長發海鮮酒家 (已結業)

好少黎呢頭，所以第一次食呢間蒸氣鍋專門店～欣賞呢度嘅調味枱，有各式各樣嘅乾蒜，蒜蓉，芫茜，辣椒，大大盤，可以任揀調味醬～叫咗B餐＄398兩位起，內容好豐富，包括咗：花竹蝦，新鮮大隻蘇格蘭特大聖子：超大隻，鮮甜，爽口日本大元貝：好香又厚肉，好好食，沾上調味醬後更美味美國石蠔：超巨型，大過我隻手掌韓國北寄貝：新鮮，入口鮮甜本灣奄仔蟹半隻：呢個就少d肉貴妃蚌：爽囗嫩滑，口感唔錯蔬菜：爽口健康和牛粒： 有牛味，好口感排骨南瓜粥：煲到好綿，又鮮又甜，食咗起碼3碗材料好，美味，服務態度都好好，不停為你蒸唔洗自己處理，坐係度等食就得。

蒸鍋越嚟越多競爭，酒家都一湧而至加入戰團。酒家最大優勢當然就係海鮮，正配合蒸鍋需要。粥底用上大量南瓜點左海鮮套餐，大部份食物都係位上份量都算啱啱好，唔洗怕太多食唔到啲粥蝦鮮甜，唔算好大隻蟶子王肉質爽甜，加埋粉絲蒜蓉，好味！生蠔連殼，應為新鮮貨時間控制得宜，無過老，蠔味濃。奄仔蟹唔算多羔，肉質鮮甜。蜆都幾大隻，同樣係配蒜蓉粉絲，鮮甜。手打四寶丸驚喜不大。墨魚丸質素為最好，爽滑彈牙。粥底精華，如想像般金黃皆因用上大量南瓜，兩位份量，食左大半已經好飽。

喺鰂魚涌上完堂,家長介紹我去呢間酒樓有蒸海鮮套餐食,佢食個話都幾抵食,橫掂都諗唔到食乜嘢,所以就黎試吓啦!$398一位,已經有花竹蝦,蟶子,大元貝,石蠔,北寄貝,貴妃蚌,仲有奄仔蟹添!最重要梗係有個粥底啦!呢個粥底仲有南瓜添!呢度個蒸爐有埋時間制,set好時間就會響,今晚仲要有店員幫手蒸海鮮,我淨係坐喺度負責食!店員會計啱晒時間輪流蒸,首先係花竹蝦,超大隻好鮮甜！然後到蒜蓉粉絲蒸蟶子,之後就到奄仔蟹,蒸完奄仔蟹之後佢就停一停俾我哋處理左隻蟹先.接住落嚟嘅幾樣海鮮都非常之新鮮同埋好味,店員嘅服務亦都非常之好,每食完一兩樣嘢就會同我地換過晒啲碟.最後仲有手打丸三款同埋粟米.重點當然係南瓜排骨粥啦！所有海鮮嘅精華都係晒個粥度！加埋南瓜嘅甜味,真係幾飽都可以食到兩碗吖！

早前HONEY黎過宜一間酒家，對宜間酒家印象不錯，所以今日帶我黎再吃一次海鮮蒸氣石鍋。宜度有幾款海鮮套餐選擇，最平$298/位!我地揀左個中等價錢既海鮮套餐， 有七種海鮮咁多，另外仲包括有一款蔬菜同肉食選擇!肉食方面我們點選了四寶丸同和牛粒，兩樣都好有水準。和牛粒牛味濃郁，肉質爽嫩！四寶丸彈牙有口感，值得推介！唔同種煩既海鮮有唔同既蒸煮時間，店員全程會協助分批將海鮮放入蒸架，我地既工作就係等食就得喇！花竹蝦：長度驚人，肉又夠多，又夠生猛新鮮，食落鮮甜多肉。日本大元貝，又大粒又厚身。廚師預先係元貝中間劏左一刀，更易蒸熟，鮮味更突出！北寄貝刺身係日式餐廳或者放題就必定食過！原隻北寄貝連殼一齊蒸煮，熟食既吃法就別有一番風味。經過煮熟既北寄貝爽口鮮甜，一d都唔靱，而且仲食到海水鹹味。最後當然是粥底，粥底經歷過七種海鮮既海鮮精華，吃起來鮮味出眾！同時，米粒蒸煮得軟綿，真係無得輸！飯後仲有桂花糕做甜品，很圓滿！

