魚味市場居酒屋 (已結業)

 這一天又和太座到南區探姑姐，回程時在西環看日落，轉眼又到晚飯時間， 現今的西環多了不少高質素的食肆，這是其中一間。店子非常細小，座位不多 ，因此要在門外的椅子等了十多分鐘才入座，入座後發現客人中佔了一半是外國人。 這天的天氣還很悶熱，先來一支朝日啤酒 ，清爽怡神，正好用來消消暑，而太座則點了波子汽水 ，清涼可口，也不太甜。先點了活赤貝刺身，將赤貝肉切成條，放回入殼內，並用冰鎮著，份外爽口，十分鮮味，還加了些青瓜絲，海草等伴碟，也很爽口。蒲燒鰻魚，質素與一般超市買到的不同， 肉質肥美，鬆化可口，魚的味道又沒有被醬汁蓋過 ，點到即止。叉燒拉麵，叉燒肉質幼嫩，肉味濃，有三兩片蓮藕脆片，及一隻溫泉蛋，蛋汁濃香，拉麵質素不錯，軟硬適中。朴葉炭燒一口和牛，以一塊大的朴葉置於鐵網上 ，盛著和牛粒，冬菇，青椒等 ，下面以火酒膏燃點加熱， 和牛粒呈三成熟，有些醬汁在旁，慢燒一會至半生，和牛粒血水漸消，和牛粒非常軟嫩，非常香，太座很喜歡。 炭燒活鰻魚飯，用漆盒上，鰻魚色澤比大路貨淺色 ，肉質香脆可口， 醬汁不過鹹，配飯是一流享受。這是一間有質素的小店，會再來

今日屋企大廈檢查電箱，成日冇電，家姐又番master，所以得我同呀媽兩個人，所以我哋決定夜晚出去食。呀媽話喺山市街見到一間日本餐廳門口寫住十週年，凡惠顧滿$200，有八八折，幾抵下，所以我哋就決定去試下啦！先嚟一個吉列豬排飯，吉列豬排炸到外脆內軟，炸粉好薄，入面啱啱好，真係小弟近年來食過最好食嘅吉列豬排飯！活赤貝刺身真係不得了，鮮甜不突止，仲好稔，唔點醬油食都好正！燒鰻魚差唔多每次我去日本餐廳都會叫嘅野食，呢度燒完用咗七味粉調味，別有一番風味。另一個主食，我哋就叫咗叉燒拉麵，拉麵湯底唔算濃郁，幾清下，叉燒應該係自家製，好食，仲有個溫泉玉子，正，上面幾塊炸蓮藕片加分！最後呢個朴葉炭燒一口和牛，入口即熔，實在冇得彈，高水準！Asahi波子汽水估唔到堅尼地城都有隱世嘅日本臥虎藏龍！

<用心製作既日本菜小店 要支持 >🇯🇵自從西環mtr線開左兩年 食店越黎越多 中西餐都有。 😆呢間喺堅尼地城站附近既魚味市場居酒屋 環境唔大 但好有日本feel . 排列整齊既座位加上半開放式既廚房 感覺舒服 . 😆 食物質素仲好好添🍴活赤貝刺身🐚外表美觀 入面切開左幾件活赤貝 香港比較少機會食到活既 味道爽甜 口感彈牙 好新鮮 😆 如果鍾意既可以點埋豉油同師傅自己磨既wasabi粉 😀🍴蒲燒鰻魚 🐟🔥呢味鰻魚燒得好出色 首先鰻魚厚度適中 外層燒得好香脆 充滿住甜燒汁既調味 肉質飽滿😆 好味呀🍴朴葉炭燒一口和牛🍀🐂用卜葉放住🍀 用明火燒住既牛肉🔥 牛肉燒既熟成程度剛好 出面有d脆口 入面好軟熟同juicy燒醬汁都好入味 . 雖然個人覺得佢唔似和牛口感既入口即溶 但係比較有口感嗰隻好食🐂😀🍴叉燒拉麵🐷🍜叉燒拉麵有3,4 塊叉燒 叉燒比較煙靱 豬肉味香 😍 一個切開左既溏心蛋 🥚勁流心 好正 湯底好有豬骨香 濃度好夠 😍 麵質好爽口 同湯底幾match . 🍴咖哩豬扒飯🍚🐖豬扒大大塊放喺飯上面都夠哂吸引 加d葱花同酸薑調味 豬扒上面既咖哩汁香濃 帶點甜 帶點好微既辣

