碗碗香 (已結業)

尋晚瞓唔著。上openrice 揾下今日食咩好。揾到呢間碗碗香。食貴州牛肉麵。哈。啱晒我。嚟到舖位細細。冇乜嘢期望。即管入去試一試啦。一心諗住食牛肉麵。但係見到餐牌上有麵亦有粉。一於問吓老細乜嘢好食。 老細諗都唔使諗。就得如果食牛肉就食粉啦粉真係好食。估唔到。因為原本真係諗住食麵老細紅燒好定紅油好。佢話食到辣就食紅油啦。信晒老細啦所以就叫左紅油牛肉粉少辣。來到。都幾出乎意料。個碗咁鬼大。味道唔錯。佢個份形狀似烏冬。但有後會比較煙un。幾特別喎。不過個紅油小辣，都仲係好辣。所以邊食邊飲杯檸茶。佢有個唔知叫咩苦丁茶。聽聞都OK嘅。會解辣。不過聽到個苦字我都唔係好敢試。粉份量正常，牛肉都算幾多。個牛肉幾好食喎都幾林。總括嚟講呢間小店都算係唔錯。都可以一試嘅。同老細傾開計。佢話你試吓喺銅鑼灣搵一碗麵有我哋咁平嘅嚟睇吓啦。我話係呀價錢都合理不過唔好加價喎。佢即刻話下個月就會加價啦。即係九月。起初我入嚟嘅時候剩係得一個客人。我仲以為佢生意會好了唔好。點知轉頭就有幾枱人入咗嚟啦。後面有四個師奶入咗嚟。老細都好老實佢話你哋不如叫兩碗麵啦。留返個肚試吓我哋最有名嘅口水雞同埋豬耳啦。唔知係咪真係好食呢。交

自從上次食左炊豕店之後知道左加路連山道其實有好多食店今日去其中一間開喺嗰度嘅店門面非常低調 但因為喺貴州菜喺食辣架 小弟嘅最愛所以就喺茫茫店海中揀中左佢一入去 第一個感覺喺細(因為開喺銅鑼灣 大家明嘅)第二個感覺喺溫馨 好有家嘅感覺座位廿幾個左右 雖然唔算好寬落但勝在坐得舒服同人唔多餐牌就周圍都有包你坐邊同邊個角度都睇到侍應好好人 一坐低就有杯水飲仲要喺凍水 大熱天有凍水飲好爽啊小弟諗左陣就叫左個招牌紅油牛肉粉辣度方面 小弟揀左最穩陣嘅小辣試下先仲叫左杯第一次聽嘅苦丁茶苦丁茶好快就上左 用個重身嘅啤酒杯裝睇上去夠曬份量 霸氣十足顏色睇上去似喺普通茶餐廳嘅菜蜜但飲落去就一啲都唔似飲第一啖 會有少少苦 但完全接受到對於連苦瓜都食唔到嘅小弟都接受到大家尼試完全唔洗驚苦大概5到10秒之後 竟然有回甘真喺完全估唔到 先苦後甜解辣恩物+消暑良物啊 正飲啖水 飲啖茶 㩒下手機 5分鐘過左而個主角 紅油牛肉粉都上埋碗麵比我嘅第一感覺喺 好鬼死大碗心諗 究竟我食唔食得曬架之後 麻辣同香料味開始飄入我個鼻口水喺口裏面狂流啦 侍應仲有介紹個湯底喺唔知咩咩咩湯 個心已經比碗麵引走左已經冇細心聽知waiter講

老闆對員工同顧客都態度差野食圖文不符麵份量少又唔好食啲麵煮得十分參差，一啲太硬一啲又勁淋啲雞又乾又黑又咸同啲湯渣無分別紙巾要加$3買不過最嬲係老闆全程嘈死人懶係叻咁睇你幾時執

