私房御約

营业中

休息中

自從上次睇節目見到金剛小儀來過依間蒸氣火鍋店，就決定要來試試！六點入到來吾算多人，可能因為禁，我地好好彩被安排入獨立房，環境相當寧靜舒服，而且係一對一service，感覺不錯！有工具架我地今次叫咗龍躉海鮮餐。有別於一般火鍋店，依間餐廳嘅飲品係菊花紅棗龍眼花茶， 非常重菊花味之餘亦有清熱功效，非常適合火鍋！前菜係今晚令我其中最驚喜既小菜一 銀芽辣蜆， 依個配搭非常特別，主菜方面：所有食物只用鹽餣，非常健康，而係無其他調味料配襯同烹調下，食物既味道只可以靠本身既質素。無令我失望既係，每道海鮮都非常新鮮，蒸完後亦吾乾身！以下會講下每道菜既評價:蝦，非常挻身之餘肉質爽甜;花甲十分大隻，鮮嫩可口，好鮮甜;龍躉，專取魚腩的油脂部分，連魚皮上，有滿滿滿的骨膠原！而且十分有咬口，肉身吾會實。腩肉方面用了霸王花醃，但味道略鹹；丸類方面，全部都係大大粒手打既。職員建議我哋先食墨魚丸後蝦丸，令味道層層加深。總體來講兩款丸都吾會重粉味，十分足料，食到大大粒既餡料！元貝方面，職員幫我地先蒸咗個裙邊，吾合蓋既方式令佢快熟，裙邊亦十分爽口。到主菜元貝，蒸完後精華十分多，直程可以當湯飲😂元貝味道非常有層次，由外圍較挺

剛在柯士甸地鐵站做完野，就想到附近就腳少少既地方食晚餐，友人想試下新野，我又想食海鮮，最後揀左呢間海鮮蒸氣火鍋的私房御約。可能位置夠偏同埋未到繁忙時間，我地六點入座既時候就安排左一間房比我地。最後我地兩個人都揀左龍躉海鮮餐。值得一提既係佢係你等主菜黎前就奉上一壺龍眼菊花花茶和四碗小菜，個人推薦它的峴仔芽菜，又甜又酸非常適合做前菜。跟住就要講下主菜部份。它是會遂樣海鮮由專人幫你放上蒸氣火鍋，確保食既時候新鮮滾熱辣。新鮮的花甲和基圍蝦爽口彈牙，而且由於蒸氣火鍋既關係食落可以保持到佢既水分，配合少許海水既咸味。以於它的另外一道菜日本豬梅頭肉，一嘗覺得清新特別，細問下原來是用霸王花的汁醃製而成。個人最喜愛和推薦的一定是元貝皇，連殼足足有成隻手更大，而在蒸氣製法之下，他能保持一種外硬內軟的質感，一咬就有極多既元貝汁流出來，有一種食小籠包既感覺，配合在殼上的元貝湯，真的是有一試再試的衝動。整體來說，除了時令七色時蔬和冬菇蒸雞在蒸氣的做法下略為乏味，如果可以在放到蒸氣火鍋前放一試調味會更佳。而且定價方面也可以低一點就會更加親民。但是整個海鮮餐來說都頗滿意。

渡船街燒烤火煱小菜乜都有！肥佬話星期六唔好咁辛苦出去食下飯拍下拖！佢平時都唔識搵食，就睇下佢今之搞咩先！圓方睇完戲就直衝去美食天堂-渡船街啦！肥佬拉左我入一間有蒸煱setting既餐廳。入到去由個茶開始我就知道今晚一定有水準！雖然要收茶錢，但真係好好飲！菊花圓肉杞子！等食物既途中送上小食，老闆話自家制！海鮮加左小小辣仲有脆口既牙菜！醒胃！肥佬就好欣賞個花生。E個畫面另我更加期待最後個粥！南瓜粟米瘦肉肥佬叫左個龍躉海鮮餐！一開蓋d鮮味湧出黎！師傅控制時間控制得好好！蜆剛剛熟唔老（因為當晚無花甲）蝦就非常彈呀！仲好多汁帶子裙邊原來咁好食！好甜好鮮！因為帶子肉太厚要熟晒又會令裙邊老！所以分開蒸！超有驚喜！到帶子.....師傅專登唔整全熟！好甜！又唔un ！到主角龍躉啦！平時食魚死都唔會食皮！但龍躉皮有好重膠質又唔腥！不過要落返少少豉油吊味！已經80%飽！但估唔到仲有驚喜！自家制鮮蝦豬肉餃媽媽的味道！大粒粒蝦！肥肉夠，令到隻餃好香口！皮薄！登登登登！精華所在！甜同鮮味十足！比滿分！如果多d人可以叫另叫海鮮！個粥應該再正！老闆話每日都唔同海鮮供應！當有仲有毛蟹！下次ladies 聚會等我sugg