同朋友一樣好中意食海鮮，而中式最簡單既蒸煮方法就係我地最愛！可以食得出係米貨真價實，海鮮夠唔夠新鮮。我地揀左每位$398既海鮮餐，有七款海鮮咁多...有長過隻碟既花竹蝦、有豐富蟹膏既奄仔蟹、爽口北寄具、聖子皇等等...由開場食到散場，都冇一樣海鮮令人失望唷！全部都非常大size👑，鮮味香甜！正所謂有圖有真相！日本大元貝有成隻湯羮咁大，簡單加上蒜蓉粉絲蒸熟，已後好爽口鮮甜！美國石蠔同樣好大隻！😍😍😍加左疆蔥辣椒一齊清蒸，辟左陣腥味，肉質肥厚。花竹蝦又長又多肉，肉質爽彈，蝦頭既，蝦膏仲好惹味添！北貝寄同白刀貝keep著係大size!每樣海鮮都係咁鮮味同大size，水準真係好高！蘇格蘭特大聖子真係名實相符，同筷子一樣長！肉質一啲都唔靭，蒸煮時間控制得好好唷！最幸福當然係所有海鮮既精華盡收粥地，綿綿既南瓜排骨粥加上海鮮精華一齊食，真係令人大快朵頤！

難得小弟今日約港島朋友傾啲野，佢就帶左我黎食依間蒸汽鍋。都係因為潮流帶動下，看似中式的海鮮酒家，一道裝修下就變成而家既蒸氣鍋。證明香港人有幾靈活變通。蒸氣鍋計時器鍋底 - 先放入珍珠米、排骨同南瓜作為最後粥底既材料，最後用蒸氣煲成粥。日本大元貝 - 蒜蓉粉絲伴元貝，當然係最穩陣既食法，加上元貝中間細心地開左一刀，保証蒸熟，而元貝夠新鮮就無得輸。蘇格蘭特大聖子 - 控制聖子既時間好重要，因為你都知呢，聖子太熟會變成擦子膠，有計時器既情況下可以話係萬無一失。貴妃蚌/韓國北寄貝 - 北寄貝通常我地只係可以響壽司舖可以見到食到，清蒸都係第一次，感覺都有啲特別，比較有咬口、少少煙韌。生猛花竹蝦 - 九節蝦當然夠鮮甜，有蝦味，唯一唔好就係得兩隻，實左太少。美國石蠔 - 都算幾大隻肥美，但蠔味唔夠，可能都係產地問題。本灣奄仔蟹 - 蟹肉多汁、肉質彈牙、爽甜。新鮮排骨南瓜粥 - 每次蒸氣鍋既重點所在當然就係依個粥啦，但一定要夠時間南瓜同珍珠米化開，加上前第道海鮮留底既精華，又點會唔好食喎，我覺得選用珍珠米係既成功既地方。

天氣凍冰冰當然要去下食熱辣辣既美食，成日都打邊爐所以今次一行四人就試下海鮮蒸鍋，店家地方好寬敞樓底好高，感覺好舒適。醬料同鼓油係全自助的。海鮮蒸氣鍋餐有A,B,C 三種，我地就叫左A和B餐。店員會幫客人逐款海鮮放上蒸鍋處理，再以timer計時，確保海鮮唔會蒸得太熟overcooked.首先第一道係新鮮既花竹蝦，除左新鮮外蝦肉仲非常鮮甜，配點鼓油食已經非常美味。第二道係蘇格蘭特大聖子，再加上蒜蓉粉絲同少量辣椒一齊蒸顯得格外惹味。聖子大大隻啖啖肉，較岩時間起菜完全唔un.第三道係日本大元貝，亦係加左蒜蓉粉絲同適量辣椒一齊蒸令到層次更豐富，大元貝係非常鮮甜都唔洗再加d咩醬汁，元貝既精華汁甜到可以直接飲。紐西籣馬刀貝及韓國北寄貝 - 兩款都唔錯，貝肉彈牙鮮甜，係會想再令人encore.美國石蠔 - 石蠔非常大隻厚肉，加點辣椒同薑一齊蒸主要係去走腥味，石蠔蒸完後都無縮水，抵讚。本灣奄仔蟹 - 蟹膏多到滿瀉，肉反而唔算太多，喜愛食蟹膏既朋友岩哂。肉食可以再三選一，甘我地就簡左和牛粒，和牛粒油脂分佈均勻，入口即溶係正既。海鮮蒸鍋既底下仲有一鍋排骨南瓜粥，南瓜粥完全吸收哂各種海鮮既精華所以份外鮮甜，排

