鰻工房

营业中

休息中

假日和朋友到尖沙咀逛逛，先到附近的鰻魚專門店吃午餐。店舖剛開門，成為當日第一組食客。店內的裝潢以日式和風為主，猶如置身在日本小店。每個座位的蓋可打開放置隨身物品。座位充足，以一人至四人座位為主。沙羅鰻蛇丼($198)，Mega size 鰻魚，一大個碗也放不下一大條厚身的鰻魚，要加用一隻碟盛載，帶來視覺上的震撼。鰻魚厚肉，刺少，主要在中間，很容易分間開來。鰻魚上也有一支旗仔，提醒人注意有刺。魚肉夠厚，澆上燒汁，增添鰻魚的惹味。鰻魚底下的玉子卷非常嫩滑，同樣份量十足。綠茶($12)，綠茶粉以熱水拌勻。茶味濃郁，有濃郁的綠茶香味。也可請店員加熱水，調整綠茶的濃度，配便當吃很合適。白燒生燒鰻魚丼($188)，套餐升級+$18，有玄米茶、酸爽鹹菜、鰻魚肝白貝湯和温泉蛋。鰻魚肝白貝湯鹹度適中，上桌時燙熱，內有無沙蜆肉。温泉蛋蛋香十足，把鰻魚沾一點蛋黃和蛋白，以蛋香提升鰻魚的鮮味。白燒即是沒有加醬的蒲燒，將鰻魚烤熟，是最基本的烹調鰻魚方式，能嚐到鰻魚最原始的風味。鰻魚切件，燒得香脆，魚肉在炙燒後變得彈牙，整件以香脆彈牙為主。

《鰻工房 - 尖沙咀》近期唔知點解突然之間好Hit食鰻魚，位於尖沙咀既鰻魚店我已經留意咗好耐，今次趁冇咩人嘅時候就入去食咗個late lunch，去嘅時候唔使排隊，但係我哋走嗰陣時啲人已經要等位啦🤣餐廳嘅裝修有啲和風，Menu入面嘅食物種類唔算好多，近排仲出咗人氣大熱嘅熱香餅漢堡，不過入邊包住鰻魚同芝士🤤配搭極級邪惡，我今次仲要食咗個Double鰻魚添💁🏻‍♀️雙層芝芝鰻堡 $108呢一個漢堡嘅麵包用咗熱香餅代替，夾住咗兩片厚厚嘅鰻魚同埋芝士，蒲燒鰻魚果汁本身甜甜地，同熱熔咗嘅芝士味道勁合拍，所以就算個熱香餅唔加糖漿都已經好夠甜味，食落都幾濃味㗎🥰如果覺得兩片鰻魚太Heavy的話可以揀返單片嗰一款，一人食燈或者當下午茶都絕對夠飽㗎💁🏻‍♀️白燒生燒活鰻丼 $188 套餐升級+$18另一款我同事就揀左鰻魚丼飯配套餐，入面有鹹醃菜、味噌湯同埋溫泉蛋作配菜，平時食蒲燒鰻魚就多，白燒活鰻的確比較少食到😉第一次試覺得個感覺都幾好，用白燒嘅方式燒製鰻魚，可以令到層皮脆卜卜，個肉質都幾彈牙爽口，用少少鹽調味已經好好食，都幾下飯架

位於尖沙咀嘅鰻工房，由地鐵站N2出口行幾分鐘就到。餐廳內部佈置同座位都好有和風感覺🎎最吸引嘅當然係佢地出品嘅鰻魚美食啦🤤🐉沙羅曼蛇丼 $198雖然落單紙上面都有標注係Mega size，但真係冇諗過蒲燒鰻魚可以咁巨大😱上菜一刻眼界大開，不愧為鰻工房名物蒲燒鰻魚即叫即燒，色澤金黃，泛起點點油光，賣相吸引👍🏻相當貼心提醒鰻魚有小骨，但唔影響食用口感鰻魚鮮嫩，燒汁微甜，配上微燻焦脆的口感，十分好味Mega鰻魚底下仲有大件玉子燒咬落有層次感，味道清甜，平衡到鰻魚嘅油膩感🍱二重鰻魚丼 $148二重鰻魚分別係蒲燒鰻魚同埋穴子(星鰻)蒲燒鰻魚味道同樣好味，份量適中穴子細細條卷成一團，肉質纖細，口感比較柔軟嫩滑入面仲帶有少少柚子甜酸味道，食落好清新+$18 就可以升級成套餐套餐有溫泉蛋、鹹菜、鰻魚肝白貝湯同埋汽水🥣鰻魚肝白貝湯味道鮮甜，仲有隻蜆仔可以食人均消費都係$200，Mega size蒲燒鰻魚實在太抵食，十分飽肚滿足❤️