今日返工係開附近，咁岩又有時間，留意左好耐，終於可以來一嚐呢度既貴州牛肉粉。位置比較隔涉，搵左一陣，終於比我搵到😄舖位唔算大，但乾淨企理，又有點特色。入到去坐左門口位附近，叫左個紅油牛肉粉。失禮講句，睇唔出店員咁好禮貌，直覺上叔叔好似比較粗獷😂都幾多選擇，仲有甜品食既呢度，讚一讚覺得menu幾細心，有寫明有咩配料可走亦可加，清晰唔洗估估下👍🏻好快就來到，幾大碗下，牛肉貌似五香肉丁，但食落夠淋唔痴牙有牛香，連帶一d牛筋位，都好夠淋香，加上牛肉量多。伴住有d酸菜，睇得出係自己餣，味道剛剛好。我叫左中辣，個人覺得辣度適中，食到辣又有本身湯既味。而貴州粉有d似粗身d既米線，爽滑但又食落有d上海麵既感覺，幾得意。同時間見到其他客人叫口水雞，其實都好想試，但一個人食唔到咁多，還是下次再試啦～另帶一提，再讚店員叔叔，因為係燙門，張枱都幾貼門口，叔叔每次開門都會好小心睇下會唔會整到人，而且每位客人點菜佢都好好聲氣。聽到有位客人話想要紙巾（見到收銀位放左sample出黎有寫$3/包），好多時正常都會直接講3蚊啦。見到叔叔回應係：一包$3有無問題？ 待客人回應ok後先幫客人落埋單。個人感覺幾有heart❤️

一入去小店嘅時候老闆就好熱情咁樣招呼，一路做咗好幾個麵嘅介紹，亦都好大口氣講話啲完全係冇味精，真材實料，用咗好多骨同香料去淆個湯底， 仲要話保證飲兩碗都一定唔會口乾，口乾嘅話就搵佢算帳， 咁好呀，就睇下你有幾巴閉！？我叫咗個小辣紅油牛肉粉，第一下一定係飲咗個湯底先，驚喜，真係驚喜，好好飲！個湯底有少少香料、花椒、酸菜、芫茜等等夾埋一齊嘅味道，湯真係十分之惹味。之後就到牛肉，啲牛肉除咗有牛肉味之外，心機係完全明白嘅，牛肉炆到透左！超入味！不過唯一一樣嘢係需要下次再試時食嘅就係個粉，而唔係食麵，老闆亦都介紹咗下次去到要試試佢哋個口水雞。好，睇埋你有無講大話先啦！？最後湯，我完全飲曬，過咗好耐都真係冇口乾！好耶！最後要留意：湯底因為有油，所以先帶到鮮香味道，所以可以叫少油，如果唔係，都真係幾油（不過當然，味道又會有小小唔同） 食後感：銅鑼灣寸金尺土，坐係比較迫，但當日去到因為冇乜人，所以都ok舒服，嘢食嘅味道同心機令我一定會再返去試試其他野。

聽說這貴陽牛肉粉很地道，特來一試。點了家鄉紅油牛肉粉中辣，粉滑溜，是我喜愛的口感，米粉超粗的版本，如喜愛薯粉的煙韌口感未必愛呢隻。湯底清甜，加了辣油，越食越辣，爽。牛肉軟冧，牛味唔勁但量多。另點了口水雞，味道都可以但冇咩突出，我覺得唔算太辣，咁佢個雞皮都薄肉都滑既。我去當晚個冷氣壞左，食到我身水身汗，又因為冇冷氣所以開大左個門，搞到好多蚊滋飛入黎，環境好一般，希望整番好冷氣後會好啲啦，食物係可以令人回頭的~

記得上次途經呢條街，係想試一試果間成日排長龍嘅炸猪扒店，點知就發現呢間小店，所以今次就一心來試。其實講真，內地好多地方嘅野食係好特別，尤其麵食，好多種類，可惜香港人似乎對內地野食有偏見。講返重點，來到後好彩唔洗排隊直接入座，另一樣好彩嘅係如果遲多10分鐘就冇左麵得返粉我叫左貴陽正宗全蛋涼抹麵，bb辣，辣度還可接受，麵質確實特別，味道食落好有係深圳食嘅感覺，配上猪油渣，非常特別。而另一半就叫左貴陽地道紅油牛肉麵，都係bb辣，所用嘅牛肉好有口感，好好食，惊喜之作，十分推薦一試！可能要挑剔嘅係個樓面，我估應該係老闆，服務態度同語氣就認真麻麻。

