漁匠屋

营业中

休息中

呢度個lunch都唔係話食就食到，之後試過太遲黎到已經無位（因為店舖位置有限，好似得20個位到🤔🤔）、亦都試過飯已經賣晒，有位都無得食！但真係堅好食雖然lunch menu選擇非常少，暫時只試過溫泉蛋雜錦魚生丼同赤丼，一律跟沙律同味噌湯，$75。沙律個柚子醋好正，湯都不會太濃。赤丼個調味真係非常正！唔會太辣，平時唔食辣既人應該都接受到。舖滿滿滿既飛魚籽，大滿足呀！！而且三文魚好新鮮。雖然黎到覺得個飯size好細，但其實真係十分飽既！！

其實我經常你呢頭跳舞，但係一直都冇機會試吓呢間日本野。咁今次就想試吓佢嘅魚生飯。同埋班跳舞嘅朋友一齊嚟，跳完舞做完運動真係好肚餓。所以我就叫咗個魚生飯食。個魚生飯真係好足料，啲魚生都好新鮮好好食。

朋友推介這家位於街角的日式魚生飯小店，所以今天便來一試了。店的面積小小的，只有十來個位置，幸好來時只是六時多，所以沒預約都可以入座。但見其他人都有預約，否則便要坐吧枱位置了。前菜是一片芝士和味噌湯，店員體貼地提醒吃的先後順序，以免浪費了大家的味蕾。刺身切得大大片的，感覺很豪氣😂😂😂海膽新鮮，入口即溶的豐腴。蝦大隻得佔了三分一隻碗的樣子，吞拿魚蓉是不用任何調味都可以直接享用的美味。飯的份量非常充足，男孩也會飽的份量。我們另外點了提子味梳打，濃淡得宜，是消暑解渴的好飲料選擇。

個人對魚生飯並非十分熱衷，不過偶然都會想食。喺屯門冇乜邊間入得口嘅丼飯選擇。位於紅橋嘅漁匠屋早喺年幾前引起過排隊潮，一直未食過，期後雖然經過幾次，冇訂位都食唔到。喺附近剪完頭毛後，決定搏一搏午市前來。餐廳面積唔大，約廿個位，一邊吧枱，一邊細枱。估唔到大部分人都有先行預約，一路食亦有熟客入座，所以即使係午市，穩陣起見都係先訂位吧全店裝潢簡約，一般居酒屋格局，以木色為主，只有師傅同一位店員，不過招呼都好到位。餐牌供應8款海鮮丼，附湯、冷砵，定價$158-268。按時令亦會推出期間限定款，例如含秋刀魚嘅海寶丼。另有小食例如一夜干、燒魚鮫等。入座時剛好米飯用完仲煮緊，店員示意可以坐住等，一場來到唔想空肚而回啊，當然係耐心等候吸物、冷砵店員細心建議先用芝士再飲湯，芝士味香濃，聽講係店家自家煙燻製。貳の重丼 $178包括：築地鮮魚、赤身、赤海老、海膽、蔥吞拿魚腩，一人份量，唔係走堆高高、澎湃嘅路線。真鯛、赤身兩切，前者魚味純正鮮甜，後者雖然唔係肥美，但軟腍無筋，配合魚蓉口感豐富。海膽味道較淡，入口滑溜。赤蝦都幾大隻，而且味道甜鮮，魚生整體質素中上北海三味丼 $198比較吸引眼球應該係呢碗三味丼，包

其實屯門真係唔少日本餐廳嘅，但大部分都係集團經營， 剩番唔係集團經營嗰啲呢，質素就大部份都麻麻地啦， 而家好多屯門友都係去虹橋嗰邊搵食，都經過呢間日本料理好多次，每次都好多人等位，今次早放工就返入嚟屯門試下，由於冇訂位，所以都等咗成粒鐘才入座， 坐低食嘢發覺佢地有唔少熟客，因為枱枱客都同老闆娘好似好熟咁， 我哋每人叫咗個魚生飯， 比起九龍區食丼嘅餐廳嚟講呢個價錢唔太貴，你話係咪好好食呢。。我覺得中等，但對比起屯門區內嘅日本餐廳嚟講，呢閒係幾好食㗎喇。。魚生飯都算新鮮，賣相都唔錯，呢款198$呢個應該係老闆娘嚟嘅，都好nice嘅，登記人數後， 每次有位嘅時候，佢就會推開木門叫名㗎啦。

