金興潮洲飯店

营业中

休息中

打冷，指潮汕大排檔經營的大眾化冷盤熟食。這些食物不同於潮汕筵席常見的燕翅鮑參肚等高檔菜餚，多數是潮汕風味鄉土菜式，通常由如下幾類組成：一是滷水類，如滷鵝、鹵豬腳、滷豆乾等今日途經西環，終於試咗呢間，廿年的老字號！首先吾睇餐牌，可以從他中間鋪位選擇一些餸菜，初步估計起碼有三四十種款式，花多眼亂，就叫待應叔叔推介吧先上一條凍馬友不知道為什麼肉質係偏散的，口感不太好，但是魚油豐富，配上普寧豆醬，2人很消化了一整條之上來的墨魚鵝腸鵝腸係急凍貨，並不是我在其他地方食開有油脂的那種，這個都幾失望😞墨魚亦都無咩特別，鮮味欠缺，只確鹵水汁輕輕帶來的咸味反而底部的韭菜因為索了鹵水汁的關係，非常入味！再來就係花生雞腳這個我對他評分幾高，雞腳的生熟程度剛剛好，味道方面咸度剛好，配上潮州辣椒油，簡直係夢幻組合最後埋單連2支啤酒290$價錢都合理，始終環境就一般，要整潔的朋友仔可能會俾嚇怕令外一提，他們現在晚上十一點就關門，所以想宵夜都要注意時間，可能遲啲無甘多流感時，希望會變反正常營業時間

西環街坊，經常喺區入面搵食，金興係我同屋企人經常去嘅地方。呢間係區入面老字號嘅小店，啲嘢食平靚正，係一個吹水飲啤酒同屋企人或者朋友聚會齊娃娃嘅好地方。佢嘅滷水鵝同滷水掌翼好入味，豬紅同白灼螄蚶基本上係我喺香港食過其中最好嘅一間，啲螄蚶灼得剛剛好，隻隻都仲有血水，啱晒所有螄蚶控😆 佢個潮州凍蟹完全冇得輸，出面好少見到有咁大隻，啲肉又實淨又鮮甜，個價錢就視乎大細決定，基本上都係幾百蚊。幾個人食加埋隻蟹，一般都係每人二三百，非常推介!

再寫一次金興，就集中講食物特別係上次無食既，多年以後，金興仍然係好有本土風味既潮式打冷先食條凍烏頭配普寧豆醬，烏頭賣點就係多肉，肉質較實，口感幾正既，真係好有魚飯feel金興依條烏頭，好味之餘個size啱兩三人食，又平到你唔信炒多個白菜仔，鑊氣十足，份量夠晒但就唔係好「仔」，比較大舊今晚豪一豪食下佢嘅凍蟹，佢會將啲蟹貼係門口任你睇啱唔啱食上台一望話知又鮮又大隻開蟹蓋一睇都有唔少膏，蟹味好濃，幾正蟹腳幫你扑晒啲要咬既位，用手都搣到成隻腳成舊蟹肉都好到黎好正，蟹肉好有口感、好鮮甜配少少醋更吊到啲鮮味出黎，好有潮味道連蟹鉗都幫你拆好，一開就成個鉗入口，蟹味勁濃又甜又正一食難忘最後未夠飽食多個蠔仔烙，上次都寫咗就唔多講lu始終未搵到一個地方既打冷可以媲美金興既性價比價錢抵而質素真係正，所以成日咁多人，唯一係會坐得唔舒服咁啦#韮菜豬紅都好正架#啲伙記仲係個啲人😯

又一個打冷平靚正好介紹打冷就是要去這類傳統地道老店最有風味鑊氣都特別勁 大件夾抵食又富有人情味伙記叔叔會不停搭嘴幫忙揀餸😂滷水拼盤 夠哂大碟而且樣樣齊全有豆腐紅腸鵝腸生腸全部都乾淨又爽口滷水亦好入味豉椒炒蜆 豉椒醬汁略為傑了些少味道上偏辣而不夠豉椒香不過蜆肉夠新鮮咸肉炒韮菜花 咸肉用上豬頸肉一點都唔馬虎 韮菜花爽脆 炒得好有鑊氣煎蠔餅 好出色 煎得香脆唔油膩 蠔仔足料韮菜豬皮豬紅 份量多而且幾入味椒鹽九肚魚超好食 魚勁嫩滑出面炸粉夠薄新鮮熱辣辣好香口椒鹽味剛剛好惹味

