陳儀興飯店 (嘉悅)

营业中

休息中

上次禁晚市堂食叫過佢嘅外賣，水準唔錯，但某D菜式始終係堂食岩D，所以今晚一於再會呢間潮州菜店鵝仔裝飾已經係門口歡迎你，陪住等拎外賣嘅客人滷水食物，凍蟹，小菜，甜品都有供應，唔少選擇可以慢慢睇呢度有燉湯供應，對於無咩湯水嘅我哋，餐飯有湯，仲要係燉湯當然趨之若鶩啦。呢個時候要增強免疫力，飲呢個姬松茸無花果雪耳雞湯就岩啦 ($68/位)熱辣辣原盅上，打開見到湯料滿滿，加埋圓肉多一份清甜，養身又養心。呢度嘅潮州蠔餅 ($85)，賣相搶眼球，第一眼望落似蠔餅天婦羅炸得熱辣香脆，尤其係個炸漿位，真係"霎霎"聲，食到蠔仔嘅鮮甜味，亦食到少少蛋香味，點魚露係大路食法，個人覺得點醋汁食仲好味喎......哈哈。呢碟滷水鵝件 ($128)，份量十足，以大豆芽墊底鵝肉鬆軟，滷水汁嘅味道唔會過濃，亦唔會被香料搶位，點醋汁食係好味嘅。一間潮州菜店，滷水出品靠得住，食客當然會回頭。食潮州嘢，蔬菜類KOL除咗係春菜外，呢碟沙嗲芥蘭炒牛肉 ($98)都人氣相當高沙嗲配牛肉，牛肉配芥蘭，三者無形中聯成一線; 沙嗲醬汁唔算好濃，完全覆蓋件牛肉，用黎送飯都岩數。呢度多街坊家庭客，侍員反應快，不時主動收碟加茶，難怪坐坐下都見

最近將軍澳越來越多新餐廳進駐，新蒲崗五十年老店陳儀興飯店亦是其中之一，今日就約咗剛搬入將軍澳的朋友一齊前往用餐，一嘗高質潮州菜滋味！燉湯：一睇就知好足料又夠火候。有烏雞、瘦肉、龍眼肉和多種名貴藥材，湯汁香濃，味道非常鮮甜。海澄滷水鵝，滷水鵝件相當入味，皮香肉嫩、脂肪少、鵝味濃。潮州蠔餅，即叫即做，金黃色的蠔餅熱辣辣超酥脆，蠔肉大粒飽滿，完全冇腥味！凍食元朗黃油烏頭王，元朗烏頭以魚身肥美、腹部潔白、滿肚黃油馳名，食落烏沒泥味，肉質清甜幼嫩。蘸少許普寧豆醬更能提升味道。

潮州菜有傳統嘅味道，加入去都有午市套餐價錢經濟實惠而且食物豐富。二人餐$298自選小菜一款、鹵水拼盤、是日燉湯(二位）粥或飯(三選一款）：絲苗白飯或潮州白粥、改配方魚蠔仔粥(一碗)。小菜我哋揀咗魚香茄子煲，熱辣辣整起！茄子🍆份量多，帶少少鹹魚香。滷水拼盤非常豐富，有生腸、豬腸、紅腸、魷魚、豬耳、鵝亦、滷蛋等等。樣樣都夠入味！而且豬腸嗰啲唔會有臭味，洗得幾乾淨。是日燉湯係胡椒豬肚湯、鹹菜同豬肚都夠多幾足料。胡椒味好濃，好正！蠔仔粥一碗份量原來都唔少，兩個人食都夠。蠔仔大大隻，脹卜卜幾鮮味！午餐真係抵食、食到好滿足！