本身見到餐牌最平果個餐都要$298，唔係任食，仲要加一，覺得有啲貴。但食完覺得物有所值！首先，海鮮方面好新鮮，好大只，好爽滑！有質素！例如呢個餐既美國蠔出面買都幾十蚊一只，聖子呢個size街市至平都要百五蚊到一斤。加上要侍應招呼，每樣食物幫你蒸，上碟，換好多只碟，所以呢個價錢真係唔貴！排骨南瓜粥，用既係珍珠米，新鮮排骨。估唔到呢一小碗，可以煮出成煱粥！粥好甜南瓜味。雖然食唔出海鮮味，但見住啲海鮮精華倒曬落去，正！蝦蝦蝦，每人有兩只，好多膏！yummy! 特大聖子，我至愛！成只碟甘長！肉質爽口。漲卜卜既青口同馬刀貝！平時買急凍既青口較韌同無物味，入面好多“草”甘既野。但呢個肉質爽滑，入面啲膏同肉都好林。日本大元貝相對其他，呢個蒸得耐左少少，無甘嫩滑。蠔一句講晒，juicy! 雖然蒸熟左，但好似生蠔甘嫩滑和牛粒！依家興食和牛，估唔到呢度都有。望落去就知道好juicy ，好嫩啦。一咬落去就有啲油同肉汁標出黎，好香牛肉味！食到最尾仲會有桂花糕送美中不足係叫左罐可樂，要12蚊，有啲貴。。。其他都好好！正如剛才所說，呢餐好滿足！食左好多海鮮！好飽！正！

應友人之所約 到位於鰂魚涌的 長發海鮮酒家 吃蒸海鮮 ~ Menu ~ 我們點了 B餐 $ 398/位 (兩位起)包括 : 花竹蝦 (1隻)、蘇格蘭大聖子 (1隻)、日本大元貝 (1隻)、美國石蠔 (1隻)、韓國北寄貝 (1隻)、本灣奄仔蟹 (每位半隻)、貴妃蚌 (1隻)、新鮮排骨南瓜粥 粥底 : 先在鍋底放珍珠米、南瓜、排骨 ~花竹蝦 : 爽口嫩滑又彈牙 , 味道鮮甜細緻 , 不用花巧 , 原味就是正 ~ 蘇格蘭大聖子 : 蟶子蒸得火喉剛好 , 肉質嫩滑細緻 , 而且非常鮮味 , 粉絲也吸收了蒜茸和蟶子的鮮味 ~日本大元貝 大元貝肉質厚實彈牙又鮮嫩 , 味道超級鮮甜 , 充滿貝類的海產香 ~ 美國石蠔 : 美國蠔大隻又厚肉 , 入口爽彈不老 , 肥美鮮甜 , 蠔味夠濃 ~ 貴妃蚌 & 韓國北寄貝 : 加入了蒜蓉粉絲同蒸 , 肉質爽口彈牙又鮮嫩 , 鮮味爆燈 , 絕對滿足 ~ 本灣奄仔蟹 蟹膏不多 , 勝在蟹肉鮮甜細緻 , 令人回味 ~ 蒸完食物後 , 粥也煮好了.... 此粥盡是海鮮的精華 , 味道純正而天然 , 每一口都是鮮味 ~本篇完 ~

