潮福蒸氣石鍋 (已結業)

平時工作時間雖然過得好充實，但係每日返工落班屋企咁樣循環，人生都無乜意思，偶然間都要同幾個三五知己一齊出去食翻一餐好野！！不過平時weekend我都鐘意留係屋企，唔想出去，咁就唯有落班之後再同班同事一齊去食附近間潮福 蒸紅棗糕，紅棗糕甜度啱啱好，而且蒸到啱啱好好軟熟，要落去口感比較軟，口入邊全部都係紅棗香味 冬瓜燉海螺肉，個湯好鮮甜，味道比較清淡，唔會覺得好有你，冬瓜煲得好淋好好味，海螺肉好爽滑 豬肉丸、甜粟米同埋雞肉，豬肉丸蒸熟時間比較長，不過熟左之後真係好彈牙！ 絕對係手打！粟米好香甜，雞肉好嫩好滑 南非龍蝦，龍蝦肉蒸出嚟果然原汁原味，基本上唔使落咩調味料都好好食啦，如果覺得唔夠味可以選擇加少少蒜蓉 瑤柱淮山粥，淮山係厚切嘎，所以個粥入邊有好香淮山味，個粥簡直就係海鮮精華融合埋一齊，好鮮甜！

好開心終于出糧唔使捱公仔面，成班同事都話決定今天夾錢出嚟聚餐喔，半數人都話想食海鮮喔，咪順下佢哋班友仔意思穩間特色d嘅海鮮店，一搜附近就發現有間潮福蒸氣石鍋，環境餐具都唔錯，海鮮睇落都算幾生猛，決定去試下。來到發現真係好多客仔捧場咯，好彩輪到我哋果陣唔使等位，一埋位班飛禽大咬就又話要食龍蝦，又話食鮑魚、石斑果d，真係好似剛放監出嚟咁，服曬！不過大家出嚟最緊要happy喈，最后點咗龍蝦、石斑、番薯蜆、花蛤、南非鮮鮑、海中蝦、瑤柱鮮淮山粥、蒜蓉肉蟹蒸糯米飯、蟲草花蒸鮮雞。唔食唔知道，一食嚇一跳，原來用石鍋蒸海鮮可以咁鮮美嘅，上面嘅食物全部比我哋清曬，有d仲搶手到手快有手慢無添。講下我印象最深刻果幾味喇，首先係我幾經辛苦先搶到返嚟嘅半邊龍蝦，加d蒜蓉蒸咗五分鐘，出鍋之后肉質完全無縮水，睇起來好飽滿，蒜香入咗龍蝦肉里面，再蘸小小醬汁，入口鮮嫩可口，鮮味一流吖！再嚟就係佢呢度嘅花蛤，蒸好只只都撐開曬，證明真係好新鮮啰，入口爽嫩，無沙無腥味，店家呢方面處理得唔錯！最后條石斑同蟲草花蒸鮮雞都值得一贊，就算係清蒸都完全唔影響佢哋嘅鮮味，肉質滑嫩，總體嚟講班友仔都食得好歡！

收工急步走返大埔與家人共享天輪，居然咁有緣係酒樓門口撞到阿青剛嘆完茶離開呢。想黎試點心好耐喇，今日終於有機會，順便約埋全家一齊啦。星期六午飯時段個場都唔係好爆乍喎，不過員工少都做到死啦！地產、業主吸血鬼天價租金真係驚死您唔蝕咁款，賺埋都唔夠交租。真陰功比人㩒住搶，我感同身受啦！海蜇燻蹄，心血來潮好想食，大路穩陣型，燻蹄瘦肉嚥韌有嚼勁帶芬芳咸香，外皮膠而彈，海蜇滑溜溜，爽脆趙到卜卜聲，海蜇攬住燻蹄沾滿酸醋涼浸浸入口提神醒腦。懷念小時候既海蜇燻蹄，撈上麻油及自家調製蒜味甜醋，特別好味！而且海蜇仲砂皮面架，已經多年都無遇到。煎腸粉，腸皮煎到微脆，但硬係有股膠味，滾滿豉油沾滿甜醬可完全掩蓋。都係 XO 炒或豉油皇炒好味好多，煎始終麻麻地。雪影叉燒包，我已經想試好耐架喇，居然潮福有供應，即試啦！菠蘿包釀叉燒包餡，翻熱既，都唔係即焗既，兩回事黎喎，天淵之別！整個包內外都只係微暖，香氣、溫度、味道、質感都強差人。撕開細看一下，餡料不是滿滿，比例還算滿意。狠狠地大啖咬落去，甜美濃郁蠔汁叉燒餡混上叉燒粒，正！外加香甜微脆軟塾菠蘿包，味道異常地夾，好食喎！如果係香噴噴熱辣辣新鮮出爐又搣開冒煙的話，我會比滿

