目利きの銀次 (已結業)

銅鑼灣對於港島人來說基本上沒有哪一個角落不熟悉，從大街到小巷幾乎有什麼店都清清楚楚。唯獨今天友人介紹的日式餐館，我竟然從來沒有聽聞過，即使出入世貿多次都未曾發現，真的有點慚愧。目利位於商場五樓的一個轉角位，不太起眼，但進去後卻有柳暗花明的感覺：一排醒目的落地玻璃攘陽光滲透店內，自然光令整間店開洋舒適，餐桌之間的空間充裕，坐得舒服。店內亦掛了大大小小琉璃球和麻繩，一看就令人想起沖繩的陽光和海洋。店內的環境值得加分，食物亦然。我點的雞肉滑蛋飯定食$48雖然外表平實，但味道卻和賣相成反比；雞肉又滑又嫩，火候剛剛好，蛋汁跟醬油，味淋等調味配飯一流；再看一看價錢就知道沒有什麼好挑剔。另外點了三兩個小吃，作為頭盤的牛舌沙律味道清新，牛舌爽口彈牙，不過我個人始終認為牛舌最適合的煮法還是炭燒；蔥花吞拿魚卷鮮味十足，中規中矩，值得一提的是我最愛：明太子玉子燒的蛋捲外實內嫩，火候真是剛剛好，最喜歡半生熟的蛋汁和味道濃烈的明太子這個組合，一吃傾心。另外兩位友人點了刺身定食和沖繩豚肉拉麵，賣相不錯。 這裡最吸引的是價錢，$48 大元可以在世貿的一家日式餐館裡吃個飯是非常吸引的，加上品質不錯，從餐牌裡亦可見其他

今日和朋友到銅鑼灣逛街，行到腳軟打算安排晚餐，看到店外的節日限定餐牌，菜式及價錢相宜（就銅鑼灣來說），就決定在此晚餐。進到店內，店員迅速給予我們餐牌。此時我們才發現節日限定的菜式和平日的菜式根本一樣，不論價錢或名字也相同，也沒有額外的配菜或飲料附送。實在讓人有點疑惑，甚麼叫節日限定呢？特上牛肉野菜鍋：三四塊牛肉，牛肉份量足，但沒有覺得特別上級。野菜有娃娃菜、豆腐、京蔥加上大量洋蔥。有點失望，不算特別好味，一人就不建議叫了，因不是定食，沒有額外配飯。追加了四件壽司，三文魚、吞拿魚、油甘金和帆立貝。壽司方面比我預期中好味，新鮮，比連鎖壽司店來的好食。個人推薦吞拿魚壽司和帆立貝壽司。如果下次再來，應該會試一試魚生飯或刺身拼盤。

當海膽遇上燒蠔？🤔將兩者放係鐵板上面加熱🔥竟然有意想不到的效果！😍😍😍海膽汁燒蠔($98)黎自日本的廣島蠔鮮甜肥美😛外脆內軟👏🏻👏🏻👏🏻一啖咬落去好juicy呀💦再係上面淋上海膽汁😍海膽汁滲哂入燒蠔裏面💃🏻將成個組合的鮮甜度提升N倍呀！👏🏼花朵需要綠葉扶持🌷燒蠔都需要菠菜襯托架👍🏻鐵板底部的菠菜吸收哂燒蠔同海膽汁的精華😍又可以中和燒蠔的肥膩感❗️真係Oishii呢！😋

第一次寫食記，實在不吐不快！晚飯訂枱於六時四十五分，我們都準時入座，告訴我們一個半小時交枱，我問如果冇人等可否坐多陣？女侍應說今晚星期五已fully book, 不可以！有D失望，不過算喇，費事掃興！食物上得好快，焗蠔和明太子飯團也不錯，但收碟的速度也快得過分，同速食店冇分別，好幾次還有些未食完便想收碟，叫左幾次未食完，先可吃完未吃完的！好趕……趕收碟、趕埋單、趕客！生氣是七時四十五分，待應过來跟我們講，仲有15分鐘就要交枱，我和朋友都好驚訝，起碼食到八点三渦，同埋我們還是剛剛才吃後加的燒魚，幾個待應連埋個少胖的掃把的男子同我地argue我們入座的時間，prove我錯嗎？縱使見我們不高興，都好有效率咁8:50分比埋張單，翻枱的目標遠大於滿足顧客！跟好友慶生，早一天打电話來訂個小蛋糕希望有驚喜给她！說好的蛋糕呢……他們忘記了，明明看到他們在登記薄上有紅色的remark.一邊生氣，一邊吃完條魚，埋單二人58x元，一蚊tips都唔比！最後……餐廳內有一半枱冇人座，何來fully book？最討厭說謊！如果想舒舒服服食餐日本菜，這會讓你好失望！

