野郎Stone (已結業)

尖沙咀有各式各地既佳餚，又有各種各樣既大小食，宜偏偏響內街就有一間隱世燒肉店。我同朋友行入貴店，鋪頭雖小，但唔覺得好擠迫，亦都唔會有一陣陣既油煙味。餐牌方面，由一般大家都食開既西冷，肉眼，到日本既黑毛和牛都有，一共有成十多款餐廳既煮法係將石頭加熱再將牛扒放石上慢慢煮熟，完全能夠將肉汁鎖死之剩，仲可以將牛扒慢慢煮，唔會有overcook 既情況出現。我同朋友分別叫左一份400g既牛板腱配薯泥同埋400g既牛肋間隔膜配日本煙燻豚肉腸，牛板腱係附著於肩胛骨上方的肉，肉質結實，入口有爆汁既效果，中間帶有一條筋，對喜歡有咬口既人係一流既選擇。牛肋間隔膜脂肪少，肉質好似牛腩，肉味較濃，雖然脂肪部份較少，但咬落去完全冇好似食香口膠咬唔開既感覺，非常適合怕食肥既你。餐廳更為大家配上燒汁同埋柚子酸汁，比唔同既人仕選擇。薯泥可以加上少少岩鹽，又或者用餐廳自家制既辣味噌，辣味留響口腔既味道加上味噌既少少咸味，為軟滑既薯泥帶黎唔錯既質感。唔好以為咁食法會好貴，同你一般出街食份牛扒既價錢都差唔多，但質素比起你食開卻有過之而無不及。

平時出開尖沙咀 我都鍾意去厚福街尋找美食 竟然今日畀我搵到一間超高質素 價錢又抵 食牛扒嘅好地方營業時間 中午12時至晚上11時 收得都幾夜 啱曬一班夜鬼過嚟食宵夜有11款牛肉部位及一款羊架提供 食物是按克數來定價錢的 200g 300g 400g 唔同部位唔同克數有唔同價錢 另外仲可加30蚊轉為套餐 可選薯蓉意粉或飯 湯及沙律是無限添加的日本製的三得利啤酒$38炎炎夏日飲返杯冰凍透心涼嘅啤酒多麼寫意 啤酒唔算好苦 是比較容易入口的一種 大大杯好抵飲牛扒未到之前職員細心講解醬料 有蒜蓉，麵豉醬，柚子醬油，海鹽黑椒等等……一定要試下呢度自家製嘅辣味噌 味噌配牛扒 確實本人第一次嘗試 味噌帶有辣味 鹹而鮮 可以帶出牛扒嘅鮮味熱騰騰嘅牛扒已經放在眼前 石板嘅溫度非常高 不停聽到牛扒在石板上吱吱叫 餐廳職員好細心用紙巾覆蓋牛扒避免客人整污糟件衫牛肋間隔膜$178 400g向來大食嘅我 當然點400g 分量果然夠多 牛扒略為煎過兩邊表面 然後靠石板嘅熱力再將牛扒加熱煮熟 另外還加上炸蒜片 香氣滿溢牛扒嘅肉汁非常豐富 可以用juicy來形容 這個部位脂肪比較少 但肉味卻十分濃郁肉質方面非常軟熟又

今天和朋友來到尖沙嘴厚福街覓食，見到巷仔有間食石板牛的日本店鋪，就忍唔住一試了。店舖是採用先買飛後製作的模式，在門口就見到有部自動販賣機，好像在日本的感覺！這裏的牛種類和選擇都很多，包括牛舌芯、牛板腱、連黑毛和牛都有！眼花撩亂，熱心的店員就主動過黎介紹。說牛板腱牛味較濃，而且肉質夠軟，而且價錢都不是很貴呢！順帶一提，份量分別有200g、300g同400g，自己可以按食量選擇。買票後就等吃，提供了很多款醬汁給客人選擇，試了白松露蒜油和燒肉汁。等了大概5分鐘主菜就上來了，熱辣辣的牛板腱真的香噴噴，因為牛板腱比較大，所以其實切開時都見到入面係較生，不過有熱石板的幫助當然過一會就有8成熟了。店員真的沒有介紹錯，牛板腱肉味濃。不加任何醬汁食很好吃，當然加上醬汁就有第二種感覺，建議重口味的朋友加醬會更好吃。另外，可以加配套餐，有飯/薯蓉/意粉任添，還有湯、沙律同飲品，套餐加配$30，亦都可以選擇逐樣加。

