水月 (已結業)

本來book左米芝蓮一星餐廳，但同朋友食lunch時佢話Mic唔太好，建議去水月，特別推介佢既甜品，我即時打去book枱，一位女士接聽，我問即晚6點半是否有2位，佢confirm有，我留下名電話後，佢話會send menu去我手機，等到6點都冇message，只好打去查詢，點知佢話佢地開7點，但我都已經差不多到天后，都冇辦法，我只好叫佢盡快send menu俾我，原來佢留錯左我電話，收到menu後，因為我對部分海產類敏感同埋唔食生野，見佢頭盤全部海產即時問可否更改，佢就俾左個素菜既menu我，我都覺得可以，咁我問佢主菜可否選回正常menu，佢就答我咁收$888，為免混亂，我打去同佢講清楚，點知一打去佢就話佢地冇食材要同我取消booking，我話我已經到左天后，行緊過去，點可以咁樣取消我既booking?! 佢話佢地寫明開7點，咁耐以嚟都冇同人book過6點半。本來開開心心想去食餐飯，真係嬲到不得了，咁既服務態度真係幾好食都冇用！收中高級餐廳既價錢就應該提供中高級既服務同食物，咁既態度同做事方法唔配呢個價錢！強烈建議餐廳請返專業既服務員！

今日我生日，男友安排餐廳食飯慶祝吉列鱈場蟹蟹鉗淨係個造型已經夠哂型！打開蟹殼，裡面係非常香脆嘅蟹鉗一對，啖啖鮮甜蟹肉，一絲絲睇到，好足料，食埋櫻花蝦沙律，完全唔覺得熱氣高湯鮑魚&清酒磯海螺係冷盤黎，磯海螺好香清酒味之餘亦帶清甜，好有咬口。鮑魚好林亦入味，甜甜地，味道好吸引。下面海苔及左d鮑魚汁好正！呢個冷盤夏天食一流！64度溫泉蛋配意大利穀物，菠菜片我會咁樣形容呢道菜式：樣靚！有內涵！非常有深度嘅味覺享受！界開溫泉蛋，蛋汁同其他配菜結合，完全係無挑剔位！平時要喺非常高級嘅餐廳先會食到呢種味道層次！鱈魚金華火腿冬瓜湯絕對唔係冬瓜煲水果d湯！根本就係瑤柱濃湯加入冬瓜茸嘅湯！出奇地好飲！夠哂消暑清熱氣！亞熱帶泡泡好得意嘅refresh位北海道黑毛豬配菠蘿牛油汁如果你係好鐘意食肉，選擇呢塊豬一定唔會有錯！肉香、彈牙、juicy！燒得好靚旁邊嘅燒菠蘿又係極品Diy窩夫意想不到的甜品！有得玩同好食！甜品個生日牌都食得，用杏仁糕焗仲有音樂盒播住生日歌俾你聽，成件事好浪漫自問光顧香港唔少貴價食肆，好多時俾錢都係食環境但冷漠。呢度係食食物質素，食親切服務。男友話訂位之前睇左幾篇食評，形容呢間餐廳服務好差

家姐生日話想食好野，本來諗住食buffet,但諗真d，雖然buffet係多野食，但有好多係唔會食，最後接受朋友建議訂水月，朋友話食質素呢間餐廳係食set, set dinner only。有5款主菜選擇，羊，龍蝦，牛,豬或帶子。我地4個人叫左龍蝦，帶子，黑毛豬&羊。頭盤係海膽吞拿魚腩蓉米餅，海膽鮮甜無比！整塊米餅都好豪華，上面有塊葉係生蠔味，好特別，從來未食過熱石燒鮑魚，好日本feel！令我感覺自己食緊日本野咁天然嘅石燒鮑魚都係第一次！估唔到係咁香口，加埋個海台一齊食好好味，仲可以自己燒黎食，好玩有趣！龍吐珠，平平無奇一粒炸丸，原來內有乾坤！外層彈牙蝦丸，中間竟然係有粒龍眼，裡面再有卜卜脆蟹子，完全唔駛點汁都好好味！蟹肉鱈場蟹鉗豆羹，爆like隻鮮蟹鉗，鮮甜十足！蟹肉湯足料，啖啖蟹肉，豆羹香滑。另外再叫左黑松露天使麵&西西里紅蝦意粉，前者係凍食，香及清爽，非常好味！後者係熱食，用扁意粉煮，香濃回味，個汁好味到無朋友帶子鮮味彈牙，龍蝦爽口香濃，黑毛豬非常香口，肉質好有口感，麻籽羊架味道非常特別！甜品叫DIY曲奇，非常有創意嘅演繹！你以為係蛋黃，佢竟然係木瓜，幼白嘅麵粉，原來係乳酪雪糕。如