這裏的食物好咸，很多人推薦的膽汁燒蠔好鹹，幾乎吃不出蠔味，串燒豚肉和鵪鶉蛋好像吃鹽一樣，明太子煎蛋裡面的魚子又鹹又辣，清酒煮蜆幾乎每隻有沙，問工作人員，就說他們日本供貨商出了問題，差點暈過去。以後也不會再來

之前來吃過晚餐，一直念念不忘，某日剛巧可以吃個長午餐，小人逐舉薦目利銀次，即使是午飯，也可以吃好一些。每人叫的午餐都不一樣，有牛柳粒、燒魚、魚生、壽司等等，基本上都有前菜、主食及飲品，配飯或烏冬則視乎個別菜式而定。小人的是什錦壽司餐，先到的是沙律。新鮮爽脆的沙律菜伴上芝麻沙律汁，先清一清味蕾，確做到開胃的效果。接著是一件迷你薯餅，別以為會很漏。皆因薯茸並非完全糊狀，還吃到粒粒薯肉，混入紅蘿蔔粒吃起來更沒有那麼單調，令人胃口更開。終於等到主角出場了。滿滿一碟的壽司，三文魚、吞拿魚、北寄貝、池魚、白身魚等應有盡有，每一件都是軍艦，份量十足。海產肉質鮮香肥美，入口即溶；握得甚佳的壽司飯調味恰好，這麼大件亦不會邊吃邊掉下飯粒，極盡美妙之享受！壽司餐配的是烏冬，昆布清湯清澈見底，喝後絕沒有口渴的感覺，証實是沒有味精的。烏冬爽滑，少少的已然足矣。套餐由約70元至100元左右不等，以高級數的日本餐廳來說可謂超值得很！而且食物質素不會因而下降，份量亦足，是次再訪，依然是超極滿足！

今日同老公係銅鑼灣行街，又想食日本嘢，所以今晚選擇咗目利銀次。之前都有去過食飯，不過因為訂位比較難訂又怕上到去冇位，都打消咗幾次念頭。但今次打去訂，接電話嘅員工就話要一個半小時還枱，唔緊要啦時間都好足夠吖，所以都冇乜所謂。上到餐廳可能係weekday 關係，唔係好多客人。 店員為我地送上熱茶嘅時候就話：今晚客人唔太多，可以慢慢食，唔需要還枱，夠靈活變通。 師傅介紹咗幾款時令刺身，有我最愛嘅貝類啦，粒貝北寄貝好爽脆，老公最愛嘅超大牡丹蝦，鮮魚刺身（好似叫伊佐木）好夠魚味好新鮮，因為個刺身盤太勁嘅關係食唔到太多嘢， 只係加咗個明太子蛋卷，明太子夠咸香蛋夠軟滑 最後加咗個三文魚燒飯團，表皮燒得夠香脆最最最重要一定要食蒸紅豆年糕做結尾，簡直香軟煙 un ，今晚真係好滿足呀

其實已去了好幾次，因為食物不錯。明太子煎蛋卷和沖繩炒苦瓜美味，必吃。魚生也算幾好。豆腐炒雜菜則一時一時，未能保持水準。三文魚茶漬飯就有點揾笨。反而濃湯烏冬或泡飯美味多了。可惜訂枱古怪。餐廳有一半空出也不給你訂枱。叫你walk-in. 另一次我walk-in 去，告訴我full book, 要我share 枱同另一對客人。但餐廳當時只有30% 人。有很多枱都吉的。我坐到1030pm，也只有多一枱客來。希望餐廳變通下，才能留住顧客