最近熱石煎扒好受歡迎，好多地方都開左新鋪，今日就黎左位於尖沙咀既野郎Stone試食😁。 野郎Stone以牛為主食，有吾同部位可供選擇。分別有板腱、肩胛肉眼、西冷、骨付牛小排、牛柳、牛肋間隔膜😍。唔同份量唔同價錢，最扺$88就可以食到熱石牛扒😋。另外亦可以加$30轉套餐，薯蓉、湯及沙律無限添加，勁扺食，CP值勁高🤣。朋友分別點左西冷200g($128+30)同牛柳200g($138+30)。師傅會將一兩成熟既牛扒放起300度既熱石黎過黎，由小編我再親自操刀慢慢燒到我想要既程度😎。牛扒肉質嫩滑，肉汁同香味都好濃郁，超Juice😋。燒既過程中品嘗薯蓉、湯及沙律。每一樣都好優秀。我每樣都添左一次😂。

選擇困難症一定要來野郎 STONE，自助的點餐環境，多款牛肉部位的選擇，分量也有多種，可以滿足所有需求了。必點左牛肋間隔膜同肩胛肉眼，看著熱石上的牛肉吱吱作響，牛香在空氣中彌漫，令人垂涎三尺，咬下一口肉質柔軟飽滿多汁，牛香味足，配上蒜蓉，味蕾瞬間得到滿足。

最近好多石板牛的出現，今日行過厚福街見到一間就決定去試試。係門口就見到有自動販賣機，上面有曬咁多款肉類選擇。見到加$30就可以有套餐，套餐包了飯/薯蓉/意粉、湯、沙律同飲品，飯/薯蓉/意粉仲可以任添！如果驚食唔曬就可以選擇單點配，每款$10。由於呢到既牛都有好幾款種類，我今日就簡左牛柳，貪佢咬落juicy！牛既份量選擇包括有200g、300g同400g，我都幾鍾意食牛所以簡了300g入到鋪頭見到呢到有好幾款醬汁比大家簡，包括有柚子味酸汁、燒肉汁、白松露蒜油等等。過左一陣就等來了主角！聽到d牛柳係塊石板上滋滋咁燒，上台時都會係上面舖塊紙巾以免彈油，好貼心！由於係石板上燒，所以我都忍唔住好快切開d牛柳，然後等佢係石板上加熱。因為我比較鍾意食熟d，呢到既石板係足以幫我燒到岩我既熟成度。牛柳厚切，熱辣辣入口，十分多汁好味，係feel到d肉汁好夠新鮮，唔點任何醬汁都好正！之後我再點上各款醬汁配搭，我個人最喜歡就係白松露蒜油加燒汁，送飯都一流！最後食到飽飽咁離開，下次都會推介朋友黎食！

今次試了限量的牛舌芯，好大條，仲有蒜片香噴噴自己中意切幾大舊就幾大舊，啖啖肉！初初未太熟食落去仲爽口！放係熱石上面愈愈熟，不斷食到唔同階段層次。有配餐食，燒食意粉可以加佢燒汁撈泥食！愈食愈開胃啊！仲有沙津同飲品！加左套餐就可以猛禁任加沙律🥗飯/意粉/薯泥！全部都好有小店風味！想食大件夾抵食既牛肉，呢度真係唔錯 係鋪位細少少，所以晚餐泥通常都要等位，今次就等半個鐘左右啦，門口有部機可以買票，但係我啲老野都係比現金。

