麻辣風雲 (京都廣場) (已結業)

今日同幾個朋友一齊去試麻辣菜式，平時佢哋食譚仔嘅中立，所以非常鍾意食辣。我哋就見到有人推介呢間麻辣通利喺銅鑼灣嘅麻辣菜式，佢哋嘅麻辣菜式包羅萬有，高水準回頭之選。花雕醉雞＄98花雕酒味非常之香濃，雞肉都非常滑，雞皮都好彈牙，酒味好出，真心好好食。酸菜魚 ＄268傳統嘅四川名菜，超足料夠3-4人share食，裡面有芽菜、芫荽、台灣黑魚片、豆卜、薯粉、白精靈菇、辣椒、酸菜、泡椒、菊花瓣、花椒等等。酸度辣度都可以根據自己喜好調教🤤我地嗌左少辣，辣度岩岩好，食落好舒服。 如果好似我咁唔係食到好辣就可以好似我咁嗌少辣🤪薑煸牛肉 $178佢哋嘅牛肉質素亦都非常之高，牛肉肉質非常亂畫之外，而且去加埋蔥等等嘅配料一齊炒非常有鑊氣，非常入味。龍眼冰＄38好大杯，打成沙冰好解辣，唔會太甜👍🏻👍🏻

之前朋友食過麻辣風雲旺角分店，今日就同朋友去咗銅鑼灣分店再食，銅鑼灣呢間分店餐廳嘅位置非常方便，喺銅鑼灣站C出口一出對面就係，銅鑼灣分店嘅裝修亦都非常適合打卡！😋黑松露煙燻溏心蛋$68食第一啖之後我就好肯定呢個係我食過最好食嘅糖心蛋，再配上黑松露醬，再添上多一重層次感.😋涼拌雞絲粉皮＄68開胃惹味嘅涼菜又點少得雞絲粉皮，雞絲、粉皮、青瓜絲三款食材唔同嘅口感撈埋一齊食，層次味道幾豐富幾醒胃。😋水煮牛肩肉 $268絕對唔係用普通肥牛黎，紅卜卜嘅外表唔足以嚇怕我. 牛肉份量都幾多，同樣下面有寬粉夠晒飽。😋椰汁冰 ＄38椰汁味濃，唔會太甜，解辣啊！

最近見到好多人都推薦呢間川菜，今晚同朋友去試一試。以紫黑色為主調， booking 都多，走嘅時候已經差唔多坐滿人。麻辣魚皮＄68好香麻辣味！魚皮滑嘟嘟，滿滿膠原😋黑松露煙燻溏心蛋$68糖心蛋我就真係成日喺拉麵店都會食嘅，煙燻味非常濃郁，香氣撲鼻!香辣茶碟炒蝦$188蝦肉鮮甜彈牙，將茶葉炸到香脆配合辣椒、蔥和芫茜等食材一齊炒，惹味之餘仲有啲茶香味!自選干鍋自選干鍋有四種口味可選，有蔥爆、重蒜、香辣和麻辣，辣度亦可按自己接受程度選擇。我哋點咗蓮藕片，牛片，牛柏葉，豚肉，枝竹。豚肉及牛肉片非常滑身爽口，味道不錯。

💕今次係午市時間嚟到麻辣風雲，發現佢地既午市套餐都幾抵食！而且仲見到香港比較少有既螺螄粉，一定要試試٩(˃̶͈̀௰˂̶͈́)و✨ 酸菜魚客飯 $88- 嚟到麻辣風雲，一定要食佢既酸菜魚😋估唔到酸菜魚既lunch set份量都好多!!!魚肉爽口，配料依然好豐富，例如有豆芽、油豆腐、金菇、寛粉、酸菜等等，以$88呢個價位，有呢個質素再配一碗白飯，絕對抵食( ´▽｀)✨ 砂鍋螺螄粉 $48- 如果鍾意食螺螄粉既話，一定要嚟試吓!!!佢既味道好正宗，香辣惹味🌶️份量都唔少，配上酸竹筍、木耳絲、酸豆角、炸枝竹同花生等，小新另外加配左$12既炸蛋，炸蛋大大塊，再放入粉到索滿湯汁，一口咬落去勁正(≧▽≦)另外再加咗鴨血同腩肉，好豐富😍而湯底酸酸辣辣，十分開胃，鍾意螺螄粉既不能錯過(˶‾᷄ ⁻̫ ‾᷅˵)✨ 炸饅頭(四件) $36-必食推介!!!!饅頭炸得好鬆脆，好香口，再配合埋煉奶，真係一流！😍✨ 麻辣雞翼尖 $32- 份量都算多，數返都有大約12隻左右～配上麻辣汁，十分惹味！😋✨ 鮮芒椰果玉露 $18- 午市套餐加$18就可以加配特飲～鮮芒椰果玉露味道好似平時甜品店食嘅楊枝甘露，不過呢杯就比較流質一啲，入面亦有椰果

