水月 (已結業)

與朋友慶生，打算今年吃點特別的料理，地點屬意香港區，於是便找到這間水月，提前四天致電，對方先whatsapp了Menu給我們看，決定要訂時對方要求我們先付50%即1000元的按金(我們共3人)，並且規定在食飯2天前提供入數紙，否則便訂位便作廢，恕我比較少吃這類的餐廳，到酒店吃自助餐人收若超過6人才需要用信用卡付按金，但這餐廳要求我們提供銀行入數紙，即我們便要出門到付近ATM或銀行辦理，為了吃這餐慶生飯也真正很有誠意了，只希望他們的食物及服務亦同樣地嚴謹。當晚的訂座是7:30，我們3人都準時到達，餐廳比我想像中細，只有幾張枱，不是很多空間，坐下後一位年輕的男侍應呈上當晚MENU，並詳細解釋了前菜主菜及甜品。我們亦帶了一支香檳及紅酒，餐廳說免我們一支開瓶費，另一支就要收100元了，我們分別點了龍蝦、牛排及額外收費的黑豚肉。另點了一份蝦意粉。除了自備的酒，我們也點了sparking water，再點第二支時餐廳的女侍應也未檢查第一支是否喝完就收走了，於是便請她還給我們，原來還有大半杯的，在倒給我時也未倒完又心急地拿走了，雖然不是剩很多，但希望她改善一下態度，她沒有說任何話就走開了。首先來的前

幾個好朋友為我慶祝生日，特別一個月前預訂水月餐廳，我係非常期待呢一晚，聽講幾難訂位同埋好好食，今日食完終於了解明白真係處處驚喜，美味滿分！等待係值得嘅 食完之後，我明白什麼是食物藝術！明白點解人人都話食之前覺得貴，食完覺得好抵好平！人生黎食過飯真係感動！！食飯呢兩小時，係完全感受到廚師及店員都好用心去對待食物，同埋好細心對待客人喺香港真係非常難得！本來我地4個老朋友難得見面一定會吹水嘈到拆天，但今晚我地好靜好靜，因為大家都好專注自己份食物，真係要用心細膩品嚐 呢一種感動，或者就係回應廚師用心的一種尊重，係除左俾貼士之外，我地唯一能夠對廚師及店員表現的最高敬意呢度有一個好處，就係食set，每個人都係食同一個餐，唔駛左諗右諗食咩，坐低選擇自己個主菜就可以開始頭盤啦.......海膽龍酥撻&玉子：店員介紹係即日新鮮北海道海膽，仲係黃昏新鮮送到，唔怪得咁新鮮，我彷如置身日本築地市場食緊鮮海膽咁，海膽鮮甜，龍酥撻又香又脆！下面塊玉子都好香好味道，根本同喺日本食無分別另外好特別係一條條幼身綠色小草，店員話係法國蠔葉，入口真係好似食緊生蠔咁味道，全個組合真係殺死我呢d海鮮怪煙燻清酒高湯鮑魚：賣相已經

身邊太多朋友經常推介呢間位於銅鑼灣嘅餐廳，成日話不能不試......聞說“水月”係由兩位對食物創作非常認真嘅姊弟開辦，亦聞說好多名人藝人都係座上客....今日終於能夠親身品嚐..... 輕煎鯛魚配清新蕃茄啫喱，望到已經覺得好靚，店員話碗底以份子料理方法將蕃茄清變成啫喱，食鯛魚嘅時候配埋旁邊嘅分子青檸泡、魚子一齊食，味道清新之餘又開胃煙燻清酒高湯鮑魚，一道非常日本傳統風味同埋有視覺效果嘅菜式！好似去左日本食鮑魚咁，鮑魚口感彈牙亦夠林，味道鮮甜吸引，連湯都唔可以放過龍吐珠，外表係鮮蝦彈牙炸丸，但原來係內有乾坤！中間係龍眼再包住新鮮飛魚子，呢道菜由外脆到內！絕對係心機菜式，亦非常有層次好味蟹肉鱈場蟹鉗豆羹，黎之前都聽過好多次呢個湯，老實講，我真係想食多一碗鱈場蟹鉗鮮甜、蟹肉湯又係鮮甜、加埋碗底個滑到無比嘅豆羹，今次到我推介番俾朋友啦 意大利西西里紅蝦意粉，我地問店員仲有咩推介美食，佢介紹意大利西西里紅蝦意粉俾我地。果然無介紹錯，蝦味非常香濃，意粉質感好好，好味燒北海道黑毛豬肩配八珍山渣汁，主菜我加40蚊轉10oz燒北海道黑毛豬肩配八珍山渣汁，我真係未食過咁新鮮咁好味嘅豬，有種好獨特嘅鮮味及烤

