樂天客棧 (已結業)

好耐沒有這麼愉快的用餐體驗~在香港做野要醒又要快,難免感到壓力,所以服務性行業員工有時黑口黑面也不難原諒,但在《樂天客棧》似乎沒有這情況,所以員工都好好笑容,好好禮貎~對於我這感覺為先的人來說,食物質素已變得不太重要,但偏偏樂天客棧食物又不錯~服務好又食物質素高價值相宜的餐廳真係買少看少。 元蹄元蹄是招牌菜加上可以補充骨膠原,一定要試試!上元蹄前先上小蠟燭座令元蹄可以一路溫熱,不會出現油琼琼的現象~這元蹄油而不膩~有着淡淡的花椒八角香~十分順口,元蹄十分完整,膠力十足,連瘦肉部份也十分嫩滑!難得難得~ 招牌扣肉包可以一片片地叫~包身十分軟身带少少煙韌,扣肉肥瘦均勺而且十分入味嫰滑,夹上扣肉青菜和莞茜,味道、質感十分豐富,軟中帶脆,脆中带肣,個人認為又手食更加滋味!青芥末蝦球青芥末味道控制得剛剛好,加入少少芒果带出果香甜味!不太攻鼻又带少少刺激,加上青芥末令菜式添上一份日本風,蝦球外面脆漿薄又脆口,蝦身爽甜彈牙,送飯一流!咖啡脆雞創意配搭带淡淡的咖啡味, 雞肉的外層香脆, 肉質嫩滑Juicy~有點像韓式炸雞带少少咖啡苦味,末必人人都欣賞,叫細份都有不少份量。手工海鮮豆腐樂天客棧的豆腐

和父母去奧海城食餐小菜,這裡地方乾乾淨淨,食物精緻,小菜有細中大之分,這種分法都幾體貼唔同size同食量既家庭,小菜亦都做得唔錯,普洱茶又用玻璃茶壺奉上,比我地感覺好唔錯。三杯鴕鳥肉 (小) 106蚊 鴕鳥肉熱量比較低,呢度有。肉幾入味,而且有香草甜味。當歸雲兒花菇蒸鱸魚片(小) 108蚊 我地覺得一般。青芥蝦球 (小) 132蚊 wasabi味都幾balance倒蝦球。refreshing match. 香菜鐵板豆腐 (小) 88蚊 豆腐夠滑,冬菇入味。

這間已南洋風味家鄉菜為買點的餐廳，樂天客棧很適合三五知己來光顧，店家位於奧海城內十分方便，而且環境舒適天麻藥膳豬肚湯 - 天麻味香，豬肚鮮而且加上其他配料足，味道十分濃厚蒜香紅海蜇頭 - 海蜇頭十分爽脆滑口加上蒜香和醋的配合，十分醒胃招牌扣肉包 - 扣肉炆得出色人口鬆化唔油膩加上生菜和芫茜配合得十分完美手工海鮮豆腐 - 上枱的時候完全想像不到竟然係豆腐一件件排列得十分工整，一口咬下海鮮和豆腐溶為一體感覺十分新鮮椒鹽香酥鮮淮山 - 淮山啖而冇味不是人人喜歡，但經樂天以椒鹽香酥處理過後，相信冇人會再不喜歡食淮山了三色桂花班蘭糕 - 味道清新桂花十分香而且不太甜以今時今日對健康的要求來講真的恰到好處

