板神鉄板燒日本料理 (駿業街)

营业中

休息中

早前友人介紹了在觀塘工廈區有一家服務態度良好而且食物質素高的日式鐵板燒餐廳。果然一試便知道真的是好東西!餐廳主打Omakase 和 Teppanyaki。這次我和女朋友預訂了二人前的鐵板燒，價錢是兩位共1188 。 套餐包括了以下- 前菜- 時令沙律- 時令刺身五款- 即席燒銀鱈魚- 即席燒活南非鮑魚- 即席燒肉- 即席燒活龍蝦- 即席炒飯 - 汁煮野菜- 湯- 甜品-枝豆 及 鱈魚乾 （贈送）入席時候,餐廳安排我們先坐在餐廳中央 Omakase 區的位置。我們先在這裡享受過前菜和刺身。刺身由一位壽司師傅在你面前即席炮製了五款時令刺身。正如圖中， 有帶子，𩶘魚，螢光魷魚（配秘製的袖子麵豉醬），三文魚及一種時令魚類。不是一般級數。師傅即席在你面前表演刀功，及食材的新鮮程度，絕對值回票價！我特別欣賞螢光魷魚! 口感爽!完成前菜及刺身後, 我們理應轉移到小房子內開始鐵板燒。可是, 當天我們品嚐完前菜及刺身後，鐵板燒的房間尚未有空位。餐廳為表歉意，特別地為我們贈送了一客枝豆及鱈魚乾。我想說的，贈送的雖然不是甚麼東西，可是這份心意，可見餐廳對客人的態度！其實我們也不是等候了很久，很快便能夠進入

今日嘗試近觀塘碼頭既板神鐵板燒!因為提前預約好了 所以到店都唔需要等位座位安排係房仔入面，除左我地仲有另外兩枱客人，由一位鐵板燒師傅招呼我地房內所有客人我地點左櫻‧席前鐵板燒二人前，套餐仲送一隻鐵板燒活龍蝦!師傅煮之前都會拎盤海鮮介紹比我地，南非鮑魚仲好新鮮生猛係咁郁~~首先第一道上菜就係時令沙津伴明太子、沙津菜新鮮爽口，醬汁適中唔會過酸再黎就上刺身，今日時令有最愛食既帶子!! 嫩滑鮮甜，其他刺身一樣新鮮好味食刺身既同時，師傅已經煮緊鮑魚，到鮑魚上碟，師傅建議唔好點任何調味，先試鮑魚本身既鮮味新鮮鮑魚夠哂彈牙~同鮮味都夠，所以都無再點旁邊既淮鹽燒銀鱈魚值得一讚係師傅最後會皮肉分離，層皮仲會煎到脆卜卜，而鱈魚肉亦都非常嫩滑~味道適中再黎就係蟹鉗同龍蝦肉，上面加左蟹膏配特製醬汁調成既汁醬，同龍蝦肉配搭不錯煮野菜，普普通通，如果係炒野菜可能更勝一籌然後美國牛肉薄燒，熟度可自行選擇，今次選了7成熟，入面包左蔥花同炸蒜片，味道很香很可口!然後就係海鮮昆布味噌湯同牛肉炒飯，兩個都好味~~食到呢度已經差不多飽最後上埋甜品同師傅即場整既焦糖脆多士! 為今日午餐劃下完美句號~~份量唔多但夠飽，味道亦都好

聖誕後我大佬終於有時間去左食個鐵板lunch最終去左板神試一試佢地點係落巴士後冷過去都要十零分鐘.到步門口睇左餐單我地未入去已經諗好要pick 左2人餐 秋。A5和牛厚燒（100g)主打想食厚和牛另有送隻龍蝦.坐到去就等師傅埋位頭盤係沙律 有d 太酸唔係我既取向但沙律菜尚可仲有海蜇小黃瓜迷你冷盤都開胃既 咬口脆而開胃尚可.係上前菜前餐廳職員有問返有無刺身係唔食/敏感覺得體貼既上左後有5塊職員亦有講解各種魚類同埋由帶子食然後順時針食起覺得不過不失既感覺未去到好驚喜.下一道就係燒活南非鮑魚師傅調咪感覺重手左佢亦係落碟時有溫馨提示有海鹽但應該夠味 唔洗點咬口可以 但對我黎講偏咸.之後再上個銀鱈魚兩食皮肉分離食法皮脆口 肉多汁感覺還好但都係果句未去到要嘩一聲.再黎燒龍蝦既朋友+雜蔬龍蝦用返龍蝦頭既膏去炒甜而不膩肉質係彈牙同juicy 既到睇返雜蔬蘑菇有心機地整到有蘑菇水兜住清淡而有鮮味紅燈籠椒超甜 脆肉瓜多汁 不錯.之後就到我重點focus 既主菜厚燒100g 和牛如果唔好食會好失望因為係為左佢而黎選擇左做5成熟既另附上炒蒜片同鮮wasabi比你配食個人推介直接食粒原味再wasabi再加炒

