雷公子海鮮串燒大排檔 (已結業)

早幾小時訂枱，一坐底就有碗香濃既湯，但唔記得影，再叫支啤酒，嘩，戰鬥碗，正，飲得仲爽辣酒煮花螺，唔記得$148定168，香噴噴既酒味，試一粒好重酒，但未入味，過幾分鐘後，酒味已散發晒，食落辣味好出，好鮮甜好正，所以食呢個煮一陣就啱瀨尿蝦同扇貝係餐嚟$448原本係2隻瀨尿蝦，4隻扇貝，但老闆話今日瀨尿蝦細所以比多隻，但我都覺好大隻，咁啱我3個人，唔使爭瀨尿蝦原來唔係凍咁簡單，食落有重酒味，好正，而扇貝燒得剛剛好，好好味梅菜芥蘭苗，梅菜係炸過，所以都好香口油鹽水花甲，但冇花甲用蜆頂上，如果用花甲一定更理想，湯底似胡椒豬肚湯，好重胡椒好重味亦好鮮甜，好好味豉椒聖子，不過不失$28隻都算細燒菠蘿好味，但唔多講啦

今日特意黎食呢間大排檔,叫左個三寶套餐。 串燒海蝦:避風塘bokbok趣,加上味道滲入到連啲蝦肉都有,同時唔太咸,正到殼都照食唔放過,世界級!牛油蒜香扇背:蒜蓉同扇貝融為一體,配合埋牛油嘅香味,扇肉本身亦好新鮮,連汁都飲埋,極力推介!風沙雞:雞唔油亦好入味,風沙送飯一流,呢尾配鑵凍可樂係超爽。侍應服務好好,反應快,仲好有禮貌,抵讚。一定會再幫襯

好少踏足九龍城 總覺得有點唔就腳今晚係地頭蟲介紹下 一行四人去食雷公子店面唔算大 反而樓上比較大 唔洗等位👍🏼好耐無見過嘅懷舊蒜頭同花生套餐三寶$488 有蝦有雞有帶子炸蒜配串串蝦 好新鮮 爽甜之餘帶蒜香👍🏼風沙雞 只見風沙不見雞😂雞肉入口比較乾 令人失望 不過風沙送飯一流蒜香蒸帶子 鮮甜彈牙又大隻 夠新鮮醬燒豬肋骨 出名之作 好香bbq醬味道不過都係略嫌有點乾身

尋晚舊同事約食飯,係OPENRICE搵搵下覺得呢間好似幾好咁喎,就試下啦~等齊朋友先叫送,係等朋友黎期間,侍應就俾左碗送既例湯我飲住先,今日係冬瓜湯,嘩,正呀~立體 3D 芥蘭---菜莖就輕輕炒過,幾爽~D葉就炸左,好似平時食川椒雞球果D炸葉咁,加埋D好野味既炒肉碎,真係PERFECT MATCH,佢仲可以揀送生菜或者蒜蓉包,我地揀左包,好香蒜蓉味,又脆,放D肉碎上面食又有另一番感覺~燒墨魚丸---燒得外皮脆脆咁,粒丸都幾彈牙~秘燒豬肋骨---都幾大份,燒得好有炭香味,有少少蜜糖係上面好吸引~籠仔花雕黃金蚌---侍應話今日精選,所以比平時平D,128蚊有8隻(唔知平時幾多錢呢),都幾大隻,睇住佢係自己個池度撈上黎既,應該係新鮮掛~幾香酒味~銀山火焰桶蠔---呢個一望就好吸引,D火燒到啪啪聲,又香~等D火熄就開始食,一打開...嘩!雖然都成288蚊,但有6,7隻手板咁大既桶蠔,都算唔錯~D蠔應該輕輕炸過,所以外層脆脆地,咬開入面軟綿綿真係以為係豆腐,另外佢個汁甜甜地幾得意~黃酒雞煲---呢個我就覺得一般,係幾香酒味同藥材味,不過雞件數唔係好多,不過D雞應該都係新鮮雞黎既~佢仲有好多款菜都

有幸跟著1位愛吃的朋友外出吃飯，說說想試下間食小菜海鮮的大排檔，二話不說便答應朋友，結伴同行。2個人真的不能多吃，所以在選擇菜式都有點煩惱，最後都能選上合適的小菜。秘制燒豬豬肋骨 HKD198，沒想到都幾多條豬肋骨，賣相看似不錯的豬肋骨，沒想到不夠入味，肉有點韌和乾身，肉汁也不多 。海鹽手插蝦 HKD198，打開個錫紙一看，原來砂窩內都是海鹽，再把些泰國草蝦放入。咬下蝦肉，能吃出黑椒、乾蔥蓉和紅椒碎的味道，特別是黑椒蓉香味十足，如果蝦殼炸得乾脆一點便更好味。立體3D芥蘭 HKD108，賣相平平無奇的一碟芥蘭，竟然得到我和朋友的喜心，把菜葉炸過很香脆，芥蘭很甜而不老，肉碎炒得非常香口，真的值得一吃。帶著期待的心情前來想食下美味小菜和海鮮，只可惜和朋友2個人，能所選擇的食物也不多，價錢又有點偏貴。食物味道水準也算不錯，唯一是食物起菜等候時間太久，只能呆坐著食開飯。

