金興潮洲飯店

营业中

休息中

醃好的大芥菜來炆門鱔，鹹酸菜和魚先煮一會，合蓋稍焗，結實的魚肉變得軟化溫柔起來，味道雖沒驚沒喜，但汁留來送白飯，沒有那個老廣東不喜歡，畢竟我也被鹹菜炆九骨和門鱔薰陶過，避魚骨的技巧自然較有錢人家孩童勝一籌。例牌賣數十元，是物有所值的推介。p.s現在厚肉的門鱔每斤也要百元，廿年前煮一大烹不用$20，現在煮小碟要也要過百。

之前兩次到訪金興的經驗良好, 所有食物均滿意, 適逢1111大日子, 力邀好友長途跋涉到過來一試, 可惜這天失了水準, 有負眾望上次驚為天人之蒜蓉辣椒炒蟶子, 換成蜆味道理應同樣出色, 但這晚的蜆不新鮮及帶沙, 有幾隻更有異味, 茨汁水流流的, 實在不合格, 是否師傅放假了?!蠔餅也是一般, 粉漿太厚羊腩煲不過不失, 始終不是潮州菜館的主打, 未有期望太大可幸仍有幾味菜是水準之上田螺保持水準, 惹味依然瀨尿蝦炸得夠乾身, 調味較清淡更能帶出蝦的鮮甜, 蝦肉結實豬油撈麵完全沒有投訴, 以此作結頓覺整餐飯更完美美中不足的是主角之一炒辣蟹早就售罄, 吃不到有點點兒失落雖然這次的經驗比之前的差了點, 但還不致判金興死刑, 會再來給予機會

友人極力推介, 反正是夜要到中環飲野一行2人來到這間出名的潮州菜館事關只得兩個人晚一點又要飲野食不到太多野事晚只叫了3個菜一試本身想食凍蟹, 但一場黎到無理由唔試友人推介的炒辣蟹免得日後心掛掛無食過呢度菜一黎到, 嘩咁大碟既, 有成幾隻蟹0係入面喎, 但只係賣50蚊抵食到無解至於味道, 辣係好夠辣, 不過可能因為係凍左.. 所以硬係差左D野咁炒蟹始終係熱食有鑊氣好吃點另外叫左大眼雞同韮菜花炒蜆肉, 正常水準無失色總括來說, 如果下一次大夥兒再來的話一定再來因為可以試埋其他菜式

多得女朋友的推介, 能夠一嘗金興實在係天大既恩賜, 2011年的奇蹟真係無誇張, 好耐無試過有一間餐廳飯店, 未食完呢一餐已經有想再黎食既感覺, 真係平靚正, 味道同價錢真係少有地肯俾出5分~一行三人, 正值星期五既收工黃金食飯, 但係都係等左10分鐘算係快一坐底, 女友已經即刻叫左佢必食既炒辣蟹呢度既炒辣蟹係一早炒定哂一盤盤凍食既, 想食熱既可以要求翻炒50蚊一碟, 有超過兩隻蟹既份量, 其中有個蟹蓋接近手掌大細, 超值~味道亦都令人沉醉, 辣得黎D蟹亦不失鮮甜, 容許我大叫一聲"好好味呀"叫到我滿意為止誇張完喇, 但呢個蟹真係好味, 其實我會俾4.5分, 因為翻熱真係係咁而翻一翻, 暖暖地架咋, 如果可以好似岩岩炒起咁熱辣辣就完美了以下落黎開始掛住食又無影相了...炒田螺炒得好野味, 二來家陣香港比較少機會食所以更覺好味 (但係都幾辣, 怕辣人士請注意)鹵水拼盤揀左鵝片墨魚鵝腸, 墨魚正常, 鵝片恰到好處唔鞋身, 鵝腸亦都非常爽口個鹵水汁先係最正, 要黎撈飯的話夠食飽一餐喇蒜蓉辣椒炒蟶子 (個名我幫佢改既)炒蟶子食得多, 但係坊間多數都係豉椒炒, 炒完出黎個茨汁好深色同埋濃味但係呢

