玉

幾星期前閒日一家四口在這裏食晚飯，人不多，雖然價錢貴，但食物，環境及服務質素都高，絕對對得起這價錢，所以父親生日都建議再幫襯。但再來時是週末，人多好多，可能這原因令服務質素大幅下降，他們的茶壺超巨型及重，自己倒茶非常費力，但跟第一次來不同，這次冇人斟茶，要自己來。另外，茶水凍了又冇人理，但他們茶錢是每位$45加一😣！唔小心倒瀉茶又唔會幫你處理。總之整體感覺不好，服務態度只能以indifferent 來形容。

🌹老公生日🎂，早兩個月已訂好餐廳為他慶祝，今次選了新開業酒店的中菜《玉》，位於香港富麗敦海洋公園酒店內。🌹專登放半日假伴老公過生日，由出發到酒店，有去旅行感覺，在海洋公園站搭穿梭巴士🚌，需時約十多分鐘，沿途是較靜的路面，依海邊行駛。到達酒店嘩了一聲，酒店正正是在海邊，旁邊是玉桂山及海洋公園部分，像去了另一個島😂。🌹進入餐廳，感覺很好，寬敞舒適的空間，合適的擺設，優雅高貴，採光度十足。當天陽光普照，藍天藍海山景，很美麗！為我們進餐增加驚喜！4個人點了兩個午市點心套餐（$798二位用）點心併盤蝦餃蝦肉爽口，皮薄竹笙素菜餃豐滿餡料，皮薄黃橋燒餅外酥內香紅燒海皇羹足料味濃醋香黑豚豬肉醋香肉厚米湯瑤柱銀杏浸菜苗清新口味鍋燒原隻鮑魚燴飯原隻鮑魚，飯香，有點像煲仔飯楊枝甘露不甜，料足酥皮蛋撻皮酥蛋香奶皇鳳梨芝麻棗外酥內餡香口

雖然夜晚睇唔到海景，但係內部環境都非常舒服，空間感好充足不過食物方面就有少少失望叫咗蝦多士，玫瑰露鮑魚，燒鱔，茶燻雞，牛面頰，蜑家魚湯，蟹蓋全部都好普通蝦多士食落唔油但係好大陣油味，玫瑰露鮑魚無特別，燒鱔嘅皮又厚又韌，同埋其實係冇味嘅，茶燻雞完全就係豉油雞，牛面頰一般，蜑家魚湯要二百幾蚊一位但其實完全可以自己喺屋企煲得到，我覺得係overpriceed，蟹蓋嘅芝士完全搶咗蟹肉嘅鮮味總括嚟講如果係食環境嘅話係冇問題，但係如果係想食食物質素嘅話，我唔推介

Fullerton在香港的第一間酒店, 位於水上樂園隔離, 說是海洋公園其中一間酒店, 但比Sheraton的位置遙遠得多, 所以為了吸引遊客, Deco更Grant, 面積更大. 可惜的是餐廳的數目只有兩間, 一家是已有數家分店, 不太特別的沙嗲軒; 另一家則是來自新加坡的玉, 主打高級粵菜, 由之前城市花園酒店”粵”的主理人賴師傅主理, 基本上我也不會太擔心的.賴師傅主理的海鮮類菜式水準相當不錯, 像是蟹主酥錦盒的皮脆而薄, 內裡蟹肉綿密鮮香, 底部的蓮藕片爽脆之餘吸收了蟹肉精華, 味道豐富但吃起來相當乾爽. 蝦球同樣爽口彈牙, 如此巨型的蝦球要做到這樣的口感, 並不容易. 醬汁以蜜糖加上青檸, 酸中帶甜, 但力度比一般檸檬柔和, 更能吃到蝦的鮮味. 星斑以豉油煎香, 比一般的清蒸惹味得多, 口感爽實, 加上菇菌更香, 沒有原條清蒸的Luxurious, 但味道和口感更得我心.炸子雞有點失色, 雞肉鮮味有, 外皮夠脆但肉質, 特別是胸肉, 口感死實, 味道偏鹹. 另外糯米飯口感過黏, 外表過於水潤, 吃起來有點糊化. 新開張水準不免有點起伏, 除了這點要好好調整外, 如何在如此隔涉

