釜之魂釜飯專門店 (淘大商場) (已結業)

想試呢間黃店好耐啦💛，今次約咗朋友終於食到喇😝不過都係普普通通，還可一試，支持下嘅💪🏻💪🏻·💛鹽麴雞肉野菜煮配釜飯 $58 （需加一）呢個係雞肉同好多菜嘅鍋，較為清淡，重口味人士唔啱食嘅🤣個湯有菜嘅清甜，幾啱加落飯到撈嚟食😂😂雞肉就正正常常，冇乜特別嘅🙂個飯用嘅容器幾特別，用珍珠米係唔錯嘅，有分軟飯硬飯，想食軟飯就直接食，食硬飯就攪散再食，但就唔覺同普通珍珠飯有咩分別·💛日式滑蛋豬扒配釜飯 $68 （需加一）朋友食嘅豬扒幾滑，就係個皮有啲厚🤔不過呢個都係正正常常嘅滑蛋豬扒飯朋友有加$10轉茶漬飯，店員話食一半就叫佢加湯，冚蓋等10分鐘再食，我試咗啖，茶好淡冇咩味嘅，雖然有飯素加落去一齊食，但個人覺得唔洗特別加都得😚

上網見到食評不錯 價錢合理。 26/9去左食下午茶 體驗左20年人最差既一餐飯 食物方面叫左一個金魂定食$78同 鯖魚定食加錢轉左茶漬飯$48 仲有牛舌$38一黎到待應比左兩個小食同湯我地 味道都唔錯野而兩個定食 食物質素都接受到 份量都唔細 鯖魚比較多骨。而牛舌係厚切既串燒 無乜味道 但$38黎講唔算抵...總括黎講野食不過不失服務方面 世 界 級 定食加錢轉左茶漬飯 待應A落留左單我地叫左位男經理B加返 仲問個茶漬飯係後補返比我定換 點知B黑住面答：放心啦唔影響你食既野😂 頭也不回咁走左。0歉意無唔好意思仲要咁既態度 我當堂呆哂🤡轉頭有個待應C拎左配料比我 就咁擺低咩都無講..我地問佢個食法係咪會有個蓋焗一焗啲飯 待應C: er....應該有掛 之後又走左。然後待應A係我食緊野既時侯過黎幫我斟茶落個飯到 無講借借/小心 直接斟落黎我面前...就3位待應ABC落留單 無禮貌 態度差可以反映點解黃店都咁小人食 真係太過份從來出街食飯唔會比左錢就扮哂野 自問句句唔該前唔該後，有禮貌，非西客 ！竟然有咁既服務 枉為黃店 警世 千其唔好去食比完錢又受氣 一萬個負評🤬🤬🤬🤬

上網搜尋九龍灣有咩正嘢食，見食物也幾吸引，又多人😋，於是決定試吓，叫了燒汁牛肉釜、龍蝦湯稻庭烏冬、黑豚釜、髒髒炸香蕉（朱古力）、黑松露玉子燒、紅酒牛舌、花生醬燒年糕，牛舌好入味，好淋身，份量也不少，不錯，黑豚肉大大舊，也好淋身，反而我覺得燒汁牛肉釜無想像中咁好味，另外個黑松露玉子及花生醬年糕也好一般，至於個龍蝦湯烏冬個湯底幾好，幾濃，而且好熱，不錯，個炸香蕉其實應該係炸香蕉糕，這個不過不失啦，整體而言味道不錯.

已經有好一陣子冇食過日式料理，今日比我發現原來淘大商場地舖，有間食日式釜飯既專門店，見門口餐牌既釜飯非常吸引，又吾少人等位中，當然要試下新野啦！~等了約5分鐘便可以入座，餐廳有卡位，2人和4人枱等，感覺舒適，乾淨企理。我地order左兩個人氣釜飯，其中一個轉星級套餐，加$18有埋前菜，麵豉湯同凍奶茶。麵豉湯都幾大碗，前菜就是青瓜配粒粒鰻魚肉，酸酸甜甜，都幾開胃。<原條汁煮豬軟骨釜飯 $78>釜飯用金屬鍋子盛着，食既時候，可以保持住熱辣辣既溫度。飯上面鋪滿了豬軟骨，豬軟骨不但肉汁夠，而且味道非常濃郁，入口咬落去肉多軟腍，配合埋溫泉蛋，粟米仔等配菜，同綿密米飯，撈埋一齊食，又飽肚又好味。<黑豚釜飯 $98>黑豚一大件甘放在釜飯上，份量勁厚，肉質勁肥美，用上秘製醬汁去煮成，厚度十足嘅半肥瘦黑豚豬肉炆得非常入味，油脂感同瘦肉嘅比例亦剛剛好，恰到好處，油脂位部分入口即溶，連埋大大鍋吸收曬肉汁既香錦釜飯一齊食，滿足度極高，真心值得一試！！<日式炸雞 $38>炸雞既炸粉外皮好薄，微脆得來，醃製得非常惹味，而且雞肉裏面造得嫩滑又帶有肉汁，三十幾塊錢就有成

