珺

营业中

休息中

最近有同事💁🏻‍♀️話中環新開左間素食fusion菜覺得唔錯推薦比小妹, 於是今日就同朋友去試下😊! 餐廳環境幾大, 走大自然風格🌺🌱🌳, 同素食嘅主題幾match, 食物方面選擇十分多, 除左單點亦有一人或二人套餐可以選擇, 而且每個星期一都會轉一次餐單! 由於太多款唔知試邊樣好, 所以我地就點左個二人餐share食🤣!反沙腰果反沙腰果口感酥脆香甜, 味道唔錯!麻辣繡球菌蒿筍絲🌶️繡球菌味鮮, 質感爽滑, 非常脆口, 麻辣味幾重幾開胃!牛油果配青瓜蘋果啫喱🥑🥒🍏青蘋果啫喱微微冰涼, 帶酸酸甜甜嘅味道, 旁邊擺有青蘋果薄片口感爽脆 , 半生嘅牛油果食落無咁膩, 青瓜切到好薄身, 捲埋成一朵花嘅形狀, 入口爆汁而且極清爽, 整體感覺非常清新!特濃磨菇湯🍄🥘磨菇湯入口順滑, 味道濃郁!雞油菌竹笙素翅湯汁味道濃郁, 質地濃稠, 由於雞油菌本身係好吸油, 加埋佢本身嘅菇汁, 所以咬落去好juicy, 素翅口感好像真, 每條都好飽滿, 爽口滑溜, 竹笙吸左湯汁精華, 軟軟綿綿幾好味!玫瑰叉燒 叉燒其實係麵巾嚟的, 做到外脆內軟嘅口感, 叉燒味好香好惹味, 由於麵巾本身帶有油分所以咬落去嘅時候會有種真

呢間位於中環嘅fusion素食餐廳，叫珺一打開𨋢門感覺非常之高級，環境非常之清幽，裝修以大自然為主，亦都係一個打卡嘅好地方大部份嘅座位都係靠住玻璃窗嘅一邊，有天然光咁樣照射着入嚟，感覺好溫暖係下晝嘅時間就會有一個一人套餐或者係啲人午市套餐，又或者可以散叫。前者係定價$188後者定價$428當中都有前菜湯品同埋主菜店員話每個星期都會轉一次餐牌可以留意番官方嘅fb餐廳帶有少少西方嘅感覺，係食完一道菜之後先至會再上另一道有別於一般嘅中式素食餐廳前菜方面有自家製烤菇沙律同麻辣洪湖BB蓮藕擺碟非常之有心思而且大菇烤得好香配上黑醋沙律非常開胃麻辣蓮藕值得大贊！好香麻辣味道而且用想小見嘅BB蓮藕.辣得過癮湯品方面，一碗係冬陰功，一碗係羅宋湯賣相好吸引，都未唔算好辣，酸酸地又係好開胃羅宋湯媲美上其他西式餐廳呢一道菜叫做玫瑰叉燒個名非常之精美熟叉燒做得好有心思搞落去真係好似食緊真嘅叉燒一樣！充滿咗好多層次嘅香脆口感，配上旁邊嘅玫瑰汁非常香口主菜方面我哋叫咗素水餃🥟粒粒都有手掌咁大舊配上醋豉油，簡直係Perfect match另一款主菜我哋選擇左咖喱素羊肉螺絲粉咖喱味非常之香口，螺絲粉索晒咖喱嘅味道好正，