有驚喜酒店中菜廳 是次人均消費：$800總結：可以一試————————————————————————鮮蟹肉焗釀蟹蓋 - 面層係金黃色芝士，內餡係絲絲洋蔥同蟹肉，正常發揮.龍帶玉梨香 - 用料味道好食過龍景軒，不過炸功就龍景軒好啲. 伴碟嘅小蕃茄醃左酸酸甜甜好味.露酒涼拌鮑魚 - 爽滑彈牙，有酒香.椒鹽九肚魚 - 麻麻地，呢度炸野比較弱.慢煮和牛面頰 - 喜出望外！和牛勁腍滑，個汁望落好濃味但其實勁鮮甜，底下啲薯仔又索哂汁咁，份量又大，食完勁念念不忘.呢度有位好sweet嘅茶藝師，好cheerful，亦好用心介紹茶嘅產地、味道等等嘅資訊比我地認識，強烈推介大家黎試下佢精心挑選嘅茶葉.搵日要日頭去試下啲點心同埋享受下個靚景.******************************玉 (黃竹坑)黃竹坑海洋徑3號香港富麗敦海洋公園酒店2樓

屋企人生日，於是豪一次過黎試吓佢地既中菜，位置望住個海洋公園同海景，天氣好真係一百分👍🏻我哋總共叫咗10幾樣嘢食，每一樣都唔會令人失望，而且好有特色。餐前小食我地叫左金腿蝦多士，好脆😳食落去亦都唔會好油，蝦好鮮甜👍🏻 點心試左XO醬煎腸粉、蜜汁叉燒腸粉、香芋天鵝酥、紅菜頭帶子餃、肉骨茶小籠包🙈腸粉好惹味，絕對適合重口味嘅朋友仔💕天鵝酥亦都好鬆脆，好香竽頭味😆😆推薦推薦👏🏻比較特別嘅係肉骨茶小籠包，味道上未必個個鐘意食，但接受到肉骨茶既人一定會鐘意！佢肉骨茶味好特出好出色👍🏻佢地既鮮蟹肉焗釀蟹蓋，芝士滿滿一層好邪惡，蟹肉亦都好鮮好足料！煙燻雞亦都絕對值得一試！煙燻味超香，而且啲雞好滑！對於我呢個甜品控，最後佢地既甜品亦都冇令人失望，每一樣都超出期望💕芒果布甸好滑好香奶味、壽包包體好軟熟，蓮蓉亦都超滑，入邊嘅鹹蛋仲要好香😍而且擺盤勁靚呀！主菜食到好飽都忍唔住要食多幾粒🙈腰果酥比較特別，佢入邊有少少似鳳梨酥既口感。唯一比較普通嘅係個奶黃煎堆仔，奶黃味唔夠出，不過好在食落唔油。佢哋嘅價錢絕對唔係平，講得上係偏貴。但起碼叫做對得住呢個價錢，間唔中同屋企人食下好西唔過份👍🏻

茶一人一位，可以選唔同茶遠年普洱熟茶餅雲南滇紅福建白牡丹服務態度非常好，有禮貌，細心。亦唔會大聲講野，只會係客人身邊細聲講嘢。上菜時有禮儀，唔會整到有碗碟撞擊聲。晶瑩遼參餃葱油海蜇頭露酒涼拌鮑魚椒鹽九肚魚鮮蝦腸粉杏汁花膠燉蹄筋湯米湯瑤柱銀杏浸菜苗龍井黑糖茶燻雞西米栗蓉焗布甸環境靚，值得再去

We came here on our first night during our staycation. The restaurant offers different kinds of traditional Chinese tea and dishes. The seating was spacious and the welcoming dishes were yummy but the serving speed was too fast and the portion of the dessert was too small. Overall the food quality isn’t as good as how it looks.🥂Chilled Fresh Abalone $138Really fresh and tender abalone and you could still see the steam coming out as the rose wine is boiling under.🥂Sautéed Lobster with Herb, Black

