發哥粥底海鮮火鍋 (已結業)

粥底火鍋聽咗好耐一直都未有機會試下，今次友人帶路嚟觀塘呢間新舖試一試。友人喺附近返工，佢話呢間餐廳日間係360冰室，晚上會轉為海鮮粥底火鍋店。一場嚟到當然要試下招牌海鮮套餐，我哋揀咗龍蝦版套餐。先嚟有兩款涼菜食住先，南乳花生香口味道少少鹹，涼拌青瓜有淡淡嘅辣味。竹蔗水同汽水可以去雪櫃無限自取。蒜蓉泰醬焗青口每位有兩隻，咬落有少少韌，幾有口感。燉湯味道鮮甜，入面仲有好多湯渣好足料。冰填鮑魚可以即食，入口清涼，肉質彈牙有嚼勁。海鮮拼盤好大份，主要有7款。龍蝦每人有半隻，味道鮮甜又彈牙夠新鮮。海蝦肉質爽口彈牙。貴妃蚌啖啖肉好肥美。聖子皇口感爽脆好鮮嫩。多寶魚肉嫩滑。貝類有幾款提供，無腥味好鮮甜。跟餐有一份安格斯牛肩肉，牛味好濃郁。另外每枱可以選八款火鍋配料，選擇都幾多。食到最後飲埋個靚粥，好滿足嘅一餐！

比我發現公司附近開了一間火鍋店，拉了個同事一齊食。這間餐廰早上是茶餐廰，晚上變了火鍋店。火鍋套餐大致250到300。先來一個姬松茸燉湯，好足料，而且好好飲，感覺唔到有味精。每一個餐預定一份海鮮盤，有龍蝦，海蟹，鮑魚，聖子皇，貴妃蚌，多寶魚，蜆，聽聞係老闆親自到街市選擇的，每樣都好新鮮，特別係聖子皇同貴妃蚌，大大條大大粒，海鮮的精髓隨著火鍋越滾越起勁，之後的粥底會更正。火鍋點少得安格斯牛肩肉，牛肉味濃濃，仲有西班牙豬腩片，薄薄的。還要介紹炸魚皮，又係老闆自己親身到店鋪買的，連骨炸，特別香脆，口感厚實。最後，落南瓜粟米，再滾一滾，熬出鮮味軟綿綿的粥。

平時食蒸氣火鍋多，今次見觀塘新開粥底火鍋決定試下，店舖距離地鐵站一d都唔遠~店舖新淨，位置闊落，4個人坐一張圓台，可以放好多野食，職員仲會再放一架車仔隔離放野，非常好!一開始職員會送上燉湯，加2款小食~花生加青瓜~我地叫左2set 龍蝦加2set 蟹套餐~加固定6款海鮮，8款火鍋配料~仲有一份青口~份量完全足夠，飽到食唔晒~質素方面新鮮，值得去試~最後，呢個粥真係全晚精華，吸晒海鮮鮮味超飽情況下都食左2碗最後，想要讚下呢間店職員，始終食海鮮比較多壳，佢地會留意客人台面碟滿左就主動行埋黎更換，今時今日服務態度已經值得再幫襯!

餐廳門口唔算好大，估唔到入面非常寬敞，裝修有著香港本土風格。..店員教路如果只有兩位一齊食，建議海鮮拼盤點一份龍蝦及海蟹各半隻，龍蝦雖然啖啖肉，但鮮味始終不及海蟹，粥底加左海蟹會惹味好多，所以我地跟左店員的建議去點。龍蝦$278，海蟹$238。..套餐打頭陣的兩碟前菜有話梅花生同埋手拍青瓜，酸酸甜甜，十分開胃。如果會飲酒的話，啤酒🍻配花生🥜就一流。店員推薦自家製竹蔗茅根糖水，好足料，又唔會好甜，不錯！👍🏻..重本燉雞湯，材料豐富，湯底清甜。😋..蒜蓉泰式辣醬焗青口，每位兩隻，焗青口非常多的醬料，非常惹味。...甘多款海鮮材料都好新鮮，龍蝦🦞肉質爽口彈牙，而且帶蝦膏！新鮮鮑魚新鮮清甜，黃金蜆好鮮甜軟滑、蟶子同貴妃蚌份量都幾大。多寶魚雖然比較多骨，但肉質嫩滑，所以我都好有耐性慢慢食。😂...火鍋配料一圍可以揀8款。.食左甘多前菜、海鮮同火鍋配料已經好包，但重頭戲在後頭-集所有海鮮汁精華的海鮮粥！！之前試過蒸氣海鮮粥底邊爐，但係今次試完粥膽火鍋，先發現粥膽火鍋更為鮮甜，因為所有海鮮放入粥水一直煮，比起蒸氣水倒流落粥底更濃味。每人大約會有兩碗分量，最後打包左兩碗第2朝早餐翻熱黎食，好豐富的早餐

