陸陸雞煲火鍋 (已結業)

12月仲食緊生日飯，超開心今晚B女和我食生日飯，凍凍地，最好就係食雞煲加打邊爐la陸陸雞煲火鍋海鮮套餐$298(加一)陣容頂盛有冷盤小食，雞煲，龍蝦湯，海鮮火煱拼盤，肉類，手打丸，餃類，響鈴，炸魚皮，蔬菜菇菌類先來一個冷盤花螺小吃，花螺鮮甜，肉質彈牙，正雞煲即叫即做，雞煲大約有半隻雞，雞煲上枱後，店員會為客人攪拌煲內雞件及配料，攪拌完畢，等大約2分鐘等焗出配菜香味就可以食得la雞煲揀左小辣，雞件肉質嫩滑，加埋洋葱，青椒，大蒜，芫茜，芹菜等配料，甜中帶小辣，非常香濃惹味食完雞鍋，龍蝦湯底隨即奉上，嘩！隻龍蝦嘅長度有成個鍋咁大真係唔係講笑！龍蝦放在湯中繼續滚多一陣，令湯頭更濃郁，更鮮味海鮮火鍋拼盤有鮑魚，帶子，貴妃蚌，廣島蠔，蟶子，大蜆，海蝦，大頭蝦，選料上乘所有海鮮都很大隻，很新鮮，尤其是鮑魚，上枱的時候仲係郁下郁下，勁新鮮，貴妃蚌和蜆勁大隻，真係無稔過$298嘅雞煲+海鮮火鍋套餐有咁好嘅質素，幾驚喜鮑魚好腍好鮮味，大頭蝦的蝦頭超多膏，肉質爽甜，貴妃蚌肉質彈牙爽口，好美味呀肉類方面有頂級牛肩胛片，牛柳粒和豬肉片~牛肩胛片牛味濃郁，肉質爽口，淥幾秒就食得，反而牛柳粒要淥耐少少，肉質較腍手打

3個女仔又話要邊爐又話要雞煲，最後6點鐘就去左旺角呢間唔係任飲任食既雞煲火鍋。可能係由於平日同早既關係，所以餐廳無乜人，服務員態度好好，亦都會推薦餐廳既手打菜色同主打飲品。由於我地都唔太食辣既關係，所以嗌左個大煲少辣走芫荽！雞煲偏重口味，食落會愈食愈上癮，不過略嫌大雞煲好多都係骨同皮，甚少肉。我地嗌左唔少野食，但最後都食唔晒有些少浪費，但都極力推薦陸陸六寶丸，真係手打丸黎，而且墨魚丸好有咬口。好可惜每款只有2粒咁大把，要share黎大家一齊食啦！而埋單每人都要大概300蚊左右，不過以質素黎講值得既。

青島，何解只得罐裝架？支裝先好飲囉。like like 送食物？我好懶，費事煩。火鍋用水果作前菜？印象中都係第一次見。辣子腸頭，第一次品嚐此道菜，十分香口喎！麻辣細膩有緻，先來皮脆肉嚥韌，趙開脆皮內藏肉汁，辣味搶閘而來，繼而麻麻的，慢慢滲入味蕾再運行全身，冒汗了，暢快！例陸陸雞煲中辣中麻，雞件預早炒過，雞皮焦香帶著麻辣汁，辣中帶麻再散發香甜，雞肉嫩滑而醃味到加，滿足。消滅所有雞肉後，加清湯轉換邊爐模式，繼續食唔好停，殺呀！萵筍，油麥菜的翠綠嫩莖，輕烚爽脆多汁，口感十足竹筍樣。浸耐一點，變得軟棉棉，辣湯已滲入其中，像瓜一樣的質地充滿湯汁，好味呢。頂級桂花蚌，拖一拖，拉一拉，得左！鮮甜滑脆彈集於一身，正！海參肺部估不到那麼可口，仿似有水果的味道，日本仔仲改個勁華麗既名字，無得輸！頂級封門柳，即橫隔膜，難得的部位，每隻牛只得一條。鬆軟棉棉牛味濃郁甜美，最緊要新鮮，好食啊！魚轉彎，魚的下巴的三角位置，無骨肉厚，超嫩滑的質地，魚味濃濃，魚汁豐富而甜味出眾，最愛骨少啖啖肉，正啊。手打蝦滑，不用加蔥喇麻。粒粒蝦肉清晰可見，一氣呵成掉晒落湯讓她們自由地游游水浮沉一下，得左！用筷子夾起已感受到她們的結實

