瑞士餐廳 (已結業)

24號平安夜，想同朋友食返個聖誕大餐慰勞吓2023年嘅辛苦，喺openrice見到依間芝士火鍋價錢ok，評價都唔錯，天氣又凍凍地，就決定一於試試佢，點知極失望，食得極唔開心。 1） 服務- 只提供聖誕menu 但唔同客人講從來無人會話你聽，佢地果日得聖誕特別menu 食，由book枱、入門口、坐底都唔講，無人會介紹個menu，一坐底就咁放低張聖誕menu，乜介紹都無，最正係門口係放聖誕menu + 平時menu，無寫話淨係可以叫聖誕menu。- 聖誕menu $638 + 10% service charge 但無服務可言落單叔叔好似唔係好明，我地話要一個牛一個豬，佢係咁話我地要兩個豬🤨然後好多妹妹炒散幫手但佢地完全夢遊狀態。上錯野，問佢哋咩黎無人答到，話要搵老闆黎解釋，（大佬你地已經淨做聖誕menu都唔知？？？）漏單，野飲一早落單就叫左，食主菜都未黎。芝士火鍋有肉有菜，淨係上肉唔上菜。甜品都係一早落單叫左，叫佢地上甜品，又問返我地落左咩。（都係果句，大佬你地已經淨做聖誕menu。）最後埋單，好似唔知咩叫埋單，等左10分鐘都無單。2）食物- 芝士火鍋無芝士味，份量唔夠叫左兩set芝士火

當日中午餐廳唔多人，迅速入座似係家庭式經營，本身件事冇咩問題。衛生情況可，裝修同門口擺設算係好一環，但餐廳又會用茶記酒樓先用嘅大膠水壺斟水俾客，感覺有啲違和，不過都唔緊要。食物本物就…$288芝士火鍋跟法包，新薯另加錢法包硬身，火鍋酒味極濃，食嘅時候火鍋都開始滾，酒味就全消，但苦澀味揮之不去。如果待應可以pro啲及早提醒有酒或者苦澀味，可能件事會唔同哂而家嘅體驗係味道同性價比都差$88瑞士芝士腸仔沙律本人太天真太傻，冇諗過瑞士西餐廳都用廚師腸。芝士及少律菜，醬汁用料一般總結：可能其他野食好好食先會有70幾人俾左like喇，我地食嘅兩樣都唔好食，不建議黎試

真係第一次食嘢會嬲到想上嚟負評平安夜諗住食餐好嘅，感受下聖誕氣氛，就打算食西餐。上OpenRice 見到評價唔錯、性價比高、環境都舒服，就打算一試，結果一試難忘！入座：一入到去，個坐位有啲窄，唔算好舒服。佢啲枱係3排直行，2人對望咁坐，同隔離枱只係隔咗1個身位左右，而本身張枱都好細，大概2個人，1人1隻碟已經好full。點餐：一嚟到見到份menu，價錢係每位638加一，已經嚇親，因為係比平時貴2,3倍。咁因為係聖誕節，就由佢，希望佢食物同服務質素可以搭救。食物：Seafood platter（冷盤：蝦 青口 帶子 魷魚 各一，好似去食自助餐每樣夾一舊咁，配生蠔醬同檸檬）豆湯（後面睇review發現原來有餐包，但佢無比我哋）威靈頓牛（中間塊牛同個酥皮分開上，個酥皮係毛巾質地，中間夾住啲火腿，塊牛都係welldone的。佢應該有得簡意粉或薯菜，因為我見隔離枱都係威靈頓牛係配意粉，但落單嗰陣無人問過我哋想要配咩，就自動上咗薯菜😹）芝士火鍋（無乜特別，啲配菜簡咗蝦、西蘭花同豬肉，都係就咁烚熟上，份西蘭花淋到一拮就散😹）甜品（已經係0期待佢嘅甜品，佢都可以比到驚喜我。menu有3款甜品，appl

我哋叫咗黑松露芝士火鍋鹹到食唔到 每食一舊都要飲一啖水配料同埋 lasagna 價錢貴份量少 芝士火鍋配料牛肉得五嚿仔要$88兩個人夾埋食咗約$800 但係完全唔飽係我哋喺香港食過嘅芝士火鍋餐廳入邊最唔值得食嘅一間絕對唔推介大家嚟食