女友訂左佢心目中五強的餐廳：水月。經過上年食完一次之後，大家都好期待再食。 今日慶祝紀念日。 準時7點到，點左主菜羊及帶子。 海膽吞拿魚腩蓉米餅，海膽真係鮮甜到無得輸整個組合係絕配 煙燻清酒高湯鮑魚及磯海螺：打開鮑魚蓋有煙飄出好過引，鮑魚味道香甜帶些米香，海帶爽口好食。磯海螺鮮甜 龍吐珠：出面係彈牙蝦膠，裡面有水果同埋鮮魚子，味道唔覺肥膩，好香口好食 蟹肉鱈場蟹鉗豆羹：呢碗湯直頭俘虜左我地味蕾！蟹肉鮮甜，蟹羹滑溜 青檸泡泡：refresh用途 麻籽烤羊架：肉質真係好嫩，味道好香好正 店員介紹我地食新鮮北海道帶，抱住一試無妨心態試啦，真係無點錯！好鮮甜彈牙！仲好味過築地即煮買黎食果d 甜品叫DIY waffle,係份子料理甜品！好彩店員解釋得詳細食用方法，否則以為要自造黎食整體上我地大家都非常滿意，餐廳氣氛好，音樂柔和，店員親切有善，只需要自己enjoy投入，成件事等於係美好。黎呢度慶祝生日會好開心，隔離枱生日，甜品有個牌加埋蠟燭，仲有音樂盒播生日歌，場面好溫馨，店主為客人真係好細心

我哋七點半準時到達餐廳，餐廳裝修很簡單。到達後有一位女待應將餐牌並介紹咗餐牌一次。我們看過餐牌之後決定要鱈魚同牛扒，但是女侍應卻極力推介要加錢的日本黑毛豬和北海道帶子。我們堅決叫鱈魚和牛扒。但是那位女待應繼續堅持要我們叫豬和帶子，又話豬是用特別的焗爐焗製，又話食材當日先運到，不惜把他們菜式踩低，話鱈魚扒是雪藏沒有鮮味，牛扒也只是一般菜式亦不及其他扒房，叫我們不用試。我心諗：你講到咁差你叫我點會叫。最後我放棄了黑鱈魚扒，選了牛扒和豬扒。他們上菜嘅速度很快，不一會第一味已經送到，而上每一味菜餸到時，值得一讚是他們都會教我們食的程序，解釋得很清楚。食物賣相的確是很精緻的。主菜終於上場，我們亦十分期待的豬扒上來了，可惜豬扒的味道一般，我平時在超級市場買到的7-80蚊的味道沒有什麼大分別，也沒有什麼特別技巧。反而有牛扒方面卻有一點驚喜也沒有她說的這麼差。到最後他們上完甜品後，最憤怒的事情發生了，我們酒也有大半杯，女侍應竟然不發一言放下帳單，就像迫你走，但是另有三台食客在吃，當時也只是大約九時。算吧，两位埋單＄1600，這樣的質素收這樣的價錢實在很不值。總結：我覺得作為一間餐廳，食物質素當然重要，

當食野係享受嘅時候，就要俾自己食得靚、食得賞心悅目、食得值...特別係工作大壓力嘅時候又無地方可以宣洩，食好野就係我減壓嘅方法。水月餐單轉左新食物，就黎啦。 海膽吞拿魚腩蓉脆米餅，好鐘意佢塊有蠔味嘅葉！你以為自己食緊生蠔，其實係食緊法國蠔葉。極度甘甜嘅鮮海膽，呢一刻，開始忘記今日受嘅委屈。 蟶子皇配黑醋魚子，凍食蟶子皇，連埋酸酸味嘅黑醋魚子及旁邊嘅噴噴調味，非常鮮甜，好玩又好食。 64°C溫泉蛋配意大利穀物·菠菜片，個賣相好靚！有d驚為天人，看似平凡，其實裡面幾種材料加埋一齊食非常有層次，從口感至味覺上都係好有深度，根本就唔係溫泉蛋咁簡單。 鮮溫室粟米濃湯·腐皮，呢個湯個名非常平平無奇，但飲第一啖果陣我有少少嬲！原來由細到大阿媽煲俾我飲嘅粟米湯味道係咁假....心裡倒抽一口涼氣！原來新鮮粟米煲嘅湯係咁香甜，香甜中又帶點清爽，每一啖都吸引你追住飲，連埋腐皮一齊食出奇地吸引！令我依家寫緊食評都忘記唔到呢種味道。 亞熱帶泡泡，主菜前一個得意位，清味蕾同朋友share主菜食，一肉一海鮮大家份量平衡哂。 北海道黑毛豬配八珍山渣汁，豬味香、肉質好有口感

