重慶劉一手火鍋店 (旺角商業大廈) (已結業)

一直都好想試吓食劉一手，今日終於有機會同朋友嚟試吓啦。旺角劉一手嘅鋪面闊落，裝修都幾舒服，重點係每張枱都好大，唔會好似其他火鍋店咁，嗌得太多嘢食就唔夠位擺。我地叫咗個火鍋套餐，要咗椰子滑雞同山珍雜菌嘅鴛鴦湯底，內容都幾豐富，有招牌劉毛肚同埋爽脆黃喉，仲有雪花肥牛、豬頸肉、雞肉，丸類方面有牛丸、豆卜魚腐、墨丸、龍蝦沙拉丸，蔬菜方面有冬瓜、娃娃菜、唐生菜、粟米、萵筍，另外仲有個出前一丁。兩個湯底都好濃郁，椰子滑雞超級香，忍唔住飲咗幾碗，雜菌鍋有超級多雜菌同埋冬蟲夏草，感覺好滋補。上菜嘅時候，店員提醒我哋劉毛肚同黃喉只需要淥七至八秒，兩樣食落都好爽脆，口感好特別。所有肉類都好新鮮，肥牛嘅肥瘦比例適中，雞肉超級嫩滑，豬頸肉都夠肥，好好食。牛丸好令人驚喜，一咬落去就有好濃郁嘅肉汁咇出嚟。豆卜魚腐大大粒，墨丸入面可以食到一粒粒嘅墨魚。個人就最鍾意龍蝦沙拉丸，一咬落去啲餡就流晒出嚟，好特別。佢嘅蔬菜都好新鮮，尤其係粟米同冬瓜，真係好甜。我哋仲嗌咗1L嘅凍菊花桂圓杞子茶，每人可以飲到三、四杯。見到佢入面有好多料，飲到陣陣嘅菊花香味，感覺好清新，好解膩。希望下次可以試埋其他湯底同埋佢嘅海鮮啦。

雖然依排出邊熱辣辣，但係總係心思思想去食辣野🙈開咗係銅鑼灣一段時間嘅劉一手，原來係朗豪坊對面2分鐘嘅路程都開左一間！所以拿拿林就去咗試吓啦😇地面櫃檯好好招呼，帶領我哋去入𨋢之餘，真係好似親身去咗大陸咁好招呼同笑容咁。而去到唔記得係2樓定3樓已經有侍應又接着我哋喺𨋢口帶到我哋去座位啦。環境都感覺真係唔似係香港食打邊爐！坐落左，職員有好熱心咁介紹啲Menu係點睇，我仲發現原來佢地都有出自家品牌嘅啤酒添仲要麻辣味！真係好創新！奈何嗰日唔方便、唔想飲啤酒，所以就冇嗌lu🤐但除咗啤酒之外，我發現啲甜品都幾吸引！我哋叫咗個麻辣加酸菜魚嘅鴛鴦鍋，叫咗小辣🙈酸菜魚好夠料👍火鍋料我哋叫咗一個炸重慶酥肉、極上高尚牛肉拼盤成（小）、一份皇帝菜、一份羽衣甘藍豬肉餃、一份午餐肉、一份鴨血、一份讚岐手打烏冬、一份油炸鬼墨魚滑同一份竹笙😁菜好快送到，酥肉好脆，浸落湯底同鬼馬墨魚滑一樣脆得黎又吸左啲火鍋湯幾惹味！竹笙好夠份量，必點！牛肉有好幾款，可以試到唔質感既牛肉而又配埋唔同湯料，一次過滿足多個口味😍（因為有事要喺麻辣燙/酸菜鍋之間，真係唔知應該點揀好🙈）我哋就叫左個極尚牛肉拼盤盛（小）嘅deal😈 好快就嚟到👍而

喺旺角想搵打邊爐選擇有好多，但就比較難搵一間正宗嘅麻辣火鍋👏🏻👏🏻劉一手係最好嘅選擇👍🏻今日去到發現有個新Menu，全部都係啲纖形系列，啱晒又鍾意打邊爐又怕肥既女士們。新野就梗係要試一試，點了冬瓜仙氣鍋，湯底10分清甜，只要有冬瓜，豬骨，冬菇👍🏻👍🏻值得一試😊火鍋配料亦有很多選擇，牛小排，豬腩肉，龍躉片，當然唔少得我最喜愛嘅魚皮👏🏻👏🏻每一樣都好新鮮，打邊爐一流👏🏻👏🏻之後加多杯滋潤水果茶，又清甜又解渴，絕對唔會怕熱氣👏🏻👏🏻好味😋😋

