雲壽司 (聯成商業中心)

营业中

休息中

🔸特上壽司拼盤 $250-行街行到攰攰哋，見到世貿附近有間排隊嘅壽司店，好奇一望原來唔太貴，自選壽司10件都係百零蚊，於是就同男朋友排隊試一試。入到去見隔離兩邊都係叫拼盤，我哋又選擇困難症發作，唔想諗於是就揀咗食材都算幾高級嘅特上拼盤。等緊嘅同時可以飲住抹茶先，仲可以望住前面嘅壽司師傅即場握壽司，預算再多啲更加可以叫Omakase𠻹！壽司質素真係好唔錯啊，特上拼盤裡面有海膽、吞拿魚腩、深海池魚、牡丹蝦、三文魚籽、火炙左口魚邊、赤貝等，總共十款唔同口味，每一款都食得出食材非常新鮮，魚生有豐富嘅魚油香。仲要特別讚下個壽司飯係用咗日本米，咬感非常好。總結係，好滿足同會有下次啊！

今日(8月中)難得唔駛陪女友，一於放肆一下去刺激消費。本來諗住五點就去搵嘢食，因為仲可以堂食嘛，可惜我實在太多嘢想睇想買，finally 我係去咗維園食囉 🤐…買完嘢行經謝斐道，見到間日本餐廳，見門口個價錢呢 🤔，有啲啲偏貴，但難得自己食乜自己話事，又反正今日都濕平消費唔少，唔差在食好啲啲啲啲，所以呢…，登登登登：我就食咗🍣特上壽司拼盤 $250🍣，有十件指定壽司，款式包括：吞拿魚腩Toro、深海池魚Striped Jack、牡丹蝦Botan Ebi、赤貝Akagai、海膽Sea Urchin、三文魚籽Salmon Roe、火炙左口魚邊Seared Flounder Fin、鯖魚Mackerel、魴鮄Grey Gurnard、蔥吞拿魚腩Chopped Tuna with Spring Onion特別推介項目有…1️⃣火炙左口魚邊，燒一燒魚皮又脆，魚油香味散晒出黎2️⃣海膽，正呀喂，夠肥美口感又細滑，算係食過數一數二嘅好食3️⃣最正係… 三文魚籽，嗰種清香魚油甘香味，諗返起都想再食囉🤤雖然今晚已唔算熱 🥵，但始終都係喺有冷氣嘅地方，食住師傅即制嘅壽司，至係最佳享受，價錢都算係合理，收咗錢有畀番相對嘅

今日係銅鑼灣行街行到有啲肚餓，就同朋友去食壽司😁雲壽司鋪頭細細，得bar枱，可以近距離睇師傅整壽司😆呢度除左有得散嗌，仲有set同omakase👍🏻因為係tea time所以同朋友嗌左個刺身同壽司set share食🤤Set仲有附送沙律同麵豉湯🍣特上刺身拼盤🍣深海池魚對比拖羅海膽一啲都唔輸蝕，直頭有啲覺得好食過拖羅☺️食落口感比較爽口同有彈性，但完全唔難咬！魚味都濃同埋都有啲啲魚油因為厚切嘅關係食落好滿足👍🏻覺得係必試🍣海膽睇個樣似馬糞海膽☺️食落creamy有鮮味，甜味都有完全無chemical / 唔新鮮嘅味證明海膽嘅來貨唔錯，而餐廳都處理得好🍣拖羅厚切無筋！因為真係好厚切，所以無入口即溶但魚油都好多，充滿哂成個口腔☺️🍣赤貝爽口厚肉！🍣特上壽司拼盤🍣火炙左口魚邊壽司用火槍燒完啲魚油出哂黎☺️滲左落啲壽司飯度真係好正😁🍣蔥吞拿魚腩壽司吞拿魚腩好滑☺️連蔥食一啲腥味都無🍣牡丹蝦壽司算大隻，蝦肉爽口，鮮甜🍣三文魚籽壽司唔會係死咸個款，都食到啲鮮味🍣拖羅壽司好明顯睇得出膽刺身個款係唔同呢款係會有啲筋，但師傅處理得唔錯界左幾刀，食落有少少入口即溶嘅感覺😍其他壽司都非常唔錯，唯一係覺得如果壽司飯嘅醋味