今年生日揀左食日本野，一早book定枱，去到發現原來呢度連住另一間食西餐既，日本菜就要上一層，之後就被帶到一張二人枱。環境其實幾靚，但係同隔離太近，隔開啲會好啲！打開menu發展其實食物種類唔算太多，每一個section大概有6-8樣野到！點完菜之後等左5-10分鐘就開始有野食啦！燒牛舌牛舌偏薄，份量一般，唔算冧，有少少咬口！燒蕃薯每一片都好薄，得好少，有少少甜味，可能因為太薄，上菜時已經唔熱了，味道就無咩特別！柚子蝦冷烏冬無柚子味，蝦炸過要襯熱食！蝦都幾爽口，烏冬都夠凍同彈牙！不過完全無柚子味。汁燒豚軟骨個汁好好味，好濃，配白飯就一流！啲肉好冧，份量都夠多，唔錯！明太子飯團全晚最出色就係呢個飯團，燒得好香，賣相好靚！明太子有啲辛辣味，個飯外層燒得好脆，入面就軟冧冧又熱辣辣！總括黎講，呢餐算偏貴，唔係好抵食！服務一般，食物水準一般。所以如果用呢個錢，我會選擇食番我既日式飯堂！

原來銅灣世貿五樓, UNIQLO 隔離嗰間西餐, 裡面別有洞天. 再上多一層樓梯, 有間叫 目利 之 銀次 的日本餐廳. 兩公婆冇 booking 入到去, reception 問我哋食日餐定西餐, 我先知道原來有日餐, 咁梗係試新嘢啦, 行幾級樓梯, 就會見到和樓下截然不同的感覺, 非常有日本居酒屋的色彩.以木制裝潢為主, 配以很多日式的擺設, 未食就先給你氣氛, 令人期待.2115 入座, 竟然仍是座無虛席, 只剩下吧枱. 不緊要我是來食嘢, 唔係食枱.成個吧枱中間係開放式刺身廚房, 前面放滿咗整齊的一堆原條鮮魚, 令我好想揀一條食, 但又怕兩個人食成條會太多又貴, 所以坐低望下先行咗出去睇下啲魚, 原來價錢又唔會太貴, 較細條的兩個人食唔會太多食唔到其他嘢, 都係二百零蚊起錶, 我見 ok 喎, 師父又有介紹, 就揀咗條魴鮄, 280 蚊, 做刺身, 返埋位再揀其他嘢食等緊條魚, 再點咗兩樣嘢食, 因為兩個都唔大食, 所以點住先. 傾咗一陣, 條魚就到喇, 大大碟砌得好靚, 成條魚俾晒你睇, 每片刺身都片得夠薄, 因為魴鮄肉質爽身, 所以通常都會薄片, 刀功唔錯.因為吧枱唔會太大

友人生日指定要到此食生日飯...目利きの銀次一早book定位，餐廳分二輪18:30-20:00 或 20:30-22:00。為了就友人只好book八點半之後。這個來自沖繩的著名居酒屋，一入內就有如到了日本當地一樣，環境舒適，氣氛亦不錯，真是令人有置身於日本的感覺。先來炭火燒拼盆6串 ($128) 佐酒一下，有自家製免治雞肉串、雞軟骨、雞中翼、燒豚肉、煙肉車厘茄和炭燒雞腿肉等，每件都燒得恰到好處，微微的焦香，但略嫌放過多的海鹽太咸。額外還點一客鹽燒牛舌($68), 味道一流，又香又juice。食日本菜，唔點刺身好似對唔住自己，由於友人生日所以我地點了餐牌上最貴的特上刺身盛拼盤2-4人 ($400)，有帶子、甜蝦、三文魚、油甘魚與及橫根笛鯛等。 正所謂一分錢一分貨，兩個字形容係新鮮...全部都好好味,好甜呀！！！海膽汁燒蠔 ($98) 肥美燒蠔淋上濃郁厚厚的海膽汁已經分外吸睛，大大隻燒蠔鮮味可口，可以說是絕配，絕對要推薦﹗﹗﹗是必定要點的菜色。黑豚肉沙律 ($98) 黑豚肉切成薄片，配以柚子酸醋，清爽開胃，但也沒什麼特色。豆腐炒野菜 ($82) 每次食日本菜都定必點凍豆腐，原因很簡單因為

星期日到銅鑼灣購物，shopping前隨便選一間餐廳只打算填飽肚子便算。揀了這間幾多好評的餐廳，見lunch set價錢都算便宜便一試吧。我同老公一樣揀了壽司定食。落單時順便問一下服務員定食裡包括了哪幾款壽司。怎料服務員的答案是如此出奇: 「都是魚類！」我回答說我知道是魚類，但請問是哪幾款魚呢？她說她也不知道，是師傅自定的... 這答案真是令人啼笑皆非！另外一位較年青的服務員也是沒精打采行屍走肉的樣子，還以為自己看見 walking dead.餐廳看上去也不是走低檔路線，何以服務如此不用心亦無誠意？定食送來後，我們發現我倆的小卷內容都不一樣。我的是三文魚小卷，老公的是鯛魚小卷，師傅也真的很隨心喔！壽司味道很「木」，就是沒有鮮味。每一款魚也差不多味，因為都是沒味！壽司也握得不好，筷子一夾魚生片就從飯團跌下來。飯又煮得太硬...元氣的壽司都比他們的好味！定食附的湯烏冬. 頗滑但偏淋身. 可能是預先煮好瀝乾水再等有order時才放回熱湯燙一燙吧.壽司面還黏附著一粒飯這個lunch set只是 $148+10%, 或者我不應該太多要求吧。

