莆田 (美麗華廣場2期) (已結業)

食過返尋味，之前巧合試過銅鑼灣分店，今次就專登book 尖沙咀分店！原來尖沙咀分店好full架，好多人walkin都無位，仲要係平日，真係估佢唔到！媽媽就係喜歡佢個菊花茶同蟶子！好彩今次有book 位，準點直入！冰鎮苦瓜保持水準！凍冰冰嘅苦瓜同蜜糖令苦味大減！苦瓜爽脆清新！苦中一點甜！蒜蓉清蒸蟶子蒜味將蟶子鮮甜帶曬出黎！蟶子十分新鮮！紅菇鮮蟶湯之前都未食紅色頭嘅菇菇，好香菇味！蟶子唔洗多講，大隻又新鮮！我地連湯都飲埋！興化炒米粉唔好以為係一般炒米粉，未食過幼如髮絲的米粉，仲要一d都唔油！口感好好！媽媽已經指定下次再黎試新菜！

在東鐵見到這個廣告介紹的蟶子好像好吸引，於是就拉埋朋友去試試。 一坐低當然立即點啦。朋友很滿意自己點的這個叄芭爆蟶肉。有鑊氣，醬汁都好夾蟶肉。韮菜亦夠晒爽口。但論鮮味，我認為花雕蒸蟶子完勝！花雕味可能因為蒸發了而偏淡，但佢完美地帶出蟶子的鮮味！ 我勁快食晒這碟。唯一遺憾是有少少沙。 其實佢d前菜都唔差。雲耳的咸、酸、辣的味道很有層次感。青辣椒食落都不止是辣的單調，也帶有少少的酸甜。冰浸苦瓜看似平平無奇，一點蜜糖水之下格外甘甜，而且清爽無比！我超愛這碟！另外個扁肉湯都唔錯，紫菜味夠晒香。扁肉餃子有少少似魚皮餃嘅感覺，但係入邊係豬肉。所有菜式中，我和朋友最愛的是這碟興化粉米粉！ 👍🏻👍🏻米粉唔會癡到一嚿嚿，而且炒得好入味！食完會想返尋味！👍🏻超好笑。我們餐桌旁邊擺放左米粉禮盒，完全捕捉你食過想返尋味的心思。餐廳果然巧妙地不會放過任何商機。🤣🤣👍🏻

今日撞正新年，仲係二月八號呢啲咁唔吉利嘅日期，同男朋友喺尖沙咀行完街之後，決定搵咗間食中菜嘅餐廳嚟慶祝新年行到莆田嘅門口，真係多人到迫爆，好多人等緊位，我哋都唔執輸即刻攞返張飛呢間餐廳俾人嘅感覺真係唔錯架，d餐具乾淨企理，有唔同嘅茶俾你揀，而我哋就揀咗菊花茶侍應同我地講因為比較多人，所以都需要等返一段時間，所以佢就俾咗一碟開胃菜俾我哋食住先我哋嘅新年套餐第一道菜，叫做鴻運發財撈起第一次食呢味菜，侍應一路講住祝福嘅說話一路幫我地將啲餸撈起，感覺真係鴻運當頭啊呢道菜叫做媽祖麵線，呢道菜係我非常喜歡嘅，入邊有不少豆卜同埋海鮮，個湯清清地，非常好味而呢一度叫做酥炒芋芯，入口甜甜地，外皮好鬆脆，味道唔錯呢一度咁可愛嘅菜，叫做黃金荷葉包，佢食飯係將左邊嘅洋蔥炒豬肉夾落去呢個熱辣辣嘅包入面食，味道一流你一雙椒鹽豬手好推介大家去食呀，餐廳好細心預備買手套俾我哋盡情享受呢一隻豬手呢隻豬手雖然肉唔多，但佢嘅外皮燒到非常之趣，真係好想再要多一隻

