麻市滋味館 (已結業)

好耐冇食過小菜但又想搵地道小菜，系openrice 搵到麻市滋味館食評又好似好正，一於同幾個朋友來試下。餐廳位置易搵系遙遠位置已見到招牌。酒香鴨舌鴨舌夠淋又夠入味，青瓜又夠爽口清甜酸酸辣辣。魚子醬焗桶蠔大大隻，粉又唔會太厚又啖啖肉，蠔又好新鮮仲有上面舖上好多魚子醬，咬落口卜卜脆。條魚師傅蒸得剛剛好，魚肉好嫩滑唔鞋，又夠新鮮👍家鄉大盆菜，椰菜花煮到好入味有少少微辣，又夠爽口又不會太咸。乳鴿香噴噴肉嫩。貴妃雞啖啖肉肉質嫩口。

今晚OT到2046同同事都餓到前胸貼後背，梗係要食返飽個肚慰勞下自己。所以就跟同事黎到呢間，佢之前食過話好得咁喎。一坐低朋友就即時點左個海鮮孖寶話係必食之選，叫我再點多兩個餸。花多眼亂下揀左兩個健康菜式，諗住清清地食一餐。見到雪花啤酒＄２０／支仲要買一送二，勁吸引。但近排QUOTA用晒唯有下次再黎過。先黎係孖寶之一蒜茸粉絲蒸扇貝，扇貝開邊蒸得剛好彈牙鮮味，粉絲吸收晒蔥蒜醬油嘅味道，非常惹味。之後係原條蒸沙巴龍躉，一上枱就知新鮮，塊魚鰭企到直一直。簡單以蔥絲芫茜豉油熟油調味，完全係食魚嘅鮮味。所以我地即刻加左兩個白飯慢慢品嚐條魚。蒸嘅時間掌握得啱啱好，魚肉嫩滑一啲魚腥味都無。魚皮帶點煙韌配上蔥薑絲食，真係零舍滋味。紅燒蝦仁豆腐又係一個非常好下飯的菜式。豆腐好入味，表面先煎香再經煨煮完全吸收晒紅燒醬汁嘅味道。入口滑溜溜咬都唔使就滑到喉嚨了。蝦仁好大粒，食落彈牙脆口一食就知唔係用雪藏貨色。粒粒新鮮剝殼再挑走蝦腸，配上醬汁豆腐真係食唔停口。瑤柱肉鬆浸勝瓜非常清甜，瑤柱同肉鬆都好多帶起左成個湯嘅味道。木耳爽脆，而勝瓜半煮半浸至全熟，食落軟腍中帶脆口唔會煮到糊仔咁爛。最後我地連個湯都唔放過，用黎撈

第二次來此店，今次舊同事一行8人聚會，可以試多款菜色。人未到齊，先點些小食～炸蝦多士和黃金豆腐粒，蝦多士要預訂，上枱後送到口邊仍感受到熱㷫感，勁香口，新鮮蝦好彈牙，麵包滿口油，難以避免此不滿，同碟的沙律很讚，有蘋果、梨同青瓜⋯⋯全是新鮮生果用心炮製，清新爽口。豆腐粒是盒裝滑豆腐，炸至每粒分明，炸皮很簿，有功夫，只是略欠味道。小炒王要求小辣迎合各人口味，韮菜花好嫩無渣，蝦干、銀魚干、菜甫充滿鹹鮮又有口感極惹味。啫啫芥蘭煲風格跟小炒王差不多，不同的係用煲上。要預訂的冬瓜盅可暫解濃味同油膩，有蝦、菇、肉⋯⋯清甜之中可一解暑熱。蒜蓉粉絲蒸聖子皇甚為鮮味。燒汁鱔燒至肉質超彈，燒汁入味，但表面好唔健康嘅焦黑要花點功夫去除。魚子醬炸桶蠔，滿滿的魚子醬汁帶點微辣，卜卜口感加炸蠔脆皮兩種層次，桶蠔感覺無污染放心食用。牛仔骨係為一位唔蠔唔鱔嘅朋友而點的，我已經捧腹了，沒有品嚐。開懷抵食的一餐值得再來

