火鍋英雄 (已結業)

今天又同一班朋友去打邊爐, 朋友帶我們來到銅鑼灣一間樓上鋪, 一出lift就是鋪頭, 哇, 間鋪人頭涌涌, 枱枱都邊爐滾滾煙霧彌漫, 空氣中散發好香的花椒香味!我們被安排座在好闊落好舒適的卡位, 大家睇完餐牌後一致同意order個好特別的湯底, 叫”25年陳年花雕醉烏雞鍋”, 個鍋上枱時已聞到好香的花雕酒香, 好吸引, 聞到都好想舀啲來飲, 之後侍應端上一碟切塊的新鮮烏雞, 叫我們倒入湯中滾, 待D雞肉在湯中滾了數分鐘後, 我舀了D湯來飲, 聞到好濃的花雕酒香, 但飲起上來不是咁濃酒味, 有雞的鮮味, 酒的香味, 個湯好好味!打邊爐的食材都陸陸續續上枱了, 打邊爐來來去去都是那些材料, 但最緊要材料新鮮, 這間的嚮鈴卷在浸了花雕雞煲之後, 哇, 外軟內脆, 索晒湯底的味道, 不用再點其他醬料, 這淥了的嚮鈴卷真是超好味! 仲有各類手打丸, 全部新鮮制造, 款款都好味, 又新鮮又有咬口, 打邊爐就是要食呢啲鮮手打丸嘛! 仲有餃子又好味,仲有好特別的打邊爐材料 – 薯粉, 將薯粉倒入花雕雞湯中煮, 煙煙韌韌又入味, 正! 仲有一定要讚的是他們的手切肥牛頸脊, 淨係睇顏色, 就知道這牛頸脊是

今晚約咗個朋友一齊十下十下，好耐無食過麻辣火鍋，於是揀咗銅鑼灣呢間火鍋英雄試下。離地鐵站又近，好易搵，上到黎餐廳環境好寬落，都是卡位的，坐得舒服，適合聚會聊天。擺醬油的一角，醬料種類眾多，可以自由溝。前菜小食，一坐低就有職員送上，服務週到，每款都材料新鮮，都好重麻辣油味，食落好惹味。洛神花茶，好重山楂同洛神花茶味，酸酸甜甜的，好香甜。我地今日揀咗重慶麻辣小辣拼養生野山菌湯，麻辣湯底好香濃，因為叫小辣，唔會勁辣食到出晒汗，但有香濃的四川香料辣椒味，香味四溢。美國極品肥牛同黑豚肉，肥牛雪花分佈均勻，食落肉質鮮甜爽口，重牛肉味，黑豚肉切得薄片，肉質都好新鮮。值得一讚係炸魚皮好香脆，仲要食得出係用優質靚魚皮，碌一下湯底食好入味，響鈴都重豆皮味，新鮮即製。招牌四寶丸，牛肉丸，鯪魚丸，蝦丸，黑魚丸，彈牙爽口，手打，用料好新鮮。韭菜水餃，皮薄，嫩滑，入面餡的菜同肉比例合適，食落鮮甜。打邊爐成日叫的午餐肉，惹味，煮淋咗再食又另有一番風味。牛栢葉，白色通透，好爽脆，吸晒湯汁，辣辣地。生菜同皇帝菜，翠綠，新鮮爽脆，鮮嫩，份量都好多。

今日同女朋友打邊爐，去左「火鍋英雄」，一試其英雄實力！25年醉烏雞湯底。大大隻烏雞好霸氣，湯底味濃鮮甜！正西班牙黑豚肉。薄薄一片入口爽嫩，肉味清甜油花非常出色。我打邊爐必定會叫四寶丸！牛丸超濃超香，粒粒都好彈牙好鮮甜，墨魚丸有咬口！皇帝菜。吸哂湯汁精華，打邊爐一定要叫蔬菜！炸魚皮配啤酒！男人的浪漫！炸魚皮香脆香口，放入湯汁滾2/3秒，吸哂湯汁之外仲可以保持脆口，非常滋味！涼拌小菜，女朋友全部清哂開胃涼菜！