男朋友前兩日嚟過呢間食野，食完之後發覺味道唔錯，於是今日就帶埋我嚟啦，佢話呢間店蒸得原汁原味，食完之後發覺味道真係唔錯！ 每一種海鮮都用唔同時間嚟蒸，隔離仲有計時器添，啲waiter幫我地set好時間，等到差唔多夠鐘啦，又會幫我地夾出嚟，服務真係一級棒啊 龍蝦肉好嫩，而且隻隻都好大，直接成隻拿嚟蒸，味道好鮮甜 海中蝦仲長過啲手指，都叫物有所值，蒸出嚟味道好鮮，再點稍稍豉油就大滿足啦 扇貝，好大吖 同粉絲一齊食實在太好食啦，啲肉唔單止嫩，而且好厚，食果時特別滿足！ 蟲草花蒸雞，雞肉切得好碎，而且又唔需要咩特別處理就可以蒸啦。味道唔會好濃好肥膩瑤柱淮山粥細，煲出嚟味道特別濃郁，融合左瑤柱香味同埋淮山鮮味，真係好香好濃 肉蟹糯米飯，真係好好味！好快就有得食啦，糯米有一陣清香，仲有蟹肉鮮味，特別好味

朋友都是愛吃之人, 而我喜歡海鮮多於紅肉, 所以一直都有留意蒸海鮮的食肆, 之前吃過潮福的蒸海鮮, 按重量計的海鮮…其實幾貴, 每人大概要預$600左右才能吃得好及飽, 相比之下, 今次推出的蒸氣鍋海鮮餐卻是較抵食, 岩晒海鮮迷, 一個價錢就吃到8款海鮮, 還有燉湯、啤酒及汽水.本來想吃得平少少, 選1730-1945的時段, 每位$298+ 醬油、花生$15+ 10%服務費, 奈何人還在辦公室, 唯有選2000-2215, $338+$15+10%. 10款海鮮之中自選5款, 有蝦、蝦、大元貝、鮑魚等等. 南非龍蝦及貝殼盛盆雖不在自選之中, 但也不需另收費. 任食任選系列中有蔬菜、雞、豬、牛及糕點.雖然蒸氣鍋沒有打邊爐般上火/熱氣, 但啤酒彷彿就是perfect match.趁海鮮還未送到, 走到場內了解非自選系列的海鮮的價格.這一角很適合喜歡吃醬料的朋友, 14款配料, 不過吃海鮮我較喜歡吃原汁原味.粥底有新鮮排骨粥及瑤柱鮮淮山粥選擇, 當然選後者啦, 較滋陰吧~5款自選海鮮很快送上, 包括生猛肉蟹、日本大元貝、蟶子皇、海中蝦及鮮魷魚.每款海鮮都有不同的蒸煮時間, 有專人負責幫忙把

西餐、日本料理幾乎可以話系日日都食，好似都就嚟唔記得蒸嘢食系乜味道啦，今日本來霖住行落樓下街市隨便買一兩個餸煮下飯就搞掂一餐啦，點知下晝姨婆竟然突然間打電話過嚟，話夜晚要同我地一齊食，仲話要介紹個朋友俾我識，好啦，為咗配合老人家口味，去咗潮福。。。。呢個時間可能比較早，入去都無乜人，仲好，可以隨便揀位啦~入邊嘅環境就有啲似普通嘅茶樓，不過每張檯上邊都多咗一個蒸爐！ 餐牌上邊都幾多野食，最好嘅系佢嘅餐牌會寫明俾你睇，每一樣菜所需要蒸嘅時間！！ 蟶子皇蒸完之後加少少沙茶醬真係好正，雖然姨婆佢地話原汁原味唔點醬最好食，不過我都系好難接受到一樣野食無味~！ 豬肉丸，咬落去好彈牙！！雜菇，入邊最鐘意嘅系金針菇！！食材都洗得幾乾淨。當然最重要系唔使自己動手蒸，會有專人服務啦！

