陳儀興飯店 (嘉悅)

营业中

休息中

食得日本菜，韓國菜多，今次換口味，來到將軍澳呢間潮州打冷店,係潮州打冷界嘅老字號-陳儀興飯店(將軍澳店)。滷水鵝件選用潮州獅頭鵝，滷水汁香，肉質幾嫰又入味,肥瘦剛剛好,墊底仲有吸晒味嘅大豆芽,夠滋味。香煎蓮藕餅😯，好大件，蓮藕餅外層鬆脆酥香。香口脆鮮魷同樣大大份，外層脆香，內藏爽嫩魷魚肉，口感佳。自家五花茶自家秘製的五花茶 清熱、解毒、祛濕，食完煎炸野清熱好選擇。整體而言，服務好，食物足料，味道不錯。

今日同老公講話約左陳儀興，佢問我乜水，我就同佢講老朋友，佢話邊位黎，我話將軍澳（陳儀興）你都唔識，好出名架（打冷），佢即刻話咁你快d去搵佢，因為佢知我又買好野佢食。依家去將軍澳真係方便，地鐵又快又近，所以好快就去到。依家食打冷已經唔駛大汗疊細汗，可以係一個舒適環境底下食。雖然佢地個環境好好，裝修幾靚，但都唔夠我係屋企食得咁舒服。所以決定買外賣。因為食左好多次，唔駛睇餐牌都知食乜。撚手蒜香排骨：每次黎必食，因為佢地雖然叫排骨，但都好多肉，同埋炸個火喉控制得好好，個炸漿又薄，食落口又唔油，又好入味。魚香茄子黃鱔煲：好少係打冷鋪有依d菜式食，咸咸既魚香配落茄子/黃鱔出奇地夾，茄子過油適中，唔會食落好油淋淋感覺，黃鱔好新鮮同好肥，仲大條過茄子。沙嗲芥蘭牛肉：唔好以為芥蘭牛肉係普通野，就係愈普通愈考技術，芥蘭食落去冇渣，牛肉又唔可以老，沙嗲更加係靈魂，3個配埋簡直絕配，幾個簡單食材配合就唔簡單。總結：每次食打冷都會諗起（陳儀興），佢係我食打冷首選。下次唔外賣堂食仲正。

將軍澳🏯作為發展中既地方，感覺上好似打造另一個元朗咁，變成美食🍲🍚🍘🍣🍤之都。今日就去到一間老字號以前成日食，依家新派經營既潮州打冷菜館🌁（陳儀興），佢地除左保留傳統既味道外，仲會不時將d菜式改良下，適合番大眾化既口味。但好可惜今日老婆👸唔得閒，我要做外賣仔🥷🚴外賣番屋企同老婆👸一齊食。希望仲keep到個味道la。唔講咁多，好快返到屋企，睇下我叫左咩先。💥凍食黃油烏頭🐟：去得潮州打冷食，凍魚🐟係的必食，今日老闆介紹話烏頭🐟靚出晒油，就信佢，叫番條返去試下，咁外賣凍烏頭就唔驚時間問題，一定keep到。講番條烏頭先，真係起晒油👅，同埋做得好好，條魚仲好鮮，又滑，出面真係冇乜打冷店有依種質素。味道：⭐⭐⭐⭐價錢：⭐⭐⭐地點：⭐⭐⭐⭐服務：⭐⭐⭐⭐💥撚手蒜香排骨🐷：雖然外賣，但返到屋企食都仲好脆，好香口，d骨🐷醃得好入味，唔好以為外賣份量會好少，佢地d份量好大，堂食外賣一樣咁足料。味道：⭐⭐⭐⭐⭐價錢：⭐⭐⭐⭐地點：⭐⭐⭐⭐服務：⭐⭐⭐⭐鹵水鵝件🦤：陳儀興嘅鹵水一向出名，咁佢嘅鹵水鵝🦤都係佢地嘅招牌名物，肥瘦適中，而且滷得好入味，價錢又唔貴同埋個份量都好大份。味道：⭐⭐⭐⭐價錢：⭐⭐⭐⭐地點：

