西餐大排檔 (已結業)

之前生日在西餐大排檔吃，因此留下了很好的印象，這次剛好跟同事在銅鑼灣見客，就想碰碰運氣看看有沒有午市套餐。平時因為很喜歡他們的晚餐，不過一位難求加上晚上價格大概多一倍，一看到有午市套餐毫不猶豫坐下，真是賺到了。記得上次吃過黑毛豬，超級無敵好吃又夠份量，這次就想換換口味。一問之下當天的鮮魚是石斑，聽到了是石斑豈有不點的道理？另外加了55元就可以有海鮮拼盤，因為剛剛簽了新的單，覺得也沒理由虧待自己，我跟同事兩個人就很豪爽的加點了！首先上菜的海鮮拼盤，有生蠔、鮑魚、帶子、鮮蝦、鮮蜆，我最愛的分別是鮑魚、帶子和生蠔，份量和質量都很超值，實在是太豪氣了！牛油餐飽雖然是免費的，不過真的好似在純正義式高檔餐廳內吃到的麵包，非常的有嚼勁且美味，對於一家西餐真正的功夫，我很看重這些基本配備的水準，越是平淡簡單的東西越難做到極至，真心覺得這家西餐蠻厲害的～主菜燒石斑烹調的方式十分簡單，口味上也很素雅，嚐得是食材本身新鮮的程度跟基本功，石斑的肉是偏有嚼勁的，擺盤和配菜相當的漂亮，不過我整個重點都擺在魚身上。雖然是午餐，但是一整條大的石斑，份量可以說是非常的大，非常驚訝能用一百多塊吃到這個水準的石斑，實在滿足

聽個名覺得好得意，究竟係西餐吖？還是係大排檔呢？聽講原來係呢度主廚自己改嘅蕃茄芝士煮日本年糕， 一般年糕都係放湯或者用來炒 ，今次主廚將佢用番茄芝士尼焗日本年糕煙煙韌韌 ，香濃嘅芝士可以用來拉絲， 番茄同芝士嘅比例 ，好香濃味道好夾燒牛脷熱脆包 ，真係好創新又有新意個包真係好脆，脆到好似食薯片咁牛脷燒得好香，仲加埋啲芥末汁， 以前從來沒有食過活蜆白菌薑味白酒煮蝦： 啖湯真係好鮮甜，既有薑味又有酒味， 味道遠遠超越大酒店嘅龍蝦湯蝦肉鮮甜爽口每隻蝦都挑咗蝦腸，主廚真係好細心燒西班牙黑毛豬 ，大大分，分量十足！外香內嫩嘅黑毛豬， 一口咬落去，油香加上肉汁嘅juicy 食咗咁多香濃嘅肉，食番個火龍果雪葩， 雪葩酸酸甜甜，幼如細沙 ， 口感清新， sweet ending豐富嘅一餐，值回票價

之前在網上見到這間餐廳名已經一直很想試試因為一看就知道是西餐和大排檔菜色的fusion但會是什麼味道呢?剛巧老婆仔今天在銅鑼灣上班收工後就決定和她到這裡晚餐各種食物都好像很特別我們點了88元的燒牛脷熱脆包以及98元的冬陰公蝦多士再加一份168元的活蜆白菌薑味米酒煮鮮蝦因為前菜選了很多主食就只選一份229元的燒西班牙黑毛豬「肉眼蓋」最後再加一份68元的番薯雪糕作為甜品飲品就分別選了名叫「熱情繽紛」的mocktail以及很有大排檔特色的好立克紅豆冰先來的是燒牛脷熱脆包間中會吃牛脷但配合包吃就從未試過吃起來竟然很夾因為牛脷燒得很軟很香整體吃起來似是很有口感的漢堡包餡料而且牛脷塗上一層薄薄的日式芥末不會蓋過牛脷的香味之餘又能豐富味蕾確實不錯之後是冬陰公蝦多士送上來時我們都嚇一跳沒想到竟然是原隻蝦上感覺非常真材實料事實上多士和蝦融為一體兩者都很脆所以不太能分別出自己在吃蝦還是多士但卻吃到很鮮的蝦味再加上很具泰式感覺的醬汁整體感覺也很出色活蜆白菌薑味米酒煮鮮蝦是一盤用酒浸著的蝦和蜆因為用的是米酒所以蝦和蜆都有很濃的米酒味非常入味而且份量算多我們都分別吃了不少蝦和蜆雖然用的是米酒但因為大部分酒精已蒸