相約朋友在柯士典站覓食，今晚來到麻市滋味館。這是一間有本土風味的中菜餐廳，又有很多海鮮可供選擇。夏日炎炎，來一個冰鎮鮑魚作頭盤，沾上芥末吃下，透心涼的感覺！這是一道開胃的前菜。第二道是蒸扇貝。熱騰騰新鮮出爐的扇貝配上充足的蒜蓉，一流！第三道是乳鴿仔。一上桌，香味立即扑鼻！吃下去更是十分惹味，外皮燒到紅脆，肉質很滑嫰，雖然肉很算多，但肉、油脂、味道、口感的平衡做得到！第四道菜是全蟹蒸荷葉飯。這個賣相是十分搶眼，本身我是荷葉飯的fans, 但看到它的size, 也不免怕吃不完。蟹是新鮮即叫即磅即煮的，所以一上菜使是蟹香和荷葉香。新鮮的蟹當然是肉質鮮味，想不到，一大盤飯，我們竟然吃光了！今晚我們吃了很多貴價的海鮮，很滿足快樂！

上去佐敦童軍會交文件後，跟屋企人去食飯。平時開完會都會到這裏吃飯，貪這裏大件夾抵食，啤酒又平，幾個人除返都是百幾蚊，抵過去食個客飯。時間尚早，但一過7點就好多人，聽到店員問客人是否有訂枱。先點了$20/3支的雪花啤酒，味道較甜，但勝在夠平，過下口隱。每次必叫的酒香鴨舌，送酒一流，青瓜爽脆，鴨舌爽口，帶有點點麻辣，麻味比較重，辣味輕，怕辣的都可以吃到。西蘭花炒鮮魷，西蘭花炒得翠綠，鮮魷很爽口，份量頗多。金牌金字塔其實是梅菜扣肉，外型精緻，此餸很考刀工，扣肉一層叠一層，裏面是梅菜，扣肉肥瘦均勻，梅菜味道咸甜度適中，送飯一流。最貼心是連爐一起上，不怕冷了會油膩。套餐E有沙巴龍躉配貴妃雞，只是$208，非常抵吃。貴妃雞：一貫外出食雞都是雪雞，雞肉較鞋，無雞味。沙巴龍躉：火喉控制準確，龍躉新鮮，肉質嫩滑，都幾大條，估計有十二兩，鮮味十足。佐敦這一區來說算是不錯，條魚真是有驚喜，價錢便宜。

放工跟媽媽到佐敦買海味送禮，之後順便去吃飯。這間中菜館是在玉器市場附近，晚上要訂位留枱，因為地方不大，平日晚上七點多都會爆滿。除了晚市外，還有做午市，午餐都是$40，跟外面的餐廳差不多。食物款式算多，尤其是海鮮類，有十多廿款。雪花啤酒$20有3支，抵到爛。我們兩個人點了翡翠蟹子明蝦球、錦江豆腐、菠蘿咕嚕肉及豉椒鵝腸。錦江豆腐：材料豐富，除了有豆腐外，還有蝦仁，鮮魷，斑塊及冬菇。豆腐先煎後炆，非常軟滑，汁料是很輕微的辣度。翡翠蟹子明蝦球：外觀精緻，吸晴度高，蝦球上放了蟹子，下面是蛋白，蛋白底再舖上炸米粉，做法其實跟賽螃蟹差不多，只是上面多了蝦球。蝦球新鮮爽口，都幾大粒，蛋白炒得很滑，不會太油膩。菠蘿咕嚕肉：炸得過了火，肉質比較硬及乾，甜酸汁的味道適中，不會過甜或過酸。豉椒鵝腸：鵝腸比較韌，不夠爽脆，應是煮過了火，豉椒不會太咸，味道適中。食物味道不錯，份量十足，價錢合理，兩個人都不用$500，比去酒樓食飯更抵。

