Backyard (已結業)

聖誕假期難得過開荃灣區，一於睇下open rice既介紹~搵到呢間西餐廳，好似幾好喎，打個電話黎book位，26/12就算早一日book都有，店員話分兩輪(11點同1點)，我地揀左後者。準時1點入坐，店員全都是年青人，難得的有禮貌和耐性服務食客。當日有semi buffet(sorry無影到相)，再加埋main既餐牌，可以任選一，價位大約128-168左右未加一。我點了個紅鮪魚餐，老公就叫了他常吃的漢堡。由於他喉嚨痛，所以弱弱的問下店員個薯條可否轉其他食物，又意外地轉左個沙律比我地讚!講下semi buffet先，我地一早舀左個湯，一飲先發現原來係麥皮，跟住聽到隔離檯都有同樣既疑問~下次大家再去如果見到疑似忌廉湯，可以先問下店員以確定喔又或如果放個牌子，就會更清楚。Semi buffet的選擇多，有沙律，甜品仲有自製格仔pancake機，易用又好味。到主菜，我個紅鮪好大塊，賣相非常好，且啖啖肉。不過，我食開既紅鮪多數都係中餐蒸，今次西餐感覺佢有點結實份量搭夠。呢間值得推介，下次黎荃灣都會考慮再探佢

倒數前夕黎到荃灣心諗住食西餐，經過見到環境都似唔錯就諗住試下由於時間太早，餐廳唔係好多人，坐得好舒服服務員態度都好好，成日主動加水，主動落ORDER餐前既麵包幾好食好鬆軟我地2個人叫左炸魚薯條，黑松露牛肝菌意大利飯同埋豬手 每樣既分量都好多，最後都食唔哂炸魚外脆內軟，分量多食唔哂，冇雪魚味豬手好大份，D肉好入味，好好食仲有個黑松露牛肝菌意大利飯， 好濃好好味，仲有2塊好大塊既姑Overall 都好滿意，值得黎試!

星期日嘅brunch約咗朋友去荃灣食呢間嘅brunch。因為朋友遲到，所以我哋就食住沙律等佢，佢哋嘅沙律🥗、小食同埋湯都係任食，質素還好。不過有日式八爪魚仔，即製夾餅、麻醬豆腐等咁多食物，我覺得以呢個價錢係抵既。我食咗炸魚薯條🍟，千萬別小看他份量好似好細，其實都好夠飽。仲要加埋沙律同埋任食嘅小食，就係絕對夠食嘅。炸魚外脆內軟，魚有鮮味唔會有雪藏味，薯條炸到脆卜卜，全部都即叫即整，絕對係誠意之作。

本身諗住係荃灣食lunch,點知落車見到呢間餐廳幾靚又寫住有半自助餐，就膽粗粗問下仲有無位，點知1點仲有幾張枱，即刻book,行一陣就夠鐘，但係我地1點去到，有大約20人排緊隊，啲人又亂咁排，安排有啲亂，差唔多10分鐘先入到去，待應又唔太夠。叫左班尼狄蛋配沙津，呢個好好食麵包甜甜地有烘過配合埋半熟蛋好夾炸魚薯條🍟應該整定，黎到魚同薯條都凍既，魚個皮好淋，薯條唔脆出面既沙津小食選擇唔算太多，但菜好新鮮仲有幾款沙津幾好甜品正常，聖誕$300兩個人食都好抵，下次平日再黎過

Weekend約咗同朋友慶祝生日，揀咗呢間情調都幾好嘅西餐廳。今晚由壽星決定食乜！一坐低冇耐就有麵包籃，入面有好幾款麵包，最好食係脆麵包條。我地點左一個set dinner 再加其他嘢。 set dinner 有餐湯同埋前菜。炸海鮮春卷幾好味，入面好多蟹肉侍應推介我哋食蒜蓉白酒煮蜆，真係冇介紹錯！蜆肉厚肉大隻，味道又鮮甜！跟住點左份fish and chip, 餐牌寫呢個係小食，不過其實好大份！d魚有小小燶，薯條就好正，熱辣辣，份量仲要好多呢個係烤德國豬手，$178超大份！外皮好香，入面嘅肉幾嫩滑，而且幾入味，食肉獸就一定鍾意食！旁邊酸菜都好正，好開胃的呢個係set dinner的牛柳，好厚身，口感好正，牛味濃郁！配菜都好有heart, 千祈唔好錯過！Set dinner 有餐飲同甜品，我哋仲另外點咗甜品！餐廳可以幫我地寫埋字，壽星仔見到都有啲surprise下次有慶祝活動可以再嚟呢度！

