綠茶餐廳 (希慎廣場)

营业中

休息中

餐廳擁有江南風雅景觀，主打新派浙菜~龍井烤雞三黃雞金黄焦脆，內裡味香肉嫩，外皮香脆，散發出淡然甘香的龍井茶香、煙熏香。粉絲裹蝦即時計時加熱，睇住啲生蝦變成橙色就食得之後店員會幫手撈勻～令到啲蒜蓉分佈四圍，粉絲每條都吸曬惹味的醬汁。醬椒蒸白條屋企人唔太食到辣，改咗清蒸更能食到魚的鮮味。魚肉帶粉紅色，口感鮮嫩、肉質細膩，冇魚腥味～茶香奶涷清香解膩，甜美香醇。海苔松仁麻球其實係煎堆仔，內裏係綠色的海苔餡料，香氣四溢。近期更推出多款新菜式，例如：板栗燒鴨 、杭椒毛豆炒牛肉 、蝦湯泡飯 、三色燒椒杭茄、桂花糖水板栗和江南綠茶餅等。

餐廳位於希慎廣場的12樓，門口擺放了一座古箏，氛圍優雅而放鬆，讓人仿佛置身於江南的水鄉。餐廳內的設計融合了現代與傳統元素，柔和的燈光與清新的植物裝飾，營造出一種自然舒適的用餐環境。輕柔的音樂伴隨著談話聲，讓人感到愉悅而寧靜。西湖桂花藕粉 $28這道甜品以藕粉為主角，口感細膩滑順，搭配著桂花的香氣，帶來清新的滋味。每一口都如同品味江南的細膩與柔和，令人心情愉悅。紅酒糟圓子 $38紅酒糟的獨特風味，搭配圓子柔軟的外皮，裡面裹著香甜的黑芝麻餡，讓這道甜品更添層次感。茶香奶凍 $28奶凍以茶香為主題，清爽滑嫩，茶味濃郁，口感細膩，入口即化，甜而不膩。龍井烤雞 $138店員會點燃竹籠下方的龍井茶葉，讓龍井茶的香氣融入雞肉之中，散發出濃厚的茶香。烤雞外皮烤至金黃酥脆，內部鮮嫩多汁，非常好吃。黑松露牛肉炒飯 $88每一口炒飯都充滿了豐富的安格斯牛肉香味與黑松露的奢華口感，散發出迷人的香氣，令人果腹滿足。高湯蝦乾煮時蔬 $58清淡的高湯搭配新鮮的炒小白菜，蝦乾的鮮香非常提鮮，健康又美味。宋嫂魚羹 $48鮮美的魚羹湯底，湯汁清澈而富有層次感，溫暖脾胃。精緻的江南風味佳餚固然令人垂涎，但也不少得要搭配一壺

一直都好鍾意去「綠茶」，主打新派淅菜，鐘意佢裝修靚坐得舒服🪑，好味又抵食🤤！每款小菜價錢大眾化，有特色之餘亦好味，而且成日有新菜式👌🏻上次嚐試咗一些經典菜式，今次就試一些新菜式蝦湯泡飯 $88超好食👍🏻濃郁金湯以新鮮大蝦熬製，呈鮮橙色，再加入飯泡湯吃，粒粒香米吸收了蝦的鮮甜，再附上米通增加口感，非常味美，必點推介👍🏻醬椒蒸白條 $148每次都會點，呢條魚十級滑溜且鮮甜，加埋醬椒調味，真係好好食，下飯一流。（不過要留意係勁多骨😆）三色燒椒杭茄 $58來自杭州的杭茄，肉質軟棉，搭配熏燒過的三色椒碎粒，煳香味濃。板栗燒鴨 $118秋冬必食的家常菜，板栗香甜飽滿，燒鴨肉質鮮嫩，味道偏濃郁，同樣是下飯一流。狀元芋頭煲 $88一片一片的芋頭煲至幼滑，入口即化，搞拌後變成芋泥，中間加入了五花肉，每口都是肉香和芋香，下飯一流！