我和太座極之喜歡吃 星加坡 / 南洋 美食 , 縱使每天吃也不會厭 ....凡途經 星加坡 / 南洋的餐廳 , 大多數會入內幫襯 , 這次也不例外 ~Menu ~香酥南乳五花肉五花肉炸得乾身而不硬 , 每一口肉都甘香酥脆 , 滿有南乳之香 , 非常惹味 ~家鄉鹵元蹄 侍應生為我們把元蹄切開 , 頓即肉香四溢 , 外皮既肥美又香滑 , 元蹄已經被鹵得如入化境 , 入口幾乎溶化而帶膠質感 , 絕對是肥而不膩 , 肉質夠腍嫩滑入味 , 鹵汁香濃純厚 , 味道層次感豐富 , 極品也 ~喇沙湯海鮮米線喇沙湯底不錯 , 充滿著椰香也頗為鮮味 , 味道跟我早前在 星加坡 所吃過的味道略似略似 , 依我來看 , 如果這碗喇沙有加上 " 鰤蚶 " 的話就更完美了 ~酸甘香茅凍賣相精緻 , 口感Q韌、清爽又滑不溜口 , 重香茅味 , 甜甜的又帶點檸檬的酸 , 是一道獨特而精巧的甜品 ~ 本篇完 ~

今天，朋友相約到奧海城的無印良品旗艦店閒逛，逛了一會，除了新增的 muji books 之外，其餘的別無他樣，反觀商場內食肆林立，我倆決定專心覓食，繞場一圈後，選擇了樂天客棧，店內空間寬敞明亮，環境舒適，菜式選擇頗多，當中亦有不少特式美食。
先點了前菜，樂天營三彩，青綠的番石榴，爽口清甜，橙紅的櫻桃番茄，口感結實多汁，金黃的南瓜，帶著微酸的甘甜，吃罷確實令人胃口大開。
還有，溏心皮蛋，那份甘香的餘韻，令人再三回味。
再來點了，招牌扣肉包，為了保持最佳的享用時刻，扣肉和軟包是分開送上，熱騰騰的即時夾上，咬下一口，扣肉肥廋相隔，與軟包融合出來那種油潤的口感，實在美味。
主菜上桌，四大天王，有秋葵、甜豆、四季豆及茄子，混著荳板醬作調味，微微的辣度，但風味依然清爽，一次可吃到四款不同口感的蔬菜，而且四款也是自己愛吃的，感覺實在相當不錯。
咖啡脆雞，配搭新鮮，脆雞滲著濃厚的咖啡香氣，外皮酥脆，肉質嫩滑，味道香甜之中帶著一點苦澀，配上杏仁脆片，味道份外馥香，值得一吃。
古早魚香老鼠粉煲，店員端上桌，先淋上酸汁，再徐徐拌勻，鮮雞蛋與熱騰騰的湯汁，再混著多種配料，陣陣鹹香即時撲鼻，老鼠粉口感十分順滑，

前幾天到了奧海城看電影，之後便到樂天客棧晚飯。 那個茶壺太有小二的感覺，很懷舊！ 平日到外邊的中菜都會有碟花生，這裡提供的是小食（$15 ），是熟了的花生及栗子呢～ 先來了兩客是日靚湯：當歸燉走地雞（$42）。 材料十足，湯水帶有當歸味且清甜。 正因為材料十足，一碗入面有半碗是料，剩下半碗才是湯。 所以一人份量的湯水實在有點少，不夠喉！ 下次再去的話，我們會點一盅的～ 再來就是扣牌扣肉包（$20/件），因為餐牌圖片是扣肉已放好在包中。所以上菜時，看到是分開上有點突然。 我那片扣肉較瘦，但味道濃郁，配上生菜及鬆軟包，味道一流👍🏻 手工海鮮白玉磚 （$60），餐牌上的英文名是有Tofu的字眼，不過口感結實，似是手打的海鮮丸，應該沒有豆腐成份，只是外型似豆腐而已。 咖啡脆雞（小份$88）雞件啖啖肉，而且炸得香脆可口，咖啡味濃，略嫌咖啡味偏苦。 涼瓜排骨（小份$88）椒配上涼瓜，帶出淡淡的涼瓜味。而且，排骨煮得林身，好吃～ 最後就是酸甜鱸魚片（小份$104），鱸魚片的魚片炸脆口，配上酸酸甜甜的汁，十分惹味！ 不過，最欣賞是這裡的小菜分了大、中、小 三個份量， 因此人少少的