好耐冇食過鰻魚，好掛住日本食嗰碗鰻魚飯。星期六特登帶老公嚟呢間尖沙咀小店嘆個鰻魚午餐，記得好幾年前喺銅鑼灣店食過一次好正，但係而家銅鑼灣嗰間已經冇咗了。沙羅鰻蛇丼 $198呢個係期間限定Maga size鰻魚丼，鰻魚超級大條，有成個前手臂咁長，勁誇張。鰻魚勁肥美肉厚，蒲燒得好香，有少少燶焦香。食一啖鰻魚，然後一大啖鰻魚汁伴飯，真係勁滿足。條沙羅曼蛇底下，仲有一大塊厚燒肉子，玉子甜甜地，濕潤柔軟，用嚟餸飯又係勁正。三重鰻魚丼 $208有齊生燒鰻魚、蒲燒鰻魚同埋穴子，生燒鰻魚燒到皮脆卜卜，肉質爽脆，蒲燒鰻魚肥美甘香，穴子即係鰻魚BB肉質細嫩細嫩，啲飯可以自己加好多鰻魚汁，再紫菜絲蛋絲伴飯好好味。我哋仲加咗$18轉套餐，有溫泉蛋、鹹菜、鰻魚肝白貝湯同埋玄米茶。值得一提，鰻魚肝白貝湯好鮮甜，好驚喜。店員教我哋可以保留三份一嘅飯向店員索取昆布高湯，然後加入紫菜、芝麻成為茶漬飯，變成另外一種食法。食到最後有啲膩用呢種食法好適合，可以清清味蕾減油膩感。

.今日出尖沙咀做嘢❣️一直都好想食呢間鰻魚專門店🤗所以去咗食個lunch😋真係好有驚喜😍三重鰻魚丼$208呢個set lunch真係好抵食‼️有生燒鰻魚🐟蒲燒鰻魚同埋穴子，生燒鰻魚燒到皮脆卜卜，肉質爽脆，蒲燒鰻魚肥美甘香，穴子肉質細嫩，鰻魚汁撈飯一流‼️仲要可以自己加幾多都得💯佢哋呢個set lunch仲有蜆肉海苔湯而唔係一般麵豉湯👍🏻📍鰻工房 (尖沙咀)尖沙咀赫德道1-3號利威商業大廈地下7號舖

今日同朋友到尖沙咀食飯，我們去到餐廳不需要等位就可以入座 。我們叫了兩個套餐，白燒生燒鰻魚丼和二重鰻魚丼首先，白燒生燒鰻魚丼的呈現令人驚艷，鰻魚的表面微微焦香，散發出淡淡的炭火香氣，搭配上新鮮的米飯，口感柔軟，米粒分明。鰻魚的肉質鮮嫩，入口即化，搭配上特製的醬汁，帶有一絲甜味。而二重鰻魚丼則是另一番風味，這道菜的特色在於層次感十足的鰻魚，底層是經過精心烹調的鰻魚，表層則是另一種鰻魚片，兩者的口感形成鮮明對比，讓人驚喜。整體而言，鰻魚肥美多汁又好味，而且做法選擇上都有很多 。

尖沙咀有間 🎏主打鰻魚料理日式餐廳😍 餐廳裝潢散發濃厚日本小店氛圍🍣菜單選擇非常豐富，主要以鰻魚為主打，提供多款美味料理，包括📜鰻魚丼飯🍚鰻魚飯堡 🍔鰻魚蕎麥麵🍜鰻魚串燒 🍢各式小食 🍱， 仲有期間限定嘅滑蛋牛舌飯👅所有主食仲可以升級做套餐💵 套餐包括溫泉蛋、日式漬物、鰻魚肝白貝湯同玄米茶 🍵🍳 滑蛋牛舌丼期間限定，嫩滑牛舌同香濃滑蛋口感豐富✨🐟 三重鰻魚丼食勻穴子、蒲燒鰻魚同白燒鰻魚三種不同口感，鰻魚即叫即燒，新鮮鰻魚，每一口品鮮美味道😍 🥚 溫泉蛋低溫慢煮雞蛋，口感滑嫩，增添層次感🍽️ 🥒 鹹菜清爽口感，平衡主菜豐富味道🌱 🍲 鰻魚乾白貝湯鰻魚乾同白貝，湯頭鮮美，搭配丼飯非常夾 🥢鰻工房📍赫德道1-3號利威商業大廈地下7號舖