3人去完工展會，天氣凍，想食滾熱辣嘅野暖下身，天時地利人和之下仲唔係時候去轉麻辣風雲，由ToNick恆仔開的川菜店，有唔少分店咁啱銅記有一間，想去好耐終於可一試。裝潢帶點中式，位子闊落坐得幾舒服，7點去到時間尚早唔算好多人，之後就越來越多人最好BOOK定位先。餐牌，食物選擇都幾多，但第一次幫襯，必試下招牌的酸菜魚，酸辣麻口味有得揀，適合我呢類怕辣但又想食辣的嘅人。用手機落單，都幾方便。前菜，每碟$9。炸饅頭，$58，草船借箭，甚有霸氣，船邊仲有噴煙效果實在太有氣勢了!炸饅頭口感外薄脆內軟熟，果然好味。酸菜魚，$268，要了中酸、小辣、小麻，酸菜魚相當足料，鱸魚肉份量十足，口感爽脆嫩滑，湯底味道酸鹹味平均小小辣，開胃又暖身，內有薯粉口感煙韌入味。黑糖脆炸糍粑，$58，甜品，糍粑口感軟糯，味道香甜。菊花蜜，$48，好大樽份量多，陶瓷酒壺及酒碗甚有特色，有古代把酒談歡之感，菊花蜜清潤。龍鳳檸樂，$28，友人的。食物好味，價格合理，坐得幾舒服，下次有機試下其他菜式。

今日同男朋友放假就出左去銅鑼灣，行下街順便係附近揾左間食麻辣菜嘅餐廳食飯。依間餐廳入到去個裝修都好有特色，仲係好有古色古香嘅感覺！麻辣夫妻肺片＄68夫妻肺片裏面嘅牛舌牛展幾爽口，麻辣汁夠哂麻，唔飲凍飲頂唔順，下次試埋雞腎！香辣茶碟炒蝦$188呢個香辣茶碟炒蝦係炒製過茶葉，配上蝦肉，濃濃的茶葉香，同辣椒非常夾，好香脆好有層次!自選干鍋蓮藕片，牛片，牛柏葉，豚肉，枝竹。牛肉片係滑牛嗰種牛肉都幾滑身，蓮藕片好爽口，整體覺得乾鍋係咁多樣嘢入邊最有驚喜！記得訂枱，夜晚都好多人等位，干鍋真係幾好食！整體來講質素都算唔錯，環境都幾乾淨嘅。

今日放工約咗男朋友去銅鑼灣食呢個水煮牛，因為個餐廳係食麻辣四川菜的，所以我哋都好期待😚我哋今次主要想食嘅就係佢個水煮牛😍水煮牛肩肉 $268水煮牛肩肉呢個係我哋最期待的，仲有見到佢個份量都好多好大份。見到佢個顏色就覺得個味道會係想像中咁麻咁辣，食落口果然冇失望！黑松露煙燻溏心蛋$68，花雕醉雞$98之後我哋都叫左兩個小食，分別就係黑松露煙燻溏心蛋和花雕醉雞。個黑松露煙燻糖心蛋好香黑松露味，糖心蛋亦都整到有蛋黃流心的感覺😋椰汁冰 ＄38我哋仲叫咗個椰汁冰解下辣，佢啲椰汁冰用嘅杯造型都非常特別，而且個椰汁冰唔會好甜👍🏻

