208
56
40
| 餐厅: | 灣景廳 |
|---|---|
| 资讯: |
为鼓励食肆透过提供食物份量选择和采取减少厨余措施，与顾客共同从源头减少厨余，环境保护署推出了「咪嘥嘢食店」计划，参与食肆如符合评核准则将获「咪嘥嘢食店」认可资格和获发「咪嘥嘢食店」的标志及标贴，以供张贴於店舖内和宣传，供顾客识别。此计划全年均接受申请，申请费用全免。
详情可浏览：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
港铁湾仔站 A5 出口
继续阅读
电话号码
39099088
57212553 (whatsapp)
开饭介绍
飽覽迷人維多利亞港美景的香港灣景國際灣景廳，供應多種模式的就餐選擇，如自助早餐、午餐、晚餐，以及各時段的散餐選擇。酒店餐廳並定期於晚餐時段推出各國風味或主題的酒店自助餐，由廚師精選的寰宇美饌，定能為饌客的味蕾帶來嶄新的飲食體驗。
继续阅读
营业时间
今日营业
07:00 - 22:00
星期一至日
07:00 - 22:00
以上资料只供参考，请与餐厅确认详情
有关餐厅
有关奖赏计划
相关文章
依家自助餐係我第一次試，我覺得星期六仲要係晚餐價錢唔貴，一日$488 連加一主題係海鮮盛宴，開頭諗住去假期，而且晚餐咁平應該選擇唔多，但去到比較想像中多，冷盤有長腳蟹腳，蜆、螺、青口，另外有一款係小龍蝦，我就唔啱，意想不到係有生蠔，各種刺身，刺身中大部份款式都味道不錯，反而三文魚同埋鯛魚就冇乜味道。另外一日送一隻芝士焗龍蝦，熟食方面，有醉酒鮑魚、蒸扇貝、蒸魚、焗雜錦海鮮等，先食物方便我覺得最好食係羊架，而且有得即叫即煮意粉，不過我太飽所以冇試，另外當然仲有牛扒、威靈頓焗三文魚，另外仲有一啲中式食品，例如片皮鴨、小籠包等，熟食方面唔算太多款，不過都叫做平時自助餐嘅食物都有。飲品方面，有得任飲樽裝汽水，橙汁，紅茶，其他熱飲等等，另外湯類有忌廉蘑菇湯，以及豬骨猴頭菇湯，但係反而我覺得中湯好似落得較多味精，普普通通。甜品方面，亦有各式各樣嘅蛋糕，另外有即整的榴槤蛋撻，莎翁、格仔餅，另外仲有好多款雪糕選擇😋整體嚟講，我覺得依間自助餐性價比都算高，服務態度亦好好，不過海鮮類大部份都冇乜鮮味，但呢個價錢款式亦都比較像中好。😆
继续阅读
2018年曾經惠顧，最近見到網站有自助晚餐優惠（成人約$420，長者近$400），臨近中秋團聚，所以決定同父母連帶親戚去再次品嚐。。因為可以由開頭食到9點30分，所以本身6點45分，已經有不少人在用餐。生蠔：要排隊等，但好快有，職員一直係你面前剝，蠔大隻同乾淨，一般鮮甜。（不過上一次食，係可以自己任拎，而且阿爸印象好深刻係好好好食）刺身：最好食係鯛魚同八爪魚，夠彈牙同有味，其次係吞拿魚同希靈魚，厚切；甜蝦、（帶子？），正常發輝；三文魚，「爭鮮」質素。（職員好有禮貌和有耐性，而且唔會切到太薄畀你，一碟又可以樣樣畀你試）海鮮：翡翠螺最好食、其次是蜆，蝦和青口是正常水平。蟹，見仁見智，建議不要吃蟹腳。芝士焗龍蝦：每人要憑券，問職員就可以換半邊龍蝦一隻。本身不偏食，個人覺得芝士味太勁，好膩。（阿爸激讚龍蝦肉煙韌同膏多，阿媽說幾好食，不過呢款煮法都係食芝士味為主，會遮蓋龍蝦味）熟食：幾乎每樣熟食都有試過。（相片只是其中一部分）燒牛肉、燒豬肉、咖啡羊肉：幾好食，可多食；燒羊架：父母說好食，但易飽；炸物（蝴蝶蝦、炸蠔、蝦球、薯角）：炸粉較多，時而硬時而鬆脆，也推介一試；北京填鴨／扁皮鴨、熟食牛頰肉：肉厚太韌，阿爸咬不到，不推薦。