Backyard (已結業)

唔講都唔知，原來愉景新城附近都有幾多唔錯嘅西餐廳。今日同朋友黎Backyard食晚餐🤤高係8咪半地下，環境清靜舒適，岩曬同朋友一齊黎聚餐。首先店員會奉上餐牌及麵包。蒜香白酒車厘茄煮蜆，用個汁黎蘸包真係一流😆蒜蓉包香脆，味濃，非常好食。而蜆我覺得未算特別鮮甜，白酒味再濃啲就更好。蜆肉都幾大隻，而且有白酒同茄香。我最愛芝士蕃茄薄餅😛口感香脆，芝士濃而不膩，我可以一口氣一個人食半個👍🏻份量都幾大份，適合2-3人分享。芝士味十足。黑松露牛肝菌意大利飯，醬汁濃郁，但食到最後就比較膩。香蕉奶昔，甜度適中。另設有set menu。

朋友最近新屋入夥,要買大量既家俬，就比佢捉住左成日行來行去，揀來揀去~尾站就系IKEA，已經攰到像狗一般。陪朋友行街當然都要屈佢請食飯，頹食IKEA或者大快活，當然太便宜左佢，近近地見到BACKYARD既簡約裝修，價錢都相當OK，就捉左佢入來依間餐廳，好好甘食佢一餐。餐廳裝修同門口差唔多，以簡約工業風做主題，全店以白色、木色同綠色為主，我地去既時間系晚飯時段，餐廳好貼心甘特意將燈光較暗，營造一個好舒適食晚飯同朋友閒聊既氣氛，同朝早有相當唔同既感覺。我地今次叫左，蒜香白酒車厘茄煮蜆 $148，蜆同白酒系一個好Match既配搭而我個人唔太傾向酒味太濃，怕搶走蜆既鮮味，餐廳既白酒煮蜆配合剛剛好，食到蜆肉時，只有淡淡既酒香，仍然保留到蜆肉既鮮甜，同埋好建議大家食依道菜先，將蜆同白汁混合而成既汁醬，放系蒜蓉包上面一齊食~味道相當好！黑松露牛肝菌義大利飯 $148，義大利飯最常見既煮飯有兩種，一系蕃茄一系忌廉/芝士同牛油，如果忌廉/芝士同牛油既話我個人喜好，系配菇菌類~特別系牛肝菌，因為牛肝菌既香味相當獨特，系其他既菇菌類做唔到的，再加埋依間餐廳煮得好食~簡直系錦上添花！軟殼蟹泡菜竹炭漢堡配薯條

四色芝士PIZZA@Backyard 早幾日同老公去IKEA行街，拎住一袋二袋就順便係樓下食D野先返去，下面就開了一間Backyard CAFE，價錢不貴而且裝修又舒服，便入去試下啦 餐廳空間感超大的! 門口的工業風裝潢 我們被安排坐在窗口的位置，外面的景色頗美的 晚上7點左右，餐廳已經坐了8成滿，但空間感高，仍可以靜靜地傾計食飯 送的餐包好有質素! 可散點或叫SET 散點的話大約是百多元一個MAIN COURSE再加一，西餐來說是好合理了 店長叔叔推介了我們點這個BBQ RIBS$168 份量真的很驚喜! 足足有六支骨，而且配菜也很豐富，包括了薯條和沙律 燒肋骨好入味，甜甜酸酸香噴噴，而肉質好嫩滑，多肉但又不肥膩 薯條一大藍，炸得外脆內軟一定夠飽。 魚夫之堡$128 份量也是很多，也包括了一份薯條，故名思義就是魚柳包啦!入面還有厚厚一片芝士和大量的火箭菜，食起來味道豐富而不油膩 入面的魚柳厚到一個點!!!上面的酸瓜好醒胃 四色芝士PIZZA$148!!芝士控必點呀! 看起來好似沒有什麼特別，好似淡淡地咁，但味道實在超越想像!每一口都是勁濃香的芝士!

同朋友仔行完街又唔算好餓一齊食個early dinner叫左一個藍青口配蕃薯條同廚師精選套餐藍青口雖然比較細隻但肉質幾鮮甜，煮得嫩滑蕃薯條沒有另上，但放在藍青口上也不至會因沾汁而淋晒，幾脆口，也有蕃薯的甜香，不錯！今晚的廚師精選是澳洲牛排配迷迭香汁我地選了五成熟先上餐湯我們要了蔬菜湯味道不錯，不會太濃，蔬菜很多！頭盤是炸海鮮春卷配莎莎醬春卷的饀料也挺豐富用酸甜的莎莎醬取代公式化的沙律醬或泰式酸辣醬，有點小心思！牛排來了比五成生了一點，但慢慢吃，等餘溫慢慢烤進中心，也是可以的肉質很淋滑，外層有點炭焦香味，很不錯！旁邊的南瓜蓉和炒香的雜菜，也很美味！甜品我讓了給朋友是野莓蛋糕說糕體也綿滑，但果香可再加強一點和朋友在這聊聊天，吃晚餐也很不錯！