之前同朋友講開素食，佢介紹我去位於中環威靈頓廣場M88嘅珺。佢哋嘅素食打破傳統、考慮食材嘅特性同埋調味料嘅配搭，以中法混合嘅作式，將素菜以一個嶄新嘅面貌展現出來。咁胃食嘅我，就當然環去品嘗啦。珺嘅午市餐牌，會喺每個星期一更新，咁樣每次去到，都珺可以食到唔同嘅中法fusion素菜，真夠心思。我就約埋朋友，兩個人一齊去，叫咗二人套餐，$428就有頭盤、湯同三道主菜。牛油果配青瓜蘋果啫喱其中一款前菜，整個菜都係牛油果、青瓜同青蘋果組合而成，係法國菜風格嘅前菜。底下有青瓜蘋果打成嘅凍啫喱。青蘋果味嘅foam。整個菜都非常清新，一開場嘅前菜，我已經好喜歡。麻辣繡球菌萵筍絲今日另一款前菜，亦都係一度涼拌菜式。繡球菌係一款藥食兩用菌菇，餐廳以麻辣嚟處理，繡球菌清香之餘、帶微微嘅麻辣味，口感軟彈，再加上萵筍絲，整個菜清新開胃。特濃蘑菇湯蘑菇味好香濃，湯入而仲有蘑菇粒粒。味道同我以往飲嘅蘑菇湯都幾大分別，而依個味都我非常喜歡。雞油菌竹笙素翅湯羹非常鮮甜，雞油菌入口感覺都幾似肉絲。而且素翅亦非常環保，附合哂現今社會嘅潮流趨勢。至尊猴頭菇不論外表、味道、口感都同糖醋排骨非常之相似。原原全全忘記咗自己係食緊素

死做爛做似隻狗，比人罵仲要開口笑。唔通真係好似黎生咁，我既訴求就係返工咩？我要擺脫做一隻打工奴，人生既意義就係取決於如何平衡生活質素，首先要擺脫返工既節奏，我決定係中環「珺 · EMERALD」展開素食概念，唔需要再記住聽日份project幾時交，唔需要放工再聽老世電話，呢一刻我要感受最真實既我！👇📌Lunch · For · Two - $428♦️A p p e t i z e r -▪ Vegan Cheese & Tomato Balsamic Pearl -▫ 純素者必愛呢個「素芝士·蕃茄·黑醋珍珠」，佢地用既食材都係非常新鮮，素芝士完全唔膩，配搭黑醋醃製過既珍珠，食落特別甘香；而蕃茄額外增添一份清甜感，作為前菜認真唔錯。▪ Cauliflower Mushroom · Lettuce Shreds · Sichuan Spicy Sauce -▫ 當然要必試菇王之王之稱既「麻辣繡球菌·萵荀絲」啦，呢種菌本身味道唔算突出，所以配搭麻辣就最好不過；加埋口感爽脆既萵荀絲，兩者一拍即合，惹味得黎絕對令人一試難忘。♦️S o u p -▪ Wild · Mushrooms Soup -▫

約朋友食飯，試咗間新既素食餐廳，環境恬靜雅致，一列靠窗的座位可以邊食邊享受温暖陽光，而且窗外境色也不錯，整體感覺很舒服，也方便和朋友𣈱所欲言。午市有套餐和二人餐，想食好少少就要咗$428的二人餐，有前菜、湯和主菜。今日既前菜有「素芝士番茄黑醋珍珠」和「麻辣繡球菌萵荀絲」，我哋兩款各一開心些牙，我唔知素芝士同一般芝士有咩分別，但口感就基乎一樣，芝士味濃郁，而黑醋珍珠都好得意，細細粒一咬開就有黑醋走出來酸酸的，十分開胃。繡球菌我都未食過，爽爽的帶點麻辣味道，樣子像繡球花一樣，所以有此名稱，都幾好食。萵荀通常都好少切絲，呢個食法都好爽口唔錯。湯亦有兩款，「特濃蘑菇湯」和「雞油菌竹笙素翅」，喝了口朋友的蘑菇湯，果然幾濃味，亦有蘑菇碎。而素翅口感味道都唔錯。主菜方面可以6選3，點了「玫瑰叉燒」，當然不是真的叉燒，不過表面都烤得有點香口，色水像真度高，口感無真正肉質咁實淨。「至尊猴頭菇」外表吸引，炸得香口，有少少似食緊咕嚕肉嘅感覺，面頭嗰啲似花生粒，帶點點辣味，更加可口！呢個好味，值得推介。主菜嘅選擇裏面，都有四款屬於飯麵類，我哋揀咗「雲耳蓮藕BB撈擔擔麵」，份量都唔少，嗰個蓮藕BB好得意，同一般

