芽莊越式料理 (新城市廣場) (已結業)

至從小巴黎執咗之後好耐無食越南野lu今日同朋友喺新城市試新野，三個人叫五個餸，三百幾蚊，都唔錯。要左個串燒，普普通通，所以無影相。「蝦頭膏炒高麗菜」食唔到蝦頭膏既鮮味，但啲高麗菜炒得唔錯，唔會淋pat pat「扎肉雞絲糯米飯」食法同小巴黎的煎糯米飯好似，但佢純粹蒸，所以唔香口，綠豆加糯米蒸，可能加左椰漿，所以有少少甜味，同扎肉雞絲唔多夾。「鑊仔煎薄餅」就有啲驚喜，將個薄餅切細塊，然後用生菜包住食。但呢個餸要診熱食，否則個簿餅會淋「椰青扣花腩肉」花腩肉炆得夠淋，用椰青炆所以味道比平時食的扣花腩肉清甜總括嚟講不過不失啦！不過啲服務員態度就真係唔錯

依日同媽媽係沙田行到7點..係時候去食晚飯原本想去UCC既~點知去到已經開始要等位之後問媽媽有無咩想食..比幾間佢揀最終佢話想食越南菜..所以就去"芽莊"呢不過安坐後不停翻睇menu~原來好多野都唔岩媽媽食因為媽媽要戒口~海鮮,雞+煎炸熱氣野都盡量唔好食媽媽又話凍凍地想食熱湯檬~不過我知通常係用牛湯底牛肉我同媽媽又已經戒食多年~不過都試下問服務員睇下有無部份係雞湯底~點知問完話全部用牛(得一款用蟹湯)所以睇左好耐都唔知食咩好~於是把心一橫同媽媽講如果真係唔岩食..我地可以起身走~不過最終媽媽話唔緊要~食少少唔怕喎(oh)後來得到服務員既幫忙~介紹左幾款食物比我地我知媽媽鐘意食沙律..所以揀個"燒蝦柚子沙律"有2隻串燒大蝦..燒得好靚呢肉質同一般燒蝦一樣~仲去埋殼燒..調味好夠沙律食材好新鮮夠凍..柚肉又清甜沙律汁既味道比一般食既清淡一點但味道都好平均好唔錯又好開胃"越式濱海燒肉"燒肉似日式叉燒~但肉質會較為鞋口夠入味而且燒得唔會好燶又香口下層有多件"濱海"~面層仲有花生碎粒跟上生菜及唔同既香葉用生菜包裹食材伴魚露酸汁同食~夾雜唔同既香葉又帶起唔同既味道~雖然本身我ma ma地鐘意食濱海

中環既芽莊係排隊店.....而沙田呢間分店lunch好多時都唔駛等.....所以我耐唔耐都會黎幫襯 生牛肉河: 牛肉夠滑.....燒豬扒撈檬: 豬扒可以再淋d就好啦.....但撈檬真係好好食.....係我食過最好食既撈檬!軟殼蟹卷: 味道唔錯.....服務OK.....加水,點餐,上菜&結帳都快.....但$200以上先可以簽卡.....總括食物質素同中環店一樣咁好.....值得推介

友人下午的一發短訊，做就一頓好的晚飯椰汁燉肉：味道濃甜，椰子味好出；肉軟化，肥膏一點也不油；唯一不足係個肉由皮到肥膏再下兩層肉後，師傅沒切走底層較瘦的肉。燉煮過後，這部份非常硬和柴。咖哩蝦：我喜歡咖哩，友人喜歡蕃茄，這TOMATO_BASED咖哩就適合晒我地兩個口味。洋蔥偏多令碟菜賣相稍微失色。軟殼蟹米卷：不過不失其實餐廳內有很多服務生，奈何帶位慢左D，點菜埋單都要勁揮手先有人理會。。。

今日放假，所以同亞媽食晏。亞媽話食越南菜，我記得年初去過灣仔合和果間芽莊越南料理覺得唔錯所以再去光顧。果時系午飯時間但唔full，唔使等位。我地叫左藕苗蝦沙律。藕苗好爽，但唔知系唔系通漲關系，上次響灣仔食系一隻隻蝦，但今次系開邊，同埋得三幾隻而已。軟殼蟹米卷軟尚算可以。另外叫左生熟牛肉雞絲河，牛腱河粉。。河粉好爽滑，湯濃郁和鮮味，生熟牛同雞絲剛剛好，唔會太鞋。亞媽話D牛腱韌但我覺得OK。唯一美中不足嘅系D湯比較鹹，飲完好口喝，希望餐廳可以改善。兩個人共食左$230左右。以食物水準同埋餐廳位置黎講，算系可以接受。但要注意系外賣盒同碗各收$2一個。

