翠華餐廳 (已結業)

近排花老嘢好似中咗奶醬豬毒咁，成日返屋企食飯之前都要去食奶醬豬+奶茶先安樂（肥爆！）相比起出名嘢奶油豬，佢係更飽肚！同其他茶餐廳唔同嘅係佢係有一粒粒花生架，有咬口，哈哈無可否認佢熱辣辣果時食又真係幾好味嘅

翠華愈開愈多，就連山頂都快有了。我也蠻喜歡翠華，因為真的選擇多而味道不錯。不過並不是次次都令人滿意的。脆脆豬︰熱騰騰又脆卜卜，加上甜甜的煉奶，很好吃。海南雞飯︰海南雞夠滑，蘸上醬汁也好吃。問題就出在例湯內有一隻昆蟲，很噁心。事後店員急急收回，轉了西湯給我們。麻辣雞米線︰不可小看，真的愈吃愈辣。雞肉不鞋，吃得過。這樣一頓都要一百元，真的不便宜。

週六參加婚禮前，約了舊同事碰面+派利是(!!!)，怪想念奶油豬故來了翠華，順便試試其早餐是否眾人所講的好。　尖咀開了翠華真是很方便我，搭西鐵到尖東站後於D2出口一出便是，到達之時舊友已在二樓找了卡位坐，不過位置是有點窄不太舒服的那種。翠華的早餐選擇只得三款，每款索價$25，凍飲則要加$3，考慮一陣二人都是選擇早餐B，即滑蛋脆朱+沙爹牛肉麵。　先講滑蛋，廚房控制火候OK，炒蛋是幾滑幾嫩口，不過始終未及澳牛那帶微creamy的滋味好吃。而早餐的脆朱包較為細小，搽上牛油後再烘香，不差的，但要同名物奶油豬比，則還是差了大截。故此，為食二人組又額外追加一份奶油豬(原價$12，早餐時段特價$8)；與翠河的油奶浸豬仔包不同，翠華的以適量混和了牛油的煉奶，塗於香脆微軟的豬仔包，一咬之下香甜併發，然而口感香脆中帶棉熟，是不變的美味與吸引，而且個子夠大吃完十分滿足!亦是為了它，我不惜放棄左早餐的小脆朱!而最後上檯的的沙爹牛肉麵其實幾入味，牛肉味道恢好，就是麵身過軟過稔了。　差點忘了介紹飲品，翠華的熱奶茶也算馳名，然而飲完大發的金茶王，我覺得翠華的出品一味靠濃重花奶製造細滑感，茶味未能平衡，飲多了亦會很膩。

25/1/2010 (星期一)今晚係尖沙咀逛街，見到對面街的翠華餐廳，於是走去試下。翠華的奶油豬好出名，所以我叫咗一個($12)試下味，另外魚湯、魚蛋都出名，心多多樣樣都想試下，就叫一個乜都有的魚四寶河(有魚蛋、魚腐、魚春卷、墨魚丸)($29)。店內地方清潔，一般茶餐廳的格局，當然要搭枱啦，服務都算OK啦。奶油豬： 個包摸上手仲熱熱地，咬落好脆，奶油好香口，如果再多D奶油就會更加好食。講到價錢，$12一個奶油豬，認真貴，不過咁好食乜都抵番。魚四寶河： 我係愛魚之人，第一啖梗係先試魚湯啦，魚湯係奶白色的，好好飲，飲落唔會口渴無味精，魚蛋彈牙，墨魚丸，魚腐、魚春卷都唔錯。