呢到嘅雞煲好香好滑 而且夠哂辣 材料新鮮而且仲有好多飲品選擇 我次次都食香蕉冰好好飲而且 佢地炸魚皮 好脆 好香同其他鋪頭唔同架而且侍應全部態度都好好耐心解答你嘅問題真係值得一讚

收工同老友食宵夜，佢鐘意雞煲，我梗係陪佢啦，我第一次試里間，佢住附近成日來。入到去本身有幾張吉枱，甘有位侍應帶左我地去其中一張，也已經坐好晒，點知另一個侍應叫我們轉另一張，理由忘記了，其實口講無所謂，但心點都有D吾高興，比着係你，你會點？叫左半隻雞既雞煲，個火開到好大，初初都有人幫手搞下個煲，過左一陣個侍應行開走，甘我地咪自己搞，無幾耐佢又返來，叫我地吾好搞，等一陣就食得，就係里一陣個煲燶左痴底，我們想加湯，但個侍應話吾好，食甘D先加，要打邊爐時先加，我朋友好怒氣甘講:"甘痴底吾加水可以點？"後尾有加水，但有燶味lo,成件事錯晒!叫左個桂花蚌，好新鲜咩？食吾出lo，豬腸同牛柏葉，亦無咩感覺，由於個湯底差，食咩都吾開胃，亦都吾想再加野只有兩隻連殼带子叫左好D，自己燒幾好玩，都鲜既，加一楂檸檳如果個煲無燶到，D食物可能會好好多，我應該吾會再來

同朋友係旺角行完街，朋友話想食雞煲，於是我就介紹呢間。因為之前同男朋友食過一次，覺得好好味，今次翻兜先黎個餐小食，呢個係免費既! 蕃茄仔有D酸酸地，螺肉就無乜特別，免費既都算係咁啦。我同朋友2個決定叫個BB辣細雞上枱之後仲未食得架，要煮多陣先，之後一打開蓋就聞到勁香。辣度岩岩好，雞肉嫩滑，越食越滋味店員時不時都會埋黎幫我地攪下個煲，以防痴底食完雞之後我地先再叫其他野食。我呢個牛魔王，當然少不了每次打邊爐都一定會叫既肥牛啦，呢碟係本地手切肥牛，非常好味，因脂肪分佈均勻，不會UN。連朋友平時唔多食牛既，都同我爭住食鹹牛肉芝士釀油條，呢個強力推介比大家，超級好食!! 喜愛食煎炸野既，一定要試呢個，仲好食過即炸響鈴。油炸鬼岩岩炸起，非常熱辣辣，店員叫我地將每面浸落去D湯淥一淥，等個油炸鬼吸左D湯既麻辣味。咬落去，鹹鹹地既牛肉帶點麻辣味配上脆卜卜既油炸鬼，正到呢不過好似食唔到有芝士味陸陸手打墨丸，非常之彈牙，入面仲有D細細粒既墨丸肉，好有口感。朋友叫左個窩旬，大鄉里既我完全唔知道係咩黎，以為類似芹菜果D會有青草味，點知食落又冇喎，都幾鮮甜，個感覺有D似白蘿白咁，要淥落D先夠沐同入味好多，都唔錯。

大熱天時食雞煲無非都係想滿足一下麻辣又惹味嘅感覺。周日夜晚8點半嚟到，由於已過繁忙時間所以唔駛等位即入由於太肚餓所以就算二人都照叫左個少辣大雞煲。等左一陣個煲嚟到，侍應話由佢煮一陣再嚟先開蓋。於是等到個煲滾侍應嚟到炒兩炒再等兩分鐘就食得開蓋後聞到好香麻辣味，雞肉好嫩滑，好入味，食落好刺激，配埋凍檸賓特飲就最啱雞煲食到7788再加埋清湯，再叫左一客響鈴。響鈴應該係自家裝吧，口感唔錯，只係有少少油益味末段，食完之後都有少少口渴，去左附近7仔飲左成枝水