最近去銅鑼灣試咗間新開嘅中菜餐廳—綠菜，主打茶葉入饌嘅菜式，成個用餐體驗幾特別。首先茶揀左龍井綠茶，清香爽口，茶味唔會太重，正好解渴同開胃。之後上嘅係龍井烤雞，雞肉夠嫩滑，龍井茶嘅香氣滲透得好自然，帶少少回甘，好有層次感。粉絲裹蝦真係出乎意料，外層炸得夠脆，裡面嘅蝦夠鮮甜，再加埋粉絲，口感豐富。麵餅醬香五花肉係嗰啲可以一塊接一塊食嘅菜，五花肉肥瘦剛好，脆卜卜，醬汁唔會太鹹，夾埋麵餅一齊食，啖啖滿足。江南茄子煲都好好食，茄子煮到淋身，仲吸咗好多汁，食落香甜可口，完全唔會覺得膩。最後嘅茶香奶凍係一個好完美嘅收尾，口感滑溜，帶住淡淡嘅茶香，食完唔會覺得太甜或太膩，算係一個好清新嘅甜品。成體驗唔錯，對於鍾意中菜但又想試新口味嘅朋友，呢度可以嚟試下！

這晚在希慎發現一家排隊人潮眾多的浙江菜餐廳價格相宜久未品嚐中菜就進去嘗試吧服務員態度親切•ᴗ•店內環境清幽古色古香的裝飾令人放鬆⋆˚✿˖°⟡‧₊ 粉絲裹蝦 ($108)服務員會在食客面前將蒜蓉生蝦和粉絲放入煲裏再倒入醬油加熱粉絲吸滿了醬油的味道蝦肉彈牙非常惹味.𖥔 ݁ ˖ ⟡‧₊ 龍井烤雞 ($138)這道招牌菜的特別之處是在三黃雞底下鋪滿龍井茶葉為烤雞增添一份淡淡的茶香雞肉肉質嫩滑淡淡茶香撲鼻每一口都讓人回味( ˘ ³˘)♥⟡‧₊ 東坡仔排 ($148)排骨炆得很入味糖醋味道恰到好處配飯一流份量也相當足夠令人滿意 ⟡‧₊ 高湯蝦乾煮時蔬 （$58）以高湯蝦乾煮的白菜清淡鮮美白菜吸收了湯汁的精華帶點蝦乾的鮮香很有住家菜的感覺 ♡︎

超人氣過江龍綠茶餐廳，環境優雅，米芝蓮名廚打造新浙菜，古典氛圍中品味江南風情。龍井烤雞是必試的招牌菜！ 三黃雞外皮金黃焦脆，散發著陣陣龍井茶香和煙熏味，令人垂涎。先端楚原隻烤雞作觀賞，然後細心切開，方便食用。雞肉保持了嫩滑，連雞胸肉都好軟腍，讓人驚喜。另一道人氣菜式是粉絲裏蝦，在加熱的過程，看著生蝦在鍋中變成橙色，香氣撲鼻。粉絲吸收了蝦的鮮味，味道鮮美飲湯就要試吓西湖蓴菜斬魚圓，魚湯味道清甜，滑嫩的蓴菜口感似啫喱。小食還有～櫻花蝦小土豆，香脆可口，搭配櫻花蝦的香氣，辛辣刺激的口感讓人開胃。甜品～紅酒糟圓子，紅酒的香氣與糟的酸甜味相互交融，口感獨特。

享譽姓名的江南特色的中菜館：綠茶，相信大家都有聽過不用再人迫人過關舟車勞頓，留在港都可以享受美食位置首間綠茶香港分店率先在銅鑼灣希慎廣場12樓開張大吉，是日美好美食當前，口水當道環境淺木系及雲石相映生輝加入綠植綠草如茵的店面，令用餐空間摩登又寫意古色古香的佈置，充滿中國色彩播著古典樂曲下一嚐美食佳餚配動人心弦旋律，恍如置身古裝片的小茶館茶芥 $12/人客官來綠茶，飲龍井綠茶淡淡的茶葉，解膩消滯我地叫左：龍井烤雞 $138上桌茶香入魂，烤雞外皮酥香承載烤雞的木盤底部有龍井茶無間斷煙燻將龍井茶葉香氣注滲進烤雞鮮嫩雞肉汁齒頰留香，江南風味令人神往砂鍋西施豆腐 $88砂鍋釀豆腐卜滋卜滋跳動，質地軟滑濃厚芡汁掛上鮮味豬肉碎及小蝦仁襯托豆味更別樹一格小二兩個白飯，撈飯食一流東坡仔排 $148古有蘇東坡吟詩作對成就東坡肉，後有現代人繼續發揚光大甜酸排骨肉質軟嫩鬆化，醬香濃郁小燭台保持肉排和和暖暖溫度江南定勝糕 $28 相傳源於南宋時期的浙江名點米榚內餡係棗泥，打卡一流平日weekday夜晚7點已經車水馬龍，想試既朋友仔都要早啲黎排隊～～真係欲擺不能