成班同事收工之後黎食，其實滿哂座，好彩好快有位叫左好多野食，上菜速度都幾快老板又時不時問仲有無野未到齊，黟記做野手腳亦有效率~叫左︰豬紅︰好大碗，同事話好好味，不過我無食到鹵豆腐鹵蛋︰好好味，好香，好入味，而且仲暖暖地唔會凍冰冰咁鵝肉︰入味，好食炒蜆︰正，惹味，唔算太多殼，真材實料大眼雞︰肉質有彈性，整得好好味菜圃煎蛋︰有蛋香，足料，好多菜圃，不過咸左少少蠔餅︰似係煎多過炸，唔夠鬆化，反而一夾就散，不過仍然係好足料每人70幾蚊，抵食又好食

每次搭車經過都見到金興無論係咩時段都咁多人今次終於的起心肝黎試啦!7點半左右去到, 大概等左3個字就有位~場內氣氛好好, 熱鬧非常!搞到自己都high埋 ! haha2個人食左以下菜式:炒薄殼韭菜豬紅鹵水鵝片先講鵝片($80):鹵水汁好味, 不過鵝肉就比較普通, 都唔錯既韭菜豬紅($30):無乜特別(其實唔expect會有咩特別....), 不過韭菜份量都唔少炒薄殼($60):3個字: 好好食!其實我同我朋友都未食過薄殼, 所以黎試下薄殼肉都係貝殼肉咁味啦, 但正既係個汁, 食落同食白酒煮青口隻汁差唔多味. 有d驚喜薄殼細細粒吮吮下好過癮 !由於我地得2個人, 所以食左好耐!. 個道都有大概4個細飯碗咁多(有相位證).好滿足呀!以後想食白酒青口就可以黎哩道搵薄殼做代替品啦! 而且價錢一d都唔貴!至於有唔少comment話哩道比較污糟,但我覺得ok, 接受到喎, 唔係太污糟姐 !尚算企理呀同埋服務員都幾友善, 我朋友洗筷子個時倒轉左1隻黎洗, 有位哥哥都話返比我朋友聽同幫佢調返!好有人情味呀ha!下次黎要再食薄殼同試其他野2個人真係叫唔到太多~~

小朋友總愛揀飲擇食, 小時候父母教導我最多的, 可能是那句「好又一餐, 唔好又一餐啦」. 人大了, 反而比較隨和, 平貴不是問題, 總之最緊要好食 星期日的旁晚, 反正未肚餓, 便決定和身邊人隨處走, 由中環行至西環, 打算行到邊食到邊, 逐間食肆流口水... 行到金興門口開始有點累, 被那盤潑水的花甲所吸引, 時間啱啱好, 開餐! 才不過七點, 三間簡陋的鋪內, 已經人頭湧湧, 一家人的固然有, 但一圍圍的勞動階層更多, 粗口固然少不了, 但還好大部份有著上衣的... 只見草根有草根的快樂, 那種和三五知己, 口沬橫飛, 一手鵝頭, 一手啤酒的快樂, 在福臨門是買不到的. 是日晚餐有1. 鹵水鵝片 ($50) - 鵝片不算多, 但兩個人食剛剛好, 鵝肉嫩滑, 略嫌肥了一些.2. 豉椒炒聖子 ($50) - 聖子非常新鮮, 肉味鮮甜, 抵讚!3. 潮州凍烏頭 ($70) - 烏頭較細, 略嫌肉不夠實, 不過泥味十足, 以這價錢, 比起某次在上環X興那條$190, 算抵食了.總括來說, 如果你不怕地方比較簡陋, 食客比較草根 (粗口少不了), 實屬非常抵食之選.