每次去銅鑼灣行街就係最好，就腳又多野睇之餘搵食又方便，無論想食咩菜式，一上openrice search緊搵倒好野食😋。今日同朋友行到咁上下，大家不約而同想食日本野，話晒抗疫都攪左咁耐，餓左一輪，一諗起魚生、壽司🍣都口水流🤤。雲壽司 - 朋友都係常客，經常都要等位，今日可能時間尚早關係（5:45pm)可以即刻入座，真係好好彩🤗。店舖唔算大，一張長L bar枱，大約有12個座位，所以如果食飯時段，就必定要係門口攞定飛仔等入座。特上刺身拼盤 ：（吞拿魚腩、牡丹蝦、海膽、赤貝、深海池魚、真鯛）🥢吞拿魚腩，油花唔算多，但魚油極之充足，甘香充滿口腔；牡丹蝦，蝦肉肥美鮮甜，極富彈性，蝦頭嘅蝦膏豐腴甘香；海膽色澤金黃，口感非常幼滑，味道甘甜；赤貝色澤橙紅，肉身堅厚，爽脆彈牙，內邊赤肉部分鮮甜無比，帶點軟與嫩，與赤身嘅爽脆口感配合得天衣無縫。🍣特上壽司拼盤：🍣吞拿魚腩，油花分怖極之均勻，入口甘香，每次食倒咁靚嘅吞拿魚都唔捨得咁快吞落肚🤣；🍣深海池魚，肉味偏淡但肉質實而帶點爽口；火炙左口魚邊，微微炙過，另甘香嘅魚油滲出，非常甘香，入口即溶；🍣鯖魚 - 肉身鮮甜，慢慢咀嚼後鮮味更出；🍣三文魚籽大大粒，小小

嗚嗚呢排返工返到好夜，放工超攰😐，本身約咗朋友去激安買嘢食開餐，但太多人、唔想迫就放棄咗。我哋行咗去總統戲院嗰邊，嗰到有間「雲壽司」我想試好耐，呢日唯有食住佢嘅外賣先啦。喺門口睇緊餐牌之際，店員同我哋講外賣自取有九折啊，試下啦～。咁我哋就直頭入舖坐低睇😝。雖然只能夠做外賣，但師傅們都著晒整齊廚師服預備食物，夠專業，抵讚👍。餐廳環境好細，但氣氛好好，而且佢能確保一位師傅對一枱食客嘅比例。餐廳有得食廚師發板，比出面平好多，而且仲有得單點壽司！選擇超多、花多眼亂🙈。我哋有諗過散叫，但又唔想諗，店員話咁不如試下個特上壽司拼盤🍣($250)，有十件精選壽司，件件都咁好食咁話喎。十件壽司包括吞拿魚腩、深海池魚、牡丹蝦、赤貝、海膽、三文魚籽、火炙左口魚邊、鯖魚、魴鮄同蔥呑拿魚蓉壽司。認真無呃你，我敢講全部都好食😋，仲要外賣已經無可避免地會將味道大打折扣。當中有三款我特別推介：三文魚籽，我未食過咁好食嘅三文魚籽㗎，每粒都爆曬漿，超級甜😍。佢同連鎖壽司舖嘅出品完全係兩種唔同層次，好正。火炙左口魚邊，🔥火炙系列一向都係賣飛佛，因為輕輕炙燒完更能帶出魚生份油香；左口魚肉燒完，肉質仍然爽口。呑拿魚腩，魚身粉紅

今日同女朋友去行街 佢身為一個港女又點可以唔去銅鑼灣呢 去銅鑼灣大把好嘢睇亦都大把好嘢食 睇到咁上下就去搵嘢食順便打個卡 見到呢間雲壽司 個名好飄逸 唔知入面嘅食物會唔會好似一舊雲咁樣呢？入到去叫咗一個廚師發辦餐 有壽司十件 手捲一條 同埋一個麵豉湯 壽司嚟到之後一望落去 嘩！真係好新鮮呀！ 食完之後好似喺天上面嘅雲上面飛翔一樣爽到hi hi 而且呢度嘅壽司用料上乘 米香十足 刺身亦都非常之新鮮可口 雖然品種係普通咗啲 例如油甘魚 甜蝦 赤貝 左口魚裙邊等等 但係每一塊刺身都非常之鮮甜可口味美之後就嚟咗一個吞拿魚蓉手捲 吞拿魚嘅味道完全融入喺手捲飯入面 係一個絕配