係附近做完野就睇下有咩食，見OpenRice 大量好評就諗住實冇死，點知有種中伏嘅感覺呢個慢煮牛舌日本溫泉蛋丼真係好難食，啲牛舌硬到阿媽都唔認得，咬咗好耐都咬唔開，完全吞唔到跟住呢個蒲燒鰻魚丼，如果佢可以俾多少少汁嚟撈吓飯都冇咁乾，仲要我明白鰻魚會有細骨，但係我係接連食到啲好大條嘅骨，所以食嘅時候真係要非常非常小心，而且鰻魚嘅肉質好腍，一啲都唔彈牙，比較起其他嘅鰻魚飯，就比較失色，起碼人哋都有啲汁撈下飯

知道朋友鐘意食鰻魚，上網睇左好幾間鰻魚專門店，呢間位置方便，約埋佢一齊去食！我地分別叫咗一款平啲同貴價因嘅鰻魚飯，睇吓到底有咩分別！生燒鰻魚丼，$188，第一次聽生燒鰻魚，佢有分白燒同汁燒，我揀咗白燒，即係只用鹽調味去燒，無加醬汁，食落去同平時醬汁燒嘅好唔同，幾有口感，魚肉幾爽彈，不過鰻魚嘅份量都幾少，呢個價錢都算貴。佢個飯有紫菜、雞蛋絲。另加$18轉套餐，套餐有溫泉蛋、鹹菜、鰻魚肝白貝湯同飲品。蒲燒鰻魚玉子丼，$98，正所謂一分錢一分貨，呢個平一半，絕對有原因，鰻魚同平時食開嘅分別不大，玉子幾大舊，但我覺得太老，而且飯入面無咩蒲燒汁，可能係因為生燒鰻魚太好食，對比比較大。

呢間專門用鰻魚作主打嘅小店， 用鰻魚做出多款不同款式丼飯，小食。最特別應該叫《沙羅曼蛇丼》嘅丼飯，用上超大size 超長嘅蒲燒鰻魚做賣點，因為份量太大，估算過自己當天食量後， 決定選擇叫其他嘢。 平時比較少會食生燒鰻魚 ， 問過店員生燒鰻魚會用上本地即劏鰻魚來生燒，咁要了一份生燒鰻魚丼（白燒）。 另加$18包溫泉蛋·鹹菜 ·鰻魚肝白貝湯 和飲品。剛燒好嘅生燒鰻魚放到枱前，聞到好香嘅焦香味 。 放到入口魚皮脆，魚肉厚身爽彈牙，夠肥美，咬出來嘅肉汁鮮，甜，食得出鱔肉相當新鮮 。 至於丼飯嘅飯亦煮得不錯。 其他湯·溫泉蛋等就正常發揮 。

最近好耐冇見朋友，所以就搵間日本嘅餐廳同朋友聚下。入到去，見到佢嘅鰻魚萬花筒，真係令人垂涎欲滴。啲鰻魚經過燒過，散發住香魚油味，食落真係超香。唔止咁，佢嘅溫泉蛋更係一絕！呢碗溫泉蛋，啲蛋汁咁滑順，一啖落去，簡直係絲滑無比。而啲鰻魚肝白貝湯都係值得一試。湯底濃郁，啲鰻魚肝同白貝令湯更加鮮甜。最令人興奮嘅莫過於佢哋嘅三重鰻魚丼啦！三款鰻魚——蒲燒鰻魚、生燒鰻魚同穴子，一齊擺落碗入面，賣相真係吸引。而且如果你食到三分之一，可以叫店員加入昆布高湯製成嘅鰻魚茶漬飯，自行加芝麻同紫菜，味道更加豐富，鮮甜之餘，又有另一番風味。「鰻工房尖沙咀」嘅餐點真係令人驚喜。如果你鐘意日式料理同埋鰻魚，呢度絕對係一個值得一試嘅地方！絕對唔會讓你失望，下次再去尖沙咀，一定會再光顧。