一間小店裝潢有點日本風格，今晚就在這𥚃來一個簡單而又隆重的晚餐。久違了的波子汽水，清怡可口。兒時回憶又返來了。店員推介活赤貝刺身，果然好新鮮，鮮甜味盡出。我本身對牛特別喜好，點了一客朴葉燒一口和牛。賣相討好。邊燒邊食份外和味。醬汁濃郁帶有甜味，惹味非常。和牛軟熟，油脂帶出香味。吉列豬扒飯好大碗，基本一個女生是食不完的。豬扒炸得鬆脆，肉質不會太韌，蘸少許醬汁份外滋味。最重要不覺得油膩。真係簡簡單單的一頓晚餐，好飽足又滿足。

或者好多人都會好似我咁，剛去完日本返來就已經會掛住當地食物，咁係因為雖然係同一道菜，真係會有好唔同感受，但今日喺香港，亦比我感受到日本的味道！刺身係我幾乎到每間日式餐廳都會點，而呢度更加係我必食推薦！三文魚刺身脂香味濃，入口感覺好唔同，呢種香唔係每個地方都食到，真有日本味道，而且肉質柔軟，配上唔太攻鼻既生磨芥末，好好味！原隻牡丹蝦刺身肉質爽滑，入口咬落超甜，蝦膠留在口腔散發甜味，推薦！朴葉炭燒牛柳粒十分惹味，牛肉肉質嫩滑，加上帶黑椒和甜味燒汁，經典配搭係好味道！而且葉下有小火暖住食物，令熱騰騰既燒肉味道保存得更好！配菜上更值得一提，冬菇香烤味十足，淨燒冬菇已經好好味！咖哩吉列豬扒烏冬，同撲鼻咖哩氣味相比，食落甜味較重，咖哩味不太濃，然後撈烏冬感覺唔錯，烏冬煙韌度調教得剛剛好？外脆內軟大大塊豬扒，份量十足，大食如我都好飽！雜錦鍋燒烏冬，蛤+蝦天婦羅+蟹柳+魷魚+竹輪大雜燴！其中蛤同蝦天婦羅最出色，蛤味非常鮮甜並吸收湯的甜味，令味道更上一層！脆炸既外皮配合鮮味十足既蝦，百試不厭！湯底帶壽喜燒的甜味，加上海鮮鮮味混合，用來送煙韌烏冬一流！

今日女朋友話想食日本野，咁我就帶左佢去食堅尼地城嘅魚味市場食啦。呢間餐廳上次有朋友介紹過，一直都好想試下。餐廳地方唔算好大，有10張左右嘅二人枱，裝修style似日本嘅居酒屋，周圍擺滿左酒瓶。我地分別叫左三文魚刺身、原隻牡丹蝦刺身、朴葉炭燒牛柳粒、牛肉烏冬同叉燒拉麵。三文魚刺身屬厚身，食落新鮮肥美。牡丹蝦好大隻，有手掌咁長，蝦肉爽口甘甜。女朋友就大贊個朴葉炭燒牛柳粒！真係有一大塊葉係個爐上面燒，睇住啲牛柳慢慢出煙熟，好似bbq咁。啲葉嘅香味入曬牛肉到，有種似食緊荷葉飯嘅感覺。牛柳粒入口即融，肉質好嫩活。牛肉烏冬賣相好精美 個湯底都好香下 一擺上台已經聞到 牛肉上台時仲有少少生 呢個做法相信係為左令牛肉唔會比湯搞到肉質變鞋 份量相當足 有冬菇 菜等配料 牛肉肉味夠濃 易咬開 烏冬食落唔會太淋身 順帶一提 個湯底真係好好味 非常清甜叉燒拉面同樣香味撲鼻而來 叉燒有兩大塊 仲有兩隻溏心蛋 拉面索哂啲湯汁 真係好正 湯底黎講拉面個湯底就比之前個個濃味少少 我都係鍾意牛肉個湯多啲 叉燒味道唔錯 份量岩岩係一人一碗 夠哂滿足