今晚又做肥仔去九龍城食好野😋😋😋三五知己一齊去雷公子度開餐是日店主推介蒸刀貝 用荷葉包住加上花彫打開時香味十足 刀貝肉質鮮甜金菇菜吸盡荷葉同花彫精華 味道十足👍🏼 香草羊架 店家預先醃好 非常入味肉質烤得剛剛好 入口唔會太靭 同時亦保留juicy 不過略嫌少少咸⋯秘制豬肋骨 勁好味 店家介紹說制作時用水醃唔係只落粉 所以烤完都唔覺乾食落真係好juicy 肉質彈牙 加上面頭焦焦的更香香脆可口👍🏼👍🏼👍🏼 今晚雷公子令我地有驚喜😙😙😙

老公見我呢排心情麻麻地，特登搵左幾間新食店俾我揀去邊度食，結果我揀左去雷公子。 去到已經見到佢響門口對對聯"欲嘗海上鮮，莫惜腰間錢"，就知道唔會平，兩句話既意思係想食平野就唔好入黎啦~~好！咁我都想睇下貴野有幾好食!入去叫左清酒花甲，燒蠔，燒雞翼，燒茄子，福建炒飯。花甲酒味好重，重到花甲無味，燒蠔又瘦又無味，雞翼個汁酸酸地，想扮buffalo wings,但唔好食，而炒反入面d肉唔熟，最ok都係個燒茄子。食呢幾樣野埋單都要$500幾，講真，講燒烤寧願去重慶燒，講海鮮寧願去有蒸氣。仲有一個重點，我一向對都係味濃既人，對味精亦唔係特別敏感，但係食完呢餐唔駛30分鐘就已經覺得好口乾。俾貴唔緊要，但係要物有所值。我今次係第一次寫食評，因為真係覺得被搵笨，浪費左我老公既心思!!!!

今晚約友人去試下雷公子先，首先是方便了食客的，就是可以經openrice訂座，準時到達了！先送上精心例湯一碗，足料好味道，完全不是行貨例水一碗呢！1）花雕焗大聖子-好味道，食到有花雕味吖，又焗得啱啱好，不會太熟 推介～～～2）蒜蓉燒翠肉瓜-蒜蓉面燒翠肉瓜，翠肉瓜燒到啱啱好，味道也不錯！不過個人意見就其實如果收得$38呢個價錢得六少片，又好似孤寒咗d咁囉⋯⋯3）秘製豬肋排-秘製醬料好入味，而燒到啱啱好，好味過美式煮法，而且燒的工夫很到位，沒過火～～～推介4）炒蜆-以辣的煮法去煮炒蜆，味道可以，但蜆偏細隻，無特別，故不推介5）蒜蓉燒珍寶蠔-一上菜滿心期待珍寶，但隻蠔並不珍寶，蒜味足夠，基本燒工也恰到好處。6）傻婆炒飯-蛋白炒飯，炒飯面已有一層油，試了幾口，沒什麼特別，所以無影相，不推介

同 Sa 妹無見年半有多，終於有緣相約晚飯聚一聚，但居然話唔可以飲酒、食辣野、食海鮮 ﹗全部最喜愛既都唔得？我醒目地估到發生咩事啦，恭喜晒。無緊要，咪唔食辣囉，最後決定試雷公子。琴晚爆醉游左返大陸按摩，四點先返到香港食碗麵當早餐，再返屋企午睡，一醒已六點半，梳洗埋，等的士，塞車，遲到半個鐘呢，sorry sorry。其實已經上網研究過有咩好野食，先 order 招牌菜，再亂點試試啦，哈哈。唔知點解今晚成個九龍城都好冷清，雷公子都不例外，小貓三四隻。我地坐樓上雅座，私人空間足夠，談笑風生。雖樓底較矮，但修飾、佈局都算坐得舒服，滿意既。已經睇左好幾次 menu，有幾個精美套餐，最後都係決定散叫較為寧活。南北杏青木瓜雞湯，都幾有趣喎 ﹗一坐低就每人一碗老火湯，唔理您要定唔要，總之先飲為敬 ﹗有質數，真材實料無味精，飲落舒服，味道滿意，雖然有點偏甜。立體 3D 芥蘭，跟生菜或蒜蓉包，我地選擇生菜。其實唔明菜名由來，如何 3D 法呢？只掛住食懶得問。好明顯係中式生菜包，上面係炒肉鬆，蓋住下面既芥蘭莖。灼芥蘭爽甜而充滿水份，外暖內凍，應該係一早烚定左，之後舖上炒肉鬆。雖然唔係熱辣辣，但鮮甜味突出，