睇完電視介紹， 比一個價錢就食到蒸氣鍋海鮮餐， 部份肉類蔬菜飲品更是任飲任食， 一定要同愛吃海鮮的媽媽，去到潮福蒸氣石鍋， 慰勞一下她。之前去過潮福， 媽媽已很喜歡， 因為海鮮款多又生猛，吃得滿足。今次海鮮餐， 以每位計算， 包括貝殼盛盒及南非龍蝦+粥底+燉湯+5款自選海鮮， 任食任選肉類、蔬菜、糕點及飲品，這晚成人收費每位HK$338 (另加$15醬油花生及加一服務費)， 非常豐富。燉湯選了好滋潤的雲腿冬瓜燉海螺肉， 材料非常多， 喝到精華所在， 清潤順喉又不油膩!貝殼盛盆， 有花甲、蕃薯蜆、馬刀貝，或許是蒸過火還是怎樣， 未有爆汁感，肉質未夠鮮嫩。南非龍蝦， 肉質實淨但欠了點鮮甜， 而且蒜味偏重。到自選海鮮了， 亦是我最期待的。生猛肉蟹， 金黃的蟹膏， 鮮甜無比的蟹肉，不需沾任何醬汁，吃那原汁原味， 絕對是整晚的高潮位!大連鮑魚，鮑魚沒有連著內臟，伴蟲草花加薑絲， 口感更鮮更爽。石蠔大隻嫩滑， 蠔味不太重， 蒸氣時間剛好，仍然保持那嫩滑感。還有日本大元貝與蟶子皇啊！ 大元貝同樣爽甜， 若減少蒜粒會更鮮味。污糟雞， 雞件夠入味，再加入紅棗冬菇片等， 像雲耳蒸雞般讓人吃不停口，肉嫩鮮甜

今天同朋友過咗嚟大埔shopping，晚上行到攰攰哋，見到前面有間潮福蒸氣石鍋店，佢哋嘅海鮮睇落好新鮮生猛，于是決定入嚟食餐海鮮填下肚。我哋等位果陣留意咗一下食咩海鮮，等咗無幾耐就有得埋位喇，拿拿霖點咗巖巖睇中嘅瑤柱鮮淮山粥底(兩個人要咗個中煲夠曬)，蒸象牙蚌仔(半打)，蒸龍躉斑片同埋花竹蝦。點完隔咗10幾分鐘就布好菜了，因為其他海鮮要先蒸5分鐘，我哋就先蒸咗嗰半打象牙蚌仔，一路食住嗰瑤柱鮮淮山粥一路等佢蒸好，瑤柱鮮淮山粥配料好足，一粒粒完整嘅干瑤柱加新鮮淮山，煲得d淮山好粉同埋粥底好濃稠，入口香綿。象牙蚌仔嘅做法同平時食開嘅差唔多，粉絲蒜蓉調味，我中意放多點蒜蓉咁樣食入口蚌肉同蒜香混合搭配嘅感覺真係人間美味。之后蒸埋碟龍躉斑片同花竹蝦，龍躉斑切嘅厚薄巖巖好，蒸出來之后鮮甜爽滑，好惹味，花竹蝦成只手掌咁大，食入口啖啖肉，肉質爽嫩，果然侮新鮮挑選出來嘅，無得彈。朋友同食到lep lep脷！

今天真係好忙，撲完九龍塘又要撲過來大埔見朋友，所以一定要佢穩定間好食嘅飯店嚟招呼我。結果來到佢話請我嚟食潮福蒸氣石鍋喔，之前好似有聽過嚇，但係未幫襯過，今次巖好可以試下係點味道喇！埋位時間早咗d，人流未算好多，我哋坐低之后，朋友點咗一份蒸龍躉斑片同埋蒸花竹蝦，佢話先點住兩個試下味。不過我覺得兩個人食已經足夠了，首先蒸我最中意食嘅大蝦先，按菜單提示花竹蝦蒸5分鐘就可以了，佢嘅石鍋可以設置時間自動停止，蒸緊果陣我哋兩個又可以來返一杯吹下水，果然，5分鐘之后攞出嚟睇下只只都色澤光亮，肉質飽滿，食落口清甜鮮美，爽口彈牙，好耐無食蝦食得咁滿足喇。跟住再試下個龍躉斑片，蒸果時加d蔥花調下味去腥，同樣蒸夠5分鐘，打開蓋之后蔥香撲鼻，魚吸收咗蔥香之后果然鮮嫩了很多，食起身唔會覺得太重魚腥味，今晚餐飯，一個字，夠鮮！

