緻素坊

营业中

休息中

是日平日來到一間已經食過幾次嘅餐廳食晚飯。訂了晚上七點嘅枱。晚餐時間越看餐牌嘅美食就越肚餓：🥙麻婆豆腐第一次食呢間嘅麻婆豆腐，賣相已經好吸引，䇜汁稠度啱啱好，豆腐滑而入味，味道有層次，微辣嘅味道提升了整道菜，而且好送飯，最後要叫多個白飯，依然令人胃口大開！🥙咕嚕猴頭菇保持水準，口感實在，醬汁唔會過酸，與甜味好平衡。🥙榆耳果仁炒飯炒飯份量偏少，有鑊氣，飯同果仁一齊食，口感好豐富。最後叫左兩碟炒飯，但依然食得曬，無浪費食物。🥙蜜汁叉燒每次都必點嘅餸菜，賣相同味道都神似真叉燒，好味道。🥙有機番薯淮山浸時蔬食材新鮮，如果份量多啲就最好啦。🥙黑松露炒麵絕對有驚喜，炒麵有鑊氣之餘，麵質唔會炒到一餅餅，黑松露嘅淡淡清香加埋芽菜嘅清爽同炒麵好夾。🥙金箔棗蓉糕最後來個甜點作結，棗蓉糕層次分明，煙韌度剛好，重點係唔會太甜。食飯期間係座無虛席，見到有外國人都唔少。

有朋友是素食者，所以久不久出來聚會時也刻意找提供素食的餐廳。這次在電視上看到此店的介紹，覺得不錯，今天過來試試。這店人氣盛，怕等位，提早電話訂座。星期日的早上11:00準時到，餐廳已有幾檯客。餐廳佈置古雅，門口有一個大屏風，中間掛上福字，兩旁掛炮仗，喜慶十足。向街的那列窗也貼上中式的掛飾。一位印度人的經理在訂座薄上找到我的訂座資料後引領我們入座。餐廳的面積不大，檯與檯近，不過我們三人坐一張四人圓檯較寬廣。翻看像畫冊一樣的餐牌，餐牌顏色綠色為主調，讓人看得十分舒服。不看餐牌又有另外一張點心紙可選點心吃。我們主要吃點心，點了五款，然後加了一碗麵。川式擔擔淮山麵，麵條順滑，湯底是平常吃的擔擔麵那種味道，有花生醬的香味，少少麻辣的口感，素肉粒也經過烹調，有味道的。黑松露野菌餃，一，體積偏細，餃皮做得薄，可以看到包裹著的野菌。黑松露的味道較淡，不太吃得出來，其餘菌類口感爽。香菇燒賣，一籠四粒，每粒上面都放有杞子，內層是雪耳、木耳等菌類，燒賣皮把材料包得扎實不鬆散，吃起來口感佳。靈芝菇素腸，一碟有六件，腸皮油潤軟滑，靈芝菇爽口。四寶滑雞紮，一籠有兩件，用腐皮去炸的雞紮看上去材料充實，打開來看有雪耳

難得係尖沙咀找到一間素食點心餐廳，地點亦容易搵，滿心期望去嘗試. 🙈可惜整體服務態度太差，唔會推介俾朋友或者再去食. 素食點心質素還算可以, 份量偏細、中位價錢. 0 服務🙊而且餐廳衛生環境一般，同佢哋個社交平台 ，Post 既食物同餐廳環境相，完全兩回事😅其中一個長髮女侍應態度好差，禮貌地問佢有冇lunch set menu ，佢用非常晦氣既嘅態度及好大聲回覆. 接近落場時間，佢已經不斷想趕你走. 其中一位男侍應，話3:00pm 打後主煮餐牌冇得再叫，只可以嗌點心纸既食物，到3:00pm後，我哋想再嗌多一款點心或者甜品，同一位女侍應過嚟，態度好差同我哋講，冇得嗌㗎啦一早同咗你哋講啦. OMG中伏餐廳名單中🫠😅