難得中秋節有得早收工，約咗屋企人一齊出街食做節。呢間餐廳日頭係360冰室，夜晚就轉做主打海鮮粥底火鍋。今次我哋就揀咗龍蝦豪華海鮮套餐。涼菜分別係南乳花生同涼拌青瓜，花生煮得好入味，青瓜酸中帶辣幾開胃。跟餐每位有2隻蒜蓉泰醬焗青口，焗得唔會太乾身香口好味。燉湯一飲就知係自家製好足料，味道清甜無味精超好飲。冰填鮑魚口感清爽鮮甜。主角海鮮拼盤按人頭份量計，每一款都好新鮮。龍蝦每位半隻，有成隻手掌咁大，蝦肉好爽口彈牙。聖子皇肥美入口唔韌有嚼勁。貴妃蚌肉厚好鮮美。海蝦鮮甜無腥味。多寶魚口感軟滑。蜆有幾款，味道鮮甜口感嫩滑，但有一兩粒入面有少少沙。火鍋配料跟餐除咗有一碟安格斯牛肩肉外，仲可以每檯自選8款火鍋配料，常見嘅種類都有揀。除咗汽水外仲有竹蔗水無限任拎。最後試埋個粥底，吸收曬海鮮嘅精華，味道好鮮甜。

有朋友推介，即管上黎一試，估唔到有驚喜！一入到去，成間鋪令我覺得入咗TXB個廠，復古味濃，最重要枱同枱之間都隔得幾遠，坐得頗舒服！日頭係冰室，夜晚就變身粥底火鍋！呢度唔係任食，但絕對會飽，成個餐有海鮮，有丸，有肉，自選餸菜！店員推介一定要有蟹，最尾個粥先會鮮甜，所以嗌咗兩個蟹餐，一個龍蝦餐！食正餐之前，飲碗湯先，都幾足料，仲要唔係味精湯！個煲一黎到，店員就黎到認真講解點食，仲suggest 我地食曬d蜆先，如果有沙就換湯底，防止污染埋d粥，就哂咗！食曬d蜆，得一兩隻有小小沙！海鮮好新鮮，貝殼類清得好乾淨，完全冇沙，蟹都好好肉！滑牛好濃牛味，肥牛就正正常常！其他自選材料都正正常常，推介蜂巢豆腐！最尾食埋個粥，超滿足！三個人都捧住個肚走，食剩d粥要take away! 係店員suggest 我地拎走，唔好哂，因爲唔係任食，最尾個粥又係精華黎！總括黎講，超滿足一餐！嘢食新鮮，服務超好，環境又舒服，值得幫襯！Tips:見隔離枱自己拎咗支紅酒，8掛走咗去問，因爲發哥冇酒牌，想飲番杯就記得自備酒水啦！如果唔需要發哥提供冰同酒杯，就唔需要另外畀錢！如果需要，則按人頭，每人8蚊雞！

又有抵食海鮮粥底火鍋。邊爐控除咗鍾意打邊爐，亦都鍾意食海鮮，所以發哥就可以滿足晒我兩樣嘅食慾。今次揀咗龍蝦海鮮餐，然後火鍋配料可任選八款。先會來個前菜，然後就有個燉湯，燉湯足料，味道夠火喉。然後就有蒜蓉青口，味道都唔錯，但如果熱啲就更加好。青口都幾新鮮，之後就到海鮮，海鮮非常豐富，叫咗龍蝦，另外仲有鮑魚、蟶子、海蜆、海蝦等，海鮮夠新鮮。火鍋配料都唔少，最後仲食埋個粥，店員會教你點整，粥幾香，食完好飽了。