早前睇到天后有瑞士餐廳，評價又見價錢唔太貴，食過尖沙嘴某瑞士餐廳對瑞士芝士火鍋念念不忘既我於是想同老婆食返餐瑞士聖誕餐過節。去到坐低先發覺原來平安夜同聖誕只可以點都幾貴既聖誕餐，比預算多左一倍，但坐低坐，又見佢有威寧頓牛，於是諗住貴啲都算啦，點知就出事。我地都未點餐，一個目無表情既後生女侍應就粒聲唔出咁放低兩個餐包同牛油，（正常點完餐先上包吧？）可能聖誕節，人手不足吧，揮左十分鐘手先有侍應埋黎寫餐，侍應係食住香口膠幫我地點餐，作為西餐廳，侍應食住香口膠同我寫菜，心𥚃面有啲：吓？既感覺，anyway, 叫左份芝士火鍋套餐，同威寧頓牛套餐，套餐跟餐酒，頭盤，湯，主菜，同甜品。湯好快就上左，當我地開始搣麵包點湯時，頭盤已到，心諗，又幾快喎，但當我地枱面已經有湯，餐包，同頭盤，枱已經八成滿，我地啱啱開始食左兩啖包時，個目無表情既女侍應已經搬左個芝士火鍋出黎，仲幫我地點左火，枱已經九成滿，然後我地都仲未食完個包，佢已經捧埋芝士火鍋既包粒同一碟點芝士既菜，肉，海鮮拼盤出黎，將我地既枱塞到滿晒，我地唯有加速食，而正當我地啱啱食完餐包時，佢又已經捧埋我個威寧頓牛出黎！佢望一望我張枱，已經連一杯水都塞唔

比起其他店食嘅西餐，性價比高，豬扒好入味，少有在其他店食到這高水準豬扒，還有一大片菠蘿及蕃薯蓉，我全部食晒😍。沙律非常新鮮，甜品也好味食物賣相擺盆也好吸引🤩

整體好好食又未至於，但可能期望偏高就有點失望，焗芝士薯仔，芝士的確唔錯但整體味道偏淡，麵包有2款都好食夠香而且好新鮮，湯蘑菇味濃幾香有少少蘑菇碎唔錯。腸仔好難唔好食，配菜幾入味，意粉口感吾錯，三文魚就偏少咗啲，味道不錯。羊架成餐飯最好食，羊味夠又香份量又大。甜品真心難食，食咗2口放棄。飲品叫完勁耐都冇黎到，來到冰已全沒有，仲要咖啡味道似奶水，檸檬茶味怪怪，整體$618/3人，價錢有點貴，而且這價錢可以在其他選擇。

想食瑞士野香港地選擇唔多🫠 喺openrice 搵瑞士菜真係10間餐廳都冇😨 今次嚟到天后嘅瑞士餐廳，入座時店員同我地講用現金付款會有9折😸 嗰日平日夜晚去食，睇得出餐廳都唔夠人手同埋都攰啦，落錯單2次🙀 但同佢哋講返都即時話整返份比我哋，雖然最尾等陣半個鐘左右先出到份新嘅比我哋同埋都錯嘅😂 不過味道唔差嘅熱烘瑞士芝士 一開頭食暖立立口感較軟糯，但涷左之後食開始有啲脆脆地更有嚼口✨瑞士芝士火鍋 + 薯條芝士火鍋🫕原本嘅配料只有切粒法包，所以我地加配左薯條🍟 芝士火鍋芝味濃之餘，酒香十足，中和左食得太多芝士嘅膩😽 薯條炸得啱啱好，配芝士冇得輸維也納炸牛仔 由於上錯菜，我哋食咗個有芝士嘅版本，食嗰陣仲心諗好彩冇嗌有芝士嗰款，原來普通版都有🤡 點知埋單見到張單先知計咗我哋芝士版嘅價錢💀 好彩最尾發現到牛仔肉炸得香脆，配他他醬味道更邪惡😈