為了奶油豬而拜訪翠華，真是英明決策！雖然漏漏很蠢的把奶油豬叫成了豬扒包，但侍應還是很好心腸的幫我轉了，現在想想依然心懷感激。奶油豬包身脆口，內瓤則鬆軟濕潤，浸滿了熱烘烘的牛油與煉奶，甜美香口，一個剛剛好，寵了甜牙齒又不會覺得肥膩。我的薏米檸檬水檸檬酸中微帶清甜，亦煮出了米香。TC的金桔蜜則口感來得猛烈，酸甜交集，很是刺激味蕾。TC的咖喱牛腩飯辛辣香口，牛腩連筋，燉得淋而入味，洋蔥與薯仔亦融入了濃濃咖喱的香辛。漏漏的菠菜鮮蝦餃似雲吞多些，蝦身彈牙，混合了菠菜特殊的菜香；餡里亦有少許馬蹄碎粒，平添了一份酥脆口感。以茶餐廳來計，這里價格是高了少許，但菜式制作花心思，貴得也值得。戀著這里的奶油豬，漏漏應該很快就又會翻兜了

食完dinner突然想起奶油豬所以就出左tst食喇平時食開cwb今次第一次食tst的奶油豬和男朋友叫了兩個奶油豬多奶($12@)唔錯好香又夠奶如果再整熱點應該仲香仲正不過已經不錯了雖然d staff感覺不夠cwb果d咁有衝勁但都叫有理客人呼喚

翠華係茶餐廳之中亦算做得出色, 雖然價錢偏貴, 但我認為貴得有道理!常餐: 香茅豬扒公仔麵 + 牛油餐麵包 + 西煎雙蛋 + 飲品 ($36)樣樣都咁好食, 其實係超豐富。以呢個品質而言,價錢係抵既。唯一唔好就係豬扒有毛同咸味唔夠, 不過肉質都算鮮嫩, 如果香茅味再濃D就最好啦!最鍾意係佢個牛油餐包, 其實係迷你既脆爆豬黎架!Mini Size 好可愛, 而且非常香脆, 比牛油軟餐包更好味, 呢點我相信只有翠華做到!

一早放工,肚仔餓.約人在尖咀大約7:30.差不多還有成個半鐘.就走到出名的餐廳-- 翠華,吃小小東西,一邊食一邊等.餐廳頗大,分為二層,我走下二樓,坐在窗旁,望著下面的行人.很有一種浪漫的feel.服務員個個帶著口罩,穿著制服,給人一個清潔,衛生的感覺. 食得安心. 墙上挂著琳瑯滿目,色彩賓紛的食物圖片.奶油猪,皮脆而心香軟,還有香滑牛油及煉奶.未食過這樣好味的奶油猪 有驚喜意米水,健康,聽說有美白作用,适合貪靚的上班一族.特別的玻璃樽上,有創意,很有新鮮感其實還想試碧綠得人見人愛的九菜花......但一會兒約了人.所以等下一定要吃,還要主餐.

是晚收工見肚餓,就拉埋個同事一齊去食野.見未試過呢間,而且又幾旺場就試試.同同事一人叫一個Set我就叫左個是日晚餐:鴛鴦扒拼三文魚餅+天使麵味道都幾好,但冇得揀汁既(蒜茸汁)個三文魚餅都ok,而扒就係豬扒+牛扒美中不足係D天使麵出到,已經變成一PatPat.同事揀左個西冷牛扒餐:都係跟天使麵同事話要4成熟,但上到,明顯係8成熟啦.唯有無奈接受,而個汁都係一樣冇得揀(蒜茸汁)

一碗42蚊的魚頭魚皮頭豬軟骨米線值不值呢?睇落個價錢就相當唔值, 但又要你睇完以下的食評再去親口試下, 你就知道這42蚊不是白收的。米線入口爽滑彈牙, 粗幼適中, 令人有食完一啖又一啖的衝動魚蛋淋得黎非常彈牙, 而且充滿魚香,口感幼滑。魚片頭比魚蛋硬身少許, 但非常有咬口而且彈牙, 表面的炸皮甘香不油膩,十分好吃。不可不提豬軟骨!我一向食開日式的豬軟骨都係脆卜卜,有得咬既。但翠華的豬軟骨卻十分淋身,有點兒像牛筋腩肥瘦適中,骨的部份很滑溜,肉身就淋而不散。豬軟骨的汁是甜甜地,有點兒像蜜汁。蜜汁已滲入豬軟骨內, 非常入味即便浸在湯中也食得出甜甜的蜜味, 鹿兒島豬軟骨果然好野!湯底是鯊魚骨湯底, 比清湯和魚湯的好。而且加入豬軟骨後更帶有蜜汁的餘韻, 令米線的美味指數直線上升!相信我! 真的是一碗極為出色的米線!