廟街附近有好多食海鮮的大排檔, 但夏天太熱了, 所以搵左間坐得舒服又有冷氣的。看過餐牌後便點了滋味孖寶D $178 (蒜茸粉絲蒸大元貝 + 燒乳鴿)蒜茸粉絲蒸大元貝大元貝好新鮮，上面舖滿蒜茸粉絲，香氣撲鼻。帶子非常鮮甜，肉質彈牙, 加上蒜茸食落很惹味。呢到個燒乳鴿皮脆肉滑,肉質唔會乾爭爭, 啖啖肉, 值得一試!金銀蛋浸莧菜 $68金銀蛋份量多, 莧菜食落清甜, 份量亦多, 上湯鮮甜, 味道不錯。薑蔥鮑魚 $130南非鮑魚size都幾大, 好新鮮, 食落口爽口彈牙, 配薑蔥炒真是太惹味了。蔥，蒜十分濃郁, 麵筋很吸味, 真係好正!! 游水海鮮價錢親民, 可以再來!

位置位於佐敦站油麻地站同柯士甸站正中心既麻市滋味館，其實只係距離百老匯電影中心過兩條街。位置雖然係比較難去，但係你食完餐飯都會覺得行咁遠係值得嘅。點解我會咁講?一齊嚟睇我嘅食評先啦。入面坐得都幾舒服，有卡位梳化凳。黎到既時候仲早，所以得一兩圍坐底左。半個鐘後，成間餐廳已滿，冇book位既都冇得入。我地坐正對住魚缸既餐牌。由於下場我地仲約左朋友食甜品，所以我地揀左啲冇咁飽肚既食物。睇過openrice既食評，我最後揀左必食既冰鎮鮑魚，白灼蝦同鹽焗蟹，再加多個金銀蛋 莧菜就岩岩好喇。冰鎮鮑魚冇錯真係必食既。鮑魚洗得乾淨，完全冇沙石痴住，可以一啖放落口，當然我冇咁做喇。鮑魚充滿海水鮮味係肉甜，口感彈牙豐富，夠晒肥美。每一啖都係絕佳美味，點埋芥辣豉油，鮮味散發晒出黎。食完一隻都真係唔夠喉。叫白灼蝦既原因就係想試下佢地呢啲蝦度夠唔夠鮮。食開白灼蝦都係細細隻，呢度9隻蝦，隻隻都成隻男人中指咁大隻，有一半蝦有蝦膏。味道當然係鮮甜無比，蝦肉夠實。點埋辣椒豉油更顯鮮味，亦正正係點解我地唔點黃金蝦既原因。黎到緊係要食蟹!鹽焗蟹好少係第二度地方食到，今次亦係我係第一次試。原來咁簡單既整法亦令蟹保留原有鮮味。

係呢頭剪完頭髮相約友人食飯, 黎一個女人的浪漫就諗起呢間小菜館, 之前食過覺得唔錯, 就再去開餐!好彩早到, 入座率已達九成, 氣氛相當熱鬧!之前食過佢既孖寶套餐, 有成六款選擇, 海鮮拼乳鴿/鷄, 最貴都係$228, 確係相當抵食, 我喜愛燒乳鴿, 友人係魚精, 叫滋味孖寶E就PERFECT!呢條沙巴龍躉約一斤重, 新鮮由魚缸撈出黎, 即叫即蒸, 淋上精製豉油及大量葱絲, 賣相已相當靠徥住火候時間控製得相當好, 夾開肉質相當嫩滑, 完全無渣, 魚皮亦都滑口, 唔會因為係套餐而將貨就價, 呢條魚係今餐之中係無得輸呀!孖寶另一款為燒乳鴿, 斬件上, 上枱時已聞到佢既香味食起黎熱辣辣, 皮香肉爆汁, 鹵水味都幾滲到入鴿肉內但又唔會過濃, 點少少喼汁食就係我最愛既食法, 每人半隻岩岩好!除左孖寶套餐外, 當然仲有好多小菜及海鮮類選擇, 又叫左幾款用黎送飯, 哈哈.....蟲草花蒸鷄 ($88), 以蟲草花及冬菇絲一齊清蒸, 鷄件份量都好對眼食起相黎相當嫩滑, 味道調教得幾好, 唯用油份量多左D, 減返D食落感覺會健康D豉椒鵝腸 ($88), 喜歡佢以大量香甜三色椒一齊炒, 炒得都幾夠火候,