今日去食私房御約，好特別，全部都係蒸海鮮！每個人298，就可以食到龍躉海鮮餐，全部都係高質蒸海鮮！.首先介紹嘅係係脹卜卜花甲同元貝皇連裙邊，一食就知食材新鮮。.之後上嘅喺日本放養豬梅玉，真係好食，少少肥豬肉，唔太油利但又滿足到我想食肥肉嘅念頭。.扎扎跳基圍蝦都係新鮮大蝦，蒸完有少少縮水，但鮮味完全無影響，好新鮮嘅蝦。.深海龍躉魚腩係我最愛既一道菜，係好新鮮嘅魚，仲有魚腩位，好滑好香，估唔到清蒸蒸到條魚咁好食！.自製鮮蝦豬肉餃皮好薄，料好多，蝦又大大隻，好食！手打墨魚滑鮮蝦滑一食就知係手打啦，因為好好食，好鬼彈牙。蟲草花紅棗冬菇蒸雞又滑又鮮味，唔會難咬，唔會多骨，係靚雞啦！時令七色時菜就無咩特別，都係普通疏菜～.拎走個蒸氣鍋就係南瓜粟米鮮排骨粥，好香南瓜香味，而且所有南瓜融晒落粥度，加上嫩滑排骨，正啦～

渡船街不嬲都係覓食好處，今次經過私房御約，見到裡面坐滿晒人。原來係食蒸海鮮，因為真係太耐冇食過所以好想試。好彩等左一陣就有位了。點了$298的套餐，包括了多種海鮮和粥底。除左點套餐，都仲可以散叫。前菜有花生、酸青瓜和芽菜蜆肉。細細碟好開胃。龍躉好香魚味，肉質結實，啖啖骨膠原口感。日本宮崎放養豬梅頭肉豬肉味好香，肥瘦適中，口感很好。手打墨魚滑及鮮蝦滑兩種都好好食。蝦滑味比較濃。，夠鮮味，而且好彈牙。元貝皇連裙邊分開裙邊同元貝肉來蒸，所以唔驚裙邊會蒸過龍。先蒸裙邊，食落好彈牙。元貝肉好柔軟，味道比夠清甜。時令七色蔬菜，有南瓜、雞脾菇、甜紅椒、秋葵、粟米、脆肉瓜及菜芯。蒸的蔬菜保持原汁原味。估唔到餃都可以蒸，韮菜餃餡料足。基圍蝦夠大隻，新鮮，肉質結實。蟲草花紅棗各菇蒸雞好滑，而且唔油膩。南瓜粟米鮮排骨粥，粥底好清甜。排骨煲到入味，完全唔鞋。套餐還包了一碗桃膠雪耳木瓜糖水，十分滋潤。用現金俾錢點套餐仲有折TIM，都真係好抵食。