朋友介紹下以WHATSAPP  BOOK咗呢間叫水月既餐廳，餐廳每月也有新MENU，次次有新嘢食，一定唔會厭，地方不大但餐廳內簡約的裝修，舒服唔拘束。店員服務很好，為我地細心介紹菜單每道菜。整體感覺很好，賣相味道及價錢都吸引！會再Encore!頭盤:　感覺清新濃濃的蕃茄味，開了味蕾燒了的魔鬼魚群邊好香好野味外皮炸得很脆，熱辣辣，蝦肉彈牙，蝦肉內仲包有龍眼肉及蟹子，口感豐富鱈場蟹鉗很鮮美，南瓜再配上蛋白很滑很creamy本身我鍾意食羊架，不過下次可以再生Ｄ賣相相當吸引糖波＋朱古力泥甜咗少少好靚呀！但質素一般食飽飽＋杯花茶好滿足！仲有朱古力食！

過去一年我個交友網站平台差唔多每幾日就會有朋友幫襯呢間餐廳，每次見朋友們post相都係大讚，亦有唔同人俾好多like佢地，今次終於輪到我地去食啦。由於係訂左位，所以唔需要呆等，入到去感覺好causal dining feel，幾舒服。水月係食set嘅，入到去選擇左自己鐘意食嘅主菜就可以開始等食。。。脆米片吞拿魚腩茸：同網上相片一樣都係咁精緻，吞拿魚腩茸非常新鮮肥美，入口有香蔥味、櫻花蝦味，仲有種醬汁混合一齊，連埋脆米餅一齊食好香口，好似食緊多士咁，絕對係一個好開始蟶子皇配黑醋魚子：呢一個盤景真係佩服哂！藝術品咁原來蟶子皇係放玻璃瓶內，搖勻裡面d調味打開錫紙食，個汁有薑味，醋味，同隻勁鮮甜蟶子一齊食好好味！最得意係側面有個噴樽，將佢個汁噴落蟶子度食又變左另一種味道，鮮味又再加強左！而鐵匙上面有幾粒黑色黑醋魚子，食完口腔感覺酸酸地，再食蟶子個鮮味好強！呢道食物真係好好食又有得玩！like!!!!!溫泉蛋配吉列蟹餅：界開溫泉蛋同勁多蟹肉嘅蟹餅一齊食，好似去左日本食野咁，好好食！！蛋上面有魚子、銀薄，成件事好名貴 連側面d沙律菜都勁新鮮，撈左意大利醋汁好開胃，好食海膽南瓜豆羹：好似平平無奇嘅湯