其實食過好多次,但第一次比食評,今晚特別有感覺,因為好耐無食過潮州菜,雖然打冷算唔上咩正式既菜式,但如果識寫既就係正宗潮州人屋企會整既!去到唔算多人,但無二人枱,坐左係佢地所謂"房仔"(即係水巴入邊個張枱,去過既就知係邊),其實唔鐘意架,好似好dirty,但算啦,我地食得好快既!今日食炒薄殼,煎九肚魚鮥,豬紅,生腸拼墨魚~一個白飯,一碗潮州粥,兩罐可樂,$191...好便!!!!-----好味,多d金不換仲香!夏天先有架!唔好錯過,但係由於好細粒,建議多人先好叫,如果唔係有排食,因為好大碟!煎九肚魚鮥------普通,但蛋味好香!豬紅-----每次都食架,好好味!豬紅好入味,但唔係一味咸!!生腸拼墨魚-----生腸好爽,墨魚無咩特別,但上枱個陣係熱既,應該係因為d滷水汁熱....

這草根潮州冷店跟同事們吃過多次，每每盡興而歸，but...還是头一次給食評。當夜吃的加起來有19/20碟呢！馬友、煎牙帶、鹵水豆腐拼鳳爪、田螺、蟶子、咸菜煮咩魚、蠔餅、鹵豬腳、東風螺、菜紅.、鵝腸、豬大腸、黑栢葉..........未能盡綠！獨欠主角獅蚶！！！！！！overall...吃的都是兄弟姊妹情、氣氛、開懷、暢所欲言。單尾如常往電車路吃糖水，吃罷只覺意識越來越弱、但脂肪的氣場卻不斷加強...............................彷彿要爆了！$1050.00 8人

金興我食過好多次,你話佢好好味??一定唔係好乾淨企理?/更唔係,價$超平??咁佢又唔貴.我地次次食親佢都開開心心,無一次係會不歡而散今日同一位老友,一位新朋友到來..叫左鵝片----不過不失..我會中意佐敦既鹵水大王多D..但氣氛梗係呢邊好..人來人往,西裝友OL齊齊迫圓椅.『.開黎..三位..埋邊等』..話之你楂乜車..唔該企埋邊等位..蠔餅----同上,不難吃也不超好吃.但一定入得口..炒花甲---夠鮮,不夠香辣..浪費了好食材...鹵水生腸鵝腸----鵝腸漂得厚厚白白的,似橡筋..不吃也罷,生腸爽脆,可一試..東風螺田螺---不怕污嘈可一試,講真,要打冷,又不能驚得咁多..要怕便別.試反觀上次我應友人約到英皇中心三樓的潮州世家,服務丶衛生和裝修均無用置疑..,所有食物賣相精緻,但全都如過眼雲煙,沒有一樣令我覺得:『嘩!好好食...好特別...』蒜茸炒芥蘭----這兒小炒不錯,若平常我們有五/六人,便會炒兩個菜..今天三位,炒一個已足夠.....是晚埋單$330..不叫貴,觀乎上桌食物,也就已經很划算了氣氛是值笑臉的..食物值ok...那我手鬆一點給笑臉吧!!(謝謝各位看罷此食評,

去了若干次，所以不寫點什么有些愧疚。很街市的味道，可以不顧形象的下手，亮出尖齒，舉案大嚼，意猶未盡還可以吮手指哈哈。。記不住菜名，沒啥稀奇玩意，應該都知道的。辣炒蟹（50？）：事先做好的，所以一般是冷的，但是勝在夠味道，但質量和數量就要看老板盛的時候那一盤子下去的輕重了。。。椒鹽瀨尿蝦（70）：這是現做的，每次去了看見門口的瀨尿蝦，就忍不住點。味道很香，肉質也頗嫩，但是因為HK的瀨尿蝦都太過肥碩，有的時候會出現尾部不熟的情況，但是味道真是沒話說。煎帶魚/沙丁魚（50）：都是做好了放在那里的。對香港的帶魚無愛，太厚，往往味道進不去，且肉松。白灼蝦（50）：統共6只，沒吃到味道就沒了。鵝掌翼（？）：下酒比較好，單吃肉少不過癮。蒜蓉時蔬（30？）：都很好吃，吃到最后需要它來清口。炒蜆（？）：太久遠不記得味道了。無論如何，三五成群的落喜歡大嚼一通而不用擔心價錢，還是很過癮的。