今天同朋友去左九龍灣買口罩，順便就係九龍灣食嘢。想食釜飯好耐，知道九龍灣有間黃店釜飯專門店，今晚終於有機會可以食到！我地每人叫左一個釜飯share黎食，再叫左d小食。我地叫左杯蘋果蜜share，呢個好有驚喜，佢有粒粒蘋果所以成杯飲品既味一d都唔假，再加上佢有蜜味，真係幾好飲！呢個牛肉釜飯好出色，比我想像的還好食，佢d肉好新鮮而且好有牛味好淋，waiter仲幫我地落佢地d自家醬汁，d牛肉撈飯一流🤤雖然我鍾意牛個個多d，話曬係佢地強烈推介既菜式，但豬軟骨釜飯都好食，佢d豬軟骨好大塊而且係淋，軟骨可以食埋唔會硬。我地再叫左個黑松露玉子燒，黑松露味重，配蛋一流，同埋佢個蛋好足料，一d都唔稀。燒鰻魚配檸檬汁一流～

黃店本人是10分支持的但是！必須要待應注意自己的衛生，他散發出劇烈的酸臭汗味⋯⋯ 其他店員大部份態度都良好至於食物，免費贈送的麵豉湯是好喝的，花魚定食那個魚也是正常的，至於那個叉燒就是如圖示的，讓人驚訝地肥⋯ 味道也是極鹹

今晚收工同男朋友傾食咩，因為咁啱又響九龍灣，所以就試食一間之前成日經過嘅餐廳，就係今次依間日本餐廳啦。每次望入去都見到好多人食，咁今次就試吓啦。入去坐低咗，個待應好好服務，即刻推介當日嘅限量嘢食，但因為我哋一早就見到餐牌入面想食嘅嘢，所以就好快咁叫咗兩個主食加一個小食。今次叫左個金魂蒲燒鰻魚釜飯，金魂版嘅鰻魚油分最多，而且魚骨最少，上菜見鰻魚都幾大塊，食落肉質肥厚，加埋個浦燒汁好正🤤五花豚肉釜飯，啲五花肉好邪惡好香🤣，仲帶有少少鮮嫩嘅粉紅色🐷值得一提釜飯由高湯加飯同配菜一同烹煮而成，所以啲飯都好入味🤤吉列牛舌，外層香脆，牛舌都幾有口感👍🏻最後食完都好飽，所以無再添加了。今餐食嘅幾樣嘢都幾好唔錯。下次嚟會試吓其他款式。支持支持！

去淘大，經過呢一間💛食店，又咁啱想食日本野，想食評都相當之多讚賞，於是就入去試吓。提前講一講，因為已經食咗有一段時間，而家都唔記得咗嗰個套餐叫咩名。首先，烏冬唔彈牙，夾起已經斷開，湯底味精濃⋯上面個幾塊野又「鞋」口⋯⋯至於嗰個飯，都算可以，不過上面嗰舊肉就好難咬⋯⋯食食吓，都有啲後悔係咪叫鰻魚會比較安全。似乎我點嗰兩樣嘢都唔係精選最慘係服務態度都好一般⋯⋯黑口黑面⋯⋯其實都幾失望，打響頭炮黃店，雖然入面係仍然有好多唔同嘅文宣，但係食物品質真心唔太好。我唔希望因為係黃店，所以即使佢唔好食我都要讚到佢飛起。

限聚令放寬到10點，八點幾入去堂食，都仲趕得切☺️☺️☺️ 點知太肚餓，影漏左成餐飯最欣賞嘅牛舌釜飯添😟加$18跟餐有麵豉湯同前菜。麵豉湯不過不失，但係個前菜份量少得誇張，味道都麻麻地😞跟餐嘢飲半價都要$22，用葡萄糖漿溝梳打水，原價$40幾蚊，完全不值個價錢😢金魂鰻魚飯釜飯！鰻魚完全冇骨，厚肉，肥美，冇嘢挑剔。唯獨鰻魚醬過多，掩蓋釜飯該有的味道。另外點左個牛舌釜飯，不過冇影到，好好食呀！牛舌爽口無根，仲食得出釜飯嘅味☺️

今次係我第二次食釜之魂！上次已經覺得幾好味！佢有好多款小食的！今次既目標係食上次未食過既小食！😆😆吉列紫薯餅、榴連炸彈、沖繩苦瓜餃子、日式大阪燒都幾好味！金菇牛肉串燒係今晚既”料理長推介”，牛肉既燒汁好入味👍🏻第一次見櫻花蝦炸豆腐，有創意👍🏻😆出面充滿櫻花蝦，入面既豆腐好嫩，有口感👍🏻梅干手羽先係必食既小食，外皮好脆！又帶點梅味，清新！唔會有油膩既感覺！雞肉亦都無雪藏味😀另外仲叫左龍蝦湯稻庭烏冬，估唔到有幾個鮮蝦，稻庭烏冬都好滑😀練梅凍蕃茄係我上次食完，今次再食的！冰凍既蕃茄，浸梅糖水，好入味！令到蕃茄甜甜地咁，好解渴！用嚟做一餐既結尾真係一流！侍應服務態度好好，一坐低仲會放一塊板同隔離枱隔開👍🏻