有時候同朋友四處搵食，間中都有特別發現，好似今次咁就係呢到比我遇到佢！本先諗住食串燒，行過見到個價錢都好抵，主要有兩種海鮮餐選擇，今次吃了龍躉海鮮餐，食物上差不多有十樣東西，主打海鮮不得不讚嘅茶，菊花、杞子、龍眼肉，沖出來嘅茶入口甘香，未有美食前先刺激味蕾！開始進行今晚嘅美食前，店員將南瓜栗米鮮排骨入入蒸氣鍋內，最後就是一道超級美味嘅排骨粥跟住就蒸脹卜卜花甲，同扎扎跳基圍蝦一齊蒸，餐牌上寫嘅名同我見到嘅都真係冇花冇假！花甲隻隻大開後都係脹卜卜，入口彈牙鮮甜，最緊要係唔會食到有沙！而基圍蝦嘅肉真係爽口彈牙，超級新鮮！一陣間個蒸盤上嘅美食就一掃而空！幸好店員眼我們咁吃得，所以就已經準備好另一個美食，深海龍躉魚腩，其實望上去，似一塊塊魚柳，店員控制時間得非常好，魚腩肉入口鮮甜嫩滑，最緊要係魚腩邊嘅魚皮，好煙韌，充滿collagen，加埋少少嘅薑蔥去清蒸，真係鮮味十足！食完一輸海鮮跟住食返啲肉，日本宮崎放養豬梅頭肉，同手打墨魚滑及手打鮮蝦滑，一齊蒸，火力猛，不須一會，就可以吃得，梅頭肉肥美嫩滑，入口軟熟，重充滿肉汁，正！而個兩種手打丸都超級彈牙爽口，個人較喜歡墨魚滑，有墨魚肉粒好有口感！跟住就

很久沒有食過蒸海鮮，放工經過附近的渡船街一帶的餐廳，見到有間食蒸海鮮的，幾乎坐滿食客，水準應該不俗吧！店員先送上紅杞圓肉茶，感覺好養生。看看餐牌，除了套餐還可選擇單點的食品。我們點了$298的套餐，已經包括了多種海鮮和粥底。前菜都是自家製的，有花生、酸青瓜和芽菜蜆肉。都好好味好開胃。日本宮崎放養豬梅頭肉豬肉味好香，唔腥。加了肥瘦適中，咬落口感很好。扎扎跳基圍蝦基圍蝦夠大隻，好新鮮，肉質結實。深海龍𧄌魚腩龍躉好夠味，肉質結實，而皮脂像啫喱一樣，啖啖骨膠原口感。嬷嬷愛心韮菜餃估唔到餃都可以蒸，先用一塊菜墊底，就唔驚痴底。韮菜餃餡料足。手打墨魚滑及鮮蝦滑店員介紹先食墨魚滑再蝦滑，因為蝦滑味比較濃。個人覺得兩種都好好食，夠鮮味，而且手打至彈牙。元貝皇連裙邊店員仔細地分開裙邊同元貝肉來蒸，以確保兩者均不會over cooked。先蒸裙邊，見住裙邊慢慢縮細煮熟，食落好彈牙。元貝肉好柔軟，味道比夠清甜，不夠裙邊香。蟲草花紅棗各菇蒸雞雞好滑，帶淡淡蟲草花及紅棗味。時令七色蔬菜真的有七種不同顏色的蔬菜，有南瓜、粟米、甜紅椒、秋葵、脆肉瓜、雞脾菇及菜芯。特別喜歡南瓜，蒸完食落好甜。南瓜粟米鮮排骨粥用上南瓜

近年興起吃粥底蒸海鮮的熱潮, 之前吃過幾次, 多在堂皇的酒樓吃, 身邊有朋友大力推薦這間在渡船街這邊的小店, 好評漸漸慮積下來, 說真的, 地點有點不太方便, 吃為了吃到價錢相宜, 又有質素的蒸海鮮美食, 也是值得一戰吧。  餐前小食, 有點泡菜味的芽菜, 竟有蜆仔做配料, 花生咸香惹味, 還有酸蘿蔔, 好開胃。  有莞茜, 蒜蓉, 蔥粒, 辣椒粒, 豉油來調配個人口味醬汁。  這裡沒普通的茶, 供應的是這款杞子菊花元肉茶, 滋補清熱又明目, 味道好香, 不過不是免費的, 要收茶錢每位$10 。  我們選擇的是「龍躉海鮮餐」, 每位$298, 從價錢和內容看來, 相當抵食, 認真令人期待。 店員將整個鍋拿上來, 而粥底的材料一早存放於底下, 我們都沒看到, 到底是生米煮食熟粥還是怎麼樣, 製成品最後揭曉吧。 首先我們品嚐花甲和基圍蝦, 花甲非常鮮甜嫩滑, 並帶有咸香海水味道, 基圍蝦剝殼有點痴殼現象, 但卻不是不新鮮, 吃到味道好有蝦的鮮味, 這兩款海鮮原汁原味吃最好, 不用蘸任何醬汁。  接著是薑蔥蒸深海龍躉魚腩, 龍躉魚腩口感出奇的有彈性, 蒸魚魚肉本身較淡味, 所以我們家