終於一試平時坐車成日經過晚市係好熱鬧經常坐滿要坐出街仲要o向隔離開多個地方俾客坐今日試完可以評一評啦~order左3款, 2個人食白粥 x2 應該唔洗點評....達標, 一粒粒o既米 鹵水拚盤--->咩都有, 就連平時好少有o既肝、腎都有....就係因為咁令到好想食鵝肉o既我非常失望......佢入面o個d鵝肉完全得排骨咁....好少肉食,...........肥膏就多.......佢真係好慳皮, $70一碟好貴呀, 可惡................炒聖子--->都唔錯....冇沙, 幾新鮮, 辣辣地幾開胃其實你o黎lee度食真係要預左地方會坐到好迫, 完全好唔舒服, 而且d staff o既sevice當然係好一般o既一般啦~~~ 佢地仲會眼超超tim....唉~~食餐飯o者, 唔洗受埋d眼色同氣呱.........而且你一路坐仲會俾隔離d 冇禮貌o既食客撞o黎撞去..........所以....我個人覺得食潮洲食物o既地方有好多, 如果真係想試好有風味o既, 你可以一試o既.........

A group of Openrice foodies planned a trip to Yorkshire Pudding this night. Yet my errands took over my intention to join them, I did, however, join their 'extra curricular activities' afterwards. After the Puds, we went for desserts and surprisingly after that we ended up back for supper, here for ChiuChow fare. Half of the crowd decided to sit in without eating, buying time before clubbing while the half of us went on with the eating.We arrived here, a long-standing shop I have frequented with

西環作為潮州人之集散地,潮州食店比比皆是,大班人在可可食完甜品後,由西環人星爺引領之下,來到在皇后大道西的"金興".典型打冷店,沒有門面可言,環境頗為污糟.我們為了吃,也沒有所謂.之前已經連下兩城,今次的Hat-Trick,就吃得輕一點.所謂的"輕",只是吃少一點,來打冷,一定會叫個鹵水鵝肉,魚飯,再來多一碟獅菴.我們人多,每人吃少少都夠.總算也是"連中三元".好像這等舊打冷店,鹵水膽應該不會差,鹵水味道果然濃甜沉厚,人越大,越想啜下骨,所以取鵝肉捨鵝片,或是小弟步入中年之態度.鹵水鵝肉之外,也來個鹵水拼盤,有紅腸,鵝腸,豬大腸等等,份量十足.魚飯是大眼雞,肉質鮮,點些普寧豆醬吃,夠滋味.獅庵就嫌灼得血水不多,吃下去未夠鮮,但依然地好吃.說到此味,我更愛泰式燒王,想起,又想吃到一口也是血了.

我本身是潮洲人…間中都會去打冷…西環這間金興開得很晚…所以有時宵夜想吃點熱炒的話…我都會想起這裡…是夜年初二九點多…不太餓…但想吃點東西…在西環四處尋覓…終於來到金興…叫了一個細的韮菜豬紅, 白灼東風螺, 炒蜆….(本來想要蟶子的…可惜今天沒有)…還有潮洲白粥….韮菜豬紅 - 雖然叫了細…但份量很多…韮菜也鋪滿了半碗….雖然有點油…但很入味….炒蜆 - 是蒜蓉炒的…蜆雖然不是很大…但很鮮甜而且無沙…差不多每一個殼都有肉的…斤量十足…沒有呃秤….白灼東風螺 -夠鮮味…而且乾淨…配甜醬和辣醬味道剛剛好~唯一不好的就是白粥不夠熱…我聽到旁邊一大檯的人再三跟店員說要熱白粥…阿姐就確實拿一碗冒煙的白粥出來….好羡慕呢~下一次我要記得叫白粥要加個熱字呢….