小籠包和其他：正常發揮。比目魚、辣酒煮螺：你胃的容量，是留給其他食物的。一般不會在自助餐食的：沒食。（７點半供應燒鵝肝，２０幾人排隊，Skip咗無食）甜品：款式不多，其實還有窩夫、迷你泡芙、Pancake、不過無試。布甸：同桌的長者都說好食，說酸甜？？？我食完，似楊枝甘露，不適合年輕既我食。黑森林蛋糕：長者說好食，不過加入了「霖酒」，個人覺得蛋糕好酸。其他：正常發揮。椰汁桂花糕：椰汁和桂花味道不夾，桂花味淡、咬感：硬。雪糕：有兩款，另外一款香港製造（可可貝妮雪糕），食哪款，自行決定。綜合上述，如果約$400呢個價錢食夜晚自助餐，如果唔係好高要求，係值既。
继续阅读
話說同事心急想食有生蠔自助餐,我只諗到會展同附近既呢間。會展＄798+10％，而呢度同事介紹之下亦參考咗食評話問咗＄438+10％，亦心覺得附合食評。自己亦曾經嚟過一次自助晚餐但已經係10年前,當時刺身水準幾好,好大粒好新鮮,幾年前亦去過佢哋中菜廳中午包房。今次再嚟必定係海鮮,刺身先,再行一圈覺得＄500/位,以晚上嚟講還可以,因為款式唔算多,同事亦加咗＄99/位任飲白酒,紅酒,無強制全枱飲,甜品方面有H同coco,最驚喜既熟食係豬腳姜,好好食,飲品任斟，咖啡茶亦有支裝汽水。海鮮-生蠔,長腳蟹,蟹鉗,螺,麵包蟹-好少貨。比較最貴同出色-鵝肝,羊架（可惜唔夠熟）,其他睇落似普通自助午餐的款式,每人有半邊焗龍蝦,我哋只有兩個人攞咗,因為太多芝士好”濟“。直到埋單後既時候先知道同同事所問既價錢差咁遠,回想食過既野再對比我之前既食評,感覺貴到伏了,唔計酒,信用卡折後要平均＄700位,一次夠了,如果一早唔係出錯,揀會x差不多價錢會更好更多款式而且已包子紅白酒任飲
继续阅读
在會展參加完課程，到附近的酒店食自助餐。未想到餐廳很多深度遊的團客，好不熱鬧。食物的種類未算太多，尤其是冰鎮海鮮被搶奪一空雖然補充得亦算頻繁，但小人手腳慢亦搶不了多少！凍海鮮有青口、蝦、蜆以及東風螺，當中的青口與蝦最鮮美。芝麻菜和青瓜十分清爽，加入凱撒沙律汁與芝士，非常味美！豬肉杞子燒賣和春卷同樣夠熱，各勝所長。牛油煮肓鰽厚而豐腴，滋味得很。魚生、鴨胸及炒飯都不俗，濕潤有致。反為車仔檔的丸類和獅子狗很多粉，不太討好。甜品的豆腐花加了薑汁糖水，暖暖的滑入口裡。而最驚豔的是蛋散，極之香脆，甜度亦適中！雪糕是本地產品，吃下果然有爆谷味，有趣！自助餐不一定需要生蠔、鮑魚或花膠，平實無華亦一樣令人食得開懷滿足！
继续阅读
食物方面：-刺身：新鮮，幾好味😋-海鮮：種類算多！生蠔特別好食，新鮮肥美😋食咗差唔多30隻😂長腳蟹就好鹹～其他海鮮都ok熟食：選擇較少，味道一般～比較特別係有即煎鵝肝同羊架，幾好味😋甜品：選擇好少，味道一般～～服務方面：極差～我同朋友好早去到，職員安排一個好差既位置俾我地，冷氣吹正頭頂～叫換位，堅持唔換，而且態度差，話關冷氣都唔換，其實係有好多位～佢聲稱關咗冷氣，但依然吹正頭頂～錢就俾咗，有個舒服既環境食嘢係咪好正常先🤔最後我同個fd話走，佢先肯換～環境方面：好差，應該以食客舒適度優先黎安排座位性價比方面：網上訂座優惠，7折後$500幾備註：建議酒店認真管理員工，確保服務質素如果覺得我寫既食評幫到你既話，記得follow，like，同埋share俾你身邊鍾意食好味嘢既朋友，感謝！😋😋😋😆😆😆
继续阅读