今天下班後約了一位從日本來的朋友去食星加坡菜， 一想起食星加坡菜，就會想起莆田。所以今天和朋友在尖沙咀，試吓這間店。莆田最近推出了蟶霸， 即是蟶子。一共有八種食法選擇，$198有兩種食法， 即管試試看！蒜蓉蒸蟶子花雕蒸蟶子雖然不是好大隻，但好厚肉。啖啖肉，很有口感。我們也點了其他食物冰浸苦瓜這個苦瓜是凍食，店員給了一碟蜜糖，用作點來食。點完蜜糖食的感覺是，甘甘甜甜很特別。興化炒米粉米粉很幼，像頭髮絲一樣。蝦也很大隻，很爽口。莆田扁肉湯餐前來一碗，裏面一粒粒好似雲吞，又好似水餃，我都搞不清是什麼，但細細粒好易食！莆田荔枝肉豬肉很爽， 肉質很嫩。真的有荔枝，大大粒，酸酸甜甜很開胃。

喺朋友大力推薦下黎到莆田嚐鮮，一試福建菜滋味😆.依家餐廳做緊promotion，$198就可以係Menu任揀兩款蟶子，我哋就揀咗冰爽酒糟蟶子同薑蔥炒蟶子，兩款同樣出色！冰爽酒糟蟶子係凍食，酒味清香，整體口味都幾清新👍🏻 .至於加埋蛋一齊炒嘅薑蔥炒蟶子就有家常小菜嘅風味！.精美四小拼份量小小，當做前菜就啱哂。當中我比較中心涼拌豆卜同紫菜，酸酸甜甜又冰冰涼涼，食落好開胃！.然後到獲得一致激讚好評嘅酥炒芋心，外層嘅焦糖既香又脆，包住內層軟糯又粉粉地嘅芋頭，整體有微微嘅甜味又有濃濃嘅芋香，食多幾舊都唔會滯，令人食唔停口，必試👍🏻.興化炒米粉以前係新加坡試過一次，呢度都可以還完返當時嘅口味，配料非常豐富😝，嗜辣嘅朋友可以撈埋餐廳嘅自家辣醬，有啲似泰式辣醬嘅酸甜口味，但後勁更甚，非常惹味！另外值得一讚嘅係份量都幾大，都夠四個人share食！.閩香洋燒排嘅口感同味道同豬軟骨都有幾分相似，肉質煮到好鬆軟，加上微甜嘅醬汁，比較特別嘅係佢配咗幾片准山，微粉帶軟，好得意嘅口味👍🏻

經過莆田，成日都見到佢推介唔同主題嘅食品，次次都好有特色，今次係海蠣呀！見到即刻捉老公入去食喇！海蠣主題有六款食物，選兩款都係$188！喜愛枇杷嘅我，仲有驚喜添！開胃菜同枇杷都會由侍應先奉上。百秒黃花魚（HKD68）～黃花魚本身幼骨多，但佢有丰富嘅微量元素，可以抗衰老！為咗靚！食得小心啲都ok嘅！煮出嚟嘅黃花魚好滑，而且湯汁好夠味，兩者加埋非常夾呀！！九層塔香燜海蠣（HKD188/2）～侍應會喺客人面前翻攪海蠣同九層塔，九層塔係一個好強烈味道嘅香料，加埋窩嘅熱度咁樣攪一攪，即流口水！海蠣size算幾大！有咬口！其實搵佢用嚟佐飯一流呀！酥炒芋芯（HKD89）～外脆內粉！不止剛上菜有呢個口感，就算凍咗仍然如此，本身唔太鍾意食芋頭嘅我，食咗好多好多件！知道煮呢度菜要好花心機同技巧，呢個價錢絕對值得！福建特色海蠣煎（HKD188/2）～一直以為會蛋多海蠣少，但原因中間位置係好厚好厚嘅海蠣，絕對足料！蛋煎得好香！夾埋煎到乾身嘅海蠣，一絕呀！興化米粉～佢嘅米粉比坊間幼身好多，所以口感亦差很遠！有一種綿密感！加上脆口嘅紫菜，爽口嘅菜……好味！