叫左兩個$1980天。海鮮和牛二人套餐點知個和牛炒飯變左煙肉炒飯我認我地食嘅時候傾計太開心冇留 比左錢臨走望下外面嘅menu先知嬲嬲地想要個交代 點知就出事喇 以下係我地同經理對話嘅重點，事關我地當刻太豬，唔識反應，後黎有再打去問，經理表示：1. 係廚師嘅問題，我代佢講聲唔好意思，但係廚師落左場，一係等佢返黎叫佢炒返比你地食啦（其實我地食完成餐飯，已經飽哂，又唔係住附近，點樣樣等呢？所以我有意思叫佢退錢啦，所以問下個差價）2. 個煙肉炒飯同個和牛炒飯差唔多價錢（我理解唔到，但佢咁樣解釋）3. 價錢差唔多係因為個和牛炒飯嘅和牛 係用厚切和牛個邊切出黎嘅肥膏炒嘅 （哦，原來唔係和牛肉炒飯，係和牛肥膏炒飯，同menu嘅意思完全唔一樣。再者open rice上面其他人嘅和牛炒飯唔少肉架啵，經理又話）4. 其實個邊都有少少肉嘅（問題又黎喇：咁我地塊和牛比你地切完D肉出黎，仲有冇menu 所寫嘅100g呢，經理又咁講)5. 我地師傅切嘅時候一定塊塊都有100g，你需要嘅，我地都可以你個磅你磅下自從經理話咁唔合理地叫我地食左一餐之後再等個廚師返黎整返個和牛炒飯，我地已經覺得態度好差，依家仲要咁威威話

Openrice 見 comment, 相片 感覺不錯，就決定試試午市鐵板燒。一入門口，侍應就提醒只有鐵板燒餐，你地ok 唔ok?感覺有點瞧不起。。但相信唔係的，善意問問姐，無事的。最後選了和牛厚燒$1,580 set另加一有沙律，刺身，鮑魚，龍蝦，雪魚，龍蝦頭味噌湯，炒飯，甜品。食物質素不錯。侍應貼心會詢問有無特別野唔食。最後，師傅為其他人額外整了焦糖多士，我們也滿心期待，但眼見我們沒有。食物好就好，但下次不了～

好閨蜜請食生日飯😋帶我來這家鐵板燒門口的設計很日式低調，早預約不用坐吧枱，一個房間可以坐8位，限時食2個小時左右看菜單的時候有個女服務員來介紹，閨蜜不食魚跟刺身問她套餐的能否改，她讓我點有刺生的套餐，當中的白鱈魚改為帶子，說刺身我一個人食..無言之後點了$880跟$980各一，分別在於大蝦跟龍蝦🦞牛肉是和牛跟薄切美國肉眼🥩🥩🥩也試多點不同的🌾頭盤有花螺跟沙律🥗花螺滷過，咸咸帶點甜味，很好明太子沙律就正常，普普通通吧之後廚師開始燒我們的海鮮看著大肚皮廚師烹調感覺很治療，聽著鐵板的吱吱聲🌾南非鮑魚廚師建議原味食不加鹽，食本來的海水味👍🏽🌾帶子就很一般般，裡面還是有點冷🌾白鱈魚正常吧，煎得外面脆脆的，不過沒魚味🌾大蝦👍🏽彈口超好食，配上蝦膏的汁🌾龍蝦🦞也很不錯，加了龍蝦頭膏炒🌾套餐沒有鵝肝，看到廚師煮給別的客人好想食就點了鵝肝很厚，入口即化，油香撲鼻👍🏽👍🏽👍🏽🌾和牛超差，就嫩一個字，沒油花也不香🌾薄切美國肉眼加了蔥花炸蒜片，口感有層次👍🏽🌾炒飯用大蝦頭炒，煙肉太多，只有煙肉味🌾龍蝦頭麵豉湯就正常，不過沒有龍蝦味🌾一人一球雪糕，選芝麻，廚師再送個甜多士總結〰️食得超級飽，食物味道中上，不過限時

今次揀板神係因為好難得地一個鐵板燒set有剌身同有咁多種海鮮Lunch只得一個set 唯一可以揀係唔同質素既牛 當然價錢都唔同喇店員會問下個set入面有冇嘢係唔食/敏感 我唔食牛店員換左豬俾我鮑魚龍蝦上枱個都仲好生猛不斷郁 五款刺身都好新鮮 帶子好厚師傅都好有禮貌 逐道菜解釋 銀鱈魚師傅剪既時候會起埋骨龍蝦上面既汁係由海膽加秘製龍蝦汁撈埋個蝦頭就會拎返廚房煮面豉湯 我既豬肉薄燒喺我request下師傅俾左double蔥蒜我😆 朋友既和牛厚燒 話超好食食到炒飯其實已經食唔哂最後師傅仲額外整左個焦糖麵包俾我地 望落平平無奇 食完第一件唔捨得食哂佢加埋杯咖啡 係一個完美既lunch全餐飯店員冇停過加茶/換碟最Impress係食完肉之後店員換左濃茶俾我地消滯 抽風系統做得好好 食完個身一啲味都冇感受到店家既用心