今日同男朋友嚟荃灣，見到呢間個feel都幾唔錯就入咗嚟，餐牌上嘅食物都算多種類，價錢都唔會話好貴。叫咗食物後，店員會攞一盤麵包，配埋黑醋同橄欖油。麵包微暖，有唔同款，麵包好香好好食，黑醋比平時嗰啲更甜，我自己就好鍾意，最後仲問咗店員加包添～餐湯係青口蘆筍湯，感覺幾得意，同平時飲嘅不同，飲落會有少少蘆筍口感～烤美國頂級安格斯牛肉眼扒配迷迭香汁，3成熟，賣相都幾靚，好香，亦都感受到佢嘅肉汁，估唔到呢度都好貼心連個碟都預熱咗，免得食物好快凍晒！All Day Breakfast，用煎pan 上，食物款式有好多，最特別係佢嘅紅菜頭多士，好新穎，擺耐咗都唔會淋晒，仲係好脆！黑松露炒蛋加咗大量黑松露，不過蛋稍為過熟，如果半生熟炒蛋會更好！我哋仲加咗$98 任飲紅白酒，職員時不時都會主動嚟問加唔加酒，都幾抵飲！

今晚約左朋友仔行宜家行完喺附近揀左間西餐試下一坐低就送上麵包籃都幾多選擇！叫左一個套餐加一個pizza餐湯揀左紅湯其實都唔算係紅湯因為茄味不濃反而像是意式蔬菜湯，因為好多料頭盤係炸海鮮春卷配芒果莎莎醬春卷幾香脆芒果莎莎就幾fresh，酸酸甜甜，幾開胃主菜要左慢煮牛肋條醬寬條麵感覺似肉醬寬條麵，因為牛肋條都好碎，混在醬汁中味道唔錯Pizza 揀左傳統嘅紅薄餅margherita批底都做得幾薄脆而且份量好多，我地兩個都食唔晒😅跟餐仲有甜品今晚係raspberry cake味道中規中矩啦

今日和太太往荃灣Backyard 食semi buffet lunch, 我們點了卡邦尼意粉和烤朱鞍架配雜莓汁。卡邦尼意粉上桌時熱辣辣, 意粉爽口, 忌廉香滑, 芝士味濃, 煙肉鹹度十足；烤朱鞍架配雜莓汁賣相吸引, 朱鞍架食落啖啖肉, 肉質嫩滑有油花, 配上香草能帶出朱鞍的美味,雜莓汁酸甜度適中, 食落感到開胃, 配菜有荷蘭豆, 車厘茄等食落新鮮爽口, 烤薯仔食落爽脆美味, 整份烤朱鞍架配雜莓汁食落惹味, 口感大滿足；餐廳的自助美食有漢堡扒, 香腸、煙肉、炒蛋、薯仔沙律、炸薯餅、羅宋湯、忌廉海鮮湯、提子鬆餅、朱古力蛋糕、朱古力噴泉和蜜瓜等, 漢堡扒, 香腸和煙肉煎得爽脆惹味；炒蛋炒得香滑；薯仔沙律食落開胃；羅宋湯飲落開胃, 甜度適中；忌廉海鮮湯飲落重滑, 味道香濃；炸薯餅炸得金黃爽脆；提子鬆餅食落口感鬆軟, 提子味道香甜, 口感美味；朱古力蛋糕味道香濃；朱古力噴泉甜度適中, 配上棉花糖口成美味；蜜瓜食落鮮甜味美；最後我點了一杯凍卡布奇諾, 職員好細心, 建議說可不用飲管攪拌和加糖試試味道, 卡布奇諾飲落香滑, 咖啡味濃。餐廳座位闊落舒適, 好似去了小綠洲似的, 餐廳食物美味, 份量十足

荃灣呢間餐廳brunch buffet $88超抵食！環境非常舒適，真係恍如置身後花園。食物選擇款式唔算太多，但幾健康！有各式各樣嘅沙律菜，仲有藜麥。藜麥膳食纖維非常豐富，澱粉質含量低，夠哂健康！除咗沙律菜，餐廳亦照顧到中意食肉嘅朋友需要。有雞飲、串燒、肉丸、腸仔。值得一提嘅係串燒除左有雞肉串燒，仲有雞腎，非常爽口，好味呀！估唔到$88既價錢都有炸魚薯條食！平日一碟炸魚薯條都過百元，食番夠本話都無咁易呀！除左炸魚薯條，仲有pizza，但夾哂之後唔見有refill了！甜品區同樣精彩，有各式各樣小巧嘅甜點。另外仲有buffet必備既朱古力噴泉添！朱古力控就岩哂喇！除此之外，仲可以自製窩夫。四分鐘有得食！非常簡單好味！窩夫製很香脆呢！