這天，我和姊妹到美麗華二期購物。8時了，我們買完衣服也feel 到十分肚餓了，什麼西餐、日本菜早已吃膩，姊妹就提議不如到莆田吃一頓亞洲餐吧！亞洲菜，本身我是不喜歡的，但是莆田的菜色令我耳目一新。先講講環境吧，店內環境寬敞，留底面積高，枱面也很大很闊落，進了去，令人有一種莫名其妙的放鬆。看看餐牌，店內正在做推廣，於是試試！點了九層塔香檳海蠣，將新鮮海麗油渣至金黃鬆脆，鎖住海麗先填甘香的肉汁，上面再加上九層塔濃郁的香草獨特香氣，聞到立刻流晒口水！因為店內正在做海蠣的推廣，兩個海蠣的菜色， $198就吃得到！我們當然不會執輸啦！於是再叫了一個鹽水海蠣，這是一道涼菜,海蠣的海水味十分重,脹卜卜,因為食材很新鮮,海裏的鮮味十分濃郁,與鹽水的配合，令人覺得天衣無縫。我們在點了一個百秒黃花魚， $69 ，一整條黃花魚！肉質相當嫩滑，味道很鮮甜，用了一些湯底浸，魚的味道鮮美得以提升，入口沒有腥味，不過比較多魚骨，沒有吃魚的習慣的人就要小心了。不過即使你本身不愛魚，這次吃了後應該會令你很喜歡吃魚！因為魚的鮮味，令到魚湯也很有鮮甜，加入的還有十多種食材，魚湯十分濃郁，送飯一流！再來一下酥炸芋芯$89 ，這

今天朋友介紹我食星架坡嘢，餐廳名叫莆田，在尖沙咀，地點方便。有一道好似廣東的雲吞，名稱叫莆田扁肉湯，個皮也是豬肉打成，很滑很香，食落似迷你版雲吞，加上紫菜，好味兼有營養🉐✅💯再來一個興化炒米粉，有菜，有蜆，有蝦及紅腰豆，炒得干身兼嘢味❤接下來，莆田荔枝肉，個樣似酸甜排骨，但味道卻非常開胃，加上是有新鮮荔枝肉，啖啖荔枝，現上炸香排骨，味濃且醒😋𣲙浸苦瓜，味咁涼菜，苦瓜一D都唔苦，加上有蜂蜜作為點醬，把苦瓜帶出香甜，好好味👏然後再來一個煎蠔餅，蠔鮮，仲是超級多蠔，口口都是蠔，煎成 pizza 型，賣相佳，煎得香，無得彈🈵至於個金銀蛋莧菜，湯底正，蛋靚，菜鮮✌，無得頂。整體價靚，招呼好，食品佳，超推薦✅

今日放假，老公說要到尖沙咀咀買點東西。買完後已是晚飯時間，剛巧經過一個商場，看到有好幾間餐廳，於是就去看看。來到這間餐廳門口，看到是米芝蓮一星的餐廳，老公說不如進去吧。這間餐廳位置開揚，中式裝修，環境清潔整齊。我們到的時候尚算早，但都已見坐滿一半人。餐牌都有很多選擇，我們點了好幾款比較特別的菜式及湯品。看到門口有一些介紹蟶子的餐牌，像是這個月的宣傳，所以我們都點了兩客不同煮法的蟶子嘗嘗。前菜是鹹酸菜，鹹鹹酸酸，味道可以，很是開胃。冰浸苦瓜是這裡的人氣菜餚，賣相很好，苦瓜切得薄薄的，很爽口，真的很苦，上的時候跟了一個蜜糖，配上它一起吃，感覺清新，甜甜地，連不吃苦瓜的我也愛上 。蒜蓉蒸蟶子是其中一種大眾煮法，份量真的有很多呀。蒜蓉很香，蟶子新鮮鮮甜，平時在外面吃的是大大隻，這裡是細細隻，不是彈牙的感覺，是另一番風味，估不到都是很好味。另一款煮法是鐵板鹽焗蟶子，在外面從來未試過。賣相都比較壯觀，用鐵板上，兩排排得密密麻麻，份量亦有很多，下面全是結晶的鹽。味道是鹹鹹的，非常夠味，質感乾身，但仍然帶出蟶子的鮮甜味道。扁肉湯有一粒粒粉皮，粉皮包著的是豬肉，還有一點點紫菜，豬肉軟熟，皮很彈牙，這個湯