首先要讚下呢度既職員，服務態度好好！同埋佢地真係好辛苦，地下果層坐滿有成十幾枱，我果晚有六枱到。因為蒸氣煱要職員禁果部蒸氣機，每蒸一樣野幾分鐘到，一夠鐘就會響bibi ，職員就會過黎夾食物俾我地。甘多枱走黎走去都幾辛苦，但服務仲好好，抵讚！因為係朋友介紹先黎呢度，佢之前食完話好正，海鮮大又鮮！我食完之後覺得。。。果然無介紹錯！超正！第一次黎，保守啲，叫左個298餐！職員首先幫我地蒸左個埾子，三四分鐘左右，佢仲加左啲菜蒲上去，話甘樣食好味啲！聖子上有蔥花、生熟蒜蓉同粉絲。好爽口，又多肉，加埋啲配料食，正！美國石蠔濕紙巾甘大只！本身以為蒸完會縮水，但一啲都唔會，反而更漲卜卜！一啖落去，啲肉汁流晒出黎！好林，好似食緊“”鵝肝“”甘林，甘creamy 哈哈日本大元貝蒜蓉加粉絲食，絕配！馬刀貝自己買親整都好多沙，但呢個無沙，又多肉，正！青口大大只，唔點醬料更食到原汁原味，好好味！中蝦肉夠實，夠爽，鮮味！肉丸真材實料，好彈牙！蒸完仲大粒啲添！有牛肉丸、豬肉丸、鯪魚球同墨魚丸！菜心無油，但做到油菜甘爽甘嫩！排骨南瓜粥爭少少唔係好棉，不過唔係煲左好耐，已經好好，又有海鮮既精華！正！不過唔記得叫職員走莞

北角鯽魚涌的麗池大厦在香港曾經名噪一時，雖然年過五十，外表已很殘舊，但它以前的光輝歲月亦給很多香港人的美好集體回憶。就在麗池大厦附近鯽魚涌英皇道901-907號一樓的長發海鮮酒家最近推出了蒸氣鍋迎接寒冷的冬天。近年覺得蒸氣火鍋漸漸代替傳統火鍋的位置，因蒸氣鍋比較環保安全，不會令室內空氣混濁。原來酒家把地面的一層裝修成蒸氣鍋的專用區，專用區的環境豪華舒適，大大的水晶吊燈，令客人有一種虛榮的感覺。經侍應推介下要了A套餐($298/二位起)和B套餐($398/二位起),A套餐包括有海中蝦，大聖子，大元貝，石蠔，馬刀貝，青蚌和新鮮排骨南瓜粥。B套餐就包括花竹蝦，大聖子，大元貝，石蠔，北寄貝，奄仔蟹，貴妃蚌和新鮮排骨南瓜粥。另每份套餐任選肉食及蔬菜各一份，肉食有和牛粒，豬肉丸或四寶丸。首先一大蒸鍋上枱，侍應在最蒸鍋低層放了白米，排骨和南瓜用作粥鍋，再在上層放了一蒸格，每次放上不同海鮮蒸約五分鐘就可進食，再配上不同調味料，可自助配搭，有劍葱花，生蒜茸，指天椒，剁椒，XO醬豆瓣醬，芫茜，炸蒜茸，大頭菜，海鮮醬，日本芥辣，沙爹醬等多款選擇。每吃完一款海鮮，侍應就會把碟更換，再遞上另一款蒸煮好的海鮮給客

因為早到左，所以去到係門口睇左陣，等下先。見到有好多海鮮，款款大只！生猛！啲水好清！唔似有啲酒樓好似無清潔魚缸甘！讚！黎之前都決定左食蒸氣煱，因為未試過。齊人後我地決定試A 餐！本身睇餐牌好似唔係好多野食，但因為全部海鮮都好大只，又有南瓜粥，所以最後食到好飽！！依家先知呢度蒸氣煱係有人“服侍”！職員會幫你分批放海鮮落去，再按反適當時間，夠鐘就會bi bi 響，職員再黎夾俾你！全程唔洗自己郁手！價錢俾得抵啦！辛苦晒啲職員！首先講下個元貝同聖子，超大只超長！面頭會加啲粉絲同蒜蓉，好香蒜蓉味！肉質好爽口，鮮味，蒸得剛剛好！雖然餐牌上話係中蝦，但一啲都唔細只，串好一只只，蒸熟一mok 啲穀就甩。蝦肉好實淨，好鮮甜爽口！美國石蠔、青口同馬刀貝。一句講晒，又係超大只！本身唔係好食青口，覺得啲肉好韌，又有啲好似魚絲、啡啡地色既肉臟（我估係），但今次後對佢改觀！因為蒸得好林，仲好多水份係入面，一咬就開，好厚肉，無渣！而蠔更加唔洗講，超肥美，蒸完都仲係甘大只！啖啖肉，好少食蠔係要咬開，呢只就要啦！南瓜粥，一開煱果時就要落，食完海鮮粥就煮好！好香南瓜味，完全無落調味都好好味！正！！！超正既蒸氣煱！推介大家