Bookmark 咗好耐終於第一次嚟試吓！為咗食呢個生醃膏蟹而來！我真係好鍾意食生冷嘢😆一食落口就覺得好啱我口味，隻蟹好多膏，好鍾意食生蟹嘅口感，我自己就好鍾意呢個汁，好惹味，不過有啲朋友覺得有啲鹹，我就覺得冇問題，飲返多啲啤酒OK😂我係濃味人其他嘢都係一般打冷小菜我覺得都係中規中矩冇乜話好特別好驚人比較好食係椒鹽白飯魚同埋鵝肝同埋鵝片。仲有剁椒魚云都幾好食，不過離我太遠，唔記得影相。😂炸豆腐就麻麻哋，創發嗰個好食好多，呢個就係普通一個無味嘅豆腐。其實我想試吓佢哋嘅蒜香骨好似幾吸引不過朋友話唔想食呢啲小菜我就冇叫🥲😅佢哋好好生意，所以一定要book位,最好預訂隻蟹$588，如果唔係去到可能會冇晒。同埋預咗係會坐到好迫同埋好嘈，大排檔感覺。真係想傾偈就難啲。整體上來講，雖然冇話特別好驚艷，但都算係唔差嘅一間潮州菜。

今日好開心，因為我終於喺屋企附近搵到間高質嘅中式飯店，可以食到好多唔同嘅潮州小菜！由於媽媽唔想堂食，所以就叫外賣返屋企食。潮州蠔餅蠔餅即叫即炸，非常香脆！而且十分足料，每一啖都可以食到蠔仔，$85有兩大塊，性價比甚高！糯米釀大腸呢個係媽媽指定要食，因為整釀大腸工序繁多，一啲都唔容易，所以俾錢買係最好😂！糯米口感煙煙韌韌，而且入面釀了花生🥜，大大提升了口感的層次。避風塘炒蜆呢個炒蜆真係冇得頂！超級多炸蒜，非常香口，而且還可以選擇辣、小辣、走辣，十分貼心！炒蜆冇沙，而且肉質好鮮甜，極之美味！希望日後有機會可以和媽媽到這裏堂食，咁就可以試埋其他唔同嘅潮州小菜！

其實喺將軍澳本身都冇乜好多嘢選擇，最經常就係入商場，知道陳儀興喺將軍澳開咗分店，之前食開佢太子嗰間，都幾唔錯，特別係佢嘅滷水、烏頭魚，都整得非常唔錯。對比太子，呢間分店面積就相對細好多，但係佢自己都打正旗號，開嘅目的，係為咗令到將軍澳嘅人都有得食佢嘅滷水，所以細細地，我自己覺得都唔會話太大問題。佢呢度有唔同飲品俾人哋揀，仲可以係包入去午餐裏面，我自己就揀咗玄玉紅棗薏米水同埋金銀花茶，幾清甜。我自己就覺得，食滷水都好難避免會有少少鹹，飲涼茶相對地就可以解油膩。嚟呢度就一定要食佢個滷水鵝肉，我自己本身都好餓肉，所以一坐低嘅時候就即刻點左。佢嘅牛肉唔會整到好老，反而比較嫩滑，而且肉身亦都將滷水汁吸得非常飽滿，每一啖都係八角嘅香味。糯米豬大腸，雖然好肥，但係其實好脆，好甜，亦都火候足夠，自己喺屋企真係整唔到。最後就係鹽焗烏頭魚，呢度真係限量發售，我自己就要咗嗰日最後嘅一條，要嘅時候，師傅仲問我，如果要等45分鐘，等唔等？我自己覺得，一場嚟到，冇理由唔食呢度嘅招牌菜啊，所以點都話等。

 好耐無出街食飯,打冷更加係好難有機會遇到原來最近陳儀興飯店新開了係豪宅樓下新分店將軍澳無咩滷水專門店呢度真係好生意呀!先黎一盤滷水拼盤,包括了腩肉,墨魚片,大腸生腸,豬耳,豬頭肉,蛋,豆腐,滷水香氣十分滷得入味,好岩香港人口味唔會太咸入面配料夠2人享用仲可以點醋或辣醬食,味道更豐富野飲有可樂啤酒等等~仲有自家涼茶一小菜,一滷水,一菜沙爹牛肉炒芥蘭脆古老肉脆盞古老肉,炸到香脆,汁唔多,最正係個脆皮個汁唔會太酸,岩岩好又甜又酸夠開胃新鮮芥蘭菜加上濃郁沙爹牛肉牛肉厚切,長身肉嫩,沙爹香又濃郁~撈飯食一流!!牛肉每片都大約相約,口感好,沙爹汁滋味將軍澳至善街9號嘉悅地下2-3號舖

