流浮山窯燒雞

营业中

休息中

趁星期日, 同公公婆婆一齊去流浮山行下買魚乾蝦乾. 行完都6點, 大家都肚餓, 見到新開左1間任食韓燒”韓泰太窯雞”, 仲有原隻流浮山窯燒雞, 公公婆婆都話想試下. 環境好好, 有室內/室外位, 當日全場滿座, 我地被安排室內位置. 如果坐室外, 涼涼地應該都好舒服. 見到好多客人帶埋狗仔嚟, 佢地可以係草地行下打下卡, 一樣咁開心.任點任食韓式原味 / 泰式 / BBQ 味嘅豬 + 牛 + 雞類 + 海鮮 + 鍚紙焗類 (eg 金銀蒜焗白蜆), 仲有小食 + 飲品 (eg 玻璃樽裝可樂雪碧芬達) 任食任飲, 大人小朋友都食到夠.特別要介紹下太窯雞, 即叫即燒, 一定要試!! 皮係超級脆, 全隻金黃色, 再加上特製香草檸檬醬汁, 用手撕開食好有風味又好juicy, 大愛!! 除左肉類, 仲有其他配菜, eg 翠肉瓜 / 香菇 / 燒菠蘿 / 雞髀菇等等, 咁就唔怕只係有肉食咁單調.

趁著假期, 到流浮山走走! 本想食海鮮, 但突然間發現有一家外牆與流浮山有點不搭的建築物, 原來是任食韓燒, 竟然還送原隻流浮山窯燒雞, 那就必須試試, 畢竟海鮮其他地方也有。這天氣就該燒烤, 涼涼的風坐室外, 有大風扇, 大草地 , 全是打卡位, 還有很多食客帶小狗同來呢, 當然也有室內冷氣坐位, 怕熱的可以燒好再到室內進食! 炭燒, 任點任食韓式原味、泰式及BBQ 味道的豬、牛、雞類及海鮮 也有小菜、小食及飲品等, 就連鍚紙焗類也有, 還包得很好! 坐下先來個太窯雞, 即叫即燒, 皮是超級超級香脆, 全隻金黃金黄的, 超級香! 雞肉水份極多, 就連雞胸也超嫩滑, 大愛! 再點個韓式原味牛仔骨及厚切豬頸肉、惹味BBQ雞中翼及五花腩卷、金銀蒜焗白蜆、燒菠蘿等, 高質好味! 全都是推介食物, 有驚喜! 有免費泊車, 但訂位時記得先預約! 

「流浮山窯燒雞」主打古法窯燒方式烹調燒雞，之前在流浮山略有名氣最近因花姐的燒雞IG Story爆紅，燒雞正是這間「流浮山窯燒雞」新蒲崗分店！原來Mirror成員一直都幫襯開。事後好多人潮聖，高峰時段門外多過30人，日賣過百隻👍🏻👍🏻但今日完全唔使排隊，好快就有得拎🫶🏻職員服務態度好好，知我住得遠住將軍澳，特登俾個膠袋我拎得方便啲，外賣燒雞會附鉸剪送上，返屋企勁方便 有把鉸剪剪雞😂· 窯燒雞 $198選用三黃雞混羊山雞，以高溫250度窯燒40分鐘鎖住肉汁，最後猛火燒5分鐘，達至皮脆肉嫩效果。 皮脆、個皮好薄，爆雞汁，肉身嫩滑，入口有陣陣煙燻味，隻雞都幾大隻 好多肉，以依個份量大細我覺得$198完全唔貴～個人覺得整體正常，唔係難食，不過唔算話真係咁出色。去開新蒲崗經過咪試吓🤣

呢間餐廳真係令我大開眼界！之前聽人講話好食但難搞，我仲特登買定保險，冇叫成隻雞，只係叫咗¼隻。點知，個雞油飯完全冇雞油味，仲要比白飯更差！簡直係浪費時間同金錢！至於嗰¼隻雞，真係慘不忍睹！一半連皮都冇，另一半就燶晒，仲要照比客。如果唔係外賣，我一定退返俾佢。最恐怖嘅係，我食到一半，竟然發現咗支竹籤黐晒喺肉度！好彩我冇食到，如果唔係真係會出事！簡直係食到炭屎味，我真係唔知佢哋嗰啲雞皮係咩味，可能係燒焦嘅味？總之，呢間餐廳真係令我失望透頂，絕對唔會再幫襯！大家睇相就明！

今次係我第四次食啦！當你一試一定會好難忘，雞肉軟滑，外皮香脆，有香濃嘅香草味，鹹味適中，真係好值得推介。店舖都好窩心，會附上鉸剪一把，等你食得容易啲。店員服務態度都好好，燒好隻雞會俾你睇下，幾咁脹卜卜，當時真係好想立刻食架😂