久不久會同同事嚟飲茶既我，發現左地面嗰層原來做左蒸鍋area, 好新淨又寬落，於是就約埋happy friday一齊嚟食海鮮蒸鍋~每位計，有A/B兩個餐揀，我地點左各兩個。（A-$298/ B-$398）自己出去撈醬，有成10幾個選擇都唔錯，我仲另加左隻生雞蛋tim。野飲另叫。職員會幫我地蒸餸同分菜，個鍋有兩職，下層蒸肉排南瓜粥，上層就蒸海鮮，等d汁流落去d粥度，其實個餐仲有菜同肉類比你揀，3選1，我地揀左食菜心同和牛粒，男人麻，點都要d肉落肚既。甘大間海鮮酒家既海鮮又點會差得去邊，所以海鮮好甜又新鮮，和牛又鮮嫩多汁，最後食埋個精華粥底真係真心滿足，個人都暖晒。到最後原來仲有杞子桂花糕。呢個Friday真happy。

天氣一凍就想食鍋，但日日火鍋真係好熱氣，所以近來愈來愈人鐘意食蒸氣鍋，貪佢健康又多選擇，一樣暖笠笠！成日經過呢間酒家都無發現原來佢地面嗰層全新裝修過，專做蒸氣火鍋！價錢仲要唔貴！A餐 $298加一B餐 $398加一入到去第一個感覺係：好光猛寬敞又乾淨！（連個洗手間都裝修埋，哈哈！）有醬油櫃供自助配搭醬料，好方便。加$36有涼茶，真材實料，無加糖。一行4人點左2個A餐、2個B餐(每個餐兩位起）～加錢叫左一渣《清熱涼茶 $30》堅涼，女士注意啦要～因為有A又有B, 所以將海鮮mix埋嚟蒸。佢個蒸鍋有兩層，下底嗰層係粥底《新鮮排骨南瓜粥》，上層就用於蒸海鮮既。除左海鮮，個餐其實仲有菜（3選1）、肉（3選1）。 我地選擇左菜心同和牛粒（每人有4粒）。每張枱都內置左時間調節器，好先進～唔似外間要用外置timer或者自己計時。職員會幫我地放食物去蒸，教好時間之後差不多時間佢地就會返嚟幫客人分餸，同埋再蒸下一款食物～好有牛味，稔身多汁。精華所在～～粥底吸收晒海鮮同和牛既精華～特別鮮甜～最後仲有甜唔品～ 地方乾淨已經加晒分～海鮮酒家做返拿手既海鮮餐，當然唔會差得去邊既～～!

因為朋友話想食蒸氣煱，就近近地，揀左呢度，係正 魚則 魚涌港鐵站對面！超方便！而我個人係第一次食蒸氣煱，好似大鄉里出城甘，好多野都好新奇！哈哈首先講下個醬料bar , 超過十種，仲有xo 醬！正！實有幾款岩你佢個粥底係排骨、同米、南瓜，而原來蒸氣煱係唔洗加水煲粥架，係靠下面既蒸餾水、蒸氣同海鮮既水份煮熟，唔食過真係唔知！一定超好味！今餐絕大部分食物都係海鮮，相係四人份量，一人有一只石蠔，超大只！咬落去好淋，好多水份，一啲都唔“星”。可以用肥美去形容！中蝦，每人有兩只，唔算話好大只，但肉質好爽口，鮮甜！青口、馬刀貝，都係好大只，無沙，新鮮！聖子，又係今餐一重點！未食過甘大只既聖子！清潔得好乾淨，好爽口，好多肉，好鮮味。加埋粉絲同蒜蓉食更正！日本大元貝，貝如其名，真係好大只！元貝肉熟晒，但一啲都唔韌，好爽口。仲可以自選肉丸或和牛肉丸有牛、墨魚、魚肉同豬肉丸。未蒸時好似細細粒，蒸完好似乒乓球甘大粒！粒粒入味，彈牙！平時凍肉店買開既丸同呢個無得比！呢個粉唔多，真材實料！食完甘多肉同海鮮，食反幾條菜清一清，爽口！蒸得剛剛好！當食完以上既野後，煱粥就剛好煮棉！唔好睇頭先啲米一碗仔，煮出黎好多，四個