今日去咗發哥嗰度食海鮮餐，基本上有A 、B餐；A係吃龍蝦；B係蟹，仲有雞煲，三揀一。我哋就揀咗龍蝦餐。跟餐首先會有前菜同埋燉湯，燉湯味都幾濃，飲得出真材實料。每人仲有兩隻青口，係蒜蓉味。之後就到主菜海鮮，龍蝦每人有半隻，肉質都非常新鮮；蜆都非常之香甜，份量都唔少，雖然細細隻。鮑魚揀咗新鮮活鮑魚，黎到仲識郁，肉質好新鮮，咬落彈牙，幾好。食貝類有大蜆都係鮮甜新鮮，仲有蝦同蟶子。蝦肉爽甜蟶子係我其中最喜愛食嘅一款海鮮，蟶子都幾大隻。火鍋配料仲可以揀八款，本身已有肥牛，叫了魚皮餃、韭菜餃、黑豚肉、魚片頭、墨魚滑、菜等等。呢度海鮮新鮮，邊爐價錢亦唔貴，打邊爐又一好選擇。

于其食200零蚊嘅放題，不如試下食200零蚊嘅粥底火鍋。其實食物份量都係差唔多可以食到好飽。是次同朋友嚟到位於觀塘嘅發哥粥底火鍋，呢間粥底火鍋午市會做冰室晚市則會做火鍋。呢度唔算多人七點鬆啲入嚟都會搵到位。而且座位寬敞舒服，絕對係放工入嚟傾下偈食下火鍋嘅首選。食物方便， 主要以套餐為主，個個入咗呢都係會食粥底火鍋。同兩個朋友揀咗一隻蟹同埋半隻龍蝦做粥底火鍋配料。建議大家揀蟹因為個粥底 真係會鮮味好多。所有食材都非常之新鮮，清洗得有乾淨。特別提一提如果你拎豉油的話，記住加埋佢哋嘅爆蒜油。佢哋個燉湯超好飲不過可惜一人一碗。其他飲品都可以任飲，仲有竹蔗茅根。所選菜式份量十足，真係高質。當你食完所有嘢之後可以侍應加濕飯，順利成章會變成一個非常鮮味嘅粥。

住觀塘的朋友話觀塘工廠大廈有間粥底火鍋超抵食又新鮮，我們點左龍蝦🦞套餐和蝦蟹套餐，再可選8樣配料。首先上是燉湯，很香又清甜，真不錯，冰鎮鮑魚和泰式辣醬青口。用粥水煮海鮮因溫度高能銷住肉汁，海鮮的鮮味能保存，龍蝦肉爽鮮甜，蝦🦐和蟹十分鮮味超正。這店汽水🥤竹庶水自助任取

最近都有點壓力，星期日開開心心出去食下飯先。嚟到食粥底火鍋，依間店嘅材料好新鮮，有驚喜！入坐後店員會比餐前小食，我哋今次係青瓜同花生，整得唔錯。而最令我哋覺得驚訝嘅係佢俾我哋一人一個花膠湯，好濃好香好好味！飲完湯之後就上粥底。我初頭以為粥底裏有少少飯粒，但原來係冇嘅，全部係粥水。而店員話食到最後先幫我地加飯，啲飯就會到其時吸收晒湯嘅精華上菜速度都好快，終於有海鮮出場！其他材料仲有：有海鮮出場！其實有好多配料，但未放到全部相。 海鮮，牛及配料好新鮮，尤其是係脆肉鯇質素唔錯，味道濃郁，而花膠我哋刻意波來啲，帶少少爽口，好味😊到最後我哋食得飽飽，店員見到之後問整唔整粥底。雖然好飽，但係呢個精華粥底都係呢間店嘅特色，所以試一試啦！店員會幫手加米飯，仲有加埋芋頭、粟米、蔥，溝埋呢個粥底一齊食，鍵黃色，感覺係唔錯嘅！放入口係一個好複雜好特別嘅味道，可能係因為好多海鮮、肉類、蔬菜等等混合埋嘅味道。總括來講感覺係鹹鹹地但帶一啲鮮甜，就算好飽我哋都青晒成煲粥先走。好滿足嘅一餐！🥢