喺航空大廈返左兩年工，聽過十幾個同事講「水月」呢個大名，每次唔係聽到「好驚喜」「堅正」「一定要去」就係「性價比極高」呢類形容詞....上網睇左好多食評後，我諗我真係要去一次。行過去信德街只需要3分鐘路程，我試過兩次walk in都無位，一條咁水靜河飛嘅街都要訂位？唔係卦？！好！今次我有訂位，一定唔會走雞啦。同朋友6個人，坐底選擇左主菜及酒後開始享受晚餐。先黎3款前菜： 海膽吞拿魚茸脆米餅海膽甘甜新鮮，整體表現係出色，絕對係一個好開始。 煙燻清酒高湯鮑魚&磯海螺：磯海螺吉住好似食魚蛋咁，慢慢細嘗，越食越鮮甜好味。而鮑魚就帶米味香甜，裡面嘅海苔吸哂d湯好味！ 櫻花蝦龍吐珠：呢碟賣相絕係藝術品，唔捨得食！外層香脆，估唔到食到中間果層都係脆卜卜細魚子，好吸引味覺！ 之後係湯，鱈場蟹鉗蟹肉豆羹： 每一啖都充滿鮮蟹肉嘅味道，加埋隻鮮蟹鉗，口感味道完全係滿分。 青檸泡泡：主菜前refresh味覺，賣相過引 主菜，北海道黑毛豬配八珍山渣汁：肉嘅質感比較實，唔似食開嘅西班牙黑毛豬細嫩，但肉味好香濃，我個人比較鐘意呢種，入口好實在，有d炭燒味道咁，配埋個汁好正。 最後到甜

睇左其他食評，食物大同小異，不多作解釋，公道講句食物質素可以，係above average, 服務態度真系好有問題！話說我地book左7位，當然有張8人臺坐，結果有個朋友臨時話想來。於是我地就問下個老闆娘會唔會準備到食物比無訂位的朋友，老闆娘話可以，但係8點就last order . 因為全部食物都係slow cooked, 要一早準備。 ok 轉頭我地就問如果朋友淨係來坐下唔食野可以嗎？個女人居然話都要收$688+10%!!! 原因係好似酒店食buffet道理一樣，行入來就要收錢，傻的嗎？而且說話的態度一點都不友善，又話預左有walk-in客做兩輪生意，但係之前又話8點就last order,點做兩輪生意呢？根本就係廢話！我地張臺本來就有一個位係吉既，個朋友來左食唔食野都唔會阻礙到walk-in客架啦，唔通有一個walk-in客會同我地搭臺？！ 有個朋友想換過隻酒杯，個女人居然話因為free corkcage 所以無得換杯  真係痴痴地！總括來講，食物質素7.5/10分， 服務就0分，態度極度惡劣，自己做老闆更加應該對食客好d，盡量滿足客人需要，何況我地都無提出特別無理要求！

來到一間小隱閉的橫街裡，六點半踏入餐廳成為第一位顧客，不過甫坐下第二台客人也來到。 餐牌很簡單，只是六個主菜中揀一，揀好其餘的前菜甜品一一由餐廳拍板。先來前菜: 海膽吞拿魚腩茸脆米餅  大大塊新鮮的海膽靜躺在嫩粉紅的吞拿魚腩上，共同在一片脆米餅上飄浮，還有兩片綠葉小船和小紅蝦魚子在旁，賣相嘗心悦目。底下是裝飾的白米，吃的時候要小心，不要把米餅弄太碎，沾到底下的生米粒就破壞了整個口感。吞拿魚肉質柔滑細嫩，海膽鮮甜綿密，誘人組合。 接著上鮑魚，三片厚度相近的鮑魚親自被食客一塊塊放上接近四百度的熱石上烤五至六秒。一烤即嗞嗞聲捲起的鮑魚香氣撲鼻，放在有海藻的大貝殻上，慢慢入口品嘗鮑魚的鮮嫩多汁。 被一雙手盛著的是我們的第三碟前菜: 吐龍珠。珠中有三層，外層是蝦子先被打成蓉再炸得金黃，包裹著一棵龍眼而最裡層是飛魚子。配搭新鮮，層次豐富！輕輕倚在龍珠的墨綠色片其實是菠菜，先打成蓉在用分子料理方法做成脆片，像薯片不過沒有薯片般薄和脆，也沒有太重的菠菜味道。在吐龍珠上的蝴蝶也有來頭，不過味道沒有留下很多記憶。 最後一道小前菜是鱈場蟹鉗蟹肉豆腐，很香甜的蟹肉湯！先吃蟹鉗，一大啖鮮甜蟹肉！加入

