棋子燒鵝 (長沙灣道)

营业中

休息中

路經深水埗長沙灣道，突然有種炭燒燒鵝香氣撲進鼻孔，望向香氣來源，只見一排紅彤彤、靚靚嘅燒鵝出現在眼前，抬頭一望～《棋子燒鵝》的招牌出現在眼前，原來正是聽聞已久名不虛傳的燒鵝，所以不期然地步入店內！點了客二人套餐，有燒鵝、叉燒兩大碟，份量也不少；另附油菜，主食兩份，我們選了米粉，還有兩杯飲品，都只是二佰來元，抵食夾大件呀！先試燒鵝肶，嘩嘩嘩！皮薄而脆、還有好香炭烤味，原來這隻燒鵝，烤好後再經茘枝柴煙燻過，怪不得如此香口，最難得係肉質鮮嫩不特只，咬落還有肉汁，暫時係我喺香港食過最好味嘅燒鵝，正！叉燒也美味，食得出是採用上等梅頭肉，腌得夠入味，師傅控制火候工力一流，質素拍得住很多“叉燒皇”！米粉的湯頭也鮮，吃後也不口渴！下次想食燒鵝，會專程去棋哥集團的旗下的的食肆

自從晚間冇堂食之後，日日頭痛買乜嘢外賣，經過深水埗見到呢間餐廳的櫥窗掛滿一隻隻又大色澤光澤又肥美的燒鵝，今晚一於食燒鵝，餐廳格局有點面善，抬頭一望招牌，是棋哥集團的店舖，上次食過最出名的燒鵝，非常深刻因為味道很特別又好味比較喜歡吃脾位，所以揀了下压，鵝皮薄有些部位帶點脂肪，一口咬落先感覺到鵝皮脆口，肉汁豐富，鵝肉鮮嫩，肥美但又不油膩，柴香味加埋鵝的油脂香味，獨特的味道真的令人一試難忘，除了鵝肉入味之餘連骨都很入味，倒入充滿鵝香醬汁，更能吊出鵝味，另外還有甜酸醬，濃淡適中，吃得出是自家製的其實除了燒鵝還有叉燒，白切雞，油雞，燒腩肉等等，很多選擇，買返屋企加餸真係不錯的選擇

最近深水埗嘅長沙灣道開咗一間好新嘅燒臘店。燈光光猛，一改眾人對深水埗餐廳嘅觀感。原來係之前唔同旺區有分店嘅「棋哥燒鵝」的系列，主打的當然係燒鵝。見一場經過，門口的姐姐大力推薦之下，再入去叫咗一份加料。一如普通的燒臘店，選擇都唔少。既然主打燒鵝，加上啱啱出糧，就當然要試下。外賣好似仲有九折優惠！新開張期內仲有好多唔同嘅優惠，詳情可以問吓店員。買燒鵝加$10有雞送，都真係幾抵食！燒鵝因為用咗荔枝木嚟燒，所以食落去和聞落去都有很大真的煙熏味，同一般坊間所見到的不同。肉質仍然保持嫩滑，皮也很脆，一啲都唔鞋身。最怕就係食落去又肥膩又油，但係呢一隻燒鵝又唔會。而且返到屋企之後仍然保持微暖。配上店主自家製的酸梅醬，除了酸味，還有淡淡的甜味，配燒鵝以及白飯真係一流！

On my way back home for dinner, my wife suddenly texted me and asked me to grab some dishes back home as the food is not enough. Upon walking past this roasted meat restaurant and looking at how juicy those meat are hanging at the display window, i decided to give it a try. Ki'son Roasted Goose was located at Cheung Sha Wan Road, just beside Sham Shui Po MTR.Most of their meat were displaced on the shop front, with those juice dripping down from it. They offered goose, pork, chicken and parts et

好開心經我租出的深水埗棋子燒鵝 🦆終於開業了，試業期間已經人頭湧湧🤩🤩燒味係進可攻 (堂食) 退可守 ( 外賣)既生意，加上好味道、靚品牌，定必能跨越逆境😷👍💪燒味大王棋哥燒鵝個仔另開品牌叫棋子燒鵝，祝大展鴻圖，生意興隆🤑因此店內都是棋哥燒鵝的餐紙餐牌等。下午茶時間order了燒鵝瀨 （$45包飲品），足料，似有成隻鵝脾🤭 煙燻味香，抵食👍希望疫症快控制到，恢復夜晚堂食🙏始終即時堂食美食最好味😋#逆市創業 #傳承 #有棋父必有棋子 #Cherry攻商鋪 🍒 #MagicCherry攻美食 😋