👍🏻VIRGIN COLADA 純情哥哥。$68無酒精雞尾酒個名好吸引啊哈哈其實就係菠蘿汁+椰奶飲得出無添加好香濃椰奶味，但又不會掩蓋菠蘿的清香，估唔到原來菠蘿加椰奶可以咁夾🍸👍🏻薄荷菠蘿冰。$38薄荷既清新飲落好舒服仲要有唔少新鮮菠蘿粒唔會太甜，非常解渴🍹👍🏻燒牛脷熱脆包。$88包身干爽超脆，牛脷不少厚厚夠彈牙特別在配上適量的芥末醬味道層次更加以提升👍🏻燒西班牙黑毛豬肋條肉。$178第二次食呢個豬肋條，次次都好滿足，因為真係好好食，外微焦內軟，可見肉微粉紅，肉質鮮嫩，燒到岩岩好👍🏻香辣鮑魚鮮蝦意粉。$168呢個好岩我食，因為我嗜辣，整體黑椒味好夠味，鮑魚切條狀，方便進食，好鮮甜彈牙！鮮蝦唔少又大大隻扁意粉掛滿汁，配料有 香蒜、蘑菇、洋蔥、蕃茄、黑椒等，呢個意粉質素好好，真係不錯！👍🏻白汁松露鮮蝦煮雞。$168白汁松露汁真係好正 配埋鮮蝦雞肉食確實無敵！雞肉鮮嫩，鮮蝦彈牙。每一啖都充滿松露香😋👍🏻蕃薯雪糕。$68原隻蕃薯上，蕃薯味濃烈，冰凍香滑，好似食緊真蕃薯一樣

永遠既信心之選就係呢到，品質一直保持高水準得閒獎勵下自己都應該我同女友各點一個SET DINNER每個餐加88蚊就有一份海鮮拼盤我地加左兩份海鮮拼盤既食材每次都齒頰留香生蠔配自製既泰式汁少少辣反而帶出蠔既鮮甜帶子配日式味噌醬咸咸甜甜既味噌襯托帶子既嫩滑蟶子超爽脆，咩醬都唔洗點已經好好食餐湯我選擇羅宋湯，而另一半就揀左磨菇湯一黎就已經睇到材料十足，有甘筍，西芹，洋蔥，仲帶少少辣度更加開胃連碗都加熱過，保持湯飲到最後都仍然有溫度保存，夠哂細心黑松露忌廉煮年糕作為一個小食，煙韌既年糕，每一啖都有忌廉既滑同黑松露既香主菜女友點左肉眼扒，但係佢自私食，我睇到流口水而我就點左羊鞍，五成熟，切開粉嫩，食落嫩滑多汁，膏位帶脆，完全無渣最後點埋個焦糖蛋糕做甜品，對我黎講就甜左啲，有啲膩

朋友仔話帶我去西餐大排檔食晏 ...西餐都有大排檔 ?! ?! ?!睇到這份海鮮拼盤就知不是大排檔質素喇 !!!朋友仔上次帶我去位於尖沙咀 Chef Stage by Eddy Chu 食晏時知道我好欣賞個海鮮拼盤所以今次特登帶我來 Eddy Chu 主理的西餐大排檔回味一下午餐 +HK$55@ 就可以有一份海鮮拼盤 ... 這兒是兩人份已經用醬汁煮到軟腍入味的鮑魚、大大隻又新鮮的生蠔又爽又脆的蚌片、爽甜彈牙的鮮蝦仲有用好特別的蜜糖麵豉汁浸住的帶子，味道咸咸甜甜，更能帶出帶子的鮮味餐廳環境很舒適，一點都不似大排檔 ...午餐選擇蠻多，又有彈性 ... 可以自由選配海鮮拼盤、沙律、甜品我們點了兩份午餐 ...午餐包了餐湯、麵包、主菜和咖啡或茶剛烤好的蒜蓉包暖烘烘的，又香又脆熱騰騰的南瓜蟹肉湯不太濃稠，味道好清甜，裡面仲有蟹肉的紐西蘭羊鞍 HK$158外層煎至微焦香脆，裡面肉嫩多汁，羊羶味適中加上厚切的關係，入口啖啖肉，很滿足呢 !!!朋友仔的 ... 西班牙橡果級別黑毛豬 HK$138一上枱仲以為上錯菜 ...不只賣相，切開了也好似七成熟的牛扒怪不得點菜時，店員特別強調黑毛豬是七成熟外面