陳儀興飯店係香港屹立左五十多年既潮州老店 最近在將軍澳開左分店，主打潮州打冷同鑊氣小菜，今日去開將軍澳打冷癮起約埋朋友就去食ᐝ ๑⃙⃘´༥`๑⃙⃘二人午市套餐$268🍴自選小菜一款🦆鹵水拼盤🥣是日燉湯(2位用）🍚絲苗白飯/潮州靚粥/方魚蠔仔粥奇妙沙拉骨小菜種類算多，有16款可以揀，即叫即做，沙拉骨肉質鬆軟，無乜骨啖啖肉，鐘意滿滿既沙律醬，好開胃喔鹵水拼盤🦆賣相已經好吸引，勁多款式啱哂我依啲貪心妹拼盤有齊墨魚片，鹵水鵝、紅腸、鴨掌、豬大腸、魷魚、腩肉、生腸、豬耳、豬頭肉、底層仲有大量既大豆芽，吸收哂鹵水汁精華，滷水汁鹹甜適中（如果有埋滷豆腐就仲正）好建議點埋蒜蓉醋同辣椒油就更加正💬老火燉湯🥣是日燉湯是茶樹菇杞子圓肉燉鳥雞，好足料，感覺火候十足，滋補養生方魚蠔仔粥🍚蠔仔份量幾多，加左方魚、莞茜等等，好好食ᵕ̈

陳儀興飯店 (嘉悅) (將軍澳).避風塘炒蜆.潮州野入面有避風塘炒蜆，但呢到嘅避風塘定義同我想像嘅有少少唔同，平時嘅避風塘應該係充滿炸蒜，但呢到似川辣咁都好多辣椒，幾辣下，不過都好惹味餸酒一流.韭菜豬紅.潮州菜必食嘅點少得韭菜豬紅，韭菜爽口配上佢哋秘製醬汁，非常入味！而且豬紅煮嘅時間岩岩好，唔會太腍夾起嚟又唔會散開！.鹵水鵝件.潮州野必叫鵝件，好好食鵝肉好腍身，又入味，個底有芽菜底！.陳儀興飯店 (嘉悅) (將軍澳)將軍澳至善街9號嘉悅地下2-3號舖

蠔餅潮州舖必嗌小食，大量鴨蛋同埋蠔仔超足料，蠔仔完全唔腥而且份量好多又熱辣辣。加埋佢地既潮州辣椒油一齊食勁惹味，雖然好邪惡但真係好值得食！蒜香骨唔通出面既蒜香骨，佢地炸完仲可以保持肉質鮮嫩，好勁既技術！蒜味濃郁又唔辣，而且一碟份量都好多，超抵食。滷水鵝片又係必嗌菜式，鵝片啖啖肉夠哂味又唔腥，肥瘦適中送飯一流。另外仲有幾片豆腐，索哂味超好食！松茸無花果雪耳雞湯 ＆ 茶機菇杞子圓肉燉烏雞湯兩款燉湯都好足料，湯頭濃郁又唔會過咸，所有精華都係哂燉盅入面，就算放左一陣都仲係熱辣辣。

陳儀興飯店 (嘉悅) (將軍澳).屋企附近呢間潮州野真心推介，不過呢排有啲熱個冷氣唔係好夠涼.▪️茶樹菇烏雞燉湯▪️.一人一盅燉湯，唔好睇佢黑蚊蚊咁其貌不揚，但係真係幾好飲。入面仲有杞子，龍眼肉，烏雞同埋茶樹菇，全部都好有營養價值！. ▪️凍食黃油烏頭▪️.講到食潮洲野嘅話，凍烏頭真係不可或缺！烏頭配綠豆醬，少鹹吊番啲味！.▪️ 潮州蠔餅 ▪️.呢個必食推薦，即炸堂食不失風味，蠔餅酥炸香口，入面嘅蠔仔都幾肥美.▪️沙嗲芥蘭牛肉 ▪️.想叫番個菜食，但到嘅沙嗲牛肉好惹味，菜爽口！.📌 陳儀興飯店 (嘉悅) (將軍澳)將軍澳至善街9號嘉悅地下2-3號舖.環境：⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️