早排清假，同契媽去了中環行下街，順便食個Lunch。今次了去好多餐廳的M88，入面有間新開的Fusion中菜館，見佢Lunch有做過Lunch Set，一次過可以試到唔同的菜式，啱曬眼闊肚窄的我。當日我倆12點半就已經去到，到了大約1點幾2點先多人，如果有興趣食，建議可以book定位。今日我叫了兩人份的Lunch set，係等食的途中，我試了呢個反沙腰果，用了糖粉同埋薑粉一齊炒，食落有薑味而不辣。前菜我就叫了昆布天使麵配欖油爆珠，雖然係前菜，但佢一點都唔細份。除了用了西式的凍天使面同埋「分子料理」般的欖油珠珠，食的時候爆下爆下，好得意。另外，天使麵仲加了我親愛的沙律醬 (其實我真係好鍾意食沙律醬撈麵)，一個字 好香！餐湯唔係一般的餐湯，佢有西班牙蕃茄波椒湯同埋秘制牛肝菌酸辣湯可以揀。秘制牛肝菌酸辣湯的味道好足，酸酸辣辣真係好醒胃。如果個芡汁可以薄少少會更好。西班牙蕃茄波椒湯雖然唔算特別，但除了茄湯濃郁，入面的紅椒保留了佢的爽脆，而且好味，加埋焗到脆卜卜的多士，真係不錯。素叉燒用了玫瑰茶開，惹味得嚟仲有玫瑰的香。個醬真係好好味，令我忍唔住將旁邊的汁點清光。玫瑰芥末鳳尾蝦係我同契媽的Bes

講咗想食素好耐啦，都一直未有機會試吓。今次有朋友介紹！所以今個禮拜日，我地嚟到喺中環蘭桂坊附近嘅一間新餐廳。位置方便，裝修又新又靚，枱面有玫瑰花做裝飾（相片中間），仲可以望到半山嘅景色。呢間係新餐廳，入到去得我地同另一枱客，所以坐落好舒服，唔會嘈。侍應同經理都好耐心，有禮貌，同好好服務。經理話：佢呢度嘅單人/二人餐單係每個禮拜一都會轉，亦都會有A la carte。我諗咁就可以比到顧客一啲新鮮感。咁食開素食嘅顧客就可以做回頭客，又唔會怕生厭，呢個主意幾好啊。我地就叫咗一個二人餐，每人都有２個前菜，揀１個湯，同埋可以揀３個主菜，仲可以加甜品添！介紹下野食先：😛✨田園沙律（左上）沙律新鮮，加上黑醋同西柚、橙、車厘茄子，令人開胃。😋✨羊肚耳秋葵（右上）羊肚耳新鮮爽脆，秋葵爽而嫩，唔會有啲老秋葵或者渣。😋✨南瓜湯（中上）我中意南瓜湯夠甜夠濃。麵包夠脆，增添多一層口感。😋✨百合竹笙羹（中下）呢個清火，潤肺，安神。入口溫和。✨玫瑰叉燒（中左）甜甜的，有咬口，有「肉質」的感覺。上碟吸晴，用咗玫瑰花瓣做裝飾，有玫瑰花香。😆 ✨咖哩茄子獅子球（右下）有濃郁既咖哩香， 好惹味！獅子球口感軟軟的，有薯仔、茄