今日放工同同事去左奧海城既樂天客棧，呢度裝潢算系幾光鮮，非常潔淨、舒適，黎到既時候我expectation都幾高下。食物可點細、中、大份，人多人少都能照顧到，價錢列明清晰。即使系細份，其實份量都唔太細份，兩三人食都絕對足夠。每件只需$20，鬆軟包底夾住大塊厚切扣肉，豬腩肉入味而且有肉香，醬汁夠曬濃郁，夾包食真系一流，加幾塊生菜仲可以無甘膩。呢道菜系其中一款店方推介既招牌菜，千其唔好以為豆腐就無咩特別，醬汁以菜甫、肉碎、冬菇等既材料煮製，鐵板底仲有蒜香煎蛋，微辣而有蠔油香，非常惹味，味道既層次相當豐富。豆腐外脆內軟，仲好幼滑，伴汁食飯確系一流。蒸肉餅雖然系家常小菜，但系去唔同餐廳都總系想試下唔同味道，總想貨比三家，睇下同屋企既有咩唔同。肉餅幼滑，唔會太鬆散亦唔會太實，恰到好處，肉餅本身唔太鹹，調味適中，但伴埋鹹魚黎食又幾有風味。有肉餅又好難唔撈食飯，但系白飯又單調左少少，所以點左個揚州炒飯，但其實菜甫汁都好惹味好岩撈飯食。炒飯飯粒分明，用料充足，當然連質素都好似比一般餐廳高左一級，簡單炒飯都整得幾好食。

早前約了友人去奧海城睇戲, 便順便食飯. 平日較少在這裡食飯, 我地選了樂天客棧. 店舖夠大, 而且座位又夠寬闊和舒適. 我地點了幾個小菜, 包括青芥末蝦球, 砂煲天麻黃酒雞和砂煲花菇西蘭花扣海蔘. 青芥末蝦球. 炒蝦球食得多, 但配以青芥末整法也是首次食, 可以話幾新穎. 青芥末辣的感覺與咖喱, 麻辣有所不同, 辣我唔多食得, 但芥末卻可以接受. 蝦球幾大隻, 而且肉質夠彈牙, 又爽口, 配上令味覺相常易有反應的青芥末, 配搭幾夾, 令人食完一隻想再食. 而在蝦上放了蟹籽, 入口時多了一份卜卜脆. 見到不少客人也點砂煲的菜式, 我相信這裡是整得不錯, 所以我地也點了兩款. 砂煲花菇西蘭花扣海蔘. 我自己不鍾意食太薄又易爛開的海蔘, 這裡的海蔘較厚身, 又較完整, 整得夠腍身, 味道調教不錯. 海蔘本身夠健康又有營養, 食多一點也不怕. 而花菇大隻又算厚身, 食的時候口感佳. 砂煲天麻黃酒雞. 這款菜式加入了藥材, 所以食的時候有好香藥材味道, 我自己好鍾意. 而且雞肉又夠嫩滑, 估不到出來的味道會咁夾. 偶然食下中菜, 也是不錯的選擇.

友人成日投訴最近瘋狂食炸雞又西餐，原來再嘗一間好味中餐😝會勁滋味終於搵到間以樣又好味嘅中菜帶佢食吓，呢到裝潢都幾簡潔👍服務都唔錯<三杯鴕鳥肉煲> 🐦$106(S)先講這飯店大部分菜式都分大、中、小3個份量，當天2人食所以點了小這個鴕鳥肉真係唔錯，食落嫩而肉汁多，加上用咗三杯醬去煮，除咗惹味外😋仲食到香葉跟大量蒜片嘅味道<星洲醬蒸大魚頭> 🐟$178如果喜愛食魚又鍾愛味濃，就要必點這個了😏魚頭用了大魚魚頭，非常新鮮無腥味肉質都幾鮮嫩，最主要再配上佢個濃濃秘製星洲醬👏🏻確是滋味<金銀蛋浸時菜> 🌱$82(S)菜唔老👉而皮蛋跟鹹蛋份量都剛好，合格收貨<椰子西米露湯圓> 🌰$32原來連甜品都唔錯，我超喜歡 椰香奶滑，連湯圓都皮薄餡靚😍餡是足料芝麻結尾都咁正😏確是滿足