《古色古香淅江菜🌿》———————————————-#綠茶餐廳 🍵 -呢間綠茶餐廳喺大陸好出色，獲獎無數🏆今次嚟咗佢第一間喺香港嘅分店，質素都好唔錯👍🏻-🐽 東坡仔排東坡肉排放係蠟燭上面烘住，keep到個溫度，每件都係一口size，加上用咗酸酸甜甜嘅醬汁，非常開胃～-🍤 粉絲裹蝦店員先將倒上醬汁入煲仔，再蓋上蒸6分鐘，粉絲同埋蝦仁香氣撲鼻，蝦仁肉質鮮嫩彈牙，而粉絲索晒啲精華，撈飯一流🍚-🍞 麵包誘惑麵包外層烤得香脆，內層麵包粒粒非常鬆軟，沾上雲尼拿雪榚同蜂蜜咁一齊食，冰熱感覺好有特色😍-🦐 蝦湯泡飯選用新鮮蝦精心熬煮而成，呢款特制蝦湯夠哂濃郁😝-🍵 綠茶餅甜品都好典雅，綠茶整嘅外皮香脆，佈鋪芝麻粒，內裡包住口感軟綿嘅芋蓉，層次十足😊-⭐️ 參考價錢︰東坡仔排：$148粉絲裹蝦：$108麵包誘惑：$68蝦湯泡飯：$88綠茶餅：$28龍井綠茶：$24🍌抵deal 指數：7/10

女兒放假陪我去銅鑼灣shopping,買咗戰利品就同我去食晚餐，佢話希慎廣場開咗一間餐廳，有朋友食過好好味，叫我去試吓！綠茶餐廳佔地近2,000平方尺，座位寬敞，並以「風清竹影」為主題設計，清新幽雅。主打新派淅菜！入座後即送上龍井綠茶，濃度適中，清香撲鼻。龍井烤雞：選用浙江龍井茶葉，加以秘製醬汁醃制，再經過熏烤過程，雞肉烤到皮脆嫩滑，入口帶陣陣茶葉香氣。店員會將原隻烤雞上枱給客人手機食先，之後再拎返入廚房切件再上枱，方便客人食用。粉絲裏蝦：選用優質蝦仁，底部以粉絲鋪墊，加入秘製金銀蒜，上枱後用明火煮五分鐘，撈勻就食得，粉絲在烹飪過程中吸飽蝦汁精華，以粉絲包裹蝦肉，吃一口肉質鮮爽實彈牙，蒜香濃郁。雪菜酸湯魚片：湯底味道香濃，酸中帶微辣，魚肉無骨．口感爽滑，還有雪菜、腐竹、豆芽等吸收了湯汁，份外美味！甜甜的綠茶餅有香濃的綠茶味，外面有一層芝麻，裡面是芋泥餡，外脆內軟好好味！茶香奶凍：奶凍上面有一層香脆既焦糖，味道香甜，同奶凍一齊食，除咗香綿軟滑,茶味香濃，更添一份甜味！