週末熱到唔想旭手煲湯，呢個二人餐就啱晒，乾手淨腳嘆個真材實料滋補湯。🥄呢期係茶樹菇杞子圓肉燉烏雞，原盅夠熱材料多，烏雞肉清甜少油，菇菌散發既香氣，配搭明目杞子圓肉甜蜜，飲完有種行氣活血充電既感覺🥢鹵水拼盤潮州菜點少得鹵水野～ 拼盤樣樣有D就唔使諗。每一家鹵水都有自己既秘方，呢度濃得黎甜甜地唔會口乾～ 一碟九拼：墨魚、生腸、紅腸、角切鹵蛋、鵝翼、豬腸、腩片、豬耳拌芽菜薄切墨魚片幾軟身，生腸爽口又掛汁，鵝翼同蛋鹵入晒味。最正係猪腸，肥美爽身軟淋，食埋有軟骨既豬耳，由內到外吸收晒鹵水精華，美味度提升不少。🥢剁椒蒸魚雲嗜辣既老公就讚不絕口呢個蒸魚雲，上檯紅卜卜，魚雲上滿滿剁辣椒蓉同椒籽，未食聞到經已覺得好辣魚雲用料新鮮，一D泥味都冇，椒香徹底渗透入魚頭軟組織之中，香辣中突出魚味既鮮甜度。食幾件咀邊都慢慢有發麻既感覺。要挑戰自己食辣既程度，可以食少少碟底既通紅辣汁粉絲，入口香辣度非常持久。🥄方魚蠔仔粥香辣菜過後，食碗暖胃潮式蠔仔粥。潮州沿岸海產豐富，用海鮮煮粥比起廣東放肉又有明顯地域風味。鮮蠔仔大大隻，口感嫩滑。肉碎、方魚塊加埋芹菜粒香茜，連埋湯飯食，味道香濃鮮甜。

前陣子, 母親大人生日在此晚餐, 當晚是等候多時方可入座. 今天來到這邊, 餐廳竟然可以馬上入座, 於是我倆就在此午餐了. 以涫水淥過餐具, 就要做最重要的事:點菜!     滷水拼盤    上次生日晚飯, 點了滷水鵝片和滷水鵝件, 偏偏嚐不到滷水盤拼, 現在就想要來一份. 一個拼盤有多款滷水美食, 可以解決選擇困難症. 一碟拼盤樣樣皆有, 先點算各種食材.   紅腸, 墨魚, 豬大腸, 豬生腸, 豬腩肉, 豬手, 滷蛋, 鵝掌鵝翼, 大豆芽.   經過點算後, 反而令擺碟更靚.  鵝翼和豬大腸沾蒜蓉白醋是絶配.   個人覺得滷水蛋配這個XO潮州辣椒油更惹味. 而墊底的大豆芽, 一定要獨吞. 除了豆芽吸盡各種食物的精華之外; 亦因為大豆芽有神奇的成份, 美其名曰<青春素>, 總之可以令皮膚靚靚囉!  在滷味&滷水加持下, 慢慢就把白飯消滅!    粟米魚柳  是小米喜歡的SHOW ME YOUR LOVE系列, 都是杰撻撻一PAT PAT, 容易咬的口感. 真身大大碟, 勁多炸魚, 粒粒粟米芡有雞蓉蛋白花. 小米嚐過炸魚柳後, 覺不夠味, 所以另外添加胡椒粉.   最後

新蒲崗記打冷開到嚟將軍澳啦😜👍🏻今日要同大家介紹嘅就係依間打冷老字號—陳儀興飯店，聽朋友講以前係新蒲崗嘅中菜廳，將軍澳居然有一間，而且味道質素都可以keep住咁高😆環境舒服，而且嘢食方便絕對唔馬虎，每一樣到大分夾抵食，仲要好有鑊氣㗎😛首先推介嘅係招牌燉湯我同朋友每人叫咗一碗，一定要飲😚唔同平時街嘅味精湯，依度嘅燉湯落足料，裏面有超級多嘅人蔘、黑雞，絕對係真材實料，所以飲落每一啖都好有鮮味💓另一樣必食嘅就係潮州滷水鵝絕對係一樣潮州嘅特色菜，滷得好入味，味道亦都非常均勻😚 平時食滷水鵝嘅時候好驚有碎骨，依度絕對唔需要擔心，而且每一件嘅肉質都好鮮嫩，好香滑😜✌🏻總括嚟講呢間餐廳嘢食好高質，以後會再嚟✌🏻

