碗碗香 (已結業)

作為嗜辣魔人，看到四川麵店總是要進去試一試的，看裡面的裝潢雖簡單卻很有特色， 決定進去一探究竟。除了飯、麵套餐，也有小火鍋可以選擇。但今天只有一個人，就簡單的吃碗麵好了。貴味辣雞涼拌麵 $66這款貴味辣雞口感很特別，質感在四川辣子雞與雞煲之間，冇辣子雞咁乾身。配上芫荽和蘿蔔絲，很是惹味。麵偏向幼身，口感較硬，也很吸湯。雖然是中辣，但係食落唔會令人喉嚨痛，辣味停留在口腔。店員推薦下次可以試試他們的上湯或是紅燒牛肉粉，雖然不辣，但是湯底鮮甜，別有滋味。苦丁茶 $9苦丁茶也是雲南四川一帶的特產，味苦，微甘，剛吃完辣喝點苦丁茶清熱解毒正好。

今天天氣非常潮濕，所以都想去食辣食物，在openrice找到有間食辣的牛肉粉都材料幾多而且不少人話好食，所以就去食，行了不用十分鐘就到都幾方便，見到有不少人食緊，而待應就介紹這裡的牛肉粉和飲品，都講得幾詳細，等了不用十分鐘飲品和食物都來到了。紅油牛肉粉 小辣，辣程度剛好而入面的三骨原湯，用三種不同的骨整成，湯底鮮甜而竟然吾太油有驚喜，忍唔住都飲左幾口， 牛肉原來是牛𦟌，口感淋身有肉味，粉是用米造而成幾好味又夠滑身，再配一個 苦丁茶 ，淨飲少苦但如果食完辣就飲好味又解辣，來到這裡食辣野推介。

睇左咁多好評， 諗住試下，叫左辣雞湯粉（粉轉左麵， 當中的泡菜及滷蛋係另加），點知同期望相差較遠。 麵：煮得太耐或者放係個外賣盒裡面太耐，偏腍 。如果係因為放左太耐而腍， 可以理解。湯： 味道算係正常。辣油： 麵配搭的辣油， 味道層次唔係好突出， 真係'辣' 及'油'， 而唔係令你食落去回味無窮果一種辣油。可能我對辣油要求有D高， 唔好意思(￣⊥￣)雞：雞的鹹味夠但肉質偏硬， 有D似用黎煲湯的雞肉， 俾湯吸收晒精華。滷蛋： 味道都算OK，如果再入味D就更好泡菜： 酸味適中兼爽口， 算係成碗麵中的焦點。可能其他款的湯粉會好食D， 但就我今日食依碗， 我覺得其實仲有空間可以慢慢提升 ;-) 不過值得一提， 店員好用心用保鮮膜包好個塑膠碗， 驚倒瀉， 我覺得貼心的部份值得讚～

係銅鑼灣放工，又無約人，於是就上Openrice望下有咩餐廳好食，見到依間店咁多好評就黎試下。鋪頭位置都好方便，係地鐵F出口直行5分鐘左右就到。鋪頭比我既第一印象係幾溫馨，除左因爲門口有好幾個OL放工一齊打邊爐，仲因爲入面細細地，但擺設同佈置就充滿民族風。店員亦都好熱情，同食客有傾有講。一坐低店員就好nice咁問我食唔食得辣，其實我去譚仔只係食得十小，所以就照實同佢講唔係好食得，於是佢推介我食清湯牛肉粉，話如果想食辣可以加枱上既辣椒粉。野飲方面，我好好奇苦丁茶係咩黎既，店員就話係可以清熱解毒既綠茶，好受歡迎，於是我又叫左杯。食物好快就到，牛肉好腍好易入口，D粉亦好特別，幾爽口。椰菜醃過酸酸地，中和到湯底既少少油膩感。雖然係清湯，但都唔會食到口淡淡，香料充足，相當開胃。苦丁茶亦好清熱，苦中帶點甘，同味濃既牛肉粉配搭得相當好。