呢晚嚟咗銅鑼灣新開嘅呢間浙江菜，餐廳明亮簡約，都有幾多特色嘅菜式，吸引唔少人嚟幫襯，平日夜晚都見到要等位🤨龍井烤雞呢個係店鋪嘅其中一個受歡迎嘅菜式，店員先上菜俾我地打卡，然後再幫忙處理，切開件上，方便食用🐥 烤雞外皮香脆，入面嘅雞肉夠晒嫩滑juicy😙 食落口仲有淡淡嘅龍井香味，不過再重啲就好啦🍵粉絲裹蝦見到幾乎每枱都嗌呢一個粉絲蝦煲，店員合先將倒上醬汁入煲仔，再蒸6分鐘，將粉絲同埋蝦仁煮熟，過程中香氣撲鼻🥰 粉絲嗦晒啲蝦嘅鮮味，真係好正，價格定位相宜。東坡仔排餐廳嘅設計好貼心，用上咗一個蠟燭，咁樣可以保持東坡肉排嘅溫度🤩 東坡肉排每件切到細細粒，近骨嘅肉真係特別嫩口🐷 加上用咗酸酸甜甜嘅醬汁，一啲都唔肥膩。江南綠茶餅呢個係餐廳嘅新出品，真係一個抵食推介😜 $28有四件，每件都有綠茶整嘅脆皮，入面就有一層好軟綿綿嘅芋蓉，再加圓圈嘅周圍沾上咗芝麻，口感層次十足。呢間浙江菜都算幾抵食，菜式都唔係咁多餐廳會有得食，都算係呢間餐廳嘅一大優點👍🏻

提到浙江菜，一般都覺得高級食府才會吃得到，而我最近就搵到間餐廳，性價比非常高位於銅鑼灣嘅《綠茶餐廳》，主打浙江菜，加入新派元素提供多款菜品，廣受歡迎，平日晚上都座無虛席。除多款令人回味嘅經典菜式之外，最近又推出七款新品🥢龍井烤雞 選用浙江龍井茶嫩芽，將原隻三黃雞烤熏，外皮金黃焦脆，內裡肉質嫩滑之餘，還滲出淡淡龍井茶香🥢蝦湯泡飯 以新鮮大蝦熬製成金湯，加入米飯成泡飯，米飯吸收了蝦的鮮甜味，最後可加入脆米來吃，口感和味道都非常豐富🥢粉絲裏蝦 店員會即場烹煮，大蝦爽口彈牙，滿滿蒜蓉味，粉絲亦吸收了醬汁，非常惹味🥢麵包誘惑三層高嘅麵包磚，面層烘至金黃酥脆，麵包切成粒狀夠鬆軟，再沾上冰凍嘅雲尼拿雪糕，冰火交融，完全係極致享受🥢江南綠茶餅用上江南綠茶葉做成麵餅，再鋪上芝麻，口感外脆內軟，這款新品絕對不要錯過！

聽聞有間內地過江龍餐廳😍在大陸有370間分店㊙️餐廳無論員工，環境都充滿古典風味，全部佈景佈滿竹林植物🎋好有詩情畫意，等位的時候仲有一位女士彈古箏💯好有風味，絕對值得大家來試下😍 呢到的招牌菜包括麵包誘惑、綠茶烤雞、石鍋西施豆腐等等…🔥龍井烤雞🍗店員先讓客人看看完整的烤雞，先會將它切開的，木盤底部有龍井茶煙燻，將茶葉清香慢慢透入烤雞之中，外皮金黃酥脆，內裏鮮嫩多汁，真心好好食，CP值超高，難怪係招牌菜之一✨🤤🍤粉絲裹蝦店員會係你面前烹調🔥，首先澆上特製醬汁，煮大約6-8分鐘，粉絲索哂醬汁，蝦仁彈牙又多汁，增加爽彈口感✨❤️蝦湯泡飯🍚鐘意海鮮應該會覺得好滿足，湯底超濃郁，小朋友都好鐘意，食左兩大碗板栗燒鴨🦜有少許微辣，板栗清清甜甜，配上肥美的燒鴨，有雙重的味蕾🥰茶位每人$12(紅茶、綠茶)整體價錢比中菜館便宜✅今次一家四口去潮醒，放工後有三大老闆接收工，大家都食得好滿足，下次再試下佢的甜品先😋綠茶餐廳 @greentea_officialhk 📍銅鑼灣軒尼詩道500號希慎廣場12樓1202號舖#銅鑼灣美食 #銅鑼灣餐廳 #銅鑼灣中菜 #希慎廣場 #中國菜 #綠茶餐廳 #causewaybay