“麻辣風雲”呢個名聽個名都夠曬特色，見食評都唔錯，所以就去試下。試左椒鹽魷魚鬚😊，覺得值得推介。色澤唔算太深色，只係略炸唔會太熱氣。香香口口幾吸引，肉唔會有渣，幾有趙口。水煮牛肩肉就愛辣之人必試。滿滿紅紅🌶️🌶️真係令人興奮。😏😏牛肉好正唔韌，完全浸入辣湯，茲味非常。呢種辛辣唔會太搶喉，唔會太過火，好過癮。甜品之選係黑糖脆炸糍粑。諗住係類似糯米糍咁樣嘅，其實佢係外皮脆脆地，入面就係糯米糍嘅質感啦。用上黑糖就比較健康，有少少略甜，不過可以接受。中意甜品嘅女士可以試下。🧍‍♀️推介度：8/10

出街食飯都好少話想讚下佢哋嘅飲品，但呢度真係令我好想寫下佢嘅菊花蜜 ＄48🥰🥰🌻。首先佢係成壺上嘅，個外型好靚，係粉紅色肥肥圓圓，上面有花花圖案，都幾有古代特色。用個碗載住啲菊花蜜都好有古代氣氛。味道都唔錯，清清甜甜咁好潤😋😋跟住講下前菜涼拌雞絲粉皮＄68。🐓個汁可能略咸左少少，但撈返雞絲同埋粉絲嚟食呢就啱啱好。你仲有絲絲嘅青瓜令口感更加爽脆。重頭戲係水煮牛肩肉 $268。🐂滿滿紅色相當吸引，差唔多成個面都係紅辣椒。牛肉索曬辣汁入味超正，質感亦唔鞋口。另一重頭戲花雕醉雞＄98。🐔成個感覺好清新。分量夠多啖啖肉，雞肉都充滿酒味而且好嫩口，真係令人好心醉。近銅鑼灣又想有特色，特別鐘意飲菊花蜜嘅，不妨試下呢間。

係旺角想食酸菜魚，一定會去我最愛的麻辣風雲。環境光猛又坐得舒服，一入門口就有個好特別既涼亭打卡一流📸最近佢地有新品螺螄粉，一於約埋朋友去食個lunch!🌟酸菜魚 $88午市客飯，有一窩酸菜魚和一個白飯。酸菜魚揀左少酸少辣，味道酸中帶麻好過癮。魚片嫩滑無骨，寬粉煙韌。配料有蘆筍，金菇，芽菜，豆卜，寬粉豆卜索晒D湯汁好惹味。最緊要係唔會有層油係面，食得健康超滿足😍🌟砂鍋螺螄粉 $80一大個砂窩份量十足，螺螄粉既酸臭味真係好特別! 用上正宗柳州特有米粉，配料有酸竹筍、木耳絲、酸豆角、鹹菜脯、花生和炸枝竹。我仲加左鴨血，雞翼尖和炸蛋更加豐富。米粉入口滑溜爽口，食落酸辣好過癮😝 炸蛋索晒湯汁好正! 2-3個人一齊食都好飽😚🌟炸饅頭 （4件）$36小食版的炸饅頭，佢地既炸饅頭真係世一，熱辣辣炸得外脆內軟，點埋煉奶食真係無得輸👍🏻🌟 涼拌皮蛋 $28皮蛋嫩滑好味，無腥味不苦澀，醬汁好惹味，食落清爽又開胃，作為前菜一流🤤🌟水蜜桃雜果梳打 / 冰爽龍眼冰 @$18食辣野點少得飲凍飲，兩杯飲品清爽，解辣一流🤩