由於 Mirror 關係，近期大熱嘅流浮山燒雞。星期二嘅下晝五點左右打電話去訂，講7:00pm攞，接電話個姐姐十分之好，話冇問題，多謝晒。心諗近期大熱嘅店舖，竟然可以唔使俾錢先，可以預訂來取真係有一流嘅服務 👍🏻👍🏻⋯⋯ 點知⋯⋯晚上七點左右到，原來係俾咗錢先至繼續開始排隊等燒雞出爐。之後大約等咗一個鐘左右，先至攞到隻燒雞返屋企食。等候期間，不少顧客都會問店員幾時有，但店員都答不出，只係見到師傅不停手燒。 約略見到燒雞係先炸，後入燒爐至熟，所有一定要時間夠，雞才可以俾客，唯有成群客喺門口等。當晚見到等候客人頗多，女店員有喺雪櫃攞支裝水比客人解渴，都算係咁啦。好簡單外賣袋，加一個兜，上面有隻雞，之前又話有手套，鉸剪但今次乜都冇 🤷🏻‍♀️雞肉嫩滑 😋😋😋😋之前有介紹話雞嘅品種係家鄉邊度，邊度，不過我唔記得。味道 😋😋😋入味，雞內籠仲有一條香草。雞內籠嘅雞骨有點偏鹹，但整體都係好味嘅。$198一隻燒雞貴唔貴？見仁見智。你喺大酒樓，五星酒店食已經唔係呢個價錢啦。但可以諗深一層，佢有點兒似超市熟食外賣嘅燒雞。 超市嘅燒雞係用雪雞，肉質同佢係唔同，但做法味有相似，所以試一次就夠啦。 而且所有燒雞

🔺流浮山窯燒雞原隻燒雞涼拌貓耳朵最近大熱的人氣話題燒雞，一早到店門外已經聞到強烈的炭燒香氣，老闆正在努力地燒雞。雖然沒有太多排隊的人潮，但是大部份客人都用外賣平台甚至Lalamove取貨，而且每位客人可能不只叫一隻，相當誇張。所有燒雞即叫即製，一如老闆所說，一剪開雞肉立即流出大量肉汁，肉嫩皮脆，多汁鮮味，部份位置略嫌稍鹹。但的確是暫時食過比較出色的燒雞之一。涼拌木耳最適合炎炎夏日享用。終於明白為何店家會大排長龍。看到別人買了燒排骨也非常吸引，下次要試試。

質素差到一個點！隻雞顯然翻熱再翻熱已經冇乜肉汁仲要嚡熠熠，所有邊位都係燶嘅，個膠盒就燒到溶晒，食完之後成個口都係一浸燶味。呢個價錢！呢個質素失望之極！！ 同元朗鋪爭好遠！以為一樣所以才去幫襯點知😤😤😤😤

朋友生日，介紹佢地食新蒲崗名物（花姐話）之前已經食過一次，外賣番屋企都好食，皮仲脆既，鷄殼入面有串rosemary提味，仲有晒鉸剪、手套。見評論話就算提早一粒鐘都仲要等，當日响Openrice 落定單指定時間取，幸好去到都係等幾分鐘就有。叫了兩雞兩排骨埋單$712，預約左六點半取，見到佢張枱已經有好多單，有十幾人响度等緊，花姐效應果然犀利。臨走專登問佢入面係咪已經有鉸剪、手套，個鄉音女人好肯定話有，點知番到去打開得隻鷄同排骨。真心嬲，鉸剪都慳。朋友們試過後都覺得唔駛想食，無鷄味。二百蚊買隻冰鮮鷄有啲唔抵。

中午叫咗個四人餐，原來店內基本上冇位置可以堂食，就算堂食都只有五至六個座位。但店內基本上十分焗熱，夏天仲要坐喺個爐旁邊。。。果斷轉外賣走。當時叫嘢食，佢哋並不繁忙，只係需要處理我哋呢一張單，但最後竟然都可以錯漏百出四人餐可以加錢轉小食種類。原本想將鮮魚皮加錢轉鹽焗雞腎，誰不知佢竟然照比鮮魚皮，但將車厘茄轉左鹽焗雞腎。。。冇咗最想食嘅車厘茄。。。然後四罐汽水亦問咗可以轉豆漿，點知佢最後照俾咗四罐汽水。。。完全冇人飲。。。*利申食過元朗西裕街分店，水平差天共地！該店每一樣，連小菜都係招牌水準！窯燒雞店舖係以此作為招牌菜，卻完全一啲都唔好食。首先，隻雞完全唔入味，只有喺香料掂到皮內肉質部份，先食到佢醃嘅味道。第二，燒雞塊皮完全唔脆，冇做到窯燒應該要有嘅賣點，吊得唔夠耐唔夠乾。我哋外賣攞走5分鐘內已經打返開個盒嚟食，所以應該排除外賣焗住，會整冧塊皮嘅因素。第三，隻雞肉質好嚡、老，完全唔嫩滑，燒雞最易中嘅問題中咗。爽脆鮮魚皮雖然比錯咗，但佢依然係好味嘅。魚皮爽口彈牙，泡椒唔算辣，幾惹味。幾喜歡佢有夾雜椰菜，fresh d。鹽焗鮮雞腎爽口、有鹹味，正常發揮。窯燒排骨BBQ醬汁醃得入味，燒得不錯，都