經朋友介紹說油麻地有間街坊小館食小菜很有風味，雖然離港鐵有十多分鐘路程，但依然坐無虛席而且熱鬧非常全場爆滿，相信小菜水準靠得住😎冰鎮南非鮑魚(每隻$65) - 很大隻又厚身，極度鮮甜爽口彈牙，冰鎮能吃到鮑魚原身的鮮味，是不錯的選擇😋黃金炸豆腐 - 細細粒一啖一囗，外脆內嫩滑，很香口冰梅鮮肉排 - 冰梅微酸又甜絲絲很惹味，肉排入味又大件食得過癮奄仔蟹蒸糯米飯(細+$30）- 起初我想糯米飯會否太膩但出來效果如此夾，蟹膏融落糯米飯既有黏性又有咬口，奄仔蟹多膏鮮甜，蟹油，蒜蓉和蔥花撈在一起美味無比

同朋友好耐無見，大家都剛病好，想食小菜，見呢間小菜睇落唔錯，又有海鮮食，一於去試下。1830入座，唔算多人，兩個人坐卡位都幾舒服，點知坐底無耐全店滿座。小菜選擇都算多，好多野想食，但病初好唔敢亂叫，😭唯有下次再黎過，叫左幾樣菜無叫飯。黃金炸豆腐 $42炸得剛好，粉漿薄帶有小量芝麻，每粒都係實心，豆腐外脆內軟，夾起上黎無鬆散但又入口即溶既感覺，值得一讚。冰梅鮮肉排 $98新鮮豬肉，配上酸酸甜甜既醬汁，帶有梅香，夠哂開胃，而且剛好中和左肉既油膩感，食多幾件都唔怕，朋友都幾鐘意。蒜子上湯浸時蔬 $68簡左莧菜，份量足夠，上湯味道剛好，健康好食。見到有滋味套餐，有海鮮有肉，而且價錢實惠，都叫左個黎食。海鮮孖寶（A) $228蒜茸粉絲蒸扇貝4隻粉絲完全吸哂蒜茸同扇貝既鮮味，食落鮮甜，十分惹味。沙巴龍躉一條蒸既火候控制得剛好，肉質鮮嫩，魚皮滑脫脫，兩個女仔食哂條魚，夠哂滿足。百忙之中，欣賞侍應態度服務keep住都幾好，食完所有菜仲有甜品送添。芒果布甸可按個人喜好加上花奶，布甸甜度適中，朋友更憶起童年味道，最後滿足離場。店鋪雖然無靚靚既裝潢，但整理食物味道唔錯，而且服務ok，性價比高，下試再黎😉。

朋友約在佐敦飯聚，店面醒目很易找，門前更有泊車位，十分方便。食物整體不錯，份量、味度、熱度都令人滿意。乳鴿皮很脆但不油膩。蟶子炒得很入味，如三隻大蟶子能切開試碟會更佳。冰梅肉排調味做得很好，梅子味道突出。西蘭花帶子很足料，份量如山。砵酒蠔十分入味，蠔肉不腥，是很惹味的小菜。現今能煮得好吃的店實在不多，而這店做得很出色。蒸海鮮如扇貝和魚驚喜不大，但也達到應有水準。送的甜品很好吃，不是常見的甜品，很有心思。食物實在不錯，可惜這個晚上要做司機，不能盡情「啤一啤」。