難得踏足九龍灣，就試下釜飯。午餐選擇唔多，價錢由$48起，最貴嗰個都係鰻魚釜飯接近$100，價錢都好經濟實際。點左紅酒汁牛舌釜飯，跟餐有前菜、麵豉湯、餐飲。麵豉湯有料，有誠意。讚完就黎重要部分... 紅酒牛舌魂一上菜，成個飯面都係汁。食過咁多間嘅紅酒汁都唔知其實紅酒汁應該係點，反正間間都唔鍾意，呢間都係。牛舌仲見到側邊嘅脷根，又諗起之前牛舌嘅陰影。口感方面我覺得太淋。牛舌太淋唔係最大問題，最大問題本身個飯都煮得太淋、太多水，仲加埋紅酒汁。其實服務方面好，特登攞🍎俾我哋睇。可惜唔可以拉太高分。希望飯底呢一方面只係偶爾嘅失誤。

今次試左原條汁煮豬軟骨釜，雖然條豬軟骨同餐牌上嘅分量有啲落差，但要讚嘅係豬軟骨係軟棉棉非常入味，除左主打嘅鰻魚飯外，呢款都係好好食嘅另外叫左份甜薯，食落係用左楓蜜焗嘅，幾特別欣賞餐廳內擺設同埋有得意嘢影下相，等嘢食黎可以打下咭

上次行過九龍灣見到呢間店有鰻魚飯食，就入佐去了，真係好鍾意食鰻魚飯🥰我地係三點幾到下午茶時間，咁啱呢個鰻魚飯有折HKD78,原價HKD98,仲有杯餐飲我叫佐一個鰻魚飯同埋拉麵😆各有一份小食同麵豉湯☺️呢個鰻魚飯份量真係大份又足料，男仔食都一定飽，鰻魚好厚身😏又肥嘟嘟，每一口都充滿著鰻魚嘅香氣，肉質好嫩滑，撈埋飯一起食，真係幸福，呢個價錢真係幾抵食，呢個必叫😏🥰而烏冬個湯底比較清淡，有三塊叉燒，仲有d木耳，荷蘭豆，紅蘿蔔...烏冬麵質幾彈牙，唔錯啊。成碗食完都唔會有罪惡感😎

疫情之下呢間店嘅防疫措施做得好好， 一定要食物上曬嚟先可以除口罩， 值得一讚呢間餐廳啲選擇唔多， 本身好糾結要鰻魚好定要牛肉好， 因為佢鰻魚只係88蚊， 但最後因為想慳錢所以都係嗌返個平少少嘅醬汁牛肉釜飯 9/10呢個牛肉釜飯完全超出我想像， 本身都驚佢啲肉會煮到好嚡， 或者好靭， 但點知一食落口， 牛肉鮮嫩 有厚度， 食落去感覺好實在，亦都好有口感 醬汁亦相當香濃， 醬汁滲入曬牛肉裏面， 咬落好juicy飯方面佢有教學， 如果想啲飯軟啲， 就直接享用， 如果想食硬啲嘅飯， 就 打開蓋 撈幾撈先食， 我自己唔想食太 軟淋淋嘅飯， 所以就撈一撈先食， 但最後啲飯都係好淋， 唔知係咪我用錯方法 呢個 釜飯個份量都幾大， 食唔曬， 都幾飽我嘅朋友叫咗個烏冬， 但望落個份量相當少， 好似幾啖就冇咗， 所以都係建議大家要佢嘅 釜飯

download佐一個新既本地外賣app － lingduck，就諗住支持一下一d本地既小店，最後揀佐呢間餐廳，因為太耐無去旅行，太耐無去日本，佢既主地正正就係鰻魚飯，表面係吸引既。晚市外賣用app買更加可以有9折，我就正正俾佢呢個優惠吸引佐，最後就中佐一個唔老實商人既伏。我明白有好多外賣app都會有markup既現象，因為佢地係包含佐service，包含佐方便，包含佐車手送餐點對點既extra cost。但係如果用外賣app，係去自取，而又打著本地小店，支持同路人旗幟既餐廳，我實在唔能夠接受佢既存心欺騙。今次我買佐2個鰻魚飯加一個小食 （苦瓜餃子）。原價既價錢係 ＄110 + $130 + $24 + $6外賣盒既價錢。而用lingduck app可以有9折，最後埋單我俾佐 ＄236.40而當我到達餐廳既時候，先至發現原來餐廳外賣餐牌既價錢，比lingduck 9折後既價錢更平！佢既外賣價係 ＄88+ $108 + $22 ，而有銀行既職員証更可以有9折，即係會係 ＄196.40中間既diff係 ＄40.2 ，亦即係20％可能係職業病既問題，今次呢篇食評用多佐數字去解釋，但主要都係因