鵝片 $110打冷必叫既名物，不過鵝片質地比較淋，無乜咬口🥺，滷水汁亦唔係好出，好似叫鵝件穩陣啲🤭。-墨魚拼生腸 $70生腸爽脆但質地偏淋；墨魚片都幾厚肉🦑，柔韌得黎又好彈牙🤙🏻，有口感。-豉油皇鵝腸 $60我係極中意食鵝腸既人，不過金興既鵝腸就唔係好岩我口味🤭。雖然好爽脆，但金興將所有肥膏都清走哂🤧，無哂鵝腸既油脂香；而且質地偏薄身，無乜咬口。-南乳燴豬手 $50 呢個價錢呢個份量真係超值🤩，南乳好香，又唔會過鹹，豬手燜到軟淋淋，極入味，啖啖都係骨膠原，好正🥰～

食得潮州打冷，去「懷舊區」食就最地道。放工後去西環探朋友，佢就提議黎金興打冷！果然無介紹錯。是晚六人，一共叫左六個餸，大大碟，滿足非常！全晚至愛：1）鹵水鵝，鵝既肉質真係好有咬口同鴨好唔同，都係我偏好食鵝既原因之一。2）蒜香炒蜆，佢炒得唔係好乾身，但有驚喜，d汁好香口好惹味，如果鐘意重口味既朋友就岩哂啦！題外話，女友人仲帶新男友黎，見到佢個冧樣好鄧佢開心，祝佢地幸福美滿開開心心！去相！（食物相😂）

本司機最中意食打冷。即使食物來來去去都係個啲，但都覺得百吃不厭，樂此不疲。而金興就是我其中一間至愛的打冷。個烚花螺，個樣好似細細粒，其實都好有肉地，而且好有鮮味，點下辣椒醬同甜醬真係好惹味！滷水生腸﹑鵝腸同魷魚都係無得頂。呢啲膽固醇之友真係本女子的最愛，有爽又滑又鮮，點埋個潮式辣椒油真係無得輸。仲有，無影到相的，唔係好多地方有得食的沙搥魚。啲魚炸過兩次，炸到金黃色，連啲骨都可以食埋，超有魚味！送啤酒一流！而加呢個時代，想搵啲海魚﹑有魚味的魚食，係多麼困難的事。最後，打冷最重要一定係啤酒。呢度啤酒多選擇﹑夠凍，爽到爆！做好最基本的潮州食物，保持到老味道，就是一件令人感動的事。

行完山想食潮州嘢上網睇呢間評語不錯六點開6點15分到已經要等位還好等了十分鐘便有位店內枱數不多但氣氛非常繁忙點餐速度、 上菜速度超快感覺非常澳牛先要鹵水三寶 爽口但有啲唔夠入味韭菜豬紅一般蜆肉炒韭菜 很不錯鵝片有啲鞋煎蠔餅不太油膩很飽肚整體感覺不過不失

昨晚和家人去食潮州打冷，平時都是光顧開金興潮州飯店，因為其他潮州菜館價錢比較貴而食物卻很袖珍，而呢間則比較大碟，食物種類也很多，大眼鸡、鹵水鹅、鹵水豆腐、濑尿蝦、冬風螺、炒蜆、炒蟹、白灼蝦、香煎牙帶魚等等．．．．．。而我們每次都多数點生腸墨魚、韮菜豬红、煎蚝餅和椒鹽九肚魚或鹵水鹅,味道和賣相也不錯'價錢比起同区也不算貴，雖然座位有點迫及較嘈吵，但這些都是大排檔風味，再加3碗潮州粥，埋單大约三百元。

今天和朋友約了吃飯，原本想要吃對面的餐廳，可是我們早到了，店還沒有開，我們就去對面的潮州菜館了。之前經過就覺得這家店很有氣氛，這次終於嚐到了。酸辣汁炒田螺（$60）這道菜是預先做好的，下單後店員就從盆裡勺給你。田螺個頭很大，酸味不是很突出，辣味倒是很足。田螺肉的口感比較韌，味鹹，適合下飯配啤酒。不知道是不是田螺太大顆的關係，有幾顆挑開都有很多密集的小田螺在裡面，雞皮疙瘩都起來了蒜蓉炒蕃薯葉（$50）味道正常，就是部份蕃薯葉有點老。炒蜆（$70）蜆的個頭不算大，但肉還挺爆滿，味道不錯。椒鹽九肚魚（$70）九肚魚估計很大條，所以肉厚、很嫩，外皮酥脆程度一般，有一點點多油，所以部份皮都泡軟了，但整體味道還是很不錯的。我們還點了每人一碗白飯（$10/碗）

皇后大道西近水街的老牌街坊潮州打冷店「金興」，每次晚上開車經過都見其門如市一直想來試一下，早幾日終於「的起心肝」call齊一班兄弟同來食飯。一樣的高朋滿座，訂了座都等了廿餘分鐘，但在等候過程中已經見到每碟出品都非常吸引。入座後「一輪咀」叫了很多菜式，果然絕大部分都是材料正，味道足，大家食完又點然後再加，食到捧住個肚走，消費都只係時光倒流嘅價錢。