今日同朋友專登嚟食呢間福建菜，聽人講好味值得推介，而且喺香港有唔少分店，呢間係美麗華，地點方便。餐廳裝修得好舒服，湖水藍嘅設計，加上木傢俱，坐得舒服，而且員工好有禮貌👍🏻 先上前菜 有酸酸甜甜蘿蔔，切得好薄，幾好味，同埋仲有木耳，前菜好開胃。見到今期推介食蟶子 $198 有兩樣 所以都跟住叫黎試下！冰爽酒糟蟶子 好鮮甜！第一次食蟶子 感覺有d 似蜆肉 但係就厚身 大d😆 唔會話係冰凍 冰涼透心 酒味微微滲出🤤 哆頭炒蟶子 蟶子新鮮 點整都好好味！炒蛋加埋香蔥 如果有飯送埋就一流🤤 酥炒芋芯 呢個係食過嘅朋友推介 果然好味 外層係薄脆嘅糖衣 食落甜甜地 入面係粉粉地嘅芋頭 忍唔住食完又食🤤精美四小拼 最鍾意個蝦苗拌頭水紫菜 帶點酸😆鹵汁豆腐都好香濃入味🤣 仲有豬蹄凍 同埋九轉小腸 都幾彈牙👍🏻 燒排骨 超入味 個燒汁好jeng 肉質鬆軟 一咬啲肉就同個骨分開 ，原來燒排骨個底仲有淮山，我哋本身以為係薯仔，好彩店員提醒，但食落味道完全冇中藥淮山味，反而好粉香。興化炒米粉 原來好大碟😆 果然係中國名菜，白如雪，幼如絲，米香十足，米粉非常幼細，入口順滑，仲有紫菜，韭菜，鮮蝦，白菜仔，豬腩肉等等

話說莆田一年一度既蟶子季節又黎，我同女朋友都期待以久，因為上年食完之後，已愛上，原因係啲蟶子勁肥美，價錢又平，198蚊任選兩款蟶子菜式，共有8種。而佢地其他菜式都唔差，份量剛好，味道岩哂香港人。今次我同女朋友周六既中午去食，去到已經開始多人，眼見店員亦都好忙。不過佢地手腳都好快，安排我地坐低後，好快送上茶到小食。女友話唔想食咁飽，所以我地都只係叫左一道蟶子。蒜蓉蒸蟶子 - 上年冇食到，今次想試下，因為份量好似比較多，食落果然水準一樣，肥美！爆汁！鮮味突出！閩香洋燒排 - 味道酸酸甜甜，炆得好淋，拎住支骨黎食，特別正。興化炒米粉 - 每次都必叫，因為佢地啲米粉真係好幼，啲配料又好味，有蝦有肉片同菜，鐘意食辣既人可以試下佢地既辣媽醬，配埋特別開胃

終於帶老公泥食莆田，沿路諗住佢門口試飲個薑茶，點知泥到原來今日無嗌左個冰浸苦瓜平時下午茶份量真係唔夠喉！今次嗌一大份食到夠莆田荔枝肉甜甜地，個肉好軟淋淋好好食！仲有兩粒超甜荔枝！正！莆田扁肉粒我同老公既最愛！好有家鄉味呀！有少少醋既湯好正！興化炒米粉加埋佢個辣媽辣醬係無敵！米粉入面既蝦肉好爽！蜆肉好甜！細如髮絲既米粉食極唔膩！正！198元蟶子料理8選1我地揀左鐵板鹽焗蟶子同埋花雕蒸蟶子花雕蒸蟶子好香酒味！好肥美！隻隻都脹卜卜！根本每一隻個殻都包唔哂啲肉！好肥！當造既蟶子真係無得頂鐵板鹽焗蟶子好好食！唔係太覺咸味，但好明顯好清楚食到蟶子既原汁原味，好香甜肥美！點埋個辣媽醬又係完美結合！下次要帶最愛莆田苦瓜同興化炒米粉既老爺奶奶再泥先！美麗華呢間真係坐得舒服服務又好