平時返工食過360 茶餐廳，但今晚經過入面就係變左發哥粥底火窩，就即刻入去試試。有好多唔同種類的海鮮餐簡。我地就簡左龍蝦餐，試下龍蝦粥好唔好味D野食未上來之前，就先有開胃小食比我地食住等。首先係梅子花生，好香梅味，酸酸甜甜，好開胃。之前就係青瓜同樣好入味。兩樣都好開胃，岩哂而家夏天咁熱的天氣。再來就係燉湯。今日係松茸燉花膠雞，好足料，味道清甜。之後海鮮同埋各種火窩配料都上齊。我地叫左個龍蝦餐，餐係連埋蒜容焗青囗。焗得岩岩，辣辣地幾過癮。龍蝦好新鮮，仲有好多膏。食落去担担肉，鮮甜好味，又唔洗mok殼。夠哂方便。鮑魚我地簡左鮮鮑，等個粥底再鮮甜D 鮑魚勁新鮮,上台掂佢仲識郁，好新鮮配料的脆肉鯇，食落爽口有魚味，D海鮮配料全部都好新鮮最後就係重點 精華所左打完邊爐的米水叫職員幫手煲成粥，仲可以自己簡稀D定杰D 吸收唒所有海鮮的精華，個粥十分鮮甜勁好味，就算好飽都食左幾碗。正

聽講依間粥底火鍋店唔錯，我哋好少食粥底，呢一次就去試吓啦！去到嘅時候入邊個招牌好特別，原來日間係間茶餐廳，夜晚係打邊爐。雖然我哋兩個人，但係店員都俾咗張幾大嘅卡位枱我哋坐，坐得好舒服。點完菜之後，等餐嘅期間先來兩個餐前小食。估唔到係嘅餐前小食都好有誠意！梅子花生嘅花生好入味好林，我好鍾意食呢一種林花生。青瓜有啲辣味, 鹹鹹酸酸好開胃。依個燉湯都非常好飲！好濃郁之後上最主要嘅海鮮😊😊😊 都好大份，新鮮。鮮蝦爽口，多寶魚幾滑， 勝子好鮮，蟹同埋龍蝦都非常之好味，也令到個粥底更加鮮甜。青口都好大隻多肉。再擺埋雞，令粥底有雞嘅鮮味。仲有好多其他配料，未post得到咁多相。呢度嘅飲品選擇好多，我哋今次飲得佢哋自己煲嘅庶汁同埋可樂食完好多邊爐材料之後，嚟到我好期待嘅粥底淨係見喺美味嘅橙色，已經感覺到之前落嘅蟹肉蟹膏溶化在當中，好吸引。食落去感覺鮮甜濃郁，我未食過依種味道，可能就係好多唔同嘅材料混合埋嘅精華。依間店都幾值得同家人及朋友聚會嘅選擇，唔錯唔錯

叫左龍蝦$288海蟹餐$248，可以食到龍蝦同蟹，超抵食而且新鮮，有前菜，海鮮，仲有8款火鍋配料，飲品都可以任飲，服務態度好好，用心講解，上午係冰室，晚上先係粥底火鍋

因為我個fd 生日 所以同佢去食 我喺觀塘返工 而依間鋪頭日頭係冰室 有時lunch都會去依度食飯 咁啱知道依間鋪頭晚市係做海鮮粥底火鍋 而且我個fd好鍾意食海鮮 所以就決定咗食依間 我本身就唔係好鍾意食海鮮 特別係啲貝殼類 我好驚會啲海鮮有陣好腥好臭嘅味 所以我自己好少出街食海鮮 廢事中伏一入去佢地即刻帶我地入座同問我地飲嘜 仲超細心同極有耐性咁介紹有啲咩食 冇耐仲攞咗8款醬料俾我地 超多選擇 仲準備咗啲濕紙巾&剪刀俾我地 好細心野飲方面 我地叫咗竹蔗茅根 佢攞到黎我有啲surprise 我估唔到佢個樽入面會放埋啲材料入去都嘅有心思啲野食我就覺得好滿意嘅 龍蝦ok大隻 厚肉彈牙有膏 超鮮甜 而啲蜆個size我覺得ok嘅 都好鮮甜 咁唔我鍾意食蟶子&鮑魚 所以大部份蜆都係我食 而我食咗咁多隻 一隻都冇食都有沙 因為我出去大排檔食炒蜆 多數總會食到一兩隻有沙 但係今次食係冇 廚房啲師傅好細心 啲食物處理得好好 其實我自己鍾意係食牛 但係估唔到係海鮮粥底火鍋店會食到啲咁好味嘅牛肉 佢塊安格斯牛肩肉 油花超靚 入口即溶 只係得好少好少筋 估唔到喺食主打海鮮嘅地方 肉類嘅品質都係咁好而且啲st