基層打工仔甘岩黎銅鑼灣做野，lunch time 搵餐食當然為荷包煩惱，見到呢間小店老闆系門口熱情招待，價錢都平民，一於試下伏唔伏。同同事一人叫了一碗牛肉粉。因唔太舒服決定唔食辣，我叫了紅燒牛肉粉 ，同事叫了紅油牛肉粉。今日Lunch 比較遲加上假日，店內唔系好多客，老闆好健談不停同我地吹水介紹。因為即煮米線，所以等了15mins, 一上台我地其實無咩分別，後來問過老闆先分到。先講下清湯湯底十分香，落足料煲，原來系有3種骨，豬骨雞骨和牛骨 每日都不停煲煮20分鐘，真係好夠味。而米粉，其實姐系米線的樣子，但食落彈牙好多，幾有趣，老闆話呢個系貴州運過來，香港無得買。一聽佢同埋班夥計既口音就真系相信佢地系地道貴州人，利申我未去過貴州也不是貴州人。成碗份量都好多牛肉和份。牛肉系用牛展，慢煮至淋身，入口還有少少彈牙，但牛肉鮮美，食唔到雪藏味, d 肉超多，食極都有甘。真當我想食下朋友個紅油牛肉粉湯底，老闆提議我先飲口苦丁茶。原來食完辣野飲苦丁茶同無食辣野飲既口感果然好唔一樣! 平時就甘飲 先苦後甘，甘味停留在嘴裡，但當食完辣野再飲苦丁茶，沒有苦味只有甘味。食辣野加一杯凍既苦丁茶真系爽啊! 朋友的

This restaurant offers authentic delicious 貴州 noodles made with extreme skill and care.The noodles is served with a delicious soup seasoned with coriander and various vegetables. The spicy 紅油麵 is smartly paired with 苦丁茶 to even out the spiciness. Overall the noodles were very unique and the soup was tasty.The beef used is very high quality as proven by its tasty consistency and juicy flavour.

嗰日放工同朋友行過呢一間鋪頭 然後突然聞到一股好香辣嘅 好吸引嘅味！再見到呢間鋪頭餐牌上面寫嘅菜式幾特別 因為香港係好少有咁嘅牛肉粉 所以我哋就決定入去試吓🙈入到去鋪頭唔算大 但香辣嘅味道就充滿着成個鋪頭🤤之後我哋就一定試一試佢哋嘅紅油招牌牛肉粉同埋普通牛肉粉呢個就係紅油牛肉粉佢個粉嘅質地好特別 好彈牙 平時係街到好少食到呢一種質地嘅粉 另外佢個湯底都好吸引 因為辣得嚟好惹味🤤另外好值得一提嘅就係佢嘅牛肉 午肉嘅份量都好多🙈而且每一舊都好入味👍🏻👍🏻最後我地仲分別叫左杯熱同涷嘅苦丁茶我都係建議番叫涷嘅比較好 因為食完熱野都係飲涷野爽啲☺️另外值得一提嘅就係佢苦丁茶嘅功效 原來飲苦丁茶係可以解辣㗎！令到你辣嘅味道變咗甜 好得意😂

中午時間去左銅鑼灣碗碗香食午餐，主打貴洲牛肉粉，湯底有濃有淡，有辣有唔辣。朋友鐘意食中式麵食，就帶左我黎依間餐廳試試啦。我地一人叫左一碗麵，分別係紅燒牛肉粉和紅油牛肉粉。湯底充滿地道風味，濃香滋味不失香料精華，牛肉份量多而且軟腍，入口牛味濃香豐富，湯底唔會加入大量味精，唔會好咸食完唔會好口喝。我叫左少辣，辣度平平岩岩好，我都接受到！朋友果個走辣，佢都覺得好滋味。我地一人一杯苦丁菜，清香清甜，生津止喝。

這天去灣仔書展前，來到銅鑼灣吃一個下午茶。 突然很想吃一點辣的東西，路過這裏看到這店有紅燒牛肉麵，便進去試一試。那時間不算多人，很快便坐下來，職員為我們介紹有什麼好吃的。最後叫了一個紅油牛肉粉小辣，另一個是清湯的紅燒牛肉粉，各自點了一杯苦丁茶。數分鐘後食物便來了，我吃的那碗紅油牛肉粉湯底很好吃，麻麻辣辣的，牛肉非常足料！牛肉很嫩，有一點點牛筋，但是很彈牙的，不會難咬。小辣真是剛剛好的，凍的苦丁茶可以把那些油膩的感覺消除，還可以解辣。 朋友說他那碗清湯的紅燒牛肉粉也很好吃，最特別的是他那些粉是他們店舖特製的，在其他餐廳不會吃到。粉的質地有點兒像烏冬和粗面的結合，很彈牙和滑。這間牛肉麵和其他店的很有分別，牛肉是經過精心烹煮的，非常有誠意的一間小店。下次會再來支持一下，試試其他食物，相信質素有很不錯的。