上次食過紅油涼皮，一直都念念不忘，一心想黎食紅油涼皮，點知原來夏天先有，問過staff, 話4,5月先會有，心裡有點失望其實碗碗香的招牌係牛肉粉，不過我卻被紅油拌涼皮吸引住，冇涼皮，就叫拌麵頂住先其實拌麵唔比涼皮差，配料調味跟拌涼皮都係一樣，我走左莞茜，反而拌麵仲比拌涼皮冇咁油膩，我最中意佢既酸辣調味，唔會得個辣字，唔會辣而不香，我揀左BB 辣，我個人覺得都已經好辣了，明明唔太食得辣，但又要去食辣，冇計，真係好香，重口味野岩我，麵都是較爽口的，成碗麵會食到人好開胃苦丁茶簡直係解辣神器，飲完即刻解哂辣，爽

銅鑼灣呢間食貴州菜嘅小店非常有特色！辣食同唔辣都咁好味，啱晒我呢個辣妹！貴陽清湯牛肉粉湯底用了花椒粉及胡椒粉，雖然係清湯一點都唔辣，但係非常惹味！店員仲教我地正宗當地人既食法係先飲啖湯，想食辣的話可加入特製辣粉。麵條有點似烏冬，但比烏冬粗身。麵條呈圓柱形，非常滑嘟嘟！貴味辣雞涼拌麵雖然涼冰冰，但愈食愈感受到辣勁...好快就食到舌頭發熱，冷熱交替，味覺大挑戰喔！中意食辣既我，非常喜歡這碟涼拌麵喔！苦到茶係清熱解毒，係貴州特有產品，絕對係食辣既良伴呀！

今次同朋友嚟到呢一間碗碗香食正宗貴林牛肉粉，大廚同侍應都係以鄉下話溝通，感覺夠地道。同朋友兩個人叫咗紅油牛肉粉（微辣）同清湯牛肉粉配兩杯苦丁茶。首先試咗清湯湯底，湯底加左花椒粉同胡椒粉，所以即使唔係食麻辣湯底，依然會有舌頭麻痹嘅感覺（注：麻辣的麻味來自花椒，辣味來自辣椒），清湯得來又唔會太清淡。至於紅油湯底，湯底落咗辣椒油，呢個就辣味比較重而無麻味，同時亦落左酸菜，識落酸酸辣辣，非常開胃，如果鍾意酸味較重嘅人可以要求加酸菜！兩碗牛肉粉都用左牛腩同牛肉片作為配料，兩者肥瘦適中，肉質非常軟嫩，份量都夠多。而米粉比較粗身，粗幼度同烏冬差唔多，食落夠滑溜彈牙！如果食到覺得好辣，可以飲苦丁茶，有清熱下火嘅功效，飲完的確非常解辣。

碗碗香是我的心水飯堂, 不知道消磨了多少個中午和晚上.碗碗香的店面不大, 但菜色一點都不含糊, 主打重慶菜, 味道正宗, 為適應客戶的需要, 也可選不同的辣度.我喜愛的碗碗香菜式太多太多, 似乎沒有不喜歡的, 但不細述了, 直接分享連續兩晚同朋友在碗碗吃重慶小火鍋的歡樂.碗碗香以賣小菜, 套飯, 重慶粉為主, 只在冬季限定時間提供重慶小火鍋. 雖然我常去碗碗香開飯, 但因為湊不齊人數, 至今才初試小火鍋. 店主建議是2人1鍋的, 但我們愛吃、胃大, 盡管只有4、5人, 也砰砰砰一口氣點了3鍋,  手作丸子, 麻辣牛肉, 辣子鷄. 小火鍋有多好味, 看圖就清楚, 不重複.  想強調的是, 需要菜量很大, 但實在無法抗拒誘惑, 我們還是全清了, 吃滿一肚子的菜, 離開埋單時, 出乎意料的便宜. 在銅鑼灣這麼高消費地區,  用這麼實惠的價錢吃了一桌好菜, 歡樂休閒地享受一個晚上, 教我如何不一再回味.