邊爐係打唔完架！我都覺得自己打邊爐嘅次數有d多，不過又真係好難抗拒呢。香港實在有好多特色嘅打邊爐地方，有唔同嘅主打，所以都好值得去試。湯底我地揀左椰子滑雞湯，感覺無咁熱氣。鍋底都幾足料呀，有好多椰子，目測都有半隻雞添，我地就先食d雞先，又幾嫩滑厚肉喎。打邊爐配料唔少得牛肉啦，依度單單係牛肉嘅選擇已經多，有雪花肥牛啦，牛頸脊，肉眼牛肉，和牛肩小排，和牛西冷，真係花多眼亂，我地就先叫個基本雪花肥牛先啦，雪花令肉質幼嫩，係不能錯過。另一推介係鮮蝦滑丸，d蝦真係好爽脆呀，粒丸又彈牙，真係要試下。醬爆牛丸都係另一驚喜，食嘅時候真係要好小心，真係會爆汁架！牛丸本身係彈牙，中間包住一d蝦肉，除左爆汁之外，令牛丸多一層鮮味，係正嘅。當然我地仲有其他配料啦，魚片餃，寬粉，蔬菜，炸魚皮等等，每樣都係新鮮唔馬虎架。

去旺角店, 環境寛敝明亮 食材新鮮 除了招牌麻辣湯底外，還有4款湯底，包括皮蛋芫茜鍋、花膠響螺雞鍋、沙嗲鍋及番茄牛尾鍋，讓不嗜辣的朋友也有多個選擇。調味料也精致 還有罐裝的香油 服務也好

過江龍劉一手喺正旺角中心地段，同地鐵站只有10步距離。餐廳面積大，而且座位闊落，好適合一班人嚟打邊爐。由於朋友唔食辣，所以我哋無叫出名嘅麻煩火鍋，但就叫咗個椰子雞鍋。好香嘅椰子味，仲加入紅棗，好似好養生。湯底足料非常，我哋3個人食極都仲有，去到最尾都仲夾到雞件，我估有一隻全雞嘅份量。打邊爐不可缺少嘅牛肉種類亦有好多選擇，澳洲、美國牛外，仲有日本和牛。我哋點呢款係美國雪花肥牛，雖然雪花不算均勻，但牛肉味夠！作為牛魔王嘅我當然唔會只食一款牛肉，我哋仲叫咗個爆漿牛丸，咬開入面有d餡料，唔係好食得出係d咩，但有d鮮味，唔知係咪有蝦肉。我哋都仲叫咗蝦丸，咬開係見到蝦膠包住蝦肉，所以彈牙又有咬口！蒿荀好大片，油麥菜亦嫩綠全枱人讚好劉一手Page 仲送炸魚皮! 下次去打算試吓劉一手自家出嘅手工啤，麻辣味，好似好刺激咁呀！

近年有不少麻辣火鍋過江龍進駐香港，鍾意食辣的我當然啦不會放過大大少少的麻辣火鍋店，其中劉一手就係我食過最正宗的！我喜歡的就係湯底就係重慶麻辣鍋（小辣），湯頭味道濃郁而且辣勁十足！值得一贊的係湯底辣不嗆喉，雖然係小辣，但係辣度會愈滾愈香。除左辣湯底之外，餐廳仲有其他湯底選擇，例如山珍雜菌鍋既不辣，又健康養生！照顧返食唔食辣的朋友。餐廳的環境好寬落！坐得好舒服，就算一大半人（8-10個）都有位可以一齊座。餐廳外面有調味料架比食客自行調教醬汁，不過湯底的味道已經好夠，所以我就無點任何醬料。極尚牛肉拼盤（小）：拼盤内有共有3款牛肉，其中我最鍾意的就係澳洲和牛小排同美國雪花肥牛！牛小排呈大理石花紋，肉質細嫩甜香治愈帶有香濃牛味。而美國雪花肥牛的脂肪雪花則比較多，但亦分佈均勻，味道特別甘香軟腍。鮮蝦滑丸：蝦丸材料新鮮夠分量而且口感彈牙，咬開起碼有2-3隻鮮蝦餐廳除左火鍋配料之外，仲有串燒食，甜品等等不同種類的食物！我地都叫左羊柳串同蒜蓉燒茄子。羊柳串加左麻辣汁一起燒！食起來完全沒有蘇味之餘羊肉亦十分嫩口。燒茄子上鋪滿了蒜蓉，味道很香亦能食到茄子原本的清甜味道。劉一手除了食物質數高之餘,店員的服務亦