上一次到水月晚餐已經係半年前嘅事，今次去係慶祝朋友升職～友人聽到李志剛電台飲食節目極力推薦水月俾聽眾（打去電台問番餐廳名），今晚再去試一試～一行4人七點到達，我地係第一枱客人，選擇坐喺某一角，環境依舊舒適唔拘束。店員向我地介紹左菜單後就準備開始食...醬汁燒厚菇，廚師特製醬汁烤溫室厚菇非常好味！一邊食一邊滲出菇味及汁，同醬混合埋味道好特別，食埋d蔬菜感覺好舒服！煙燻清酒高湯鮑魚，打開樽裡面即時飄出車厘木味煙，好特別！鮑魚好新鮮亦腍，湯帶甜味，我地係飲哂😂，呢個餸係有視覺效果亦好味！溫泉蛋配吉列蟹肉餅，賣相有魚子及金萡好名貴！𠝹開蛋黃同吉列蟹餅混合一齊食，好豐富滿足😊食埋旁邊d蔬菜後完全無熱氣感覺，蟹餅肉啖啖鮮味蟹肉，好味！南瓜帶子豆羹，呢個南瓜湯下面有個豆羹，係估唔到可以滑成咁！同湯一齊飲係雙重味覺享受，塊帶子亦好鮮甜！側面係腐皮脆卷，放落湯度食好似打邊爐食生根咁，好有趣青檸泡泡(飲完個湯太開心，唔記得影相），玻璃瓶飲管內有青檸味泡泡，賣相新奇特別，但多幾啖就好啦😁澳洲龍蝦配南瓜蓉,主菜我選擇龍蝦因為係得獎菜，首先賣相已經高分，食埋就仲高分！龍蝦新鮮爽口，黏埋側面龍蝦油好香口，南瓜薯蓉

拜讀了多篇水月食評後，對其菜式賣相及設計心思，頓生仰慕，再查詢是月菜單，加入了當造食材:鱈場蟹，自然不可錯失良機，飛身訂座。水月環境簡單幽暗，是晚接近滿座，故感覺有些擠迫及嘈吵。頭盤有兩款可揀，分别是煙燻麻辣或蕃茄什菜八爪魚沙律，煙燻的是用小玻璃瓶上枱的，故一打開蓋便感煙霧濔漫，視覺效果佳，麻辣味不過火，一般人也可接受，八爪魚肉質也軟腍易咬開。反而，蕃茄八爪魚沙律，因沾染生汁液，腥味頗重，唯獨是碟子及賣相吸晴非常。接着是額外加的小食，酒香雞軟骨，絕對是今餐的亮點，每粒都外面酥香乾身，內部柔韌脆口，最重要是酒香撲鼻之餘，一點苦味也沒有，讓人吃不停口。熱石燒鮑魚本是我最期待的菜式，因可以DIY，添加不少樂趣，小小的鮑魚切薄，有約四片，放在圓石上燒數秒便可，從石頭旁拿些鹽巴灑落鮑片上，增加風味，皆因鮑魚太幼小，本身味道欠奉，要在拌勻貝殼碟上的味醂昆布同吃下，感覺才好些，真的有點可惜。香酥蟹箝雖是迷你一點，但肉算甜及吃到一梳梳的口感，驚喜位是旁邊的柚子沙律醬及蕃茄粉粒，增添特色。蟹粉豆花羹也算不錯，底部的豆花滑滑，加上甜醋，十分討好，美中不足的是蟹粉應更濃郁。主菜上場，分别是低温蒸三文魚配中

很久之前無意中看到水月的menu，很想來見識一下。去完旅行，趁大假還有幾天，約了爸媽一起去試試。地方不難找，簡簡單單的門面，拉了窗簾，添了份神秘感。水月的名字很有意境，餐廳內簡約的裝修，同樣散發著優雅的感覺，心情很平和，預備細味即將送上的美食。店員非常仔細地逐項介紹餐牌。烤雜菜八爪魚蕃茄沙律沙律有兩款選擇，這個是不辣的。很喜歡這碟子，有種珍而重之地送上的感覺。插上的一塊葉，看似簡單卻大有來頭，來自法國的蠔區，吃下去果然有很重的蠔味。車厘茄很新鮮，比大蕃茄更鮮甜。露荀爽口，八爪魚也新鮮，整道菜非常清新。唯獨是醬汁，吃不到店員介紹的蕃茄味。煙燻麻辣烤八爪魚秋葵沙律相機早已準備好，打開瓶蓋，卻沒有湧出預期中的白煙，而是慢慢散出充滿煙燻味的煙霧。芋絲吸了煙燻和麻辣味，很香。熱石燒鮑魚很有噱頭的一道。每人送上高達400度的石頭，盛著海藻的大貝殼和3片鮑魚。用鉗把鮑魚放上熱石，汁𣊬即流出，石上滾起泡泡，傳來一陣燒烤香，每邊燒8秒，就可以放到貝殻裡，醺上醬汁和海藻一起吃。聞到很香，但鮑魚吃下去卻偏淡。醬汁和海藻很清新，酸酸甜甜帶紫蘇味，好像吃到微微的酒香，但爸媽說沒有。香酥鱈場蟹鉗可愛的賣相。炸蟹鉗