荃灣大型傢私店附近有更多的餐廳進駐，今天到了這間吃西餐的餐廳，餐廳位於大厦入面，但是裝修別緻，環境放鬆。我們點了個餐，有一個非常豐富的前菜，風乾火腿哈蜜瓜沙律，及雜菜湯。以拼盤形式呈上，非常漂亮。其中風乾火腿夠乾身，吃落與哈蜜瓜相襯，鮮味十足，十分推薦。面層仲有哈蜜瓜汁鋪係上面添。至於雜菜湯就味道清甜，係唔錯既開胃之選。主菜係烤澳洲牛柳配乾蔥紅酒汁，澳洲牛柳經調味後夠晒入味，用料豐富，口感軟滑，啖啖牛肉味，加上乾蔥紅酒汁與其非常合襯，仲有裡面既牛肉汁精華流左落去配菜度，實在美味。另外值得稱讚的主菜是這個海蝦扁意粉配香辣車厘茄忌廉汁，意粉煮得非常彈牙，我不喜歡吃港式軟林林的意粉，而且蝦汁濃淡適宜，非常掛麵，整個意粉都非常好吃，加上上面一隻隻大大的海蝦，與車厘茄煮過之後肉質彈牙，仲好入味，性價比10分高，令人越食越開胃呀。

荃灣8咪半開左ikea 之後好似愈黎愈多野食，呢日拍拖行完傢俬就黎左backyard 到食野backyard 係ground floor, 望落都多位，不過我地無book所以得返角落位，中間有一個大family 開緊party. 間隔上其實俾二人dating or family gathering 都唔錯menu 好多野簡，不過dinner set 好似抵食d 又salad 又湯又dessert, 最後決定一個set dinner 加rips沙律好有心思，同平時set salad 一堆菜有分別，上面係有新鮮哈蜜瓜打成既果泡，口感豐富；配合埋個parma ham 既咸香，as a starter 滿分之作是日餐湯係豆蓉菜湯，口感棉密配上唔同口味既麵包藍最鍾意底下個黑色包，好香簡左是日廚師推介，係牛肋條risotto食落似平時d 匈牙利煮法，我俾滿分因為牛又冧又香個濃忌廉湯係好味到不得了，我同男朋友要爭食另外叫左個ribs $168好大件仲包side chips and salad.我本人唔係太好ribs, 不過男朋友食得幾開心薯條係新鮮炸同食得出係fresh potatos好滿意甜品就不

話說本來約咗朋友晚飯去食中東菜, 點知間嘢執咗!醒起坐車成日見o既大廈翻修完就訂位去試吓!入到去見環境舒適配合柔和音樂, 剛好我地4個人又有卡位坐。大家二話不說就叫嘢食。首先講Fish & Chips 值得一試一籃有幾件魚柳!魚柳夠厚身又脆又唔油,  薯條炸得香口。魚柳比起倫敦食過o既唔會油, 係唔夠人地大件, 反而鐘意佢呢間夠乾身唔會油淋淋!再黎叫咗個 香菇辣肉腸薄餅, 個名唔太記得 佢係薄批但都夠4個人食! 初時以為佢唔多饀, 但原來足料, 香菇芝士同肉都分配均勻。我地仲食咗兩個 Risoto, 分別係, 黑松露香草 同三文魚子帶子,唔記得影相!兩客飯都足料,啲飯唔會太淋唔會太creamy 適合喜歡較清淡o既朋友! 松露都鋪兩塊喺面好香, 帶子嗰個都有兩件唔係求其俾件細隻。總結呢間整體服務同食物質素唔錯, 環境舒適, 啱哂三五知己、兩人聚餐。想靜靜地同朋友食飯傾計o既可考慮呢間。

行完ikea後意外發現到哩間西餐廳，環境幾有氣氛，野食都好唔錯，朋友見我ig story 左都問我哩間係咩。餐廳喺商場地面果層，用左落地大玻璃，燈光教暗左，有feel。肉醬意粉 $108發覺好耐冇食哩款經典意粉，黎到見到就好想食。見到好多肉醬已經忍唔住即試，好好味呀，好耐冇食過既味道，意粉煮到彈牙唔易斷，火速清光碟意粉，係連所有肉醬都清左。紅菜頭田園三文治配薯條 $98見到粉紅色咁特別又想食薯條就叫左，係靚既，好中意個包軟熟，夾左火戰菜、芝士、火腿、蕃茄，用料清新，但好飽肚的。薯條炸到金黃色，好味！香煎雪魚配黑松露野菌汁 $228中意哩碟既汁，用左黑松露，魚煎得香脆，配焗薯同幾款蔬菜，食魚係健康嫁，特別女士們要多食。食飽後繼續行隔離既商場，下次黎開哩頭都會再黎幫襯。