余媽媽最喜歡和風美食, 今次搵食到西環, 皆因住嗰邊嘅朋友都推薦呢間魚味市場居酒屋, 說我一定會一試便愛上, 講到咁...我一定要同余爸爸嚟會一會佢啦! 呢間居酒屋好有日本風, 從門外的擺設到餐廳內的一枱一椅, 還有手寫的餐牌, 很日式, 很親切! 而且店員很有禮貌, 加茶也快! 看見店內的手寫版有各式魚刺身, 於是便問了師傅。。。 師傅話當天的笠子魚挺不錯, 而且2人食剛好, 我地決定試試！ 笠子刺身上碟一絲不苟, 擺得好精緻, 還有手製的芥末和特製醬汁~ 已經忍不住要起動了！ 刺身厚薄適中而且很新鮮, 入口清甜爽口, 多來幾片也不會膩~ 還有三文魚籽作點綴！ 話咁快已經KO左碟刺身, 店員提議把魚頭弄兩碗湯(不另收費), 我地當然好樂意啦！ 魚頭放湯真係好鮮甜可口, 加入各種蔬菜, 味道更豐富~ 我地一向對軟殼蟹情有獨鍾, 所以軟殼蟹天婦羅是必點的! 只是$42就有大大隻的軟殼蟹, 炸粉唔多, 所以入口唔會成口粉, 而是香脆的軟殼蟹! 配上特製的沙律醬, 別有一番風味~ 平時很少點玉子燒, 不過今次因為見到係海膽玉子燒,

喺西環經常會有啲偏僻而且性價比高嘅小店，今日就比我搵到呢間魚味市場居酒屋，裏面嘅嘢食真係有水準。尤其是佢啲刺身，我哋叫咗個活赤貝刺身，真係原隻貝殼上，裏面嘅赤貝切成一條條，爽口彈牙，下面用冰塊震住保持新鮮度，點上wasabi，口感更過癮。而且甜甜的，非常新鮮。另外我們叫了朴葉炭燒一口牛，真係好搞笑，堅係放左塊葉喺個火爐上面燒！上面有10幾粒一口和牛，全部咬落去嘅時候都好有牛味，好香濃，而且唔會太硬身同埋太韌。最奇怪係塊葉竟然唔會燒焦真係神奇！我哋每人叫咗個飯或者拉麵，分別係吉列豬扒飯，佢嘅吉列醬真係好正酸酸甜甜充滿日式風味，而且佢嘅豬扒外面炸得好脆身，不過裏面嘅肉有少少硬，但還可接受的。我就叫咗個叉燒拉麵，啲叉燒都有好多塊，而且佢嘅湯底係有少少辣，調一調味幾過癮。雖然拉麵唔可以媲美百幾蚊嘅拉麵，但係佢嘅性價比真係超級高了。最後我地飲左店員為我地坐熱嘅清酒同埋波子汽水，清酒真係好好飲！有少少灼熱的感覺但是又會樂在其中。

早幾日渣車經過開西環,突然想食日本野.咁岩經過黎到呢間居酒屋 - 魚味市場. 店鋪雖小但充滿十足日本小店感覺所以就吸引左我入去, . 原來條街依家亦開左唔小日本菜,旁邊仲有間拉麵鋪. 入到鋪頭佢林林種種既餐牌，令不嬲都有選擇恐懼症既我好難簡. 最後我叫左個大刺身拼盤同幾道天婦羅. 刺身拼盤價錢還算親民 大大份不特止，入面有海膽﹑吞拿魚﹑帶子等八款刺身全部非常厚切 而且材料都仲好新鮮，當中更包括比較罕見的魴鮄魚最特別既係配刺身的醬料用混合柚子汁，食起來帶著柚子香味.雜錦天婦羅一定要試試，尤其是炸蝦同海膽子，味道不錯而價錢真係相對超值. 大家都知出去食海膽天婦羅輕則都幾百.我最欣賞既係呢道環境的確幾舒服令我諗番起日本旅遊時食當地居酒屋既感覺. 下次過開呢頭一定會再黎試