係西環打冷無可能唔識金興啦記得以前有個朋友十年前話打冷梗係德記最出名啦，我帶佢食金興，佢話差唔多味即，都唔係好食過德記，我話個人口味啦，但價錢就一半搞掂囉(計返通漲通縮乜乜物物個啲啦唔好質疑我話依家差唔多錢呀)咁多年依然保持風味x傳統x抵食啲伙記都無轉過咁濟閒日一至四晚飯時間都唔使等既，五六日就難講喇，有時會排左一條隊係出面舖入面裝修就無乜架喇，正正常常枱枱櫈櫈，高貴一族可能會厭棄（其實依家已經企理左）落單基本上你諗到既打冷野就有，菜牌有幾張，牆上個啲都係既，佢既炒野其實都唔錯但黎得梗係潮撐打冷啦第一樣跑出既心水當然係凍魚，依度有好多款，例如烏頭、大眼雞、黃花、馬友等等，好快賣晒通常無咩得揀，今晚就食左凍大眼雞，加埋佢個普寧豆醬邊有得輸唔夠隨時問佢再拎，坐係主舖既自己拎都ok重點黎喇，就係價錢，一般食凍魚都百拎蚊而佢只需70-90，當然你會話可能第二間啲魚重啲，我食就唔覺特別細條既，自己感受下啦另一個打冷必食仲唔係滷水佢雙拼70三拼80，鵝另計，叫左生腸、紅腸、墨魚個人認為食邊間打冷都好，生腸同墨魚都係必食架喇，好正配埋滷水汁 x 潮洲辣椒醬 x 白醋 贏曬建議可以放潮洲辣椒醬係自己碗

叮叮帶我食好味依間都屬於佢屋企飯堂之一一定有吸引之處情深推介鵝肉(5/5)又滑又夠味 份量足墊底係花生 如果轉豆腐早揚聲可以叫鵝片 但我覺得價錢貴啲肉又冇咁滑椒鹽九肚魚(5/5)油靚魚滑 好耐未食過高質九肚魚眼見有四枱都有點東風螺(3.5/5)唔係唔好食 但對比味2款就相差甚遠不過都少有仲有三拼四拼生腸 大腸 墨魚 鵝腸 豬頭肉 都有好多選擇 不過唔記得全部墊底既有芽菜叫做好少有依啲小店keep到水準又好食門口有好多烏頭呀蟹呀海鮮放出黎 任你睇都幾有趣好想叮叮再帶我食有風味又地道既美食

每次經過這裡，一過了七點都會有很多人在店舖門外等候，每一次想去食都人山人海，所以放棄，每一次都說下一次會再早些來，難得今日放早6點鐘就行過去試一試雖然唔需要排隊但係店舖裏的人大多坐滿。這裡是有三間店舖相連的。這裏的裝修古色古香，舖面都會掛住不同的潮州滷味，大大隻的鵝凍蟹非常吸引。而我最後點了三個小菜分別是韭菜豬紅，潮州烏頭魚還有煎蠔餅。韭菜朱紅，這個我覺得比較偏油少少，豬紅質地很好完全沒有腥的感覺，而韭菜相對之下是比較爽的。潮式烏頭魚，肉質很好混合麵鼓醬，值得推介，$80亦算平宜又唔細條！至於蠔餅，通常都分兩隻，一隻係煎一隻係炸，金興賣的是煎豪餅，蠔都算大隻配合蛋的香味，再混合魚露，十分出色，相比起咋的豪餅冇咁熱氣。由於種類太多兩個人叫的份量也不多下次會帶同朋友一齊再試，期待下一次再光臨。

一向知道這裡有間潮州打冷，不過每次中午經過也沒有開店。晚上六時多來到，不用等位便入座。總是覺得這些舊式潮州打冷店更正宗和更有風味平常吃到的潮州菜，一般也可以在這裡吃到，但較可惜的是鹵水拼盤沒有太多選擇，如果想吃鵝片必須另外點($110)，可惜，對於二人來說，一大碟鵝片實在太多，只好放棄。兩人吃，點了細份的韮菜豬紅。跟平常的韮菜豬紅一樣的是油偏多，但這家店的豬紅很入味，但又不會太咸。相反韮菜則很一般，比較難咬。白粥是較稀的一種，有點像粥水。潮式凍烏頭肉質較嫩，吃到腩位也不覺腥，魚肉點上麵豉醬，絕配！而且烏頭魚身亦不細，這個價錢這個質素，性價比很高！家鄉煎蠔仔烙跟平時有些店用炸的方法處理蠔餅很不同，最大分別是炸粉用較少，雞蛋卻用得比較多，而且較不熱氣。蠔餅不會太厚，使每口也咬到脆脆的感覺。蠔餅內的蠔，size也不細呢我們吃完才大概晚上七時，外面已經排著人龍了看來下次要找更多人一同光顧才會嘗到其他的潮州美食