星期日行來行去都唔知去食乜好，8點鐘又多人之際..見到原來沙田有間芽莊，所以試下.. (之前係海港城到食過)等咗20分鐘終於有位! 兩個人點了..1.會安軟殼蟹卷 $48 – 我好鍾意食呢個, 因為夠Fresh, 軟殼蟹炸得夠脆, 配埋個Salad sauce唔會太流” 2.香茅雞肉串燒 $55 – 串燒一上檯, 燒得超香, 肉又唔會太乾身.. 但得三串就好似貴咗少少… (尚有牛同豬選擇, 不可雙拼)3.咖喱牛腩 $68 + 蒜蓉包 $26 – 咖喱牛腩香而不太辣, 牛腩忟到好入味同夠鬆軟, 入口即溶, 推介之選!! 熱哄哄端上既蒜蓉包係絕配! 4.生牛肉爽腩湯河 $52 – 普通, 同一般係越南餐廳食既湯河無乜分別… 兩個人食咁多野真係好飽, 最尾碗湯河都食唔晒.. $274埋單都算係OK啦… P.S. 我最鍾意呢到Fill水係比杯暖水… 簡直係貼心服務之一, 值得一讚!

今日下午約左D 親戚一齊去食芽莊, 係親戚話好食, 咁就即管一差LA, 反正我都未食過~餐廳超大, 我地一行四人, 卻被安排坐四人圓枱, 明明有卡位, 但就唔比人坐, 話清潔緊WOR~下午茶時段入坐, 但完來無TEA SET的,食物點左五款:1. 生牛肉河---> 一般般LA, 唔係親友講到咁好食~ 我覺得赿棧都好好食, 又平~2. 豬扒撈濛--> 都係一般, 最差就係塊豬扒完全唔剪開, 想人點食AR,成塊咬呀???3. 春卷-->得個3小條, 收人 $56~ 仲勁細條, 完全唔吸引~4.粉包--> 都算OK~5. 蔗蝦--> 話有四件, 點知嚟到係得2件, 跟住一開四, 都要$62 勁唔抵食LOR~跟住D店員要3催4請先加茶, 仲要係勁少客人, D 待應就幾個圍埋顧住傾計~最嬲係我表妹揮手, 想叫個待應嚟加茶, 點知嚟到既係一張單, ------>個待應話揮手即係埋單LA, 做錯野仲道歉都無句行左去~嗰吓堅嬲, 不過係咁多親友面前忍住, 無向個待仔發火~我以為都唔會再去依間野, 會blacklist左佢!!!!!!d野食已經一般般,

睇睇吓旅行社, 竟然有點肚餓, 原來不經不覺已成12點幾, 今早又好早食早餐唔怪得咁快餓, 咁馬上找野食先~都係想快靚正, 見呢間有位, 馬上坐下地方好乾淨, 幾舒服噃.坐了在出面呢.之前合和那一間也不錯, 所以都幾有信心.都係叫個BASIC O既午餐; 要快, 叫個生牛河!河未上, 先上個疑似奶瓶的魚露樽, 又幾得意~好快有得食.牛肉好靚, 唔太肥, 冇醃到爛晒, 夠肉味, 正.河也ok, 呢款唔係好快索水的那種, 正常速度食也冇問題.不過d湯係冇味, 好似加多左一倍水咁, 超淡, 要改善了.服務ok 正常.

最後都要自己一個吃晚飯, 決定搵間舒適的慢慢吃~因時間很早, 有很多座位, 只有大約7-8枱客人, 但原來除了我, 都有兩枱是一個人來吃~每張枱點菜後, 都必定會給魚露及青檸辣椒~本想吃香茅豬扒湯檬, 但原來豬扒只可跟撈檬, 不能轉湯檬/湯河, 這算是不夠靈活的部份~ (因本人曾在官塘試過另一間有質數的越南餐廳, 可以靈活為客人改動)要試越南食店廚藝好唔好, 我本人覺得一定要吃最簡單的湯河粉~湯有牛肉味, 望落雞絲好像很"鞋", 但食落原來很滑, 而且似不是用刀切, 應是手撕的~ 牛肉是半生熟, 很嫩滑, 不韌不鞋, 牛肉份量也不少, 有4-5片~ 河粉都很順滑, 吸了湯汁都已經很好味, 加了青檸&魚露, 味道更加提升~ 米紙不會太腍沾口, 夾了生菜青瓜很爽口, 很清新, 軟殼蟹超脆, 但咬到入去軟殼蟹好像太多粉, 有些少炸粉味........, 不過加了青檸魚露吃, 整體上都不錯~碗湯河太大碗, 實在不能當場完成, 唯有帶回家, 外賣紙袋及紙碗都很心思~家人其實都很喜歡吃越南食物, 今次我單人匹馬試過後, 都有信心可以再帶家人來試試其他菜色~