今日同家人過咗嚟呢度食日本野，我都係聽朋友講話呢間唔錯，所以收工就過咗嚟啦同屋企人！加上呢間野見佢Menu既價錢都唔算好貴！二話不說叫咗我最愛既鰻魚飯，仲叫咗煎餃子，燒玉子，雞肉串，鵝肝，拉麵，炭燒牛肉粒！蒸餃子係我每次去食日本野都必叫，外皮幾脆，十分香口！值得叫！呢個係朴葉炭燒牛肉粒，係我第二次食，第一次食晚時候係日本飛驒山，味道同飛驒山既味道都不伯仲！叫左D小食，雞肉串，燒到好香呀！如果大份D就好啦！玉子燒，好重蛋味，中意食玉子燒既人唔好錯過鰻魚飯係我必叫，甘多個入面，最愛係佢！鰻魚好新鮮！家人叫既拉麵，家人話拉麵幾正，不過如果有多D款揀下就好啦！

西環自從有左地鐵站就愈黎愈多餐廳今次就約左朋友去食魚味市場居酒屋刺身八點盛 $588刺身擺盤非常精美初初都冇估到會咁大兜入面有海膽﹑吞拿魚﹑帶子等八款刺身全部非常厚切 而且都幾新鮮~適合多人分享!炭燒活鰻魚飯 $160配上麵鼓湯及漬物依個鰻魚飯都幾好味鰻魚都幾厚肉 食落幾彈牙外層都燒到非常香脆鰻魚汁都好好味 什錦天婦羅 $100漿粉都幾薄 蝦好大隻有大蝦﹑南瓜﹑冬菇﹑金菇同青椒海膽天婦羅 $100海膽食落唔腥 喜歡既朋友可以試試!

西環而家愈開愈多食肆，食為一個為食的人，最開心就係見到屋企附近有好多唔同既餐廳選擇。呢間日本料理新開冇耐，襯住呢排得閒食晏就去試試。一坐低就當然叫番兩串串燒食下先，燒豆腐用左硬豆腐，食落豆腐香味幾濃。配上大量木魚碎，香氣吸引。呢度竟然有好少食到既雞頸肉，當然要試下啦。雞頸肉好嫩滑，啖啖都係嫩肉，好爽呢個海鮮丼飯，勁足料！牡丹蝦最正，大大隻又甜又新鮮。所有魚料都真心好新鮮，呢一點已經可以解釋到呢個丼飯係真心好食！叫個師傅發板既壽司拼盤，白身魚丶魚油重的吞拿丶蛋壽司樣樣都齊全，唔錯唔錯香港主要食到既都係關西的生燒鰻魚，比較少食到關東既醬汁燒鰻魚。可能因為咁，香港廚師對關西式既燒鰻魚都比較有技巧。叫左份蒲燒鰻魚(148)，有D驚喜！有別於平時鰻魚切件都係大大份，呢度切得比較細件，原因係咩？一食就知道！呢度的鰻魚肉質都好結實又彈牙，如果切得大件的話反而會比較難咬。但係切得細細份，反而可以感受到佢彈牙的口感同埋魚肉的味道。醬汁唔會太濃或者太結，呢個鰻魚真心係唔錯。