睇見相熟食友嘅食評，大讚呢一家中西合璧嘅新派素食餐廳，故趁周六方便，同老婆過嚟試試，因為佢喺偏素愛好者，而是日天氣又好，暖暖哋加上陽光普照，更可以順道行一行港島區嘅行山徑。「珺」字，究竟讀「君」定「郡」？原來正音喺讀「菌」，查查字典解美玉，而店名英文用了「Emerald」，即綠寶石，未知喺咪配合店名，一排梳化椅都用上綠色；然而，從店名，約略感到其所想帶出的君子雅氣。大部份座位都設晌靠玻璃窗一邊，所以，當日陽光充沛，拉下半簾，既有天然光照入嚟，但又唔會太曬，予人感覺寧舍舒服。 而餐廳裝修簡約得嚟又幾雅緻，除了一些「草牆」，增加綠油油嘅感覺，每枱更放有鮮花作點綴，多添幾分自然氣息。 此外，枱上嘅擺設都頗有心思，中西合璧嘅裝飾碟，喺打卡焦點；而餐具方面，既有刀叉，亦有筷子，更特別把餐紙巾摺成一層層，套上所有餐具，單喺呢樣都睇到店家嘅誠意。 反沙腰果（免費）坐落無耐，仲未點菜，侍應先送上小食「反沙腰果」，喺以潮州菜反沙芋嚟處理啲腰果，除好脆口之外，有種粉粉甜甜嘅感覺，而且，個小盛器都份外別緻。 再介紹吓餐牌，我估可能仍處開業初期，所以，散點餐牌都只喺以一大版A3紙印出嚟，雖然簡單，但都清晰易睇

我一向都是無肉不歡，但偶爾也會吃一頓素，以前陪家母往拜佛，會在佛堂吃過午膳才回家，感覺是清淡而千篇一律，然而為修行的人和信眾而設，簡簡單單也無可厚非。時至當今年代，作為素食供應者，若是非商業的，保持傳統的素菜尚可，但若是營商的，要不斷創新菜式才可滿足食客的需求。聽過不少稱讚的話語，這天我依著友人的足跡，帶著我另一半來體驗這間位於中環別樹一幟的素食餐廳，地方簡潔清幽，還略帶一點高雅脫俗，尤其是從餐具擺設便可窺看一二。為了想多試幾款，來份二人套餐便是。餐前的小食有薑味腰果，香脆不油膩，誠是佳品。前菜有兩款，遂與太座各點一款。昆布天使麵配欖油爆珠，清涼的天使麵沾了昆布的味道，配合一粒粒的份子料理橄欖油珠，入口平和，讓口腔稍作活動，喚醒了進食的準備。水晶粉撈素翅配芝麻柚子醬，水晶粉如其名，晶瑩通透，中間夾雜了素翅，入口清爽怡人，芝麻柚子醬令味蕾雀躍，與水晶粉十分匹配。湯類選了兩款，西班牙蕃茄波椒湯，顏色鮮豔討人歡喜，感覺到蔬菜的新鮮，中間放了幾條黃椒綠椒，湯水稀中帶波椒蓉的質感，以脆麵包同吃，可作簡便的一餐。太座愛秘製牛肝菌酸辣湯，以幽香的牛肝菌煮酸辣湯，香氣比一般的做法多了層次，不尖銳的酸，

珺位於中環威靈頓廣場，每星期一都會更新菜單，可留意餐廳社交平台 貼文，多道色香味俱全既素食都係來自法國私房菜大廚、三星大廚去研究，素食都可以食得健康好味－－－－－－二人套餐 $428前菜昆布天使麵配橄欖爆珠 7.5/10天使麵麵加左黑松露醬汁配上日本昆布，幾新式配搭，仲有畫龍點睛既橄欖爆珠，令菜式更吸睛😍不過麵凍左好易黏埋，夾既時間有點不便水晶粉撈素翅配芝麻柚子醬 8.5/10水晶粉上加上花瓣去點綴，完全唔捨得去食🙈湯西班牙蕃茄波椒湯 7.5/10顏色相當吸引，蕃茄同蔬菜煮到好濃，冬天飲好暖胃☺️秘製牛肝菌酸辣湯 7/10味道比想像中辣，同碗仔翅有點相似，但湯非常足料，每啖都飲到牛肝菌同配料，但辣度太強😣有點蓋過原味道主菜玫瑰叉燒 9.5/10😍完全唔覺食緊素菜，素叉燒燒至外脆內軟，配搭玫瑰醬帶少少甜，口感豐富，想食完再食🤤金湯鮮竹竹笙浸時蔬 8.5/10竹笙非常入味，一咬金湯完全係口腔湧出，菇都整到好軟腍，而菠菜份量亦相當多羊肚耳伴三色麵 8/10餐廳好著重美感，每一隻碟同擺盤都好靚🥰平時好少食羊肚耳，但營養價值好高，重點係低熱量同低脂，味道好清，所以會跟配蠔油去調味，鮮味得黎幾清新甜