好想試呢一間素食，咁多好評，不過真係冇期望冇失望！除了叉燒比較好食，其他都是份量少，味道麻麻地，性價比不高！有位樓面呀姐推介黃其扒$168，咁就試吓，不過中伏，又冇味，好似蒸嘅碌由皮，my god!至於招呼，又唔係咁差，一般般，老闆就幾好，行來幫我哋影相。9點3 有個男夥計攞張單擺喺張枱度，跟住講（9.9要埋單離座）真係倔擂槌啊，唔該，多謝都冇句😓希望老闆知道，可以改進吓啦，生意會好啲！

其實佢哋食物嘅賣相同味道都唔錯，但我唔會再去，因為員工俾我哋feel 到怨氣十足。🙂‍↕️我哋當日book咗位，姐姐叫我哋等陣，咁我哋咪等吓。點知門口位係出餸位😅然後就俾佢哋個疑似阿頭：借借丫！好！終於可以入座，佢哋幾得意！每個人經過都幾多手，有少少強迫症。我個杯放左放右，其實冇乜所謂啫吓fa~ 只要響枱上咪OK囉，佢一定要郁吓枱上嘅嘢，行過又推一推我哋旁邊張凳，但係好明顯唔係推正佢。放食物落枱上嘅時候，明明只係一碟炸春卷或者燒賣，點都唔會超過半磅，佢放落枱嘅時候，好似舉完重啲大隻佬掟啞鈴咁！唔係好願意同你個茶壺添水都算，離遠聽到其中一個侍應響收銀處好大聲咁講其他同事嘅不是，講佢自己幾唔滿意。當然，唔集中精神嘅人，做嘢就容易錯，埋單嘅時候，佢俾咗好遠張枱嗰張單我哋。隔籬枱就話撈亂，嗰張枱飛到去窗口，都有得亂？咁理所當然，佢哋冇道歉，埋單亦冇講多謝。😒

姨甥女睇到網上介紹這間餐廳食物好食，家姐係素食者及就嚟生日，姨甥女即刻打電話去訂位，訂位都要訂2個星期。這間素食餐廳食物質素係好食，但係侍應趕收碟，即係等於趕收工，趕收工即係趕人走先評論食物質素我哋4個人，叫左7個點心，二碟炒飯及炒麵。欖菜炒飯唔多油，粒粒分明，好味黑松路炒麵，好食，豉油不是死甜，有咸味。好多酒樓都係死甜豉油味點心，雞扎包住有粟米芯，冬菇，猴頭菇好味。素蝦餃質感同真蝦餃是一樣，好好味春風得意腸，咸水角，小籠包，帝苗餃都好食手撕杏鮑菇炸得夠香脆。整體食物質素係好食。但係炒麵隻碟剩餘細半碗嘅炒麵，個男侍應不聲一響就收走，我哋即刻同佢講仲有，仲要食呀⋯⋯佢先放回個杏鮑菇碟上還有碎炸，我隻手仲揸住對筷子，剛剛放入口，碟上還有，又係佢，又係即刻收走咗隻碟，他唔須要30秒，行去我哋張枱，只係講一句，食物上齊，就開始收枱面上所有餐具。我真係好想問你哋係唔係2點趕收工。火都嚟

今年生日去咗尖沙咀緻素坊食素。我哋叫左六個點心：荀尖蝦餃😉正正常常，味道OK，不過我就覺得size 細咗少少！香菇燒賣🤩香菇味濃厚，加埋素肉剛剛好，好好味！四寶滑雞扎🥳四寶就係大大嚿雪耳，粟米芯，冬菇和猴頭菇，雪耳和猴頭菇都好入味、好腍，仲有輕微的沙羗味！雪山叉燒包🤭如果叉燒多番啲醬汁，就會更加好味！春風得意腸 😁腸粉包裹着油炸鬼和蔬菜絲，腸粉厚度適中，油炸鬼非常脆口！脆皮蘿蔔糕😜即叫即炸的脆醬加軟綿綿的蘿蔔糕，喜歡炸物之選！總括嚟講，係一間值得一試嘅素食點心！整體服務都唔錯。未到午飯時間，都已經滿座。如果帶同長輩嚟食飯，記得訂位啊！🤓🤓