當初愚笨的熊大心口掛住“拍拖初哥”的標記，第一次慶祝我生日的時候基本上沒甚準備，結果比我取笑足一年。所有兔兔知道，今年生辰，熊大肯定（要）頭痛非常！╮(╯▽╰)╭由於熊大很清楚骨子里的兔兔的高傲的雞蛋里挑骨頭女（一齊之後已經隱藏得8899）所以他帶我來吃一次真正的日本料理！很期待食物質素呢！為怕我遲到，他一早到我家趕我去銅鑼灣，訂了12點的枱。大門口的木桶裝飾很特色，上面鋪滿酒瓶，有著日式屏風的間隔，已經令顧客有種來到傳統日式食店的感覺！店內的裝修以米色為主，天花掛滿橙色的琉璃球，掩蓋了原本現代化的天花板。而我們則坐在廚房前，隔著看師傅可以享受的海景view!午市套餐， 菜式由兔兔發版！★雜錦壽司配烏冬定食☆$148前菜落單后1分鐘送上，有著甜美多汁的新鮮生菜沙拉，配上微酸的芝麻醬是絕佳開胃品烏冬比壽司上的速度快很多。烏冬稍為扁身，估計只燙了一陣，很彈牙爽口，浸在清香的湯里。那湯底絕不是味噌湯或是重味精的濃湯，但好喝得連平日不會喝湯的我也干掉了。然後看這碟手握壽司拼盤。每一塊魚生都是厚厚的。魚生本身已經足夠鮮甜肥美，不用點上太多醬油。壽司飯其實是很小的半口，但飯粒剛剛粘著而不鬆不緊，突

打著來自沖繩嘅分店，即管一試餐廳環境不俗，人流不斷，好彩有訂位。點左雜錦壽司飯套餐，四式三文魚套餐，沖繩燒餅。魚生感覺唔太新鮮，冇咩魚味，唯一可取係份量十足。沖繩燒餅之前冇食過，唔俾太多品評，感覺似日式蔥油餅。。。總括黎講，唔係好值，價錢一半去左環境度，魚生實在唔得，目利之銀次感覺似日式快餐店多過日本料理店，日式套餐包咖啡茶始終有d奇怪。。。。

話說男友今晚話想食好啲, 但係又想試下新野,於是就揀左呢間餐廳喇!呢間餐廳係食沖繩嘅菜式, 其實我未去過沖繩, 就唔知沖繩菜式係點。。。。所以都當係食日本野嘅心情去試! 一去到見到個門面, 以為係啲勁貴嘅居酒屋, 睇完餐牌都覺得價錢OK! 入左門口接待處, 會問你食西餐定日本野, 因為係分左2層, 下層西餐, 上層就係今次嘅餐廳。入面嘅裝修有別於平日去嘅日本餐廳, 好特別!如果坐吧台仲可以望到海景添! 不過我偏向坐返普通檯, 因為方便啲同有多啲位放野食上菜速度都算幾快, 唔洗點等就上下一道菜, 值得一讚! 第一道菜係呢味生熟三文魚(餐牌叫咩名我唔記得左)都幾新鮮好味! 黑豚軟骨好林! 自己一向鍾意食豬軟骨嘅。。。都好味呀！黎之前睇過下食評,個個大讚, 咁我地又點黎試下啦！蠔都算新鮮,不過海膽汁其實無咩海膽味! 又唔可以話失望嘅。。。。但同想像中有啲出入囉！呢個係三文魚飯4食。。。嗯,份量唔算大,2款三文魚嘅件數得果兩三件呢份明太子飯團個心係無料嘅。。。因為主角鋪左上面但特別之處係舊飯團嘅外面被燒到硬硬地, 感覺似煲仔飯的飯焦。最後食埋日本菜嘅靈魂---刺身呢個係1-2人前份量, 有