今日好想打邊爐，但夜晚食完會好飽，就揀左lunch 去食！兩個人，點左個$580 lunch set，適合2-3人食😂平時揀set都總有啲「伏」，難得地哩一個我大部分都食。我哋點左麻辣小辣同酸菜魚湯底。等我重點分享幾款我覺得好食嘅：1. 牛骨濃汁牛丸（圖上）：爽口彈牙豆卜魚腐（圖下）都ok，平時好怕魚肉有陳皮味，好彩佢無！！2. 爽脆黃喉：有如其名又爽又脆，喺湯入面拖十下就食得3. 蔬菜拼盤：平時跟餐嘅會好細份，但哩個係真材實料，啲萵筍同娃娃菜配酸菜魚混，夾！其他食物份量都十足，同個menu 顯示一樣，加上午餐人少，招呼好周到！#重慶劉一手火鍋 #午餐 #旺角美食 #hotpot #mongkokfood #igfoodie #pictureeatsfirst

朋友今日約食劉一手麻辣火鍋，原來劉一手已經有成一千多間分店！！人氣真係不可看少。旺角分店共有兩層，環境雅致而且很有特色！餐廳座位亦非常寬趟唔會令人有逼狹的感覺。我地叫左個2和湯底自選成鴛鴦湯底，其中有山珍雜菌鍋同埋唔少得的當重慶麻辣鍋（小辣）。未試湯底已經可以聞到一陣陣的麻辣味道，令人鼻子癢癢！即使係小辣，但食落依然辣勁十足同時令人覺得刺激過癮。而山珍雜菌鍋的材料非常豐富，湯底有各種的雜菌之餘更有大量滿蟲草花！真係落足本。外面更有不同的調味料比食客調教醬汁，不過我個人認爲湯底的味道已經很好沒有點醬料的必要。係等待食物的期間我地仲叫左燒茄子過下口癮，燒茄子上鋪滿蒜蓉，茄子惹味清甜，而且茄子一夾已經離皮。打邊爐點可以唔食牛肉呢！我地叫左一個細的極尚牛肉拼盤（小）。拼盤内有3款牛肉，包括：美國雪花肥牛，澳洲和牛小排等等。牛肉色澤紅潤而且雪花紋理分明。澳洲和牛牛味濃郁帶嫩滑口感。而雪花肥牛則比較鬆軟，脂肪也比較豐富。除左牛肉我地叫左一些蔬菜類，例如竹苼，豆腐，蓮藕和萵筍等等配麻辣湯底簡直係絕配。蓮藕和萵筍脆嫩香甜，萵筍分量十足味道清新。而竹笙吸收曬湯底的精華令人食得十分過癮。最後仲有皮薄餡令的

火鍋店成行成市周街都係高級嘅又有低級嘅都有抵食嘅又有，但係要搵一間食材新鮮絕對唔投訴嘅可能有啲艱難，但比我搵到喺呢一間火鍋店佢嘅食材絕對新鮮，因為呢次我哋一行四人去到叫咗一個海鮮拼盤，一個牛肉拼盤，一個集材拼盤，全部都係絕對新鮮，仲要價錢其實絕對可以接受，我當日去嘅係旺角嘅分店裝修絕對係乾淨企理，侍應禮貌待人，還會細心介紹當天什麼海鮮新鮮，什麼牛肉比較靚，還會不停過來換骨碟和倒茶！所以大家真係可以去旺角分店試吓㗎！