同男朋友見到呢間餐廳係openrice有咁多好評，而且餐廳名咁有趣，就專登去食。一睇個名，就以為係大牌檔食西餐但其實間餐廳係樓上嘅。睇完個餐牌之後，我地就叫左燒牛脷熱脆包、意式蕃茄芝士煮年糕、活蜆白菌米酒煮鮮蝦、西班牙黑毛豬肉眼、蝦肉醬蘑菇意籶配鮮蝦、菠蘿雪葩。蕃茄芝士年糕有超多芝士，加上蕃茄味非常濃，而年糕就好煙韌，好好食。牛脷脆包食到同男朋友之間嘅回憶，因為個包入面嘅醬係芥末沙律醬，非常好食。牛脷方面唔太厚，可以一啖食哂。而呢個蜆菇蝦個湯好正，因為薑味好足，係呢d涼涼地嘅天氣飲好岩。蝦每人有3隻而且幾鮮。黑毛豬個豬味好足，而且好大塊，切到手都軟埋。加上個配菜係紫薯，好有心思。鮮蝦意粉嘅蕃茄味都好濃，加埋黑毛豬一齊食，岩岩好。龍舌紅太陽個顏色好吸引，呃like一流。朱古力紅豆冰d朱古力味好濃，好特別。

有時候人總中意懷舊！銅鑼灣呢間西餐行港式風格裝修似足八十年代嘅舊餐廳，好有心思。Tomato rice cake蕃茄芝士味嘅年糕！好特別嘅整法，年糕好入味，吸咗蕃茄香。醬汁濃郁而且分量多，酸酸甜甜夠開胃加上拉絲芝士，食落煙煙韌韌好得意！OX-Tongue Bun呢個係牛脷脆包牛脷烤過帶咸香，有厚度得嚟夠鬆軟包入面配咗芥末醬，辣辣地又幾夾！Clam Prawns & Mushrooms 用薑味米酒煮嘅蝦同活蜆！個味道有小小似白酒煮蜆帶出咗海鮮嘅鮮味蝦彈牙爽口而且有蝦膏蜆厚肉無沙，配上米酒味道清甜Grilled Pluma主菜我地要咗西班牙黑毛豬！個樣其實勁似牛扒，煎得好粉嫩！外層帶焦香，而內裏juicy保持有肉汁豬嘅肉味好香，伴碟嘅紫薯好滑好香甜整得好有水準！Dragon Fruit Sorbet 最後食埋甜品火龍果雪葩成個火龍果整成，有濃濃嘅火龍果味！而且雪葩好滑，酸酸甜甜好味。薄荷菠蘿冰懷舊嘅感覺，菠蘿味幾鮮甜配埋薄荷夠清新

距離上次黎呢度食野應該已經有大半年，呢段時間不時都有諗起呢間西餐廳，因為第一次食完有驚豔到，覺得價錢唔算好貴，而質素又相當唔錯。每逢有朋友問銅鑼灣邊間西餐好食，我都會推介呢度不過我就黎過兩次都係食晏，唔知晚市食嘅野有冇唔一樣，午餐就幾抵。餐廳地方都幾大，幾多位，雖然個名叫大排檔，但就同大排檔冇咩關係，都係一般西餐廳裝修，乾淨企理。內圍有幾個位靠窗，視野闊啲，都幾舒適。雖然今日星期日，但因為我同女友約左人去深圳玩，所以一早就喺度食完野先。準時一開門就黎，未有客人，我地揀左坐窗邊。午餐有8款，有意粉、炒飯、黑毛豬、牛仔骨、羊鞍、鮮魚、牛肉眼，價錢係$98-$168，包餐湯、餐包、咖啡/茶，有需要可以加錢要沙律、甜品或者海鮮拼盤。平日就免加一嘅，每位最低消費$98。我地點左兩份套餐，同埋每次黎必點嘅海鮮拼盤，都加埋甜品，人均二百五蚊，非常滿足，都推介你地鐘意食海鮮可以加海鮮拼盤：生蠔、鮑魚、日本帶子、鮮蝦、鮮蜆幾款海鮮全部都好新鮮，生蠔唔係好大隻，但都好鮮甜；最鐘意呢度嘅日本帶子，軟腍冇雪感，配左啲好特別嘅醬汁，特別鮮味至於鮑魚都係驚喜，好似醃製過，好入味，而且食落好軟，唔會un胃。餐湯：大