#尖沙咀美食 #素食🍽秘製叉燒💰118⭐️緻素坊📍尖沙咀廣東道120號海威商業中心7樓==============================📝初試中式素食，有啲驚喜喎。依份素叉燒似平時半肥瘦個隻，唔講真係唔知係素。份量唔細，仲要有焦邊，好正。至於其他菜式，叫左酸菜魚同片皮鴨，依2樣都唔係太合口味。環境方面，目測全場爆滿，建議想試一定要book枱。💫⭐️⭐️⭐️可以一試

我們8人食飯，埋單16XX, 人均200+，因為其中一人遲到，我們7人已開始不停點菜，都有成三至四輪，每次叫兩三個菜，到第三輪時，待應已開始比面色我們，點菜時，我見隔離枱有碟炸物，型狀似炸生蠔，我只是形容話似炸生蠔，待應已不悦回應我，”呢度食齋”，😡😡😡😡😡，所以之後我們無再點菜，直至遲到的朋友到才再點菜，此餐廳食物不是頂級，勝在食物上枱夠熱，但如此招待，我們會不再去這餐廳，外面有更好啲，招呼不會像這樣！

同老公慶祝生日，平日晚上食晚餐，因為家中準備了蛋糕，只點了4個菜，當中有出名的素叉燒及脆炸蘿蔔糕，另外仲有老公中意食既炸菇及素叉燒炒河。炸菇的炸粉稍為多了一點點，不夠薄身，已經做得好好食，可惜以前食過另一間更出色，有點比下去了素叉燒夠甜夠燶邊，厚身飽肚，呢個價錢有呢個質素，對得起價錢脆炸蘿蔔糕外型似炸蠔，夠特別，不過食完要飲多杯綠茶或涼茶去清熱炒河夠鑊氣，份量都足，唔錯整體食得滿意，美中不足係綠色蔬菜類較少選擇，如果可以有灼菜或炒菜會更好。另外，環境較普通，不適合打卡，想社交平台 tag呢間餐廳原來搵唔到😅可能間餐廳太務實，果然係non-IGable

今日Green Monday ，朋友尖沙咀帶樓上素食，1時許冇訂位，食店見我們一行5人，很快就給了一張圓枱卡位位置。手撕吉飽菇$72~這個作為下酒小食相當一流，估唔到在齋舖遇上⋯⋯春風得意腸$46~内裡的油炸鬼未見脆口，失色。脆皮蘿蔔糕$72~熱騰騰的炸物，大家都很喜歡，脆槳厚身，但蘿蔔內心仍熱騰騰吸引。金邊帝苖餃~原先是一籠三隻，由於我們一行5人，可以另加兩隻，不用點兩籠，夠彈性，一讚。皮薄多菜，正齋滷味三寶$58~大家都覺得無論以賣相及味道都略見失色。欖菜肉鬆炒飯$108~飯炒得未夠乾身，頗油。最後還有一個健康菜肉包，可以選或蒸，大家起筷快到忘了相機食先⋯⋯整體來說朋友原先打算星期一食素清清哋，殊不知大家喜點炸物，新派素食點心，而且在樓上店，Green Monday 又多一個選擇。

用網上外賣平台嗌外賣自取，夠鐘去到先話漏咗，啲員工都冇諗住同我解釋淨係喺度同自己人講嘢，咁我咪同佢講係咪漏咗單啊？我再返嚟啦。之後再等多20分鐘，夠膽同我改咗我個order嘅食材，冇諗過要問吓我，直接逼我接受，呢間唔係Omakase餐廳囉，有冇諗過要尊重客人嘅意願？ 因為我已經等咗好耐仲來回過兩次，已經好攰好肚餓，所以冇同佢坳就走咗。如果一早有問我，我就直接退錢啦，根本就唔係我想食嘅嘢。之前已經幫襯咗好多次，冇諗到啲service會變到咁差，未必再有下次。