去完北海道之後對北海道嘅魚生丼飯念念不忘～原來係屯門紅橋都有一間隱世魚生丼飯～久仰大名～星期日決定和男友一試係咪真係啲人講到咁amazing先虹橋出名多美食～仲要係性價比高～好多年無去過虹橋～呢個小區同以前分別不大～唯一唔同應該係多咗好多美食小店～拎住個googlemap去搵漁匠屋～於其睇googlemap不如直接望門面會更加易搵到根本就係好日本嘅門面～不過都係好細間～得幾張枱同埋bar枱～最多坐到十多人～所以一定要早一點來如果唔係就要等位啦～一入到去間店，因為時間尚早所以唔多人～menu都係好簡單～主要賣丼飯嘛！咁我梗係要個丼飯啦！選擇雖然唔多但係款款都好吸引～我最後揀咗北海三重丼～男友揀咗一之重丼～首先上咗一個昆布湯～好特別～係有塊芝士嘅～好搞笑！未試過食丼飯會有芝士～店員好窩心咁提醒我哋先食咗塊芝士然後先飲湯～咁樣個湯會更加鮮味～咁得意嘅food pairing?就試一下啦～又真係令到個昆布湯更加鮮味喎！好驚喜！之後我個丼飯出現啦～上面有三種海鮮～分別係三文魚子～燒北海道帶子同埋松葉蟹肉～我一見到個丼飯真係嘩一聲咁叫出嚟！粒帶子好肥美呀～燒完都仲咁大粒！店員仲講笑話我女仔會唔會食

虹橋的確多驚喜美食或許鋪租平一點點可以令小小小店 有點點存活空間吾洗比清一式食肆洗劫今次來到漁匠屋 叫左三國海膽飯一次享受三種層次一之重丼享受吾同魚生鮮味最正塊煙薰芝士令大陶醉萬分齒夾留香仲叫正個小食酸汁廣島蠔新鮮吾煋～酸味令人好開胃10/10滿分推介之選招呼有禮體貼價錢尚算合理

好多人話屯門伙野好食 但其實我上黎呢度search 屯門都唔係無 只係無咁多 可能油尖旺有十間日本料理 但屯門就會得1-2間 今日食呢間算係屯門區唯一既正宗d既丼？店面不大 點左2碗熱賣款 價錢大約$180-300 不等 睇你食咩啦 味道ok 料都新鮮 量正常 食完飽曬 質素唔錯 好過出去九龍食

有日跟友人屯門共聚，吃到這店的螢光魷魚沖漬，真是相當美味，不是很多日本料理有供應。很多年前曾經左大阪一間日本料理嚐過，那是生醃的，醬油的味道全滲入魷魚內，有一種特別的鮮美，柔韌中滲出鮮味，滿吸醬油特別好吃搶味，這店的沖漬真有水準跟我在日本吃過的風味完全一樣。至於丼飯只是合格，我吃的丼飯有吞拿魚腩，牝丹蝦，海瞻，油甘魚，海膽不夠新鮮，有些腥味，牝丹蝦也是一樣不新鮮，油甘魚無魚味，我想只有吞拿魚腩叫可以，很失敗的丼飯，主角刺身有些差好像咀蠟，魚生無魚味。珍珠米飯煮得幾好吃，夠爽身才好吃，妹仔沖漬菜式好吃過丼好多!

一直同男朋友仔行經過都比依間小店吸引住自己自成一角之後有好光晚白燈照住裝修就好簡單既日系風格之前八卦睇過門口既餐牌價錢都偏中上 所以遲遲都無去食今日慶祝男朋友考完試正式出班就決定去豪食一餐只能就物超所值鋪仔細細只係放到數10人全店滿座 外面仲有人排緊隊證明美食是需要等待的本身以為只係普通既魚生飯但入到去鋪頭就發現自己太睇小間鋪 鋪頭充滿自己既特色特別 赤甕丼 同 黑甕丼我地分別叫左赤甕丼 同 三國海膽丼赤甕丼丼既表層鋪滿滿既辣三文魚同飛魚籽而辣醬是店家自製 有點似老干媽既味道依個搭配完全唔奇怪 再加埋少量既脆米 十分惹味可口而三文魚既下面鋪滿左三文魚籽一啖三文一啖撈滿三文魚籽既飯成個口充滿魚同魚籽既鮮甜味～正🤤而三國海膽丼就好似名所講有三個國家既海膽：美國、韓國、日本唔同國家既海膽都有唔同特色日本海膽係最Creamy 最甜韓國海膽味是最濃有點點腥味 口感較差美國海膽口感豐厚 但甜度不及日本 但海水味較重所以如果唔係我地依D花心既小朋友咩都想試下可以考慮加$30只要日本海膽！店家既海帶湯用既海帶係精挑細選過唔係平時食到一片一片果款而係細絲狀既海帶海帶湯仲會附帶一片芝士建議大家可以先咬一啖