見到朋友係ＩＧ打卡呢到食膏蟹蒸糯米飯，很吸引！即刻約食！嘿嘿照板煮碗，唔洗睇MENU就點左ＴＨＩＳ啦！糯米飯仲用蒜黎蒸，我地都好鍾意食蒜味，所以係極之滿意Ｄ飯又軟綿一Ｄ都唔硬，又吸收左Ｄ鮮蟹味嘿嘿我地隻奄仔蟹唔係太重兩，但是都算多膏，真係無黎錯！好正！飯係配角，但都真係比想像中好好味，差不多清哂！！超值一試呢到個燒乳鴿比起好多酒樓好味得多天啊！竟然又肥美又皮脆肉滑！又唔乾爭爭！好幼嫰，超值一試，嘿嘿睇圖都睇得出！！肉嫩多汁！！嘿嘿兩個人食３道菜，最後是西蘭花帶子，份量多，帶子夠鮮美大粒，個茨汁幾好，唔會死咸，嘿嘿

麻甩飯聚，相約在麻市滋味館。食店的模式就是簡單的海鮮、小菜、酒水。賣的是味道、人情、氣氛。主餐牌上的食物豐儉由人。特別的是海鮮孖寶十分化算，更特別的是買一送二的大啤，當然要一試啦！孖寶揀左扇貝配魚。扇貝好大隻，成隻手掌甘大，粉絲又多，十分抵食。另外點左蟶子重，重點同樣是大，入口啖啖肉，好精彩。估唔到呢度有砵酒焗蠔，因為製作工序多而繁複，已經唔係好多地方有得食。炸粉薄、蠔肉厚，口感好好。味道都做得唔錯。乳鴿都係鎮店之寶，外皮脆、肉嫩滑，肉汁全被鎖住。其他的小菜都唔錯。食飽飽估唔到仲有驚喜，係好大的驚喜。店主話有甜品送，呢類型的餐廳，一般係送紅豆沙、湯圓吧？完全無想像過，甜品竟是炸香蕉！心思、誠意，在小小的甜品上呈現哂。炸香蕉一d都唔馬虎，皮薄又脆，甜絲絲，好好食。無諗到店主對飯後甜品都會甘重視，可見佢真心重視每一位食客。呢一份重視，令我地都帶住滿滿的幸福感歸家。

早前朋友介紹，在佐敦玉石街附近，有間餐廳小菜唔錯，又有靚海鮮食，今晚諗唔到食乜，一於去佐敦試試這家麻市滋味館！餐廳位置有點吊腳，可從佐敦道轉入炮台街，一路行到街尾就是了。藍色的大招牌，不難找喎。我們兩人點了海鮮孖寶A餐($228)、冰鎮鮑魚兩隻($65隻）、薑蔥鮑魚兩隻（$65隻）。海鮮孖寶A餐的例牌白灼基圍蝦有9大隻，係越南虎蝦size，真係好大隻！而且非常新鮮！ ！例牌分量唔算多，但係真係好新鮮好好味👍🏻👍🏻👍🏻A餐另一樣係沙巴龍躉一條，唔算大條，不過肉質鮮嫩，蒸得剛好！$228有咁嘅質素，實在非常抵食，我去街市買都唔係呢個價錢啦！鮑魚同樣地新鮮，亦頗為大隻，一隻大約兩吋長。冰鎮鮑魚是原隻上，由於比較大隻，吃起上來有少少狼狽咁啦😂，沾上wasabi豉油，味道鮮甜，原汁原味！相比起冰鎮，我更愛薑蔥鮑魚😋😋用薑、蒜、蔥爆炒，加上麵根，鮑魚切半炒，再用小鐵鍋上，非常惹未👍🏻👍🏻👍🏻門口位置有個魚缸，裏面的海鮮生生猛猛，即點即上水再上磅！（呢3張相係臨走先影，基圍蝦已經被搶購一空了😛）麻市滋味館位置比較偏僻，不在大街之上，我相信就係因為咁，所以餐廳要用靚料來保持口碑。地方係雜啲，餐廳亦沒有