估唔到香港都會有正宗嘅瑞士芝士火鍋食，朋友介紹天后呢間樓上餐廳。從裝修佈置到菜式，均洋溢瑞士風情，以木製設計，一入門口就有隻大乳牛歡迎你。其中最地道小菜，非芝士火鍋莫屬，喺香港真係好少，有機會可以食到。瑞士芝士火鍋通常會在桌上使用專用的芝士爐，將芝士放在爐上加熱融化。餐廳特別用上瑞士格律耶爾（Gruyères）和愛蒙塔爾（Emmental）軟質經熟成芝士混成，加入來自馬特洪峰地區釀造的霞多麗品種之白酒、大蒜及檸檬汁，用弱火調製，所以奶香味會比較濃郁，質地較濃稠。另外，瑞士人一般會用麵包蘸上芝士汁食，融化的芝士會包酥脆的法包，給人一種濃郁濕潤的口感，食時建議配搭爽口的紅酒，更能令人胃口大開。除咗正宗嘅瑞士菜式之外，餐廳另一款拿手菜式BBQ 豬仔骨 🐷，份量大到足夠兩個人share。烤制過程中，豬仔骨吸收左燒烤醬料的味道，使得肉質更加美味多汁，帶有烤焦的外皮和香氣。值得一讚係火候恰到好處，肉質嫩滑，一切落去容易骨肉分離。食落去豬仔骨的肉質仍然柔軟多汁，不會太過乾燥，令人滿足

香港少有既瑞士餐廳😍一出𨋢就即刻感受到瑞士🇨🇭既氣息🤭好似去左瑞士食晚餐咁😆首先黎個芝士火鍋🧀🫕上枱已經香氣四溢，口感濃郁、滑嫩，而且火鍋加咗少少酒，減低咗油膩感，同時味道亦更加豐富。自家制三文魚餅配香辣蕃茄醬🤤有啲驚喜💛魚味濃郁，外表金黄酥脆，內部鬆軟滑嫩，口感好好。除此之外，蘸醬都非常出色，微辣嘅新鮮番茄粒再上濃郁嘅香草味，啱啱好可以中和番魚餅嘅咸味。伊比利豬扒配焦糖蘋果及蘋果醬.薯菜🐖豬扒好juicy，如果平時煮開野食都知豬扒其實好難整得好食，所以多數去餐廳都係嗌豬扒😚佢配蘋果醬令豬扒無咁膩，食多少少都無罪惡感🤭最後點少得甜品，有檸檬芝士餅🥰建議2個人以上食最好，唔好睇佢細細件，食頭幾啖都還好，食多少少就頂住個肚，但個甜品比想像中好食，唔係淨cheese cake咁漏

我地陪完女女返學之後又週圍捐窿捐罅搵嘢食今次就搵到呢間le fairnet 瑞士餐廳🇨🇭餐廳整體氛圍非常有歐陸風，一入到門口仲有隻牛牛喺度，啊女見到非常之興奮🥰指住隻牛牛扮牛牛叫🙊其實我地真係好少食芝士火鍋今次就諗住試下最出名既芝士火鍋🫕第一次食真係感覺好特別芝士入邊有浸白酒香味點麵包同西蘭花仲有薯仔，出嚟㗎效果非常之夾，完全突顯出濃郁嘅芝士味。另外我地仲叫左一個熱烘瑞士芝士，啲芝士依附晒喺啲薯仔，每一啖都充滿邪惡既芝士香味🤤另外淨係食芝士，當然就唔夠啦我女仲細冇得食，所以我地仲叫咗個忌廉蟹肉意粉，用咗洋蔥加燈籠椒，成個意粉除咗有忌廉味外，仲有陣陣洋蔥香味，女女食過都話鍾意，大大啖食曬

天后呢區隱藏咗好多美食今次揀選金輪天地呢間瑞士餐廳皆因 我同朋友都係芝士控重拾久遺嘅芝士火鍋歐陸氣氛嘅餐廳．環境舒適✨瑞士芝士火鍋呢度嘅芝士火鍋好正宗將法式麵包加入明火溫熱嘅芝士帶出鹹香嘅味道真材實料．而且口感唔會太浠仲可以加配薯仔．雞胸肉．雞肉腸等不同配料✨手切芝士花選用TETE DE MOINE嘅芝士係用生牛奶制成的半硬度芝士配上割刀．切成花朵形狀入口即溶．賣相同味道都好有水準✨熱烘瑞士芝士唔係咁多地方食得到熱烘芝士店員將加熱後嘅芝士面層溶入新薯之中配上新鮮沙律．係完美嘅配搭最後同朋友加杯酒精飲品既可怡情．又可以中和一下滿足我地對芝士嘅慾求今餐滿足又滿意．下次可以再試其他菜式