這間也是人氣店。看過很多批評服務水平的食評，今天自己親身印證一下。午市時間，大概十二時來到，還未有人龍，服務員很快幫我們安排坐位。點了生牛爽腩粉、雞絲湯粉、蒜蓉包和咸檸梳打。非常正宗的越式湯粉，湯清、粉幼細，材料不算豐富，生牛片和爽腩各二，認真矜貴；反而雞絲就好足料。蒜蓉包，as expected，香脆，蒜蓉跟牛油分量都好配合。咸檸梳打是我的最愛之一，非常解渴，喝完還可以吃掉咸檸檬，雙重味覺享受。這間分店的服務員沒有明顯的態度惡劣，或許是地區問題，沙田店總比灣仔或中環店人流少一點，服務員工作也可以輕鬆一點吧…這餐午飯也算是物有所值的。

配有小小辣的綠色醬汁，魷魚烤得香口，不太清楚釀了什麼，但味道好。湯檬好大碗，份量真不少。蟹味不濃豬扒有點乾，好少食店有濱海，幾特別，加醬汁幾好味，又飽肚。庶蝦配生菜來吃，但庶不能吞,所以要先把蝦肉跟庶分開才可吃。否則用手拿著庶蝦來吃更有風味。新鲜大隻，似海蝦，Good.預早訂了位，而且時間比較早，6:30pm就入座。食物好味，服務也不錯，可以服務員比較少，見他們都很忙，但態度很好。每樣食物都有好多新鮮的香草，有幾個品種，我都試齊了，好有泰國越南feel。本來要7:45pm交枱，但沒有客人等候，所以可以坐到8點多。

星期六中午12:00 時間尚早, 所以等位都不算太多人, 只有3 -4 個.但門口知客阿姐, 認真沒禮貌, 取飛等位, 問佢到幾多號, 佢叫我自己睇.....個牌仲好鬼細係天花.......態度勁差......我見佢對其他客人都係咁.....今時今日, 炒得啦~~入到去 坐底, 都唔算太迫, d 待應態度又不太差, 落單快手, 上菜又快.1) 炸蝦撈濛 - 只有2隻...少左d , 但味道唔錯, 好0野味!!! 濛粉汁有足夠的蒜椒....又有炸蒜, 花生...又夠酸, 又有脆口感覺....比 越棧 都有質感.2) 牛根腩湯河, 牛根腩好淋, 湯較清....不算濃味.....合格有餘3) 蔗蝦 - 非常炸....條蔗吸曬d 油.....唔掂...又硬....所以只食了蝦肉 .....唔會再叫.除左門口阿姐態度勁差....其他都算合格.....我係老細, 炒q 左佢啦~~ 仲要企門口.....唉!!!

中午時份，餓著肚子找地方吃飯，在沙田新城市廣場7樓，原本來慣的泰國餐廳結業了，變了芽莊越南餐廳，兩個人點了一個脆蝦檬，一客牛肉檬和蝦多士，一嚐之下，真是未食過如此差勁的越南食品，牛肉像柴皮，我以為在食牛皮，沒有牛味，卻有怪味，蝦多士入口就是一口油，脆蝦檬一點都不脆，真的吃不下去

今晚一行四人到沙田芽莊晚飯，八點半到，等了大約二十分鐘有位，在極餓下先點了三款頭盤，其中一款是越南春卷。上菜了，送來的一籃蔬菜，有薄荷、有九層塔葉，有紫蘇，卻沒有生菜，奇怪下招來待應哥哥詢問為何沒有生菜，待應哥哥一臉嚴肅地說，每一籃蔬菜都一定有生菜的，我們回應說「冇喎」，佢竟然木口木面，帶著懷疑的眼神，用目光搜索我們每一個人的碟，我們不由得心中有氣，但仍然客氣地叫佢補番畀我地，佢一句唔好意思都冇，攞走籃菜，加咗幾片生菜畀我地。食完頭盤，我地引點咗另外幾個菜，包括咖喱牛腩，同埋點咗蒜蓉包諗住蘸來食。未幾，蒜蓉包來咗，但咖喱牛腩未嚟，蒜蓉包很快就凍晒，但牛腩好耐都未來，追問之下原來係漏咗單，於是我地再點番，牛腩過了好一陣先來，其時蒜蓉包已變得又凍又硬，於是我地叫待應熱番佢，但竟然，一口咬落牛腩配菜之一的茄子，竟然發現係凍的！又試牛腩，又係凍的！我地同待應講，佢又係一句說話都唔講，攞走個牛腩。最好笑係，呢個時候，蒜蓉包又返來囉，有包冇牛腩，有牛腩冇包，令人哭笑不得。諗諗下扯火，請經理來，經理竟然未聽完，就打斷我地，堅持牛腩有落單，我地再解釋，係先前漏單，佢聽完後只係話「我地會跟進呢件事」，就

新鮮菠蘿冰，用上頂級罐頭菠蘿明明寫住新鮮架嘛！呃人既咖喱牛腩都好（林）既，但係冇牛味囉！唔望住都唔知自己吃緊乜東東最神奇既係完完全全地冇咖喱味！ 勁！可能係特色掛唯一比較好既就係蝦多士好大份囉！服務就一個字講晒（趕）