幾日前同幾個朋友，book咗呢間餐廳慶祝環境剛到酒店大堂嘅感覺唔錯，由於酒店係新嘅關係所有設施都非常新淨空間感亦好足夠。餐廳比想像中大，幾舒適寧靜。服務態度一坐低就感覺到幾個職員都過分殷勤，不斷向我哋推介茗茶，即使係我哋多番拒絕後仍然堅持。總括而言，職員嘅殷勤令我哋感覺不自在。餐具擺設亦不太專業，有幾次都係菜式食到一半才送上適當餐具。服務態度上還有不少改善嘅空間，才可同其他同等酒店中餐廳作出比較。食物食物質素還可以，但冇一個菜式特別出色，或者會令我哋會想再番黎食。我哋叫咗個「玉」品味晚宴套餐，亦都係落咗單先被通知蟹蓋已經賣晒，而前盤以另一個套餐嘅三小碟取代。其中金湯白玉星班球令我哋有少許失望，魚肉不是最新鮮質感一般。其他菜式可以話係合格水平總結餐廳只可以用合格來形容，以收取價錢來講，我哋認為過分進取，亦不值得。短期內都唔會考慮再來食

今次嚟Fullerton hotel staycation夜晚就揀咗呢間中菜環境同食物都屬高水準其中一味fusion菜 法式田螺釀糯米 幾特別黑松露炒蛋白都係我favorite個燒腩仔都唔錯 另外叫左個炆牛尾 肉質軟硬適中夠入味

［依山傍海、景致怡人］，大概是我對 The Fullerton Hotel 的第一個觀感。甫踏入酒店，便會發覺室內室外，隱藏打卡點處處，跟另一半或閨密，甚至一家大細，想影靚相做紀念，可以話零難度。餐廳環境闊落，檯與檯之間份外寬敞，落地玻璃一邊可遠眺山上海洋公園的過山車舊址，另一邊是寬廣的海洋，寧靜舒適的感覺油然而生。畢竟是同集團旗下的酒店，所以［玉］邀請了來自北角城市花園，曾獲米芝蓮一星［粵］中菜廳的行政總廚賴正成師傅主理，菜色是更加精緻亮麗。餐前先由餐廳的駐場茶藝師介紹一杯自家製的 Sparkling Tea，呷一口，傳來馥郁的果香，甜甜地好易入口，細問之下，原來是揉合了玫瑰、茉莉、桂花三種花，紅茶及白牡丹兩種茶，帶出了果香及甜味，最後再加入本地品牌香港原蜜的龍眼蜜，難怪甜度來得輕盈自然，若果客人想試，完全沒問題，只須$385，便可享用850ml的份量，算起來大概有6杯。既然有茶藝師，當然要試試經由專人沖泡的茶葉。自己點了「高山炭焙烏龍」，而朋友就選擇了「雲南月光白」。經沖泡過的烏龍茶色清澈，餘韻回甘，當中隱約帶炭香，很獨特。試了朋友的月光白，原來樹齡達100年，入口醇滑，帶有清幽的

朋友約去試呢間大家都未去過的中菜廳。首先，它位於近海洋公園水上樂園的附近。乘地鐵去的話，去到海洋公園站有穿梭巴士接載，但每班車的時間比較疏，需要等一陣。如果自行乘往，巴士去到近深灣遊艇會，可以行到過去，如果天氣熱的話，可能會辛苦一些，但唔難行的。否則可以去到黃竹坑地鐵站，再轉的士。去到Fullerton Hotel, 有一些感覺去到外地，有啲星加坡或者雪梨旅遊的影子，有山、有海、有遊艇…. 別有一番風味。今日去了中菜廳Jade 玉，朋友已經叫好菜了。包括：紅菜頭帶子餃 (3pcs) $90; 晶瑩遼參餃 (3pcs) $98; 艇家魚湯 $238 (每位計）；龍井黑糖茶燻雞 半只 $298；牛肋骨；西米粟蓉焗布甸 $68；蓮子杏仁茶$68； 阿膠棗皇糕$88 (3pcs) ；奶皇風梨芝麻米棗$78 (3pcs) 。三位女士，可能叫多了一點，可以少一個主菜。點心精緻，非常出色，唔試唔知；魚湯材料非常足夠，有花膠、有星斑，沒有味精，真係要試；牛肋骨啖啖肉；雞香嫩滑；甜點真甜味，焗布甸、棗皇糕、奶黃棗必食，恰到好處，激讚！不過，如果食開濃味的客人，又未必欣賞，要比較注重健康美食的客人，一定