8點都唔係好晏姐？！乜都無曬，總共就個五十幾項食物，計埋你汽水，可樂。有5,6樣嘢係已經售罄？香港限定-定勝糕又無，就係見招牌，想嚟食。唔講以為喺海外，限唔限都食唔到㗎啦⋯⋯話7點賣曬，明知招牌點解唔整多？？不如加多句中午限定。僧多粥少，玩飢餓營銷？好嘈，成個環境都好嘈。早晨酒樓，5點街市冇分別，你要傾偈，chill下唔好嚟。頭都就嚟爆，耳膜嘅衝擊。所有食物都好咸同辣。腎病患者，謹慎食用。不如唔好花咁多精力係服裝度，整好啲嘢食，整頓啲態度。同埋啲侍應態度都麻麻。仲係咁打爛嘢，傾偈最開心反工就唔認真。

人氣內地浙江菜「綠茶」，登陸香港銅鑼灣～平時深圳太多人排隊都未有機會食到～今次則係本地食得到，平日晚市要排隊，但唔算等好耐～而且Menu中有「🌟香港限定菜」！呢點有誠意同吸引🤩綠茶經典菜：🍗龍井烤雞/🦐粉絲裹蝦/🥢砂鍋西施豆腐🍗龍井烤雞大推！🌟以龍井、桂花同糖燻製而成～一開蓋非常之香，香氣撲鼻～仲醃得好入味，雞皮香脆，肉質保持到嫩滑～就算係我鍾意食雞胸位，都係多汁Juicy唔會鞋口😋至於🦐粉絲裹蝦同砂鍋西施豆腐，都係🔥超級熱辣辣上枱～前者即場開爐烹煮12分鐘，侍應會過嚟幫手撈勻～開背蝦夠彈牙，但最吸引都係粉絲，入曬味勁正👍🏻後者砂鍋豆腐，豆腐嫩滑，配上有咬口嘅肉粒等配料，一脆一嫩，絕佳配搭～香港限定：🌶️三色燒椒杭茄/🐮東坡小牛肉/🐷面餅醬香五花肉香港限定菜式都有好幾款，燒椒杭茄冷盤嚟，3色椒帶出唔同感覺嘅辣味，辣辣地好惹味🔥東坡小牛肉，以東坡肉嘅做法但換上牛肉，牛肉味濃亦都好軟冧，配上咸甜嘅醬汁，精緻嘅一件都已經滿足～至於醬香五花肉係好有驚喜之作🌟佢係片皮鴨+咕嚕肉嘅合體變奏版～入面嘅肉換上炸過脆口嘅五花肉，配上餅皮青瓜絲等解油膩～好食到1個人都可以清1碟😜甜品：🩷西湖桂花藕粉/💚海苔

餐廳環境好靚，模仿杭州山水景物，別有一番風味。龍井烤雞烤雞外皮金黃，鍋底有龍井茶葉煙燻，散發茶香，等雞隻吸收香味，就可以叫服務員幫手剪開雞件，方便食用，入口外酥內嫩，雞肉多汁，茶香與肉香融合，很高質。麵餅醬香五花肉入口有點似片皮鴨，白雪雪嘅麵皮包着五花肉，醬香入味，麵餅柔軟，肥而不膩，入口甜甜地，濃郁又鮮香。金沙雞翼連鹹蛋黃一起炸嘅雞翼，外皮厚咗少少，勝在金黃酥脆，很有鹹香。狀元芋頭煲圓潤嘅芋頭切片，非常軟糯，入口即化，每一片中間都夾住滷過嘅五花肉，濃郁嘅醬汁香氣撲鼻，很Juicy，個人覺得係必食之一🥰甜點～西湖桂花藕粉淡雅粉色，點綴著黃澄澄桂花，令人眼前一亮，入口滑嫩細膩，甜味適中，很清香。近排出咗新菜式，以秋季為主調，有板栗燒鴨、蝦湯泡飯、三色燒椒杭茄、桂花糖水板栗等等