係旺角行完街最好梗係食雞煲充充饑未行入鋪頭嘅時候已經聞到濃濃嘅雞煲味雖然只係星期四嘅晚上 店入邊已經人山人海由於同友人兩個食嘅關係食唔到好多配料於是就點左店員推介嘅幾款配料陸陸雞煲(例) ($148)雖然我地只係點左一個例牌嘅雞煲但淨係食雞煲已經飽左一半就咁望落去已經見到雞煲入邊舊舊都食得雞肉吸收哂麻辣汁 唔使點豉油已經夠晒味陸陸手切肥牛(例) ($158)配料方面我地點左店員推薦既手切肥牛呢度嘅肥牛係屬於厚切肥牛 絕對唔呃秤可能係因為厚切嘅關係食落去有牛肉味之餘亦都吸收左麻辣嘅味道 好正百花+咸牛肉芝士油條($72)呢個配料集合左港式既原素有點心食到既百花魚肚上面既百花百花蝦膠釀魚肚這是在茶樓常吃的一道點心而餐廳用左啖啖既蝦膠肉放左係油炸鬼上面蝦膠的海鮮甜味加埋麻辣湯底 非常可口至於咸牛肉加上油炸鬼 由於油炸鬼本身無咩味 咸牛肉正好為淡淡既油炸鬼點綴一下又係另一種風味珍寶帶子($90)好大粒呀！話明珍寶 果然無呃人帶子個個大小絕對係驚人 雖然呢個帶子係要焯一焯先食得但熟左既帶子依然不失鮮味陸陸自家製響鈴 ($44)小妹覺得打邊爐除左個爐係最緊要之外響鈴呢個配料都係非常重要因為食吸收哂

服務員不停趕客, 未夠時間已不斷催促埋單, 一而再, 再而三, 未食完已要求結帳, 一碟肥牛未煮過就給帳單, 強行讓新客人霸占座位, 態度惡劣, 不知所謂, 不建議光顧! 非常生氣!

個人對雞煲特別有要求同需求，哈哈，因為我真係好鍾意食雞煲。推介雞煲店有兩間，一間係一品，一間係陸陸。可惜一品長期大排長龍兼要多人先book 到枱，所以少人嘅話，我多數揀陸陸。雞煲店，除咗個雞煲要好食之外，我對配料特別執着，無靚料真係即刻out 得！陸陸雞煲最少都要有BB辣，說穿了唔辣嘅雞煲真係差咗少少野 。原隻雞足料，雞肶滑雞胸位多肉。配料方面，入口溶化嘅手切肥牛，爽口墨魚滑蝦滑係推介。如果你係鍾意脆口啲嘅響鈴，你就skip 得。呢度有少見嘅皇帝菜，記得order! 仲有鬼馬油炸鬼，如果你鍾意入味啲就浸耐啲，否則1分鐘就岩岩好，仲會有少少脆。小貼士，啲人話煲到尾，個雞煲湯底就淡晒。你可以同佢講，多汁多汁！咁到時加咗湯就可以keep 到個膿味喇！如果你喜歡，加碗白飯，雞煲汁撈飯其實係超正！

好潮嘅一間雞煲店☺️牆上面有搞野手繪畫😎而且打邊爐材料都幾別～揀左微辣雞煲🐣辣度剛好，吾會食到哎哎聲(食得辣人士另計)經店員拌兩次後，就食得lu~雞件都幾大件，肉質夠嫩而且好入味~🐤食完個口有小許麻痺嘅感覺，都幾過癮☺️ 食完就事不宜遲開始打邊爐了🍲有清湯同辣湯選擇，可以調整返啱自己嘅辣度☺️釀油條幾特別☺️浸大約30秒就食得！油炸鬼吸左雞煲嘅精華後好入味而且仲保留到脆口嘅效果😝值得一試～手切肥牛同牛柳粒好新鮮☺️牛肉都算幾香，肉同脂肪分佈匀衡，而且肉質都好腍！八寶丸有蝦丸，墨丸，龍蝦丸，貢丸，牛丸，蟹粉蟹籽包，白魚蛋同豬肉丸🙂都幾大粒架，口感亦都吾錯，尚算彈牙！食完都已經開始飽飽地😂比較推薦有蟹籽包同龍蝦丸💁韓式泡菜餃就特別為一眾#韓迷 而設😝，嫌略餃皮厚左啲，而泡菜吾算太辣，味道就比較清淡！飲品揀咗紅豆冰同香蕉冰😝一路打邊爐一路飲真係一流👍香蕉冰真係食到有香蕉蓉😍感覺好清新，蕉味都幾濃。冰半溶時飲更smooth..紅豆冰味道就淡啲，奶味比較幾出🙂