今日同朋友去試一間新店，到達餐廳的門口時，已經聞到了一陣陣的牛肉香味。餐廳不算大，只有14個座位，而且牆上有一幅大壁畫，分別列出了牛的每一個部位。這裡有眾多牛肉的選擇：肩胛肉眼- 比較爽口骨付牛小排-比較軟腍牛肋間隔膜-肉味最濃郁，介乎胸部和肺附近，相對地比較瘦西冷-比較遠稔，多數人也喜歡叫牛柳-肉味較為香，但比較瘦一點牛面肉-肉質較粗糙，及煙韌最新出左一款 叫翼板牛肉。即牛膊頭對下附近位置。超軟超香，絕對冇筋，我就選擇了這一款嘗試。如果選擇套餐(+$30)，仲有白飯、湯、沙律薯菜等等。除咗可以選擇不同嘅牛肉，仲可以選擇不同嘅份量呢，分別有200g/300g/400g。如果不是大胃王就可以選擇最少嘅份量，牛控的話就可以選擇400g。別一提這裏的醬汁也別具心思，除海鹽，這裏也有柚子味酸汁，帶點酸味，令人更開胃。牛扒醮點鹽，能吃出牛肉的的鮮味。這個食法是我最喜歡用呢！

暑假是出走的季節，想歎世界各地的美食，不一定要飛到當地才可以一親香澤的。説尖沙咀厚福街是美食集中地，相信也沒人反對吧！今次小巷中的這間就十分特別。首先，用餐方式是先在外面的點餐機器先選好想吃的餐點，再進去坐下就有人送到面前。形式都跟日本很相似！食店主打牛，對選取的部位都很講究。牛柳，是從腰內側沿恥骨前下方腰椎緊貼橫突切下來的。上菜時細心地放了紙巾，防止汁彈。只輕微煎了兩邊，應該大約三成熟。石板會一直加熱，客人可應需要煎至需要的熟度。牛柳十分juicy，切開的肉汁飛濺，牛味濃，加上少許鹽跟黑椒調味便可。牛的出走!

今日去尖沙咀行街，咁就夜晚順道喺尖沙咀食埋晚飯。喺厚福街有大量餐廳可以選擇但我地就俾一間小巷既餐廳吸引到，佢就係野郎stone啦。喺餐廳外面既售票機買好飛後就入座等候。我就選擇左牛肋間隔膜300g加套餐，可以無限添加薯蓉，湯同埋沙律👍🏻牛扒用熱石上枱，賣相一流，而且300g份量亦相當驚人。牛肋間隔膜非常嫩，好容易切開，啫係代表牛肉本身都冇乜筋。一口咬落去肉汁咇晒岀黎，再配合埋海鹽，完美👍🏻薯蓉沙律呢啲配菜亦好岀色，可以令到整個晚餐唔會咁膩。

2019年8月15日 星期四難得今日同女朋友出去尖沙咀揀婚紗相，揀完一輪覺得肚餓又想食牛扒，女朋友話尖沙咀有一間熱石牛扒好似唔錯，就拉我去試吓位置雖然唔太明顯，因為唔係主要街道，不過都唔算太難搵，沿途仲有指示入到去坐低左就見到牆上面有咁大幅畫，清晰指示左牛嘅唔同部位叫咩名，唔睇真係唔知道原來牛有咁多個唔同嘅部位牛肋間隔膜等左冇幾耐食物就送到，首先係我叫嘅牛肋間隔膜，有兩塊，仲要幾厚下，店員話可以自己決定熟嘅程度，一開始送上嚟嘅時候只有一成熟，我決定切開一嚿嚿燒到大約三至四成左右。食落去嘅時候好有咬口，充滿牛肉味，筋位唔算太多板腱女朋友點嘅板腱位置肉質較腍，容易切開，比較香口，不過筋位多過牛肋間隔膜，感覺上兩款都唔差成個套餐可以揀飯、意粉或者薯蓉，仲可以任添，一定食得飽。下次試吓黑毛和牛先