今日放工之後同朋友去銅鑼灣搵野食，行過加路連山道，見到一間食貴陽牛肉麵既小店，就入左去試。入面既環境係咁，你可以睇到少少廚房。打開餐牌，見到有唔少選擇，唔知點揀好，就問侍應有咩推介，佢就介紹左呢度既招牌菜-紅繞牛肉麵。不過，我既朋友係完全唔食得辣既，所以佢就叫左碗唔辣既，而我就叫左碗BB辣既。BB辣望落去都唔算好辣，如果食得辣既可以自己再加辣椒油。下面就係清湯牛肉麵。碗湯真係好香，唔怪得間店叫碗碗香，而牛肉又煮得好腍，入口即溶。我地仲叫左兩杯苦丁茶，侍應話食辣野最好配苦丁茶，我係第一次飲呢款飲品，故名思義，佢就係有少少苦既，飲完佢又真係好解辣喎，所以建議大家黎呢到食野都要點黎試下啊！埋單總共食左$150，銅鑼灣黎講都算ok。

約左舊同事聚會，好彩7點左右到，唔駛等位原本想食火鍋但老闆話店外先可以食 所以最後叫左套餐食我地叫左3個套餐分別係《貴味口水雞面》《紅燒牛肉面》《貴味辣子雞面》+ 老闆勁推既《苦丁茶》最中意《貴味辣子雞》炒得岩岩好又好香 辣得黎有少少麻 口感有D層次至於口水雞同牛肉就正正常常老闆介紹既《苦丁茶》好特別未食野前飲一啖覺得苦苦地 之後食完辣野再飲就變得甘甘地 好解渴同辣無介紹錯每個套餐既面值得一讚 好多菜呀湯底又唔會太咸之後再後加1個小食《貴味鹵拼盤》驚死唔肥甘  最中意食個牛肚 好好味未食過既可以去下

喺呢一條唔顯眼嘅大街， 竟然有一間好食嘅面館， 重慶酸辣米線 已經食多咗好多次每次食完都會覺得好辛苦，因為實在太過麻辣， 呢個生肉湯咪就係重慶酸辣米線嘅溫和版。 店員介紹苦丁茶係一個好好嘅解辣飲品。<解辣飲品: 凍苦茶>每一塊葉同埋籽， 連放入口都會食到苦味， 食完之後又會帶有少少甘甜< 辣油 ，醋><有豬，有牛，有魚><外賣9折>一人75hkd， 好多旅客都黎order外賣<紅油牛肉粉>重料牛腩，肥瘦適中，十幾塊，重手蒜頭，有芽菜等配料<<小辣>呢間小辣都有2個grades... 仲有bb辣，店員話bb辣一般香港人都可以受到，平時都食得下辣，想叫小辣，最後聽左店員建議，只係叫左bb辣，唔係既話真係出哂眼水。

尋日lunch求奇去搵間鋪頭試下，但又唔想去茶餐廳，於是見呢間咁有特色就去試下啦，點知就中伏了，我好求奇見門口個餐牌有咩餐就揀啦，見個I餐貴川牛筋飯，就叫黎試下重點係佢完全無標價錢，但我心諗一個Lunch餐唔會貴過$60掛，就係咁出事啦，外賣自取9折，扣咪$81唔緊要俾$81個lunch就俾返$81㗎質素我，我叫咗小辣，真係小辣但都有啲辣，個牛筋係靚㗎份量ok味道係川菜，如果好鐘意川菜㗎我推介呢間，老實講味道ok但價錢真係太貴啦