觀塘這家鐵板燒開到連灣仔也有其分店, 比起其他同類店舖更積極進取. 作為新興商貿區, 一些以前在觀塘不會聽到的名詞, 如Omakase Fine Dining及鐵板燒等的Luxurious飲食名詞, 也不斷出現在這一區. 板神在駿業街的一個角落, 神秘而高冷的裝橫, 令其隱身在附近的工業大廈之中.定價五百多元的午餐不比和三味等傳統鐵板燒名店的午餐便宜, 用料則見其心思, 除了牛肉和銀鱈魚這些必然Items外, 還有南非鮮鮑及半隻龍蝦, 頭盤有刺身五點, 更覺豐盛. 食物質素尚算不俗, 刺身中的池魚和油甘魚最為肥美, 而帶子是刺身而不是燒出來的, 比較有趣. 燒物中的龍蝦最有心思, 燒完後再淋上龍蝦湯, 口感爽彈而鮮味十足. 鮑魚同樣燒得爽彈, 海水味重 不用點海鹽也可以. 油甘魚外皮燒得香脆, 內裡肉質軟糯, 只是牛肉肉質有點韌, 雖說是牛柳, 但比起其他的燒得有點過火. 牛肉炒飯的火喉則比牛柳好得多, 飯粒層次分明, 用上牛油和煙肉炒香, 突出其香味之餘, 也不會令其過於油膩, 也算是有心之作.

話說阿妹生日 🎂限聚令當中只能兩位吃飯，阿妹想食鐵板燒特別order鵝肝，在OpenRice看到很多好食評，所以前來試一試。不知道因為疫情關係還是如何，這個價錢可以食到這個數量的海鮮實在很性價比高，有刺身、（當然刺身的質素麻麻可以唔食）龍蝦、鮑魚、魚、蝦、鵝肝、澳洲和牛 午餐$880兩位還有八折優惠，實在好抵食，加上環境不錯，我睇咗一下晚上嘅Menu，單點嘅價錢應該比松菱還要貴，清酒Menu都是14代或以上質素，我默默在想在這區的夥伴真富貴。整體午餐也很滿意，味道比花盃稍為遜色，但整體感受和性價比高程度很值得推介。

在這個地區上班，高質素的餐廳寥寥可數。這間開了不太久的鐵板燒可以算是這裏比較高級的餐廳。由佢剛開張就開始一直也有定期光顧，每次光顧都見證住佢嘅進步，客人也越來越多。七月初再來光顧，午飯轉了新的菜單，越來越豪華，和同事們一起吃吃看。前菜是固定的沙律及第一次在這裡嚐到的明太子。沙律菜新鮮爽脆，明太子配上蛋黃醬鹹甜適中脆卜卜，夏天吃很清爽。吃完前菜醒一醒胃，馬上就上刺身五點。刺身都新鮮，不過除了梭子魚魚味濃郁，其他刺身質素都不算是很高級，但以這個價錢來說也抵食。在享用刺身的時候，師傅開始準備鐵板燒的材料。首先出場的是蔬菜、銀鱈魚、鮑魚。鮑魚們還在逃走，非常新鮮。說時遲那時快，師傅已經放上第二碟材料，係龍蝦。值得一讚的是沒有將貨就價用波士頓龍蝦，而是選用本地的小青龍，肉質細嫩，小龍蝦雖然已經被切開，但還在不停掙扎，證明了是用活蝦。接下來的時間就是看師傅表演了。看到師傅熟練地把龍蝦膏、蝦肉等等拆出分開煎，香味漸漸飄出，令人更加期待。很快龍蝦已經可以食，師傅將蝦膏及蝦肉混合在一起，蝦肉煎得剛好，味道甘甜丶配上蝦膏甘香的鮮味，水準不錯。美中不足是蝦肉稍為不夠爽脆。接下來是魚，師傅細心地在煎的時候把魚

半年內第四次光顧，但是第一次午膳，兩個人埋單 HKD2,262。 食物依舊新鮮，味道保持高水準，㕑師態度友善。 李嘉琪經理服務尤其嚴謹，一點半入座，兩點半要埋單，公司規矩 ! 還未吃炒飯甜品呢。 開發票枱頭不能只寫 ‘lunch'，必須 ‘lunch for two‘，又是公司規矩 ! 想找她問清楚，未夠三點，溜啦。 午餐晚飯收費相若，但經理態度完全兩樣。 想一試全港最 ‘牛‘ 的鐵板燒，我推薦讀者去試試午餐。