𝑭𝒐𝒏𝒅𝒖𝒆/𝑾𝒂𝒚 𝒕𝒐 𝒓𝒆𝒐𝒓𝒈𝒂𝒏𝒊𝒛𝒆 𝒕𝒉𝒆 𝒄𝒉𝒆𝒆𝒔𝒆 𝒔𝒕𝒓𝒖𝒄𝒕𝒖𝒓𝒆/🎈瑞士餐廳源自未曾接觸嘅國度 芝士漩渦🧀原來芝士火鍋係以前農村人用嚟解決陳年芝士同冇咁新鮮麵包嘅由來 又識多咗樣嘢啦😌🫕瑞士芝士火鍋($288)芝士配上葡萄酒雙重發酵嘅口味 芝士嘅酸味喺口腔內醞釀再配合酒嘅香氣同酸度味道比想像中冇咁膩🍞麵包配料乾脆有韌度可以一細啖一細啖咁放入口增加品嘗芝士火鍋時候嘅口感🥩美國頂級肉眼扒 ($320)五成熟度啱啱好 中間帶少許粉紅 保留牛肉柔軟質感 同時唔會太韌 微微帶肉汁豐富嘅香料令味道好惹味不過感覺香料少啲 都可以食到牛原來嘅肉味沙律伴碟新鮮 以簡單黑醋汁調味已經啱啱好 感覺好清新🥗

📍Le Farinet Swiss Restaurant 天后瑞士一直都喺我嘅旅行to-go list 入面✈️不過...... Je n'ai pas d’argent (暫時)💸所以決定喺香港搵住個山區肺先🫁都幾鍾意佢嘅樓上舖位置，可以有一種遠離煩囂同抽離嘅感覺🤭(我知咁講有啲誇張，但其實我去嗰日本身放工少少stress㗎，真係喺去餐廳上樓嘅途中先好似心理暗示咁，慢慢切割返放工時段出嚟) 咁瑞士，有咩好食呢？😋1⃣️ 熱烘瑞士芝士(Raclette) 🧀️都見到人哋門口大大隻牛，唔理由唔食奶製品啦🐮相信人哋啲牛喺咁優美嘅環境之下成長，啲芝士會好食啲(好似係)呢道菜幾有趣，係將融咗嘅芝士淋上一塊塊小薯仔度 - 唔花巧但幾令人滿意😄唔係平時食嘅嗰啲mozarrella 同 cheddar，而係特別為呢道菜而設嘅cheese wheel🛞上網再research完先發現呢道菜係瑞士嘅國宴之一，仲已經有四百幾年嘅歷史🙌🏻Raclette嘅意思就係刮嘅動作 - 食用前會將芝士切成半圓，加熱烘烤芝士，等佢烤融後，用刀刮落嚟🔪再熱辣辣咁淋落餐盤度🍴Research完見到咁矜貴，即刻覺得又再好食咗😆2⃣️ BB

之前去過金輪天地食日本菜，見到有呢間瑞士餐廳都幾有興趣所以就等有機會同朋友去試。餐廳位於二樓全層，都係落地玻璃，座位闊落！最讚係侍應姐姐好有禮貌，Nice 🫶🏼.芝士火鍋 HKD288先來一個芝士火鍋配法包粒😍一陣陣酒香同芝士既鹹香，混和後就煮出個正宗味道，質感濃稠，雖然起初會覺得微苦，未必係平時甜甜既芝士味道，但之後會忍唔住一粒又一粒食落去，因為呢種獨一無二既味道會上癮，好想冬天再食一次呀♥️ 一定會有幸福感呢～.忌廉蕃茄湯 HKD48鐘意呢個湯酸酸甜甜，幾開胃，仲有粒粒蕃茄晌度，好fresh 👍🏻 .炸忌廉芝士 HKD68芝士火鍋都未夠邪惡😂仲要加個炸忌廉芝士就真係極邪惡，外脆內軟又係食唔停。.美國頂級肉眼扒 HKD320肉眼肉質幾嫩夠juicy，油花分佈比較平均，肉味濃又唔會食到一口油，仲有好多薯角同椰菜仔做配菜，份量算好多呀！.龍蝦尾意大利飯 HKD280成條龍蝦尾啖啖肉，又好睇又好食😋意大利飯煮得剛好，加左洋蔥同菇，香味提升而飯粒又唔會過份濕得黎又幾好咬口。.食埋甜品就圓滿🥂