影片
开饭介绍
餐廳供應多款日式料理，其中壽司卷系列更引入充滿創意、色彩豐富的美加風味。菜式定價合理，座位舒適，適合多人分享美食。
继续阅读
营业时间
今日营业
12:00 - 16:00
17:30 - 23:00
星期一至五
12:00 - 16:00
17:30 - 23:00
星期六至日
12:00 - 23:00
公众假期
12:00 - 23:00
公众假期前夕
12:00 - 16:00
17:30 - 23:00
以上资料只供参考，请与餐厅确认详情
有关奖赏计划
相关文章
年尾真係好多朋友生日啊！最近好似興起畫碟，代替生日蛋糕🎂去餐廳食餐好嘅，真係儀式感十足呀！🍣橫綱力士龍蝦卷橫綱是相撲力士資格的最高級，等於用龍蝦黎做飯卷都一樣咁高級！真係好特色！這款卷物結合了鰻魚、龍蝦、牛油果，層層疊疊，口感極度豐富，，令人回味無窮。其中龍蝦肉肉味清甜，肉質結實飽滿彈牙，帶來令人滿足的味覺體驗。🍣蓮子鯛嘩！擺盤超美，好啱打卡啊！蓮子鯛肉質緊實，鮮味十足 ，晶瑩剔透嘅魚肉 配上山葵同醬油點綴提升鮮味 ，真係啖啖鮮甜。
继续阅读
今晚我哋去咗The One嘅古今二食晚餐，雖然冇試佢哋嘅招牌卷物，但點咗朋友最鍾意嘅牛肉壽喜鍋。牛肉壽喜鍋呢道菜店員極力推薦，端上嚟時我哋都嚇一跳，因為煲真係好大！入面有好多豆腐、兩隻大菇🍄、豐富牛肉同埋娃娃菜。加埋蛋漿一齊食，真係絕配💕大阪自家製炸雞炸雞熱辣辣上桌，咬落去超脆，炸粉唔厚，邪惡又好味😈。日式章魚小丸子呢個章魚燒超抵，同外賣店價錢差唔多，外皮脆脆，味道一流。呢餐真係好滿足，值得推薦俾大家！
继续阅读
今日嚟到尖沙咀，好想食日本嘢。之前都食過呢一間日本餐廳幾次，原來佢喺幾個地區區都有分店，佢嘅款式都依然係好有特色，今日我就叫咗三樣嘢食。黑龍卷 蜘蛛佢有好多唔同款式嘅飯卷，今日就叫咗佢呢一個卷物。佢係由兩款卷物組成，分別係鰻魚卷同軟殼蟹卷。份量都唔使，而且每一個卷入邊都有幾款配菜，口感都幾豐富。魴弗另外就叫咗一份刺身片，佢嘅魚肉都頗為新鮮，而且擺盤非常之靚，打卡非常適合。鹽燒鯖魚最後叫咗一份熱嘅菜式，就係鹽燒鯖魚。份量唔算好大，但係味道好香，配埋佢嘅醋汁，成個配搭相當唔錯。
继续阅读
每次食古今都唔會失望，啲創意卷物真係每次食都有驚喜❤️食物一上枱又好睇又吸引🤩完全係打卡able🤤重點係好好食😋呢次叫左個超級龍捲風同火焰金龍卷😍先講超級龍捲風，有鰻魚、海老、芝士、青瓜同脆片🥰味道好夾，口感層次又豐富，最鍾意就係佢有脆片，越食越惹味😋另外火焰金龍卷都好正，有三文魚，炸蝦同芝士，味道同超級火龍卷截然不同，但一樣好味🤤然後到極上刺身盛，擺盤靚到呢😳果然係人氣之選，完全對得起呢個價錢，夠晒豪華，啲刺身又新鮮又好味，海膽零舍高質👍🏻大讚！
继续阅读
好朋友是要見面的，可能人越大及在這唞不過氣的大時代氣氛下，能有朋友互相傾訴心事更加要珍惜。繼續分享生日飯，主角不是我，而是好朋友 羅沛琪 Pinky Lo (又名姥 Pink) ，沒有驚天地泣鬼神的什麼慶祝，出來吃飯傾談近況，已經可以雞啄唔斷和，笑到肚痛！今回約了在 THE ONE 的「古今二」吃日本菜，我是第一次光顧，知道它主打不同的卷物，估不到來到見到食物都幾多樣化，由刺身、燒肉、串燒等等都有：「龍捲風沙律」$58主要是一大堆新鮮蔬菜，上面灑上薄脆及蟹籽，再淋上日本柚子沙律汁。這個只要食材新鮮，是沒有失手的理由，穩穩陣陣，夏日清爽好開始。沙律汁不夠的話，也可隨時叫侍應添補。「火炙左口魚裙邊壽司 / 中腹吞拿魚壽司」$218 / 各兩件壽司是比較昂貴的項目，size 袖珍，外貌則有點像手握壽司：火炙左口魚裙邊壽司做得不錯，有下過功夫，裙邊部位靚，輕燒過後油脂更香口，頂層蘿蔔蓉及香蔥粒也增加了食味層次：反而中腹吞拿魚壽司稍見平凡，沒有預期中的魚味，加上性價比不高，下次可以叫第二樣：「倫敦橋」$148賣相很吸引眼球，侍應說是這類受歡迎的卷物之一！四件青瓜卷，上面放北海道赤海膽，味道甘甜，好吃：整體組合我覺得不錯，每件不會太多飯令人吃得太飽，下面淡味青瓜可襯托出海膽的甜美。這裡淨叫一版海膽要四百幾蚊，我會建議點這個「London Bridge」，海膽份量也不算少！「伊勢海老可樂餅」$48炸得非常酥脆，惹人喜愛的吉列皮！內裏有薯蓉、忌廉、蝦粒等，少許流心狀態，外鬆內軟且燙嘴，小朋友們應該會很喜歡：串燒每樣來一款！「厚燒牛舌串」$65「鹿兒島黑豚五花肉串」$58牛舌柔軟，厚切絕對有令它加分：反而黑豚五花肉燒得比較乾，可以輕手啲留返多些肉汁。餐廳沒有什麼甜品選擇，就叫個「吞拿魚牛油果卷」$84 作為牛一賀禮，送給姥 Pink :有了牛油果的加持，反高潮地此普通吞拿魚卷物比剛才的中腹吞拿魚壽司好吃，油脂感更重，兩者之間，我也會更推薦這項。雖然呢餐沒有生日蠟燭，沒有生日禮物，一切盡在不言中！
继续阅读
您可能会有兴趣的...