觀塘商業大廈隱世既高級日式鐵板燒，環境非常乾淨，而且店員服務態度親切，見到某社交平台做緊優惠1:30之後有八折，即係$400幾就有龍蝦，厚燒牛肉薄燒牛肉同埋刺身，仲有鮑魚食，而且仲有我勁鍾意食嘅銀鱈魚。刺身一啲都唔用上當日時令，每一件都係大件又新鮮。餐廳用上左美國牛肉但係質素非常唔錯，肉質非常軟嫩而且有牛肉味。覺得最正係佢個龍蝦，首先會拆咗肉係鐵板上面燒然後再用龍蝦頭去煮湯。環境舒服而且價錢非常優惠！讚

原來觀塘都有咁高質鐵板燒而且頗有名氣名人都有幫襯份量好似唔多但會抱住個肚嗌左鉄板一人前:1. 前菜+時令沙律前菜係明太子，沙律分量慷慨2. 帶子帶子一開四，都係一粒一口，煎到半生熟原殼上，師父教食法係連湯一齊食3. 大蝦大蝦超級巨型，一隻可分到大概六件一口size，蝦肉爽口彈牙4. 銀雪魚舊魚超超滑，火喉時間啱啱好，煎到啱啱熟表面好脆口，可惜鹹左啲，調味有啲過濃左5. 美國特級牛柳/肉眼簿燒揀左厚牛柳，要左七成熟完全冇後悔粒粒牛柳肉，超級香口而且好冧6. 牛肉炒飯+麵豉湯呢間鐵板炒飯平常，可能前面太好麵豉湯都一般7. 西多士+紅豆雪糕西多士係用上白糖，甜甜地唔會太誇張，白麵包煎到好脆身連同球雪糕一齊食，一凍一熱，過癮好夾好邪惡啲結尾

一句做兵既心聲，呼喚左幾多情竇初開既情壇初哥，甘願做一世兵，都要為女神效勞。咪傻啦，你估仲係以前個年代呀，而家閒閒地12,13歲已經講緊A2,A3啦。對佢地黎講，愛情就真係黎過幾秒就無啦，Easy come easy go? Why not？不過有d野就唔係話黎就黎話走就走既。好似今晚黎觀塘呢間「板神 · 鐵板燒日本料理」就講慢活態度，一邊欣賞大師手勢，慢工出細貨，然後靜心咁細味每一份食材既味道，咁就先對得住餐廳精心設計既菜式，呢樣野就絕對唔係凡夫俗子體驗得到！👇📌板神 · 鉄板 · 二人前 - $2480 ♦先付け -▪ 沢蟹 · 數之子 · 番茄 -▫ 前菜其實係一個鬧鐘，提醒你個胃係時侯要甦醒，準備迎接黎緊既美食。呢個沢蟹口感爽脆清新，造型精細，幾得意；中間既數之子其實係鯡魚既魚春，食落鮮甜，粒粒彈牙，夠哂過癮；番茄清爽，酸甜又醒胃，呢個前菜係夏天黎講我覺得幾好。♦季節のサラダ - ▪ 田園野菜 · 海蜇沙律 -▫ 一碟鋪滿哂青綠色既蔬菜，夠哂養眼，沙律加上自家製醬汁，味道濃郁得黎同時好refreshing。配上海蜇絲，口感爽彈，清新開胃。♦刺身 · 五點 -▪ 帶子 -▪ 牡丹

海鮮和牛二人前 $1980 (8/10) .🔶海鮮龍蝦上枱前已經開邊整理好，但一落鐵板仍然係扎扎跳，可見食材有幾新鮮😝蝦肉落左牛油同本身既蝦膏一齊煮，香氣撲鼻，肉質彈牙鮮美😋蝦頭就拎左去煲麵豉湯，毫不浪費👍🏻.澳洲鮑魚全程郁呢郁去好新鮮，實物大過手掌✋🏻兩個人分享剛剛好師父手起刀落就將鮑魚切成薄片，食落爽口，沾上一旁既胡椒鹽更加惹味.刺身五點魚生新鮮正常發揮.炸魚(忘記係咩魚😅)只知道魚皮炸得非常鬆脆，好味到😋———————————————.🔶A5宮崎和牛薄燒和牛薄燒包裹大量炸蒜香葱，牛肉味濃郁而不油膩，麵包雖然輕輕煎過，但其實主要用作吸油，可食可不食😉———————————————.🔶甜品是日甜品係紅豆奶凍，紅豆香甜軟腍，奶凍質感幼滑❤️perfect 師傅心情好重送多塊焦糖多士，如果配埋雪糕一定更出色🤤———————————————By C#sissyfoodie