區區嗜吃海鮮，但一直未有機會一嘗蒸氣海鮮，在友人推介下到了這裏一試。佐敦八文樓為臥虎藏龍之地，有不少有名食肆，且方便泊車，周末晚上很多食友出沒。餐廳座位不多，但光猛舒適。侍者先端上枸杞圓肉菊花茶，清熱明目，正合心水。侍者先把南瓜、粟米、排骨和米放在鍋底用蒸氣煮粥，令人期待。先來蒸基圍蝦和花甲。花甲鮮甜無沙，海蝦結實清甜，不錯。之後是薑葱龍躉腩。魚肉結實彈牙，鮮味十足。魚皮爽口有油香，配上薑葱醬油，十分滋味。蝦滑和墨魚滑鮮味彈牙，質素比很多火鍋店好。豚肉薄薄一片，肉質嫩滑，肉味濃郁。店員控制火候時間得宜，十分出色。一條條的是帶子裙邊，店員說裙邊快熟，所以和肉身分開蒸，十分細心。蒸起裙邊爽口不過韌，讚!肉身鮮甜，中間帶一點生，鮮嫩十足，火候同樣控制得好。跟著是一些蔬菜肉類。水餃菜多肉少，十分新鮮。蔬菜鮮甜，蟲草雞同樣嫩滑味鮮。粥當然不是很綿滑那種，但南瓜和粟米都令到粥底清甜，加上之前食材的蒸氣精華，十分不錯。甜品是桃膠雪耳木瓜糖水，清熱滋潤。蒸海鮮比起火鍋來得健康，且更能突出食材鮮味，且用心控制食物火候。索價298一位實在物有所值。

公司最近接咗個新地盤來做，所以我就經常喺柯士甸同佐敦食晚飯，今晚阿Sir請食飯，傾吓計飲下酒。附近搵到間食蒸氣火鍋既，Openrice 寫明現金有八五折，都真係幾好，因為有專人服侍首先有新鮮到扎扎跳嘅基圍蝦，隻隻都咁大，一樣咁新鮮，蝦肉鮮甜彈牙。跟住隻元貝王真係好大，啲肉厚到不得了，好味到我連啲汁都飲埋裙邊就分開蒸，好嫩滑。加左兩隻聖子王，唔錯！蟲草花紅棗冬菇蒸雞，啲雞同紅棗一齊蒸夠晒甜。仲有麻麻愛心韭菜餃，個名夠晒溫馨手打墨魚滑，口感夠晒彈性差唔多尾聲食返啲蔬菜食完晒所有正嘅餸之後，鍋底仲有南瓜粥，吸收晒所有海鮮同肉類嘅精華汁，夠晒軟綿綿夠晒好味最後最後有個之人嘅雪耳糖水，阿Sir果然好介紹

最近去左小儀街坊廚神介紹去食蒸海, 質素都幾好,無介紹錯!蒸海鮮只用蒸氣令食材煮熟，保留食材原汁原味，不加鹽、糖或油，夠健康, 鮮食材又較新鮮, 真係滋味無窮, 過足口癮海中蝦, 食落鮮甜多汁，肉質爽滑彈牙, 鮮雞肉肉質嫩滑，同連埋紅棗等食材一同蒸煮，味道不比海鮮遜色, 好味呀!肉類好JUICY, 因為滲出天然油分，係中間蒸煮的瓜菜可以吸收這些精華，變相令瓜菜食起黎更加有味食到最後個粥...食材的精華和水分會回流至底層, 鮮味十足仲連埋個雪耳糖水, 好滋潤!