朋友送了一條五斤重既海魚，要揾人生劏，去邊度有咁樣嘅服務呢？又要有小菜食，頭痛！結果，朋友介紹咗去九龍城既一間餐廳。嘩嘩！師傅手勢頂瓜瓜，刀鋒非常厲害！很快已經將魚片起一磈磈！我哋叫了一個兩人海鮮套餐，另外叫一個鍋要嚟白灼海魚，無想到個鍋底超級好好味！鍋底內胡椒豬肚，木耳，麻辣等！味道恰到！不太濃！將海魚白灼，味道鮮甜味美！講到海鮮套餐，有乳鴿，肉質嫩滑多汁！蝦既味道，外脆濃味！連蒜容菠菜都好妹味！服務態度非常好 ！！！宜家係又難揾架啦！難得！難得！下次一定要去幫襯！

今次黎九龍城食飯, 出奇地無揀泰國菜食, 揀左呢間雷公子,見網評不錯便即管試試. 一坐低便奉上例湯, 每人一碗,我素來很少飲例湯, 因怕味精, 但見朋友個個二話不說便喝完, 還大讚好味, 便隨即試試, 真的幾好飲, 無味精, 仲好夠火侯添, 之後我地三個大食積叫左以下呢幾味; 辣

太太生日，帶她去吃最愛的瀨尿蝦雷公子地方一般，我地六點開始食，無人，好好招呼1. 蒸蟶子味道不錯，鮮，但分數是全晚之末2. 椒鹽瀨尿蝦十分好，瀨尿蝦極大，而且不油，十分香口，蒜也是自家炸的3. 蜜糖菠蘿十分香甜，略帶少許酸味，十分開胃4. 杜康瀨尿蝦比炸尿蝦更鮮甜更嫰滑，亦有一陣濃香酒味5. 火焰蠔蠔十分大隻，燒得很好味，亦有玫瑰露香

環境尚可，服務態度尚可，菜式選擇很多，感覺貴了點。點了個酒香鹽焗東風螺，味道一般，沒有酒香味....火焰燒桶蠔很有趣，有6、7隻，味道還不錯。最欣賞都係個串燒黑毛豬肉，又香又嫩。

今晚同九龍城雷公子食晚飯我是衝著大閘蟹的膏來的每年初秋就是我與大閘蟹拍拖的時候大閘蟹 $88隻少吃多滋味今年第一蟹大閘蟹比較寒涼我每年都會淺嘗幾下熱到辣手的大閘蟹體積不大不小約5 兩然而蟹膏的份量卻超出我預期之外金黃色的蟹膏入口甘香口感特別惹味食落不會覺得油膩齒頰留香朋友一早到達攞位我一坐低就有得飲蓮藕雞腳湯感覺冇味精好飲一場黎到海鮮是必要叫的籠仔荷葉花雕蒸花甲 138花甲鮮甜可口肥大肉厚一啲沙都冇加上荷葉凊香撲鼻花雕酒香味濃海鹽手插蝦 198D蝦好似插花咁用錫紙包著海蝦新鮮熱辣辣隻隻都好大隻用椒鹽調焗好香入口非常鮮甜惹味食一隻真係唔夠喉秘制燒豬豬肋骨 198賣相已經夠吸引食落更加係好味道不得了牛油蒜蓉燒扇貝 $1 (九點後)九點後一蚊一隻真係抵食到冇朋友當然一定要order 扇貝肥美又彈牙牛油 mixed 蒜蓉配搭得好 balance扇貝入口變得更加香滑真的回味無窮豉油皇龍鬚炒麵 88全晚唯一可以果腹的東西木桶蔥油鹽香雞 128最後追加了嫩滑的鮮雞Perfect 

這些年來，KsMeow非常感恩身邊有不少好知己好朋友，大家有著無盡的話題、樂於陪伴對方...感謝妳在歐洲亞洲之旅後，帶著疲倦的身體，仍陪我來到九龍城晚飯歡聚！《雷公子海鮮串燒大排檔》主打海鮮及粵菜，裝潢就像常見的港式食肆般，最花巧的可算是桌上那些公雞碗碟，頗有舊香港味道。小妹愛喝湯，先來一碗免費的「南瓜木瓜湯」兩種瓜類，老火煲成，味道相當清甜，非常適合秋天品嚐。名字有趣的「立體3D芥蘭」烹調方法亦很特別！菜葉和菜莖部份均分開處理，前者以炸煮方式烹弄，質感有點像炸紫菜，後者則以快炒為主。最後在兩者上，鋪滿香口惹味的炒肉碎，配香脆的烤牛油多士同吃，相當滿足！一道菜，三種口感！「銀山火焰桶蠔」煲的外圍散發著熊熊烈火，名乎其實的火焰！蠔味不算特別鮮，幸入口多汁軟嫩，跟香甜的洋蔥同吃也不錯。足5兩的「大閘蟹」每隻$88，定價合理！蟹膏不算爆多，幸尚算新鮮，少吃多滋味吧！晚上9時後，每隻才賣$1的「牛油蒜茸燒扇貝」火喉不錯，成品柔軟，帶剛好的牛油味道，要是蒜茸份量再多些，會更合KsMeow口味！感謝欣賞 KsMeow 小分享！