今晚和朋友聚會，有另一位熟悉荃灣區的朋友介紹這家西餐廳。我們一行三人預先訂座，即使星期日晚上，食客不算很多，環境不嘈吵，頗舒適。我們點了食物，吃餐前麵包，已經有驚喜。餐包軟棉彈牙，麥味濃；而長條形的餅乾很香脆，配了橄欖油，味道很配合。凱薩沙律凱薩沙律份量多，蔬菜新鮮，菜葉爽脆，配了沙律醬，是開胃的前菜。豬肋骨配薯條只是$168，但份量極大，令我們嚇了一跳。豬肋骨表面的甜酸醬調得很好，豬肋骨之間的肉塊烤得軟腍入味。薯條帶點香辣，刺激了味覺。蜆肉扁意粉有很多大大隻的蜆肉，加上一顆顆鮮紅的車厘茄，賣相十分吸引。蜆肉肉質甜美的，不堅韌，扁意粉滑溜腍身，整體不錯。鮮肉腸雜菌薄餅薄餅香噴噴的，散發著芝士的香氣，味道很濃郁。加上一片片磨菇，多汁而甜美。薄餅巨型，差點吃不完。食物質素真的不錯，價錢不昂貴，值得推介。

今日天氣好好，突然之間好想嘆番杯咖啡，就去咗呢間(從未試過的)，一入到去，啲職員好友善咁招待我地，仲好細心咁同我地講，邊個座位會晒到太陽。由於已經係下午茶時間，職員介紹咗個餐俾我地，個餐有一杯飲品，同埋一件任選嘅蛋糕。由於已經食咗嘢，我地只好飲杯咖啡。環境好清靜及裝修好優雅，坐得好舒服。當然杯咖啡好好飲啦。到埋單嘅時候，職員仲問我地，杯咖啡好唔好飲吖？而家好小咁有誠意嘅職員，真係好有誠意。忘記問佢叫乜名……下次一定會再幫襯。

翻工咁辛苦，當然要食d好嘢補償下自己啦。好多朋友都食過backyard。話環境很好，好大，好舒服！終於有時間黎！果然真係大！樓底又高！👍🏻👍🏻我地點左一個set加一個單點的Risotto。咁樣兩個人已經好夠食，好飽啦！個牛要左medium，其實我平時喜歡食medium rare。但就翻個同事。不過口感都好好！個risotto好正，好creamy啊！好重的蘑菇味，鍾意食菇菇的一定要點哦！服務員都招呼也不錯，還安排我們坐一個不會被騷擾到的位置！成餐飯感覺很舒服！😊😊😊

裝修特別，水管設計，樓底十分高！先來了籃麵包，加黑醋及檻欖油一齊食炸海鮮春卷配芒果沙沙醬微酸微辣的，開胃，春卷外皮不是飲茶點心的薄皮，厚身，但也脆口，餡料應用上魷魚，紅蘿蔔，椰菜等等做，吃下有咬口，不會乾，有特式。All day breakfast黑松露炒蛋，香腸，煙肉，蕃茄，雜菌，薯餅，紅菜頭麵包，沙律， 感到用料有質數，紅菜頭麵包，外邊少有，外皮脆帶甜的香腸，不會膩，炒蛋份量足，沒有想過會加上松露醬，煙肉甘香，伴少許沙律，夠飽了。燒烤汁燒肋骨barbecue pork ribs。依個係全餐最好味嗰個。啲燒烤汁入哂落啲肋骨肉裏面，十分惹味。好難得喺香港揾到啲咁入味嘅燒肋骨，今次十分滿意。澳洲牛排配迷迭香汁，牛排肉質嫩滑，十分juicy，配上迷迭香汁簡直係絕配。