The food is actually okay but the ventilation there is terrible. I sincerely suggest the owner to do something about it as this really makes the dining experience worse. I was here when it’s first opened but hoping that it would be improved; this is my second time here ...however it seems not making improvement. Quite irritating as I sneezed the whole night 😩😫😫was like eating in heaven the whole time lol

這陣子很少去吃火鍋，男人之前去吃這家的麻辣火鍋說不錯！這一次便帶我來吃吃看了！名字叫「火鍋英雄」，很有氣勢呢！當時心想：不知道食物如何呢？哈哈餐廳很大，配了美美的裝橫，感覺是比較高級一點的火鍋！我們沒有訂位，大約七時左右到達，大約已有5－6檯客人呢！英雄八盞連醬料 （每位） ＄18這裡有個位置是用來混醬的，醬汁比我想像的很多！應是我見過最多的一家，因它們有我會必用的陳醋、芝麻醬呢！還有比較少見的麻油、辣椒紅油、榨菜、白芝麻等等呢！還有當你未叫鍋底前，桌上已放了八個小食。有麻辣木耳、海帶、生菜、麻辣豬耳、芽菜，拍青瓜、蓮藕及辣豆腐乾加青豆樣樣都十分滋味，非常適合我們喜歡吃辣的重慶麻辣拼養生野山菌湯 ＄138選這個湯底是因為一半想要辣的，但吃菜的話我就萬萬不會放在麻辣那邊！因菜吸油很利害的，會很肥的！所以另一邊點了養生野山菌湯底，感覺健康一點本地手切肥牛頸脊（小） ＄268這個這個是真的真的必定要點的！非常新鮮，不會太肥美。放一放入鍋中，比平常的牛放久一點點，便可以食用！味道很有牛味，而且是頗有咀嚼感的！西班牙黑豚肉 ＄108打邊爐除了牛，其實我很少叫豬的！但男人想試試這個，便點了！想不到

睇緊menu期間，店員送上多碟小菜，心諗咁似食緊韓國餐嘅？！二十五年陳年花雕醉烏鷄鍋 ($168)一上菜時嗰啲花雕香氣已經四溢，有輕微藥材味但唔會蓋過花雕嘅味道，超好飲忍唔住飲咗兩碗！烏鷄肉質新鮮，滾起之後再飲仲正！本地手切肥牛頸脊 ($268/小)脂肪分佈適中，肉質軟腍，肉味適中，好好味西班牙黑豚肉 ($108)口感柔軟細滑，豬味又濃又甜一啲都唔臊招牌四寶丸 ($108)手打牛丸、墨魚丸、蝦丸及鯪魚球各3粒，咬落好有味道而且超彈牙招牌魚腐 ($68)口感外香入面軟綿好似豆腐咁細滑韭菜水餃 ($48)大大隻，餡料充足飽滿，入面好juicy而且韭菜味好香濃竹蔗茅根水 ($48)甜度適中，味道非常天然，解渴啱晒估唔到只係星期2嘅晚上但都坐滿晒，仲要有好多外國人嚟食喎！