今日約左朋友行銅鑼灣，一如平日都係咁人山人海，我同朋友去發掘美食。沿住利園後面恩平道行到加路連山道，原來呢頭都幾多野食，最後揀左呢間碗碗香。店面裝修都算別緻，都有幾好多人食，特別係多青年人之後我選擇困難症病發，侍應就主動推薦清湯牛肉粉，米粉係用貴州空運米粉，正宗整法粗、滑、有彈性、不糊湯。佢講到好似好好味咁，搞到我都好想食，於是就叫左清湯牛肉粉由於第一次食，我又唔係好食得辣，就叫左唔辣。碗嘅大小同其他米線類餐廳差唔多，但係入面嘅材料就差好遠啦～首先牛肉份量十足，有成十舊，比想像中多。咬落去多汁嫩滑，味道同調味幾濃，都幾夠風味。貴州米粉口感有啲似刀削麵，爽口彈牙，但中間唔會有粉嘅感覺。入口出奇地滑同彈牙，口感豐富，新奇但又不失美味。湯底入面有蒜蓉、蔥花、芫茜等，湯底亦十分濃郁入面仲有自家製嘅酸菜，好味又醒胃，又濃又香，正！最後再叫左杯苦丁茶送麵，茶味有少少苦，但之後回甘清涼感更為強烈，味道獨特仲有健康功效，清熱解毒。仲有好多款貴州粉可以揀，有辣有唔辣，好似我咁唔食得辣，叫清湯都係一個唔錯嘅選擇。

每星期點都要有返幾日食辣野，今個星期日就去咗呢間碗碗香。之前無意中喺OpenRice search到呢間四川貴州辣辣粉，就去試一試啦。上一次試咗紅燒牛肉粉，原本係想叫牛肉麵嘅，店長一聽到我哋想叫牛肉麵就極力推介呢度嘅牛肉粉，佢話喎，呢度嘅粉係你出邊食唔到嘅好滑架試吓啦！一試冇死嘅，就好爽快叫咗紅燒牛肉粉啦！點知原來呢間嘅紅燒牛肉粉係唔辣嘅所以就有啲失望。所以今次再嚟就要試一試個紅油牛肉粉。紅油牛肉粉（中辣）呢度嘅紅油牛肉粉湯底調得幾好，唔太鹹，好香，好夠麻辣。牛肉粒方面好足料，一碗大概都有成六至八粒，炆得好入味，好林，真係幾唔錯。但係不足嘅係，廚房阿姐唔知聽左邊個人嘅意見，啲粉煮到冇上一次咁滑，仲半生熟。想食死人咩。啲粉一啲就煮到原本咁滑，一啲就未煮熟，硬柴柴。諗住硬嗰啲浸一浸都林啦，點知世事邊有咁簡單。半碗都係半生熟。。。。希望老闆識醒目啦⋯⋯希望下次去食唔會咁啦，難得個湯底幾好味。

冬天就要食點辣暖暖身，係銅鑼灣鬧市中搵到依間貴粉，介紹說是正綜的貴州人煮出來的，辣得不一樣。老闆很熱心地為客人介紹，到我們的時候一樣，店裡面用的粉是貴州粉，是貴州帶過來的，香港很少見一定要試，苦丁茶也是，是完辣喝苦丁茶不上火。我點了紅油牛肉粉，要了小小辣，和一杯苦丁茶。湯底是貴陽地道三骨原湯，湯頭很清，喝起來很濃郁，而且香甜。我要的辣度剛剛好，香辣香辣的剛剛好，牛肉是牛腱，筋肉配合剛剛好，炆到好鬆軟入口即化。貴州粉到底是什麼口感呢，看起來很像米線但食起來完全不一樣，爽口起來好煙韌又很爽口，很特別的口感，可以吸收湯汁又不會爛丟。湯粉裡面還有自家製的酸菜，酸酸甜甜的很解膩。苦丁茶喝第一是苦澀的，喝上幾口之後就變甘甜了，而且喝了之再食辣真的會有不上火的感覺，而且解辣，食完辣我們都會口渴很想喝水，喝完苦丁茶之後我們逛了一整天才回家都不覺得口渴想飲水，苦丁茶的威力