毒自一人去一間喺銅鑼灣逆市開咗冇耐嘅壽司店🍣食Omakase午餐，聽講有米芝蓮師傅坐鎮👨‍🍳，食材都由日本空運每日直送到港🇯🇵，講到咁把炮，特意過嚟自私食🤓。🌥雲 KUMO $450刺身4點，壽司7件，手卷1條，麵豉湯👉刺身有三文魚腩、生蝦、飛魚、廣島蠔；👉壽司有吞拿魚、剝皮魚、鯖魚、北寄貝、深海池魚、北海道海膽、魴鮄；👉手卷係蔥吞拿魚腩蓉手卷。生蠔幾肥美又鮮甜，各款壽司都有水準，肉質鮮嫩，海膽份量都好豐富。店內空間比較細，就得長長可容納數人嘅食枱，枱亦比較窄，但可清楚看到師傅嘅一舉一動。牆身可以斟熱水同加抹茶粉🍵，其實呢個價錢食廚師發辦都幾親民嘅。

雖然而家夜晚冇堂食，得返外賣，但絕不能馬虎醫飽個肚就算🤣最好聽朋友食過佢哋嘅午餐，都大讚有平民價錢食到omakase質素🍣🇯🇵事不宜遲等我都試吓先📢📢📢測試埋拎住個外賣袋fing fing吓會唔會散哂先好彩仲好靚仔，隔住個蓋都睇得到新鮮光澤感✨✨唔客氣喇🙌🏼🙌🏼特上壽司拼盤🍱🍣🥢有十款壽司

今日口痕想食壽司 就周圍搵邊度有未試過嘅之後就發現原來銅鑼灣有間新開嘅雲壽司睇OpenRice仲見到有咁多好評 已經超級心郁郁想去試三點幾嚟到拎飛 要等兩三張枱 我覺得都接受到 等咗三個字到就入咗去叫咗一個自選壽司同埋海膽丼壽司正正常常 海膽冇話特別鮮甜可能係期望太高 食嘅時候覺得都幾普普通通跟餐嘅沙律都係普普通通 個麵豉湯就比較淡～而且舖頭開喺立鮨對面 不自禁都會同佢比較😂我個人就覺得立鮨嘅食物係做得出色啲 只係冇得坐就差啲🤣

去唔到日本 又出唔到去食野.在家抗疫 緊係要搵外賣好西啦😋😋.放工好攰就要獎勵一下自己 今日就試吓搵壽司嘅外賣套餐🥰🥰.吞拿魚腩 深海池魚 牡丹蝦 赤貝 海膽 三文魚子 火炙左口魚邊 鯖魚 等等😍😍.全部都係我既摯愛❤️❤️ .我住九龍 本身都有少少擔心壽司拎到返屋企會唔會唔新鮮 點知又冇事喎😂😂.呢個套餐仲會送埋麵豉湯 入面有海帶同豆腐 完全唔係Hea 㗎🥰🥰.我見佢哋嘅餐牌仲有廚師發板 而且價錢都10分平民 好想等疫情之後可以去試吓去試下🥳.除咗廚師發板之外亦都有午市定食 呢段時間先唔到晚餐如果喺銅鑼灣返工嘅都試吓佢個午餐囉👍👍👍.地址： 銅鑼灣謝斐道506-508號聯成商業中心地下B號舖

政府限聚令繼續，6點後依然無得堂食，變上少左好多機會去介紹係餐廳內試既特別野食，呢排都係外賣或歸家食晚餐為主😅😅今日介紹呢間「雲壽司」其實都算係喺銅鑼灣最近新開既壽司店，之前成日都經過不過都未入去坐低試過🤣 至從上次有朋友叫外賣食，我試完之後都忍唔住搵埋女朋友一齊試😍 好多人都會有個擔憂，係咁炎熱既天氣下好驚會曬到變壞，所以如果真係叫外賣，最好係喺附近就食，或者快啲衝番屋企啦🤣🤣最吸引我食完一次外賣咁想再叫第二次既原因除左係啲刺身夠新鮮，最特別係佢地既自家制既 昆布味豉油😋 唔似其他壽司舖常用既普通豉油，佢地既豉油自家經過處理，令到點完啲壽司更加入味👍🏻👍🏻