奧海城真係一個好地方，又多野食又多野行，今日陪媽媽過黎行下街，夜晚再揀間中菜食。樂天客棧係正2期個𨋢口，好當眼，裝修係新派海派既style，光猛又乾淨，裡面仲有落地玻璃位，景觀開揚，坐得又舒服。而且有好多唔同款式地區既野食可以選擇，我地叫左6個餸，淨低打包埋比屋企果2個懶人食。招牌扣肉包 $40/2片有d似大陸成日食到既肉夾饃，不過就用左扣肉，扣肉如果要以一般標準黎講係偏瘦，對我黎講就非常好，而且肥既部分佢燜到好似啫喱，入口即溶，咸咸甜甜熱辣辣好惹味。泰式炭燒豬頸肉 $86特別在加左胡椒去燒，小小燶加上黑胡椒既香辣，燒得又夠乾身，都幾大碟，豬頸肉外脆卜卜，肉汁保留到ok juicy，唯獨有時會咬到燒燶左既黑胡椒影響左，食既時候要睇清楚撥開晒先食。油條 $78聽閒係本身係菜單除左名，但d熟客次次黎都問仲有無呢道菜先加返上去既，其實係墨魚滑釀入去脆卜卜好似油炸鬼既皮，外層都幾薄仲好鬆脆，而墨魚滑好彈牙，配左個特製既花生墨魚甜醬，感覺都幾似海鮮醬，花生仲脆果陣更加多份層次，唔怪之得d熟客要佢重現江湖啦。聚寶海鮮豆腐(小) $108火鍋小炒咁上碟，保持個餸熱辣辣，豆腐炸漿好薄，又蛋黃香酥味，豆

和朋友吃晚飯，朋友極力推介這間位於奧海城內的樂天客棧，主打家鄉小菜。甚少過海的我，也抵不住誘惑。家鄉鹵元蹄（$138）滷元蹄用多種草藥與香料熬製，如八角和胡椒粒，可嚐到相當足料。元蹄用小爐加熱，香濃的元蹄汁濃郁美味，炆得腍滑入味，果然是招牌菜的首選。櫻花蝦西季豆（$80/細）爽脆可口的的四季豆，煎得香香的，曬上香脆的櫻花蝦與菜圃，咸香惹味，不會太咸，簡單又好吃！海鮮皇炒飯（$88/細）這個炒飯是我非常喜歡的，帶子、蝦仁再加上魚子，充份帶出鮮味。炒飯夠乾爽，飯粒有嚼口，愈吃愈滋味。椰汁西米露湯圓（$32）椰汁味道濃郁，流心芝麻湯圓大粒又夠熱，芝麻流心緩緩流出，多邪惡啊！