早前約左個好朋友食晚飯，突然大家都好想食雞煲，於是就走左去位於旺角o既「陸陸雞煲」。店鋪地理位置算方便，位處白布街，由旺角地鐵站行去不過幾分鐘，鋪頭的有趣o既LOGO招牌令人一眼就睇到。大概20:00左右，餐廳已經坐滿七成位置，看來雞煲真係一個熱潮！一黎到就即刻整個小吃開下胃先，蒜蓉牛油雞翼$38起初聽個名，有d擔心會唔會太過heavy，點知食落去鬆脆，又唔太油，keep到d肉汁係裡面。66 Colada (見個名幾有趣，原來係椰汁西米之類o既東西）$32期間限定，夏天消暑一流！佢地標榜雞堡即叫即整，等待期間，我四圍望，睇到好明顯鋪頭環境落過好多心機，同佢地個鋪名一樣，都係走年青路線，佢地用左好多搞笑塗鴉同畫作，製造左一個輕鬆有趣o既氛圍，望住D畫笑下，已經唔怕食飯要R話題啦哈哈！過左一陣，熱烈烈o既雞煲出現係眼前喇！順提雞煲係可以選擇唔同o既辣度，我地揀左BB辣。陸陸雞煲$148呢個係今晚o晚重點，唔知係咪期望值太高o既關係，食落去未有太大驚喜，只可以話不過不失。陸陸手切肥牛$158一見到d牛肉果下，已經嘩左聲，d「雪花」積分佈得幾平均，食落肉質鮮嫩，兩個食份量剛剛好！陸陸鮮菜籃$7

陸陸既雞煲就經常食今次心血來潮突然想唔食雞煲，想食佢地既火鍋叫左個蕃茄豬骨湯底，湯底好甜，蕃茄味濃。最令我滿意既係鍋湯裡面既豬骨豬骨肉好好味食物就叫左美國肥牛、黑豚肉、手打墨魚滑、響鈴卷、兩種丸同烏冬。因為得兩個人就冇叫咁多野。最好味係黑豚肉反而有對比之下肥牛就冇咁好食下次都係叫番手切牛另外因為10點後先入座所以有85折～抵食好多

吃雞煲, 是會令人上癮的. 辣過後, 再吃火鍋, 舌頭真正滿足. 這個晚上, 又再回到陸陸雞煲火鍋吃雞煲, 這次的目的地是奶路臣街分店.青檸梳打 $48CEO當然要作好準備. 解辣的準備. 這客青檸梳打就是解辣的好幫手!陸陸雞煲 $148雞煲正式上場. 只要了例牌, 即是半隻雞, 四個人吃, 其實也足夠. 遷就CEO, 只選了微辣, 不過那辣度也是他不太能夠接受的, 其實吃不到辣的朋友, 還有BB辣以及不辣, 且看您的水平在那裡吧. 雞肉是幾靚的, 當一路煲的時候, 也越來越能夠吸收辣味, 麻辣感一湧而來, 痛快.陸陸牛三拼 $228吃完雞煲, 吃火鍋. 不能欠缺的是牛, 陸陸牛三拼是名物, 包括陸陸手切肥牛, 頂級美國肥牛, 以及牛柳粒. 當然以肉味濃郁的陸陸手切肥牛最吸引, 來自美國的頂級美國肥牛勝在夠肥美, 牛柳粒就最有咬口.四寶餃 $60四寶餃的四寶分別是雲吞, 水餃, 白菜豬肉餃以及魚皮餃. 這裡的餃, 皮不會太厚, 餡料幾豐富, 也有水準.百花釀油條 + 咸牛肉芝士釀油條 $72繼續下來的是百花釀油條併咸牛肉芝士釀油條, 脆卜卜的油條, 輕輕放湯吃就可以, 兩者中要數咸牛肉

是晚又再到陸陸雞煲火鍋吃晚餐, 不過不同的是今次到訪奶路臣街分店. 晚上未夠七點來到, 人客不算太多, 但未夠七點半已經全場爆滿了, 還是相當旺場的地方.青檸梳打 $48: 8分, 怕辣的我, 吃雞煲當然要預備解辣的飲品, 青檸梳打就很合宜, 味道清新, 不太甜, 喝了之後, 喉嚨也覺舒緩不少.陸陸雞煲 $148: 8.5分, 在這裡, 當然是先吃雞煲, 後吃火鍋. 一客例牌的陸陸雞煲, 份量已經不少, 有半隻雞. 辣度選了微辣, 其實是有點挑戰自己的感覺, 起初吃的時候, 還不算太辣, 但慢慢地, 那辣勁是越發強勁, 辣中帶麻, 相當惹味, 但舌頭也麻痺了. 雞肉本身亦是幾嫩滑的, 是有水準的雞煲.吃完雞煲, 就是火鍋的時間. 這次加了辣湯, 畢竟加清湯的話, 是會減輕了辣度, 還是繼續辣下去吧.陸陸牛三拼 $228: 8.5分, 首先吃的是牛, 陸陸牛三拼包括有陸陸手切肥牛, 頂級美國肥牛, 以及牛柳粒. 陸陸手切肥牛有咬口, 肉味濃, 頂級美國肥牛就肥美一點, 而牛柳粒就很好的去吸收了湯底的味道. 一次過吃到三款牛, 吃得滿足.四寶餃 $60: 7分, 接下來的是四寶餃, 包括有