陳儀興於新蒲崗開店多年，現已傳到第二代，主賣潮州菜。將軍澳嘉悅是新店，舖面裝飾光鮮整潔。五指毛桃圓肉烏雞瘦肉湯新店有燉湯供應，是日燉湯為五指毛桃圓肉烏雞瘦肉湯，燉湯顏色清澈，帶椰子甜味。五指毛桃健脾補肺，行氣利濕，很適合夏天飲用。鹵水鵝件鹵水食物是打冷的重要元素，是夜叫了鹵水鵝件，鵝件為脾位。鵝皮皮薄，完整無缺，鵝脾肉嫩多汁，鹵水色澤適中，沒有用上鹵水豆腐墊底。凍食黃油烏頭 陳儀興的烏頭用上上等貨色，烏頭肉質厚身緊致，略帶黃油，魚肉一梭梭，鹹味適中，配上鹹中帶甜的普寧豆醬，送飯送粥佳宜。潮州蠔餅 陳儀興的蠔餅有兩大塊，新鮮熱辣，口感鬆化香脆，蠔仔飽滿大粒，濕潤新鮮。蠔餅用上鴨蛋，令蛋味更香更濃。

父親節飯，訂了陳儀興打冷試試。時間都算早，食晚上7:30。點知…….首先，鹵水鵝沽清，鵝片無得食！失望！雖然佢之後有補貨，但為時已晚，我成家人食飽晒了！期間叫其他野食- 鹵水豆腐 （沽清）- 糖醋麵 （沽清）- 反沙芋 （沽清）只想講，想食咩就無咩！講返食物質素，真係麻麻好失望！最唔抵食的係條微型烏頭，見姐姐極力推薦，$188的價錢，但偏細條！淡而無味的蓮藕餅！其他食物味道一般，無甚驚喜！性價比極抵！實在名過於實！唯一可取，正面評語就係樓面夠多人，起碼有10個哥哥姐姐落單，加茶，上菜！上菜速度十分快！

陳儀興飯店，之前喺新蒲崗都食過，好有氣氛嘅打冷店。早幾日去左將軍澳，發現呢度都有一間分店，而且環境更明亮闊落，臨近父親節可以考慮下去呢度造節！店內名物當然係鹵水鵝件（$128）啦！鹵水入味，鵝肉香！有骨鵝肉更入味，配啤酒白飯一流！老火燉湯有兩款，每款$68，火候十足又滋補：潮州蠔餅（$85）好大份！個人覺得夠4-5人share，脆口嘢無人不愛！凍食黃油烏頭（$188）魚肉肥美有黃油，肉質豐厚啖啖肉！

窩夫年初的時候光顧過陳儀興飯店的外賣，印象良好，日前決定以潮州美食慰勞近日工作忙碌的蝦子餅。每次經過陳儀興飯店都被店外的畫吸引，香港還有大牌檔打冷嗎？坐下來不久，店員便送來花生、蒜蓉醋和辣椒油，花生細細粒很香脆，窩夫一邊吃一邊看餐牌。潮州打冷不少得凍蟹、蠔餅和鹵水鵝。窩夫想喝湯，點了兩碗燉湯，先嚐姬松茸無花果雪耳雞湯($68)，雪耳令湯的膠質很重。兩款燉湯相比，窩夫與蝦子餅都比較喜歡茶樹菇杞子圓肉燉烏雞($68)。鹵水鵝片($148)的肉質很軟，夠入味，啖啖肉吃得很滋味，下面有大量大豆芽菜墊底，正好提供這餐所需的纖維。潮州蠔餅($85)新鮮炸起熱辣辣，外脆內軟，不算太油膩，比窩夫上個月在西環某店吃的好吃得多。蠔餅裡的蠔仔很大隻呢。壓軸出場的凍食黃油烏頭($188)也很有水準，烏頭來自元朗，完全沒有泥味，肉質結實，魚味濃，蘸少許普寧豆醬味道更佳。

今日丫媽冇買餸，我就黎左依間買啲打冷小菜。種類繁多，而且店舖都幾乾淨，吾係大排檔個種~滷水拼盤多達10款食物！我比較鍾意每樣食物可能得2件，但種類多啲，我可以試多啲不同食物。包括鹵水鵝、紅腸、鴨掌、豬大腸、鹵水蛋、魷魚、鹵水蛋等！豬大腸入晒味，超正！脆盞生炒骨酸甜的醬汁配排骨，非常甜美又開胃，而且都好多排骨，絕對抵食。仲有黃色的桃，五顏六色的椒，色、香、味俱全。傳統反沙芋經典功夫菜要20分鐘製作時間。薄薄一層糖霜包裹芋頭外層，外脆酥香，芋香十足，潮州菜的一個代表甜品之一，必定要試！