據聞呢一間食意大利菜嘅西餐廳係非常之高水準，所以肥妹仔我就同同事入去試下啦!首先入到去試映會畀一籃麵包畀你，入面有啲黑炭麵包，麵包棒同埋普通嘅法包，配上一點黑醋畀你點 ， 麵包好香麥味，點上黑醋好好食。Bbq醬豬肋骨  $168後呢我哋望咗menu之後呢決定嗌四樣嘢，第一就係醬燒bbq豬肋骨。bbq豬肋骨係一嚿好大嘅豬肋骨，配咗啲薯條同埋一啲沙律菜。嗰啲豬肋骨肥妹仔我諗應該焗咗好耐，肉質嫩滑，一撕開就可以肉骨分離，非常美味。鴨肝醬闊條麵  $148再嗌多個鴨肝醬雜菌闊條麵，鴨肝醬一啲都唔腥，啲醬打得好滑，釀住每條闊條麵食，落去個口感非常非常之順滑。肉腸雜菌pizza  $138同埋要咗個肉腸雜菌pizza，首先嗰pizza一上到黎仲係好熱，所以芝士有拉絲嘅感覺，好香香草味，食落去每啖都充滿咗菌嘅鮮味同埋餅底個香味， 但係又唔會好單調，淨係得野菌冇肉，佢嘅肉腸亦都好好食，唔會過鹹。肉眼扒  $288見到有個牛扒好吸引，再嗌多個安格斯牛扒，我哋嗌咗五成熟，呢個牛扒嘅成餐之中最吸引嘅!食落去個口感非常之軟淋，牛香味十足，每一啖牛扒嘅肉汁喺你個口度爆開，超級滿足。

呢間餐廳係朋友推介，佢十分之推介自助brunch，不過我哋呢一日係食dinner！dinner係單點或跟套餐，價錢相對較貴。估唔到今日星期日人流都咁多！跟餐分別送沙律和湯品。風乾火腿哈密瓜沙律都幾有份量，火腿的味道剛剛好，不會太鹹。密瓜粒邪頭帶一些密瓜泡沫，非常特別呢！有紅湯白湯的選擇，我們選擇了紅湯—雜菜湯，味道酸酸地，開胃一流。香煎三文魚配藏紅花刁草汁（套餐價$268 ），三文魚扒的外皮煎得香脆的，非常好吃。配上粟米、西蘭花、車厘茄等等的配菜，非常推介迷你焗薯仔。朋友叫左單點：三文魚子帶子意大利飯$208，香濃的忌廉味，加上軟硬適中的意大利飯（飯粒偏軟身），是我喜歡的質感。最後一款主菜是烤BBQ豬肋骨配沙律菜薯條$168，整體味道鹹咗一啲，應該是BBQ醬汁的關係吧！但是肉質非常軟熟，吃得津津有味。薯條幼身，炸得金黃香脆。跟餐的甜品Cake賣相很精緻，味道不算很甜！餐飲這間餐廳的食物質素不錯，但是燈光稍為昏暗了一點，在晚餐中帶一點浪漫吧！

尋晚肥雞同老友去咗荃灣8咪半一間餐廳叫做backyard , 嗰日星期五但係環境都唔算錯咗好多人所以坐得好舒適 一落到去試驗即刻畀咗一蘭麵包畀你配埋一啲橄欖油同埋醋 肥雞好鍾意食嗰啲好香脆嘅麵包條 肥雞同朋友嗌咗 醬燒bbq豬肋骨 芝士雜菌pizza 鴨肝醬雜菌闊條麵 同埋安格斯牛扒 肥雞真係不得不讚呢一間餐廳非常之有水準 安格斯牛扒買咗五成肉質非常之嫩滑啲配菜焗薯覺得好香脆可口啲牛肉嘅肉質非常之鮮味每一口都充滿油香 另外個鴨肝醬 闊條麵 或肥雞真係食得好滋味嗰隻鴨肝醬一啲都唔腥 背住嗰啲闊條麵入口非常之順話 至於嗰個bbq豬肋骨焗得非常之軟透豬肉好嫩滑 最後就係嗰個雜菌芝士pizza餅底好薄襯衣食嗰陣時有啲芝士有拉絲嘅感覺 總括嚟講呢覺得呢一餐係非常之高水準