呢晚老婆要食牛排係地鐵站附近搵到呢間晚餐價格相對較貴既呢日18:00去到 岩岩開始晚市相對較小人.⭐️烤美國頂級安格斯牛肉眼扒配迷迭香汁（10oz.) $288今日叫左7成熟👍🏻厚度同熱力烤出黎幾平均 塊牛都夠厚👍🏻肉味十足 食得出牛排既質素 加分 但如果食得生d既朋友 5成熟會好d旁邊仲有d薯仔菜同豆👍🏻店員服務分都爆燈基本上你個水杯係唔會冇水既（佢地加水同收碟速度有酒店水準）（拍拖帶黎呢到實加分）.⭐️黑松露牛肝菌意大利飯$148👍🏻呢個飯 好食 有淡淡既黑松露香👍🏻牛肝菌2塊夠濃味👍🏻飯既軟硬都做得好好但份量男仔食一個可能就未必夠飽啦.⭐️餐廳都座得幾舒服 帶有小小暗小小浪漫 溝女黎呢到實加分呀.#backyard地址：荃灣青山公路388號8咪半地下G1號舖.⭐️評分：味道：5/5 環境：4.5/5服務：5/5衛生：5/5抵食：4/5.‼️想睇更多資訊‼️openrice/大眾點評 ： 歡歡增肥之旅

位於荃灣嘅Backyard係一間意式西餐廳，餐廳設有落地玻璃，可以望向荃灣街景，最啱平日放工或假日到來吃一頓豐富的飯！餐廳裝潢以木系和盆栽為主，感覺悠閒放鬆星期六日及公眾假期設有自助早餐、半自助午餐同自助下午茶，價格相宜，啱晒朋友或家庭聚餐，情侶黎撐枱腳都可以的啊同朋友當日2:30pm就黎到食自助下午茶，每位$88，自助餐區只有一個小區域，食物款式同數量不過不失。基本的沙律/前菜有數款，沙律菜都好碧綠新鮮！仲有好健康嘅藜麥沙律！熱盤方面則有芝士煙肉意粉、雞肉串、雜肉腸、火雞腿、炸薯條同麥樂雞等等輕食類為主甜品糕點區裏數量唔算好多，款式比較大路幾欣賞當中嘅雞肉丸同芝士意粉，番茄醬意粉酸酸甜甜好開胃，配埋雞肉丸食好Perfect小食方面，素菜pizza同薯條都好出色，Pizza用料好充足！好豐富！而比較出色的甜點有蘋果金寶、英式鬆餅同朱古力muffin，甜度適中，鬆軟可口，好味道！食Tea當然要嘆番杯濃香咖啡，咖啡好醇香玫瑰荔枝伯爵茶，伯爵茶好香濃，玫瑰荔枝使到杯茶更清香，好好飲

第1樣野一定要講既係員工服務態度真係超好👍🏻我地幾個不斷問關於啲野食問題 佢地都係keep住笑容耐心解答☺有賓到如歸既感覺另外食物水準高！份量多！上菜速度頗快! 😁我地叫左炸魚薯條、芝士pizza、黑炭軟殼蟹漢堡配薯條、黑松露野菌意大利飯，BBQ醬豬肋骨配薯條！叫完無諗過咁多薯條 但真係好食香脆😂呢盤野新鮮炸起 嚟到係出緊煙😂魚份量幾多 我地4個人share都食左2塊！啲薯條完全無得輸個pizza看似好簡陋 無咩配料 但係啲芝士係勁拉絲同味道好突出 連平時只食厚批既我都覺得好好食 食左3塊😂😂個飯好似比起之前果幾道少左d😂但唔緊要 味道搭夠🤪黑松露味係濃郁既正餐後要食甜品 檸檬蛋糕好清新好開胃！一開頭會覺得好酸頂唔順 但食食下就愈食愈想食😂都幾啱喺用餐前食😂