總括：你話超值又未至於~ 但都係物有所值中選原因：經常同朋友起屯門市中心食野~食到都冇咩好食了…所以朋友話想試下行過紅橋既日本野就搵左呢間漁匠屋喇服務：點完餐店員就問我地轉唔轉去4人枱~咁我地緊係轉啦~呢到店員好有禮貌，服務態度好好~值得一讚食物：入到去只係得返bar 枱~ 咁唔緊要啦~我同朋友兩人個姐。之後揀野食我都都揀左SET 1 的重丼 有（平政魚、呑拿魚腩、海膽、蒽吞拿魚腩、牡丹蝦、三文魚籽）原來個set 有昆布湯配烤芝士~我點果陣都冇留意～店員仲特別提我地食完芝士先飲湯~昆布湯非常清甜，配埋芝士一流！之後主菜就黎喇!海膽非常新鮮冇腥味, 三文魚籽大大粒同埋海膽 一齊送飯味道一流!吞拿魚腩鮮味十足~講真好少食到咁好既吞拿魚~牡丹蝦又大大隻~ 總括黎講都唔錯~環境：座位唔多，記得早少少去拎位～

屯門紅橋一帶於這數年間開了很多不同的食店，其中一間是售賣海鮮丼的，人龍更是不斷。海鮮丼有數款可選，是次晚飯點了一客黑甕丼和一客北海三味丼。北海三味丼內有火炙珍寶帆立貝、三文魚籽和蟹肉。帆立貝肉厚味鮮，吃下鮮甜無比，加上鮮甜的蟹肉和三文魚籽，整個丼飯的水準均十分高。至於黑甕丼，黑松露的味道最為突出，和海鮮的味道也很匹配。唯一不知的是黑松露的味道過於濃郁，令到新鮮的食材味道被遮蓋。 每客丼也會上一碗昆布湯和一客煙熏芝士。芝士配湯來吃，吃起來也有驚喜。令到湯的味道更為濃郁突出。

我同朋友一直留意左呢間鋪頭好耐，今日難得出屯門，終於可以一試呢度既魚生飯！有好多款魚生飯可以選擇👅每人都有一份前菜！店員叫我地先食芝士後飲湯，湯比較清淡，芝士都唔錯。2號魚生丼包括幾片鮮魚，赤海老，海膽同吞拿魚蓉。其實我係為咗食海膽先嗌呢個餐，海膽冇令我失望，都幾鮮甜。而其他食材尚算新鮮，但味道好普通，完全冇驚喜，冇好食既感覺。7號丼包括帆立貝，三文魚籽同松葉蟹肉。帆立貝好肥美，表面輕輕燒過，幾香口，不過食多兩啖已經覺得好膩。蟹肉冇乜特別，三文魚籽份量都幾多，值得一讚。整體黎講，兩個丼賣相打卡好靚，但味道非常普通，唔覺得特別新鮮/好食。同平時食開嘅魚生丼相比，會有其他更平更好食既選擇。埋單四百幾，食一次就夠了。

魚生十分新鮮，帶子炙過鮮味十足及極之厚肉，三文魚子及蟹肉鮮甜沒有過咸，飯也是剛剛煮熟放涼。份量方面只是女仕足夠飽肚，味噌湯中有迷你蜆肉及昆布，不會過咸。服務也十分良好。

忘記左講日本菜係我既最愛，所以每次問我食咩，我都會話壽司！丼！烤肉！等等等等⋯而放假既時候，又唔想出香港九龍區，所以就上網check下屯門有咩好既日本餐廳推介，就比我地搵到近近地我地屋企附近呢間食丼既餐廳！😋😋去到餐廳大概等左15分鐘左右就有位，餐廳裝修簡樸，座位只有4-5張枱同bar枱位置，好彩我地唔洗等好耐。而我地今次點左3款丼飯分別係⋯圖1️⃣: 參之重丼（鮮魚兩片、甜蝦兩只、帆立貝、三文魚兩片、蔥吞拿魚腩）$158圖2️⃣：弍の重丼（鮮魚兩片、赤身兩片、赤海老、海膽、蔥吞拿魚腩） $178圖3️⃣： 黑甕丼（甜蝦、帆立貝、小柱、黑魚子、黑松露醬） $188餐廳魚生部分既質素唔錯，都算幾新鮮，唔會有一種唔新鮮既魚腥味。我認為特別要讚下呢度既甜蝦，好大隻好鮮甜！🤤而我地都認為黑松露個一款雖然係幾特別，但係黑松露本身味太濃，會遮左魚生本身既味道，所以睇下大家想揀d咩啦，要食魚生鮮味既就唔建議揀呢款。不過呢我地略嫌呢度既份量較細，女生食完都只係7成飽，男生就大概5、6成飽，食完仲可以係附近食埋甜品！