話說我同男友都係十級喜愛麻辣火鍋既人，之前係Facebook 見到篇講十大正宗麻辣火鍋既報道,見到一間好鬼吸引仲好近我番工地方,咁難得,就趁我收早去會一會佢,就睇下你係咪報導講得咁出色先!一打開LIFT門個陣麻香已經衝上腦門,環境夠大,冷氣夠足,需知道食麻辣火鍋冷氣唔夠同自殺係無分別醬料區超多選擇,由你自己慢慢混醬超多菜式揀,眼花撩亂英雄8盞唔好睇少呢8小碟,由其係個碟椰菜,係辣到飛起!!!!!重慶麻辣(清油味中辣)拼芫茜皮蛋湯睇個芫茜湯隻乳白色已經夠吸引,飲落非常清甜,麻辣香味十足,隻麻係好似十萬隻螞蟻係口入面爬,超爽鮮黑毛肚應該係牛拍葉...超爽,不過記得留意煮既時間哦,唔係會搵佢唔番XD炸響鈴即炸已經無得輸.一浸落湯度個下之之聲不得了哦.....鴨血麻辣火鍋點可以無鴨血啊?記得一黎就放落湯,食到咁上下先好慢慢享受佢,唔係唔夠入味架~炸魚皮都係超脆,但我都係鍾意炸響鈴多D美國極品肥牛(小)油脂分佈平均,牛味夠重招牌四寶丸粒粒都真材實料,超級彈牙呢間真心高質高水準,而且服務一流,完全唔使開聲店員都會自動過黎加湯飛油,淨食服務都抵番哂啦~~

南山泉水鍋火鍋英雄一向出名湯底料，任何一個湯底選擇都非常特別，出邊食唔到。今天選擇的火鍋底，是叫「南山泉水鍋」職員遞過來的時候已經發出紅紅辣椒味🌶🤩。靚冬菇🍄、烏雞肉🐥一邊最重要材料有靚冬菇、以及烏雞肉。烏雞固然補身，開火之後大概5到10分鐘之後，就可以食得，記得趁着雞肉依然鮮嫩拎返上嚟。雞肉鮮香滑、漂亮、有光澤，大火滾幾分鐘後，肉質依然細嫩，而且加上了辣椒鍋的狂野🌶！而且煲入邊有好多冬菇🍄，記得全部都唔好放過佢！每一個都已經主導好軟林林，而且好多冬菇汁💦！八盞前菜火鍋配料到之前，試一下八盞前菜，我比較喜歡芽菜、青瓜及木耳竹蔗茅根🥃食咗辣野，當然要點竹蔗茅根下火手打鮮蝦丸🦐、招牌芫荽豬肉丸尤其手打鮮蝦丸，非常新鮮，爽口彈牙有膠質，而且散發出蝦的香味。韭菜水餃🥟多汁鮮甜好味西班牙黑豚肉🐷西班牙黑豚肉質素唔錯本地手切牛頸脊🐮而手切🔪牛頸脊更是一流。牛頸脊肉色鮮艷，每塊脂肪同肉都好均勻，絕對是新鮮本地牛肉，非急凍貨色。下鍋滾1分鐘，就可以放入口。新鮮牛肉味爽滑，辣辣地嘅湯汁，最好點花生醬蒜蓉食。食完之後，保證你返唔到轉頭再食出面d cheap cheap肥牛🤪。炸響鈴皇帝菜四川紹粉最後記得落

Got there at 6pm and it was quiet so we could choose where to sit. The atmosphere was clean and tidy and upscale. We ordered the chicken pepper and pig stomach base which was flavourful and full of chicken. The beef and veggies were decent portion size and were fresh and very tasty. The service was excellent from start to finish, for example they would change our plates regularly if it was full of bones, they kept an eye on the flame and would adjust accordingly for us, and filled the teapot reg

間餐廳好光猛，感覺好舒服，一出𨋢門就見到哂成個area, 好寬敞仲有特製的麻辣醬出售竹庶茅根水，有點偏甜湯底：重慶麻辣併養生野山菌湯麻辣味好惹味，辣味岩岩好，而麻味都好適中，越食越上癮完全忽略左個野山菌湯不過個野山菌湯好足料，有不同種類的菌類，有冬菇、雞肶菇、秀珍菇、靈芝菇另外一坐低就有八小碟，每一碟都好好食啲食材都好新鮮本地手切肥牛頸脊牛味好濃，每塊都切得好平均，所以入口好軟腍，一點都唔韌西班牙黑豚肉賣相好吸引脂肪分佈得好靚，一啲都唔肥膩招牌魚腐出面食開的都是啡色的，呢個白色的，魚味更香新鮮鵝腸因為係好新鮮，所以超爽新鮮桂花魚片平時打邊爐都係食鯇魚片，今次見到有桂花魚片選擇就揀左，原來桂花魚係咁滑的，一食就愛上了