肥妹今天心情唔多好，所以全日都搜羅美食來宣泄，今晚繼續同佬友仔S來到潮福蒸氣石鍋嚟撐枱腳食海鮮。現場見到嘅海鮮真係新鮮又生猛吖，我哋點咗大紅蟹、瑤柱鮮淮山粥、大連鮑魚4隻、蟶子皇4隻、同埋飯后甜品蒸馬拉糕。食海鮮最主要都係追求一個鮮字，我哋覺得清蒸最可以體現到海鮮係咪新鮮咯，先蒸咗隻大紅蟹，拆肉之后可以睇到，肉質鮮嫩，咬落好爽身鮮甜。食完都仲未夠喉，好在食緊蟹果陣我哋又馬上蒸咗大邊鮑，仲可以一邊食住瑤柱鮮淮山粥一邊等佢慢慢蒸好。講到lee個瑤柱鮮淮山粥，味道都OK咖，大大粒嘅瑤柱煲夠火喉，鮮味入曬係粥底里面，再加上新鮮嘅淮山，一碗溫補營養嘅海鮮粥就誕生喇。再講翻個大連鮑，食入口爽身彈牙，蘸下醬汁、姜汁已經鮮味十足了，唔需太多調味料，但係蒸蟶子皇就要有粉絲同蒜蓉搭配先最美味，如果唔係就會好生泥腥味。最后一道甜品馬拉糕，蒸好之后好香甜軟熟，今晚lee餐肥妹食得好滿足吖！

朋友話要食海鮮，就預約左一間位於大埔既中式食肆「潮福蒸氣石鍋」，呢間野其實好多分店，之前我係小西灣都食過，但係點解要簡大埔呢，因為我地都住大埔.........入到去坐底之後，店員就安排左我地走到一個是時令既海鮮counter 點海鮮，牆上白板寫晒海鮮的價錢，點完海鮮後我地就去左個自助汁醬bar斟汁醬。枱面上有個餐牌寫晒價錢同埋食物所蒸熟既時間，而且枱上有個計時器可以俾客人容易控制時間去煮食物。竹滕製造的蓋，朋友第一次食，所以覺得好奇怪，個侍應就解釋左一輛，我都冇理佢講乜，反正好食就得，理得佢個蓋用乜整大大隻又長的蟶子預先加左一些粉絲及蒜蓉，大約蒸4 分鐘，香蒜的味道依然惹味，粉絲吸左蒜蓉及蟶子既鮮美，爽口又入味，蟶子的肉質都好爽又有鮮味之後就係原隻帶子，大大粒，仍然鮮嫩富彈性，保留了鮮味，再夾少少粉絲來食更滋味。薑蔥蒸美國石蠔，蠔身飽滿，加埋薑蔥同埋油，令到食落更加滑口，不過就唔覺得有埋特別，因為我就好少食蠔，唔係好識分，而我有個食開生蠔既朋友就話好鮮甜輪到大蜆出場，根本完全唔需要點其他調味料，淨係食佢本身個味都已經好足夠。店員話有分公毑，下面兩隻黃同上面兩隻紅，不過唔記得左性別..