屋企人突然話想食潮洲嘢😌！即刻諗起呢間傳統老字號潮州菜《陳儀興飯店》！🦪潮州蠔餅 $85面層脆卜卜蛋味濃，內裏有大大粒𧐢仔，非常香口又足料加上蠔的鮮甜味，食唔停口😊！鹵水拼盤 ＄128有齊墨魚片、腩肉、大腸、紅腸、生腸、豬耳、豬頭肉、鹵蛋和豆腐，底層重有大量既大豆芽，吸收哂所有精華，夠大碟超滿足！避風塘炒活蜆 ＄98蜆肉雖然體積不大，但食得出冇沙同好新鮮👍🏻！味道不會過辣，但好有層次，尤其是加入了熟蒜越食越香，重口味亦好滋味😋😋！肉紅棗薏米水/羅漢果茶 $20所有涼茶都新製熬製，成份和功效亦一目了然，不太甜好清潤😊！再點了三款手工食品～（脆盞生炒骨＄85）（手工芋泥 ＄48 ）（糯米釀大腸 ＄98）亦同樣出色！

每次去食潮州打冷都會選擇這間老字號（陳儀興潮州飯店）新蒲崗分店都食過好多次，知道將軍澳有間分店專程過去試下，這裏環境光猛坐得舒服😌餐牌上基本潮州菜食都好齊全！潮州蠔餅上枱時已經香噴噴，未食巳經見到大大粒脹卜卜的蠔肉，食落啖啖肉蠔味香濃，粉漿不會太多，脆卜卜好好食😋滷水拼盤有紅腸、滷水豆腐、芽菜、腩肉、豬腸同魷魚🦑滷得好入味，腩肉同豬腸肥瘦適中，帶少少油脂好香口，豆腐炆得好淋好滑，整體都好食！咕嚕焗排骨顏色七彩繽紛好吸引，青椒同洋蔥有小小微焦，夠惹味，醬汁酸甜度適中，豬肉又淋又嫩滑！糯米釀大腸一碟大約有八至十片，大腸入面除了釀糯米，仲有冬菇同鵪鶉蛋，所以食落去特別香口，口感非常豐富，最配搭埋甜甜地的醬汁，味道更加有層次！手工芋泥潮州甜品嚟講呢個係我最鍾意嘅，入口每一啖都食到芋泥的香味甜甜地，正！羅漢果茶/圓肉紅棗薏米水每一支都是這間店舖秘製的，樽底見到好多圓肉和薏米，真材實料健康有益！

傳統老字號陳儀興！開放堂食約左朋友食下飯，一講起潮式打冷應該無人唔知。「打冷」必食一定係潮式凍烏頭，可以話係打冷既代表食物。烏頭先蒸後放涼，餐廳會幫手起脊骨，啖啖魚肉鮮甜嫩滑，醮上豆醬更滋味！滷水拼盤，有生腸、墨魚、紅腸、滷水大腸、五花腩肉、滷水蛋，自家秘制滷水鹹甜適中，質素都好平均。最鍾意佢既五花腩肉，彈牙有口感！第一次食糯米釀大腸，原來都係潮州傳統名菜。將糯米釀入豬腸中，蒸煮後再切片煎香！糯米吸收左材料的味道，變得綿香煙韌，加上焦脆外皮，蘸上潮州醬汁，甜甜地幾開胃！

潮州嘢不嬲都幾鍾意，原來將軍澳附近海邊有一間潮州 菜，陳儀興飯店，好似都幾出名，一路都有見過佢呢間舖頭。我哋就叫咗個馬友魚，平時好似比較少機會可以食到馬友魚，馬友魚非常之香，除咗鹹香之外，仲有好濃烈嘅魚香。都幾有驚喜喎，第一次食凍食嘅馬友魚。另外我哋仲叫咗個滷水拼盤 ，128入邊都有好多款嘢食喎，紅腸，墨魚🦑，大腸，豬腩肉，鵝片，生腸，一次滿足你七個願望，我最鍾意食生腸，非常之爽口，又冇怪味。兩個人來講人均$200，性價比都算OK，如果多啲人嚟食可以試多啲款，就更加好啦。