很久沒有跟darling外出吃飯，行過見到餐廳名字很猛，叫「火鍋英雄」，即管上去試試！餐廳位處銅鑼灣一幢很多食肆的大廈裡，對面就是地鐵站C出口，超級方便！Lift很寬，不會等好久。甫進店，裝修簡單中，見心思佈置，竹製的卡位設計很有四川風味，也很寬敞，坐4-6位成人都ok。酸菜冷鍋魚是必叫的！跟別的酸菜魚不一樣，它是啖啖肉，是上盛的桂花魚片，份量十足。喜歡腩位或骨位的不要失望，鍋裡面通通都有！師傅刀功一流，大大塊魚片是不會散，沒有骨，吃得好開心！魚片又滑又鮮。火鍋配料首選本地手切肥牛頸脊，油份剛剛好、牛味一絕！丸類用料新鮮，值！四川紹粉是必叫之選！超煙韌！自己醬油自己調！很整齊，品種很多，榨菜粒切得幼細，正！英雄八盞前菜，一點都不馬夫！吃火鍋難免熱氣，喝竹蔗茅根最好！很濃！餐廳服務值得一讚，自動幫你更換小盤子、撈泡沫、調教火候、倒飲料、收盤子等等。連勺子都很貼心，手殘的也可以輕易地撈起魚片。細心位還有圍裙給每位，一定唔會弄髒衣服我跟darling兩人吃完都說下次要再來試其他鍋！

之前同朋友已經黎過。 適逢同太座相識紀念，而佢又鍾意食魚就帶佢黎試。 星期二夜晚7點幾，餐廳仍未算多人。 上次黎已經覺得呢度環境唔錯，空氣流通，通風不俗。我好介意火鍋店好大味。 餐廳全卡座，如4-6人亦見寬敞。 今晚主打酸菜冷鍋魚($308). 其實一鍋2-3人份，食完已經80%飽(自問都大食). 湯底十分惹味，會不其然"畢" 湯黎飲。 魚係用左桂花魚片， 鮮甜滑溜，冇骨，再配咸酸菜味道令人難以忘懷。 湯底本身少辣，但滾耐左就會好辣，所以可以在早段不辣椒拎走。 其次叫左些火鍋配料： 牛頸脊，鵝腸，炸響鈴，水餃，四寶丸同雜菜籃。 火鍋配料好新鮮。 覺得響鈴有機會係佢地自己炸，因為同平時街食有點不同，鬆化而不油膩。 2 個人埋單$1,000. 而佢食材既質素，性價比相約。 一定會再黎hohoho

趁住天氣仲係涼涼地, 火鍋用餐機會就要盡情把握, 今晚要去呢度會一會呢個"英雄"打開升降機門就見到呢間火鍋店, 設有大型卡座, 抽氣系統做得唔錯, 唔會一入去就聞到濃濃火鍋湯底味道!餐牌上見到各款特式湯底, 食材種類多, 有選擇果難症嘅友人黎度又會發作............哈哈.....係我地睇緊餐牌嘅時候, 侍應已送上呢8小碟小食, 每款都有少少辣, 其中嘅海帶我個人黎講就好LIKE啦!落好單後就出去呢個醬油區自己混醬著好圍裙保護衣物就可以真正開始烚下烚下啦.................侍應介紹呢個重慶麻辣拼二十五年陳年花雕醉烏鷄鍋 ($188)係好受歡迎, 雙拼湯底, 有辣有唔辣, 照顧唔同人士需要!二十五年陳年花雕醉烏鷄鍋, 散發花雕香味, 飲落帶酒味, 又有藥材味但唔會太濃, 未開始火鍋就要先飲一碗!  正呀!  而選用嘅烏鷄滋補唔燥, 肉質唔嚡口, 點可以錯過佢!火鍋時間主角 - 本地手切肥牛頸脊 ($268/小), 每片切出大小厚薄都適中, 脂肪分佈亦適中, 肉色靚仔!烚幾秒就食得, 肉質帶少少嚼口, 肉味幾出, 不枉我棄肥牛轉向佢嘅懷抱!招牌四寶丸 ($108),