兩星期前第一次幫襯，覺得幾好食，下晝兩點幾叫定，跟住轉數快俾錢，跟住佢話叫車幫我車過嚟，車費我比，冇問題，嘢食幾好味，服務都幾好，跟住今日即係兩星期後，同樣係兩點幾叫，話咗俾佢聽6:30送到我目的地，一樣係佢幫我叫車，落好晒order，俾埋轉數快，跟住話冇晒乳鴿餐， OK冇問題，呢個餐轉左第二樣食物，我都接受，跟住六點幾見佢未有意識話俾我聽出車未，我就打電話追佢，冇人聽，跟住佢就WhatsApp我問我可唔可以自己叫車， OK，你唔幫我叫，我咪自己叫車囉，當時已經六點幾，跟住我叫架車去到佢舖頭，個司機話佢話要等45分鐘喎，咁個司機梗係唔等啦，淨係做我一單生意咩，跟住個司機就走咗，我就打電話俾佢哋，打咗好多次先有人聽，佢話就得，20分鐘得喎，咁到時我幫你叫車送俾你啦，咁我話好啦，跟住過咗成一個鐘，都仲未有聲氣，我梗係打電話追佢啦，跟住有一個講嘢唔正嘅女人同我講，我唔識叫車㗎，整好喇，你嚟攞啦，態度極之惡劣我話頭先你哋話應承我幫我叫車，跟住佢係咁話我哋唔識㗎，唔識㗎，你自己搵車嚟啦，當時已經係七點幾，我勁嬲囉，如果我唔係一早轉數快俾咗錢，我一定唔會要，跟住最後係我哋自己叫車去攞，仲要俾漏嘢，

早幾個鐘頭前已經付款，說好幾點鐘嚟攞雞。終於要等45分鐘喺35度高溫下等極都仲係未有！非常之差態度！打電話去問，不停話要等幾分鐘，幾分鐘又幾分鐘，高溫下繼續等，只有等等等！打電話去鬧佢，佢不停話幾分鐘。已經係weekday. 非常恐怖。

我係新蒲崗返工，次次經過呢間舖都聞到啲雞好鬼香，趁星期日去完荷李活拎嘢，老婆陪小朋友溫書，於是決定買燒雞當lunch，之後就試吓用openrice app叫燒雞加竹筒飯外賣，返到屋企(好近，黃大仙)一打開，隻雞仲係香噴噴，有埋鉸剪比你方便剪開食，燒雞香之外，肉質好juice，邊咬雞肉，啲雞油仲不斷咇出嚟，好耐冇試過食咁高質素嘅燒雞，真係好鬼死好味！隻雞要$198，貴唔貴見仁見智，但我就一定翻閹幫襯！…竹筒飯唔差，但唔係我愛食，下次睇吓可唔可以order油飯先…

啲燒雞新鮮熱辣 仲送埋鉸剪俾你即場自己剪刀 老闆好好人個人又nice 呢間嘢真係名不虛傳 聽咗好耐想試 難得佢開喺新蒲崗 值得大家嚟食同埋竹筒飯好有特色 食之餘，又可以玩吓自己篤個飯出嚟

流浮山窯燒雞最近超出名啊！佢哋嘅食店由流浮山搬咗去新蒲崗開新店，主打古法荔枝柴燒雞，好多人都話好正。聽話佢哋開業嘅消息，好多網友都話要去試吓，小編就決定親身去新店試下佢哋嘅窯燒雞。-流浮山窯燒雞間舖有三個大燒缸。師傅用一支鐵鉤，喺瓦缸度撈起一隻整隻燒雞，雞肉好豐滿，皮膚好滑嫩。老闆講，燒雞用佢哋自家農場嘅陽山雞，然後再加埋自家種嘅香草、迷迭香同鹽醃製，好香好味架。小編一口咬落去，風乾同燒過嘅雞皮好脆口，口感唔算油膩，皮底亦冇太多肥肉，肉質好實飽，而且好嫩滑！-窯燒排骨小編自己其實冇乜興趣試呢個，但朋友一直好推薦話之前食過好好味。點知試完真係有驚喜！本身以為肉質會好乾燥，但結果超級多汁！原條排骨咁啃真係好過癮！小編覺得完全唔輸比佢哋嘅流浮山窯燒雞。-桂花車厘茄酸甜多汁嘅味道真係好正！每一粒都吸收咗特調桂花汁嘅甜味，一口咬落去就爆晒汁，真係唔停想食多幾粒啦！-鹽焗解雞腎雞腎煮嘅時間控制好好，食落去完全唔乾反而有口感得嚟不會太韌。鹹香味道滲入每一塊腎肉，真係好滿足！小編覺得配酒一齊食真係100分。-爽脆鮮魚皮脆度同鮮美程度令第一食魚片小編感到驚訝，廚師特調味道真係啱啱好，如果大家鍾意可以加埋