今天陪朋友去聖保祿醫院做檢查，行過加多連山道見到有間食貴州粉的碗碗香食店，剛好有少許肚餓，就入店內來個下午茶先！進入店內聞到陣陣牛肉香味，而且店亦主打食貴州牛肉粉，咁一於唔好錯過！朋友始終做完身體檢查，不敢食太油膩食物，就叫咗一碗清湯牛肉粉配熱苦丁茶嘩！一上枱已經好吸引，又香！最欣賞啲牛肉肉質，軟綿綿，比食台灣牛肉湯麵的牛肉更好味，酸菜好爽，貴州粉好滑，食落𠽌𠽌聲，正！熱苦丁茶飲落口，喉嚨好舒服！我因近日期皮膚有啲痕，要戒牛肉，所以點了一碗紅油雞肉粉，有4種辣度可以選擇，BB辣，小辣，中辣，大辣！我就選擇了BB辣，這種辣度對我來說講好，有好輕輕的辣度，飲啖冰凍苦丁茶，解一下個辣味，絕配，雞肉大大件，肉質嫰滑！

之前朋友介紹我食這間碗碗香，一直都沒有時間，之後又聽到不小銅鑼灣朋友食過，今次終於到我啦一直都知道貴州牛肉麵出名，要食要返去國內先有得食，現在銅鑼灣都有，而且主廚都是貴州人，店員好熱情，知道我們第一次光顧，好耐心地介紹菜式。招牌紅油牛肉粉$58我們要了小辣，湯底非常香，那香辣味道好特別，店員說辣油都是用貴州來的花椒粉、花椒粒、胡辣椒、辣椒乾和辣椒油，這五項缺一不可，才可製造到家鄉的味道。牛肉都是用美國進口牛肉，鮮味十足，口感鬆化軟淋。紅燒牛肉粉$58不得不讚湯底，店員介紹湯頭是三骨湯，每天新鮮熬煮近二十小時，湯底看起來有油，但喝下去不單不覺得油膩，而且帶濃厚的香味。還有用貴州米粉，似烏冬粗細，但像米線那般爽滑的口感👍苦丁茶，第一次飲，自家制👍生津止渴

碗碗香既位置唔係好近地鐵站，我同朋友係特登係網上面搵到呢間好評餐廳過去食既，兩個路痴既女人係銅鑼灣街頭兜左幾個圈先搵到。店鋪唔大，裡面就只有幾張凳，但都係坐滿哂人。呢到係食貴州野既，以牛肉麵最出名，菜式都係偏辣，同埋有好多冷盤，好似口水雞，拍青瓜等。野食唔貴，一個套餐連飲品大約58 蚊左右。我地叫左佢最出名既紅燒牛肉麵同紅油牛肉麵，再配杯當地出名既苦丁茶。等左不久，麵遞上來的一刻，就已經聞到香濃既牛肉麵香，令人食指大動。 未食先流口水。 一食，香料既味道沖入喉嚨同鼻孔，紅燒牛肉既味道好香，加埋酸菜既減少牛肉麵既油膩感。牛肉選用既部份係牛腩，有d牛筋，好嫩好入味既牛肉。個麵好爽滑，有d似讚歧烏冬，筋性低，但係就滑到呢，食到啜啜聲，好得意既口感，聽老細講個麵咁爽滑係因為佢係貴林既純米粉，靚米粉整出尼既麵一定靚嗌。仲有冇諗過碗麵咁大碗，本身以為一定食唔哂，但係真係太好味，頂住個肚都食哂。如果話紅油牛肉麵同紅燒牛肉麵二選一，我會簡紅燒牛肉麵，第一個湯冇咁油膩，第二陣香味濃郁d.紅油既湯底可以選擇辣度，而紅燒牛肉湯底有尼自黑椒既少辣，唔食辣既人可以試一試尼個，真係唔錯。食到飽飽，飲番杯貴州既苦丁