上次食過棋哥嘅叉燒鬆軟油潤真係食過翻尋味，今日出開深水步見倒有間新開嘅燒味鋪叫棋子燒鵝，原來都係棋哥個集團，見佢新張期內外賣有九折，又斬料返去加餸。格局同棋哥差唔多，比傳統燒味鋪乾淨企理，除左外賣斬料，都有得堂食多款燒味飯。叉燒 - 買左$100叉燒，新張外賣九折即係$90。叉燒肥瘦適中，鬆軟富蜜味，不過今次個師傅就比上次棋哥個師傅切得比較薄身，如果切返厚身少少口感仲好。總結，燒味價錢正路，叉燒質素唔錯，最緊要係乾淨衛生，哩點喺而家哩個時候就最緊要。

在深水埗辦點事後，回家吃晚飯前，先到棋子燒鵝斬料加餸 。店舖位置易找，鄰近港鐵站，十分方便，而且招牌也很搶眼。店舖全新開張，裝修新簇簇，非常整潔。可惜現在不能堂食，唯有等候疫情過去，才可在這光猛的環境用膳。這晚點了叉燒和豉油雞。兩款食物分開盛載，不怕味道混合了哦。叉燒肉質軟淋，肥瘦恰到好處；蜜味香濃，保存了肉汁，相信是傳統的味道。豉油雞肥瘦適中，雞肉嫩滑，烹調時間剛剛好；豉油味香，配合一點薑蓉，更見美味。

今日在深水埗見到新開張的棋子燒鵝，我還以為是棋哥燒鵝的老翻，但原來是棋哥的大仔所開設的，餐廳的裝修及餐牌價錢跟棋哥燒鵝的都差不多，主打當然一樣是他們的燒鵝吧。今晚就外賣了一個燒鵝飯($53)及燒腩仔飯($48)，還只要加$2 就可以有個無味精的例湯，現在外賣還有9折，十分抵食。打開燒鵝飯有點驚喜，除了份量大，還幸運地得到脾位，燒鵝脾賣相討好，油光均勻，外皮鬆化，鵝肉軟而香，因為他們的燒鵝是用荔枝木燻的，所以食到淡淡的煙燻味，不是很多燒味店做得到的，這個要一讚呀! 沾上酸梅醬更正。雖然燒腩仔飯沒有燒鵝那麼驚喜，但燒腩仔熱辣辣，脆卜卜的外皮，肥瘦分明的腩肉，肉質鬆化，都不錯啊。加$2 的例湯都做得不敷衍，有湯渣，沒有味精，飲完不會覺得口渴。

我下午到西九中心購物，經過長沙灣道看見有新店鋪「棋子燒鵝」，看見掛在玻璃窗櫥裏的燒肉很靚，於是又外賣斬料，要了燒肉（半斤）+白切雞（半隻）組合，回家炒碟菜、飯熟就可以開飯啦！一層肥夾一層瘦又再一層肥夾一層瘦的五花腩是最美味可口，油香混和肉香，金黃酥香脆口的燒肉脆皮是我的至愛，吃得齒頰留香，燒肉味道得宜不會過鹹。披上金光燦爛外皮的白切雞，亮麗登上飯枱，皮爽肉滑有鮮味，大受歡迎，佐少許薑葱蓉吃，味道也別有滋味。

第一次嚟到 呢間新燒味舖， 疫情之下就嗌啲燒味外賣返屋企食。見到佢哋啲燒鵝好靚， 隻隻真材實料。我就嗌咗個燒鵝下莊 外賣仲有折扣133, 連埋燒鵝下髀抵到爛。燒鵝皮脆卜卜， 燒鵝肉嫩滑鮮甜。咬下去燒鵝油會流落喉嚨中。入口口感豐富， 燒鵝鵝肉 鮮甜味美，食得 食得出是新鮮 燒鵝。我的油脂分佈式中， 脂肪均勻。我欲同我的脂肪比例恰當好處， 呢隻燒鵝應該係來自深井。 是一隻高質素的燒鵝。食燒鵝最正就係食燒鵝左髀， 左比非常香口嫩滑。一試難忘