當我知道海洋公園開新酒店後，就上網訂佢哋嘅中菜廳試吓。周未最快都要訂到8月中，唯有慢慢等！終於等到訂位嘅日子啦！酒店裝修好有渡假feel, 入到去已經好開心！中菜廳個名得一個字「玉」，位於酒店二樓。雖然訂位時要求要窗口位，但係到訪當日就安排咗我哋坐入面嘅梳化位。如果可以坐响窗邊，望住個無敵海景食點心就非常正啦！由於得2個人，見到點心樣樣都想食，但係又食唔到咁多，就打算叫套餐。好彩叫嘅時候多口問聲經理點心可唔可以跟人頭上，經理好好咁話特別安排比我哋，咁我哋最後就叫左散點心啦！幾款點心都唔錯，達酒店中菜水準。肉骨茶小籠包有肉骨茶味，但係我覺得味道唔係同小籠包咁夾，原味應該好啲。XO醬腸粉炒得好惹味，軟硬適中。蟹蓋方面，價錢都算貴，但係好足料，蟹肉好鮮味。龍帶玉梨香個名好特別，原來係裡面好似蝦丸夾左片新鮮梨炸，食落口感幾得意。我哋食完點心冇叫炒嘢，不過又擔心轉頭好快餓，就叫碗魚湯稻庭麵打下底，都幾好味。最後，緊係要食埋甜品先完美啦！總結嚟講，成餐好滿意！環境新，裝修靚，坐得舒服唔在講，望出去仲有個無敵海景。嘢食方面，一般高級酒店價錢，食物質素都達標，蟹蓋係有驚喜！服務都係酒店水準，招呼周到。

位於海洋公園Fullerton Hotel 內的中菜, 裝修設計選用酸枝, 古色古香書卷味，見門口放了一件「玉」擺設， 就係餐廳的名字。打開餐牌第一頁全部都係茗茶，如果喜歡飲茶嘅人士呢度一定好適合你， 就算一個簡單嘅香片，侍應一倒茶，香氣撲人，經理再介紹一款叫「甜蜜回憶」花茶，桂花香又香甜，再混合其他，我認為必選之一。前菜有蝦多士，一向喜歡懷舊菜的我，多士香脆蝦肉鮮味。海蜇頭，爽口，略嫌味道偏淡。子薑皮蛋鴨玉卷，清新開胃。主菜有龍井黑糖茶燻雞，燻香味道，雞肉嫩滑。草本燒汁炆牛尾，牛尾吸收燒汁，炆得剛剛好，好滋味。米湯瑤柱浸菠菜苗，芡汁打得好，菠菜苗幼嫩，湯汁味濃。甜品芒果糯米糍及西米粟蓉焗布甸，食埋個甜品完美的句號。日間會見到無敵大海景，都係餐廳特色之一。

我好鐘意tea time, 自己一個係屋企都可以tea 幾個鐘。適逢中秋節，就可以有自己嘅mooncake time♥️ 大大話話食過平嘅貴嘅月餅，的確最貴嘅唔一定最好食。我個人偏好雙黃白連蓉，蓮蓉唔要太甜個黃要漏先perfect，終於俾我遇到！朋友DIY咗個謎你單黃月餅送我(見圖)，已經完勝市面好多月餅，蓮蓉唔再超甜但個黃雖然唔算乾身但都係唔識漏。然後cut 開Fullerton個月餅，個黃好似識發光咁🤩漏汁漏到決堤！擺落口蓮蓉甜度適中而且好滑口，加埋個半濕嘅黃😍Omg我都濕了...對眼！好很感動呀！一百蚊個就買到真愛(我呢個猛男送嘅），抵到爛🤤