前幾天爸爸的朋友在外國遠道回來，爸爸就叫我搵一間可以招待老朋友嘅火鍋店，佢話一定要食材新鮮好味，咁我就幫佢訂咗呢間火鍋！我哋一行四人爸爸媽媽我同佢朋友，一到達嘅時候門口嘅服務員超級禮貌仲帶我地坐低，之後就介紹邊種食材今日最新鮮，咁我哋就帶咗一個海鮮拼盤，一個牛肉拼盤，兩個都係必定要食嘅，最特別嘅就係一個黑糖糍粑係絕對絕對一定要叫黎食嘅！我哋仲另外叫多一份豪，其實海鮮拼盤已經有豪，但因為佢哋啲豪實在太大隻所以我哋忍唔住叫多一份，我可以介紹大家呢間火鍋店必定要去，火鍋必選！

放工相約同事們去食這間麻辣火鍋人氣店。一坐下冷氣都好夠凍，店面有2層，坐位都算闊落。我地坐下點了雙湯底,一個係正宗重慶麻辣（小辣），一個係椰子滑雞。湯底一到已聞到麻辣嘅味道，椰子滑雞湯底就好清甜。我地第一時間就去飲左湯先。之後先再叫店員姐姐加湯🤤配料方面，我地叫左牛脊肉，黑牛柏葉，廣島蠔，烏冬等等，配料好新鮮，但配料下了麻辣湯底後，非常入味，反而冇左本身食物嘅味，所以建議配料係唔辣果邊先煮，差唔多熟先再係麻辣果邊煮煮😌留意湯底會越煮越辣所以煮到合適的辣度要將麻辣湯渣隔出來🤓

今晚訂左張六人枱試呢間講左十世都未有機會黎到既打邊爐好地方餐廳佔地三層，每層座位相隔甚遠不會有壓迫感。醬汁搭配area有好多款醬料可以配，其中以花生醬麻醬同花生粒最吸引到我呢位花生友第一次食火鍋個醬係用花生醬🥜我地選擇左鴛鴦湯底，一邊麻辣一邊皮蛋莞西叫左雲呑皇，龍蝦沙拉丸，芝士魚豆腐，鮮蝦魚滑，脆肉魭，牛頸炙，豚肉片，豬頸肉，羊肉片等等D野食賣相同食落都同一般火鍋店有幾大分別like佢個Facebook page仲送多盤炸雞軟骨，有人生日仲會送埋香檳，好抵食

火鍋味道可以，食品新鮮。服務人員熱情❤️有主動介紹及推介，啤酒有優惠，24:00 已經很少人，同事說 01:00 收工回應時也很有禮貌食下食下不知不覺會越叫越多，收到賬單嘅時候已經嚇一跳了。😅但是在食嘢的過程中食得很開心，都總算是有價值的。食物大致上是新鮮的，牛肉丶黃喉丶鴨血丶牛丸也是有水準，叫了個鴛鴦火鍋。飲品也有減辣的沙冰，有5-6款選擇，叫了個荔枝盧薈沙冰，一般的味道甜甜，因為太飽了，竟然喝不完啊，有種浪費的感覺囉。

適逢朋友生日，壽星女想食重慶麻辣火鍋，於是就黎到交通便利的旺角分店食。由於一早已訂位，所以就唔駛煩等位的問題~店內環境都好乾淨企理，座位亦唔算好擠逼。店員亦會為客人提供圍裙，以防客人整污糟衫，呢個舉動都好貼心。我地叫左重慶麻辣(中辣) 同豬骨湯底，湯底好足料，夠味，而且辣得黎帶點麻，整個湯底好香，好惹味，適合重口味既我。另外有叫到炸魚皮，響鈴 好香脆，但唔油膩。寬粉就好煙韌彈牙，可以encore重慶火鍋特色之一 爽脆黄喉(豬的喉嚨).其實都係第一次食，初初都驚會有唔會浸怪味，但食落好爽脆，而且帶點麻辣，一試就愛上了。牛肉色澤好新鮮，紋理都好清晰均匀，食落口都好濃牛味，有質素，唔會好肥 同平時放題既肥牛完全唔同質素，真係價錢與食物質素成正比。極尚老闆天梯擺設得好有心思，眼前一亮，丸類屬中規中矩。由於朋友生日，我地自攜蛋糕，餐廳會收取$100 切餅費及另送一枝蘋果有氣果汁。如果有意在餐廳慶生的朋友要留意了。以火鍋黎講，雖然價錢屬偏貴，但食物質素與價錢成正比，食左一餐有質素的重慶火鍋。至於服務方面，職員的服務都好到位同主動有禮，總括黎講係值得推介一試的餐廳。