是日跟尖子到樂天客棧吃飯, 訂了枱, 平日晚上八時正到達, 場內的客人不算太多. 店內地方頗大, 地方光猛, 環境也算清靜, 很適合chit-chat. Menu選擇頗多, 點選了招牌扣肉包*2份(HK$40), 咖啡脆雞(小)(HK$88), 三杯鴕鳥肉煲(小)(HK$106), 手工蝦棗(HK$68), 海鮮皇炒飯(小)(HK$88), 茶芥每位(HK$7). 招牌扣肉包: 包身夠軟熟, 扣肉肥瘦比例適中, 肉質不鞋, 脂肪位置帶甘香, 夾著少許菜一起吃, 挺不錯. 咖啡脆雞: 賣相挺吸引, 好像很入味似的, 試一口, 帶有淡淡的咖啡味, 這種配搭挺有創意. 雞肉的外層略帶香脆, 也不錯. 三杯鴕鳥肉煲: 筆者還是首次吃鴕鳥肉, 肉質夠淋軟, 味道沒有過分羶, 跟豬肉片差不多, 醬汁頗濃郁, 鹹中帶甜, 挺入味. 手工蝦棗: 炸得夠乾身, 沒有太油膩的感覺, 外層酥脆, 內裏的味道有點像吃牛肉球般, 真有趣! 海鮮皇炒飯: 飯粉炒得夠乾身, 合格! 材料也算豐富, 有帶子粒, 蝦粒, 蟹子粒, 蛋, 蔥花. 少一點油則更加完美. 很欣賞店內的菜式設有大中小size, 即使人數少也

去過樂天皇朝兩次，原來奧海城有家樂天客棧，似乎平日很旺，門口設置等位輪號燈箱。又話今晚會打風，今天整天天晴，但果然人人早返家，我可以唔駛等有得食。每日靚湯 $42，竟然係樂天皇朝的燉雞湯，濃到似雞汁，清到似無落鹽，但已經好好味，不過，面頭有層油！家鄉滷元蹄 $138，炆得腍，始終只係塊皮最好味，但食一件已經滯，肉嚡了，汁美味，送麵飯都啱。四大天王 $68手工蝦棗 $68，做得非常好，鯪魚豬肉混合的饀，滑得嚟好咬，大大件有口感，炸得酥脆，配甜酸汁夾。仲點咗砂煲天麻黃酒雞－小 $96，夠酒味，雞滑，有不少薑絲，當湯飲都得。楊枝甘露 $32，價錢唔貴，夠濃料足清甜。煮得有水準，價錢合理，可以再嚟試埋其他。

今日屋企無飯食，所以同屋企出左黎奧海城食飯，最尾揀左樂天客棧食中菜。坐低後，待應亦放低左個餐前小食。炆粟子花生：入秋時份食粟子，真係好啱時份。而粟子好香同脆口，花生口感好淋身。菜香鐵板豆腐：豆腐上面鋪滿菜鋪同肉碎，而鐵板既底部有雞蛋，豆腐好滑，本身個汁有少少辣，加埋菜鋪同肉碎一齊食，送飯食一流！排骨王（小）：排骨外層薄薄既炸粉，排骨亦好入味，肉質好juicy同好鬆軟，咬一口已經撕開！甜酸鱸魚片（小）：鱸魚片既炸粉一d都唔厚，甜酸汁裡面仲有洋蔥、紅椒、青椒，點埋爐魚一齊食，真開非常開胃。老鼠粉煲（小）：覺得個名好得意，又想試下新野，所以叫左依個煲黎試。原本老鼠粉係銀針粉，放低左之後，待應幫我地淋上桔仔汁，另煲入面有鮮蝦、香菇、椰菜花、肉碎、雞蛋、蔥，食落去好有獲氣，銀針粉好入味，依個煲絕對有驚喜！三星桂花班蘭糕：每舊糕共有三層，面層係杞子桂花糕，中間個層係班蘭糕，而最底層係椰汁糕。最好係一齊食又得，三層一齊食亦得。總結：依度環境裝修得好光猛，枱與枱之間亦有距離，唔會有太大壓迫感。另外，有某些餸可以選擇小、中、大既size,如果人唔多而又好想試多幾樣餸，可以揀細size,又可以滿足要求又唔

我們是新張後不久去吃的，因為點夠了一定數量，所以送夾包。服務員態度很好，負責我們這檯的在點餐時給我們意見，想幫我們節省金錢。他估計我們的食量，推薦我們點大或中或少的菜。食物味道算不錯，不過價錢偏貴，否則很值得經常去。推介鴕鳥肉，質感很好，每一片都很薄，配上醬汁後很新鮮，以前從未試過這味道。