It was a cute place for gathering.  Lovely food presentations and they do all taste as good as they look.  They have set menu and change it from time to time.  All dishes were full of surprises.Interesting combination. The fish was nicely half cooked and tasted good with the bubble.The abalone was rich in smoky favour. It was served with aluminium foil covered, which the smoke came out once you open the wrap.  Very nice presentation and lovely dish.The deep fried ball was so tasty.  Crispy outsi

提早慶祝生日事前我係完全唔知食咩既既😜😜落住大雨、又未夠鐘好彩店主都比我地入黎☺️入到去所有擺設都好低調好舒服☺️今晚食既餐單😋😋😋我跟住個餐單逐一講食評😎每上一道菜就會介紹點樣食，好窩心👏🏼一隻碟既原因，會令到食材既吸引度大大提升👍🏻👍🏻第一道菜由米餅、海膽、吞拿魚、魚子既一道菜開頭叫我地試下個蠔葉，一試真係有蠔味😱😱😱呢個既海膽好甜，好既食材係一定唔會腥👍🏻👍🏻成個都好match第二道菜呢個係我咁多道菜式最喜愛既一道清酒鮑魚一揭開有啲煙散出來，十個趣好清甜，完全冇酒味👍🏻👍🏻👍🏻鮑魚都算入味第三道菜因為隻碟關係，我見到即刻幫佢改名-交給你😂😂呢個菠菜片真係好好味，口感係未試過😌入面有隻大帶子，輕煎一下，香得黎，唔會好（流）黃色一粒粒個啲你意大利糙米加中國既薏米薏米都可以當整意大利飯咁！！好利害呀！第四道菜呢個𡙡有多重口感第一啖咩都冇落，好清甜蟹味好濃郁之後再加個醋，真係好似食緊大閘蟹最好味係個豆花冇諗過個味咁出，好難形容😌不過有小小瑕疵，食到有殻😅😅呢個意粉係低溫烹調黑松露個味更加出呢個係清理口腔係聰明人先飲到架😉到主菜啦個牛👍🏻👍🏻👍🏻好好味但個和牛就差啲，好似食香口膠但整體上都好食

無錯，我同大部份人一樣，都係冒名而去「水月」，好想知道網絡上食評嘅評價咁高係真定假。今晚一試就知龍與鳳！相比其他食店嘅分別，佢無貼上名人明星相片作招徠，反而係店內牆上掛上好多廚師得獎獎牌，係屬於一間低調而務實嘅餐廳，卧虎藏龍！海膽龍酥撻配玉子，海膽好鮮味，個小圈撻好脆，完全無油利感覺。蠔葉好特別，味道係生蠔味！煙燻清酒高湯鮑魚，鮑魚鮮味十足，個湯帶香甜，煙燻好有趣。香煎北海道鮮帶子配菠菜脆片，第一次食slow cook菠菜片，口感及味道都比新鮮更勝一籌！帶子鮮甜彈牙！紅色果塊係法國香葉，天生葡萄味，酸酸咁好開胃。鱈場蟹鉗蟹肉豆羹，蟹肉湯好豐富鮮甜味，好多蟹肉喺裡面，鱈場蟹鉗亦勁鮮甜！北海道黑毛豬配八珍山渣汁，肉味好香，好有bbq味道，肉質帶爽口，好正！北海道帶子配蜜糖豉油汁，帶子係非常彈牙有質感！好鮮味，帶子味好濃郁！配埋嘅菇亦好香好惹味！Diy 月餅，新奇嘅份子料理甜品，非常有層次，估佢唔到！以為要動手做月餅，原來係已經全部食得！d激似麵粉嘅幼細白色粉狀，竟然係雪糕！好味嘅乳酪雪糕！整體配搭創新亦好味。「臥虎藏龍」4隻字形容哂！勁！要讚侍應d服務非常專業，每道菜都細心介紹，好好笑容好