以往想食潮州菜，一般都只會去九龍城或尖沙咀食開嘅老店，反而將南嘉悅地下嘅「陳儀興飯店」，經過好多次都未有衝動嘗試。今日難得阿仔話想去試吓，機會就係咁出現了😂室內裝修同一般家庭式經營飯店冇異，幫襯嘅客人，目測一般都係上左年紀既家庭客，當然年青人較為喜歡去 Cafe吧，但冇問題嘅，唔同餐廳有唔同定位客戶群，對我呢講乜都得，最緊要食物質素正😂🔻鹵水拼盤呢個拼盤睇落去感覺已經好豐富，有紅腸、豬耳、豬頭肉、腩肉、墨魚、生腸、大腸、雞蛋等等，最重要個鹵水汁亦相當唔錯，鹹甜適中，各食材亦非常入味👍🔻韭菜豬紅一見佢只可三個字形容「好大碗」，豬紅大大粒佈滿成碗，個汁底有好香濃沙嗲味，韭菜全部墊底，可以想像到幾野味😋🔻鹵水鵝片鵝片肉鮮肉嫩，加上鹵水汁靚已經完全合格，下面嘅花生亦一樣出色😍🔻潮州蠔餅好多時食到嘅蠔餅，外層都係一層厚厚嘅粉醬包住，陳儀興嘅做法我真心喜歡，層粉只係薄薄塗上去，感覺好似天婦羅咁樣，蠔仔大大粒脹卜卜，正因為層粉夠薄，所以每啖食落去，都好實在食到蠔仔鮮味，希望呢個係佢地一貫做法，抵讚👍🔻糖醋煎面糖醋煎面係我其中一個至愛，味道做得好好嘅，外脆內軟，可能遲左攞出黎，到枱時感覺涼了少少😅🔻手

之前食過新蒲崗，今次經過將軍澳發現原來呢度都開左新分店，決定唔煮飯買幾個送返屋企齊齊歎😌今次叫左招牌滷水鵝，鵝肉肉質幾實淨，皮下面完全冇肥膏，滷得入味，而且唔會太鹹，好食～生炒排骨，味道酸酸甜甜，排骨脆脆包裹住醬汁非常好食，送飯一流。潮州凍烏頭，係潮州打冷餐廳幾熱門既菜式，所以叫返條黎試下。烏頭凍食都幾鮮味，完全冇魚腥味，配搭埋佢送嘅應該係普寧豆醬，個醬偏鹹，點魚黎食都唔錯。餐廳仲有五花茶賣，唔想飲可樂都可以有多個選擇👍

今日同屋企人試吓呢一間位於將軍澳嘅潮州菜外賣咗幾樣潮州打冷小菜返屋企食～滷水拼盤最適合我呢啲三心兩意嘅人，乜嘢都有一啲， 有墨魚丶紅腸丶五花腩肉丶滷水蛋丶豬耳等等，再配上自家秘製嘅滷水， 唔會過鹹，作為前菜非常正！凍食黃油烏頭一大條分開咗一半，方便進食，肉質鮮美好吃😋，鍾意食魚嘅唔好錯過～自己都鍾意食啲香口食物，再叫多咗個蒜香骨外賣非常之細心，將個盒蓋界開，咁就唔會整濕啲蒜香骨🥰有極多嘅香蒜，香味十足食落去仲好熱辣辣，唔會太多肥膏，仲好爽脆添！配上屋企蒸好嘅白飯，好好食～鍾意食潮州菜嘅得閒過嚟外賣都唔錯😋

得知在打冷界薄有名氣的老字號於將軍澳開了新分店，之前一直未有機會到新蒲崗本店一試，現在終於可以一圓心願餐廳環境乾淨舒適，員工們殷勤有禮招牌菜鹵水鵝片選用潮州獅頭鵝，肉質非常嫩滑，肥瘦相間！鹵水膽從將新蒲崗帶過來，充滿回甘味！還有大愛的芽菜伴碟撚手蒜香排骨新鮮即炸，每件肉厚熱辣辣，蒜香味重又不油膩傳統反沙芋薄薄一層糖霜包裹芋頭外層，外脆酥香，芋香十足自家秘製五花茶清熱、解毒、祛濕樽仔奶茶濃醇厚滑，入口香濃