哎喲～ 天氣無啦啦又凍返最岩打邊爐暖下～ 但食到悶左可以試下蒸汽石煱～ 其實都興左一輪嫁喇～ 只不過QT同男朋去開大埔發現開左新分店又食下啦😆 ～ 兩個人其實食唔到好多野 ～ 但點少少兩口子又有人服侍埋幾爽皮～ 我地點左花竹蝦～ 隻隻長過筷子呀啖啖肉超鮮甜～ 都叫會蕃薯硯貪佢厚肉比較爽身～ 再叫左一人一隻南非鮑同一個肉蟹蒸糯米飯～ 個飯吸晒蟹汁香味再加埋蟹黃～ 加少少蔥蒜！ 正呀！雖然叫嘅野食唔多但樣樣份量十足食完真係飽到上心口～ 真心講句想試晒每樣一大班朋友約埋會開心又抵食

既然去到大埔，食左個咁好食嘅下午茶，估計夜晚會有更多更好食嘅，閑逛到7點就開始揾食，見到潮福蒸氣石鍋就比佢吸引左，而且門口已經好多人排緊隊，咁多人幫襯，肯定會有好嘢食喇。第一次見有用草帽仲可以咁用，覺得好新奇，呢間店好多海鮮供人選擇，今日我同阿妺就食豪D，點左好多海鮮，花竹蝦好貴，但食完后我都覺得好值，蝦身仲長過部手機，只只都粗過手指，新鮮度上臺都仲識跳，肉果然好鮮，好清甜，好有嚼頭，可以講有D爽口，靚。美國大石蠔比本地嘅要肥美好多，肉厚味美，就算唔放任何調味料，只放姜蔥去腥都會覺得好正，鮮味好足，蠔肉爽脆，而家正系食蠔好季節，就顯得更加無比美味。龍躉斑片都好吸引啊，魚肉嫩滑鮮美無比，膠質多，女仔食左可能會特別起美容作用，味道好。食左甘多肉，最后食返個勝瓜嚟平衡下先，蒜蓉蒸勝瓜，最普通嘅做法，但卻最能帶出勝瓜嘅清甜，勝瓜好新鮮，好甜。

位於大埔嘅潮福蒸氣石鍋我系印象中第一次過來吧，之前就系聽人介紹過的，推薦我嚟，我都一直無時間所以都恨咗好耐，今日終於得償所願喇。蘇格蘭聖子皇大特價，我們就乘機試了一回，還不錯。貝殼類的海鮮都係咁，入邊的肉不會很多，但係啖啖都係精華嚟嘅，煮法好似好簡單咁，簡單得嚟又會令你覺得好好味，海鮮的鮮味都保留咗。象牙蚌仔也是很好食，我一不小就已經去咗一半喇，下一次要多點啲象牙蚌仔啊。環境同其他的茶餐廳的感覺是差不多的，勝在還是很乾淨舒適的樣子，進去就受到很熱情的招呼。這個點人不是很多，挺方便的不用排位。蝴蝶蜆的話，上臺的時候仲系熱辣辣的，趁熱下手啦，蜆肉真的是前所未有的滑嫩，真的是感覺入口都不用吞咁，自己識落肚咁，哈哈、價錢也不是還可以，風味傳統正宗。試過咁多海鮮餐廳，呢一間的確系唔錯，雖然味道頂級水準，不過性價比方面甩其他餐廳幾條街喇、

呢兩日唔知系米天氣時好時壞，變換得實在太頻繁啦，搞到我嘅身體都捱唔住，呢兩日成個人都好唔舒服，食乜都無胃口，真係正宗嘅食龍肉都無味啊~~為咗可以令我嘅胃口變得好啲，同時又要夠清淡，吖Cat就帶我嚟食蒸汽石鍋啦。流浮山膏蟹，一睇個名就知道佢系有好多膏嘅蟹！！！食之前仲系有啲擔心，因為只不過系普通嘅蒸蟹，味道應該唔會幾好。不過食完之後先發覺原嚟我嘅霖法系錯嘎！！蒸蟹啲汁同埋蟹膏嘅鮮味都比較完整咁保留咗落嚟，而且蟹肉非常清甜！！食之前仲可以自己去揀蟹，真係保證新鮮吖~~而且一般唔會短斤缺兩。！！新鮮排骨粥，排骨嘅肉好嫩，粥嘅濃稠度啱啱好，我唔鐘意太過結嘅粥，而且啲粥食落去有好香嘅排骨味，都算系比較清淡嘅野食入面比較有味嘅！！之前食嘅茄瓜都係好似魚香茄煲入面嘅，味道好濃郁，好少食普通嘅蒸茄瓜，呢個蒜蓉蒸茄瓜有好香嘅蒜茸味，蒸茄瓜留低嘅汁拿嚟送翻茄瓜一齊食，好味！