上次黎水月係兩年前，今次係女皇話：我d friend個個都去食過水月，而我不知道是什麼味道...=·="無野講，唯有訂位，訂平日可以快d,等兩星期。女皇超期待，沿途去緊都同d friend講去水月食飯，呢份純真...真係好耐無見過=_=海膽龍酥撻玉子-賣相好似小魚缸咁，tum女一流！d海膽真係新鮮到暈，落到喉嚨唔捨得吞，個圓卷撻仔好似個波咁，好脆好香！塊玉子估佢唔到咁好味！正當我想繼續食，女皇已經剷起哂我d海膽獨吞！煙燻清酒高湯鮑魚-又係影相位，不過隻鮑魚好鮮甜入味，煙燻好過引～香煎帶子配波菜片- 隻帶子鮮甜彈牙，真係好似喺築地食d燒帶子一樣！塊波菜片好過引！蟹肉鱈場蟹鉗豆羹- 滑過大埔阿婆豆腐花～湯又係鮮甜加鮮甜！隻蟹鉗好正！麻籽羊架- 識食一定係成支攞住黎食！好正好香，肉好幼細，我諗我可以一次食6件...或者10件..！！麻得黎帶少少辣，食完過兩個幾星期，我依家再想食！北海道黑毛豬- 女皇話佢d friend推介，佢照跟...塊豬好香豬味好彈牙，好新鮮嘅豬扒，我都忍唔住食左幾件！Diy月餅- 係神奇！只能用味蕾及視覺感受！分子料理甜品！牛油係mango passionfruit p

同屋企人預祝中秋節，去水月食應該唔會錯，至少入題.訂左7:30，同屋企人早左10分鐘到，入到去已經坐滿哂人，餐廳唔算好大地方，但勝在夠causel氣氛好，食物高水準，侍應有禮貌.前菜有3款：海膽龍酥撻・玉子：海膽新鮮帶甜，玉子好日式口味煙燻清酒高湯鮑魚：鮑魚夠"林"，味道好日式，夠入味，高湯米香味之餘帶點甜，煙燻味唔會搶左鮮甜味，唔錯開蓋後有輕煙飄出，視覺效果良好香煎帶子配菠菜脆片：菠菜片焗得好鬆化，食得出係天然菠菜味，入口好鬆化好特別，帶子味道鮮甜，質感彈牙，而伴隨嘅穀粒口感好好蟹肉鱈場蟹鉗豆羹：蟹鉗非常鮮味，好新鮮！側面支蟹醋唧入蟹肉湯後提升左湯嘅鮮味，豆羹非常嫩滑，屬於好高評價嘅湯，好有心思，湯碗亦非常特別北海道黑毛豬肩配八珍山渣汁：肉質帶點爽口，好特別，而且肉味非常香濃，帶有bbq味道，點埋個汁一齊食平衡左飽滯感覺，配搭得宜diy月餅：呢個甜品厲害！睇落去係一盤材料，其實係分子料理甜品！完全驚為天人！好鐘意黃色好似牛油嘅芒果熱情果panna cotta，白色幼粉狀乳酪雪糕，疑似咸蛋黃嘅木瓜蓉亦相當出色！一絕！餐廳座位數量唔多，建議大家早預早少少訂位，因為都幾難訂. 欣賞佢地侍應

每次去水月食飯都會抱住一種好似初戀嘅感覺，每次都會食得好開心又驚喜！因為免開瓶費，今晚預先選定香檳紅酒一齊去～一入門口就有人好有禮貌咁開門迎接我地入去，餐單係預定左，我地好快就決定好食咩主菜，期待左3星期，開始食啦首先叫左兩個小食先～酒香雞軟骨超香酒味，入口有少少wasabi味，估唔到酒味加wasabi係咁驚喜惹味口水低溫鴨胸聽聞水月麻辣口水汁好出名，所以一試！鴨胸香而肉嫩，個汁麻辣恰度好處，好香好惹味，有種追住食嘅行為出現左同香檳味道夾埋發揮得好好！海膽龍酥撻及玉子海膽非常鮮甜！龍酥撻亦焗得好鬆脆，味道好香下面塊玉子帶少少甜味，好吸引側面塊蠔葉非常特別，食落口係一塊葉，但係同生蠔一樣味道！係非常好嘅開始煙燻清酒高湯鮑魚望落去好日式感覺，打開錫紙蓋飄出輕煙，好夢幻～鮑魚鮮甜入味，裡面嘅湯同埋海帶味道好和諧，令我地全部飲埋香煎北海道鮮帶子配菠菜脆片呢隻碟真係好靚！用佢黎食野真係好賞心悅目綠色菠菜脆片味香質感香脆，好特別！中間隻新鮮帶子好鮮甜彈牙，下面d穀粒薏米好有口感好味！鱈場蟹鉗蟹肉豆羹呢碗湯好高分！蟹肉湯好鮮甜，碗下面個豆羹嫩滑之餘豆香味濃，而旁邊鱈場蟹鉗啖啖鮮肉，食完係食指大動烤美