近日儘量減少堂食，可以外賣則最好不過。雲壽司早已有意嘗試，剛好經過看見便買了一份外賣。下了單之後等待的時間也不算長，大概5至10分鐘吧！畢竟是新鮮做的。特上壽司拼盤（$250）全部都是我喜歡吃的壽司。吞拿魚腩肥美，海膽也沒有腥味，很是鮮甜。其他各種魚類例如隻炙燒左口魚邊、魴鮄等我都很喜歡，醋飯也算是很不錯，酸度適中而且米飯不會過散呢。最近看到外賣過了某個金額還有很多東西送。等待疫情過去之後，我一定要再跟朋友去堂食再試試！

知道銅鑼灣有間新開既壽司店🍣聽人介紹都好似唔錯咁🤭所以就去買黎試喇😋佢既豉油係有昆布味所以都幾特別👍🏻加上而家外賣自取有8折✔️所以價錢都算合理👍🏻今次叫左三文魚壽司辣味三文魚壽司火焰三文魚壽司三文魚腩壽司帶子壽司鰻魚壽司油甘魚腩壽司同三文魚子壽司必食推介：辣味三文魚壽司（抵食辣味又夠，三文魚粒都算多）鰻魚壽司（好大舊鰻魚，入口即溶，好香嘅鰻魚味）整體來說壽司份量都算多🤩價錢又實惠😝味道又好味又新鮮😍鍾意食壽司嘅朋友仔可以去試吓呀🤤

限聚令之後已經好耐無好好坐底食過飯，忍唔住去左食壽司🍣依到座位好少，只有bar枱位置，對住個魚生櫃食飯，相對好似無咁驚🤣午市套餐除左丼飯，壽司拼盤，仲有omakase set同自選壽司架😜-特上壽司拼盤 ($250)去到3點幾都仲有午市套餐，多選擇，價錢相宜，好滿足啊😍壽司拼盤有海膽/赤貝/大拖羅/呑拿魚腩/三文子籽/深海池魚/牡丹蝦/火灸左口魚裙邊/鯖魚/魴鮄～一共十件壽司，即叫即造，好新鮮！軍艦既紫菜都仲係脆卜卜🤗海膽鮮甜，份量吾少，有幾層，有驚喜！而拖羅好juicy入口即溶，又無乜筋啲油脂留係個口到好正呀😆🤩比較特別既有魴鮄，魚生厚切，肉質紮實，味道都幾清甜👍🏻-北海丼 ($188)而丼飯都有幾款，朋友比較喜歡多啲魚生就揀左依個😜入面有呑拿魚腩/油甘魚/赤貝/牡丹蝦/海膽/三文魚腩/三文魚籽～其實同壽司拼盤既食材相差不大🤣魚生一樣好厚切新鮮～每款都有2塊一啲都吾吝啬啊！

8號🌀風球過後，最想就係食刺身 / 壽司🍣，想食新鮮壽司，所以就去咗銅鑼灣【雲壽司】買一份高級壽司Omakase回家食。枱上既餐單上有唔同款刺身 / 壽司，見到牆上既壁報板寫上~廚師發辦既特色套餐，我就揀咗一款。【雲 KUMO】 $450刺身4點、壽司7件、手券1條(奉送 麵豉湯 1碗)【雲壽司】既材料由🇯🇵日本送黎，絕對係食過番尋味。刺身色澤亮麗，仲好新鮮，入口又鮮甜，壽司口感非常細滑，勁好味。好似細細件咁，但食得超級飽😋拖羅鮮甜又細滑，入口即溶 ; 蠔夠肥美又鮮甜 ; 魚肉質肥美，魚肉夠彈牙 ; 海膽味道甘甜又滑 ; 手卷蔥吞拿魚幼細香滑。厚岸蠔刺身🦪粒貝刺身🐚大吞拿魚腩刺身🐟飛魚刺身🐠活北寄貝🐚剝皮魚🐟赤貝🐚鯖魚❤海膽🧡吞拿魚腦天💛吞拿魚面頰肉(蔥)💚蔥吞拿魚手卷💜麵豉湯🥣@sushi_kumo_hk@雲壽司銅鑼灣謝斐道506-508號聯成商業中心地下B號舖