男人生日，諗點慶祝諗到頭都爆，因為男人對用餐係有d要求，睇到朋友like水月嘅fan page,再入open rice睇，見comment都幾好，於是whats app book枱去lu!由於今個月逢星期一至四都免開酒charge,所以我自己帶咗支有汽紅酒去！裝修簡約，地方不大，但坐位之間亦有空間感，不會太近，燈光柔和舒適，服務好好，不單為我地介紹菜單每道菜，亦有推介如有需要改單的菜式，最後我地加了$168轉牛扒和$118加天使面，兩款食物亦不錯！反而原本main course的三文魚扒，就清淡咗d ！食物舖排有序，食物presentation亦令人有不斷期待下一道菜嘅感覺，如果大家想保持神秘感，我建議唔好睇太多圖片和評價，就好似我男人咁，係佢完全唔知發生咩事嘅情況下，完完全全覺得好驚喜，滿意到不得之了如為朋友慶祝生日，可以request 加生日牌，做生日蛋糕等…(lucky 隔離枱同我地分享咗水月手作綠茶紅豆蛋糕，好味到震！！)

呢間餐廳都頗有名氣，朋友從英國來港旅遊要求我訂水月晚飯，我真係要試真有幾吸引！由天后地鐵站一直行約10分鐘，坐落聖保祿醫院附近，呢個天氣沿路都幾舒服，一家只有24個位的小餐廳，裝修簡約，播放輕快音樂，唔會好焗促，感覺幾好由於我地係用whatsapp訂位，所以已經睇哂餐牌，選擇好主菜後開始用餐，同行4人都非常期待炭· 脆露筍配芥末豉油汁一開始已係驚喜鐵架上菜好破格！網底係有rosemary煙燻網上的炸竹炭露荀，旁邊係份子芥末豉油泡，味道非常特別、好味朋友邊食邊飲啤酒($38)激讚,我就飲汽酒($85)都好正！黃金蝦店員介紹係以份子料理方法將中式黃金蝦完全改變形態，攞住蝦尾逐一將食物食哂，我心裡面一邊食一邊笑左出黎，係開心笑如此驚喜之作！難怪朋友英國來港要指定此餐廳！蝦焗到好香脆，廚師將咸蛋黃及咸蛋白以份子形態表達，再加左d櫻花蝦一齊食，保留左中式黃金蝦味道之餘，又將賣相破格，一絕！竹炭鱈魚· 甜粟米波配dill草青檸泡個名好長.....但又係一絕之作。dill草青檸配海鮮本來就係prefect match，變左做泡就更加得意啦~紅色蕃茄莎莎好有蕃茄味，片狀係份子粟米湯啫喱，同個魚一齊食又

八月中旬，契妹生日請食飯，新舊好友聚首一堂，大家不談政治，只談食經，樂也融融；全晚焦點可以話係當A友人推介新派分子料理「水月」，顯示出手機內多張照片，小肥同哥哥都深深被新穎悅目o既菜式有所迷倒，更留下深刻印象。數星期後，一眾表兄弟姊妹相約聚餐聯誼，正當大家為地點而苦惱之際，細佬覺得機會黎啦，就提議搞搞新意思，一嚐本地創作，睇吓「水月」點樣去分解及重組食材 。得到各人同意後，XO仔就第一時間打電話留位，卻因線路繁忙被轉駁到留言信箱，幸好留言訊息中明確地指出客人可以whatsapp訂座，結果全程不用真人對話，聯絡人隨即傳來訂座詳情，餐單、食物相片、餐廳名片及地址，雙方又有記錄，夠哂簡易方便。請留意，如果人數多，食客必先繳付五成訂金。位於銅鑼灣o既「水月」其實都幾隱蔽，冇人介紹自己真係未必會留意到，不過交通總算方便，離各種車站都唔算遠，坐地鐡就要行多少少路，而駕駛人士可選擇泊架車喺餐廳對面o既珀麗酒店（$60/鐘 ），又或者係較經濟但遠o既皇室堡停車場。「水月」門面一身落地玻璃，感覺樸素o既同時，亦特顯其頂部形似水中月蝕o既暗黃招牌，妙哉！餐廳室內燈光柔和，幾個角落擺放住流水燈飾及擺設，