為了鏟起天下太平篇野, 同兩篇相關前戲, 本來七點可以走, 但寫完三篇野, 原來已經9點. 呢個鐘數, 都係食左先至返屋企啦. 想想一個人食乜好. 前掛見到"尖咀的人有福了" 呢個廣告. 哈! 不如就去尖沙咀翠華, 探探新環境.一般翠華的裝潢不用多說, 被安排了坐在一個二人卡位. 在海南雞部旁邊, 所以不時聽到 "chop, chop, chop".... 看檯上Menu, 看牆身 Menu, 沒什麼大吸引, 而且不想食米飯, 所以海南雞已是第一個被我丁走.打開餐牌, 鐵版餐又幾吸引, 是否身體正在調整, 沒有興趣吞下過多澱粉質, 來用薯菜作伴更好. 鐵版帶子雞扒, 配上一個焗薯. 那個汁醬已經令人泡口水. 雖欠缺金鳳式既一頭煙同啫啫聲, 但看到汁在冒泡...這的確是真正鐵版, 只不過落汁那功夫在廚房裡搞拈, 不用弄到餐樓烏煙障氣.雞扒一向的大塊, 加上帶子兩粒, 只不過那兩粒帶子, 味道不夠鮮美. 不過, 始終是茶餐廳, 不能與海鮮檔比. 焗薯反而是我最欣賞的, 熟透的薯仔, 用叉一拮, 薯仔肉已一大塊連皮拿下, 師父做到一般在外國食焗薯時, 把醬汁加在已預先切開一個十字位的著仔.

很普通的早餐--Ａ餐,火腿仿鮑魚絲通粉+煎双蛋+方飽這個早餐的品質不錯,不是因為它有仿鮑魚絲,而是湯不是一般餐廳的味精湯,是用金寶湯,成本高,味道也好!!雞蛋--很濃蛋香味,也很滑,,大陸和本地的雞蛋所欠決的!!方飽--很新鲜鬆軟香麥味!將火腿仿鮑魚切成絲,口感佳!!食過的只有澳洲牛奶公司可比疑!!!

情人節當日無預先安排地方食飯,行到邊食到邊,於是去佐翠華.我食和風牛柳粒飯(SET),牛肉OK"林",主要係個汁好味,希些少SURPRISE LA! 個餐有湯同茶跟,$68,算抵食!老公ORDER佐情人節SET,有湯有茶跟,主菜係好似酒燴牛柳,普通LA! 最後甜品TIRAMISU好難食,情願送個MINI SIZE 奶油豬仔俾我.總之,個日起翠華食得都算幾開心,起碼價錢無D高級餐廳同酒店甘貴,最滿意當然係老公LA,唔洗俾甘多錢!

下午行完街, 與友人坐下飲杯嘢, 見它有幾款特飲, 我叫了熱竹庶茅根雪梨茶, 友人要凍紫背天葵山楂茶. 我杯雪梨茶是自家煲的, 好清甜滋潤, 內有幾片雪梨, 好夠味好足料, 冬天飲好舒服好正.友人的山楂茶就好開胃, 酸酸甜甜, 都好好味.

在TST心血來潮食奈餐廳，唔覺意泥咗呢度。$22魚湯豆苗，得少少豆苗，生生地，魚湯似水俄羅斯牛柳絲飯，飯硬不夠熱，俄羅斯牛柳絲係快餐店碟頭魚片米粉無味可言只有奶荼可以