天氣時冷時熱，無乜胃口！！朋友介紹左間係油麻地既蒸海鮮！！食過又真係幾鮮味wo叫左個平平地既2人餐~幾抵食！！最主要係夠新鮮有杞子菊花茶好潤口！！鮮蝦爽嫩清爽！！花甲好大隻脹卜卜~確實鮮味無沙龍躉魚腩~有一層薄薄既骨膠源皮層！！超嫩滑魚肉厚肉唔鞋口~蒸得剛剛熟配埋青葱薑絲~更入味日本宮奇梅頭肉，肉質嫩滑爽淋！有埋手打墨丸同埋蝦丸！細粒左dd但口感真係一港夠哂爽彈~元貝蒸得剛剛好好嫩個南瓜栗米排骨粥係我食過所有蒸氣鍋粥底最好食既一個夠哂甜，夠哂味吸哂海鮮精華！贏哂~~

好耐都冇一齊一班姊妹打麻雀，難得齊腳，一於由朝打到晚，晚餐唔使煩惱，因為樓下大把好嘢食。姊妹一早打咗電話來預約，有套餐有散叫. 我哋當然交給他發板，最後埋單大概每人只需要＄500。坐低飲咗杯花，茶店員已經開始幫我地整海鮮，全程唔使我哋動手基圍蝦夠晒新鮮又鮮甜。開哂囗嘅花甲，唔會有沙，啱啱熟，口感嫩滑。龍躉魚腩，多肉少骨，啱晒我懶人食。魚嘅鮮味飛晒出嚟，龍躉皮夠晒骨膠原仲叫咗一隻龍蝦添。鮮甜多汁，肉質又好彈！仲有好多膏添！女人想靚梗係要食多啲菜啦！紅椒南瓜同粟米都係我最愛最後食埋碗粥，夠晒滿足!雪耳糖水更加係滋潤入心

以前食過一兩次蒸海鮮，都係要好多人一齊食先抵，但今次依間海鮮，佢已經預設左每一個人嘅份量，就算一兩個人食都可以試到好多唔同款嘅海鮮未食海鮮之前，會預先沖好杞子茶俾你飲，好好嘅服務前菜係醃青瓜，好好味好入味啊，我地都refill左幾次開始食啦！首先係花甲同蝦，好大隻好鮮甜呀之後係龍躉魚腩，一人有兩塊，依個真係高質，魚腩仲有少少肥膏，滑得黎唔會太油墨魚滑同鮮蝦滑，好新鮮，一食就知道好足料，唔會好似出邊嗰啲加左好多分係入邊之後就係元貝裙邊同原隻元貝，嘩睇下幾大隻！之後就係蒸雞，蔬菜，同餃子，未試過咁樣食蒸餃子，原來咁樣蒸都好好味，啲肉汁鎖晒喺入邊，啲蔬菜唔使落任何調味料好鮮甜最後梗係唔少得南瓜排骨粟米粥啦，完全吸收晒海鮮嘅鮮味，一人食到兩碗到

近日天氣又冷咗，想搵D熱辣辣又暖胃嘅嘢食，咁就搵咗蒸氣火鍋食貪佢有多款選擇，今次就去咗佐敦呢間私房御約。呢度仲有其他菜式可以散叫，我地見到套餐食材都幾豐富所以就點咗龍蝦美國西冷海鮮餐粥底係南瓜粟米鮮排骨先來係基圍蝦&花甲爽口鮮甜蝦肉大隻彈牙 ，再來深海龍躉魚腩，魚肉肉質豐厚嫰滑入口滑嘟嘟不用點醬汁已經好鮮味鮮甜聖子皇&元貝皇size夠份量肉質鮮甜多汁又彈牙，連埋汁一齊入口夠晒鮮美國頂級西冷肉裏透紅厚厚油脂慢慢滲透出來入口鬆軟甘香波士頓龍蝦生猛又大隻，蝦膏鮮甜juice,蝦肉爽口彈牙，簡直食到口唔停蟲草花紅棗冬菇蒸雞 蟲草花清爽，紅棗爽甘甜，雞肉肉質鮮嫩可口時令七色時蔬有秋葵&南瓜&粟米&紅椒& 翠玉瓜&菜心同雞髀菇，食完可以中和腸胃最後就係整晚精華提煉出來南瓜粟米排骨粥粥底鮮甜，米粒香綿，排骨滑嫰，食完一碗又一碗簡直回味無窮再來食埋桃膠雪耳木瓜糖水，真係食到肚仔飽飽才回家，仲有呢度服務周到全部都係由店員安排餸菜先後次序同時間分配所以不會蒸得太耐