岩岩趕完project，好朋友介紹去銅鑼灣的西餐大排檔食飯。li 間餐廳比大排檔乾淨，坐得幾舒服。今次我地叫左幾多野食。意式香草蕃茄芝士煮日本年糕 $88 蕃茄香味好濃郁，酸酸地可以warm up個胃食多D野，D年糕軟硬適中，整體配搭幾西式。燒牛脷熱脆包 $88 脆卜卜的包，牛脷食落去非常鬆化，唔會覺得’蘇’，入面仲有芥末醬，好正的配搭，堅好味！活蜆白菌薑味米酒煮鮮蝦　$168 Li 碟餸的材料同味道已經充分表達左係個名到，海鮮非常新鮮，值得一讚是廚師好有心機將蝦的腸都挑得乾淨，蜆食落去唔會有沙，配上米酒，好清甜!燒西班牙黑毛豬「肉眼蓋」 $229 必食!! 一切開即刻聞到黑毛豬香味，肉汁嫩滑，好JUICY!　紫薯幾香甜，D菠蘿都好鮮甜。甜品我地試左番薯雪糕$68 同原隻菠蘿雪葩 $78 第一次食原隻番薯雪糕，重點係原隻!! 日本蕃薯勁香甜，食到蕃薯最原始最甜GE味道，D蕃薯肉直接整成雪糕，又甜又滑! 仲有原隻菠蘿雪葩，第一次見原隻菠蘿上，夠霸氣!　食落去有淡淡清新菠蘿的香味，如果個菠蘿可以再大點就好喇！

港式大排擋風格卻主打西餐Gimmick就夠搶喇 唔知味道又如何呢？餐廳環境開揚燈光微微調暗左 幾有格調午餐餐牌每星期都會更新一次確保食材係時令同埋夠新鮮是日餐湯係甘荀蟹肉湯甘荀味道非常濃郁 飲落仲可以食到甘荀蓉蟹肉份量都幾多 味道清甜以$55 加配海鮮拼盤分別有生蠔，鮑魚，鮮蜆，鮮蝦同埋日本帶子帶子非常突出 配左麵豉醬好特別鮑魚鮮甜無比 肉質好飽滿整體海鮮質素好高店內主打既西班牙橡果級別黑毛豬 $138超大份同埋抵食而且係優質豬肉 所以餐廳堅持只會煮至7成熟入口肉質彈牙爽甜 保留到原有鮮味配菜既紫薯薯蓉都相當可口！松露白汁焗牛肉蛋炒飯 $108必試既一款 真心推介！牛肉焗到好腍身 醬汁配搭得宜 松露味道香濃到不得了芝士更添惹味 成個飯既味道層次真係好豐富

#Lucas小食家 今次去銅鑼灣上樓西餐廳找好吃!這一頓十分豐富，有海鮮、黑毛豬、和牛，而且價錢合理，令我一再回味。這是午餐菜單，選擇不少呢 蟹肉蕃茄湯有驚喜! 除了有很濃郁的蕃茄味外，湯肉有不少蟹肉，令湯的味道昇華。 海鮮拼盤只是加$55就有了，十分划算，有生蠔、鮑魚、帆立貝、蝦及蜆。海鮮普遍有鮮味，醬汁也調得不錯！ 西班牙橡果級別黑毛豬點了7成熟，充滿果仁味道且回甘，到這一刻仍很回味。 和牛漢堡配魚柳、聖子漢堡扒用上和牛當然好吃，口感鬆鬆軟軟的，魚柳OK! 有聖子伴碟這個組合也頗新鮮！