屋企人想食素，家姐揾咗呢間餐廳🍴最有驚喜絕對係蜜汁叉燒 $138🤪 真係可以話好食過好多真叉燒😛黑松露炒麵 $128 - 我覺得好好食，不過本人好中意食黑松露🤪椒鹽豆腐 $75 - 整得好好食😋 外脆內軟😛齋鹵味三寶 $58 - 雖然每種味得三至四嚿，真係略貴，但佢嗰咖哩齋絕對有驚喜😝糖醋松子鮮斑 $128 - 芋頭魚，厚咗啲，但嗰皮做得幾好🤔緻素坊素鵝 $138 / 手撕杏鮑菇 $72 / 乾煸欖菜四季豆 $78 - 一般🤔 可以放棄咕嚕猴頭菇 $138 - 好有驚喜，都好真😝不過雖然得11枱，但係服務質素麻麻地，可能因為人手不足，叫加水好耐都做唔到🥲 枱啲空嘅碟都無人主動收，不過佢哋嘅態度都唔差嘅💁🏻‍♀️呢到有一半係外國人，一半係本地人🤔 用性價比嚟講呢度好值得嚟💁🏻‍♀️ 我哋六個人人均都只係食咗$1263😛

朋友食齋，我search到尖沙咀原來有一間食廣東點心嘅齋舖～仲開11點，啱晒我哋我11:15 去到，已經冇位啦佢話如果12點俾返張枱佢，仲可以😌我見到咁人氣就快快脆脆叫點心🔸#素翅小籠包 素翅做餡料多咗一份清新嘅感覺，小籠包皮可以做得更薄，就唔會有 ‘立’ 口嘅感覺，但整體味道係唔錯嘅👍🔸#甘筍鹹水角🥕 造型已經非常之靚，即炸👏🏻外層皮脆卜卜，入面嘅餡料同平時嘅鹹水角味道冇分別👍🔸#懷舊布拉腸粉 腸粉皮係多咗少少油，但係食落去好滑，豉油又唔係太鹹，加上甜醬麻醬好好食🤤🔸#四寶滑雞扎 腐皮裏便包住咗大大嚿嘅雪耳，原來雪耳代替平時我哋食嘅魚肚；見到雪耳，我心諗應該麻麻地好食；一咬落去，雪耳做得極腍但又唔爛，加咗沙薑落去調味好好味，有機會仲好味過平時嘅雞扎🔸#雪山叉燒包 平時我唔會食，因為我唔想食到叉燒包裏便叉燒嘅肥肉，所以今次可以大大啖咁食#佢真係11:55嚟叫我埋單#不過我哋都食哂#做得好好嘅齋點心

朋友食素，嚟到香港就搵下有咩好食既素食Openrice search到呢間好似幾唔錯又幾有香港特色就一於試下店內好似香港酒樓咁都係要收茶位既，每位$15叫咗個細嘅鮑參翅肚羹 $48因為得三個人，又叫咗好多其他嘢食，就唔叫一大煲味道做得好似真嘅，好飲齋鹵味（三寶）$58 呢個就冇咩特別，同香港一般齋鋪嘅差唔多椒鹽豆腐$72外脆內嫩，濃豆腐味秘製叉燒 $138呢個真係好好食，同真既非常似，又有叉燒最好食既燶邊緻素坊片皮鴨 $158呢個同片皮鴨本身就唔係好似，佢用咗猴頭菇，同埋炸腐皮？不過食法就跟足片皮鴨，味道都係好好食！緻素坊素鵝 $138呢個偏油，但係都好食清炒豆苗 $138Menu無，問侍應有冇其他菜，叫嚟煮既，炒得岩岩好 菜唔老 但價錢偏貴整體嚟講都係好好食 有水準全部人都食得好開心滿足