星期六到了荃灣覓食，一下車便見到這間”Backyard”，這似乎是一個啟示，不用考慮便入了餐廳，餐廳裝修帶有一些綠色元素，舒適休閒。 午餐方面，原來主推semi buffet lunch，只需選一項主食，就可享受自助區內的美食，價格非常合理，由$118起至$168，共有8個餐選擇。分別點了烤豬胺架配雜莓汁及和牛漢堡配薯條，等待期間先到自助區看看，自助區的食物擺放得整整齊齊，選擇頗多應有盡有，例如有麵包餐湯區;甜品區 – 焦糖布丁，朱古力噴泉， DIY 窩夫，新鮮生果等等;前菜區 –沙律， 香腸火腿， 漢堡扒， 炸薯餅，中華沙律， 螺肉等等，最後有餐飲區。自助區烤豬胺架配雜莓汁 $158 - 厚切的豬胺架相當震撼， 很大的一塊，根本就是斧頭扒的SIZE，切開肉汁豐富，完全滿足了”肉”望， 配搭的雜莓汁酸甜有效減低油膩感，另外配菜有新薯， 荷蘭豆， 車厘茄，粟米仔等，整碟菜色彩繽紛。和牛漢堡配薯條 $148 – 以木板呈上，薯條新鮮香脆，到了主角和牛漢堡，半溶的芝士沿漢堡邊流出，賣相很吸引，麵包表面有一塊酸青瓜，咬開漢堡更驚喜，除了有番茄及生菜，驚喜位是那塊厚厚的和牛漢堡，充滿口感及肉汁，

今日就係荃灣ikea購物開心完, 之後好攰啦, 就喺樓下一間餐廳食晚飯餐廳樓底非常之高, 給人一種非常舒服的感覺, 餐廳提供咗set dinner, 價錢又228至338 先呢一個餐包, 有提子包, 芝麻包,  同埋意大利長麵包條,  點油醋汁食, 開開個胃先, 味道唔錯之後就食頭盤, 炸海鮮春卷沙律配芒果莎莎醬,  炸得非常之脆身, 香口, 裏面仲有魷魚條, 好彈牙, 點芒果莎莎醬一齊食, 非常滋味叫咗個慢煮牛肋條寬條麵,  分量非常之大, 250蚊絕對係超值, 分量絕對係可以兩個人食佢個牛肋條,  切成細細塊, 變成醬汁, 令到寬條麵非常之入味, 每一條寬條麵都蘊藏著醬汁,  牛肋條 有口感, aftertaste非常之強,  寬條麵q彈, 感覺滿足最後仲食埋個朱古力慕士做甜品, 裏面有朱古力味之外仲夾雜住酒香添, 今晚真係大滿足

前一陣子在街上碰上姑姊，因太耐冇見，差點兒認不了，因近來工作不是太忙碌，就打電話約佢食飯同埋攞啲手信俾佢，就係佢屋企附近嘅中國染廠大厦地下嘅Backyard餐廳見面，去到嘅時候，姑姊已經等緊我，座底之後，問嗰侍應攞咗餐牌俾我地，睇過後，姑姊要咗一個鮮海蝦 香辣扁意大利粉，而我要咗個烤美國頂級安格斯牛肉眼扒配呢個迷迭香汁 ，跟住俾咗嗰啲越南手信佢，因早排同啲朋友去咗越南行咗一轉，散吓心，過到去嘅時候感覺回到七十年代嘅中國，傾咗一陣侍應攞咗啲麵包放係枱面，我随手攞咗一舊食，麵包都好 柔軟一啲都唔硬，跟住 鮮海蝦香辣扁意大利粉先到，我同姑姊一同分享咗少少，蝦都好大隻，意粉軟硬適中，辣味中等，配搭得唔錯，有越食越想食嘅感覺，我嘅 頂級安格斯牛肉眼扒都來，因為我要咗五成熟，切開入面有少少生，啱晒我，配埋呢個迷迭香汁簡直無得頂，唔經唔覺都座咗成個鐘，姑姊 都有啲攰係時候埋單，咁耐冇見梗係我俾啦，下次再傾。