生燒鰻魚，鰻魚肉質口感爽彈，燒到剛剛好，保留魚肉鮮嫩有魚肉汁。生燒食法可以食到鰻魚本身既味道，口味較純樸同較清新。我自己比較呢種小有既食法。鰻魚外層魚皮脆香，入口小小盪口，真係熱熱辣既叫既燒。 二重鰻魚丼入面有蒲燒鰻魚同穴鰻。，同生燒鰻魚肉質相反，肉質淋滑肉嫩外，外層燒過有焦香。用燒汁燒過後味道上較甜，鰻魚魚肉肉質入味。 穴鰻係比較細既鰻魚，比較食落去內質比較嫩同細。同樣用左蒲燒方式一樣淋滑軟滑。 我地叫左2個餐都用18蚊升級套餐，有溫泉蛋，鹹菜，鰻魚肝白貝湯，仲配飲品。黎到比想象中豐富。我地叫左玄米茶都幾解渴同幾解膩。 溫泉蛋同飯一齊配勁香滑，而個白貝湯都好清甜好似無味精，仲有一隻蜆係入面又幾鮮甜。

因間鋪細細間 好彩個日 6點幾去到 都唔洗要排隊入到去係雖然有啲迫冇計 但環境裝修都ok好有日系feel叫咗 沙羅鰻蛇丼一上黎 都比想像中好大條鰻魚下有玉子 份量黎講 因加埋汁 算係足 同埋汁食食下鰻魚都膩所以對我黎講係飽生燒鰻魚 （白燒）但唔記得係叫丼燒得都唔差 一食落去襯熱食好彈牙 好正 😋但冇飯 都可以叫加湯 兩人一齊分 我地就啱啱好食完都飽加埋湯 湯飯都ok會冇咁油膩 又可以當就咁湯飲清下個口整體 值得一食 而且會想再食價錢上都ok性格比都中上 都高推介去食

係香港實在難搵到一間好味嘅鰻魚店，最近就發現了一間位置於尖沙咀，主打鰻魚嘅日式料理店，無妨試吓。牆上掛上鰻魚製作資料，食用方法….確是貼心。三重鳗魚丼（蒲燒鰻魚，生燒鰻魚，穴子）賣相相當吸引。蒲燒鰻魚燒汁非常惹味，入口即化嘅口感另人難忘。生燒鰻魚燒得魚皮脆卜卜，肉質厚實有嚼口。穴子綿綿滑溜，味道濃厚，慢慢溶化於口腔內。紫菜，蛋絲，青豆滿滿鋪上飯面，再加上流漿嘅溫泉蛋，真一流。鰻魚肝白貝湯好鮮甜，完美的午餐。

鰻工房係鰻魚專門店😆今次黎到食佢地個招牌沙羅鰻蛇丼，真係勁巨兼好味🥰💫 沙羅鰻蛇丼 $198上餐個陣真係俾佢嚇親！係長過前臂嘅鰻魚🥰勁大條呀！食咗一啖先發現鰻魚下面仲有嚿玉子🤣🤣🤣啱晒放工勁肚餓嘅人去食✨會食到好飽肚，份量多到兩個人share都ok！仲有小旗仔提醒多骨，好細心～👍🏿鰻魚都好好食，超級入味，肉質鮮嫩肥美🤗最後可以問店員攞昆布高湯加入個丼到，再自己加紫菜同埋芝麻，呢個係勁好食！！推介一定要試🫶🏻💫 慢煮牛舌日本溫泉蛋丼 $68 （升級套餐+$18）啲牛舌好軟腍同埋甜甜地，$68嚟講算係抵食！+$18仲跟多一隻溫泉蛋+鰻魚肝白貝湯（都係飲到一半先發現有蜆喺入面，出其不意嘅餐廳🤣）+餐飲呢一set都好有飽足感🥰好啱食量中等嘅人另外飯入面都會有啲紫菜、蛋絲同埋枝豆✨📍鰻工房 (尖沙咀)尖沙咀赫德道1-3號利威商業大廈地下7號舖