當朋友話帶我去食西餐大排檔, 我初時聽到個名有些摸不著頭腦, 唔知係咩嚟, 一來到間餐廳, 原來個餐廳名稱叫做西餐大排檔. 座低睇佢的餐牌, 原來間餐廳都有唔少都幾特別的菜式, 仲有唔少酒類飲品, 很快, 我們已選定了幾款, 落了order之後, 可以舒舒服服座係度等食. 好快, 我杯朱古力紅豆冰上來, 好特別, 我都是第一次飲朱古力的紅豆冰, 見到杯底有厚厚一層紅豆, 而杯面有一球雪糕, 看上去很有懷舊feel, 待我攬均後啜一啖, 哇! 入口是好香濃的朱古力味, 又香又滑, 最後留在口腔中的是粒粒紅豆, 嚼下的紅豆, 又香又粉, 認真唔錯! 無幾耐, 頭盤吞拿魚沙律上枱了, 雖然間餐廳叫大排檔西餐, 但看他的食物賣相, 絕對不是大排檔級別, 非常的精緻, 但是菜式的價錢並不貴, 價格真的是大排檔級數, 我見到頭盤裡有數塊切到四方形的, 外皮已煎到金黃的吞拿魚放在碟的底部, 然後上面鋪了些青青綠綠的沙律菜, 沙律菜的上面又放了些大大粒金黃色的魚仔狀啫喱, 然後又有一層淺綠色的, 聞到有華沙比香味的醬汁在最上層, 看上去非常清新, 切開D吞拿魚食, 見到D吞拿魚外層全熟,

還記得上一來西餐大排檔時，與好友嘗了一頓美味的dinner set，今次再光顧，當然想試試新菜式，單點了不同的美食！再一次，捧着滿足的肚子離開！乳酪蝦仔蛋沙律面上鋪滿粒粒乳酸爆珠，混合沙律一齊食，感覺好清新。焗法國連殼食田螺無殻的田螺由酥皮包裹，裡面注滿香濃的蒜蓉及香草， 令人忍不住一粒接一粒。冬蔭功蝦多士大蝦的體積跟手掌一樣長！茶餐廳的蝦多士就食得多，如果是冬蔭公蝦多士，你又食過未？平常吃的蝦多士是方包釀蝦肉，這裡用的是法包，而且是原條大蝦上，很吸睛。多士炸得鬆化脆口，大大條虎蝦夾於法包之間，外脆內爽口，口感豐富。不得不提的是特別調配的冬蔭功醬，很惹味，帶點微辣，為蝦多士帶來另一種獨特的風味！燒西班牙黑毛豬肉眼蓋份量很大的黑毛豬用刀切，已感覺到肉質好柔軟。豬肉保留相當多的肉汁，油脂甘香，既嫩且軟，豬味重而不羶。用上原味紫薯取代薯蓉，味道微甜，沒有額外添加cream、沙律醬或調味料，吃完都不會太膩，好味道！附有幾粒鮮菠蘿，消滯之餘又幫助消化。蝦肉醬磨菇意粉意粉熟度剛好，帶點韌勁。面上鋪滿蝦肉及茄汁，很開胃，菜式未算很特別，但味道不錯。由Orange juice, pineapple j

去開銅鑼灣，逛下逛下，又到夜晚，朋友話食西餐，我就立即想起「西餐大排檔」，這個選擇不會有錯的！燒吞拿魚沙律配千島汁看似平平無奇的沙律，原來內有乾坤。首先是沙律加入了乳酸味的彈彈珠，味道上出奇的搭配。底部的吞拿魚才是主角，燒吞拿魚的火喉，控制得很好，魚肉帶著濃香的魚油味，入口輕輕一咬就溶化開，真的完美不過了！黑松露年糕 年糕煙煙韌韌，充斥著黑松露的香氣，還有厚切的一片蘑菇，配搭得非常恰當，幸好份量不是太多，否則會太膩，未到主菜便已飽飽了！燒西班牙橡果級黑毛豬肉眼蓋廚師把肉眼蓋外邊烤到脆脆的，增加口感，但肉質還仍然保持非常的軟化，一點都不會韌，宜且餐廳貼心的提供了菠蘿伴碟，可大大的為比較油膩的黑毛豬帶來一點清新。艾迪乳鴿肉質爆嫰滑又入味，骨也煮得很軟熟，脆皮又薄脆，讚不絕口！Virgin Colada 純情哥哥（pineapple juice, coco milk）見到個名好搞笑，一於叫來試試佢。當菠蘿汁配上椰奶時，結果會係點？？帶酸的菠蘿汁，原來更能突顯椰奶的味道，夏天飲，更清熱提神，胃也開了！咸檸檬七喜朋友話今日想懷舊一下，就點了這杯七喜加咸檸檬，解渴！