🔸鵝肝漢堡包/帶子海苔湯🔸鐵板燒活龍蝦（送）🔸日本和牛厚燒/薄燒🔸和牛粒炒飯🔸龍蝦湯🔸甜品雪糕🔸生日甜品 +$100我重點推介😝🔹魚油重既魚我都好喜歡🥰🥰例如懵仔魚三文魚咁。第一次食白鱈魚，聽廚師講比銀鱈魚珍貴，而且魚油再重啲再香啲，食得多會比較膩，兩條仔就岩岩好，簡單調味已相當好食😋🔹大大隻既龍蝦係我地面前依然識郁🤩廚師手起刀落拆肉起肉切件，的確賞心悅目！再用蝦膏同蝦上湯炒幾炒兜幾兜，每啖龍蝦肉都蝦汁醬重重包圍，啖都係彈牙爽口既龍蝦肉，色香味俱全👍🏻🔹終於到最出色既日本和牛薄燒😍和牛油脂分布相當平均，五成熟既時候就包住大量！！係大量蔥粒炸蒜片！！牛味香濃且口感豐富😳搵塊用牛油煎香左既吐司墊墊底，又靚仔又可以吸到多餘既油🥰🥰好食到痴線！！好想瘋狂食多幾舊🤤🔹套餐既雲糕，我地揀左黑芝麻同抹茶，估唔到黑芝麻雪糕咁濃😏😏另外靚仔廚師哥哥煎左塊牛油焦糖吐司，又香又脆😆佢教我地加

剛為「語常會」擔任網上分享會嘉賓，教小朋友寫好食評，並分享了兩道印象難忘的蛋料理，說完都肚餓了，一早預訂了觀塘鐵板燒餐廳「板神」吃餐好，立即出發！又去板神？對呀，因為餐廳最近推出了午市優惠，光顧二人前的「席前商務鐵板燒套餐 (二人前)」，周末及公假第二套半價，平日13:45後入座則可享有8折優惠。好抵？未算！今天我點的「櫻．席前鐵板燒二人前」更贈送活龍蝦一隻，鮮活的龍蝦鮮甜無比，加了蝦膏蝦汁去炒，惹味到不得了；套餐內並有刺身、活鮑魚、牛肉薄燒、銀鱈魚等，每款都矜貴美味。兩間「板神」分店都有推出上述優惠，我是觀塘友，今天就帶大家去較隱秘的觀塘工廠區分店看看吧！觀塘「板神」位於駿業街，近年附近新建了很多商廈，所以食肆選擇都變多了，大家吃完飯，還可以走到附近的海濱公園，觀賞一下那個半億噴水池，PS如果修好重開的話。<櫻．席前鐵板燒二人前>前菜、時令沙律時令刺身五款銀鱈魚鐵板燒活南非鮑魚送：鐵板燒活龍蝦一隻肉皿 (我選了美國牛肉薄燒 $1,080)炒飯煮野菜湯甜品今天我們點了「櫻．席前鐵板燒二人前」，因應不同牛肉，套餐價錢亦有異，由$1,080至$1,580不等，正所謂「慳得一

今個月有好多朋友仔生日，所以今天我們今日去慶祝啦。我大部分的朋友都愛吃日本菜，根據非正式統計，大部分的港人都很喜愛日本，所以每逢過時過節、慶祝生日、慶祝週年紀念等等，很多人都會選日本餐廳。這次我們預早訂座，來到人氣超高的觀塘板神鐵板燒日本料理，果然質素超好，我們都感到心滿意足。 我們1點半準時到達，剛好有客人離開，服務員和大廚的時間管理超好。基本上只有客人離開，便有新預約的客人入座，不浪費仼何一個座位和仼何一分鐘的時間，厲害厲害! 板神鐵板燒 $1080/位 每份套餐，包含的食物多羅羅，更每人贈送一隻龍蝦，令整個午餐更加抵食和吸引。 時令蕃茄沙律清甜冰凍，不錯吃啊。 今天有五款不同刺身，帆立貝、金線鯛、深海池魚、鯖魚和螢光魷魚。有齊魚類、貝類和魷魚，可以吃到不同款式啊。 金黄色的銀鱈魚，魚皮煎至脆卜卜，魚肉非常嫩滑鮮美，好好食呀，值得細心品嚐。 南美活鮑魚燒得非常好，完全沒有仼可可以挑剔的地方，軟彈可口，調味剛好，超好食呀。 雖然我們選擇最便宜的美國牛肉，但質素也不錯。牛肉薄切，包著蒜和蔥，入口脆香，牛肉脂肪滲出，不錯！ 原來贈送的龍蝦如此大隻，店主很豪氣啊。龍蝦肉用蝦膏去炒，朋友食得