15/8/2019 @野郎Stone位於厚福街最入面的這間燒肉店有令人去了日本的感覺， 因為客人要先在門口的售票機買票才進內享用食物。後來看看才發現原來相片沒有拍到售票機…… 售票機很方便，可用八達通、信用卡或支付寶來付款。肉類種類也有幾款可以選擇，除了最常見的牛柳和西冷扒外，還有板腱、肩胛肉眼、 附骨牛小排、 牛舌芯 和 牛肋間隔膜， 分量可選200g/ 300g/400g.我選了平日比較少見的牛板腱肉 200g，加$30 配無限添加的 飯、意粉或薯蓉，還有麵豉湯和沙律和汽水一罐！上菜的時候，店員說肉類只有一成熟，客人需要自己把肉切開，按個人喜好把肉在石頭上燒熟來吃。麵豉湯很濃味，仲有一隻蜆，沙律是日本麻醬加七味粉，幾好食。牛肉都是厚厚的，切開後剛好把石頭放滿！ 300g的份量也不少呢！牛板腱中間有筋連住，但吃上口時頗腍身，我沒有燒至全熟，入口時肉的中心沒有熟透，還有肉汁滲岀，有好香的牛味！即使燒至全熟也不會靱，一啖就能把肉咬開！另外餐廳有供應調味柚子汁很重柚子果，解了肉的膩中間是燒肉汁， 鹹鹹甜甜，個人最鍾意岩鹽， 配牛肉一流，帶出了牛的鮮味！不需要再追加飯、沙律或湯都已經非常之飽

同朋友去尖沙咀行開街，夜晚去左一條好多餐廳嘅街度搵野食，朋友話想食扒，見到呢間餐廳都幾特別。餐廳門口有部機俾我地揀左要咩扒先，分別有板腱、牛柳、牛肋間隔膜等等。餐廳係細細間嘅，只有大約6-7張二人枱。我叫左300g牛柳，轉套餐，有沙律，飯同湯。一上枱鐵板扒上面有張紙巾，可能驚啲油會彈上黎。一拎開張紙巾，見到300g係好多😂分開4小塊。一切開入面係紅色嫁，真係可以自己決定想要嘅熟度。牛柳好嫩，冇乜筋，我放喺鐵板上一直食到最後，牛柳都唔會韌，唔錯呀。

🔥全城熱潮不斷 尖沙咀平價熱石牛扒🥩呢幾個月突然爆紅嘅熱石牛扒 開到尖沙咀話說5年前我食過熱石牛扒都要500蚊🤪依加街坊價錢食到 真係令人振奮🤩我地1行3人叫咗3款唔同牛肉試吓 我地叫咗套餐 加$30蚊就有:沙律, 味噌湯, 汽水, 飯/薯蓉/意粉揀-分別叫咗:🥩西冷套餐(200g)$158🥩牛肋間隔膜套餐(200g)$118🥩肩胛肉眼套餐(200g)$118西冷肉質比較有咬口結實 會有一條好香嘅脂肪圍邊 連埋一齊食會balance啲牛肋間隔膜肉質係非常軟淋 就算比較生3成熟都唔會咬唔爛 好易咬肩胛肉眼嘅肉質就界乎西冷同牛肋間隔膜唔會太實又唔會太淋 我覺得性價比最高就係牛肋間隔膜👍🏻最平而且肉質又嫩又淋但如果想食到油脂味重啲就揀西冷😂牛肉配店家提供嘅白松露蒜蓉同鹽就係最夾其他醬汁會蓋過咗牛味薯蓉就比較細份而且係凍嘅 無飯咁抵食味噌湯我覺得太咸咗啲🤔沙律就係普通麻醬椰菜不過加$30蚊有套餐算係咁 性價比高👍🏻📍野郎stone (尖沙咀)尖沙咀厚福街7A號地下E號舖

自助的點餐環境，菜品豐富多樣，喜歡牛肉的話一定不能錯過牛小排，骨頭和牛肉相連的部位，鮮嫩中帶有嚼勁，燒制7分熟的時候是最好吃的，豐腴的肉汁牢牢鎖在其中，結合黑椒的獨特香氣，口感實在美妙。