泰式蟹肉沙律配蕃茄波，埋相好精緻，上面嘅透明波波係番茄味嘅，蟹肉沙律味度好新鮮，細細份係蠔殼食感覺好此更加新鮮。黃金蝦又係賣相非常吸引，廚師係呢方面放左好多心思，同細細粒嘅蝦乾食都係第一次，份子料理係啲咸蛋黃味嘅，唔洗講都知，一定十分夾啦高湯鮑魚裡面一大隻鮑魚放係面，好香煙燻嘅味道，鮑魚肉質好彈牙，連埋啲汁食，十分正鱈場蟹鉗聽到個名都想食呀，果然無令我失望，蟹肉清甜，簡簡單單唔洗任何調味醬同沙律醬調味已經好美味青檸泡泡果樽好正，非常欣賞鱈魚金華火腿夜香花冬瓜湯配櫻花蝦茶包果名好複雜，我其實睇完都唔係好明，不過黎到我臉前，其實度菜十分簡單，鱈魚滑流，魚皮好香，啲湯係正度菜嘅要點，冬瓜湯同金華火腿，鱈魚好夾，將一切嘅味道融合。另全部嘅材料都突然變成配菜北海道帶子配蜜糖豉油汁帶子係我好鍾意食嘅海鮮，差不多次次見到都要食，呢到嘅帶子預備得好好，大大粒，又夠新鮮，中式煮法，配蜜糖豉油汁唔係牛油蒜頭，一樣美味。雪糕波配朱古力泥好美麗嘅碟，最後嘅甜品由餐廳雙手傳送，信息好清晰，不過講真味道係好但係無話咩咁特別，不過真係十分欣賞呢間餐廳嘅心思，唔係隨便煮嘅

上一次到水月係1月份我丈夫生日飯，今次係朋友生日再有機會品嚐，係期待⋯⋯今次從訂位開始已感覺到店主誠意，會先發menu俾我參考,好詳細・晚餐開始⋯⋯泰式蟹肉沙律配蕃茄波－店員介紹：廚師以份子料理方法將蕃茄清變成透明波狀，連埋下層泰式蟹肉沙律一齊食・沙律味道好鮮甜，汁料帶有泰式清新味道，絕對係清新開胃亦帶有創意・黃金蝦－平時食中式傳統黃金蝦會好滯，但呢個完全能保留傳統亦創新！廚師以低溫烘焗鮮蝦變成蝦脆片，沾上以份子料理變成的咸蛋黃粉及香脆小蝦乾一齊食，令我完全對油膩的傳統黃金蝦改觀！用心、好味！煙燻高湯鮑魚－賣相特別，打開有一陣車厘子木輕煙飄出黎，樽內鮑魚充滿鮮甜味道，好似食緊日本鮑魚一樣，味鮮、肉彈牙亦夠林，而樽底海苔及淮山吸收哂所有精華，不能不吃！脆香鱈場蟹鉗－如其名，脆、香，加上全隻蟹鉗啖啖鮮蟹肉味，好高分！鱈魚金華火腿夜香花冬瓜湯配櫻花蝦茶包－適逢夏天，絕對是不時不食！呢個湯可以食到廚師的用心，試問依家香港地仲邊度可以容易搵到「冬瓜盅」概念，份子料理演繹呢？泡泡係好香夜香花味，側面係份子料理下造成的金華火腿碎，湯上的鱈魚鮮甜・亮點在櫻花蝦茶包！茶包放入湯會自動溶解變成米漿，鮮香的