今日同朋友喺銅鑼灣附近搵嘢食，我哋喺c出口附近一個商場度搵嘢食，去咗一間喺3樓嘅火鍋店。 入面好寬敞裝修好新，啲裝修好有古時嘅特色，而且啲位坐得好舒服。 我哋首先叫咗個胡椒豬肚雞湯做湯底，之後再叫左本地手切肥牛頸脊，招牌四寶丸12粒，鮮黑毛肚，豬爽喉，竹蔗茅根水，韭菜水餃，酥炸響鈴，皇帝菜，金菇菜，萵筍片，凍豆腐。 隔咗十分鐘左右，個湯底胡椒豬肚雞湯首先送上，個煲畀我哋平時打邊爐食嘅大好多，入邊胡椒味好重，啲豬肚好新鮮好爽脆，而且好有咬口，而啲雞都好鮮嫩，加上胡椒湯味，味道很好。 啲嘢食同嘢飲嚟得好快，係個湯底嚟咗五分鐘之後，所有嘢食同嘢飲都已經送上，而且仲送咗八碟前菜畀我哋食。 豬爽喉好新鮮好爽口，而且有啲冰鎮住。韭菜水餃，個皮好薄但係唔會爛，而且入面嘅料好豐富。 酥炸響鈴，炸得好脆。鮮黑毛肚，好新鮮，錄完之後都好爽口。凍豆腐吸咗個湯味之後，加上凍豆腐嘅口感，味道好夾。另外金菇同筍片都好新鮮。 四寶丸總共有12粒，分別有四種唔同口味 有墨魚有蝦有鯪魚有牛，四個口感都好實同好新鮮。 最後係牛頸脊同皇帝菜，牛頸脊肉質好鮮嫩，食落彈牙爽口。而皇帝菜同胡椒豬肚湯味道好夾。

以前針對成年人有「快人一步，理想達到！」的口號，隨著社會轉變，現在人生規劃必須「嬴在起跑線」。這怪異觀念將香港人唔執輸的精神表露無遺，不禁替新生代感到心酸和難過！嬴，真的那麼重要嗎？ 早前經歷兩個星期寒潮期間，人在低溫下，冷得頽萎，火鍋也許成為大家的救贖英雄。 本也想找英雄暖胃，可惜沒有好好規劃的我，在火鍋店爆滿的寒潮下，當然是落空收場，所以只好乖乖承認失敗！ 不要緊，元宵夜，終快人一步，嬴在起跑線了，老媽、老公和我來個三人行！ 「火鍋英雄」設有寛敞的卡座和適合不同用餐客人的大小桌子，空間感充俗、抽風系統良好，窗外映出銅鑼灣鬧市景色，感覺舒適！ 踏進「火鍋英雄」，必然會被這調味架吸引著。除了一般的豉油、麻醬、麻油、蔥花、芫荽、生蒜、炸蒜和鮮辣椒外，還有味粉、陳醋、蠔油、白芝麻、芹菜末、花生米、榨菜末、香辣醬、辣椒豉油和辣椒紅油，十分豐富的調味選擇！ 雖然我不是重口味，但也興致勃勃地來個新鮮感爆棚的混醬！ 竹蔗茅根 「火鍋英雄」為客人提供熱茶，不過慣了火鍋配冷飲的我們，叫來了自家製的竹蔗芧根。竹蔗茅根色澤金黃，裝在修長的瓶子裡，顯得特別優雅。至於味道，少甜帶有細緻的竹庶清香，相比現時火鍋