難得得閒同長輩食餐飯，但又唔知食乜好朋友介紹左呢間中法fushion 素菜，見到好似唔錯就去左～一坐低左之後，店員介紹左餐牌～見到今個星期嘅二人套餐都幾啱食就叫左昆布天使麵配欖油爆珠呢個係冷盤黎～一上菜已經聞到好香，食落味道好清，成浸昆布味不斷喺個口徘徊最得意係d用欖油做嘅爆珠，不過食落味道就唔太覺，但都感受到廚師嘅用心水晶粉撈素翅配麻辣醬個水晶粉口感都真係幾似魚翅，比較爽口～佢個麻辣味道調得好出色，唔係死辣，而係有淡淡花椒味不過都唔惹小，食完成個嘴都會麻晒作為前菜係幾開胃嘅西班牙蕃茄波椒湯呢個湯好杰，食到係好多波椒同蕃茄打出黎配埋烘過嘅西班牙麵包食會吸晒d湯得黎，仲脆卜卜，口感幾好～但椒味比較濃，感覺蓋過左蕃茄味秘制牛肝菌酸辣湯飲呢個湯時要小心啲，因為好易濁親除左比較辣之外，其實調味都做得幾好，咸同酸味都啱啱好～而且都幾足料，特別d豆腐好滑玫瑰叉燒店員介紹呢個為餐廳皇牌，食完就明白晒仲好食過由豬肉整嘅真叉燒外層嘅叉燒醬好香，而且燒到有d炭焦同微脆入面就係唔太淋又唔太實，口感啱啱好嘅豆筋，食落好似食緊半肥瘦咁點埋個自家制玫瑰醬又係另一個層次，淡淡嘅玫瑰味令到舊叉燒個焦香味更出大烤菇意大

🇭🇰珺·M88近排開咗呢一間新嘅素菜fusion餐廳 我覺得啲嘢食真係好精緻 擺盤又靚 而且佢好多特別既配搭 好有心思😌尤其適合同長輩去食 因為佢環境坐得好舒服 而且佢係勁貼心會將所有嘢都同你分晒兩份😍😍·二人套餐$428呢一個套餐係包2個頭盤 2個湯 再可以揀3個主菜 所以食落真係好豐富 而且佢係你每食完一樣 佢先會上下一碟比你 超級好服務☺️☺️而且佢哋個Menu係每個禮拜都會轉嘅 超有心😎·麻辣繡球菌萵筍絲素芝士蕃茄配黑醋珍珠佢個麻辣萵筍絲超級惹味 不過佢都幾多辣椒籽 所以真係有少少辣 佢嗰繡球菌就有啲似煙韌版既豆乾 兩樣嘢都幾夾😎佢嗰素芝士芝士味都好濃 不過我本人麻麻哋呢芝士 我鍾意伴碟啲蕃茄仔多啲🤣🤣·雞油菌竹笙素翅特濃蘑菇湯佢呢兩個湯我哋都勁鍾意 佢個竹笙素翅係真係好似平時酒樓嗰啲質感 而且佢入面都好多素翅 如果入面再多啲菇片一定仲正🤤之後佢個蘑菇湯又係超濃 而且係真係食得出有好幾種蘑菇嘅味 配埋佢面頭啲炸蘑菇 超好飲😋😋·千絲虎蝦配日式芥末泡末玫瑰叉燒黑松露新豬肉炒雙色飯·主菜方面我自己最鍾意佢嗰千絲虎蝦 真係好有驚喜🦐佢隻蝦就算包左黎炸啲detail位都做得好好 而且口感好