上年食過莆田蟶子，肥美鮮甜多肉，一試難忘。早2日起Facebook見到蟶子再度歸來，已攘住女友快D去食，今日收工同女友去尖沙咀比旅行團尾數，整完之後，正煩惱去邊度食dinner, 原來細心的女友早已起莆田訂左枱，真掋錫～！7:00去到，因訂左枱，所以不用等位，看看餐牌，女友話行到好熱，想食D涼涼地的前菜先，就叫左個冰鎮苦瓜，女友又好鍾意飲呢度嗰個莆田扁肉湯，所以每人叫咗一碗，再叫左一個荔枝肉，今次一心來食蟶子，當然不可不叫啦，現$198可以試兩款煮法，上年食過鐵板鹽焗聖子好好食，當然要encore啦，女友鍾意飲湯，另一款就叫左紅菇鮮蟶子湯。冰填苦瓜好快到了，擺碟好靚，好像一朶花，苦瓜片得好薄，點蜜糖來吃，清爽甘甜，非常消暑！之後扁肉湯亦送到，湯底鮮甜，扁肉彈牙，接著荔枝肉亦送到，荔枝肉皮脆肉嫩，鬆化，醬汁酸甜開胃。蟶子到～！鐵板聖子鮮甜，原汁原味，蟶子肥美，鹽焗更提升了鮮甜度；紅菇鮮蟶湯，第一次食紅菇，好香菇味，蟶子吸收菇湯，更加鮮甜！另外一提這裡服務好好，換碟收碟好快而且侍應笑容滿面！讚👍🏻越食越開胃，所以再加多左一個興化炒米粉。米粉炒得乾爽，配上蜆肉、腩肉、紫菜、鮮蝦，足料又好味！

幾年前食過一次莆田，記得係特色嘅福建菜，呢晚經過見到門口display蟶霸，友人就話想食～見到menu有8種蟶子煮法，我就揀咗銷量冠軍嘅鐵板鹽焗蟶子，友人想試薑蔥炒蟶子。鐵板鹽焗蟶子，冇太多調味，反而鮮味突出，以為焗完會好乾，點知蟶子肉依然肥美juicy！薑蔥炒蟶子，薑蔥香味適中，唔會蓋過蟶子原有鮮味～冰浸苦瓜，係我上次食過今次要encore嘅前菜，冰冰涼涼又爽口，配上蜂蜜夠清新～扁肉湯，以為會好細碗，點知相反😯湯底淡淡紫菜香，豬肉餃子有口感～LIKE荔枝咕嚕肉，同平時嘅咕嚕肉一樣，不過菠蘿變成荔枝，荔枝甜甜的又同咕嚕肉幾夾，加上咕嚕肉質彈牙，炸漿薄脆～最後友人堅持想試興化炒米粉，米粉質地幼細入味，配料平凡但味道驚喜！

作為莆田既忠實粉絲，見到有蟶子菜式食，周末即刻帶埋媽咪去食，次次去尖沙咀呢間莆田都好多人，今次更是座無虛席好不熱鬧！8款蟶子$198任揀兩款～鐵板鹽焗蟶子鹽焗蟶子真無可挑剔！鹽keep住個高溫，蟶子原汁原味無咩花巧野，超級鮮！少少花椒鋪係面更添香味，呢道絕對值得encore!紅菇鮮蟶湯上次食莆田已經知紅菇生係海拔高既地方，而且湯愈紅愈好，今次配埋蟶子一齊煲，又養生又好飲！黎莆田唔少得點辣媽醬～興化炒米粉$86同埋莆田扁肉湯$26溝辣媽醬都係絕配😍而且米粉特別幼身好入味，兩樣都有我中意既紫菜，真係每次必叫既菜式～莆田荔枝肉$89原粒去核荔枝同咕嚕肉既完美結合！荔枝肉咁食別有一番風味！冰浸苦瓜$49比以前係屯門食個間出色，因為切得夠薄身，點少許蜜糖就無曬苦味，又爽口！