呢間環境真係好唔錯，裝修風格，菜式擺盤都好特別，質素又ok，所以都幾推薦。兩公婆試左兩小菜都覺得好飽滿足了🥰。🤗麻辣夫妻肺片望落已經夠大碟，仲有點點芝麻同蔥花做點綴。每塊食材都好入味鹹鹹地啱啱好，肉質方面亦都夠鮮嫩唔會好嚡好韌。以68蚊嚟講真係算好好㗎。🤗自選干鍋可以自己自選配料嘅，我覺得都幾好。呢個干鍋都幾出色，全部食材都好入味，加埋點點辣椒，有股辣味真係無得頂。另外特別想讚下蓮藕、豆卜，普通食材之中我覺得都出奇地好食。由於佢分量都好多，所以兩人食都夠飽，價錢又合理，想一飽口福又愛辣嘅一定要來！

好耐無食辣野啦！呢排見到咁多人食，一於又去食下先😍😍1️⃣🍞炸饅頭 （$58）仙氣滿滿地出場既炸饅頭😂😂眼見每枱都會必點呢樣食品！炸饅頭用成架船黎上菜，而且仲有乾冰既水氣，十分吸睛😍 而炸饅頭炸得好香脆，火候剛剛好，唔會炸到太乾，點埋煉奶一齊食 very good 👍🏻🤤2️⃣🥗涼拌雞絲粉皮 （$68）雞絲粉皮份量比想像中大碟，各樣食材既份量都好充足，面頭淋上既麻醬好香口🥰
3️⃣🥘酸菜魚 （$268，寛粉+$30）
酸菜魚既酸同辣度可以自己選擇，所以大家可以自己配搭喜歡既口味～而我地就揀左小酸同小辣，驚太辣會食到流晒鼻水😂魚肉整得好滑，寛粉索埋湯粉加埋芽菜同萵苣，多重口感👍🏻🤤4️⃣ 🥘干鍋 （自選配料$218）干鍋可以自選配料，我地就揀左雞件、雞軟骨、特色牛肉餅、腐皮同唐生菜。除左配料之外，仲可以自選口味同辣度，口味有四款，分別係重蒜、葱爆、香辣同麻辣，我地揀左重蒜同小辣🤤成個鍋炒得好入味，仲有個細火係鍋底，唔怕食食下凍晒，但略嫌牛肉餅同雞軟骨份量少左啲啲🥲但記得要間唔中炒下，如果唔係好易痴底喔✨5️⃣ 🥖黑糖脆炸糍粑 （$58）有無人都好鐘意煙煙韌韌既口感🤤糍粑炸到外面好脆口，入面煙韌既既口感仲維

雖然我唔食辣野， 但真係天氣太凍。 為左保暖， 我試了一次麻辣午餐， 感覺好似不錯。 🤭（5⭐️最高）砂鍋螺螄粉 - 配腐皮、炸蛋、鴨血（5⭐️）好特別的螺螄粉， 外觀有少少似米線， 內有酸竹筍、木耳絲、酸豆角、酸菜脯、炸支竹及花生。❤️‍🔥 份量已足夠一人食。 我額外加配腐皮及鴨血。腐皮加入了麻辣油， 好入味。 😋招牌酸菜魚（5⭐️）當中加入了薯粉， 而且額外配上白飯， 好適合兩個人一齊食😋😋。 好幼滑既薯粉配上以酸味主的湯底， 真係唔錯🤩。 魚片幼細， 無骨而入味👍🏻👍🏻。炸饅頭、惹味雞軟骨（5⭐️）炸饅頭加煉奶可以中和辣度， 正😘；惹味雞軟骨是加入辣油， 每咬一口都好滋味🤩👍🏻🍹特飲： 龍眼冰好少見龍眼冰甘多龍眼， 勝價比超高🥰

酸菜魚還可以，但食到尾聲嘅時候就見到條膠，想像唔到如果真係食咗落肚會有咩後果，入院做手術都似。麻煩該餐廳注意下衛生，食到呢啲異物，真係覺得好嘔心。唔會再黎，如果你黎，你可能就係下一個食到異物嘅人，有圖有真相。

今次食午市套餐，我哋揀咗個中辣，份量好大，味道好食，尤其佢的寬薯粉，夠晒厚和入味 $63麻辣鴨血酸菜魚$88酸菜魚，酸咗少少，味道都好食，下次小酸都好足夠。夫妻肺片$38跟餐叫了夫妻肺片，小食同樣出色。呢個價錢可以再去食多次。