今日就去左堅尼地城探朋友，到左夜晚朋友就帶左我去一間食日本野嘅餐廳。佢話e到好多街坊都會光顧，地理位置有啲隱蔽，區外人都好小會知道。餐廳裝潢以木為主，木地板、木枱櫈等等，周圍擺滿左日本酒樽，感覺舒服。晚市一人前。包左刺身、鹽燒鯖魚、海老天婦羅、關東煮、野菜烏冬同前菜加湯。刺身係由師傅每日挑選最新鮮嘅刺身，今日我地油甘魚、甜蝦、黑松魚同魴鮄，甜蝦挑左腸好鮮甜，其他刺身都好新魚，尤其係黑松魚。關東主都幾大份，有竹輪、蘿蔔、雞蛋同豆腐等等，蘿蔔煮到好稔，其他都好入味。鯖魚有好香嘅油脂味，唔會燒到好乾身，鹽味唔會搶左魚嘅鮮味。烏冬味偏淡，而天婦羅嘅炸粉都唔厚，幾好食。加拿大海膽手卷。海膽手卷好有誠意，紫菜好脆，飯同醋嘅比例啱啱好，$78嘅手卷由頭食到尾啖啖都有海膽嘅甘甜。牛肉鍋。牛肉嘅雪花分佈好平均，湯底又好濃味。牛肉淥5秒左右已經食得，入口好香牛味，肉味較重，油脂好香。煲入面仲有娃娃菜、豆腐、冬菇同薯粉等。和風炸餃子。炸餃子係我幾推薦嘅一樣菜，外脆內軟，餃子皮好香口，而餃子嘅餡仲好多汁。黑松露海膽蒸蛋。打開篕就聞到好香嘅黑松露味，蒸蛋好嫩滑。海膽同黑松露嘅味好夾，豐富左蒸蛋嘅口感。朴葉炭燒牛

來到這間是開了不久的日本餐廳吃日本菜， 門口看到了一條喜之次也是百多元十分便宜，決定入去一試。新鮮劏一條日本魚大部分也是200多300元十分便宜，所以決定和朋友劏一條。 選擇了蓮子𩶘$260，師傅介紹說魚肉比較爽口肉也甜。 除了劏魚外我們亦叫了兩隻喜愛的牡丹蝦。牡丹蝦78蚊一隻，起初看來比較貴，但是想來了之後見到牡丹蝦非常大隻，價錢可以接受。 即劏魚十分鮮味，跟師傅說的一樣是比較爽口，肉也香甜唔腥，二百多元算是十分抵食。 牡丹蝦亦不錯，肉質雪白爽彈，口感豐富。本來想將蝦頭拿去炸，但因溝通問題，最終它跟魚骨 一起拿去煲湯，有點可惜，煲出來的湯充滿魚和蝦的鮮味，但不算很濃郁。燒鱈魚乾$42充滿魚味，燒得很香脆，還配上沙律醬，拿來送酒一定不錯，可是我們拿來送茶呀，哈哈。但較底下的就較焦。見到有自家製餃子$42，又想試試，餃子皮薄，煎得香脆，餡料新鮮，韮菜味清香。我們亦叫了燒雞肉軟骨棒$22及大蔥豬腩肉$28，淡淡的燒汁加上燒得剛好的肉塊，比燒烤舖燒的更出色。天婦羅軟殼蟹$42十分大隻，而且配有素面跟南瓜，十分抵食，配上特製的沙律醬，味道也挺配合如果不喜歡的可以叫侍應提供正常的天婦羅汁。最後叫

同朋友行開西環想食日本野見到魚味，看落好似唔錯就行入去試下。叫左個9色刺身評盤包羅萬有，有海膽，牡丹蝦，中吞拿魚，獅魚，金目鯛，幾款貝類，等等都幾新鮮，美中不足係中吞拿比較多筋。天婦羅拼盤有大蝦，南瓜，冬菇，金菇，青椒，蝦頭。只能說不過不失，係熱咁，有質素有不至於。天婦羅軟殼蟹呢個反而唔錯，外脆得來蟹肉都中juicy最為出色係天婦羅海膽用紫菜加紫蘇葉包住來炸有紫蘇葉香味，海膽既鮮甜。雖然味道為不過不失，但要係同區搵到日本野食又唔係特別易，看埋價錢，其實係幾抵食，如果住呢區落樓就想食日本野其實係一個不錯既選擇。